|
|
|
 Re: عادي جدا يا تماضر لكنه بديع .. (Re: عشة بت فاطنة)
|
هذه قطعة ادبية بصرية ..يا عشة
اعجبتنى بصيرتك الثاقبة عندما زرتك فى مسقط..
تنظرين الى العالم بعدسة كاميرا
و"تكودرين" اللحظات.."ودى من كادرطبعا"
كل شىء تبوتقينه فى لوحة ..وتفكرين فى الآخر..ومتعة المشاركة فى لحظات العالم المثيرة للدهشة
انت مدهشة يا بت فاطنة
وبيرق مدهش..وهو يعتنى بموهبتك وشخصك الحساس المتناثر على شطآن التعب..
مدهشة رانية وضحكتها الطفولية ورقتها وعبثها اللذان ذكراننى بك فى ذلك الوقت المرح..الجميل.
ومدهش مدثر بملامحه الوسيمة "الهدندوية" اللامة عشة وبيرق..فى أحلى ملامح..
احببتكم ثانية يا عشة..واحببت اصدقاءكم ولمتكم الممتعة..وشاعرة بضبلنة شديدة بعدكم
واصلى....
| |
 
|
|
|
|
|
|
|
|
Re: عادي جدا يا تماضر لكنه بديع .. (Re: Tumadir)
|
تماضر الحبيبة
ما بتصدقي مشينا عرس سودانيين وسهرنا الليل و صورناوالعروس
رقصوها وجرتقوها وكذلك العريس وصينية الجرتق أبداع في الصورة
هذا البوست من وحيك يا ست الكل ورد على جمالك في
(نتزوج ) وتلك العادية ، التي لمستيها وهي تطاردني
من سنين
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: Muna Khugali)
|
| Quote: وبعـدين ياعشة الرحـلة يـوم الاتنين جـيبي كـمرتـك...احنا علينـا الأفـلام |
منى يا ريت تجمعنا الرحلات واليالي المالح من جديد ، ما زالت لمتنا في فينا تعطر خاطري وبالامس كنت انظر لصوركم في الفندق وفي الساقية وأكاد اقفز من فرحتي بيكم .
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: Tumadir)
|
تماضر
اعاني هذه الايام ولا اصلا انا كدي ما عرافة من الكسل ، الصورة موجودة بس مما اذكر اني ، عشان انزل لا زم انزل صورة لازم اصغرها واكشكشة واخصرها واركب الزرار في الفوتوشوب ، شعرت جلدي تكش ، فيا ريت يتطور البور وتوجد طرق غير قاتلة لانزال الصور في نفس الموقع طرق سريعة يعني لاتفقد الصورة جمالها , مشتاقين كتير والله ..
| |
|
|
|
|
|
|
|
|
 Re: عادي جدا يا تماضر لكنه بديع .. (Re: عشة بت فاطنة)
|
عشه تحلمى بلبن الطير ودا الأكتر من عادى
نحن معشر الرجال كما لنا لسان نتكلم به وآخر نكتب به...لنا قلوب نمشى عليها وكذلك العقول فقلب بين الحيطان وقلب خلف القضبان عندما نمشى معكم فى الشوارع وقلوب لم تريها وكل ذلك أكثر من عادى
منصور
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: محمد عبد المنعم عمر)
|
| Quote: بعيدين من بعض ، يملؤهم الخوف لا يقتربون من زوجاتهم |
لا انا يقتربون ونص يا عشة...وما علينا الفات كلو فارق
قبل فترة ليست بالقصيرة حضرنا انا وزوجتي حفل في حلتنا
بعد غياب اكثر من خمستاشر سنة...فمن الطبيعي ان يكون
اقرب انسان اتحدث معه هو زوجتي....طبعا هي ممنوع تجر كرسيها
وتجي مكان العصي والصديريات...جريت كرسيني واتحكرت في نص الحريم
والخلق تعاين...واحدات اتبلمن عدييييييل عشان يتاوقن...وواحدات
بعاين ليهن يزحزحن في كراسيهن زي البلعبن في ام حفيرة...قمت سألت
الجنبي وهي ضيفة كانت كثيرة استراق النظر والسمع وهي شهيدة....قلت ليها
في مشكلة...قالت لي ابدا...بس الناس هنا ما متعودة...قلت ليها علي شنو
هي الناس دي بتتعود متين؟ ما تراكن بترقصن في الدارة دي رقبة وتدن
الشبال ...وتزحفن في الدارة دي هنااااك وهنااااااك...العودكم علي ديك
ما بعودكم علي كرسيني دا...قالت والله انت صاح اهي هي هي.....اها ومن
الاهي هي هي وديك وانا يقتربون
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: عشة بت فاطنة)
|
طفل عماني منهمك يبني قصرا في الرمال
وهذه طفلةعمانية بعد أن بنت قلعتها اخذت تزينها بالاصداف
هذه أنامل حواء دائما تطرز الجمال منذ نعومتها ، عجبتني هذه
الطفلة في انطلاقها للبحث عن الاصداف لتزين بها ما شيدته - معمارية
ناجحة لا ..امنياتي لها بالنجاح .. والهدية ايضا ليك يا تماضر واهو
قطرة تانية
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: nazar hussien)
|
Quote: ...قالت والله انت صاح اهي هي هي.....اها ومن
الاهي هي هي وديك وانا يقتربون |
نزار حسين سلام
ضحكتني بلحيل ، وفعلا الاشياء دي ما بتتكسر الا بالطريقة دي واحييك ، على الجرأة والمحبة ،
وعقبال ناس جعفر ، جعفر دي ما بتاعة سيرين يا تماضر بس قريبة منها ، لكن عليك الله مسألة فصل الاعراس دي ما غريبة بالضبط العرس فصل مدرسي قسم نسوان وقسم رجال الف وبا ، وكلو قسم يبحلق ، يعني انا بفتكر ان الناس تجلس على اساس الاسر ، كل اسرة وتوابعها توابعها دي معاها الجيران والاصحاب لو حبوا اجلسوا مع بعض ، فالمسألة بتكون طبيعية ، والناس حتستمتع ، وما حيكون في مشاكل وضرب انت شاغلتة اختي ولا انت غمزتة لبت خالتي ، يعني بيدناحنكسر الحاجز ونكون طبيعيين ، ولما الناس تكون جماعة بتكون هناك حماية نفسية من التحرشات والمشاكل البتحصل بسبب الفصل والكبوت ولا شنو يا نزار ؟؟
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: الجندرية)
|
| Quote: وهل الابداع الا حفنة من تراب العاديه ، خمشه الغير عاديون / ات ، وسكبوا/ ن فيه من ماء سحب بصيرتهم / ن ، ثم نفخوا / ن في صلصاله روح نفسهم الذكية ؟ |
الجندرية شكرا لقرايتك واستنتاجاتك الذكية ، وحمد الله السلامةحقيقي ما عارفة منو فينا الكان غايب انا ولا انتي ، المهم الشوق بحر .
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: عشة بت فاطنة)
|
فعلاً عادي وبديع في نفس الوقت يا عشه ..
أجعلي الكاميرا صديقتك دوماً ..
لا تتركيها تعيش الوحده أحمليها معك في حلك وترحالك ..
أستمتعت بالمشهد والكتابة الرائعة ..
وبالخلفية الجميلة والصور التي رسمها ذوقك الفنان ..
والتحية أيضاً لي قريبتي تماضر بنت شيخ الدين ..
محبتي ..
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: عشة بت فاطنة)
|
Quote: كانت تركض تارة صوب الشمس
واخرى عكسها ...
كلما صادفت أثرها
على شاطئ الرمل تزداد دهشة
فالموج لم يمسح اثر اقدامها
بعد !!
كانت ندية كأنها رسمت للتو
ازدادت دهشة حين تضاعفت
ظلالها ..
فادركت أن الشمس
قد رحلت وتعددت الاضواء
اقتربت من البحر
واغتسلت من العرق
جففت شعرها من قطرات الماء
ثم جلست تجدله دروبا
وكلما اكملت دربا
عبرته الى دروب أُخر
أدركت تشابه الدروب
رغم التعاريج
ثم زفرت
وهمست الى نفسها
عادي
وهمست مرة أخرى ( الجن التعرفو ولا الجن الما تعرفو) |
حسة يا عشة مبارك انتى فرقك من ت.س. اليوت شنو؟؟
انتى كنز يا عشة يا حبيبتى ..شوفى كتابتك وتصويرك ديل حسة بقلو شنو عن كنوز الادب والفن البشيلو جوائز عالمية ديل ..بس عدم البيخلد يا عشوش.. احبك كثيرا
وتحياتى العامرة لضيوفك
صفاء فقيرى وقريبى معتصم فضل ولهما محبتى الممتدة ..
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: Tumadir)
|
كانت تركض تارة صوب الشمس
واخرى عكسها ...
كلما صادفت أثرها
على شاطئ الرمل تزداد دهشة
فالموج لم يمسح اثر اقدامها
بعد !!
كانت ندية كأنها رسمت للتو
ازدادت دهشة حين تضاعفت
ظلالها ..
فادركت أن الشمس
قد رحلت وتعددت الاضواء
اقتربت من البحر
واغتسلت من العرق
جففت شعرها من قطرات الماء
ثم جلست تجدله دروبا
وكلما اكملت دربا
عبرته الى دروب أُخر
أدركت تشابه الدروب
رغم التعاريج
ثم زفرت
وهمست الى نفسها
عادي
وهمست مرة أخرى ( الجن التعرفو ولا الجن الما تعرفو)
(عدل بواسطة عشة بت فاطنة on 23-04-2006, 00:19 ص)
(عدل بواسطة عشة بت فاطنة on 23-04-2006, 00:21 ص)
it is all just amazing .. pls carry on
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: Tumadir)
|
تماضر دي ما عين محبة ساكت
لكن تحت تحت فرحانة
عشان سويتو العديلة
لحليمة ..
تماضر افتقدتك الله يشهد الليلة ومامس
وفتحت المسنجر
وقجيت شركي
مشتاقة اسمع ضحكتك وبعد
داك خليها التصبح ا##########
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: عشة بت فاطنة)
|
عشة الجميلة
منتظرين المذيد"المزيد" ... محاصرين يا بت فاطمة امي بناس محسن خالد لالالازم نكتب بالعربي الصاح و نحوي ... و اخوكي نوبي بيلخبط راسو الفرق بين الذ والز ... شفتي كيف تعبنا في ارضنا!!
انااعشق ابداعاتك .... واصلي جمالك يا بديعة .
تماضر ما تنتطريها .... اظنها ذبحا زول اسمه عبد الرازق الطالب في بوست هناااك .... و ماذالت المعارك مستمرة ...
نرجو المزيد من التجلي
بهاء ارباب
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: Arbab)
|
| Quote: اخوكي نوبي بيلخبط راسو الفرق بين الذ والز ... شفتي كيف تعبنا في ارضنا |
شكرا ليك اخي على هذه الروح الطيبة
وعلى مشاركتي ما كتبت ، ويخصوص الكتابة
ولخبتت الحروف أكتب ولا يهمك
المهم أن تخرج ما بداخلك وتعبر عن
احاسيسك وليتنا نرى النوبية يوما مكتوبة
ومعظم لغات السودان المهمشة
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: عشة بت فاطنة)
|
اها لو فى حاجة ما عادية غير جمالك الاشار ليه ارباب
هو حلاة "مدثر" ده..
بالله قبليه بالنيابة عنى ..
قبليه قبلة أم لم تلده..
واخرى اعطته الحياة ..
وواصلى كل هداياك محفوظة فى القلب مختومة بالدمع والاشتياق..
يا حبيبة
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: يازولyazoalيازول)
|
الجميلة عشة ...
لك مااردت ..." ولك الايائل ان اردت.. لك الايائل و السهول .... ولك الاغاني ان اردت .. لك الاغاني والذهول "
شكرا علي الامتاع ... ايتها الفنانة الجميييلة .... وشكرا علي الاهداء ...
ساحتفظ بهذه الصورة .. اللوحة حتى نلتقي يوما ما ... ربما في ساحة لعرض الجمال .... ساسالك عن هذه الصورة ...
شايف تماضر رمت الشوكة وهجمت بيدينا"زيما قال الاستاذ اموم عن الكيزان في هجومهم علي وزارتي المالية والطاقة " ... " معليش يا تماضر علي التشبيه المخل " .... بس كنا عاوزين نبوس الوليد ....
واصلي الجمال يا عشة ... احمينا من القبح البيراقب غياب امثالك لكي ينتشر .... واصلي جمالك .
فاتني التنبيه ان الشعر في بداية مداخلتي لمحمود دروىش
| |
|
|
|
|
|
|
|
|
|
Re: عادي جدا يا تماضر لكنه بديع .. (Re: Arbab)
|
يا ارباب ...
ياغيمة يفيق من وضوحها السراب..
يا غابة من الحنين والصحاب..
"انت ارباب دى جمع شنو؟؟"
منور يا سيدى منور
ولهشام التحية "شايفاك هاااايج اليومين ديل فى البورد..الحاصل شنو عندكم هناك؟؟"
| |
|
|
|
|
|
|
|
|
|
|
Re: عادي جدا يا تماضر لكنه بديع .. (Re: Tumadir)
|
لكن يا تماضر انشاالله تطلعي معاي الجبل الاخضر ، سبحان الله جبال في جبال ، صعدنا لاكثر من 2000 متر فوق الارض ، وهناك حياة وبلدان وآثار وبقول اهلنا المحس آثارات ، وخضرة وامطار وسيول وضباب وسحاب ، ولا البرد وتنز ل تحت الحر شئ فوق الوصف . اوعدك بهذه الصور بس انتي عارفة الكمبيوتر دا مختوت وين الناس بقت تتقلب عشان امشي اندمس .
وبعد دا الشوق اردام أردام زي الملح في الطعام
| |
|
|
|
|
|
|
|
| |
عشة بت فاطنة
Tumadir
Dia eldin khalil
Adil Osman
محمد سنى دفع الله
بدرالدين شنا
Muna Khugali
munswor almophtah
محمد عبد المنعم عمر
nazar hussien
الجندرية
تراث
Safa Fagiri
معتصم دفع الله
يازولyazoalيازول
فيس بوك
تويتر
انستقرام
يوتيوب
بنتيريست