|
|
|
 Re: الى معتصم دفع الله في ذكرى يوم ميلاده (Re: رانيا بابكر)
|
عيد ميلاد ؟
تعرف يا معتصم
الشئ الوحيد المحيرنى، إنه الناس بدل ما تزعل لمن يفوت يوم من عمرهم، يقومو يفرحو ويحتفلو
ياخ كل يوم يتخارج معناهو خسارة
خسارة فادحة كمان
المهم أنا ما حاحتفل بيوم الميلاد ده إلا فى السنة رقم تمانين (80)
فى اليوم داك حاكون مبسوط جدا إنى فعلا اتولدته
هسه انا ما عارفك مستعجل ليه
يا دوب ياخ انت تميت خمسة واربعين وباقى ليك خمسة وتلاتين
المهم يا زول
ما دام فى إحتفال وبهجة
خلينا نفرح
بس الفرح الكبير بيك أنا مؤجله ليك لمن نمشى السودان
وعندك فرصه لحدى بعد عيد رمضان باسبوعين بس
إنشاء الله كل يوم وإنت اسعد وأجمل ومليان بالفرح لحدى ما تدفق
والبدفق من الفرح، خلى يشيلوهو عصابة القناع الأسود
فلان وفلان وفلان
وتحية مسقيه بعطر ورود الدنيا كلها
للعزيزة رانيا
ولكل الأعزاء هنا
| |
 
|
|
|
|
|
|
|
 Re: الى معتصم دفع الله في ذكرى يوم ميلاده (Re: أبوذر بابكر)
|
يا مطر أخوي ..
الواحد ما بيحتفل إنو إنقضى عام من عمره ؟..
الواحد بيحتفل بالناس الحلوين الحوليه ..
وبكل جميل أهدونا ليه ..
حقيقي الواحد محتاج لهذا اليوم ليقيف مع نفسه ..
ومراجعة ومحاسبة كل ما مرّ من أيام عمره ..
تمنين دي يا مان تكون خرفت وأنا عارف خرفك كعب ..
بس بجي بنكت ليك الحاجات الحلوة المريت بيها وأذكرك ليها ..
دائماً ما كنت أشاغل ليك قريبنا ..
أقول ليهو ياخي الكبر حصل ..
يقوم يقول ليك كبر شنو ياخ ..
نحن لسه شباب ..
يدق صدره بيديه الإثنين ..
عليك الله هسي الواحد يغني يا ضنين الوعد دي ..
ويقولوا عليه كبر ..
أما باقي عصابة القناع والرباطية ديل ..
أشوف فيهم يوم ..
أنا هسي قائد فصيل وعامل تمرد عليهم ..
وسوف نوافيك بكل البيانات والفرمانات أول بأول ..
كل سنة وأنت أجمل يا قريبي ..
بس كنا عايزنك تتحفنا بي قصيدة كاربة كده ..
مش الحكاية إحتفال ..
يديك ألف عافية ..
ويحقق ليك كل أمنياتك يا رب ..
محبتي وتقديري ..
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: رانيا بابكر)
|
..
.
سلام يا شــباب الربة ،،،
كل عام وانتم جميعاً بخير ..
واخر بهجة وفرح .. مع الحلووين والحلوات
14/15 اغسطس انا ما عارف دا عيد ميلاد ولا تاريخ جلسة ..
وشن لما الموردة على ناصــر .. غايتو بقيتو تسوا البدع ..
والله يا ابو الدفاع .. اخوك غلطان وبعتذر اليومين دى انا بشوف اتجاه واحد بس..
ومن احداث الجنوبين فى الخرطوم بشوف طشاش طشاش ..
كل عام وانت الحب .. وكل 100 سنة وانت بين احفاد احفادك ..
تامبا .. انت برضو معاهو بامنيات حلوة وكل سنة وانت جميل ..
تحياتي ،،،
اساسي .... ( !)
هاك كوستاوي دا ..
| |
|
|
|
|
|
|
|
|
 Re: الى معتصم دفع الله في ذكرى يوم ميلاده (Re: إسماعيل وراق)
|
شباب تلـج اونلاين ..
تحذير حكومي "رسمي وشعبي"
اي زول جاء كسر تلج يا موووو
ويا تامبا ويا اساسي ويا رانيا
ويا كلكم عيد ميلادي الثاني في المنبر يوم 20/8/2005م
يعني يوم السبت اول الاسبوع وكدي واحد فيكم ما يجي يكسر تلج
قيامتكم ما قامت، وحرب الكيبوردات ما جاك بلاء .. وتلجكم ما سـااااااح 
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: waleedi399)
|
الاخت رانيا
ازيك وكتر خير
معتصم دا انا كايس ليهو لى زمن
الحمد لله انتى الان وريتينى دربو.
ودا شنو دا بالله يا معتصم هو انت عندك عيد ميلاد
والله اول مرة اعرف الحقيقه دى .. والله انا
قايلك ساى كده بس من غير ميلاد ولا اى شئ
بس بورد وتانى مافى اى حاجه ... والله كويس
اهو رانيا كتر خيرها عرفت ليك يوم ميلاد الله يديها
العافيه ويخليها للبورد وناس البورد.
عموما يا اخى كل سنه وانت طيب
قال البورد قال
يا جماعه دقو لى بتاع الحافله دا خلى يمشى من المحطه دى شويه
ما يقوم بكرة نتفاجأ بى اولاد تمبس جاين من السودان .
معتصم تلاجتنا بايظه اليومين ديل عليك الله لو عندك باقى تلج عليك الله
رسلو لينا مع وليد او شتات ..لانو الحر والجفاف كتلنا.....
بحر من الود الصافى ليك ولى رانيا وكل المتداخلين ...
ابو القدح
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: mohamed elshiekh)
|
تخيل يا أبوالقدح بتاع الحافلة طنش وفوت المحطة ..
أها أنا عامل زي بتاع الحافلة دا ..
مفوت حاجات كتيرة متجاهله أو متناسيها ما فارقة ..
وبحاول ما أتذكرها عارف ليه ؟..
لأنها بتقلب علىّ مواجع كتيرة ..
وأخوك قلبه رهيف ما بستحمل ..
أها وعشان الفلسة وكدا أخوك فتح ليهو تلاجة ..
والبيع بالمزاج يعني تجي إنت وباقي العصابة ..
أقول ليكم يا جماعة أقيفو في الصف حتى ولو مافي زبائن زاتو ..
الموضوع ما حقارة ..
لكن مرات الواحد بتضرب ليهو في رأسه ..
يقوم يعمل الحاجة دي ..
تقدر تقول غتاتة في سن متأخرة ..
أها نرجع لي قصة التلج أقصد عيد الميلاد ..
ياخي الواحد بيحتفل بي وجوده بينكم ..
وبكل هذا الحب والمودة البينا ..
ربنا يديمها علينا ..
ويجمعنا دوماً على هذا الحب ..
الشكر لك وللغالية رانيا ولكل من حضر هنا مهنيئاً ..
محبتي بلا حدود ..
وسأحاول أن أزيح غطايئ ولو إلى حين ..
بعدها سأعود إلى قدحي وأزاول إنزوائي ..
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: Tabaldina)
|
| Quote: 14/15 اغسطس انا ما عارف دا عيد ميلاد ولا تاريخ جلسة .. |
دا زي أرقام قرارات الأمم المتحدة ..
كيفك يا تنقا ..
والله الشوق من هنا لي كردفان ..
والعروس ورمالها ..
كل سنة وإنت أجمل ..
وعقبال ما نفرح بيك إنت كمان ..
محبتي ..
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: ahmed haneen)
|
المقاتل الشفيف أحمد حنين ..
أنا عارفك كابي الزوغة ..
لكن قلت في سري ما مشكلة ..
الزول دا بجيبو الدرب ..
واللواري بتقيف ..
والسواق يقيف في ياتو محطة ما مهم ..
بعدين يا شفيف الأيام كلها أعياد ..
بالحب والمودة بين الناس ..
بالكلمة الطيبة المارقة من جوة القلب ..
تلجك دا ساح زمان يا مان ..
مشكلتك ما كنت حافظه كويس ..
أشتري ليك مبردات جديد ..
ولا أقول ليك كلم وليد399 عنده السر ..
كل سنة وأنت طيب يا أبومهند ..
ربنا يحقق كل أمنياتك ..
ويجعل أيامك كلها أعياد وأفراح ..
محبتي ومودتي ..
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: رانيا بابكر)
|
ياخوانا معتصم دفع الله عيدميلاده ومافي زول يقول؟؟
غايته دي تحت الحساب، لما تجينا للمُلاح داك تكون طالبني كيكة بي الشوكولاته...
كل سنة وانت طيب، جعله الله ميلاداً جديداً.. وبداية سعيده لعام مليء بالنجاح والسعادة والفرح...
مريم بنت الحسين (نادر يجي يتصرف براه... )
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: مريم بنت الحسين)
|
الغالية مريم بنت الحسين ..
ربنا يخليك دائماً حاضرة في الدواخل ..
شكراً للتورتة لكن عايزنها لايف ..
ومعاها ملاح أم رقيقة كارب ..
بعدين نادر سبقك زمان وجاء إحتفل معانا هنا دا ..
ودي مداخلته ..
Quote: عقبال مليون شمعة مع الأحباب وربنا يديم أيامك كلها أفراح
تعجز الكلمات أن تعبر لك عن مشاعري تجاه
كل ما يحدث هذا
كل سنة وأنت بألف ألف خير |
كل سنة وأنتِ أجمل ..
محبتي بلا حدود ..
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: MUNA OBIED)
|
الغالية منى عبيد
وأنتِ طيبة وبألف خير يا رب ..
دوماً حاضرة في الدواخل ..
شكراً لك ولكلماتك اليانعات ..
محبتي بلا حدود ..
تخريمة ..
| Quote: من يوم 14 الفات ولي 100 سنة لقدام |
الوكت داك أخوك يكون دخلو الخرف ..
أقوم أتغاتت عليكم جنس غتاتة ..
أخت عصاتي جمبي وأقع فيكم خبيط ..
بس واحد فيكم يجي حائم بي هناك مافي ..
| |
|
|
|
|
|
|
|
|
|
Re: الى معتصم دفع الله في ذكرى يوم ميلاده (Re: رانيا بابكر)
|
وليد ٣٩٩ كتب Quote: وكت بقى فيها تلــج
انا كمـان يـوم 21/6
السـنة دي مشـى ساكت
بس ما مشكلة السنة الجاية |
وليدالعجب كتب
وكت بقى فيها تلــج
انا كمـان يـوم 6/6
السـنة دي مشـى ساكت
بس ما مشكلة السنة الجاية لو ربنا حيانا
ومن حسع السنة الجاية شهر ٦ لو فطيطونا
حنقوم عليكم وليد ووليد
دي علي وزن داحس والغبراء
رقدتو عافية
| |
|
|
|
|
|
|
| |
معتصم دفع الله
osama elkhawad
luai
أبوذر بابكر
Ahmed Daoud
إسماعيل وراق
waleedi399
mohamed elshiekh
ahmed haneen
bint_alahfad
Sidig Rahama Elnour
Khaalaleyaal
الصادق خليفة
Osman M Salih
مريم بنت الحسين
عبد الباقي الجيلي
Abdulla Ageed
Agab
فيس بوك
تويتر
انستقرام
يوتيوب
بنتيريست