|
|
 الممعوط ما بطير
|
الممعوط ما بطير مثلا قديم دارسنو
وسيف الباله ما بقطع قدر ما تسنو
عوافى ياجماعه
هذا دعوه للجميع لكتابه الامثال السودانيه المحليه
لكتابته فى هذا البست مع زكر المناسبه والشرح ان امكن
وذلك لربط الاجيال المختلفه وربط جميع الثقفات التى يزخر بها هذا الوطن ارض المليون ميل
ودمتم زخرا له
ودعقاب
|
|
 
|
|
|
|
|
|
|
 Re: الممعوط ما بطير (Re: ود عقاب)
|
يظهر حانكمل وانا وبت قضيم
الجمره بتحرق الواطها
يقال عند يكون الناس ما حسين ببعض فى الشدائد
ضل الدوم
يقال عندما خيرات الاهل تذهب لناس قربا
ولكم حبى
ودعقاب
| |
|
|
|
|
|
|
|
|
|
Re: الممعوط ما بطير (Re: ود عقاب)
|
هاك دى من اخوانا النوبه بتاعين جبال النوبه
ان تخاصمت مع اخوك ما ترمى فى الارض بل وقفه على شقوا
هذا يقال عند الخصام مع الاخوان لكن دون قطع العلاقه
| |
|
|
|
|
|
|
|
|
 Re: الممعوط ما بطير (Re: ود عقاب)
|
تحيه طيبه
المراء ان فاس مابتقطع الراس
دى معروف ياشباب
عوم يا كلب شيخ عرب ومات
وحكايت المثل كان فى شيخ عرب شديد البطش وكانت له حفير ما يشرب منها الا بهائمه ومره اتى رجل ووجد كلب يعلب فى الحفير وعندما سال عرف انو شيخ العرب مات
قال عوم يا كلب شيخ عرب ومات
تقال زى حقت فات ابو شنب ولعب ابو ضنب
ودعقاب
| |
|
|
|
|
|
|
|
|
|
Re: الممعوط ما بطير (Re: ود عقاب)
|
شكرا علي الموضوع الجميل ده انا والله معجبه جدا بالثقافه السوجانيه و الامثال السودانيه و اعشق كل ما يمت للسودان بصله من الامثال المتذكراها الان :
الما عندو كبير يشتريلو كبير
الليك ليك كان لبن عشر كحل بيه عينيك
| |
|
|
|
|
|
|
|
|
|
Re: الممعوط ما بطير (Re: ود عقاب)
|
تكمله للحديث
الفي يده القلم ما بكتب نفسه شقي
العارف عزه مستريح
الفي قلبه حرقص براه بيرقص
الاتبلبل يعوم
سك الكذاب لخشم الباب
بليله مباشر ولا ضبيحه مكاشر
لو كترت عليك الهموم ادمدم ونوم
لو حلقوا لخوك بل راسك
( ودا الحيحصل علينا بعد شويه بعد العراق )
الناس في شنو والحسانيه في شنو
دا العندي ولو عايزين زياده في
الى القاء
لبني
| |
|
|
|
|
|
|
|
|
|
Re: الممعوط ما بطير (Re: ود عقاب)
|
عوافي يا حلوين،،،
تمر الفكي شايلو ومشتهي
مجبورة خادم الفكي على الصلاة.
نظافة مرة الفكي الغسلت الكتاب.
العرجة لي مراحه.
كترت ليكم من حكاية الفكي دي،، أصلو مشاكلي معاهم كتيرة.!!!!!!!!!!!!!!!!!!!!
| |
|
|
|
|
|
|
|
|
|
Re: الممعوط ما بطير (Re: ود عقاب)
|
والله فكرة فنانة وفيها فايده...و بالمناسبة هناك كتاب أتمني أن أقتنيه ولكن لم أجده وهو كتاب الدكتور عون الشريف قاسم: الأمثال العامية السودانية.....هل من يساعدني في الحصول عليه وله الشكر
وهاكم بعض الأمثال:
تمر الفكي الشايلو و مشتهي
لسانك حصانك,كان صونتو صانك , وكان خنتو خانك
وتقول العرب
قد يرجي لجرح السيف بُرءُ...ولايٌرجي لما جرح اللسان
خٌت الخمسة فوق الإتنين
أي اسكت بوضع اصابعك الخمسة فوق شفتيك
أرجي سفيه ولا ترجي باطل
نقول تور..يقول أحلبو
القلم ما بزيل بلم
القندول الشنقل الريكة
والقندول هو قندول الغزل الذي كانت تغزله النساء في المنزل..والريكة هي الإناء أو الصينية التي تجمع بها القناديل...وتقول العرب في هذا المعني:القشة التي قطمت ظهر البعير:أي الزياده القليلة التي أدَت إلي فاجعة أكبر
ليمونة في بلد قرفانة
أي شيء الناس في أشد الحاجةإليه
ألمي حار ما لعب قعونج
ده صعب مش كده؟ وهو من أمثال أهل الغرب..ألمي هو الماء...والقعونج هو الضفدع...ومعناه كده واضح
لنا عوده إن أردتم
| |
|
|
|
|
|
|
|
|
|
Re: الممعوط ما بطير (Re: ود عقاب)
|
الاخ
عثمان مرغنى
لك مبنى صادق التحاء
انا الايام دى هنا بفتش عن هذا الكتاب وان لقيتو بديك خبر
وامثال الغرب ظريفه ادينا منها عشان تعم الفائدهوزى ما قلت نربط الناس ثقافيه ببعض
ودمت لنا
ودعقاب
| |
|
|
|
|
|
|
|
|
|
Re: الممعوط ما بطير (Re: ود عقاب)
|
فكرة جميلة أمثالنا الشعبية
و قد بدأها أخونا الغايب كنتونا عن امثال غرب السودان
و سشارك بأمثال مصريه قمة فى الانانيه
يقول المثل
ان جالك الطوفان حط (خت) ابنك تحت رجليك
و معناهو اناني واضح و ده خلافنا مع المصريين
مثل اخر
كتر السلام يئل ( يقل) المعرفه
يعني ما تسلم على الواحد كل مره دليل على عدم معرفتك بيهو
و واصلو
| |
|
|
|
|
|
|
|
|
|
Re: الممعوط ما بطير (Re: ود عقاب)
|
تحيه طيبه
النسيـــــب عين شمس
النســــــب قشه فى العين
التسوى كريت فى القرض تلقه فى جلدا
والاخير يعنىمها الانسان يعمل عمل يرجع له
اما الاوائل عن احترام النسب
ود ست النفربت سيده
عيد الام
| |
|
|
|
|
|
|
|
|
|
Re: الممعوط ما بطير (Re: ود عقاب)
|
كل عام وانتم بخير
ليه يااهنا للبيناتنا ما بتراعو البقول راسو موجعه تربطتولو كراعه
عيب الزاد ولا عيب سيدو
بليله مفاشر ولا ضبحيه مكاشر
الاو ل عندعدم فهم الناس او محاول عدم الفهم
اما الثانيه تحس على الكرم
الثالثه احترام الضيوف
ودست النفر بت سيده
عيد الام
| |
|
|
|
|
|
|
|
|
|
Re: الممعوط ما بطير (Re: ود عقاب)
|
ود عقاب لك التحية
الباب البجيب الريح سدو واستريح
أخوك القريب ولا ود عمك البعيد ( الخوه هنا خوة الاسلام )
التسوي تلقا
التسوي كريت (الغنماية يا مغتربين) في القرض يظهر في جلدها
لسانك حصانك ان صنتو صانك وان طلقتو هانك
تمر الفكي شايلو ومشتهي
لالوبنا ولا تمر الناس
بليلة مباشر ولا لحمة مكاشر
وهذا خاص بالمغتربيييييييييييييييييييييييييييييييييييييين
كان جريت جري الوحوش غير زرقك ما بتحوش
؟؟؟
؟
؟
| |
|
|
|
|
|
|
|
|
|
Re: الممعوط ما بطير (Re: ود عقاب)
|
اخى ودعقاب
لعشقى بهذا الادب ولجهلى بأنشاء المواقع المحترفة حاولت ان اعمل موقعا صغير ، فأرجو ان تجد عندى قليل من ضالتك
***************************************************
ابلم مو شقي شقي البتكلم معاه
الابلم هو الذى لا يفهم و لا يفهم فهذا الابلم لا يتعب فى محادثته وانما يتعب محادثه فى حالتى الفهم والتفهيم وتفهيمه صعب لضعف عقله.
الابوه إت ما محتاج لخال
قال احمد بك ابوسن لولده علي وهم على الطعام أعط ماعون ألا يدام لأخيك عبدالاله لان خاله كريم فأجابه الذي أنت والده لا يحتاج لخال – يضرب في معناه مباهاة بحسب الوالد.
أبوك أمير وأبوي أمير مين بسوق الحمير
أبوك أمير وأبى أمير فمن منا يسوق الحمير أي من منا يخدم صاحبه – يضرب للمتكبرين الذين لم يتفضل إحداهما بأخذ الفضل والخضوع للأخر.
اثنين تدور غناهم راجل بنتك وصاحب دينك.
اثنين من الناس تتمنى أن يكونا غنيين زوج ابنتك وصاحب دينك – زوج البنت إن كان غنيا يساعده على احترامها وان كان لئيما يساعدها أوليها على اخذ حقوقها منه واما صاحب الدين ان مطلوبا لك يسهل غناؤه لك الحصول على مطلبك وان هو الذى يطلبك وان كان فقيرا يضطر لمقاضاتك بعنف مهما كان فضيلا لان الضرورة تعلم خير الناس شر الطباع
اجر وعافيه
تقال للمريض يتمنون له الشفاء من مرضه والثواب عليه.
أحسبكن ياكرعين شايلات بطن اتاريك يابطن شايل كرعين
كنت أظن رجلي حاملتي بطني فأذا بطني حامله رجلي – يروى أن أحد التكارير كان مسافرا مع رفقاءه وطال بهم السرى واصبحوا جياعا فلم أعياه التعب واشتد عليه الجوع جلس مكانه فقالوا له أن الحله قد قربت فقال كيف عرفتوا قالوا رأينا النار قال النار مثل النجمة في السماء قالوا سمعنا صوت الكلاب قال صوت الكلاب في الليل مثل الرعد قالوا سمعنا صوت الناس قال للان بعيد فقالوا : متا نقول لك انه قريب . قال إذا سمعتوا صوت العجين في الدوكه . قال تش ، فلما وصل أكل وشرب ونشط وقال يخاطب رجليه ((أحسبكن ياكرعين شايلات..الخ))
| |
|
|
|
|
|
|
|
|
|
Re: الممعوط ما بطير (Re: ود عقاب)
|
العزيز ود عقاب
لك التحية
اليك بعض الامثال
العرجاء لي مراحها
التسوي كريت في القرض تلقي في الدباغ
ابو الجعران عند امو مرجان
التور ان وقع كترت سكاكينو
اب سن عن جملو
ولنا عودة
| |
|
|
|
|
|
|
|
|
|
Re: الممعوط ما بطير (Re: ود عقاب)
|
ود عقاب وجماعتو ..
السلام جاكم
الممعوط ما بطير..؟؟
والمحرَش ما بيكاتل
جارك القريب ولا ود أمك البعيد
العين بصيرة والليد قصيرة
البحر فايق والقعوي ضايق
كتلوك ولا جوك جوك
الجمرة بتحرق الواطيها
البيتو من قزاز ما بجدع الناس بالحجار
البحر بياخد عوامو
عايرة وأدوها سوط
الشهر الماعندك فيهو نفقة ما تعِد ايامو
دقاني بكا سبقني اشتكى
العود كان ما فيهو شق ..ما قال طق
العارف عزو مستريح
كان تلاتة قالولك راسك مافي ..أفقدو
الكلب بينبح حرصاً علي ضنبو
اتنين ما بتلقن للنعامة
وتقعدوا عافية
قيسان
| |
|
|
|
|
|
|
|
|
|
Re: الممعوط ما بطير (Re: tasneem)
|
في امثال عندنا مربوطة باسماء مثل
مرض حامد
الرماد كال حماد
يحلك الحلي بلي
يقال لمن هو واقع في مشكلة
بلي دا منو ومشكلته شنو
وغيرها وغيرها
| |
|
|
|
|
|
|
|
|
|
Re: الممعوط ما بطير (Re: ود عقاب)
|
شباب كيف عاملين
الفى ايدو القلم ما بكتب نفسو شقى
البيتو من قزاز مايفلع الناس بالحجاره
الاول يعنى لو كان الانسان يقدر يححد مصيرما بختار التعاسه
اما التانى يقال حين ما تسب اناس وانت يمكن ان يقال اليك هذا الكلام
وشكرا
ودعقاب
| |
|
|
|
|
|
|
|
|
|
Re: الممعوط ما بطير (Re: ود عقاب)
|
الرجال والنساء في الامثال
ضل راجل ولا ضل حيطة
الراجل الدفيان بدفي
الدفيان معناها الجيبه تقيل ومليان قروش
المرا عمود البيت
المرا شاورا وخالفة
نواصل
| |
|
|
|
|
|
|
| |
ابو تميم
بت قضيم
bit barber
AZHERY KABBASHY
Osama Mirghani
tariq
جدو
gessan
فيس بوك
تويتر
انستقرام
يوتيوب
بنتيريست