السراي الصفراء ..

Quote: أو تعمل زى الأخو الجاتو زولتو تصرف ليهو شاكوش على رؤووس الأشهاد ولما قالت ليهو إعتبر البينا بعد كدا صداقة. قال ليها وإنت كنت قايلاها شنو!!!؟

القذافي شايفو جايي يشكوش الثوار انو سلم السلطة للشعب من سنة 1977م .. و انهم ثائرين على الشعب!
شفت ليك جنس شاكوش؟ .. و شفت جنس محن و إحن بعمل فيا العقيد دا!

لووووووووول

Quote: يا قيقا إنت أقعد إتدفق كدا لمن تلقى الفايل دا نزل ليك هنا!!

انا وضعي الاممي ما بسمح لي ابقى رقراق .. يا اتدفق كدا .. يا كمان ودوني الضل من اسي
و نادوا لي د. عزاز ياخ! تشوف ناس معزتنا .. و قل داوني بالتي كانت هي الداء

لووووووووب

انت قايل الكلام دا الليلة هو!؟
دا ياخ عشرون عاماً مما تعدون .. ( تاريك ) كما قال الحلاق*
و انا لا ابصق على تاريخي .. انا المجد .. هييييييع!


--------

* ياخ مرة لم ليك فيني حلاق باكستاني - تحت تحت اكتشفت انو اصلن هو كهربائي بالنهار - طقة واحدة بالمقص في ما تبقى من شعيرات الراس الذي اشتعل شيباً، وطقتين في الهواء..
ساعة بالتمام و الكمال، و نحن على هذا المنوال طقة، و قرقرة في " حكاوي بائسة لشعوب أبأس " و عشان يدوزن سمفونية المقص يلحقا ليك بمقطع " تاريك!" حاسمة. في قافية مختلة جداً جدن .. حتى آدم همسلف. و هذا الاخير ابطال القصص من التاريك اليه اقربو! .. بتعرف محمد الفاتح بالمناسبة!؟ لوووب .. دا الفتح القسطنطينة و نجر لي حديث اخدااااار " من فتح القسطنطينة دخل الجنة!!" و تسمع طق .. تاريك! .. و هكذا دولايبك.
لمن حنيت على نفسي .. و تساءلت في عقل بالي .. اسي عليك الله ناس كلية الحلاقين الملكية بانجلتر و ويلز دي كان ركزوا على تدريس " علم الحلاقة " و شالو " التاريك " من المنهج مش احسن!!
ياخ هن كلهن سبعة صوفات تعدي لي فيهن ساعة كاملة من التاريك بين يديك و مصك و حكاويك التاريكية و الدينية الفشنك دي!؟ ..
لقد هرمنا .. هرمنا من اجل اللحظة التاريخية الح تقول لي فيها " نعيماً " ياخ!؟
كرهتنا و انت تكمل لي ساعة كاملة من تاريخي الشخصي ياخ! في حلاقة ساااااااي.