|
|
|
 Re: كلمات متقاطعة .. (Re: tmbis)
|
من حرفين كلمةانجليزية وبالعربي اسم الوالد
تيسير..
عشان خاطر بوستك الممتع ده اجتهدته في دي لكن لا لقيت ليها راسي ولا افقي
تحياتي
| |
 
|
|
|
|
|
|
|
 Re: كلمات متقاطعة .. (Re: Aymen Tabir)
|
تابر ..
| Quote: من حرفين كلمةانجليزية وبالعربي اسم الوالد |
بالجد حلوة شديد 
عملناها ليك أفقي ورأسي
أفقي
إنجليزية تستعمل لتعتيل البوستات UP
رأسي
اسم الوالد أب
| |
|
|
|
|
|
|
|
|
|
Re: كلمات متقاطعة .. (Re: ali elhassan)
|
Quote: افقىمعليش ياجماعة انا داير اجرب الحاجات
البتتحرك دى وما لقيت لى واطةفاضية الا هنا |
تحذير: أي حاجة تتجرب هنا تصبح مشاعة لبقية زوار البوست.
| |
|
|
|
|
|
|
|
|
|
Re: كلمات متقاطعة .. (Re: Elkhawad)
|
افقي:
Quote: 1.للتحية : 你 好
2.للشكر : 谢 谢
3.للوداع : 再 见
4.بين بين : 还 可 以
راسي:
1. شتات : 出 去
2.ابقي لا جوي : 请
3.بي لستكين : 自 行 车
4.وبي اربعه : 汽 车
للمزاكرة : 母 亲
新 年 好
للاستعانه بصديق : ؟؟؟سكي |
دا شنو ؟
سجمي ..
يا تروتسكي ..
يا شنتير ..
النجداااااااا
الغوث !
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
Quote: ود السر عدل شنو بي سرعه البرق دي 6 مرات * 10ثواني وتطلع في سودانيز اون لاين تنزل بالبوست ... لاحولاااا ه
ما بكلم كم كم كم ده صدي السرعة |
Quote: يا خواض ..
دي بالذات حلها عند محمد السر فقط لاغير
إلا يجي هو .. |
العروس من الخلعة ما قدرت تقول كلامها بالـ Bold !!
بس.
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
في سياق متصل مع اللغة الصينية بنطق أهل كمبوديا:
أحدث نكتة سياسية (من مصدر رفض ذكر اسمه):
البلاتوه: مكتب مدير المدرسة.
المشهد: مدرس الأحياء يقف أمام المدير الذي أرسل في طلب مقابلته أياه لأمر عاجل.
المدير: (مستغرباً) كيف يا أستاذ تقول للتلاميذ "إن الثعلب يلد ويبيض"!!!
المدرس: أنا قلت كـ..
المدير: (مقاطعا) قلت شنو ياخ.. عليك الله هسة دا كلام زول نصيح!!
المدرس: سعادتك أديني فرصة أشرح ليك!!
المدير: حا تشرح لي شنو تاني بعد العملتو ياخ!!
المدرس: سعادتك ممكن تسمعني؟
المدير: (مربعاً يدينو فوق صدره) أها تفضل أشرح لي بيبيض دي!!
المدرس: سعادتك موش الترابي كان بيزوِّج الشهداء للحور بتاعين الجنة؟
المدير: يا زول قول باسم الله!!.. الترابي دخله شنو في حكاية الثعلب؟
المدرس: عليك الله سعادتك بس أسمعني للآخر.
المدير: حاضر.. أها كلامك صاح الترابي كان المأذون بتاع الجنة.. أها.. وبعدين!!
المدرس: وموش بعد ما طلع من الجنة وسقطها قال للناس "ها ها ها هذه ليست شهادة"؟
المدير: صاح..
المدرس: وموش ناس الإنقاذ في الأول لما اعتقلوهو مع الجماعة في كوبر نكر أي صلة بالإنقاذ؟
المدير: اللهم طولك يا روح.. صاااح
المدرس: وموش نفى أي صلة للأنقاذ بحادثة اغتيال مبارك وهسة رجع وقال فعلاً حصل؟
المدير: صاح
المدرس: طيب سعادتك عايزني أقول للأولاد بيلد!! وبعد يومين لو قام بيّض!!؟؟
المدير: !!!!! طيب بس ما تقول ليهم إنو الثعلب بينقل إنفلونزا الطيور!!.
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
حل مسابقة العدد السابق
أفقي: باخرة يونانية العبّارة إإحــيوس .
رأسي: ميناء سوداني ميناء بوريونان (تحذير: إذا كان القارئ ألجن يُرجَى عدم نطقها بواسطته).
ــــــــــــــــــــــــــ
مسابقة العدد
غالباً ما تقابلك عبارة الترحيب "أدخلوها بسلام" في موانئ الدول العربية..
أي العبارات تتوقع أن تقابلك عزيزي الزائر في ميناء بوريونان؟
1- ......................
2- ......................
3- ......................
4- ......................
| |
|
|
|
|
|
|
|
|
|
Re: كلمات متقاطعة .. (Re: محمد السر)
|
مسابقة العدد
غالباً ما تقابلك عبارة الترحيب "أدخلوها بسلام" في موانئ الدول العربية..
أي العبارات تتوقع أن تقابلك عزيزي الزائر في ميناء بوريونان؟
1- أمشي بالحيط تتفادى الجلبيط
2- أمشي بالضرا عشان ما تتجلبط خـ...
3- مرحب باليونانين حيث جذورهم
4- نحن نمتلك ( مُخلفات ) أعظم حضارة
ومني :
5- إذا كان الأغريق عظماء فنحن نمسك عليهم ذلَّة
وااااع يا محمد السر  
كيف معاك ؟؟
| |
|
|
|
|
|
|
|
|
 Re: كلمات متقاطعة .. (Re: تيسير عووضة)
|
1- أداة نصب شيكات طايرة
..
تيسير الإجابة ما صحيحة .. عندك بخرة لافحاها من بي هناك يا بتكوني بتعرفي عبد الرحمن ..
الإجابة الصاح .. ( إن ) بتاعت سنة سادسة ..
:2- للسؤال شنو؟
الحل: للسؤال:
أديك ..كــدا..؟
مكررة..اديك .. كــدا زي في نمرة اتنين
محمد السر:
أداة نصب: لحية!!
الإجابة:
أداة نصب: شيكات طايرة يا بليد
..
للسؤال:عملت لي شنو في موضوع العجلة؟
قوية جــدا .. والله صاح
دي عجلتك .. شوف ليها ( منفاخ )
| |
|
|
|
|
|
|
|
|
|
Re: كلمات متقاطعة .. (Re: tmbis)
|
يعني تقول لي تيسير شيكات طايرة غلط وتجي تقول لي الأجابة شيكات طايرة!!
والله إنا خايفك تكون ربيت ليك دقن
المهم حمد لله على سلامة العجلة..
النفخي هيين
| |
|
|
|
|
|
|
|
|
|
Re: كلمات متقاطعة .. (Re: tmbis)
|
يا تمبس
| Quote: أداة نصب: شيكات طايرة يا بليد |
ليييييييه ..
إشمعنى ؟
تقول لي أنا إجابتك غلط
وتشفها وتمشي تقولا لمحمد السر
وكمان تجيب ليهو عجلة 
أظنك إنت العندك بخرة لافحا ولا بتعرف عبد الرحمن ..
يا تمبس عبد الرحمن منو؟؟
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
أها عشان كدا ختينا التحذير..
أنا كان قصدي عبارة ترحيبية على نسق "أدخلوها بسلام" تبين وجهنا الحضاري
يعني مثلاً:
1- أدخلوها بكراعكم الشمال
2- أدخلوها بدعاء الخلاء
3- أدخلوها بإبريق
4- أدخلوها بسجارة
5- أدخلوها بجريدة
وهكذا..
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
طيب
عشان نطلع من المينا دي..
لما كان عندنا القمة الأفريقية جابو الفنانة الاستعراضية مريم ماكبا، لعكس توجهنا الأفريقي وكدا
طيب مع القمة العربية لازم نعكس توجهنا العربي..
من من الفنانين/ات العرب يمكن أن يعكس هذا التوجه.. مع العلم أنه/ها سيدخل/ت البلاد عبر ميناء (بوريونان)؟.
؟؟؟؟؟؟
| |
|
|
|
|
|
|
|
|
|
Re: كلمات متقاطعة .. (Re: محمد السر)
|
الإجابة :
البت نانسي بت عمك عجرم ولأنها يمكن ماتعجب الحاضرين
فيمكن استبدالها بندى القلعة ..
ـــــــــــــــــــــــ
سؤال اليوم :
أفقي
للإيجار ..
رأسي
للبوبار ..
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
Quote: الإجابة :
البت نانسي بت عمك عجرم ولأنها يمكن ماتعجب الحاضرين
فيمكن استبدالها بندى القلعة .. |
كضباً كاضب..
طالما حا تعبر من المينا يبقى لازم تكون الفنانة الاستعراضية (فييي فيي
عبده)
ـــــــــــــــــــــــ
Quote: سؤال اليوم :
أفقي
للإيجار ..
رأسي
للبوبار .. |
الحرف شنو؟
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
المسابقة الغنائية ..
حرف السين ..
أفقي
أغنية لأم كلثوم: سـيرة الحُب / سهران لوحدي / سلو قلبي / سلو كؤوس الطلى
رأسي
كلام دقاق (مكرر مع أفقي): سسس وسس وسس وس وسسسس
كلام لابدّ منو
ياخ شدة ما إتبهدلت عاوز أكتب ليك إسم الأغنية : سيدة الغناء العربي
بس ساعدتينى بي قصة مكرر مع أفقي قلت بسس ده الحب إبن الـ...
بعدين قلتي كوكا كولا ؟؟؟
لالالا .. كوكا دام
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
تيسير
| Quote: ولو بقى عندي سكري ! |
تعرسيهو طوالي!!
العرس دا أقوى من الأنسولين..
بِحرِق أي سكريات
حرف الكاف:
الحل ..
أفقي: من المكاييل
كباية شُب غلط، الصاح (كوم)
رأسي: ورم حميد
(كُرضمّة) صاح
ثابت
| Quote: رأسي: ورم حميد .. (كوكا) |
كوكا دي الجكس بتاع بندق لكن هي مكسرة في أبو طويلة
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
Quote: ربحتو جهاز مسجل وشريط سيرة الحب لأم كلثوم
اتفقوا توزعوها بيناتكم |
ثابت شيل الشريط، أنا عندي نسخة منه
مسابقة اليوم:
(حرف السين)
أفقي: في الفم
رأسي: من الفصول
| |
|
|
|
|
|
|
|
|
|
Re: كلمات متقاطعة .. (Re: محمد السر)
|
| Quote: ثابت شيل الشريط، أنا عندي نسخة منه |
ود السر أنا عندي الماستر، بشيل الجهاز أسمعو بيهو
مسابقة اليوم:
(حرف السين)
أفقي: في الفم : سقف اللهاة
رأسي: من الفصول : سنة رابعة إبتدائي
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
هوي دقيقة
ما تتشاكلوا !
مش كل زول طلع عندو شريط
واحد ماستر وواحد كوبي ..
خلاص انا بشيل شريط الجايزة
ومعاهو المسجل عشان اسمع بيهو 
****************
مسابقة اليوم:
(حرف السين)
أفقي: في الفم
سنون
رأسي: من الفصول
ساتة ابتدائي
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
حلول مسابقة اليوم:
(حرف السين)
أفقي: في الفم
سنون غلط (سفّة)
رأسي: من الفصول
(ساتة ابتدائي) شاطرة
مسابقة دنقلاوية ..
حرف الحاء
أفقي
وسيلة مواصلات ..(حمار)
رأسي
موسم شهير ..(حش التمُر)
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
| Quote: تمت الموافقة على منحك جواز دنقلاوي |
!?Really
ــــــــ
طيب عشان كرمك دا يا تيسير نديك مسابقة ساهلة لو جاوبتيها تاخدي الجنسية بتاعنا
حرف الـ (ز)
أفقي: عكس شهيق
رأسي: تدافع بها الأسماك عن نفسها
| |
|
|
|
|
|
|
|
|
|
Re: كلمات متقاطعة .. (Re: محمد السر)
|
محمد السر ..
أول شئ وريني الجنسية بتاعتكم شنو لأنو مسابقتك دي ساهلة مما يدل على
سهولة الحصول على هذه الجنسية 
مبدئياً دا الحل :
أفقي: عكس شهيق
زغطة (وليس زفير)
رأسي: تدافع بها الأسماك عن نفسها
زر Esc
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
بكل أسف غير صحيح يا تيسير
الصحيح
حرف الـ (ز)
أفقي: عكس شهيق (زفرة حرّى)
رأسي: تدافع بها الأسماك عن نفسها (الزفارة) لاحظي كمية الصابون المستهلك يوم يكون في تركين في البيت.
لكن عشان إنتي اجتهدتي رأت اللجنة منحك جنسيتنا.
عشان تعرفي جنسيتك الجديدة جاوبي على الأسئلة دي..
من الواضح أن جنوب السودان في طريقه للانفصال، هذا الانفصال سيغري بقية الأطراف المهمشة للحذو حذو الجنوب مما يلزم بتغيير اسمه بعد هذا التفكك:
أفقي:
1: اسم السودان بعد انفصال الجنوب و دار فور و الشرق عنه
2: اسم السودان الحالي بعد مساحته تبقى مليون سنتيمتر مربع
رأسي:
الانفصالات دي بدورها حا تغري أي زول يقول داير كومي:
1: اسم السودان بعد ما كل زول يشيل قطعة أرضو
2: اسم عاصمة السودان الفضل
ركزي كويس في التسمية عشان دي دولتك الجديدة
مبروك مقدماً
| |
|
|
|
|
|
|
|
|
|
Re: كلمات متقاطعة .. (Re: محمد السر)
|
محمد السر ..
| Quote: أفقي: عكس شهيق (زفرة حرّى) |
ذكرتني الست والله ..
زفرة حرى وقلباً مسه الشوق فذابا ..
ما تحاول تصححا (انظر حاشية الصفحة)
حاشية :
زفرة = مهجة
***********************
| Quote: رأسي: تدافع بها الأسماك عن نفسها (الزفارة) لاحظي كمية الصابون المستهلك يوم يكون في تركين في البيت |
يا عزيزي , التركين لا ينتمي لفصيلة الأسماك
التركين دا حاجة تانية براها عاملين ليها إعادة انتاج ..
ويحتوي على عناصر معدلة وراثياً
ونسبة المادة الحافظة به زيرو%
وشوية كدا لو قعد كانوا عملوا منو أكياس نايلون
ولا طلعوا منو بترول ..
***********************
بالنسبة للسؤال موضوع الحلقة :
مشيت استشرت ترزي متخصص في هذه الأمور
ووعدني بالرد قريباً !
| |
|
|
|
|
|
|
|
|
|
Re: كلمات متقاطعة .. (Re: تيسير عووضة)
|
أفقي
1- فنان قدير ( الكذاب) , مترادفان (الصبر وقلة الحيلة)
2- خلقنا عليها ونتنكر لها ( الفطرة) , للنداء ( يا سيدي الحسن)
3- ننفذ أوامره ( القلب) , حرف موسيقي (بحبك)
4- سورة قرآنية ( الإخلاص) , معكوسة (الأزمنة)
5- مثيرة للدهشة ( الألوان), وحدة قياس (الشوق)
6- تجدها بعد فوات الأوان (الراحة) , متداولة (الأفكار)
7- طائر له اجنحة ( الصداقة) , متتاليان (غيرة وشك)
8- آلة حياكة ( العقل) , للإستثناء (هو)
رأسي
1- ننشدها عند الآخرين وهي لدينا ( السعادة)
2- من الورود (متعة) , لا يتعلم من أخطائه(السياسي)
3- مدمر ( الحقد) , متشابهان (الفن والجنون)
4- مدينة عالمية ( الموسيقى) , للنهي (أوعى)
5- متعددة الأوجه ( الحقيقة) , مسائل نسبية (الجمال والأخلاق)
6- لغة تعبيرية ( الجسد) , للنفي (اغتراب)
7- سريع العدو ( العمر) , يتجادلان (الرجل والمرأة)
8- جسر عبور شهير ( الثقة) , آلة ايقاع (الإبتسامة)
| |
|
|
|
|
|
|
|
|
|
Re: كلمات متقاطعة .. (Re: محمد بهنس)
|
مرة انا في السابق شاركت جريده حائطيه بتاليف كلمات متقاطعه تنتهي عادة ب (الحل في العدد القادم) ولا انا عارف الحل,ولا في عدد قادم
..
..
..
اها
| |
|
|
|
|
|
|
|
|
|
Re: كلمات متقاطعة .. (Re: محمد محي الدين)
|
محمد محي الدين ..
Quote: افقي:
للترجي- تيسير اسمحي لي بالمرور... والنجده.
راسي:
للتذكير- حضرت ولم اجدك.
افقي راسي : غربه وشوق. |
حلوة !
ـــــــــــــــــــ
أفقي :
للترحيب (البيت بيتك)
رأسي :
للتأثر (لا ياااااخ)
| |
|
|
|
|
|
|
| |
tmbis
Aymen Tabir
تيسير عووضة
ثابت محمد
محمد محي الدين
sadiq elbusairy
فيس بوك
تويتر
انستقرام
يوتيوب
بنتيريست