هل صحيح ان الحزب الشيوعي لايمنح (المثلين) عضويته؟؟انه تمييز عنصري!!

Quote: بالنسبة لموضوع البوست، فعلا ده موضوع فارغ وانصرافي بالذات من تراجي. ليه فارغ وانصرافي؟ لانو ادمية البني ادم او قدسية حق الحياة فوق اي حق واعتبار اخر. ياخي المثلي هذا، علي الاقل بني ادم غير منتقص الادمية، كمثلي، لاهو "فرخ" بالميلاد، ولا "عب" ناس فلان، كماهو حال الملايين، او سبب الموت في بلدنا، وان لم يصور هذا، كذلك! نخلي ده عشان نشبك في ترف سفسطة حق المثليين في الانضمام للاحزاب السياسية، الجهوية؟ هذه جريمة ياعزبزي، بدفعو فاتورتا المشردين في دارفور بلا ادني جريرة. هذه ترهات المجتمعات الواصلة، مش احنا ناس قريعتي راحت الما لاقين نشبع اكل ساكت يا طلال! هل هذه قضية الساعة في بلدنا يا طلال؟ القضية هنا بدل ماتكون عن دور الحزب الجلابي الشيوعي في تثبيت اركان دويلة الاقلية، اصبحت، حق المثليين في الانضمام للحزب الشيوعي! قول انضمو للشيوعي، so what؟ هل هذا كفيل بايقاف شلالات الدم في بلدنايا طلال؟ لسنا ضد المثليين ولسنا ضد حقوقم كبشر، ولكن نحن ضد شك الاوراق واعادة خلط الاولويات. لحين من الدهر وحتي نهاية 2004 المنبر ده كان كلو كده! قضايا انصرافية، واهتمامات ترفية، عن بيضة الديك، موسم الهجرة، وردي فنان افريقيا، دريدا بتاع التفكيك، من ادخل البنوية السودان، والحداثة قامت، والحداثة قعدت...وهكذا. الان تراجي تعود بالمنبر الي ايام عصرو الجلابي، الذهبي، بعدما تعبنا او قضفنا الدم، في تغيير مجراه العام، ليصب في المجري العام للتاريخ في بلدنا، ولو جزئيا! واضح البوست ده او تفرعاتو حول مجري المنبر كلو، في شكل خطوة للوراء!

(عدل بواسطة Tragie Mustafa on 11-11-2007, 06:36 AM)
(عدل بواسطة Tragie Mustafa on 11-23-2007, 03:17 AM)