|
|
|
 Re: أمريكا بعيون سودانية (2) .. غادة عبد العزيز خالد (Re: عماد محمود علي)
|
Quote: الجميل لا يكتب إلا عن الجمال وها أنت تكتبي عن غادة .. وغادة جميلة في كل شيء ...
لك ولها كل المحبة والتقدير والاحترام ... ونتابع .. |
سلامات يا عماد.. والحقيقة.. أخجلتني كلماتك
فلم أدر.. هل أشكرك وأقول فعلا وأصير كمال المثل
(شكارتها....)
أم أنف عني نفسي صفة الجمال وأكون بيدي وحدها
أنفي ثناء حط على باب بيتي
-الوشوش الباسمة مالها ما بتشتغل-
المهم يا سيدي.. لك شكري
ومعزتي لك في القلب كما تعلمها
غادة
| |
 
|
|
|
|
|
|
|
|
Re: أمريكا بعيون سودانية (2) .. غادة عبد العزيز خالد (Re: انعام حيمورة)
|
لك اللتحية
واسمحي لي ان أهنئك على الاشارة الجميلة الى هذا البرنامج والى مقدمته الرائعة في كل شيىء..
واجمل ما في ذلك انها اعطت نموذج لعمل متكامل من الناحية الفنية والجمالية..
ولك ان تنظري الى ناحية الاخراج والتصوير..فقط ... الذي يشد المشاهد ويجبره على المتابعة..
ولعل اخواننا في القنوات اياها ان يتعلموا شيئاوالاستفادة من التقنية الحديثة في أعمالهم المماثلة..
والخطاب باين من عنوانو...أمريكا بعيون سودانية
وعيون السودانية في امريكا سمحة...
وعقولهم متفتحة..
والاستفادة واضحة..
وذي ما قالت المطربة(سمح العلم ..سمحة القراية..)
ولك الشكر .
اخوك/ صالح كردي
| |
|
|
|
|
|
|
|
|
 Re: أمريكا بعيون سودانية (2) .. غادة عبد العزيز خالد (Re: Salih Kurdi)
|
Quote: لك التحية
واسمحي لي ان أهنئك على الاشارة الجميلة الى هذا البرنامج والى مقدمته الرائعة في كل شيىء..
واجمل ما في ذلك انها اعطت نموذج لعمل متكامل من الناحية الفنية والجمالية..
ولك ان تنظري الى ناحية الاخراج والتصوير..فقط ... الذي يشد المشاهد ويجبره على المتابعة..
ولعل اخواننا في القنوات اياها ان يتعلموا شيئاوالاستفادة من التقنية الحديثة في أعمالهم المماثلة..
والخطاب باين من عنوانو...أمريكا بعيون سودانية
وعيون السودانية في امريكا سمحة...
وعقولهم متفتحة..
والاستفادة واضحة.. |
صالح كردي
ولك التحية انت لمتابعتك لحلقات امريكا بعيون سودانية وان شاء الله تكون عجبتك وقدمت واضافتك ليك الكثير
شكرا تاني
| |
|
|
|
|
|
|
|
|
|
Re: أمريكا بعيون سودانية (2) .. غادة عبد العزيز خالد (Re: Salih Kurdi)
|
Quote: وعيون السودانية في امريكا سمحة...
وعقولهم متفتحة..
والاستفادة واضحة..
|
سلامات يا صالح...
عيون السوداني جميلة في كل مكان
سواء في أمريكا أو في السودان..
البرنامج يهدف إلى محاولة التوقف على كل النشاطات
والأعمال والتجارب التي يقوم بها السودانيون في الولايات المتحدة
هل إستفادوا من غربتهم؟ إلى أي حد؟ وإلى أين هم اليوم وصلوا..
التمازج بين التجارب السودانية والمعالم الأمريكية
يهدف إلى التعريف بالمحيط الذي يعيش فيه هؤلاء السودانيين
وتسليط الضوء على كل جميل تقع عليه عين السوداني الجميل في غربته
تقبل شكري الجزيل على الحضور الأنيق
معزتي
غادة
| |
|
|
|
|
|
|
|
|
|
Re: أمريكا بعيون سودانية (2) .. غادة عبد العزيز خالد (Re: yasir Abdelgadir)
|
Quote: تحية كبيرة لغادة الاعلامية التي تتقدم بثقة وثبات من خلال اجتهادها وعملها المميز
وتحية لك يا انعام للتنبيه لهذا العمل الجميل |
شكرا ليك يا دكتور ..
وأحب انوه بانه عمل مشترك بيني وبين الحبيب معتصم دفع الله هو من قام بتسجيل الحلقات كما في البوست رقم (1) ..
وهنالك بداية الحلقة لم يحضرها .. فلو تمت الاعادة حا نلحقها ليكم ..
شكرا ليك يا دكتور ياسر
| |
|
|
|
|
|
|
|
|
|
Re: أمريكا بعيون سودانية (2) .. غادة عبد العزيز خالد (Re: انعام حيمورة)
|
| Quote: داخل غرفة ماري بولس في القلعة السرية |
تعرفي يا نعومة
القلعة مفتوحة أبوابها لجميع السياح من كل مكان
بيدفعوا مبلغ بسيط للحضور ومشاهدة القلعة من الداخل
إلا غرفتها فهي ممنوعة الدخول إليها
لكن سمحت لنا وبالكاميرا بالتجول داخلها
في خطوة أدهشت العاملين في القلعة نفسها..
القلعة مبنية بمواد بسيطة جدا
لكنها أيضا مبنية بدقة واهتمام بالتفاصيل لا يخطئه العين
ماري نفسها لطيفة جدا وبسيطة.. تقول لي:
-لقد كان حلم حياتي قلعة.. كان أبي وأنا صغيرة
يقول لي أنني أميرة وكنت أقول لهأنني أريد قلعة
فحينما علم بمرضه الفتاك قرر أن يفني بقية حياته
في بناء حلم فتاته وطفلته الصغيرة..
أي قصة هذه..
تقبلي المحبة
| |
|
|
|
|
|
|
|
|
|
Re: أمريكا بعيون سودانية (2) .. غادة عبد العزيز خالد (Re: انعام حيمورة)
|
لك التحية مرة تانية...
طبعا أكيد استفدته..؟؟
مكتب عم عثمان..
الاحساس بانو المجهود وشقى الايام وسهر الليل في بلاد المهجر بيعود بمردود خالص ...
وعم عثمان من 2001 الى 2009 قدر يعمل شغلو الخاص وينافس بيهو الامريكان وغيرهم هناك..
وقال كمان انو في تسعةشركات لاخوة سودانيين على ما اذكر منافسة...
(انا واخواني في منطقة الخليج من سنة الى ثلاثين سنة لم يستفيد الا القليل منا بعمل حر خالص..)؟؟؟؟
طبعا أكيد استفدته..؟؟ وفي استفادة أكتر من كده ...؟؟
مهم جدا..
الشجاعة
الجرئة
التركيز
بعد النظر
التحية للعم عثمان و شكرا لك..
صالح كردي
| |
|
|
|
|
|
|
|
|
 Re: أمريكا بعيون سودانية (2) .. غادة عبد العزيز خالد (Re: انعام حيمورة)
|
الحبيبة انعام.. وطبعا معتصم دفع الله الأول (مشترك)
يبدو أن قناة النيل الأزرق يروقها أن يذاع برنامجي
وأنا أكون على سفر..
وكالعادة، أكون آخر من يعلم
وجدت رسالة في هاتفي اليوم وأنا في المطار
أدور بين طرقات مدينة أتلانتا منذ يوم الأربعاء
-ذات يوم البث-
وأخبرتني أبنة خالي العزيزة أنها رأت الحلقة ورأيها فيها
ثم قالت أنها ظهرت في بعض من الأجزاء
حاولت الأتصال بها.. لم أوفق
أتصلت بي هي وأنا لم أتمكن من الرد في حينها
وظللنا هكذا (نتعاقب) وأنا محتارة أريد أن أعرف
أين رأت الحلقة و.. و.. وكل التفاصيل
مع إني كان المفروض أفهم منذ البداية
أنه مجهود بينك وبين أخي وصديقي العزيز
معصتم دفع الله -وجه باسم-
لا أدري كيف إلى شكركم سبيل.. سوى تقدير ومحبة عميقة
لكل من مر من هنا..
تحياتي ومحبتي حتى أعود لكم سريعا
غادة
| |
|
|
|
|
|
|
|
|
|
Re: أمريكا بعيون سودانية (2) .. غادة عبد العزيز خالد (Re: غادة عبدالعزيز خالد)
|
غادة حمد لله على السلامة بركة الجيتي طيبة ..
مشتاقون ..
عارفة ناس البيت بقوا يتعابوا حلقاتك .. ودائما يذكروني بالمواعيد ..
وانا بكون عارفة الحبيب معتصم دفع الله قاعد بالمرصاد للحلقات .. فبكون مطمئنة حتى لو فاتتني .. بتكون قاعدة في صفحتي في اليوتيوب ..
معتصم نتمنى عودته في عزلته الاختيارية تضامنا مع الحبيب تمبس والذي نتمنى عودته سالما ومن معه ..
الحلقات حلوة جدا واستمتعنا بيها كتيرة ..
وتاني ختي في بطنك بطيخة صيفي اي حلقة فاتتك نحن جاهزين ..
تاني حمد لله على السلامة
| |
|
|
|
|
|
|
| |
انعام حيمورة
غادة عبدالعزيز خالد
Salih Kurdi
ناصر جبريل
فيس بوك
تويتر
انستقرام
يوتيوب
بنتيريست