مسادير فوق رجالة البشير

Quote: دربك يا البشير السفلة ما بتقيسو سودانك جنودك وانت ياك رئيسو الموت كلما ذكرو بتحصل ميسو جيت الدوحة دخلت الجبان في كيسو

(عدل بواسطة abuguta on 03-31-2009, 10:45 AM)

Quote: العدل الإلهي يشيل حقوق الناس وظلم الأقربين في الرقبة يدمي الراس ما عافيين هواننا و نضرب الأجراس لي كل من يضيمنا ويفرض الحراس

Quote: يا ود الأكارم ما بيشابهك قول يجعل من بشيرهم صارماً مسلول هو الضيع بلدنا و ضادى فينا عقول كانت في الوطن محمية خاتية القول

Quote: ياعلاء يوسف.. خريج الهند انقاذك جاءت للحكم بالجند هجرت المواطن كارب الزند وظفت حرامية,, اول البند احالت كل وطنى للصالح العام تبنت شعارات زى شعر ابى تمام تراكم الفساد عام تلو العام افجر الغرب حروب وموت دام

Quote: يا بت مهدي ما هامّانا رئاسة هامّانا الكرامة و حريقة فيها سياسة زي فِعل المعارضين دة كُلو عواسة ماك شبه أفعالهم حاشاكٍ من أنجاسة

Quote: جابوك للرئاسة بدون دراية و راي وتشبه في مواقفك الشقي الجراي السودان بلدنا و ما بنبشتنو ساي والشعب العظيم لا عافي لا نسّاي

Quote: يابت مهدى,,,, ياسديدة الراى الانقاذ ضلت,,, وفقدت الهداى لو لا الامة اداها معيزة الشاى كان حكمنا ديمقراطية وحكمة راى

Quote: بشيركم في حلتنا والبطن كثير منو ممغوظة والانقاذ شاحد ربي بكان ما تقبل تبقي ملفوظة اوكامبو ابو زرد اقبض وما يوقفك العرب بملحوظة والبلد قبال ولادة البشير بسيدنا الله محفوظة

Quote: منعول أبوها ديمقراطية صفوف العيش ورونا شِن سوِّيتو سيبو الكلام البِيش ضاربين الفنادِق ناس قشرة و التحشيش و إنشاء الله نحن معاكم أكِلنا يبقى حشيش

Quote: الغرب كان أمن,, وعطرو يفوح شعبو,,, مقيل تحت ظلال الدوح الليلةالموت فوق تلال وسفوح اخير الصفوف ام خروج الروح

Quote: لو لا الامة اداها معيزة الشاى كان حكمنا ديمقراطية وحكمة راى

Quote: عمر العوير يا قراضة الرجال العُرّة ترجف من الهبوب حاكيت طويرة الفِرّه عرّيت الوطن و رقّدتو فوق القِرّه فى يومنا الـ نقوم نسقيك كاس المُرّه

Quote: قومتكم حلم بقت الصباح بى دفرة وكان جاكم قيام جهزنا ليكم حفرة أخير نتصالحوا نقعد جميع فى سُفرة اليومين بعدن بس ننتبة لى بُكرة

(عدل بواسطة abubakr salih on 03-31-2009, 07:47 PM)

Quote: سمع اضاني حسع الطاغية بناضم في سوداني قطر وماجات لاضاني سيرة رصاص الشرق النزل زي مطر ماسمعناكلام سفر الطيارات البقت كع كرع وخطر واوكمابو لو خلاهو اتغدا بلقي روحو ما فطر

Quote: توقيف البشير فى المحكمة الدوليه لحست كوع وخمشة نار ولدغت حية كان نزل السما واستخدمو الذرية مابخاف الصقر من صفقة القمريه

Quote: بشيرنا الرجالة فيها شال الكاس الدوحة القريبة ناطيها لي كراكاس ما خاف من لويسكم يا شُلّة الأنجاس أحفتوها الشجاعة تلقونا ليها الساس

Quote: وكركاس تحرم لزولكم السفرتو تاني الا حولة كن اسدا صحي في اروبا يديها جولة وجولة

(عدل بواسطة عبدالكريم الامين احمد on 04-01-2009, 02:35 PM)

Quote: مكة بيت الله ذنوب بشيركم ما بتمحاها الزارعا اوكمابو عليهو بس يرجاها والبحر الاحمرالليلة قطعتو مافي سواها مكةو دبي وبشيركم قطعة البحر اكيد اباها

Quote: حيّر شُلّتك خلّى الرويسة تونوِن

(عدل بواسطة عبدالكريم الامين احمد on 04-01-2009, 03:00 PM)

Quote: يا كي كي الكسير أخير لك ترجـع لي صوابك ما بنفعوك الشيوعـية

Quote: شيوعية شنو يا ظلامي ياتليفة انا ودقرف وبحلم لشعبي برغيفة بطلو الجقلبة وحركات الهتيفة الجبهة العديل فيها يدو خفيفة

Quote: توقيف البشير فى المحكمة الدوليه لحست كوع وخمشة نار ولدغت حية كان نزل السما واستخدمو الذرية مابخاف الصقر من صفقة القمريه

Quote: شكرا كثير ود القريش للدعوة أياكم أصال أصحاب كرامة ونخوة بندور الكتابة وديمة ليها بنهوى وقرايين كلام البورد اليسوى والمايسوي جيت البورد برغبة قلت أشارك أرد بكري الهمام زودني بالباسورد أيام الهكر جدعوني بره الساحة الشر يعم وعمت الكتاحة وأولاد الحرام ما خلو فيها سماحة زولا جديد في البورد كنت صراحة موضوع البشير فارس يخوض الجولة كان صح كان غلط أثبت كرامة الدولة نفقل حوشنا نتحاسب أخوه كريمة ننبد كل خلاف سودانا عامر ديمة ناسا عزاز ما بنرضى ليها حقارة كل من يقدم دعوة نجيه بالطيارة البشير سوداني كان سمح كان شين هو رمز الدولة للراضي والمابين لو الحكم سوداني كان نقول أهلين لو استعمار أحسن نموت واقفين إمام