|
|
 حصلوا احمد العربى
|
فى لحظة زهج ونحن فى غمرة الاستعداد للاحتفال بتماضر
احجز المكان وادعو الناس والهنود يجننوا
اعلنت رغبتى فى اعتزال العمل العام صائحا والله تماضر دى تسافر انا تانى ما اشتغل
فجاءة
اطل شاب فنان وسيم اسمو احمد العربى
زول هميم ومنجز وفعال
رب رب سوا كل الحاجات التصوير الفيديو انزال الصور توصيل بالسيارة حجز تذاكر تماضر يوديها المطار يعلن تبرعه بايصالها بالسيارة حتى مسقط
وبعد قال شنو
داير يعتزل البورد
وما ينزل صور
وما يكتب
حصلوا الزول دا بى سرعة يا انا كمان فى دربو
|
|
 
|
|
|
|
|
|
|
|
Re: حصلوا احمد العربى (Re: sadiq elbusairy)
|
الصديق الحبيب
صادق البصيري
احتاجك كثيرا الان ولا تعليق علي ما اوردت في حقي
ولا اظن اني استحق ذلك
انه الاحباط يا صديقي واظنك تعلمه تماماوسنلتقي
للتفاصيل
مودتي الصادقه ومحبه متواصله
| |
|
|
|
|
|
|
|
|
|
Re: حصلوا احمد العربى (Re: أحمد الشايقي)
|
احمد الشايقي ايها الشفيف
كانت الجده جاره
وكانت صديقه بثوب اخر
وكانت الحكاوى واريحية الاشياء
كلما استطيع قوله لك مكانك القلب ايها الحبيب
ولترقد بعافيه
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
لا
ومليووووووووووون لا
ومستحيل
أحمد العربي ادمن هذا المكان الفسيح
فأدمناه
انما هي استراحة محارب
Quote:
تاريخ التسجيل: 19-10-2005
مجموع المشاركات: 1827 |
وسيعود بعدها اكثر قوة
محمد سيد احمد
شكرا
____________________
عربي ...لكن سويتوها ظاهرة انت والسر
| |
|
|
|
|
|
|
|
|
|
Re: حصلوا احمد العربى (Re: عمر عبد الخالق سعيد)
|
المبدع
واخي عمر عبد الخالق
لقد انهارت قوى القتال
اتذكر قصص التاريخ؟
والمعارك الخاسره اتعلم ان الاشياء تمر ؟
وتبقى الذكريات النبيله والقبيح ينبذ الى يوم الدين؟
اذا
صديقي الحبيب عمر هي الاشياء كذلك
ولك مودتي
| |
|
|
|
|
|
|
|
|
|
Re: حصلوا احمد العربى (Re: ودقاسم)
|
احمد العربى
اسميته "صديقى الجديد"
لمن لايعرف احمد العربى
فهو نموذج للفنان المثابر
وللانسان الجميل
رافقنى فى رحلتى للشارقة ليومين كاملين
اطعمنى فيها خير الافوال
واهدانى اجمل اللوحات
و"فسحنى" فسحة "نضيفة"
واهدانى صداقة انضف..
تعرفت على فنه
وعلى ملكاته
فى جمع التراث المصور ..وترميم الآثار
وعلى اللعب بالكاميرا والتصوير والتقنيات الاخرى "يكفى انه طلعنى سمحة بعد ده كلو"
لا لن تغيب يا احمد العربى
وانا راجياك نتزل صورى مع احمد بدير والصلال ولقاء التلفزيون الذى اجرى معى ايام الشارقة المسرحية
لا لن تزوغن يا اخا البورد
فايت مروح وين؟؟
| |
|
|
|
|
|
|
|
|
|
Re: حصلوا احمد العربى (Re: Tumadir)
|
تماضر
سميتيني صديقك الجديد
وانتي صديقتي الجميله
لاقول لدي
واشكر لك ما قلتيه في حقي
واعلم اني لااستحق كل هذا
ولقد حكوت لك تكرار قصة سيدنا اسماعيل
مودتي
| |
|
|
|
|
|
|
|
|
|
Re: حصلوا احمد العربى (Re: ودقاسم)
|
العم ودقاسم
اظن ان اشياء كثيره لاتشبهنا
ونذداد تشوها حين الانكفاء علي اخطاءنا
وانا كذلك ادمن الخطاء
والتمادي
واخطئ تقدير الاشياء
واكون احادي الراي فما قولك؟
ولتعلم اني احبك كثيرا
واستجير بك من هذه الرمضاء
مودتي
| |
|
|
|
|
|
|
|
|
|
Re: حصلوا احمد العربى (Re: احمد العربي)
|
Quote: وانا كذلك ادمن الخطاء
والتمادي
واخطئ تقدير الاشياء
واكون احادي الراي فما قولك؟ |
أبوحميد
تقبّل الأشياء على عّلّاتها يدل على ضعف في تقدير الأشياء ، وتمكين العقلية الناقدة هو النضج نفسه ، وكثير مما ظنه الناس خطأً اتضح أنه هو الصواب ، وأن الناس كانوا قاصرين عن إدراكه في الزمان المعين ، في المكان المعين ... وربما أن الإدمان على ما يراه الناس خطأً هو في وجهه الآخر إدمان للصواب الذي لم يدركه الناس تحت ظروف محددة ... وهنا تكمن العبقرية يا أحمد ...
أحييك ، وأحبّك أكثر ...
ابقى بيننا فإن لم تكن تحتاجنا فنحن نحتاجك ...
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
طيب وتمشو وين من حق الناس دي؟
الناس الأدمنت الجمال وبقت يوماتي صبّاحي تتاوق بي هنا؟
غايتوأنا عندي ليكم حل كويس، سيبو موضوعكم دة بعد النقاشات والفتاوي في قضايا الموت الرحيم ما تنتهي، حتّين بعد داك تعالو
أنزعو مننا الأجهزة المسببة للحياة..
| |
|
|
|
|
|
|
|
|
|
Re: حصلوا احمد العربى (Re: الفاتح وديدي)
|
إبن العم محمد سعيد أحمد
سلام
الأخ أحمد العربي رغم قصر المسافة التي عرفناه فيها .. إلا أنه أثبت أنه بالفعل زول فنجري و فنان رفيع الذوق.
لذا آمل أن يستجيب لكل نداءات الإخوة هنا.
أرقدوا عافية
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
الاخ محمد سيداحمد
سلامات
احمد العربي يمشي كيف؟؟؟؟؟؟؟
طيب لما يمشوا الناس السمحين يفضل لينا منو؟؟؟؟؟؟؟؟
احمد العربي احد نكهات البورد
وبوستاته دائما واحات لنا جميعا
انا معه اذا كان يريد اخذ فترة للاستجمام والراحة
فالانسان يحتاج للراحة والانقطاع لنفسه في بعض الاحيان
ولكن ان يترك البورد فلا والف لا
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
أحمد أيها العربي,
أحسن ليك ترجع بدون تلتلة. وإلا والله حيجيك وفد من مسقط. ناس أنت عارفهم. فيهم أولاد جعفر الإتنين, طه ومرتضى ونسوانم. وبيرق وعاشة بت فاطمة. وفيهم عمك الفنان الباقر موسى وكبار رجالات الجالية السودانية بسقط.
وكراعك فوق رقبتك حترجع.
| |
|
|
|
|
|
|
|
|
|
Re: حصلوا احمد العربى (Re: ALGARADABI)
|
الاخ احمد
يا اخي انا يا دووووب ما بقلت بسم الله عرفنك واتوادعنا وقلنا حنتقابل ..
عليك الله قول انك بتهظر...
لسة ما رجعت من سفري ولاني متكيف منك كدة من ما شفتك..ساااااااااي كدة...لانك شكلك ممكن تتهضم بسرعة..
كلام القرضابي صاحبك دة كفاية
...[QUOTE يا زول حلفتا عليك ما بتمشى
|
عد والعود احمد
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
عزيزي محمد
الصديق أحمد عربي رجل مسكون بحب الناس
من قمة رأسه حتى أخمص قدميه..
وهكذا هم مبدعو بلادي يعملون في صمت
ويبكون في صمت
لينثروا درراً تأتلق بها دنياواتنا جمالاُ وأملا بالغد الواعد..
لك ودي عزيزي محمد وكثير احترامي
أخوك الزاكي
| |
|
|
|
|
|
|
|
|
|
شكرا (Re: mohmmed said ahmed)
|
الاعزاء
كل هذا الحب للعربى كفيل باعادته على جناح الريح
عماد عبد الله جيت تماضر عرفتنا بالزول الجميل دا انت البعرفنا بيك منو
البوصيرى
كلماتك فى حق العربى تفيض بالمعزة والصدق
غمر عب الخالق انتو اولاد الكار اقنعوا الزول دا
الشايقى
ودقاسم
وديدى
الحلاوى
انعام
ابن عمى ابوجهينة
القرضابى
خليكم معانا لحدى ما يرجع
تماضر العربى دا زهرة نبتت فى حديقة زيارتك المختلفة الالوان
حامد مسقط اعملوا استدعاء عاجل للعربى فى مسقط مع مجلس محاسبة
ملاسى
شكرا والله انا قايلك مكجنى
القاسم
ايدك معانا دفرة لقدام المساعدة يا جماعا
| |
|
|
|
|
|
|
|
|
|
Re: شكر (Re: mohmmed said ahmed)
|
أحمد العربي
عارف يالعربي انو انا نحات
يعني زميل
لامازميل الفي بالك
تضحك!! كده ممكن نتفاهم !
والله نحات بديت مع الاساتذة الرومانيين حينما درسونا فن العرائس
وكنت بدرس مسائي من 3 لب4 ساعةفي الكلية
برضو ماجابت فايده
طيب انا دنقلاوي ومتزوج حلفاوية وشكلك الفي الصورة اظهر انك رطاني
رطاني
برضو ما جابت نتيجة
بعد ده مافي غير الشده
أحسن ليك ترحع
أخير ليك ارجع
ياعربي هووووووووووووووووووووووووووووووووووووي
أرجــــــــــــــــــــــــــــــــــــــــع
| |
|
|
|
|
|
|
|
|
|
Re: شكر (Re: محمد سنى دفع الله)
|
المبدع محمد السني
بالجد ضحكت
يا زميل الفي بالك انته
وانا سعيد بالزماله النحتيه
واتضح اننا كمان بنحب التركين
يعني العناصر المشتركه ماشه في زياده الا الوزن
لك مودتي
ومحبتي الخالصه
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
الكلام ده غريب
الكلام ده عجيب
الواد أحمد العربى
من يومين كان بيتكلم معاى وما ذكر حاجة زى دى
المهم لو حصل
بنقول ارجع يا احمد يا عربى
ارجع نحن هنا فى انتظارك
وكل الجمهور الذى احب مساهمتك وفنك
ما تحرد
والله لو فى حرد
كنا حردنا الحياة بعد ما مسكت الانقاذ البلد
لكن الحياة ماشة والجميل بيجى ولازم كلنا نساهم فيهو كلنا
وانت اول المساهمين يا احمد
| |
|
|
|
|
|
|
|
|
|
Re: حصلوا احمد العربى (Re: هشام المجمر)
|
محمد سعيد احمد
سلام
وشكرا لك ان اخبرتنا عن عزمه على المغادره.
اخي احمد العربي
لا تغادر ..يا زول نحن فرحنا انه انضم لكم عبد الباقي شحتو
وانت وخالد كودي و(غير المحترف الجميل كوستاوي), يادوب كومك كبر
وفرحنا بيكم عايز تمشي تروح وين؟؟؟؟
تراجي.
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
الشفيف الجميل
الرائع روعة الصباحات
والليالي والنسيم العليل
حبيب الكل وصديق الكل
أبو حميد ود عثمان ود الطاهر
إبن الجزيرة الخضراء
عليك الله وعليك الله وعليك الله
ما تكسف الناس البتحبك دي كلها
وأرجع
وعشان ما نضغط عليك
أخذ ليك يومين راحة (خميس وجمعة) يومين بس ما تزيد منهم
وبعدهم أرجع مرة أخرى لتواصل إمتاع نفوسنا
بفنك الرائع
وذوقك العالي
وحسك الفني الجميل
ومداخلاتك الغنية والتي لا تحمل زبدا كزبد البحر
ما عيب عليك يا راجل تنصحني ولا تعمل بنصيحتك؟؟؟؟؟؟
أرجع أحسن ليك وما تخلينا نزعل منك
مع خالص مودتي
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
محمد سيد احمد
نغم جميل عزف على اوتار المحبه لقد رغمت في حياء
بما لا اجد له تفسير ولكنها المحبه لاشك زمن وجيز
كان تعارفنا فيه وكأني اعرفك منذ الطفوله لك محبتي
الخالصه على هذا الاهتمام وصدقني انه فقدان التوازن
وكنت اخشى الانحراف وما زلت فلك مودتي واعزرني
واعزرني لقد فقدت بوصلتي
| |
|
|
|
|
|
|
|
|
|
Re: حصلوا احمد العربى (Re: احمد العربي)
|
Emad Abdulla
sadiq elbusairy
أحمد الشايقي
05-04-2006, 02:26 ص
عمر عبد الخالق سعيد
ودقاسم
Tumadir
الفاتح وديدي
عبدالرحمن الحلاوي
ابو جهينة
انعام عبد الحفيظ
حامد بدوي بشير
ALGARADABI
Hussein Mallasi
Ahmed El Gasim
الزاكى عبد الحميد
Yassir7anna
فيصل نوبي
محمد سنى دفع الله
هشام المجمر
Tragie Mustafa
Ahmed El-Neel
لكم خالص محبتي وتاكدوا ان مسكنكم القلب
كلما مال لي غصن ضربت بجزوري في اعماق معرفتكم استقي تفاصيل الحياة وكلما هبت عاصفه ضربت بجزوري في اعماقكم لاذداد قوه وثبات ولكنها الفواجع لاتتركنا في هدؤنا الذي نحب ظننت ان آخر دمعة باعيني غادرتني منذ رحيل زهرتنا الصغيره رحاب العربي ولكني وجدت ان الدموع تتكاثر بداخلي كلما ادعيت الصمود وصرت الان مشوه الدواخل لا احمل ما تظنون اني امتلكه
نعم لقد فقدت بوصلتي وصرت اسير الرياح امتلاء الشراع من وجع لايعرف الانقطاع وعلى العباب الصاري إنه التوهان وتولد المخاطر واود ان اترككم بسلام لتنعموا بهذا الجمال المتناثر في صفحات هذا الوطن واسمحوا لي بذلك واكون ممتن لكم
| |
|
|
|
|
|
|
|
|
|
Re: حصلوا احمد العربى (Re: فيصل نوبي)
|
Quote:
ãÇáنعم لقد فقدت بوصلتي وصرت اسير الرياح امتلاء الشراع من وجع لايعرف الانقطاع وعلى العباب الصاري إنه التوهان وتولد المخاطر واود ان اترككم بسلام لتنعموا بهذا الجمال المتناثر في صفحات هذا الوطن واسمحوا لي بذلك واكون ممتن لكم |
لقد فقدنا وطن بحاله يا احمد العربى
فقدنا حتى المقدرة على رثاء انفسنا
يجب ان نتماسك يا صديقى ويجب ان نواصل فى طريقنا بكرامة وشموخ وعزة ..لا نرضى يا احمد العربى ان تتخلف عن السير القدم
ستعود..
"هذه اوامر"
| |
|
|
|
|
|
|
|
|
|
Re: حصلوا احمد العربى (Re: عشة بت فاطنة)
|
الغالي احمد العربي
اشكرك يا اخي على هذه الزيارة التي طابت لها النفس و بحق كانت ليلة امتلات بالروعة و اشعارك التي تعلن عن جوف يتسع للدنيا بالحب و الروعة و يشع الامل في بكرة و كعدي بك انك اقوى من كل الايام وضي لكل الحلكة من ليالي السواد ..... انها احدى ليالي العمر التي لا تنسى حظيت بها في صحبة و معية اخي ابو حميد الذي اطربني بالوان الحياة و زهر الربيع المتفتحة .......
ابق دوما فانت فينا دوما
اخوك
الصادق البوصيري .........لك دوما ان ما شالتك الواطى اشيلك في راسي و انت اصلا شايلك فوق راسي
| |
|
|
|
|
|
|
|
|
|
Re: حصلوا احمد العربى (Re: sadiq elbusairy)
|
الـرجل الخلـوق أحـمد العـربي
طـيب النـفس نقي السـريرة يبرق جـماله البهـي في هـذا
المـكان فيغـرقه دفـئا والفة...فنان....له اغصـان
فرح شـجـي ويعـرف معـنى ان يبتســـم. لاتجـدب هـذا المكان
برحـيلك اخـي .... خـذ قسـطا من الراحـة وعـد. هـذا ولك مني
وفير الحــب.
الخير محـمد عـوض.
| |
|
|
|
|
|
|
|
|
|
Re: حصلوا احمد العربى (Re: sadiq elbusairy)
|
شوف يا عربى يا مسكون طالما بتجى مسقط و ما بتخشانا زى زمان تاكد الزهجة تانى جياك و القرفة سيك سيك معلقه فيك ... وصفة سحرية عندما تمر بمثل هذه القرفات عليك تجيب ليك قزاز فاضى و تدشدشو ناعم تفش كل غيظك لكن الغيظ كثير الا تسكن فى مصنع قزاز فاضى!!! .... لك التحية و فى انتظارك فى زياره من زياراتك...
| |
|
|
|
|
|
|
|
|
|
Re: حصلوا احمد العربى (Re: Manar Mahsoub)
|
الجميله الراقيه
منار محسوب
موده غير مقطوعه والاسره الجمله
ذلك الاسد الراقي وتلاقي الاغنيات
لكم تحيه بقدر جمالكم
زيارتي الاولى لكم من الان
وهذا وعد
تحياتي للاسد
ومودتي
| |
|
|
|
|
|
|
|
|
|
Re: حصلوا احمد العربى (Re: mohmmed said ahmed)
|
اخيرا قبضنا عليك ياعربي
هاهو انت تتوسطنا مزينا وجودا في رحاب جميرا بيتش الجميلة
احمد العربي في الوسط ومعنا الفنان اليمني سلطان مخطري
وشكرا للاوقات الجميلة وحسن الضيافة..يللا بانتظارك
| |
|
|
|
|
|
|
|
|
|
Re: حصلوا احمد العربى (Re: Mamoun Ahmed)
|
الفائز الاول
باسراء
كنت جميلا ذلك اليوم
رقصت لك الشام حين صفق العالم
واذدانت مدينة جميرا وتبهرجت دبي
كان جمالا لايوصف
وعزرا لقد وجدتني موعوكا اصارع ما لايباح به هنا
ولكنك مررت سريعا وتركت بعض اهازيج الفرح على
اذاننا
موده حفيانه
ومترتره من هنا لي عند
| |
|
|
|
|
|
|
|
|
|
Re: حصلوا احمد العربى (Re: احمد العربي)
|
Emad Abdulla
sadiq elbusairy
أحمد الشايقي
05-04-2006, 02:26 ص
عمر عبد الخالق سعيد
ودقاسم
Tumadir
الفاتح وديدي
عبدالرحمن الحلاوي
ابو جهينة
انعام عبد الحفيظ
حامد بدوي بشير
ALGARADABI
Hussein Mallasi
Ahmed El Gasim
الزاكى عبد الحميد
Yassir7anna
فيصل نوبي
محمد سنى دفع الله
هشام المجمر
Tragie Mustafa
Ahmed El-Neel
الزنجي
عشة بت فاطنة
معتصم الطاهر
الخير محمد عوض
Manar Mahsoub
Mamoun Ahmed
| |
|
|
|
|
|
|
|
|
|
Re: حصلوا احمد العربى (Re: احمد العربي)
|
Emad Abdulla
sadiq elbusairy
أحمد الشايقي
05-04-2006, 02:26 ص
عمر عبد الخالق سعيد
ودقاسم
Tumadir
الفاتح وديدي
عبدالرحمن الحلاوي
ابو جهينة
انعام عبد الحفيظ
حامد بدوي بشير
ALGARADABI
Hussein Mallasi
Ahmed El Gasim
الزاكى عبد الحميد
Yassir7anna
فيصل نوبي
محمد سنى دفع الله
هشام المجمر
Tragie Mustafa
Ahmed El-Neel
الزنجي
عشة بت فاطنة
معتصم الطاهر
الخير محمد عوض
Manar Mahsoub
Mamoun Ahmed
اليكم جميعا مودتي وها قد اتيتكم طوعاولكم العتبى حتى ترضون
عاطر الاماني ولفافات المحبه لكم
| |
|
|
|
|
|
|
|
mohmmed said ahmed
Emad Abdulla
sadiq elbusairy
احمد العربي
أحمد الشايقي
عمر عبد الخالق سعيد
ودقاسم
Tumadir
الفاتح وديدي
عبدالرحمن الحلاوي
ابو جهينة
انعام عبد الحفيظ
حامد بدوي بشير
ALGARADABI
Hussein Mallasi
الزاكى عبد الحميد
Yassir7anna
فيصل نوبي
محمد سنى دفع الله
هشام المجمر
Tragie Mustafa
Ahmed El-Neel
الزنجي
عشة بت فاطنة
الخير محمد عوض
معتصم الطاهر
Mamoun Ahmed
فيس بوك
تويتر
انستقرام
يوتيوب
بنتيريست