|
|
|
 Re: مُشـاط الرجال .. (Re: معاوية عبيد الصائم)
|
ود الصايم2 ..
مرحب بيك
لا يذكر المشاط إلا ويذكر معه بوب مارلي
لكن الإستايل مختلف، بوب بيرسل الضفاير ساكت وما "بيخُتّها" كما نقول
حاولت ألقى ليهو صورة وشعرو "مكوفت" زي الشباب الفوق ديل ما لاقتني
لكن برضو إتفضل 
| |
 
|
|
|
|
|
|
|
|
Re: مُشـاط الرجال .. (Re: تيسير عووضة)
|
لكن يا تيتي
هل اي شعر يصلح معه المشاط
ول نستعمل ياردلي عشان الشعر يطول ويبقي زي بتاع علا غانم
وبعد داك نشوف موضوع المشاط
يمكن مع النيو لوك الحظ يضرب
| |
|
|
|
|
|
|
|
|
|
Re: مُشـاط الرجال .. (Re: khaleel)
|
يا خليل
المشاط دا بالذات بيمشي مع أي شعر طويل، ناعم، قصير، قرقد بالكركار ما برقد
كلو بيقضي وبالذات الإتنين الأخيرات ديل يا حلاتو فيهم
الحالة الوحيدة المابينفع فيها المشاط هي الصلعة
مع الصلعة لا مشاط بعد اليوم
كدي نشوفك بعد النيولوك 
| |
|
|
|
|
|
|
|
|
 Re: مُشـاط الرجال .. (Re: khaleel)
|
تيسير والجمعات المباركات
الواحد فينا من تانية جامعة شايل جلحاته و صلعته وحايم ياخ
وبعدين اكتر ربع ساعة بوترني اكون قاعد تحت الحلاق اقول نمرة واحد واتنين او نزل خلفي زاتو
فياخي البوست بتاعك انا بعتبره استفزاز عديل كدة
ومن هنا نعلن حركة تمرد عديل لاجل تخفيض رسوم الحلاقة للقطاع المصلع من الشعب
نجوم الكورة البمشطوا شعرهم بكون كارهم جدا...وحتي الرابط شعره يعني ابراهيموفتش الرابط شعره ده لو جاب قون بقول ليه قوم لف
نحن ناس زين الدين زيدان وروبن المصلعيين واشنايدر العنده جلحات..تتخيلي انو روبن الهولندي عمره كم سنة..26 سنه شايل صلعته وبجيب اهداف هولندا في كاس العالم
ياخي كامل التضامن مع روبن في صلعته المهببة ديك وويسلي اشنايدر بجلحاته الكبيرة وعمره 25 سنة ورفقاتهم بستعملوا الجل.
ثم انو الفلتة امين نوتة الناقد والمفكر والمحلل الرياضي وخبير التوقعات والقاص عمره 18 سنة وممتحن شهادة سودانية ياداب داك صلعته ود الامين
ويا بكري طرف السوط هابشك أحذف البوست ده وبالله انذار كدة كبير لتيسير دي عشان زاتو الزول جمعته تكون مباركة
سلامات تيسير وتحياتي
| |
|
|
|
|
|
|
|
|
|
Re: مُشـاط الرجال .. (Re: GamarBoBa)
|
يا قمر بوبا إزيك ..
تانية جامعة الكتيرة دي
ياخ في أطفال شوف عيني دي لما يتمو أربعين يوم الجلحات بتكون خلاس بدت تظهر
على سيرة اللعيبة الهولنديين ذكرتني (خوليت) أظنو برضو كان بيمشط شعرو
أنا عكسك، لاعب صلعة دا مهما عمل ما بينفع "وأريت أبو صلعة طاير" كما تقول واحدة من عيون الأغاني السودانية 
بعدين ياخي زين الدين دا ما تشملو مع المصلعين ساي الزول شعرو بي قدام لي نص جبهتو لمن عامل حرف M
بي ورا حرف الإم دا حاصل شنو ما علينا "عين الرضا يا بوبا"
شنايدر أبجلحات دا شايل من اسمو عشان كدا طالع شين
الكاتب والمفكر والناشط إلخ إلخ أمين خال حمور دا لأنو عبقري والصلعة من سمات العباقرة
بس ما تبقى عليهو البقت على زولنا المعتقد إنو أي صلعة معناها سيدا دكتور
قال للمعاهو في الحافلة: هسي طُلبة دا داير ليهو صلعة 
ــــــــ
ملحوظة:
مرسل إليكم إنت وبكري وأمين عدد 3 "خُلال" ماركة أبو يد عشان تسرحو بيهو آفرو ..
إنذار إنذار
| |
|
|
|
|
|
|
|
|
|
Re: مُشـاط الرجال .. (Re: تيسير عووضة)
|
الأعزاء رغيم الأب
وقردابي "المركب مكنة رغيم الأب" 
سلامات وإزيكم ..
أنا طبعاً ما معاكم نهائي في التنميط الشائع البيربط القوالة بالنساء وتحديداً المشاطات
بل ووصف أصحاب هذه الصفة من الرجال أو الرجال بتاعين القوالات بأنهم مشاطات !
إشمعنى؟
ليه ما بتقولوا زي الحلاقين أو سواقين التاكسي مثلاً؟
ديل مش برضو ثرثارين وقد يقعوا في فخ قالوا وقلنا وبشكل يمكن أكتر من المسكينات ديل؟
| |
|
|
|
|
|
|
|
|
 Re: مُشـاط الرجال .. (Re: تيسير عووضة)
|
في داعي تستفزينا يا تايسا
ياخي شوفي محمد الامين بجمل الصور كيف
طارق الامين حتي لو خت الطاقية
ويسلي اشنايدر
روبن الحاسم
ملك خط الوسط في الدنيا كلها وصانع الالعاب اندرياس انيستا..وبالمناسبة ده زول غير الكورة زول عميق وبألف كتب..الصورة قديمة شوية ..هسة صلعته واصله قفاه
علي اليمين انا وسيف الجامعة ما سائلين في زول
_
معليش لو مارسنا شغب وفوضي اسفيرية في بوستيك كما تقول اميرة الشيك ..والسلام عليكم ورحمة الله وبركاته
| |
|
|
|
|
|
|
|
|
|
Re: مُشـاط الرجال .. (Re: تيسير عووضة)
|
ده مأمون التلب؟؟
علي غرار نكتة هيثم
علي اليمين انا الزول شفته زي عشرين مرة واست و س خ ته كما يقول عمنا امين ...شابكنا مقاطعة سودانيزاون لاين
_
يا بكري وقف فلترة الكلمات ياخ
| |
|
|
|
|
|
|
|
|
|
Re: مُشـاط الرجال .. (Re: GamarBoBa)
|
قمر بوبا الفتنة نائمة ياخي إنذار شنو؟
غايتو تضامناً مع السادة أصحاب الصلع "التموينية" 
جبنا ليكم المخضرم (بن كينقزلي) أشعر المصلعين ..
| |
|
|
|
|
|
|
|
|
|
Re: مُشـاط الرجال .. (Re: ماجد معالى)
|
ماجد معالي بتبالغ!
يعني مشاط مأمون أجمل من مشاط شين بول؟
شين بول بيتصور في نفس يوم المشطة مش بيخليها لمن تقدم وتتنكش زي حقت مأمون دي ..
| |
|
|
|
|
|
|
|
|
|
Re: مُشـاط الرجال .. (Re: تيسير عووضة)
|
Quote: الناس العندهم صلع
خدر
طارق جبريل
كيكي
ما تجوا وتمشوا ساي
سجلوا موقف
|
هلا يا بوبا موقف بتاع اييييه يا بييييه..!!!
ده انا حسع منتظر تيسير دي تفتي لينا في امر سودان قفل دي واخش بيها تاريخ التمشيط الرجالي باوسع ابوابه
وذلك في حالة انو ما في راجل اتمشطها واصبح اول حالة..
تقول لي صلعة...؟؟
شوف يا اخوي ناسك وين..ناس خدر وطارق جبريل وعماد عبدالله واخوهو عصام جبرالله القالو صلعتو تنزل ليها هيلوكوبتر
| |
|
|
|
|
|
|
|
|
|
Re: مُشـاط الرجال .. (Re: محمد عبد الماجد الصايم)
|
Quote: أنا طبعاً ما معاكم نهائي في التنميط الشائع البيربط القوالة بالنساء وتحديداً المشاطات
بل ووصف أصحاب هذه الصفة من الرجال أو الرجال بتاعين القوالات بأنهم مشاطات !
إشمعنى؟
ليه ما بتقولوا زي الحلاقين أو سواقين التاكسي مثلاً؟
ديل مش برضو ثرثارين وقد يقعوا في فخ قالوا وقلنا وبشكل يمكن أكتر من المسكينات ديل؟ |
انا غايتو ما دخلي
لكن بس المناسبة جات
بس يخيل لي اخونا عمر
اتاثر بالعنوان
غايتو
| |
|
|
|
|
|
|
|
|
|
Re: مُشـاط الرجال .. (Re: osman righeem)
|
عارفة يا تيسير
المشاط هنا فى البلد دى اغلى حاجة
الراس على اقل تقدير ب200 دولار
الفرتيقة ب50 دولار
الكوافيرات فى كل انحاء الولايات المتحدة فيها جزء للمشاط
البمشطو يا من افريقيا راس او من افريكان امريكان
اها ياستى مافى فرق الا مع النجوم
النجوم ديل مشاطاتهم براااهم
واريتنى ابقى مشاطة للفنانين والمشاهير من لاعبى السلة والبيسبول وكرة القدم
تعالى نعمل صالون ونمشط انقرى ما بنبقى مليونيرات فى زمن وجيز ؟
فكرى فى العرض دا
تحياتى يا حبيبة
| |
|
|
|
|
|
|
|
|
|
Re: مُشـاط الرجال .. (Re: سلمى الشيخ سلامة)
|
سلمى الأغلى! وست الفارغة والمليانة!
غايتو ما عارف التصرف في الموضوع دا بكون كيف!
لكن ياهو الواحد مادي راسو في البورض دا طووالي
ماف زول يشيل الراس دا يمشطو ويجيبو لينا؟
| |
|
|
|
|
|
|
|
|
|
Re: مُشـاط الرجال .. (Re: محمد عبد الماجد الصايم)
|
غايتو يا صايم ذكرتنى حاجة زمان نسيتها
الفارغة ومليانة لغاية الان بتصدر ولا وقفت ؟
يا سلام زمن يا عمك
اها نرجع لموضوع المشاط
انت داير تتمشط ؟ اتمشط ياخ مافى زول بسالك
وكمان سوى ليك حلق باليمين
وخلاس
| |
|
|
|
|
|
|
|
|
 Re: مُشـاط الرجال .. (Re: سلمى الشيخ سلامة)
|
يازول ما في مانع انو اب صلعة يتمشط
انت ما شفت استيفي ووندر ولا شنو
عمي وصلعة وومشاط
shame on you shame one me shame on them
so what the flack ?!
ما تفهموها غلط دي اغنية من اغنياته.
وياريت انزلوا صورته كمان
| |
|
|
|
|
|
|
|
|
|
Re: مُشـاط الرجال .. (Re: سلمى الشيخ سلامة)
|
سلمي يا سلامة
كيفك حبيبة ..
بالله المشطة بي 200 دولار؟
ياحليل حجة كريمة النيجيرية
كانت بتمشط حبوبتي من زمن الريال مروراً بالطرادة
شايلة المسلّة وموية المحلب
لو مشت أمريكا كانت غنت لي جنا الجنا
خلاص يا ستي نقوم نفتح لينا كوفير أنا وإنتي
المشاط عليك والنقض علي
الخراب ما أصلو ساهل 
اليسمع "النقض" دي يقول ديك يا المحامية أمام محاكم النقض والإستئناف
| |
|
|
|
|
|
|
|
|
|
Re: مُشـاط الرجال .. (Re: تيسير عووضة)
|
يا تيسير
واحد صاحبي صديقتو هيشناويّة - من هاييتي-، ما شاء الله عليها خشنة خشونة ودشنة دشانة، لدرجة إنو النظرة الأولى لك والثانية لك والثالثة لك وقد تُثاب إن أطلت النظر وعددت النظرات. صاحبي لأنو إنتهازي من الدرجة أ، ماسك فيها مسكة فرمالة، زول مفرمل، قال تلاتشر وما خلوهو يلعب.. كل اسبوع تمشيطة، مرة زقزاق، ومرة سادة ومرة كبار ومرة سغار، ومرة ما تعرف كيف، يوم مشيت معاهو لبيتها، الساعة العصرت ليك الرأس بين ركبينها زي المنجلة، وخمشت ليك الرأس زي عازف الإيقاع، وكل مرة تقول ليهو: Please A.... don't move وهو ما سامعها الركبين نازلات في الإضنين زي حلة البريستون..
___
مجرد ما حلق شعرو تاني ما عتّب عليها..
| |
|
|
|
|
|
|
|
|
|
Re: مُشـاط الرجال .. (Re: Yassir Tayfour)
|
| Quote: الفارغة ومليانة لغاية الان بتصدر ولا وقفت ؟ |
للأسف يا سلمى بقيت ما بتابعا
بقت ماشة بي جهد المقل، ولو وقفت زاتو
ما عندي خبر عنها .. (الخرطوم) ذاتا
بقت ما ياها!!
| |
|
|
|
|
|
|
|
|
|
Re: مُشـاط الرجال .. (Re: الملك)
|
سلام يا تيسير
تعرفي اجمل حاجة في مشاط الرجال الشفناهو في كاس العالم
انه خلا هبة بتي تعتنع بالمشاط
وارتحت من التسريح كل يوم
بعدين شايفاك انت وعبد الكريم بتتكلموا عن السودان قفل دي كانها مشطة تانية
مش ياها المشطة الممشطنها معظم الشباب الهنا ديل ؟
الشعر كلو راجع لوراء كدا زي مشطة مامون وغيره
حيرتوني
| |
|
|
|
|
|
|
|
|
|
Re: مُشـاط الرجال .. (Re: الجندرية)
|
Quote: بعدين شايفاك انت وعبد الكريم بتتكلموا عن السودان قفل دي كانها مشطة تانية
مش ياها المشطة الممشطنها معظم الشباب الهنا ديل ؟
الشعر كلو راجع لوراء كدا زي مشطة مامون وغيره
حيرتوني |
سلام يا الجندرية..
واتخيل لي سودان قفل دي ياها التميشطة الجابت زيها تيسير للشعر المرفوع وملموم كلو لفووق وعامل زي القندول كده
وغايتو ده السودان قفل الشفتو عند ناس علوية برنجي و عشة شرغرغ
| |
|
|
|
|
|
|
|
|
|
Re: مُشـاط الرجال .. (Re: الجندرية)
|
بوب مارلى صاحب أشهر Dreadlucks فى التاريخ المعاصر,,وملك ملوك الراستافاريانReggae ,وشيخ الطريقةالRastafariaالهيلاسلاسية ,, يا تيسير الناس ديل شغلتهم دى ما أظنها مشاط!!!مقارنة مع ناس بيكهام شين بول والوليدات ديل,,
تحياتى..
| |
|
|
|
|
|
|
|
|
|
Re: مُشـاط الرجال .. (Re: أيمن الطيب)
|
يا أيمن على ما أظن الإتنين مشاط
واحد ماخد اسم سيدو حتى يقول ليك فلان دا ممشط شعرو أو ممشطة شعرها بوب
والتاني بتاع الشباب ديل والعامل زي صفوف الذرة يا قولهم ودا الأجمل في نظري وفي كلٍ خير 
بعدين بتاع بوب مارلي دا ضفاير لكن عشان ما بغسلها ولا بفكها بالسنين أخدت الشكل الشايفنو بيها دا
لكنها في الأصل ضفاير برضو مش شعر ملولو ساي زي ما ظاهر
مرة قريت في حتة إنو إتباعت واحدة من ضفايرو دي بي ما يقارب 2600£ تقول لي شنو؟
| |
|
|
|
|
|
|
|
|
 Re: مُشـاط الرجال .. (Re: الجندرية)
|
عزيزتنا الجندرية ..
المشاط جميل هبوية لو كانت في السودان كانت حا تحبو أكتر كمان
غايتو أظن دي الحسنة الوحيدة لكاس العالم المرة دي 
سودان قفل زي ما قال ليك كيكي الشعر كلو متجه لي فوق ..
| |
|
|
|
|
|
|
|
|
|
Re: مُشـاط الرجال .. (Re: Yassir Tayfour)
|
| Quote: الساعة العصرت ليك الرأس بين ركبينها زي المنجلة، وخمشت ليك الرأس زي عازف الإيقاع، وكل مرة تقول ليهو: Please A.... don't move وهو ما سامعها الركبين نازلات في الإضنين زي حلة البريستون.. |
دي اسمها "هَجرَة المشاط" يا ياسر
لو ما كانت كدا المشاط ما بيطلع مكرّب
كمجربة للقصة دي، القعدة دي مفروض يقوم منها ورقبتو معسمة تلاتة يوم
كان جات على الإضنين هينة ..
بعدين ياخ ما تخليهو يمارس إنتهازيتو تاني ويتوسط ليك عند هولاكو دي تمشطك
التفة ديك حيكون فيها حلاة مشاط
| |
|
|
|
|
|
|
|
|
|
Re: مُشـاط الرجال .. (Re: عبدالحميد نورين الطاهر)
|
Quote: ياود الصايم الناس الشعرهم كل خمسة عاملين
اجتماع ديل يمشطو كيف في ليهم خيارات |
أوو نورين يا عمكـ
طوالي تسلم نفسكـ لجهاز الأمن .. يمعّطوا ليكـ
الباقي .. ولو رجعوا ليكـ الراس سليم يكونوا ما قصّروا!
_
القروش يا عمكـ .. قروض البورض!
| |
|
|
|
|
|
|
|
|
|
Re: مُشـاط الرجال .. (Re: Elawad Eltayeb)
|
Quote: الزول زاتو ..
صلعة ولا تحمد سيدك |
تيسير قبيل نسيت اسلم عليك
انا حاليا اعتبر من اصحاب الصلعات لكن زمان الشعر كان بيستاهل تمشيطه
غايتو لو ماعامل التعرية كان ح تشوفوني مع الذراع الطويلة يا عازف دنب مع ندى القلعة كااااااك
تحياتي
زاتوووو
| |
|
|
|
|
|
|
|
|
|
Re: مُشـاط الرجال .. (Re: تيسير عووضة)
|
| Quote: والله أنا جيت قايل الموضوع خاص بالمنبر لكن الحمد لله جات سليمة |
حابس حابس 
| Quote: بس يا ربي ديل بلقوا (المشاطات) وين؟ |
أو يمكن (المشاطين) يا العوض
إحتمال برضو !
| |
|
|
|
|
|
|
|
|
|
Re: مُشـاط الرجال .. (Re: عبدالحميد نورين الطاهر)
|
تيسير ، أنا زعلان منك!! زي ما بتقول بتي أمل
هابشاني مالك؟؟
أنا الوحيد بين أخواني الأربعة الأكبر مني ، والوحيد الأصغر مني
الورثت من الوالد رحمه الله الصلعة
غايتو لسه باقي لي (بضع شعرات) اتجدع بيهم لحدي ما ألحق صاحبي طارق الأمين
بالمناسبة عماد عبدالله وكيكي ما أعضاء في نادي الصلع
فما تهجميهم ساي ..
شوف عيني وسمع أضاني ، في دكتور في السودان
يسلمك شعرك الزمان بي صمة خشمو، بعد عدة جلسات علاج
ياخي أنا مقتنع ومتكيف من صلعتي جداً
فبالله ما تحمسينا ساي ، أقوم هسي أجلس ليك للدكتور ده
وأجيك رابط شريط أحمر ، وأبوظ ليك بوستيك ده..
| |
|
|
|
|
|
|
|
|
|
Re: مُشـاط الرجال .. (Re: Salah Abdulla)
|
تيسير ، بوستك ده كنتي ملبته وين ؟ يعميني فيه غير هسي !
قمر الحقد المظلم
Quote: ثم انو الفلتة امين نوتة الناقد والمفكر والمحلل الرياضي وخبير التوقعات والقاص عمره 18 سنة وممتحن شهادة سودانية ياداب داك صلعته ود الامين
|
صلعتي دي رحمه لعباده منه تعالي ، لانو أنا كان كان عندي شعر لما نامت العذاري في خدورهن !! كان لازم تكون في حاجه غلط عشان ما تحصل حاجه غلط !! 
| |
|
|
|
|
|
|
|
|
|
Re: مُشـاط الرجال .. (Re: أمين محمد سليمان)
|
Quote: الكاتب والمفكر والناشط إلخ إلخ أمين خال حمور دا لأنو عبقري والصلعة من سمات العباقرة
بس ما تبقى عليهو البقت على زولنا المعتقد إنو أي صلعة معناها سيدا دكتور |
اها تصدقي و تامني بالله يا تيسير بكره ولا بعد بكره بالكتير إن شاء الله حا أفتح بوست و أعلن إنو أنا بقيت دكتور ، لي زمن مقتنع إنو مفروض أضيف لقب دكتور لالقابي الكتيره دي لانو لقب دكتور بدي زخم و بعد عاشر فبالله ما تنسي تجي تباركي لي !!
| |
|
|
|
|
|
|
|
|
|
Re: مُشـاط الرجال .. (Re: أمين محمد سليمان)
|
Quote: عشان البوستات المحرجة دي ما قاعدين نخت صورنا
نحمد الله حتى مسح الراس في الوضوء سقط مننا |
متفق معاك يا طارق البوست ما موفق كلو كلو و جارح لمشاعر كتير من الأعضاء و القراء و بيفتقر للحد الادني من الحساسيه المطلوبه تجاه ذوي الاحتياجات الخاصه الزيي و زيك و زي قمرنا المظلم ده !! ثم إنو مافيهو إحترام لسيد المكان الذي تقدست صلعته الشريفه حتي أصبحت مزارا للحجاج من كل أنحاء وطننا الشقيق !!
باسمكم أخي طارق و باسم كل من ماتت في راسه الخلايا المنبته للشعر : باسم الملايين الليها سنين ما مسكت مشط ، أطالب الأخ بكري أبوبكر بسحب هذا البوست !!!
| |
|
|
|
|
|
|
|
|
 Re: مُشـاط الرجال .. (Re: أمين محمد سليمان)
|
الأستاذ الدكتور الأديب الناقد المفكر الناشط الحقوقي أمين خال حمور أخو بدري قدس الله سره وأدام لنا ظله
(إستراحة قصيرة آخد فيها نفَسَي بعد قطار الألقاب دا)
.
.
.
.
.
| Quote: صلعتي دي رحمه لعباده منه تعالي ، لانو أنا كان كان عندي شعر لما نامت العذاري في خدورهن !! كان لازم تكون في حاجه غلط عشان ما تحصل حاجه غلط !! |
ومثلك يا أستاذنا المفكر يفخر بغزارة علمه لا غزارة شعره
ويعتز بطول باعه في الفكر لا بطول ضفائره
دمت عزاً للوطن ..
Quote: متفق معاك يا طارق البوست ما موفق كلو كلو و جارح لمشاعر كتير من الأعضاء و القراء و بيفتقر للحد الادني من الحساسيه المطلوبه تجاه ذوي الاحتياجات الخاصه الزيي و زيك و زي قمرنا المظلم ده !! ثم إنو مافيهو إحترام لسيد المكان الذي تقدست صلعته الشريفه حتي أصبحت مزارا للحجاج من كل أنحاء وطننا الشقيق !!
باسمكم أخي طارق و باسم كل من ماتت في راسه الخلايا المنبته للشعر : باسم الملايين الليها سنين ما مسكت مشط ، أطالب الأخ بكري أبوبكر بسحب هذا البوست !!! |
| |
|
|
|
|
|
|
|
|
|
Re: مُشـاط الرجال .. (Re: Salah Abdulla)
|
يا صلاح عبد الله الكلام الأخلاق ياخي شعر شنو وكلام فاضي شنو
وبعدين الصلعة دليل النبوغ وأشهر فلاسفة ومفكري التاريخ كانوا صلعة (أمين خال حمور نموذجاً)
إنت مفروض تفرح كونك الوحيد الورثت صلعة في البيت إتشال منك شعر الراس وجاك بدلو الشنب
على قول برنارد شو غزارة في الإنتاج وسوء في التوزيع 
Quote: بالمناسبة عماد عبدالله وكيكي ما أعضاء في نادي الصلع
فما تهجميهم ساي .. |
دا قمر بوبا تتخيل! عشان هو صلعة قايل الناس دي كلها زيو
| |
|
|
|
|
|
|
|
|
|
Re: مُشـاط الرجال .. (Re: لؤى)
|
| Quote: دا قمر بوبا تتخيل! عشان هو صلعة قايل الناس دي كلها زيو |
والله يا تيسير الواحد فيكم زي ما قال ودالبشري بقي زي الحبشي بأشر يمين و يلف شمال
عماد ده صحبي وبعرفه وبعرف انو ما عنده صلعة...انا كيكي شفته مرة في الفيس بوك قاعد في مكتب كدة فاتخيل لي مصلع فدخلته هو...هو قام كتب عماد عبدالله واظنه كان قاصد صلاح وخت عماد في العرض
| |
|
|
|
|
|
|
|
|
|
Re: مُشـاط الرجال .. (Re: GamarBoBa)
|
(ياود الصائم
انت غايتو مشاطك الا مقاولة عديل كده التسعيره مابتغطي معاك
غايتو اتمشط وتعال ح تكون داية قانونية زي الترتيب هاهاهاهاهاهاهاي
تحياتي زاتوووو )
كده كيف ؟؟؟
| |
|
|
|
|
|
|
| |
تيسير عووضة
ALGARADABI
mayada kamal
osman righeem
khaleel
GamarBoBa
خدر
طارق جبريل
ماجد معالى
عبدالكريم الامين احمد
محمد عبد الماجد الصايم
سلمى الشيخ سلامة
Albino Akoon Ibrahim Akoon
Yassir Tayfour
الملك
الجندرية
أيمن الطيب
ALZOLZATOO
أمين محمد سليمان
MAHJOOP ALI
lana mahdi
لؤى
فيس بوك
تويتر
انستقرام
يوتيوب
بنتيريست