|
|
|
 Re: هرجة بالانجليزى؟؟ (Re: صديق الموج)
|
اه الخواجه طلع بعرف عربي...قال لي
You mean SARRAKH when you are upset from some one
قالها هكذا صرّاخ...قلت ليه ايوه...وطلع عندهم هرجي السنين
وغالبين جارة ام صديق الموج...وقلت اخير لي اختيكم هرجيهم
امانه مون كعبين كعابة...لكن عشان تعرفوني ختيتهم لي شنو,
ابسط حاجه قالها ... يو ليتيل كراب...وبعد داك الهرجي...
هسع في هرجي بعد كلامو دا تاني بنكتب...؟؟؟؟
امسكها كويس يمسك ايدك شلل....بلاي شوفو قساوة الكلام دا
زح جاي تزح مكسّر...
مالو سعرك دا غالي السعر اليقوملك ضنب...يعني يقلبك كلب دوت كوم
| |
 
|
|
|
|
|
|
|
|
Re: هرجة بالانجليزى؟؟ (Re: nazar hussien)
|
أنا أول من قرأ هذا البوست وأول من بارك ضميريا ولكن شغلني الشديد القوي من الصريح..والآن أعود متميزا بالمداخلة ال(100)..ألف مبروك ياتماضر. وربنا يجعل منهم كلهم ابناء الولايات المتحدة السودانية قريبابإذن الله.
| |
|
|
|
|
|
|
|
|
|
Re: هرجة بالانجليزى؟؟ (Re: Tumadir)
|
الاخت المبدعة تماضر.
سلام.
هذا ارث سوداني خالص لا اعتقد انه من الممكن تقليده او نقله الى حضارة اخري.
بهذه المناسبة اتذكر ما كتبه البوني فى احدى المرات عن قساوة ناس الضرائب فى السودان وتعاملهم.قال انه عندما كان صغيرا كانت امه تدعيه كل ما يضرب واحد من اخوانه وتقول ليه يضربك الضريبي يا جنا.يقول انه لم يعرف معني الضريبي واكتشف ان امه ما كانت تقصد بهذا الضريبي سوي جابي الضريبة وكانت تستعير لسان اهلنا الشايقة الذين يقولون للضريبة الضريبي. ويقول انه يسال الله الا تصيبه دعوة امه ويضربه الضريبي.
لك الود
والف ياقة ورد
| |
|
|
|
|
|
|
|
|
|
Re: هرجة بالانجليزى؟؟ (Re: Abu Mariam)
|
Quote: الفلس كاتلني ومامديني فرصة اراعي الخوة...
الاسباب كتيرة اهمها شراء بيت في بلجيكا مع زوجتي ..هاله |
اريتو فلسي...آ يابا....ماني حاسد علا بغران...
فلسا بوخد الزول بيت في بلجيكا دا كيفنو...
نحن فلسنا قلنا فيه
فلسا جانا يا كافي البلا محتحتنا
عدّمنا القرش ما خلا حاجة تحتنا
بلا توب الصبر مالقينا شي يغتغتنا
كان طرفو انشرط ,تلقي الضحك شارطنا
| |
|
|
|
|
|
|
|
|
|
Re: هرجة بالانجليزى؟؟ (Re: مريم بنت الحسين)
|
دعواتنا بالتوفيق الدائم والنجاح الباهر لسارية في حياته المستقبلية
| Quote: يضربك الضريب هههههه |
من الغرائب وجود واحدة من النساء وصافة وفي دعاها .. أما عند الربكة والعجلة دائما تتحول كلمات التحريض للحركة إلى دعوة ( ما تمشي لي قدام بتردح يردحو فوق جنازتك) أو عند الإنزعاج الشديد لما أحد الأطفال يضرب أخته وبعد صراخها المزعج يسمع الدعوة ( ضاربها ليه يضربك الضريب .. كسار العناقريب) أو لما يخطف منها الحلوى ( شايلها ليه يشيلك ابنيف)
ولو في جدة كبيرة بتقول لبنتها : الرسول تبصقيها ..
الشئ الغير معروف الضريب كسار العناقريب .. وابنيف ده شنو
الضريبة وعرفناهاكسارة الكرعين
قصة حقيقية
من أصعب المواقف التي سمعت فيها هرجة واحد حرموا التاجر من كوتة التموين بحجة انو ماجاء في الكشف وما عندو تموين في الدكان ولازم يفتش تموينه وين
أولا الراجل وجهه تغير إلى أخضر ثم إلى أزرق ثم غلى أسود وبدأ يدعي بدعاء لا يمكن للغة أن تتحمله..
في نفس اللحظة قلت ليه يا راجل استغفر ربك.. انت قتلت الراجل ده
وبالفعل في ظرف اسبوع كان القدر أن توفى التاجر ..
كنت تمنيت لو في حاجة قالت ليه الرسول تبصقها..
| |
|
|
|
|
|
|
|
|
|
Re: هرجة بالانجليزى؟؟ (Re: المسافر)
|
المسافر زولك ده خوفنى عدييييل كده...
واظن القصة تقع تحت باب "دعوة المظلوم"
شكرا على المشاركة "العميقة" ....
ود نايل يا مراحب بمحمد وانا فى الانتظار
الموصلى ...اضرب "يضربك دابى حلفا" والله بكتب فيها ....وخجلانه لانك استاذنا مهما كانت ظروف البوست ما مفروض نتجاسر عليك ...لكن لكل مقام مقال...وده مقال هرجة ....عفوك ورضاك....
بد الدين شناة ...؟؟؟؟؟ بس كده؟؟؟ ما داير تنبذ ليك زول ولا تداعيه اصلو؟؟؟ ما اوحينا ليك بأى حاجة من الحلاوين؟؟؟ ياجماعه ده بوست شنو ده؟؟
شهر العسل بالخراب...
صديق الموج بس الله يخليك لى جنس الكعوبية دى انت هههههههه
| |
|
|
|
|
|
|
|
|
|
Re: هرجة بالانجليزى؟؟ (Re: Tumadir)
|
Quote: ولو في جدة كبيرة بتقول لبنتها : الرسول تبصقيها ..
الشئ الغير معروف الضريب كسار العناقريب .. وابنيف ده شنو
الضريبة وعرفناهاكسارة الكرعين |
ابنيف التحت القيف ده التمساح عرفت يا المسافر
| |
|
|
|
|
|
|
|
|
|
Re: هرجة بالانجليزى؟؟ (Re: صديق الموج)
|
Quote: كثيراً ما ينتابني الإحساس بالحوجة الملحة لهرجة من النوع المُقفٌى و المَقعٌد ...من شاكلة يضربك الضريب..شقاق العناقريب...لكن تخذلني ( فلهمتي ) و ( قرضمتي ) و ( فلسفتي )..و ألقى نفسي بهرج بكلمات جوفاء ..ركيكة...من نوع ( منتهى السخف) ( منتهى البياخة ) ( منتهى عدم المسئولية )..او ( حرام عليكم أنا.. منهكة...مجهدة...مرهقة ) ( إنتي إنسانة سمجة ) ( إنت إنسان لزج ) و وصلت مرحلة من الخبرة بقيت أختصر المفردات......
سمج + لزج = سلج
مُنهكة + مُرهقة + مُجهدة = مُرهدة
بقوا أول ما تشتد الإشتباكات و يحتاج الأمر لفض نزاع....أصرخ بأعلى صوتي ( ياااااااااا سلج )...فيرن صمت مخيف...معلناً أن الكل فهم الرسالة و عرف إني ( مُرهدة ).... |
الليلة الرد على ممكونة بسسسسسسسسسس
لانها مرهدة...
الما مرهد منو؟؟ يرهد كبدتك.... ههههههه
لا مداخلة حلوة وانا اتلومت ...بس يردرد شحمك ولحمك وجعتنى ........
لحمى معليش لكن شحمى؟؟ شحمى ده انتى قايلاه لاماه بالساهل؟؟
الكوكيز والشاى باللبن ...ديل هينات؟؟
كل ما تلقى الشيك ما لافق مع الفواتير ...طاخ شاى بلبن وكوكيز
كل ما الاولاد ما ينضفوا ليك اوضهم تراااااح شاى بلبن وكوكيز
كل ما البوص يديك كلمة زى العقرب .....شوووووووووو شاى بلبن
ده استثمار عديييييل كده تجى تردرديه لى فى زعلة؟؟؟
هههههههههههه
شكرا يا ممكونة وحقك على....
| |
|
|
|
|
|
|
|
|
 Re: هرجة بالانجليزى؟؟ (Re: Tumadir)
|
تماضر...تتمنضري في الجنٌة....قولي آمين...
مشكوووورة حبيبتي على الرد ( الإعتباري ) ...
قلت ما أجيك يدي فاضية...جبت ليك معاي النكتة دي....
Quote: يا ربي تعيشي في عذاب... و تحسي باكتئاب... و تسفي التراب..!!
بموية بلاعة تتبلبلي ...و بالنار تتحرقي و تتغلي ....و يموتوا اهلك و تسكلي...
وتجني و تفلقي ....و من راجلك تتطلقي ....و يضيع جناك ما يتلقي...!
( مسطول بداعي في نملة قرصتو ). .!!! |
| |
|
|
|
|
|
|
|
|
|
Re: هرجة بالانجليزى؟؟ (Re: Tumadir)
|
العزيزة تماضر
والله فرحنا كتييير لنجاح سارية ونتمني لك و لأسرتك المزيد من النجاحات ..
و كمان استمتعت بالبوست " الفلتة" وروحه الخفيفة
مع تحياتي للجميع
| |
|
|
|
|
|
|
|
|
|
Re: هرجة بالانجليزى؟؟ (Re: Tumadir)
|
صديقتي شدييييييييييييييييد تماضر
سلامي وفخري بساريا
| Quote: وكانت معضلتى هى ان اجد التعبير المناسب بالانجليزى |
وهي معضلتي أنا الآن في التعبير عن إعجابي وفرحتي بك وبساريا وبالتميز في الطرح والوصول للمرمى
لك (الود) كان طلح كان شاف
| |
|
|
|
|
|
|
|
|
|
Re: هرجة بالانجليزى؟؟ (Re: Tumadir)
|
تماضر بت شيخ الدين
سارية مبروك عليهو و عندنا ليهو سارة
شفتي كيف سارة وسارية غاية في الهارموني
كدي أجيب ليك هرجات قوية حقت حبوباتى
لو قلت جعان يقولوا ليك " جوع الشوت رحطها أكلتو"
لو كروركتك لي آمك بصوت عالي : أمي يقول ليك " النمة"
لو قلت أنا عايز الحاجة دي تجيك "تحج فوق جمل أعور"
صعبين مش كده؟
| |
|
|
|
|
|
|
|
|
|
Re: هرجة بالانجليزى؟؟ (Re: هشام المجمر)
|
بناديها
المعتمد
هشام المجمر
ان شا الله ياربى يداعوكم كده يوم نجاح اولادكم...
والداعى مدعى
دى زووووووول اتذكرها مافى....
يعنى خلاص السم القدر غداها...الواحد بعد يسمع الدعوة وتوجعو يقول الداعى مدعى ...."يا ولد"
او قل: "ياااااا بت"
والله الف كتر خيركم على الزيارة اللطيفة
والبوست يلفظ انفاسه الاخيرة اقول لكل المشاركين:
فى الافراح
وكفو العين...
"العين بحسين"
| |
|
|
|
|
|
|
|
|
 Re: هرجة بالانجليزى؟؟ (Re: Tumadir)
|
تماضر
سلام
هاك الشويه ديل:
يابت...تتبني حيطه
أمرقي يمرق جلدك بي إضنيك
زح إيدك أن شاء الله أيدك طبيقتا عكاز
أمشي تمشي بطنك تغلب الخمام
أقعد يقعد صقرك
الحمي اليتبنوها(يلمسوها) بي عكاز
تعال هنا تجيك الطاويه حباله
يضربك دابي الجزيره لاحنه ولا ضريره ..لاسيره ولا عديله
الجن التعزلو على إيدك
...
كفايه وللا أزيدك؟؟؟؟؟؟؟؟
| |
|
|
|
|
|
|
| |
صديق الموج
nazar hussien
banadieha
المعتمد
Abu Mariam
مريم بنت الحسين
المسافر
Tumadir
mamkouna
بلدى يا حبوب
Khalid Eltayeb
بدرالدين شنا
هشام المجمر
nile1
فيس بوك
تويتر
انستقرام
يوتيوب
بنتيريست