والله يا ناس المنبر أمانة ما إتلومتوا .. نغيب منكم إسبوعين واحد يجيب خبرنا مافي .. أها النسوي لي مناشدة لي روحي .. وممنوع أي زول يجي يعمل مداخلة .. لحدي ماأرضى مني علي .. البوست دا أنا سيدو بسوي المداخلة براي وبرد عليها بي نفسي .. والأغنية السمحة دي مهدية مني لي .. جبر الخواطر بعد الزعلة دي ما بينفع .. إنتوا ما سمعتوا يزيد بن معاوية قال .. وبكى بعضي على بعضي معي . وناس تمبس وشتات والخال ود قاسم وود الموج وود وراق وأخرون .. أصبروا أنا بعرف اتسدى فيكم .. والزعلات أكتر من الرايحات ..
05-03-2004, 00:59 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
حمداً لله على السلامة .. معليش أنا كنت مشغول مني بي .. أغنية خالد الصحافة " عوداً جميل " مهدية لي .. تسلم يا الحبيب والعاجبة عاجبه والما عاجبه يحلق حواجبه .. أنا مصر على منع المداخلات ..
المتداخلون يمتنعون .. بالله لاقاكم زعل جنس دا ..
05-03-2004, 01:11 AM
ملكة سبأ ملكة سبأ
تاريخ التسجيل: 06-18-2003
مجموع المشاركات: 3855
قال ماندخل قال والله (ام برمة) تاني ماتمرقنا من هنا دا والأغنيـة دى مهدية لى انا دى برضـو والعاجبو عاجبو عودا حميد يامعتصم .. وقاعدين نتاوق ليك بهناك ..
05-03-2004, 01:29 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
صديق ود عمي أنت خلاص نفذت منها وأنا كنت شائل عكازي وحائم بره للعوة .. إلا خاطركم تب ما بكسره .. لكن يأ أخوي الزعل مو كعب وبجيب اللوم .. وعليك الله نزعل في شنو والدنيا دي ماخدين منها شنو ..
أيه نقول غير السمح والزين .. ما أنتي ست الذوق .. وطبعك جميل ورزين .. شاربة من موية النيل حنين .. تدينا منو الأمل .. لا قلتي لا .. كفاية خلاص .. لا شفنا منك أنين وضنين ..
شكراً بلقيس فقد منحتينا عافية التواصل .. فكان لابد من رد الجميل .. ومرحب بيك البيت بيتك .. والأغنية دي برضو هدية مني ليك ..
وكان الله أدى العافية بجيكم بي غادي .. بس شيلوا الصبر ..
05-03-2004, 01:36 AM
Raja Raja
تاريخ التسجيل: 05-19-2002
مجموع المشاركات: 16054
معتصم الجميل مين قال ليك خالك ماسأل عنك ؟؟ علي الطلاق سألتك عنك مرات ومرات ،، واتصلت عليك في الشغل ، تلفونك ما بيرد ، واليوم اتصلت بين التاسعة والتاسعة والنصف صباحا ، ولا يوجد من يرد ،، والمنبر ذاتو ما كان بيفتح معاي ،، بركة الجيت ، وأحسن تبطل الدلع ، وتمشي عدل ..
05-04-2004, 01:25 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
رجاء .. نسايم الطيبة .. نفحة الغالين .. بعدين أظنك أهديتي الأغنية لي أنا .. بس المطر قال بنات العباسي ما بزعِّلوا .. أنا أثنـِّي كلامو .. وعموما أقول شكرا على الأهداء ..
الخال .. خيرك بحر .. قلمك نفحة .. عكازك شعاع من نور ..
شتات يا حبة .. وحبة دي من المحبة .. واليومين ديل كمان أسبوع المحبة .. تعرف أنا ما نسيتك عشان أتذكرك .. لكن فتشت للحروف ما لقيته هربت تفتش لرفيقاته .. تجمع في الشتات .. تتلم بي هناك .. تنظم كلام كتير وعجيب .. عشان أنت زول سمح بلحيل .. لكن المرة الجاية عكازي في يدي بس أنت أبقة مارق .. وبالله عليك ما تكلم تمبس ودكين لأني لابد ليهم في الضلمة ..
أها معاك سلامة .. شتت
05-04-2004, 12:05 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
أبوذر اخوي والله إفتقدتك كثيراً وأيه نحن بدونكم نسوى .. إنتو منحتونا عافية المطر وأديتونا الإلفة .. وخاطركم عندنا كبير وأنا والرباطي داك خاتنها ليك مفاجأة كبيرة .. بس أنتظر .. لك كل الحب .. كل الـ " مؤده " .. تسلــــــــــــــم
عزيزنا معتصم تحية و محبة أنا غايتو برة من الجماعة ديل ،، أنا سألت منك بالتلفون و في الأخير لقيتك مع تمبس و شتات ضاربين الونسة المهم عندنا هنا هو عودتك الجميلة دي. برضو كان في تقصير. عقبال عودة باقي ( برادبة ) الرياض أرقد عافية
05-05-2004, 01:21 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
والله أنت بره منهم والزعلة دي ما ليك أنت .. والأغنية السمحة دي أنا أصلو كنت هاديها ليك .. لكن تقول شنو في المزاج العكر دا .. وأكيد حا أعوضه ليك باحسن منها .. ومعاك ندعو جميع البورداب وخصوصاً ناس الرياض العودة للحوش الكبير ..
وسلم لي على البنيات ..
05-05-2004, 01:08 AM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
شكراً على هذا الشعور النبيل .. رب أخ لك لم تلده أمك .. في هذا المنبر وجدنا طيب المعشر وحسن المعاملة .. من أناس كثيرون نكن لهم كل الإحترام والتقدير .. سلمت أخي على ودمت أخاً وصديقاً ..
05-04-2004, 12:23 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
طليتي أنتي ومعاك الفرح .. جلبتيهو لينا من مكان بعيد .. من ناس هناك مادين الإيد .. لي قولة السلام والشوق اكيد .. نحن نقول سماح .. نقول معليش .. ما إنتو الطيبة زاته دا ما كلام ترديد .. وحبل الود كمان موصول نمده ليكم ونزيد ..
غيب وتعال تلاقنا نحن يانا نحن انت اصلك فينا باقي مهما طال بعادك جيناك بقادي في بوست ما ان لشتات ان يجتمع و اتحفتنا بروائع الانسان الشفيف شتات . رأيك في القصيده ده شنو _ كلموني قالوا انك تائهة فاقد الخطي نازل على الدرب اليباب زارع الشوك ورد و حاصد الالم عذاب فاقد الوعي و كايس لحكيم يكتب دواك ***** انت ما اصلك شقي وفي عيونك دايما شرود وفي قليبك حب منكفي و مالاقي البيضحك معاك اصلو درب الفاتو ماتو و ما برجع من سرق هواك
اهو الناس بتكتب كلها وقلنا نجرب
الصادق خليفة
05-06-2004, 12:25 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
والله نحن ما قدر دا .. والقصيدة فعلاً جميلة واصل في الكتابة .. شكراً لهذه الكلمات الرائعات التي أتحفتني بها .. وإنتو دائماً في سويداء العين .. فقد منحتمونا عافية المحبة والتواصل .. ونحن نفوت منكم وين إنتو يا الحلوين ..
تسلم
05-06-2004, 12:06 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
كل الحروف طربانة تسبق في الخطى .. محتارة في رد السؤال .. قالت مرحب حبابكم ما كفي ..
الأخت العزيزة ندي .. الغياب ما كان بيدنا .. ولا كان إختبار لمعزتنا عندكم/ن .. وعارفنك أصيلة يكفي سؤالك عننا .. شكرا جميلاً .. وإن شاء الله الأغنية تكون عجبتك .. لك سلامي وخالص تحياتي ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتصم دفع الله
ملكة سبأ
صديق الموج
Raja
ودقاسم
THE RAIN
شتات
tmbis
إسماعيل وراق
Abdel Aati
ابو جهينة
يا بت يا نيل
الصادق خليفة
فيس بوك
تويتر
انستقرام
يوتيوب
بنتيريست