|
Re: معقولة دى ياتماضر ؟؟؟؟ (Re: Salwa Seyam)
|
والله قلبى قرب يقيف
سلوى صيام بحالها وطول بالها تستنكر وتشجب فعلة عملتها انا ؟ اكون جنيت ولا جانى ظار ولا شى
كنت بقشقش فى دموعى وانا بتفرج على abc
extreme home makeover
الاسرة دى ابوهم بتاع مطافى واتوفى من تاثير الفطريات الموجودة فى البيزمنت بتاع بيتو القديم
عندو سته اطفال اكبرهم بت عمرها اتناشر سنة ..الام والبت ديل دموعهم ما وقفوا كلو كلو
تتخيلى ناس abc ديل جابو ناس المطافى كلهم وكل ناس الحى وسفروا الاسرة فلوريدا قعدوهم فى فندق اسبوع
وبنوا البيت من جديد فى 53 ساعة و54 دقيقة كسروا كل الارقام القياسية فى هدم واعادة بناء بيت
البيت فيه سبعه غرف كل غرفة صمموها على حسب حلم الزول وشخصيته
وجات اللحظة جابوهم راجعين ومايقرب من الالف شخص واقفين نساء ورجال واطفال وكل قوة المطافى فى البلد وشوفوهم البيت
الارملة وقعت ..من ضخامة الانفعال ..داخت ..ويبكوا ويضحكوا و oh my god, this is beautiful دى ما زادوا عليها كلمة
وهم يبكوا ..وانا ابكى ..
لما شفت اسمى فى عنوان بوستك ..قلت ياربى سلوى صيام دى شافت عوارتى وبكاى مع برنامج تلفزيون ولا شنو؟
والحقيقة كنت خايفاك تكونى قريتى افكارى ..قلت الجماعة ديل لو اتصلت بيهم وحكيت ليهم قصة حياتى ..ببنوا لى قصر عديل كدة
الليلة بالذات مقطوعة من العالم وفطور رمضان براى ..
طلعت من الامس بايتة فى الشغلة البايخة دى جيت الصباح ..ويعنى جنس يتم وانجداعة ..مايعلم بيها الا الله ده ..... قال ايه؟ بختكم ساكنين فى امريكا ......
الله كريم غايتو ..
اا ما خففت عليك زهجتك شوية ؟؟
هاك اللنك دى اتونسى بيها ...
http://www.youtube.com/watch?v=AA1Ysky3BcE&NR
|
|
|
|
|
|
|
العنوان |
الكاتب |
Date |
معقولة دى ياتماضر ؟؟؟؟ | Salwa Seyam | 10-01-06, 08:04 PM |
Re: معقولة دى ياتماضر ؟؟؟؟ | Tumadir | 10-01-06, 08:52 PM |
Re: معقولة دى ياتماضر ؟؟؟؟ | Tumadir | 10-01-06, 08:57 PM |
Re: معقولة دى ياتماضر ؟؟؟؟ | Tumadir | 10-01-06, 09:00 PM |
Re: معقولة دى ياتماضر ؟؟؟؟ | فاروق حامد محمد | 10-01-06, 09:18 PM |
Re: معقولة دى ياتماضر ؟؟؟؟ | علوبه | 10-02-06, 01:05 PM |
Re: معقولة دى ياتماضر ؟؟؟؟ | ست البنات | 10-01-06, 09:35 PM |
Re: معقولة دى ياتماضر ؟؟؟؟ | Tumadir | 10-02-06, 10:34 AM |
Re: معقولة دى ياتماضر ؟؟؟؟ | ست البنات | 10-02-06, 10:43 AM |
Re: معقولة دى ياتماضر ؟؟؟؟ | Adil Osman | 10-02-06, 12:35 PM |
Re: معقولة دى ياتماضر ؟؟؟؟ | Tumadir | 10-02-06, 12:59 PM |
Re: معقولة دى ياتماضر ؟؟؟؟ | Salwa Seyam | 10-02-06, 03:09 PM |
Re: معقولة دى ياتماضر ؟؟؟؟ | Salwa Seyam | 10-02-06, 03:36 PM |
|
|
|