|
|
|
 Re: كتابة الدكاترة .. (Re: تيسير عووضة)
|
| Quote: ناس طب الولايات وطب القروش يمتنعون |
ناس الطب البلدي و التمرجية ... معانا؟؟
________________
غايتو دكتورة شذي بلة دي فايته
الدكاتره ديل كلللللهم بي شي تاني
الـوعي .. ياخي
البت دي (وعيانة) شديد خلاس.
تحية اااادي كدا هو لي د. شذي و بس
| |
 
|
|
|
|
|
|
|
 Re: كتابة الدكاترة .. (Re: ود الخليفه)
|
| Quote: افتكرت اولا عن الخط المكعوج الشين الفي الروشته |
عاد يا ود الخليفة ربنا يديهم الشطارة وخفة الدم وكمان الخط السمح
ما ضروري
| Quote: اها د \ د ك معاهم؟ |
دا منو دا؟
غايتو د.د.ك دي شركة الألبان الكويتية الدنماركية
| |
|
|
|
|
|
|
|
|
 Re: كتابة الدكاترة .. (Re: ناصر احمد الامين)
|
يا تيسير طب الخرطوم ذاتو لحق رفاقتو بفضل القبول الخاص وقبول الأقاليم وقبول المجاهدين وقبول العاملين بوزارة التربية والتعليم وقبول المقرشين قبول ماخفي كان أرط..
___
وتعالي هنا كتابة الدكاترة شن طعمها كان كل يوم كاتلين ليهم زول بالتشخيص الغلط وعدم العرفة ؛)
| |
|
|
|
|
|
|
|
|
 Re: كتابة الدكاترة .. (Re: Yassir Tayfour)
|
يا طيفور ياخ أنا لازلت بعتقد في خريجي طب الخرطوم الزمان
راجع النماذج أعلاه
(طب الخرطوم لغاية السنة الإمتحنا فيها نحن كان 79 صدق أولا تصدق) تقول لي قبول خاص
غايتو شذى جلت من تصنيفاتك دي بي سنة
دكاترة الزمن دا كان ما كتلوك بخطأ التشخيص بكتلوك مغسة ساي (أستثني جماعتنا الفوق ديل ومن شايعهم)
الفاتح جبرا مرة كان كاتب ليهو حاجة شغال فيها لأطباء الزمن دا والله نتف ريشهم
| |
|
|
|
|
|
|
|
|
|
Re: كتابة الدكاترة .. (Re: ناصر احمد الامين)
|
Quote: غايتو دكتورة شذي بلة دي فايته
الدكاتره ديل كلللللهم بي شي تاني
الـوعي .. ياخي |
شنو ياتيسير
خلاص ختيتينا فى خط ستة عشان جنس الشوت دا..
ياناصر
غايتو شذى دى حفيدتى (والشكر حفيدتك شكرك)
وطبعا انت عارف الجد بيفقد الوعى من آن لآخر (سكرى, دغت, غتاتة... وه ج)
| |
|
|
|
|
|
|
|
|
|
Re: كتابة الدكاترة .. (Re: ناصر احمد الامين)
|
سلام .. تيسير
نعم اتفق معك ان الاطباء اصحاب خطاب محبوب وقلم خفيف وكتابه سهله كالروشيته . وسابقا كان معظم الفلافسفه والادباء اطباء ...
واضيف الي تلك اللسته صديقنا الاديب دكتور احمد القرشي ..
| |
|
|
|
|
|
|
|
|
|
Re: كتابة الدكاترة .. (Re: فايزودالقاضي)
|
تيسير ... سلامات
تم اضافة مصطلح دم دكاترة للاشياء الجميلة وراقية عشان جنس كلامك الفوق دا
بالله دكاترتك ديل ضيفي ليهم دكتور احمد القرشي
والبروف عبد الرحمن ابراهيم
| |
|
|
|
|
|
|
|
|
 Re: كتابة الدكاترة .. (Re: وليد عبد اللطيف)
|
| Quote: لا حظت في الفترة الأخيرة أي كتابة ألقاها منطقية وعقلانية وفي نفس الوكت لا تخلو من خفة دم تلقاها حقت دكاترة |
شكرا ياتيسير! قلنا نلحق المولد دة قبل الارشفة
وماتنسى: ( الدكاترة ولادة الهنا
تحياتى
______________
دكتورة منحازة لصفوف الجماهير
| |
|
|
|
|
|
|
|
|
|
Re: كتابة الدكاترة .. (Re: مهيرة)
|
Quote: د. عوض محمد أحمد
د. سيف النصر محي الدين محمد أحمد
د. بلة موسى
د. شذى بلة
د. بخاري عثمان الأمين |
شكراً تيسير
بس انا قدام بلة موسي تختني في ضنب القائمة !
| |
|
|
|
|
|
|
|
|
|
Re: كتابة الدكاترة .. (Re: مهيرة)
|
شكرا يا تيسير على هذا البوست
دى بقى يا سادة مشروع مفكر كبير نفتقد له كثيرا خصوصا بعد رحيل او تقدم السن الذى اصاب مفكرينا امثال الخاتم عدلان و ع ع ابراهيم او عبد الخالق محجوب او الترابى (غض النظر عن توجهاتهم السياسية)
عقل نقدى و تمكن فى الكتابة لا مثيل له فى اقرانها و الكبار ايضا
و الله الواحد يستخسر امكانيات زى دى فى دراسة الطب و هى دراسة مهنية لا تحتاج لاكثر من ذكاء متوسط و شوية مثابرة
شوفو اخر بوستاتها(مجسم الكعبة): من مجرد خبر (مطرف) فى جريدة من يضع سطور لم يابه به احد صنعت بحرا من الكتابة و غاصت فى جوانب اجتماعية و فقهية و اقتصادية و سياسية لم تكن تخطر حتى ببال صاحب الفكرة تفسه!
| |
|
|
|
|
|
|
|
|
|
Re: كتابة الدكاترة .. (Re: Yassir Tayfour)
|
فعلا زمان الدكاترة ديل (عموما) كان دمهم تقيل و كلامهم كلو (تتراسيكلين) أو كما قال ود جبريل.
و الفاظهم كلها (ديفينتللي) و (ابسليوتلي) و أوف كورس .. طبعا.
عندنا دكتور قريبنا كنت كل ما ازوره في البيت يقعد يفتح خشمي و يعاين في نخرتي و اضيني و يقيس لي الضغط..
ياخي في شافع عمرو عشره سنين بجيهو ضغط؟؟ و هاك يا توجيهات. و كلو كوم و لو لقاك بتشرب مويه باردة كوم.
و العكس معرف عن المهندسين (زي كدا) ناس ظراف و لطاف و بحبو البهجة ... و واقعيين و الله جد.
لكين هسه المداقرة من قبل الدكاتره حاصلة و الله.
ارشح العضو (ذو اليد) لفتح بوست بعنوان: الدكاترة في معشر الطب و الظرافة حسب القانون السوداني.
| |
|
|
|
|
|
|
|
|
|
Re: كتابة الدكاترة .. (Re: ناصر احمد الامين)
|
شكرا يا تيسير
غايتو كلفت نفسك و اتعبتينا هسه لازم نفتح بوست نسميهو كتابة التياسير
وللا هي التيسيرات؟
_________________________________________
| Quote: سيف النصر محي الدين محمد أحمد |
ده كان زمان.
| |
|
|
|
|
|
|
|
|
|
Re: كتابة الدكاترة .. (Re: سيف النصر محي الدين)
|
سلامات يا تيسير...
الله يسامح المهندسين....عاملين غلبة فى البورد لما بقت (ما محمدة) تكون مهندس فى البورد ده.
لكن العوض و محمد بشرى الخضر وكيكى و خليل ناس يشرحوا القلب بمنطقهم و عقلهم
____________________
عاااارفة موضوع البوست عن الدكاترة....لكن الدكاترة ديل ما ناقصين نفخة راس
Just kidding
| |
|
|
|
|
|
|
|
|
 Re: كتابة الدكاترة .. (Re: smart_ana2001)
|
سمارتيز
أقول ليك سر
أنا زاااتي مهندسة بالمناسبة لكن ضللت طريقي إلى البانكنق
بعد إتخرجت من هندسة وبي إمتياز تاني رجعت قريت محاسبة وبنوك شفتي الشلاقة 
تيت تيت هندسة حديد
تعجبني كتابة الدكاترة
وونسة القانونيين
وشخصيات المهندسين
| |
|
|
|
|
|
|
|
|
|
Re: كتابة الدكاترة .. (Re: سيف النصر محي الدين)
|
Quote: حظت في الفترة الأخيرة أي كتابة ألقاها منطقية
وعقلانية وفي نفس الوكت لا تخلو من خفة دم تلقاها حقت دكاترة |
هذا بالرغم من انى انا ما دكتورة ّّ!!!
ــــــــــــــ
تيسير حقارات ازيك ..
| |
|
|
|
|
|
|
|
|
|
Re: كتابة الدكاترة .. (Re: وليد عبد اللطيف)
|
أتاري يا وليد حبوبتي كانت بتقول شاي دم دكاترة
أموت في القصر العيني وتنقذني الطبيبة 
وطبعاً غنانا السوداني تلاتة أرباعو في الدكاترة
تم إضافة د. أحمد القرشي والبروف عبد الرحمن
| |
|
|
|
|
|
|
|
|
 Re: كتابة الدكاترة .. (Re: اسامه خليفه)
|
شكراً يا أسامة
ومعك نضيف د. أحمد القرشي المبدع الأديب والفنان والموثق لدرر الفن السوداني
وكمان ما ننسى د. محمد قرشي برضو
وكل دكاترة الزمن الجميل
| |
|
|
|
|
|
|
|
|
|
Re: كتابة الدكاترة .. (Re: ناصر احمد الامين)
|
| Quote: ناس الطب البلدي و التمرجية ... معانا؟؟ |
يا ناصر قلنا ليك دكاترة الولايات والقروش عندنا فيهم راي تقول لي البنسلين يا تمرجي؟
الطب البلدي دا ياتو؟ ناس البصيرة أم حمد وبت بَتي؟
Quote:
غايتو دكتورة شذي بلة دي فايته
الدكاتره ديل كلللللهم بي شي تاني
الـوعي .. ياخي
البت دي (وعيانة) شديد خلاس.
تحية اااادي كدا هو لي د. شذي و بس |
والله يا ناصر بالغت عديل مع الدكاترة
أنا غايتو ما عارفاك قاصد ياتو وعي
لكن لو جيت للوعي حق عبد الخالق محجوب شذى دي أنا قلت ليها مرة إني فخورة بإنو لاميني معاها بلد وجيل واحد
تحية كبيرة للدكتورة شذى 
| |
|
|
|
|
|
|
|
|
|
Re: كتابة الدكاترة .. (Re: سارة علي)
|
Quote:
افتكرت اولا عن الخط المكعوج الشين الفي الروشته
اها د \ د ك معاهم؟
ـــــــــــــــــــــــــــــــــــــ
ظلمتي دكتور محمد قرشي
|
شرحو
و د. جمال الباقر
قيقا راوي .. دكتور (سابق)
-------------
صاحبن لينا كان بقرأ طب في احدى الدول الاشتراكية بداية التسعينات ..
لما الانكاس قفلوا لفات العلاقات الثقافية ، كان في تالتة، رفض يعود مع ( العائدون) .. مشى ليبيا تماها اجتماع ساي
مرة في الرياض عندنا صاحبنا فجأة كدا وقع.. ويناهو المستشفى، صاحبنا نقنب يراطن ليك في الدكاترة بلغة الترك* بتاعتم دي في امان الله!
لمن سألوهو بشوية تعجب كدا .. فبهت الذي عاوز يطلع في الكفر .. و لم يحر رد ..
غايتو ربك رب الخير فتح عليو بـ : حاتم .... طبيب (سابق)
اهن ..
انا ما حاولت .. لكن نوبت تب ..
و باقي قالوا : الاعمال بالنيات
امي بت السيمت ربنا يديها الصحة .. اي كلام ما تفرزو تقول عليو " كلام ترك" ..
اظنها قايلة لسة حاكمنا السلطان عبد الحميد
| |
|
|
|
|
|
|
|
|
|
Re: كتابة الدكاترة .. (Re: قيقراوي)
|
يا قيقا إنت دكتور لاحق
دكتور قيقا يحل المشبوك ويشبك الفي
أنا غايتو الحاجة الوحيدة في الدنيا المابتخيل إني أكونا هي الطب
الغريبة كتير من صاحباتي دكاترة
عيبوا لي الهندسة والمحاسبة ديل خفاف وظراف ونضاف
| |
|
|
|
|
|
|
|
|
|
Re: كتابة الدكاترة .. (Re: تيسير عووضة)
|
اشعة يا ابو التا ... اشعة
يعني حتى ولا موجات صوتية أو ان شا الله مناظير
بالنسبة لموضوع البوست
تعميم مخل ولا يعتد به
احسن الكتابات هنا - وبدون تحيز - هي كتابة المهندسين ولو كره الحبشي
عايزة دليل مقارنات كوتات اي حاجة جاهزين لكن بعد الارشفة
| |
|
|
|
|
|
|
|
|
|
Re: كتابة الدكاترة .. (Re: احمد الأمين على إدريس)
|
Quote:
لمن سألوهو بشوية تعجب كدا .. فبهت الذي عاوز يطلع في الكفر .. و لم يحر رد ..
|
و الله انتا لو خليت الطربقة الكتيرة و اٍتفرغت لاعمالك الابداعية، و الله تنشر زي مزّونة عما قريب
هسه صورة فنية زي تضييعها فى بوستات ناس تيسير ساكت و يشلها الهواء او الارشفة و من ثم تضيع على الاجيال و على الحركة الادبية.
| |
|
|
|
|
|
|
|
|
|
Re: كتابة الدكاترة .. (Re: محمد البشرى الخضر)
|
كان كدا ..
بزنس - اقتصاد .. و بس
و بدون كوتات
محسن خالد
عادل البدوي
محمد حسبو
سناء جعفر
قمر بوبا
عصلم جبر الله
دودي
تيسير عووضة( انت تعالي اضيفيني .. شيلني و اشيلك ؤ كدا )
الهادي هباني
د. رحاب خليفة
د. صدقي كبلو
ازديكم و لّ كفاكم!؟
| |
|
|
|
|
|
|
|
|
|
Re: كتابة الدكاترة .. (Re: قيقراوي)
|
Quote:
هسه صورة فنية زي تضييعها فى بوستات ناس تيسير ساكت و يشلها الهواء او الارشفة و من ثم تضيع على الاجيال و على الحركة الادبية.
|
كلو الا الاجيال الجاية!!
انا مركز عليهم شديد ديل .. انتو قنعت منكم كلو كلو ..
كما قنع كمال (خبير استنارة اجنبي) من ثورتن تقوموا بيها قريب
فقرر انو حالتكم اخير منها العرس ..
فاسخدم كل الشجاعة و الاقدام العندو - وكان مدخرها لثورتن لن تجئ - في الاقدام عليه
-----------
يدك معانا طيب نقنع ابصلعة بمكتبة ..
عشان الاجيال الجاية ؤ كدا ياخ!
نسيت اضيف د. بخاري للستتنا .. مع انو طبيب خريج اقتصاد ؤ كدا
| |
|
|
|
|
|
|
| |
تيسير عووضة
ناصر احمد الامين
ود الخليفه
Yassir Tayfour
حيدر حسن ميرغني
اسامه خليفه
فايزودالقاضي
وليد عبد اللطيف
مهيرة
بخاري عثمان الامين
طارق جبريل
سيف النصر محي الدين
smart_ana2001
دينا خالد
سارة علي
قيقراوي
محمد البشرى الخضر
احمد الأمين على إدريس
abubakr salih
محمد جلال عبدالله
فيس بوك
تويتر
انستقرام
يوتيوب
بنتيريست