|
|
|
 Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
نحن دي قاصد بيها منو ؟؟ انت وعبد الرازق الطالب ومن لف حولكم
المحترم علاء حيمورة
سلامي وأحترامي لكم . ومجهودكم المقدر في حملة أخوتنا
وتقديرنا الي كل من ساهم في العمل الأجتماعي النبيل
نعم قامة هذة الحملة وكنا أول المشاركين والمتبرعين
من أجل أخوتنا الذين شردو من قراهم الأمنه بفعل الجبناء ومصاصي الدماء؟؟؟
وكنا أكثر حماسة لهذة الحملة ولاكن حصلة بعض التجاوزات المقصوده والتجير للعمل الأنساني.
أخي أحمد حنين أكثر المتحمسين والمشاركين له منا الشكر ويعلم أبتعادنا كأبناء غرب عن الحملة
أخي دنق لك مني السلام بعدين يأخي أتهام غريبة شي طبيعي جدايصدر من (المتعشنقين)
أخي هلب ول أبا تحياتي التربية الوطنية واللة محتاجنها ؟؟؟؟؟؟؟؟؟؟؟
لكم ودى وأحترامي
شطة
| |
 
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
الاخ الحبيب علاءالدين
السلام عليكم ورحمة الله..
اطلعت على البوست بتمعن شديد واكشفت شيئين مهمين للغاية..
- بورداب الرياضة ضربوا أروع الامثال في الوطنية ونكران الذات وستحقوا حقيقة التكريم من كل بورداب العالم.
- ان عبدالرازق الطالب مريض نفسياً..وفي قلبه غشاوة..يحتاج منكم بورداب الرياض إلى حملةعلاج عاجلة على نمط حملة وليد دارفور.
حتماً سأعود..
عبدالرازق الطالب..ما قلتوا نوبة..؟؟.
| |
|
|
|
|
|
|
|
|
 Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
Quote: 
الحبيب / عبدالرازق الطالب إنت الخواجة أبو لغلغ الفى زاوية صورة الخليفة
ول تورشين ده مش برضك ( تشرشل ) وله أنا غلطان ؟ |
بالضبط..
هو اللورد تشرشل صاحب كتاب حرب النهر الذي أضل جيلاً كثيراً..
«حرب النهر».. رواية تشرشل «العنصرية» لقصة احتلال بريطانيا للسودان
وصف أهل السودان بأنهم «أعداء الله».. وأقر بأن المهدي قائد الثورة المهدية «أعظم أبطال عصره»
Quote:
رئيس الوزراء البريطاني السابق ونستون تشرشل السياق التاريخي للسودان حين كان خاضعا للسيادة العثمانية ومجيء القائد البريطاني تشارلز غوردون باشا ليكون حاكما للسودان 1875 ـ 1879. وقد صدرت له حديثا ترجمة عن دار الشروق بالقاهرة بعنوان «تاريخ الثورة المهدية والاحتلال البريطاني للسودان» في 471 صفحة كبيرة القطع بقلم السوداني عز الدين محمود.
وحرب النهر المقصودة هي ما يعرفه البريطانيون بـ«معركة أم درمان» نسبة الى العاصمة الشعبية السودانية وما يعرفه السودانيون بـ«معركة كرري» نسبة الى جبل كرري (11 كيلومترا شمال أم درمان) الذي شهد أحداثها في الثاني من سبتمبر (ايلول) 1898. في هذه المعركة انتصرت القوات البريطانية بقيادة هوراشيو كتشينر على قوات الثورة المهدية في عهد عبد الله التعايشي، الذي خلف محمد أحمد المهدي، وبدأ بعدها الاستعمار البريطاني للسودان. |
فيك الفراسة..
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: A.Razek Althalib)
|
لا إله إلا الله سيدى محمد رسوالله والله أكبر ولله الحمد تصدق يا حبيب بعد صورة
معركة النهر الفوق ديك والصورة دى والله الواحد شالتو الهاشمية ودمو بغلى
ياعمى الأحباب ديل هم انصار الله أما الشهادة أو النصر الله أكبر ولله الحمد
معلومة :
قالوا يا أحباب غردون ده
أحد أعظم قادة الامبراطورية البريطانية
التى لا تغيب عنها الشمس وقتهاإستعانت
به بريطانيا وأتت به من الهند لما له
من حنكة لتاديب أهل السودان العظيم
وإذابراسه يحمل فى خرقة بالية منتهية
سعى بظلفه ليلقى حتفه الله اكبر ولله الحمد
...
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: ادم الهلباوى)
|
الاخ علاء الدين
تحياتي
اول مرة اقابل بورداب الرياض عندما دعاني صديق لمرافقتة لمشوار قبل مرورنا بارتباط مفروض نمشية
ذهبت معة لاسمع واري بدهشة بالغة شباب وشياب بنات ونساء ليس بينهم غير دارفوري واحد (هو ادم الهلباوي الذي كنت اجلس في الطاولة التالية لة في كرامة خالد المحرب) يجمعون تبرعات لابناء دارفور فلمست واحسست منهم بصدق النية ورغم انني لم اشارك بالحملة باي مجهود الا انني ارتبطت بهم منذ ذالك التاريخ وسعيت للحصول علي العضوية عن طريقهم.
علاء الدين حيمورة
الكلاب تنبح بدون ان تتبين هوية القادم فاترك من ينبح هلي هواة
وشكرا علي مجهودكم فالقصد كان لوجه الله والحمد للة
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: الزبير صالح الزبير)
|
اخي الزبير صالح Quote: ذهبت معة لاسمع واري بدهشة بالغة شباب وشياب بنات ونساء ليس بينهم غير دارفوري واحد (هو ادم الهلباوي الذي كنت اجلس في الطاولة التالية لة في كرامة خالد المحرب) يجمعون تبرعات لابناء دارفور فلمست واحسست منهم بصدق النية ورغم انني لم اشارك بالحملة باي مجهود الا انني ارتبطت بهم منذ ذالك التاريخ وسعيت للحصول علي العضوية عن طريقهم.
|
وهاهو ادم الهلباوي ينكر انه شارك الى نهاية الحملة ...
والحمد لله كل البورداب كانو ولا زالو لا يريدون شكرا من احد وانما كان عملهم بنية خالصة
لوجه الله والدليل على ذلك وعندما تكللت مجهودات الاخت خالدة البدوي بتبرع العثيم بحليب
سائل طويل الاجل .. اقترحت انا ان يباع ويستفاد من قيمته في بطاطين او اي اغراض تصلح
لزمن طويل .. رفض البورداب تلك الفكرة بسبب انها قد تدخلهم في اشكال بيع واستلام مبالغ
نقدية تثير الشبهات التى هم في غنى عنها ..
شكرا لك اخي الزبير ونحن في البدء كنا نريد ان يسكت تمثال عبد الرازق الطالب ومن لف حوله
ولكن ان يصر على ان البورداب بنفذو في اجندة صهيونية اسرائيلية فهذا ما نسعى الى ايقافه
بواسطة المحكمة ..
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
معلومة :
قالوا يا أحباب غردون ده
أحد أعظم قادة الامبراطورية البريطانية
التى لا تغيب عنها الشمس وقتهاإستعانت
به بريطانيا وأتت به من الهند لما له
من حنكة لتاديب أهل السودان العظيم
وإذابراسه يحمل فى خرقة بالية منتهية
سعى بظلفه ليلقى حتفه الله اكبر ولله الحمد
يا هلباوي
سؤال مباشر :
من هو قاتل غردون ؟؟؟
لانو شايف اليومين دي الحصص تاريخ
بعد الاجابة ... لي حوار اخر
علي قول ود الطالب
اركز
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: ادريس خليفة علم الهدي)
|
نديك دي تصبيرة يا الحبيب ادريس...
لم يعرف قاتله فنعيم شقير يشير باصابع الاتهام إلى محمد ود نوباوي زعيم بني جرار، وحسب رأي علي مهدي مؤلف جهاد في سبيل الله يشير إلى شخص يدعى مرسال يعمل ببرقداير (أي حامل راية) اما ضرار صالح ضرار فيوجه الاتهام إلى رجلين من البجا، ويتضح من هذه الروايات إلى ان قاتل غردون لا يزال مجهولاً).
بس يا اخوي ادريس عبد الرازق مالو زايغ من موضوع البوست ؟؟؟
| |
|
|
|
|
|
|
|
|
|
Re: بسرعة يا خوانا ميكرفون و ساوند و طاولة دايرة أعقد مؤتمر صحفي هنا بالصور (Re: ادم الهلباوى)
|
عزيزى القارئ لا تظن ان أصحاب الجبونات هؤلاء اسكتلنديين أو إنجليز بل بعضا من السودانيين الذين كانوا يخدمون الفلول الغازية ويساندونهم بل ويساعدوهم على بنى جلدتهم ولا تخلى قاعدة من شواذ وشتان شتان ما بين المستنقعات النجسة والماء الطهور وشتان شتان ما بين هؤلاء وأؤلئك الأشاوس الا توافقنى اننا فى اشد الحاجة للتربية الوطنية حيث أن جدودنا زمان وصونا على الوطن الوطن الغالى الغالى الما ليه تمن ....
تنويه :
نتمنى من دورنا الأعلامية
أن يكون ذلك أحد أهدافها
من بين برامجها الوطنية
وأن يحظى بالأولوية والاهتمام
للوطن الغالى الماليه تمن
جدودنا زمان وصونا على الوطن
.....
| |
|
|
|
|
|
|
|
|
|
Re: بسرعة يا خوانا ميكرفون و ساوند و طاولة دايرة أعقد مؤتمر صحفي هنا بالصور (Re: ادم الهلباوى)
|
اخونا آدم الهلباوي
Quote: التربية الوطنية واجب وطنى ومطلوبة بإلحاح
|
يا سلام على كلامك الدرر .. لكن الحينا عليك الحاحا انك تجاوبنا اجابة مباشرة وانت بتتزاوغ
دحين ما واجب عليك تنورنا برؤيتك عن حملة وليد دار فور ؟؟
وللا نعمل بمقولة السكات رضا .. بمعنى صمتك عن الاجابة على هذا السؤال هو اتفاقك
في الرأي مع اهونا عبد الرازق ..
اخونا عبد الرازق كان شجاع جدا لما قال حملة وليد دارفور تنفيذ لاجندة صهيونية
غير ان دليله فقير جدا اذا كان يعتمد على مشاركة السنجك علاء الدين حيمورة كمستند
ادانة للحملة ...
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
يا علاء حيمورة كدى خليك من صهينة حملة وليد دارفور
انا في صهينة سودانيز اونلاين من الحاصل كلو
قبل اسبوعين وايام الكتاحة الشديدة بتاعة طرد المنظمات الاجنبية الدخيلة ، اشوف ليك في التلفزيون في الاخبار الاتحاد العام للمرأة السودانية واسهامهم في انقاذ سكان المعسكرات ، وناس الكاميرا ما قصروا جابو الحاجات الاتبرع بيها الاتحاد العام للمراة ، وعيني تقع على الاكياس الما بتغباني
يا ربي ديمش اكياسنا والا عيوني كعبات
اها بالمناسبة دي اكياسنا مشت وين؟
| |
|
|
|
|
|
|
|
|
 Re: بورداب الرياض وحملة وليد دارفور ذات الاجندة الصهيونة .. !!! (Re: د.محمد حسن)
|
Quote: | Quote: كان بحب ليك العصيدة بملاح الروب دى جنس حب !! |
إسم رقى :
النعيمية |
نعيمية بتاعت شنو ياخي..
الحنكوشة قالت ملاح بيج..
ياها قصة صاحب خرج الموية الإتفشي في حمارو..
بعد ما أداهو سوط قال ليهو "عرد ملاح روب اليقطع قلبك"..
حناكيشنا العينا شافتم ديل ديل إذا لمو في بلدو بلدو كان جابو أجلو..
وتقول لي برضو..
الله يرحم ود تور شين بس..
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: د.محمد حسن)
|
الدكتور / محمد حسن
تحياتي ليك يا راقي | Quote: اها بالمناسبة دي اكياسنا مشت وين؟ |
اولا انا متابع جدا مع الاخ هارون اسرم فقد اتصل بعض الاخوة من دارفور مؤكدين على وصول الدفعة الثانية من الحملةواستفادة المعنيين بها .. هنالك الدفعة الاولى والكل يعلم بوجودها داخل حظائر المطار وقضيتها مع الجمارك والتى لم تفلح مجهودات الاخ طارق الامين في فك الحظر عنها وارسالها ...
اتمنى ان تكون تلك الاكياس هي اكياس الحملة الاولى فالهدف هو وصولها لمتضررين بصرف النظر عن من هو المتبرع ..
لك كل الود
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: شول اشوانق دينق)
|
الغالي شول
الف تحية ليك يا رائع
Quote: كامل تضامنى مع بورداب الرياض
اخى علاء الدين جيمورة:
لا يصح إلا الصحيح
واصلوا فى الدرب والعايز يشتت الكورة ده خلوه اليشتت لمن هو زاتو يتشتت |
بالجد نحن ما بنلتفت لكلام عبد الرازق دا وما بوقفنا من الواجب لكن دا كلو عشان تاني ما يجي ناطي بكلام غير مؤسس ...
بما اننا في انتظار اجابة آدم الهلباوي .. ياربي يكون سمع ليه شيء ؟؟
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: ادم الهلباوى)
|
بسم الله الرحمن الرحيم
حملة و ليد دار فور ... مهما قيل عنها
هي بالجد حركت فينا ... بعضا من مشاعرنا الانسانية
و ادتنا دفعا ذاتية لنقدم لاهلنا ما تجود به النفس
دون خجل من ان ما قدمناه قليلا او قديما ....
فالاحساس بمعاناة الاخر .... و الوقوف موقف المتفرج
ادانا شعور بأننا مجموعة من البشر لا هم لهم الا جمع
الدرهم و الريال .... فكم كان محزنا .. ان نري
المنظمات الاحنبية تتسابق لدعم و اغاثة اهلنا في
دار فور و نحن عاجزون عن الحركة ... عم مد يد العون لهم
احساس بالعجز ... احساس بتأنيب الضمير .... احساس بالخجل
حتي عن الحديث عن معاناة اهل دار فور ....
حملة و ليد دار فور كانت فرصة لكل سوداني بالرياض ...
ليقدم شيئا و لو بسيطا للاهل دار فور ....
كانت فرصة لنستعيد احترامنا لذاتنا ..فرصة لنقنع انفسنا
بأننا اناسا صالحون بأننا بشر نحس بالام الاخرين ..
فرصة لنتصالح مع انفسنا ... بأننا قد قمنا ببعض واجباتنا
تجاه الوطن ...
اول عهدي بالقائمين على امر الحملة ... حيث شرفوني بأن
اقاموا واحد من اجتماعاتهم في ضيافتي باستراحة في مخرج
18 بالرياض يوم سماية ابني ( مجاهد ) الذي اكمل عامه الثاني
كانوا فعلا متحمسين و في حماسهم تحس بان الدافع انساني و وطني
اناس تحس فيهم الصدق و العمل لوجه الله تعالي ...
ان تبخس تلك الحملة و تربط بالصهيونية العالمية ... فيه شيء
من التجني ...
يكفي هذه الحملة ما فجرته من طاقات في نفوسنا و نفوس عوائلنا
و اطفالنا و قد كانت اول درس لهم في الوطنية ... و التبرع
و الاستغناء عن بعض حاجيات الطفل لغيره ... و كلنا يعلم كيف
ان الاطفال .. يبخلون بشيائهم الخاصة حتي عن اخوانه... فما
بالكم ... بأن يتبرع بها ... لناس حتي مابعرفهم ... الم اقل
انها كانت درس كبير و مفيد في التربيه الوطنية و الانسانية لاولادنا
ادم العمار
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: adam alamar)
|
شكرا ليك اخي آدم العمار على الحديث الطيب فقد كنت واحدا من الذين صنعوا الابتسامة
ونشهد لك بذلك ..
دروس الوطنية للذين فاتهم شرف الانتماء الى هذه الحملة وهم يرون بني جلدتهم في تلك الحالة
وشكرا وما قدمته اكبر فالاحساس بالغير هو عين الوطنية ...
اعتقد ان البعض ليس محتاج لفصول تدرس فيها التربية الوطنية بقدر هو محتاج لمحو امية ...
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: ادم الهلباوى)
|
| Quote: عزيزى القارئ لا تظن ان أصحاب الجبونات هؤلاء اسكتلنديين أو إنجليز بل بعضا من السودانيين الذين كانوا يخدمون الفلول الغازية ويساندونهم بل ويساعدوهم على بنى جلدتهم ولا تخلى قاعدة من شواذ وشتان شتان ما بين المستنقعات النجسة والماء الطهور وشتان شتان ما بين هؤلاء وأؤلئك الأشاوس الا توافقنى اننا فى اشد الحاجة للتربية الوطنية حيث أن جدودنا زمان وصونا على الوطن الوطن الغالى الغالى الما ليه تمن .... |
فلم هندي عديل كده
باركوها يا شباب
ادم الهلباوي
انت متاكد اللابسين جبونات ديل سودانيين ؟!!!!!!!!!!!!!!!!!!!
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: Amin Mohamed Suliman)
|
اخونا / العم امين
الف تحية
Quote: أخونا علاء ، سلام
عندي نصيحه لوجه الله بخصوص البوست حقك ده ، تقبلها من عمك أمين وله لا ؟ |
كيف يا عم امين ما بنقبل النصيحة ؟؟ نقبلها ونص لكن طبعا انا اصلا ما ساكي البوست دا عشان
متوقع انو عبد الرازق الطالب يجي بمستند وزي ما شايف هو واخونا آدم بلعبو ون تو لتشتيت
مقاصد البوست الا الكلام دا ببقى حار بعد شوية وخليك متابع معانا ...
ما سمعت اخوك ود الباوقة قال عيني للهدف ؟؟
وما عارف عبد الرازق راكز ؟؟
لك كل الود عم امين
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
الله يديك العافية يا علاء
ياخي الناس ديل ما عايزين يدوك سبب لنعت حملتكم المباركه بذات الاجنده الصهيونية لانو ببساطه مافي سبب و لا عندهم سبب ....فيا (زي ما الكيزان بيقولو) تحتسب سبكم و وصفكم ده لوجه الله (و هذا ما أدعوك له ) وله تمضي قُدماً و تمشي الظبطيه تشتكي أخونا ود الطالب ..... البوست ده بقى عباره عن تشتيت كورة و زي ما قلته وان تو
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: Amin Mohamed Suliman)
|
اها يا عم امين كمان اجيك من الاخر| Quote: وله تمضي قُدماً و تمشي الظبطيه تشتكي أخونا ود الطالب |
ودا الحصل وناس الزبطية زاتهم قالو لي ابقى عشرة على البوست دا ...
لكن انا اصلا في شان المكابرة دي بوصلها الحد .. وبما اني كنت بقدر الاخ آدم الهلباوي
لكن بكرة ما اشوفو في وفد الاجاويد .. ومحل رهيفة التنقد ..
وعميق شكري وحا اديك التفاصيل اول باول يا عم امين
تسلم يارب
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: الصادق ضرار)
|
أخونا الهلباوي ...سلام من الله عليك !
Quote: تصور أنا فى الدنيا دى ما عندى
غير معزة الإخوان راجع مداخلة الفنان حيمورة قال لك كنا بنرجع معاه بسيارته سوا تجى إنت تقول على كده !! ليه كده بس ؟! مع فائق الاحترام |
لانو يا أدم ، مستغرب و عشمان....
مستغرب في الانتا بتعمل فيهو ده ...يعني عبد الرزاق يشتت الكورة مفهومة شوية ...الراجل غلط في حق الناس و مأخذه العزة بالإثم ...لكن إنته بدل ما تنصحه يعتذر للناس دي (اللي هم أخوانك ، أولاد بلدك، و جيرانك ) و لا يجي يشرح ليهم ليه قال كده ، قعدت تشتت معاهو في الكورة ،منتهى الاستفزاز ، يعني أنا لو كنت من ناس الرياض ديل، كونته ح أزعل منك أكتر من ود الطالب ، ...
تصرفاتك و كتابتك في البوست ده عندها معنا واحد : إنك موافقو في كلامو ده , شي محزن في حد ذاتو....مافي زول بصدقو ....والله الذي لا إله إلا هو ، أنا بورداب الرياض ديل كلهم ما بعرف فيهم زول عشان تقول بجامل فيهم ...المسألة إنو ما ممكن يكونو الناس ديل كلهم شغالين باجندة صهيونيه !!
و عشمان فيك يا أدم ، لانو بقرا ليك ، اتفق و أختلف معك، و دايمن شايفك راجل rational و ما بتاع مهاترات ! فدحين يا أدم يا أخوي طفي النيران دي ، كان ولعت ما في صالح أي زول ......
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: ادم الهلباوى)
|
العم الكريم / امين
كتب ادم الهلباوي
Quote: أخى الكريم / الأمين محمد سليمان تحياتى يا غالى ليه كده بس يا أخوى تصور أنا فى الدنيا دى ما عندى
غير معزة الإخوان راجع مداخلة الفنان حيمورة قال لك كنا بنرجع معاه بسيارته سوا تجى إنت تقول على كده !! ليه كده بس ؟! مع فائق الاحترام .
|
وتصحيحا للفهم انا كنت بقصد الاخوان هارون اسرم وبعض الاخوة من دارفور هم الكنا بنرجع سوا .. لانو ادم الهلباوي في بداية البوست حاول يوحي للناس انو مافي اي شخص من دارفور شارك في الحملة ..
راجع بداية البوست ومداخلة ادم الهلباوي وردي عليه ..
ثانيا واضح مدى معزتك لينا من خلال مداخلاتك في هذا البوست يا العزيز ادم الهلباوي ..
وراجع ليكم
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
صديقي و أخوي علاء حيمورة..
والله يا علاء ما قايلك مقرم ( بتشديد الرام) قدر ده ..
قاعد في السعودية و مخاوي اليهود ..! أخوك قاعد في أمريكا و مالاقي لي يهودي
أعمل معاهو مصلحة و لا حملة لإنقاذ و ليد أم الطيور ..! لكن يا بورداب الرياض مبالغة جبتو اليهود ديل كيف و دعمتوا بيهم حملتكم..!!
أما علاقتكم بكتشنر وسلاطين باشا دي الما فاهما.. حقو ود الطالب يشرحها لينا و ومعاهو أخونا الهلباوي .. يكون دي إشارة لعلاقة بورداب الرياض بالسودان التركي الإنجليزي المصري? .. نشوف يا حيمورة يا الجدكم المك نمر!
مع تحياتي لكل بورداب الرياض على هذا العمل الكبير.. ( بالتعاون مع المنظمات اليهودية ورابطة أبناء الصحافة).
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: malamih)
|
الأخ الكريم / الأمين محمد سليمان تحية كبيرة
| Quote: لانو يا أدم ، مستغرب و عشمان.... |
لا تستغرب كثيرا وخلى عشمك فى محله والبورداب كلهم أحباب
ولا تعلى العين على الحاجب ومن أجل عين تكرم ألف عين
بس التربية الوطنية واجب وطنى وزى ما شايف هنالك جماهير
عايزة تعرف شئ عن تاريخنا المجيد اصلا ده السودان العظيم
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: malamih)
|
الصديق الوفي / عادل
Quote: صديقي و أخوي علاء حيمورة..
والله يا علاء ما قايلك مقرم ( بتشديد الرام) قدر ده ..
قاعد في السعودية و مخاوي اليهود ..! أخوك قاعد في أمريكا و مالاقي لي يهودي
أعمل معاهو مصلحة و لا حملة لإنقاذ و ليد أم الطيور ..! لكن يا بورداب الرياض مبالغة جبتو اليهود ديل كيف و دعمتوا بيهم حملتكم..!!
أما علاقتكم بكتشنر وسلاطين باشا دي الما فاهما.. حقو ود الطالب يشرحها لينا و ومعاهو أخونا الهلباوي .. يكون دي إشارة لعلاقة بورداب الرياض بالسودان التركي الإنجليزي المصري? .. نشوف يا حيمورة يا الجدكم المك نمر!
مع تحياتي لكل بورداب الرياض على هذا العمل الكبير.. ( بالتعاون مع المنظمات اليهودية ورابطة أبناء الصحافة). |
تعرف البسمع كلام عبد الرازق الطالب دا يقول انو الكفيل زاتو من يهود بني قريظة .. ياخ دي بلد ما فيها اي مجال لاي عمل سياسي ناهيك عن تواصل وتنفيذ اجندة يهودية .. والكلام دا في حد زاتو خطر على عبد الرازق وهو ما جايب خبر ..
يعني لو الحملة دي كانت في امريكا او بريطانيا او حتى الحبشة نقول اتعاونا مع الفلاشا ..
لكن خليك تابع مع اخونا ادم الهلباوي دروس محو امية التربية الوطنية ..
تسلم وعامل ليك رسالة
| |
|
|
|
|
|
|
|
|
 Re: بورداب الرياض وحملة وليد دارفور ذات الاجندة الصهيونة .. !!! (Re: ادم الهلباوى)
|
Quote: هل تصدق إنو الخواجة ده كان حافظ الراتب عن ظهر قلب
|
وهل تصدق بأن الصورة أدناه تخص سلاطين باشا وهو مدبج بالنياشين..
عندما تم تعيين البارون النمساوي ـ سلاطين باشا ـ مفتشا عاما للسودان من قبل اللورد كرومر..
وهو نفس سلاطين باشا البارون النمساوي الذي عينه اللورد كرومر مفتشاً عاماً للسودان ..
وهو نفس الشخص الذي حوله الخليفة عبدالله التعايشي إلى سليطين البقاري السوداني.
الصورة قبل ضريرة أم درمان..
فوق بسكينو وتحت بنياشينو..
السكين بمنقاشا..
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: علاء الدين حيموره)
|
Quote: دي المناظر يا اخوي الصادق ...
تابع وحا تستمتع |
الاخ علاء الدين حيموره
و الله اتمنى من كل قلبي انو يكون البوست دا فاتحة خير بينك و الاخوان ادم الهلباوي
و رجل المتاعب الطالب .
بس انا عندي سؤال خارج النص : ليه انحنا السودانين بنكره اسرائيل للدرجه دي ؟
بمعنى ليه يكون التعاون مع اسرائيل او الشيطان في عمل الخير مسبة ترفضها ؟
فيما غير ذلك , كلك نظر على حد قول الطالب و الدليل الموضوعية التي اتبعتها.
الاخ ادم الهلباوي
ذكر لنا استاذ مادة التاريخ ان الخليفة عبدالله التعايشي الزم سلاطين باشا و على دينار
ان يحضرا معه الصلوات الخمس على ان يكون سلاطين عن شماله و دينار عن يمينه فحين يقول :
السلام عليكم و رحمة الله يميناً يرى دينار و السلام عن الشمال يرى سلاطين . قبيل سقوط الخرطوم
هرب على دينار الى دارفور و استلم السلطة و تبعه سلاطين .
هل لك معلومات عن ذلك ؟
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: الصادق ضرار)
|
انت بتشجع من يا دكتور ؟
نيابة عن الدكتور أقول ..... بني وطنيون
خارج النص :
والله يا هلباوي
أول مرة اعرف انك تجيد دور الاراجوز .. وانصر اخاك ظالما او مظلوما (بفهم الجاهلية)
ولكن قول لك انت وودالطالب ((.........)ززززززززززززززززززززززززز)
والوعد المحكمة
كسرة:
يا علاء حيمورة .. أفوضك بان ترفع الدعوة نيابة عني .. يعني انا وانت
ويا ابورزقة اشرب ما تروي
| |
|
|
|
|
|
|
|
|
|
Re: بورداب الرياض وحملة وليد دارفور ذات الاجندة الصهيونة .. !!! (Re: الصادق ضرار)
|
الاخ الكريم / الصادق
الف شكر ليك وانت تتابع ما يجري
Quote: الاخ علاء الدين حيموره
و الله اتمنى من كل قلبي انو يكون البوست دا فاتحة خير بينك و الاخوان ادم الهلباوي
و رجل المتاعب الطالب .
|
تعرف من الاشياء السيئة جدا انه اصلا كان موجود الخير بمعنى ان العلاقات بين الناس كانت طيبة
ولكن رجل المتاعب حب ان يزيد المتاعب فوجد ان المتاعب قد تطاله وهو يرشق اخوته بالجملة ...
غير انه لم نكن نتوقع من استاذ التربية الوطنية وعلم التاريخ والآثار ( ادم الهلباوي ان
يقف مثل هذا الموقف ...
| |
|
|
|
|
|
|
| |
علاء الدين حيموره
خالد أحمد شطة
عماد شمت
khalid abuahmed
A.Razek Althalib
ادم الهلباوى
الزبير صالح الزبير
ادريس خليفة علم الهدي
lana mahdi
Amin Mohamed Suliman
د.محمد حسن
شول اشوانق دينق
الصادق ضرار
فيس بوك
تويتر
انستقرام
يوتيوب
بنتيريست