|
Re: بورداب الخرطوم داير أفتح البوست دا من زمان ... لكن خجلان (Re: انعام حيمورة)
|
انعام العزيزة
Quote: اغاتيو كان داير تشكرنا وشنو وشنو |
والله انتو شكركم ما داير ليهو بطارية
Quote: علا كان داير تتنونس معانا وتنزل صور الايام الحلوة والجميلة طوااااالي |
يا بت انتي حاوي ؟؟؟ الموضوع ونسة وصور إلا بس هي حاجة بتخجّل عشان كدا متردد
Quote: والله مشتاقة لي قهوة الصباح |
والله أنا أشد شوق ... تصدقي بالله ؟؟؟ أنا من رجعت منكم بطلت القهوة
Quote: والتلتلة ما بين عفراء مول والمكتب .. (ههههههه) |
في داعي يعني ؟؟؟
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: علاء الدين يوسف علي محمد)
|
Quote: ياتو يا قريش كان داير تعمل زي غريبة النّشاوِر ود الباوقة أول |
انت ما سمعت ؟؟؟ ود الباوقة ما نكرو حتى قال ليهو (تبقبق اضنينك)
الموضوع ببساطة أنا لمن جيت الخرطوم ولاقيت الناس هناك (الناس الحلوين بورداب الخرطوم) ومعاهم الضيوف الكانو هناك في الفترة ديك (بورداب برضو) كانوا ما شاء الله وعيني باردة كمية كبيرة أها في ناس عرفتهم وناس ما عرفتهم وناس عرفوني بانفسم ناس متذكرهم وناس نسيت اسماءهم (ودا المخجلني) مش عشان هم ما مهمين ، لكن الناس كترو عليّ وأهلنا قالوا الكترة غلبت الشجاعة
أها قلت أنزل بعض الصور ونتعرف كلنا عليهم أنا وباقي البورداب عشان لما يجو لي عند كرمكم الفياض يعرفوا بعض ... أها قلتو شنو ؟؟؟
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: صلاح أبودية)
|
Quote: مالك ؟ ما متذكرنى صاح؟ ما تخجل !! طيب .. فى بيت بكرى أنا كنت لابس جلابية بيضة مكوية ! ولابس نضارة طبية! صورتنى مع بكرى .. ومع ناس بحرى .. ومع مصطفى السنى ! أفتكر سهلتها عليك كتير ! |
أها يعني هسي في احراج أكتر من دا دا الكنا خايفين منو ذاتو يشهد الله ما متذكرك ولا بعد وصفك دا ... لكن دورك ح يجي بس تابع معانا وح نبدأ بصور بيت بكري
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: صلاح أبودية)
|
Quote: خلاص خلينى آخر زول ! جيب لينا صورة وهبة عشان قربنا ننسى شكلو ! ــــــــــ مع الإعتزار للأغنية ! |
ح نمشي بالترتيب حسب الحضور الى بيت بكري طبعا ح أنزل كل الصور حتى الناس الأنا بعرفهم عشان احتمال في ناس تانين ما بعرفوهم وبكونوا لاقوهم وهاك يا ونسة ويا ضحك وهسي كان سألتو من اساميهم تلقاهو ما ناقش الحبة
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: عمر التاج)
|
Quote: ما دام جابت لها صور أفتح يازول ولا تخشى في الله لومة لائم |
خلاص اتوكلنا على الله
Quote: بتاع اخونا غريبة شكلو ما كان فيه صور كلام ساكت |
والله غريبة حركتو ما حلوة يشهد الله أنا من يوم بوستو داك بقيت لما أعاين لكاميرتي تجيني رجفة وبقيت محتار ... ياربي تاني بقدر اصور ؟؟؟ ما المثل بقول (أولاد الحرام ما خلو لي أولاد الحلال حاجة) والموضوع دا واجعني جنس وجع
Quote: يازول ما تخليها مستورة |
هسي ما قلتو نوبة
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: معتز القريش)
|
Quote: والله غريبة حركتو ما حلوة
|
معتز يا اخوي حاشاك تكون زي غريبة لكن ربما تنزل الموضوع ده بزاوية تراها انت ما فيها شي وربما يراها الاخر فيها حاجات كتيرة (بردايم الناس يختلف لنظرة الموضو) ومنها والله الناس واقفة بسكاكينها هنا وتوفك وشوتك وعووووك وكواريك وكواريك ما بتحلك دحن يا اخوي قبل ما تنزل الموضوع امن موقفك كويس وبعدين اتوكل... وكدي شوف موضوع سنهوري مع ارزبيلا ولى اسمها منو ماعارف اسم كده غريب علي ما درسونا ليه....
وفي الختام قايتوا انا من باب الصمود بكون شايت معاك ... اهـــا اتوكل ... بس امن لي موقف كيكي ما اجدها فرصة وابشع بيك..
تحياتي
الامين
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: elameen)
|
Quote: معتز يا اخوي حاشاك تكون زي غريبة لكن ربما تنزل الموضوع ده بزاوية تراها انت ما فيها شي وربما يراها الاخر فيها حاجات كتيرة (بردايم الناس يختلف لنظرة الموضو) ومنها والله الناس واقفة بسكاكينها هنا وتوفك وشوتك وعووووك وكواريك وكواريك ما بتحلك دحن يا اخوي قبل ما تنزل الموضوع امن موقفك كويس وبعدين اتوكل... وكدي شوف موضوع سنهوري مع ارزبيلا ولى اسمها منو ماعارف اسم كده غريب علي ما درسونا ليه....
وفي الختام قايتوا انا من باب الصمود بكون شايت معاك ... اهـــا اتوكل ... بس امن لي موقف كيكي ما اجدها فرصة وابشع بيك..
تحياتي
الامين |
تشكر آآاللمين آآآخوي على حسن ظنك وبيني وبينك كلامك صاح ... إلا بورداب الخرتوم ديل ناسا سمحييين وزينييين وما عندهم جنس الحركات دي
وشكرا على صمودك مع أخوك
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: المر)
|
Quote: ود القرش انا الزول دة كايسو وبعرفو....بس لسة صقير بلغ تحياتى ليهو لغاية مايعرفنى؟؟
شوفتو مرة فى التلفزيون...زماااااااااااااااااااان
تشكر ياود القريش ياجايب الرايحين |
المر هوي أمرق من البوست دا دا بوست عوائل وكدا بلاش تشكر يا ود القريش بلاش كلام فاضي معاك
عموما مرورك أسعدنا بس تاني ما تكررا
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: Amira Elsheikh)
|
Quote: yessssssssssssssssss he is samuel
salaaaaam ya shabab |
أهليييين يا بت الشيخ ... شكرا على التأكيد أها ديل أنا بعرف منهم واحد انتي بتعرفي التاني ؟؟؟
1- علي اليمين ... بالجلابية البيضاء المكوية الوجيه عبد الوهاب الحاج (وهبة) 2- ...................................................................... ؟؟؟؟
يلا يا شباب همتكم معانا .... الصور كتيرة (خلاس)
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: Manal Awad Khugali)
|
Quote: معتز القريش
انت كيفك وكيف اي حاجة
انااعصابي بايظة- وانت طبعاعارف السبب-
لكن عارفااااااك ما بتقصر |
يا سلاااااام ياااخ أحب ابو أعصابك ذاتا يا أخي أنا لو عارف البوست دا ببوظ أعصابك وبجيبك داخلة هنا والله ما كان خجلت كان فتحتو من زمااااان وزمان أوي كمان
كيفك يا منال مشتاقون وربنا ينصرك ان شاء الله
يا زولة لا تبوظي أعصابك ولا حاجة خليك طبيعية أخوك أخو أخوان وأخو أخوات (بس برضو مصر على الرشوة) مش زمااااان أنا قلت ليكم انتي وانعام (أنا مرتشي)
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: ذواليد سليمان مصطفى)
|
ياخي بالله بطل حركاتك دي .. ياخي برانا مرضانين ما تمرضنا زيادة ، هسه انت ما شايف كيكي ده مرضان ورجوله ما بتمشينه ... عايز تجيب ليه جلطة كمان ... ياخي بالله عليك الله أعقل ياخي صور شنو ياخ البتنزلا ياخي خاف الله فينا ياخ ... عالم تحب الـ .................... ، غايتو الله غالب ياكيكي لو زماااان سمعته كلامي ده كله ما كان حصل ....
معتز مشتاقين ياخ .... بطل حركات .... بالله نزل صور منال دي كلها هنا ...
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: عماد محمود علي)
|
Quote: ياخي بالله بطل حركاتك دي .. ياخي برانا مرضانين ما تمرضنا زيادة ، هسه انت ما شايف كيكي ده مرضان ورجوله ما بتمشينه ... عايز تجيب ليه جلطة كمان ... ياخي بالله عليك الله أعقل ياخي صور شنو ياخ البتنزلا ياخي خاف الله فينا ياخ ... عالم تحب الـ .................... ، غايتو الله غالب ياكيكي لو زماااان سمعته كلامي ده كله ما كان حصل ....
معتز مشتاقين ياخ .... بطل حركات .... بالله نزل صور منال دي كلها هنا ... |
أحيييي يا عوضية أنا غير مرضكم انت وكي كي اللعين كايس لشنو أمانة ما أفتفت كبدكم ومصارينكم ومعاكم المدعو طارق جبريل تصدق يا عماد لو قلت ليك عندي أكتر من (600) صورة ؟؟ ح أنزلهم تباعا ومعاهم تطعيمة كم فيديو كدا
أنحنا برضو مشتاقين ونتحداكم شوق لكن برضو ما بحلكم منى
شفت بوست اليوم الحار ؟؟؟ البوست دا ح يكون زيو بالضبط ست سنوات من العذاب المتواصل كان ربنا مد في العمر
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: عبد اللطيف بكري أحمد)
|
الاخ ود قريش والله بوستك دا زكريني طرفة شهيرة في الدويم واقفة لي في حلقي بس ما تفهمونا غلط قبل عدت سنوات كنت اعمل بالدويم وكان هناك بلاغ شهير لرجل يدعي.... متهم بجرائم اغتصاب واعداد صور فاضحة حيث كان يقوم بتصوير بعض الاطفال في اوضاع مخلة ومشينة وكان محضر التحري يحتوي علي مجموعة كبيرا من هذه الصور وكان نزيل بسجن كوستي والمحكمة منعقدة في الدويم و اثناء ترحيله من كوستي للدويم وفي البنطون لحظة اثنين من الشباب يتهامسون عليه ويضحكون فما كان منه الا انه صاح باعلي صوته وسمعه كلمن في البنطون وقال له تضحك شنو صورتك في مع خالص احترامي
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: 7abib_alkul)
|
Quote: الاخ ود قريش والله بوستك دا زكريني طرفة شهيرة في الدويم واقفة لي في حلقي بس ما تفهمونا غلط قبل عدت سنوات كنت اعمل بالدويم وكان هناك بلاغ شهير لرجل يدعي.... متهم بجرائم اغتصاب واعداد صور فاضحة حيث كان يقوم بتصوير بعض الاطفال في اوضاع مخلة ومشينة وكان محضر التحري يحتوي علي مجموعة كبيرا من هذه الصور وكان نزيل بسجن كوستي والمحكمة منعقدة في الدويم و اثناء ترحيله من كوستي للدويم وفي البنطون لحظة اثنين من الشباب يتهامسون عليه ويضحكون فما كان منه الا انه صاح باعلي صوته وسمعه كلمن في البنطون وقال له تضحك شنو صورتك في مع خالص احترامي |
الله يجازي محنك بالله العظيم ضحكت لامن قلت الروب يا أخي طير كدا ولا كد وتاني ما تجي الدويم (ح أعمم عليك)
| |
|
|
|
|
|
|
Re: بورداب الخرطوم داير أفتح البوست دا من زمان ... لكن خجلان (Re: عبد اللطيف بكري أحمد)
|
عبد اللطيف بكري أحمد سلام يا أخي
Quote: أنا ماعارف ود الصايم خلاها ليه أنشودة غايتو جنس غايتتو ؟ |
أنا برضو ما عارف بالله كان عرفت أدينا خبر
Quote: يعني الناس تمشي تعمل ليهم أزمة في اللحوم المعلقة في قندهار وتجي تعمل فيها ناسيهم؟ |
ما عشان كدا خجلان من زمان بس هسي جاتني (الشداعة) واعترفت
Quote: الحمد لله الجيت ماسحنا في الرياض!! |
منو القال ليك ؟ حتى اسال ود الصايم والمرحوم تمبس وابو جهينة ومعتصم خليهم يوصفوا ليك البيت في الملز جنب الاستاد
Quote: خجلان ولا يادوبك قدرت تستغل ثلثا لنفسك؟ |
اختار انت بقا....
| |
|
|
|
|
|
|
|