وكل آخر شهر الجماعة بيدوه الراتب .. وفجأة اتاخرو عنه شهرين وما ادوه الرواتب ..فقام زعل زعل شديد ونوى للجماعة .. انتظرهم يوم الخميس وفى اثناء صلاة العشاء وفى الركعة الاولى ..ترك الجماعة فى الركوع وطلع برة المسجد وجاب ليهو كرسى وجلس برة .. وعندما الجماعة اتاخرو .. النسوان فقدوا رجالهم وقامو جو المسجد .. ولقو الامام قاعد فى الكرسى والجماعة راكعين ..وبس الحريم جنو .. وكل واحدة تسالو ..مالك يا الامام حابس راجلى ..؟ الامام يقول ليها والله راجلك ما دفع ..!! تقوم تدفع ليهو.. ويسالها انت راجلك منو ؟! تقول ليهو ..فلان .. يقوم الامام يناديه ..فلان الفلانى ..فيقول ..نعم ..فيقول له الامام ..سمع الله لمن حمده والسلام عليكم اتخارج.
واحد من عندنا .. عندو خروف راح منو قام نذر وقال لو الخروف دة جاء راجع انا بصوم ثلاثة يوم .. وفعلا الخروف رجع البيت .. والراجل صام ثلاثة يوم وبعد فطور اليوم الثالث جاء ولده وقال ليهو يا ابوى الخروف مات ..!! الراجل قعد يبكى وبعد سكت قال ( والله السنة دة مهسوم من رمدان تلاتة يوم وكمان دهيّة - ضحية- مافى ) 0
طيب .. صرصور دخل الانعاش بعد ما فاق لقى ليهو صرصور تانى راقد جنبو فقام سالو ..سلامتك يا فردة ومالك .. بف باف ولا شنو ؟! رد عليه الصرصور ( وهو دايخ )..لا والله شبشب بس ..
فتكم بعافية
08-20-2008, 08:22 PM
Al-Sadig Yahya Abdall
Al-Sadig Yahya Abdall
تاريخ التسجيل: 05-01-2006
مجموع المشاركات: 485
واحد خواجة مشي يشتغل في السودان، بيسكر ويسكى بس. بعد فترة الكوتة العندو كملت، سال الجماعة يجيب من وين وروهو محل مرطبات كل يوم يمشي لبتاع المرطبات المصقوع "ويسكى" و البياع بيديهو ويسكى، بعد فترة تانية الشفوت علموهو العرقي ، عجبو جدا، سالهم بتجيبو من وين؟ قالو ليهو تمشي لى بتاع المرطبات زاتو تقول ليهو عرقي. الخواجة مشي لصاحبنا و داك كالعادة مدا ليهو الويسكى، الخواجة قال ليهو "لا ... عرقي"
08-20-2008, 12:07 PM
خدر
خدر
تاريخ التسجيل: 02-07-2005
مجموع المشاركات: 13188
قالوا : جاكسون .. آخر الليل : : ( هَرررررِك .. جرّافة .. ود البسيه .. الوادي .. هتّانة .. جرّافة يا ) . : ( مشينا .. نفرين و مشينا .. أرَه يا شأب .. حِجرَة .. حِجرَة .. هتّااااااااااانه ) .. : ( شُهَدا .. سوق .. شُهَدا .. سوق .. موردة شُهَدا و باللكسي ) . : ( يلااااااااااااا .. تُفاه سمسينق يا أمَك .. دوق الرهمة دي بي خمسة ... خمسة ) . : ( شيل مئاك يا .. بي ألِف آخر بُداءَه .. ألِف و الموز هقّك .. ألِف يا كسلا ) . .... إحتماء من الزخات الفجائية الكبيرة بسورٍ قيد الإنشاء .. تحول إلى لوحةٍ إعلانية بملايين الملصقات عليها . رهطٌ من الخلق بلا ملامح في مساء أغسطس , عاليهم خريفٌ مقدود .. صوت 1 : هي مالا كُباره كده ؟ .. صوت 2 : رحمة من ربك ياخي .. صوت 1 : رحمة كُباره كُباره .. شغل نضيف .. هييييع . صوت 3 : ياها ود البخيت الغرقانة الليلة .. أبو كده زاتو ياخ . صوت 4 : كُراعك شوية يا حاجّة .. فجختينا طلعتي أيماننا ياخ . صوت 5 : تحج في جمل أعور .. أختها ليك وين يعني ؟ أجي يا الوالي !! .. صوت 1 : يازوووول .. ده كب بمزاج . صوت 2 : رحمتو واسعة .. اللهم ارفع عنّا غضبك . صوت 1 : أرفع .. كلو رافع . صوت 6 : أيوه يا نادر .. أيوه ! .. شنو ؟؟ ما سامعة شي .. آآآآآآ ؟؟ المطرة تقيلة .. أوعَ تمشي تخليني .. بلييييييييز . صوت 7 : هَررررررِك .. جرّافة .. ود البسيه .. الوادي .. هتّانة .. جرّافة ياااا .. صوت 1 : يا زول هووي .. ما تكورك لينا في أضاننا .. امشي جنب عربيتك هناك و كورك . صوت 7 : نكورك و نكورك زاتو .. يأني نقيف في المتر ده و نكورك وللا كيف يا ؟؟ صوت 1 : كورك ياخ .. خلي ينزل ليك راكب مع المطره دي من فوق .. كورك .. ( هزيم رعدٍ و فرقعة عظيمة ) صوت 2 : اللهُ أكبر .. يا لطيف يا رب .. صوت 4 : دي في نص الخرطوم .. بالتفرطق أبو اهلهم تعدمهم نفاخ النار .. رِجلِك تااااني يا حاجة ؟ صوت 3 : يخواننا أسكتوا شوية .. ح توقعوا الصاقعة دي في الـ ........ صوت 5 : الليلة وووووب عاد .. سجم البلد . صوت 1 : هأأأأيييي .. أنقر شنو ؟؟ صوت 1 : في ريحة آبريه أحمر .. ده منو البيعوس في الموقف و المطره زي ده ؟ صوت 7 : و اللاي إلا كان الهكومه . هَررررررِك .. جرّافة .. ود البسيه .. الوادي .. هتّانة .. جرّافة ياااا .. ـــ حواشي خاصة لساكنين المنحني و الوادي .. و لا عزاء و لا ترجمة للمغبشين : ود البسيه = ود البخيت . هتّانة = حتّانة . أره = أرح . أرَه يا شأب .. حِجرَة .. حِجرَة = أرح يا شعب .. هجرة ..هجرة . باللكسي = بالعكس . تُفاه سمسينق يا أمَك .. دوق الرهمة دي = تفاح something يا عمك .. ضوق الرحمة دي . شيل مئاك يا .. بي ألِف آخر بُداءَه .. ألِف و الموز هقّك = شيل معاك يا .. بي ألف آخر بضاعة .. ألف و الموز حقك .
نقلاً عن صحيفة الرأي العام العدد 23332345 بتاريخ : 25 مارس 2050
السودان يلوح بفرض عقوبات على بريطانيا، إن لم تتخذ الاخيرة إجراءت جادة في شأن النزاع القائم في غرب أوربا.
*الخرطوم ترسل تعزيزات أمنية لمنطقة شمال المسسبي، والناقلة الحربية (اللعوتة) تصل المياه الاقليمية في البحر المتوسط لوقف حمام الدم بإيطاليا.
* انهيار لناطحة سحاب بشرقي مدينة (حجر الطير) تؤدي بحياة المئات.
* فوز فريق هلال الحيصاحيصا على فريق برشلونة الاسبانى 7 / صفر .
* إكتشاف طبي جديد ... علاج مرض الايدز فى منطقة (نشارة الدوم.(
* سقوط القمر التجسسي السوداني في البحر الابيض المتوسط، والخرطوم تنفي امتلاكها له ...
* مجلس بلـدى (الـشقلــة عوج الدرب) يمنـع إستيــراد أى ثلاجـة أو بوتوجـاز ليس لهـا أى بى أدرس، ولا يمكن توصيلهـا بالإنتـرنت.
* السودان يعلن عن إيقاف اصدار تأشيرات عمل جديدة للسعودين ضمن اطار جهود السودنة والاكتفاء الذاتي الجدير بالذكر ان العمالة السعودية بالسودان تشكل الاغلبية الساحقة وتلقى معاملة سيئة للغاية .
*رئيسة جمهورية السودان السيدة مريم بنت الحسين تجري مباحثات مع نظيرتها المصرية نانسي جمال مبارك. حضر اللقاء من الجانب السوداني رئيسة الوزراء والسيدات : وزيرة الخارجية, وزيرة الاقتصاد, وزيرة الاعلام, وزيرة الصناعة والتعدين, وزيرة التكنولوجيا والمعلوماتية واعتذر عن الحضور السيد وزير الشئون الاجتماعية لظروف طارئة .
*بطلة السباحة السودانية (اماني محمد عثمان) تحرز 10 ميداليات ذهبيات في اولمبياد مدغشقر
*السودان يحث دول الخليج على الوفاء بسداد ما عليها من ديون مستحقة له.
* فوز الفلم السودانى (السخلة الزرقاء) فى مهرجان كان السينمائى.
*افتتاح مترو الانفاق الجديد بين الخرطوم ومدنى.
* خفر السواحل السوداني يحتجز سفينة محملة بمهاجرين المان، سلطات الهجرة ترفض ادخال المهاجرين و تقدم لهم العلاج في عرض البحر عبر حاملات الطائرات السودانية. لانها لم تتأكد من هوياتهم بعد.
* توفي خمسة أشخاص وأصيب آخرون في ميناء بورتسودان الذي شهد تدافعا للمغتربين السودانيين العائدين من دول المهجر إثر قرار الحكومة السودانية إعفاء الضرائب على المغتربين والسماح لهم بإدخال ممتلكاتهم لوطنهم ومساعدتهم على إعادة التوطين.
*الولايات المتحدة الامريكية تطلب من رئيس جمهورية السودان (ملوال دين اشوك) ارسال معونة عاجلة لمجابهة الخسائر التي حدثت اثناء اعصار كاترينا، والرئيس يرفض.
............................................
لا اعلم من هو صاحب الملكية الفكرية
08-20-2008, 03:29 PM
osman righeem
osman righeem
تاريخ التسجيل: 06-21-2007
مجموع المشاركات: 10872
ادروب لقى كرتونه مرقة ماجي...لم فيه بلع بس...ورمى الكرتونه... مسكته قبضة من أبو كديس ديك... مشى المستشفى الدكتور سألوا...أكلت شنو يا ادروب... قال ليه: (بسكويت أبو ديك أكلن
مسطول قالوا ليهو : الصينيين بولدوا كل دقيقة طفل . قال : دا التقدم مش زي هنا كل 9 شهور طفل
مسطول ... مفلس فلس شديد لقى ليه زير وحضنو وقاليه: وين يا مرطب
مسطول سمع دقه باب البيت فتح الباب ما لقي زول ..قال ده مس كول ولا شنو ؟؟؟
مسطول جارى مخلوع سالوه مالك قال انا ماشى فى الكلب عفصت لى شارع فى جلابيتو مسكنى من ضنبى..
مسطول بيصلى قام صاحبو ضرب ليهو تلفون قال ليهو انت وين ؟؟ قال انا فى التحيات لله .......!!!!!!!!!
خمسة مساطيل يصلو .. واحد منهم عطس وقال الحمد لله.. قال الثاني يرحمك الله ..قال الثالث ما صاح تتكلمو في الصلاة .. قال الرابع كلكم صلاتكم باطلة.. قال الخامس الحمد لله انا ما تكلمت! مسطول يقول لاخوه : أتحداك تجيب اسم دولة أوروبية ....لو ختيت نقطة على آخر حرف فيها ....يطلع لك اسم عَالِم ذرَّة قال المسطول التانى :بصراحة ماعارف !! قال المسطول : الدولة هي قطر وإذا ختيت النقطة بتصير ق(.........) قال التانى : ق(.........) عالِم ذرَّة ؟؟!! قال المسطول : يعني قطر هي اللي دولة أوروبية ؟؟
مسطول مشى سوق 6 قال ليهم داير لي نقاش ... جوهو (40) نقاش قال ليهم... يلا انقشوني انا جايي من وين ؟.
اثنين مساطيل راقدين في أوضة قصادها برندة واحد قال للتاني انا شايف مرق الأوضة دي يطلع ويجي التاني قالو خليهو يمكن شغال أوضة - برندة.
مسطول لقي نفسه قدام نمر ما عرف يتصرف قال ليهو : أكلني تاكل السم .
ادروب شغال بيحرس مخزن بتاع دقيق تابع للحكومة يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة .الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكة تشيل دقيق تودى جنوب
مسطول ولدو عيان وداهو الدكتور الدكتور قال ليهو: ولدك دا عندو تسمم شرب لبن مدتو منتهيه المسطول قال ليهو: تكون رضعتو حبوبتو...
في مدرّس نقلوهو جهة الرباطاب ومن أول يوم في المدرسة لاحظ حمار في الشارع يتاوق بشباك الفصل ويدعك جسمه ويمشي كل يوم كده قام الأستاذ قال للطلاب : الحمار دا عندو ود عم هنا ولا شنو؟؟ قام طالب من أولاد الرباطاب قال ليهو : يا أستاذ الحمار دا بيجي في حصّتك بس
08-21-2008, 00:45 AM
زهير الزناتي
زهير الزناتي
تاريخ التسجيل: 03-28-2008
مجموع المشاركات: 12241
واحد مسطول لقي ليه واحد عندو ملاريا المريض قال ليه : جسمي كله مكهرب المسطول قال ليه : اقفل التأمين
مسطول في الكعبة .. سمع صوت الآذان قام سأل المعاهو أقرب جامع وين ..
واحد مسطول قالوا ليه مارايك في المراه العصريه قال: كدي خلوها تمغرب شويه
مسطول رسلو يجيب خروف الضحيه مشا جاب ليهم واحد منتهي داير يموت الجماعه قالو ليو ده شنو الخروف الضعيف الجايبو ده .. قاليهم كدي خليكم من الضعفه .. شوفو العيون دي كيف
واحد عرس مره شينه في مرت و السمحه .. الجماعه سالو ليه يا زول .. قاليهم الشينه دي لي حليفة الطلاق..
ام العريس سالت ام العروس ولدك ده بشرب سجاير؟؟ .. قالت ليها بري يا يمه غايتو الا لمن يكون سكران
مسطول راكب في حافله جاتو بت بالشباك قالت ليو وين .. قاليها والله قاعدييين انتي الماظاهره
اتنين مساطيل واحد وقع في الخزان والتاني مشا يستناه في الماسوره
اتنين مساطيل واحد سال التاني .. جرحتي دي كبيرة ولا صغيرة .. التاني قاليو لالا مناسبه
رباطابي خاتي ليه طربيزه في السوق داير يبيعها .. جاه واحد قال ليه الطربيزة دي للبيع .. قال ليه لا شارينها تنشف
مسطول عندو دقن كبيييره قاعد في الجامع جاه واحد قال لي يا شيخنا عندي سوال .. نسيت وصليت العشا ركعتين اعمل شنو .. قال لي في زول شافك .. قال ليه لا .. قال لي اعمل نايم
امام جامع بعد ما اقامو الصلاة شابك ليك الناس استوو اعتدلو ويتلفت يمين شمال ويرجع لي ورا .. في واحد مسطول واقف في اخر الصف لمن زهج قاليو ما تصلي يا شيخنا .. انت داير تصلي ولا تشوت ليك فاول
مسطول كل ما يجى ينوم يخت جنبو كباية فاضية و واحدة مليانة سالوه دا شنو ؟ قال يمكن اشرب ويمكن ما اشرب
مسطول شاف لوحه محل انترنت مكتوب فيها الساعه ب 10الف دخل المحل وقال الساعه دي ضد المويه
واحد مسطول حلق شنبه دخل لاصحابو قال ليهم تصدقو ما عرفتكم
اثنين مساطيل .. راكبين عربية الأو ل سايق والثاني راكب ورا .. الراكب ورا سطل سطلة شديدة .. ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي .. بعد مسافة الثاني من ورا .. قال ليه .. التافه دا قال ليك شنو ؟
قالوا واحد مسطول مشى هو وأمه وابوه عشان يخطبوا بت مرطبة شديد وبعدين في جماعة فرده راجينو منتظرين الشمار لمن جاه الجماعة قالوا ليه ورينا الحصل شنو اوعى يكون حرجوك بس ؟؟؟؟ قال ليهم والله فيفتي فيفتي 50/50 ... قالوا كيف يعني قال ليهم أنا وأبوي وأمي موافقين وهي وأمها وأبوها ما موافقين...
مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس مشت الا الامام و المسطول كان غالبو يقوم ، قام الامام قال للمسطول : يا ولدى يلا لفها، المسطول : يا مولانا انت جادى ؟؟
قالت الزوجه لأمها: يا أمى الرجل دا إتأخر شديد .. ياربى يكون عرس تانى ..؟ فأجابتها الأم : يا بتى قولى خير امكن تكون ضربتو عربيه..
08-21-2008, 03:20 AM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
الوا واحد راكب حمار شاف ليهو بت رباطابية سمحة عجبتو داير يشاغل ، قال ليها أول مرة اشوف لي بت رباطاب سمحة كدي ، رفعت عينها حدرت ليهو ، قالت ليه : وانا أول مرة اشوف لي حمار طابقين !! ****************************************** واحد قال لرباطابى انتوا عليكم الله انتوا عندكم موية الرباطابى قال ليهو طيب الشجر العندنا داااك قام بالتيمم *******************************************
"قالوا رباطابي قاعد في مطعم وجنبو زول احوص, الرباطابي طالب كباب والجنبو طالب فول, اها قام الجنبو كل شوية ياكل من الكباب بتاعو "نظام احوص وكدة". اخوك اتغاظ قال ليهو "نقول ما بتشوف, ما بتضوق؟؟؟؟
*********************************************************** قال ليك واحد دخل الملعب بي علم اسود لييييييي!!!!!!! يشجع الحكم
قال ليك واحد دخل الملعب قعد يعاين فوق!!!!!!!!!!!! بفتش كلمة مباشر
قال ليك مهاجم خطير دخل الملعب ملثم !!!!!!!! خايف من المراقبة
واحد دخل الملعب بالبطانية !!!!!!!! عشان يخلى خانته
اتنين شفع جنوبيين واحد فيهم شايل كيس قام نادا التاني : بيتر تعااال هنا ... قال ليهو اذا عرفت الحاجه الفي الكيس ده بديك منو سمكة ... التاني قال ليهو عرفتها ... قال ليه شنو ... قال "بحــــــــر"....
_..._..._..._..._..._..._..._..._..._..._..._
مســــطول شال حبوبتو وداها لمدرسه بنات مشى للمدير قال : هاك دي ... اديني فكه ...
اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة .. ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي .. بعد مسافة الثاني من ورا .. قال ليه .. التافه دا قال ليك شنو.....
_..._..._..._..._..._..._..._..._..._..._..._
مسطول مشي الجبل عشان يسمع صدي صوتوا وأول ما وصل قعد يكورك :: شانغ فونغ يو ::جاه الصدي راجع .... شنوووووووووو......
مسطول حاكمين عليهو اعدام بعد ما خلاص رفعوه فوق عشان يشنقوه اشر ليهم بايدو !!!! قامو نزلوه قالو ليهو مالك؟؟ قال ليهم : كنت داير اموت !!!!!؟
_..._..._..._..._..._
في واحدة بايرة مشت للفكي طالبه مساعدة. قال ليها الفكي اتحنني ونومي والبتشوفيهو في منامك ده العريس. قامت رجعت تاني يوم مبسوطة قال ليها الفكي حلمتي بمنو.قالت ليهو صلاح ادريس. قال ليها يا بتي الظاهر كترتي المحلبية
واحد من عندنا .. مرتو دخلت المستشفى وبعدين كل حاجة يقولوا ليهو جيبها انت .. الدواء من برة الشاش من برة واى حاجة ..!! المهم يوم قالو ليهو جيب بنج من الصيدلية البرة ..قام مشى لمن جاء راجع ..الدكتور قال ليهو البركة فيكم ..مرتك ماتت ..!! وادفع لينا خمسين الف نعمل ليك شهادة وفاة ..قام الراجل قال ليهم ( مش الفتيس دة تلقناهو ) (طلقناهو)
وقال له أنت ستكون حماراً وستعمل دون تذمر من طلوع الشمس لمغربها وستحمل فوق ظهرك أحمالاً ثقيلة، وستأكل الشعير سوف لن أهبك أي ذكاء، وسأمنحك حياة طولها خمسين سنة قال الحمار سأكون حماراً ، ولكن خمسين سنة كثيرٌ جداً ، امنحني فقط عشرين
فكان له ما أراد
خلق الله الكلب وقال له ستكون كلباً ستحرس منازل بني البشر ، وستكون أفضل صديق للإنسان ستأكل من الفضلات التي يتركها لك، وسأهبك حياة طولها ثلاثون عاماً قال الكلب
يا رب ، ثلاثين سنة كثيرة جداً ،امنحني فقط خمسة عشر
فكان له ما أراد
خلق الله القرد
وقال له ستكون قرداً تتأرجح من غصن لغصن ، وتقوم بعمل الخدع لإضحاك الآخرين سوف أمنحك حياة طولها عشرين سنة قال القرد عشرين سنة!!كثير جداً ،امنحني فقط عشر سنوات فكان له ماأراد
وأخيراً خلق الله الإنسان وقال له
أنت الإنسان ، المخلوق الأكثر ذكاءً على وجه الأرض
وستستعمل ذكاءك لتجعل منك سيداً على باقي الحيوانات, وتسيطر على العالم
وسوف أمنحك حياة طولها عشرين سنة
قال الإنسان
يارب ، سأكون إنساناً لأعيش عشرين سنة فقط
هذا قليل جداً
امنحني الثلاثين سنة التي لم يرغب بها الحمار
والخمسة عشر سنة التي لم يرغب بها الكلب
والعشر سنوات التي لم يرغب بها القرد
وكان له ماأراد
ومنذ ذلك الزمان والإنسان يعيش
عشرين سنة كإنسان حتى يتزوج
بعدها
يعيش ثلاثين سنة كالحمار يكد و يعمل من طلوع الشمس لمغربها
ويحمل الأثقال على ظهره
وبعدها
عندما يكبر الأبناء
يعيش خمسة عشر عاماً كالكلب يحرس المنزل ويأكل من الفضلات التي يتركها غيره
وبعدها عندما يشيخ
ويتقاعد
يعيش عشر سنوات كالقرد
يتنقل من بيت لبيت ومن ابن لآخر أو من بنت لأخرى يعمل الخدع لإضحاك أحفاده وحفيداته
08-21-2008, 10:59 AM
اسامة الكاشف
اسامة الكاشف
تاريخ التسجيل: 06-13-2008
مجموع المشاركات: 911
وأنا كمساهمة وعشان نرفع البوست عملت ليك استفتاء حسب طول الضحكة والنتيجة تفوق خضر حمد عبد الغفار ، زناتي ، بكري واحـد عندو ارنب عاوز يبيعو جاهو واحـد مسطول قال ليه القرد ده بي كم ؟ رد الراجـل : دا ارنب ما قرد المسطول قال ليه يا ابو الشباب انا سألت الارنب ما سألتكـ انت ..
خواجة شلتو سودانيين علموه العرقي بمشو بيت العرقي هم بيسفوا التمباك وهو بدخن
يوم دخانو كمل ست العرقي مشت تجيب الزيادة جات لقت الخواجة مكرضم السفة
فتحت ليك زغاريد
هي وب علي الخواجة اسلم حنكوشة بتحب زميلها.. في عيد الحب اهدت ليهو ببغاء تاني يوم سألتو.. بالله رأيك شنو في الببغاء؟ قال ليها: طعموا جداد جداد.
رباطابى راكب جمل جات حنكوشة سالتو" عمو جملك ده بضرب ؟؟" قال ليها " لا بعمل مس كول بس"
قال ليك واحد تكاسى راكبة معاهو بنت كل ما بطنو تكركب يروح ضارب البورى شديد الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي اصدمها بس عليك الله بوريك العفن دا تانى ماتضربو
مسطول سألوه عن الفرق بين الشهد والشهيد؟ قال : الإتنين بيتلحْســــو !!!ا
حفصة عروس قاعدة في الكوشة جنب عريسها قالوا ليها : قومي أرقصي..فقالت : أبكر أليك الله اهجز الكرسي دا !!!!ا
مسطول جارى مخلوع سالوه مالك قال انا ماشى فى الكلب عفصت لى شارع فى جلابيتو مسكنى من ضنبى..
واحد مسطول قالوا ليه مارايك في المراه العصريه قال: كدي خلوها تمغرب شويه
اثنين مساطيل .. راكبين عربية الأو ل سايق والثاني راكب ورا .. الراكب ورا سطل سطلة شديدة .. ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي .. بعد مسافة الثاني من ورا .. قال ليه .. التافه دا قال ليك شنو ؟
08-21-2008, 11:18 AM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
عصام جبر الله وأضيافه الجميلين شكراً على البوست... الذي استدار361 درجة
محمد الشيخ أرباب
Quote: واعتذر عن الحضور السيد وزير الشئون الاجتماعية لظروف طارئ
ملعــــوبة
Quote: * فوز الفلم السودانى (السخلة الزرقاء) فى مهرجان كان السينمائى.
للإشارة، فالفيلم كان قد فاز العام الماضي بـ"جائزة النقاد" فى مهرجان خميس مشيط السينمائى السعودي. وهو آخر عمل للمخرج الشاب إيهاب محمد الشيخ أرباب *.
Quote: جاكسون .. آخر الليل : : ( هَرررررِك .. جرّافة .. ود البسيه .. الوادي .. هتّانة .. جرّافة يا ) . : ( مشينا .. نفرين و مشينا .. أرَه يا شأب .. حِجرَة .. حِجرَة .. هتّااااااااااانه ) .. : ( شُهَدا .. سوق .. شُهَدا .. سوق .. موردة شُهَدا و باللكسي ) . : ( يلااااااااااااا .. تُفاه سمسينق يا أمَك .. دوق الرهمة دي بي خمسة ... خمسة ) . : ( شيل مئاك يا .. بي ألِف آخر بُداءَه .. ألِف و الموز هقّك .. ألِف يا كسلا ) . .... إحتماء من الزخات الفجائية الكبيرة بسورٍ قيد الإنشاء .. تحول إلى لوحةٍ إعلانية بملايين الملصقات عليها . رهطٌ من الخلق بلا ملامح في مساء أغسطس , عاليهم خريفٌ مقدود .. صوت 1 : هي مالا كُباره كده ؟ .. صوت 2 : رحمة من ربك ياخي .. صوت 1 : رحمة كُباره كُباره .. شغل نضيف .. هييييع . صوت 3 : ياها ود البخيت الغرقانة الليلة .. أبو كده زاتو ياخ . صوت 4 : كُراعك شوية يا حاجّة .. فجختينا طلعتي أيماننا ياخ . صوت 5 : تحج في جمل أعور .. أختها ليك وين يعني ؟ أجي يا الوالي !! .. صوت 1 : يازوووول .. ده كب بمزاج . صوت 2 : رحمتو واسعة .. اللهم ارفع عنّا غضبك . صوت 1 : أرفع .. كلو رافع . صوت 6 : أيوه يا نادر .. أيوه ! .. شنو ؟؟ ما سامعة شي .. آآآآآآ ؟؟ المطرة تقيلة .. أوعَ تمشي تخليني .. بلييييييييز . صوت 7 : هَررررررِك .. جرّافة .. ود البسيه .. الوادي .. هتّانة .. جرّافة ياااا .. صوت 1 : يا زول هووي .. ما تكورك لينا في أضاننا .. امشي جنب عربيتك هناك و كورك . صوت 7 : نكورك و نكورك زاتو .. يأني نقيف في المتر ده و نكورك وللا كيف يا ؟؟ صوت 1 : كورك ياخ .. خلي ينزل ليك راكب مع المطره دي من فوق .. كورك .. ( هزيم رعدٍ و فرقعة عظيمة ) صوت 2 : اللهُ أكبر .. يا لطيف يا رب .. صوت 4 : دي في نص الخرطوم .. بالتفرطق أبو اهلهم تعدمهم نفاخ النار .. رِجلِك تااااني يا حاجة ؟ صوت 3 : يخواننا أسكتوا شوية .. ح توقعوا الصاقعة دي في الـ ........ صوت 5 : الليلة وووووب عاد .. سجم البلد . صوت 1 : هأأأأيييي .. أنقر شنو ؟؟ صوت 1 : في ريحة آبريه أحمر .. ده منو البيعوس في الموقف و المطره زي ده ؟ صوت 7 : و اللاي إلا كان الهكومه . هَررررررِك .. جرّافة .. ود البسيه .. الوادي .. هتّانة .. جرّافة ياااا ..
الله يرحم والديك يا عماد. ويرحمك إنت زاااتك.
Quote: صوت 4 : دي في نص الخرطوم .. بالتفرطق أبو اهلهم تعدمهم نفاخ النار .. رِجلِك تااااني يا حاجة ؟
لا تعليق. لا تعليق لأ... لا تعليق
Quote: ود البسيه = ود البخيت
---------------------------- * لست متأكداً من اسم المخرج ... فمعذرة..
08-21-2008, 04:01 PM
ناظم ابراهيم
ناظم ابراهيم
تاريخ التسجيل: 04-18-2008
مجموع المشاركات: 3734
ود جبر الله ... بوست قوى و غايتو تمر عليه كل يوم اصلوا ما حا تكون مدبرس....ولا قرفان
والله البوست شدة ما عجبنى مقرر اشيلوا معاى الى كل دورة منبرية..... الى دورة الربع الرابع لسنة 2050 ....يعنى اصلوا ما حا يتارشف ..... بس يا جماعة ساعدونا بالجديد
....رايك شنو يا حبنا نغير اسمه الى نكات فى نكات و عبثيات مصورة
والله البوست شدة ما عجبنى مقرر اشيلوا معاى الى كل دورة منبرية..... الى دورة الربع الرابع لسنة 2050 ....يعنى اصلوا ما حا يتارشف ..... بس يا جماعة ساعدونا بالجديد
....رايك شنو يا حبنا نغير اسمه الى نكات فى نكات و عبثيات مصورة
تدفع كم؟
انت قايل ناس yahoo براهم بيساومو؟
و لا قايل القصة اصحاب اصحاب؟
يلا اطلع بالكنجالات ....
او خلى المحامى بتاعك يتصل بالمحامى بتاعى
08-21-2008, 04:35 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
أحيييييييي يا قلبي اخيرا انتهيت و سلمت الريبورت بعد مارجعوه لي زي تلاتين مرة كل مرة العلق يطلع لي بي فلم جديد , المهم في الآخر قبله بعد روحي اتسلت يمين من التعب سايق بي آخر نفس و ماشي بي جاز المصافي كل اشارة آخد لي غمدة لمن يخلعوني ليك بالبوري اها وانا داخل صينية بلا تجي ليك مصيبة كدا قاطعة قدامي هجمتني ليك هجمة السنين هي ما سمحة شديد يعني و خالص وكدة لكن مشتتاه باهمال عجيب التقول مستلفاه ما حقها المهم حاولت اغض البصر و غيرت اتجاه النظر بلا اتلقتني ليك واحدة تانية امصب من الأولى دي علي الشتات العليها في رقبتها سمحة بالله دي بلد دي غض البصر يغلبنا فيها الله يكون في عونكم في اوروبا ليك حق تجينا قرفان كدا قمت سالت ليك علاء الدين قلت ليه انت الليلة الحاصل شنو في مناسبة ولا حاجة في البلد الشارع مالو كلو مليان دامات نار الله الموقدة بس و ماخدين راحتهم في اللبس - على الأصح عدم اللبس - على الآخر كدة قال لي ما في شي جديد ياهو الحال من زمان كدة انت بس الليك فترة عزابي و يادوب خليت بالك تعرف علاء الدين دا مرات بقول كلام سليم و في محلو خلي بالك تكون فارقة معاي قصة العزوبية دي يا خوانا باللاي الما متزوج احسن يستعجل كان عرست زولة بتريدها خير و بركة و كان ما لقيت كمان عليك باقداحك انت تعال هنا مهند الطاهر السجم دا ما شوات بي شماله و بكيس بيها طوالي اليوم دام مالو العلقنة الليه شنو ؟
08-21-2008, 05:09 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
مشاركة في بوست الأخ عصام جبرالله بتاع الطمام.. هشام حسن
Several men are in the locker room of a golf club. A cell phone on a > bench rings and a man engages the hands free speaker function and begins > to talk. Everyone else in the room stops to listen. > MAN: 'Hello' > WOMAN: 'Honey, it's me. Are you at the club?' > MAN: 'Yes' > WOMAN: 'I am at the mall now and found this beautiful leather coat. > It's only £1,000. Is it OK if I buy it?' > MAN: 'Sure, go ahead if you like it that much.' > WOMAN: 'I also stopped by the Mercedes dealership and saw the new 2008 > models. I saw one I really liked.' > MAN: 'How much?' > WOMAN: '£290,000' > MAN: 'OK, but for that price I want it with all the options.' > WOMAN: 'Great! Oh, and one more thing...the house I wanted last year > is back on the market. They're asking £2,950,000' for it. > MAN: 'Well, then go ahead and give them an offer of > £2,800,000. They will probably take it. If not, we can go the extra > £150,000 if it's really a pretty good price.' > WOMAN: 'OK. I'll see you later! I love you so much!' > MAN: 'Bye! I love you, too.' > The man hangs up. The other men in the locker room are > staring at him in astonishment, mouths agape. > He turns and asks: 'Anyone know who this phone belongs to?' > >
واحد ما بوردابي سكن في حله جديد بعد اسبوعين المدام اتوفت شهرين عرس واحده تاني شهرين كمان الجديده ماتت جا ليهو واحد من الجيران اخدو علي جنبه وساله اسمع البيموتو ديل بتلقاهم وين؟
08-21-2008, 11:28 PM
aosman
aosman
تاريخ التسجيل: 02-04-2002
مجموع المشاركات: 3443
مسطول صلى مع جماعة في برش, بعد الصلاة فضل براهو في البرش, الأمام قال ليهو يا شيخنا لمن تقوم لف معاك البرش ده, المسطول قال للأمام دييييييييييييييشك يا مولانا لكن ده ما داير ليهو قفتين قناديل.
08-21-2008, 11:43 PM
osman righeem
osman righeem
تاريخ التسجيل: 06-21-2007
مجموع المشاركات: 10872
واحده داسه من راجلهاانو خشمها عرييض كل يوم يسألها الفطور بي شنوا ؟تجاوب :- بي فووول الغداء بي شنوا؟ بي فووول العشاء بي شنوا؟ بي فووول أها يوم كانت نايمة وماخده راحتها شاف خشمها عرييض قال في نفسوا يخفف عليها وبعد صحت قال ليها:- الليلة لاقيت واحدة سمممحة سمحااا خلاس والخشم دا عرييض قدر كدا حاجة ابدااع. أها قال ليها ياوليه الغدا بي شنواا؟ قالت ليهو:- بي بطااااطسس.
كده كيف؟ افصح ... اخوك سمعتو هنا مش و لا بد، المغرضين و المغرضات ـ كيكى و خلى و امثالهم ـ ممكن يستغلو ال "انت لسع كده" بتاعتك دى للقضاء على ما تبقي من السمعة
رحبنا بيك لما جيت لكن ما عبرتنا، ثقالة مهندسين
اسمع، البوست ده سيد الشي زاتا ـ بكرى ـ قلعو و غير اسمو و بقي ملكو، انا ما مسئول منو و لا من البحصل فيهو
هاك دى:
قالو المعلم قاعد مصقوع جنب البحر ، فجاة شاف لباس نسائي مطفح في الموية، تلب تيفك و عام بي سرعة خمش البتاع و عام راجع، طلع بره رفعو "ميتينك ... فاضي"
08-23-2008, 06:04 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة