|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
ترحيب متاخر بكل الاخوة و الاخوات كتاب ومبدعين و جماهير و عامة و رجرجة و ابناء السبيل و العاملين عليها و دكين.
ود الصايم: شايفك حافر لى في بوست تانى ما لامى فيهو, تحرش على MES ?? هو ده متاج تحريش ... بس ورينى غلطتا عليك وين يا عامى??
عمر الفاروق .... المرقتك من جحرك ما هينة ... غلبك تفوت المولد ده
الشفت: شمتان يعنى?? انت قايل روحك براك "مازوم" ... الناس ده كلها اى واحد شايل ازمتو و حايم بيها, الفرق في زول عارف وبحاول يتصرف معاها و زول تانى مبسوط و قاشر و متريح و يصفر كمان و ما جايب خبر, اسه ده حال بلد او مجتمع ما مازوم??
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: الشفت: شمتان يعنى?? انت قايل روحك براك "مازوم" ... الناس ده كلها اى واحد شايل ازمتو و حايم بيها, الفرق في زول عارف وبحاول يتصرف معاها و زول تانى مبسوط و قاشر و متريح و يصفر كمان و ما جايب خبر, اسه ده حال بلد او مجتمع ما مازوم?? |
والله يا عصام ضحكت كما لم اضحك من قبل
هسع قياسا على كلامك ده نكته يقولها مناضل
هاهاهاهاهاهاهاهاهاهاهاهاهاهاهاهاها يا معلم مشتاقين وعيد سعيد
وعلى قول عادل امام
( جاعوا ولاد الكلب )
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: البوست ده خستك و فحط قبيل |
هسه يا برعي كلامك ده زاتو .. ما مأزوم ؟؟؟ حالاً سويتو خستك و فحط و قلج و اتفكفك و " مافيش فايدة غطيني يا صفية " .. و ( نحو ذلك ) من رقاد الواطـة ؟؟ .. مش فوووق هناك مكتوب في أول اليافطة دي ( الحوارات المأزومة ) .. و في آخرها ( محن أخرى ) ؟؟ أها .. أديناك الإتنين : نماذج حية من النوعين .. أنا بسميهو حوار .. كل الفوق ده عندي حواااار .. بيشبه حالنا كلو .. ( الحال " السوداني " المايل ) .. دايرين نجيب ليكم أدب حوار و شروطو من بره الملجة السودانية دي ؟ ياهو ده السايد .. من أعلى الخيل المركوبة لأتعس راكوبة . ده الموجود وين ما قبلت في سودانيتنا دي .. إلا كان دايرننا نتفلقص ساكت و نركب شغل فنكهة و فلسفة عورا و ما حقتنا .. نصلح شنو وللا شنو ؟ .. إنتو دايرين حوار ما مأزوم تمرقوهو من أأزم أزمة في الدنيا .. ؟؟ و لليلة ما قادر زول يعرف ليها راس من رجلين .. ؟! يا زول البعاتي بيولد بعاتي .. و ( لا يزرع الملح من يرتجي القمح ) .. أزرعوا قمح - كان عندكم تيراب - .. بعد داك قولوا للناس طلعتو شدر عشر لشنو ؟
أها .. الخمسة فوق الإتنين .. منتظرين تعملوا " الأنالايز " بتاعكم لهذه النماذج يا أيها الرهط " غير المخستك " .
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: ود الصايم: شايفك حافر لى في بوست تانى ما لامى فيهو, تحرش على MES ?? هو ده متاج تحريش ... بس ورينى غلطتا عليك وين يا عامى |
جبر الله يا عمكـ متذكر زمااااااااااااااااااااان عصرت علي في بوست ورجعت قلت لي ما تتحسس! صاااح؟ الوقت داكـ قلت ليكـ يا عمكـ لو لقيتني في حتة ضيقة أديني في راسي وأمش! صاااااااااح؟ وقلت ليك بالحرف الواحد: بلقاكـ في ملف ضييييييييق بردمكـ حجار وبمشي! صاااااااااح؟
أها يا عمكـ في ملف أضيق من دا
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
بما إنو سيد الملجة اعلن خستكتها و تفحيطها عندي سؤال برة الموضوع و ما في محل اليومين دي سوقو احر من ملجة ود جبرالله عشان اطرح فيه التساؤل
ماهو تعريف البذاءة هل هي مستوى معين من الشتائم ؟ ام الشتيمة و الإساءة على إطلاقها ؟ يعني هل ممكن اقول ليك يا غبي يا بليد يا بسيط يا جاهل ؟ وإذا قلت لي يا قنيط و ما شابهها يحق لي أقول عليك بذيئ؟
سؤال مأزوم ازمة الخليج الأولى
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محمد البشرى الخضر)
|
كويس
ماهو تعريف البذاءة هل هي مستوى معين من الشتائم ؟ ام الشتيمة و الإساءة على إطلاقها ؟
Quote: يعني هل ممكن اقول ليك يا غبي يا بليد يا بسيط يا جاهل ؟ |
دي اساءة
Quote: وإذا قلت لي يا قنيط و ما شابهها يحق لي أقول عليك بذيئ؟ |
ودي بذاءة
حتى الشتائم يا ود البشري درجات وهناك مفردات لديها خصوصيتها مثلها مثل بعض المناطق في جسم الانسان
يعني للكلام عورات كما للانسان عورات
واظهار العضو التناسلي عورة والحديث عنه ببجاحة عورة برضو
اظهار مناطق الاخراج عورة والحديث عنها ببجاحة برضو عورة
في ناس بتغطي مناطق العورات في الجسم بملبوسات كاسية كاشفة كالضيقة والشفافة وفي ناس بتغطي الحديث عن مناطق العورات بكلمات كاسية كاشفة كاستعارة مفردات لغات اخرى زي sex
اها كده كيف معاك؟
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محمد البشرى الخضر)
|
Quote: نزلت تحت الخط درجة بوصة قدم أو ميل كامل إسمك في النهاية نزلت صاحب الإساءة الغير بذيئة ما من حقو ينتقد غيرو بحجة بذائته من الأولى يلتفت لعوج رقبتو اولا ولّ رايك شنو يا ولي |
لا مختلفين!! حتى الكفر درجات يا ابو حميد
منهم من هم في درك النار الاسفل ومنهم من هم في غيره
والقتل فيه الخطاء وفيه العمد مع انه كل ازهاق لروح بشري
والصلاة فيها السر وفيها الجهر مع انها كلها عبادة
حديثك عن تقويم نفسه في الاول ثم انتقاد الاخرين اتفق معاك فيه نوعا ما ... لكن المساواة بينهم مختلف معاك فيها
بليد ... ما زي ل.و.ط.ي
لان الاولى اساءة للشخص الاتقالت ليه والتانية جرحت مشاعر الناس المتابعة
قد تقول لي ما هي مفردة .. ومصدرها كمان اسم نبي
لكن بقول ليك المجتمع هو البخت القواعد ومفردة ( ل. و.ط.ي) المجتع خط تحتها خط احمر وقيمها تقيم براه
يعني بليد : كلمة تسئ من تقال له ولا تسئ لقائلها لكن ل.و.ط.ي : كلمة تسئ من تقال له وتسئ لقائلها
وجرب قولها هسع في الشارع
الناس حا تستهجنك انت قائلها قبل ما تستهجن من قيلت له
لكن مرات مرات لدواعي الشرح او العلم او العمل او لدواعي الشخصية البتتعامل معاها تجبر على استخدام مفردات بذيئة
كل الود
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: وليد محمد المبارك)
|
لا ابدا ما اختلفنا يا شفت لأنو فكرة التساؤل ما المقصود منها التقييم او المفاضلة بين الإساءات - شكلي ما قدرت اوصل الفكرة بطريقة سليمة قصدي يا عمك لو انت بتسيئ لغيرك بيا بليد لا يستقيم انك تنتقد الآخرين في الحتة بتاعة الإساءة دي تحديدا ما ح تكسبك نقاط في صراعك معاهم بقدر ما ح تبين تناقضك مع نفسك ثم يا ولي في حتة زي دي - منابر حوار - الناس جات عشان تحاور و تقرا شي مفيد يبقى بليد دي زاتها ماها ساهلة ولا مقبولة ولّ كيف؟
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: غير إنو المحيرني هنا و منذ باكر من البوست، هو سؤال: لماذا يتكالب بعض من أفضل كتاب المنبر على قارئهم الأفضل و ناقدهم الأنشط المتابع لكل ما يكتبون (و بما لا يقاس ) حتى و لو اشتّطت به الأحوال كما يقول الكاراكتير بينما يتغاضون بالكلية عمن يقول لآخر
يا واطي
التي تهدر أي انسانية ممكنة في أي كاتب أو قارئ؟؟؟ |
نطه لى قدام
سلام هاشم
نخلى يتكالبون على قارئهم النشط ونشوف المهم.
Quote: بينما يتغاضون بالكلية عمن يقول لآخر يا واطي
التي تهدر أي انسانية ممكنة في أي كاتب أو قارئ؟؟؟
حقيقة أريد أن أفهم ـ ينوبكم ثواب!! |
جاتنى احتجاجات من اصحاب و صاحبات متباينة بعضها احتج على مفردات شبيهة بالتى ذكرتها انت. مرحب باى انتقادات حول هذه الامور. للاخرين ان ارادوا تناول قصة "يتغاضون بالكلية". ما يخصنى , واطى - للدقة هى قلم واطى او كتابة واطية - وصف ربما ملطف للغاية لما يفعله بوعى كامل البائس ملاسي , منحط او سافل ??? للعلم يا هاشم لا يتعلق الامر بشئ شخصي مع هذا السافل, لكن انظر لبعض الاسماء لقائمة من وطا انسانيتهم المتحققة وليس الممكنة : - كمال الجزولى - الان يواصل في مسخرته عنه - البطل - صلاح عووضة - كيكي - احمد الامين - ابوالعزائم - عماد عبدالله - احمد المرضي - تماضر - نجاة محمدعلى - حسن موسي - خالد الحاج - محجوب شريف كامثلة لا الحصر لانه مستحيل ... ادخل هنا لترى
و ما العمل مع الضبان الضكر ده, شايل لسانه و طايح في خلق الله - تانى للدقة بعض خلق الله المنتقي بعناية - غمز و همز ومسخرة واستفزاز و مضحكة, تخذيل وتهبيل و اساءة وتجريح, تقليل شان وتبخيس , اهانات واذلال و تعريض ... كل ما يخطر بالبال من الصنف ده لن تجد كلمة واحدة "بذيئة" او مسيئة ده لو اتفقنا على معنى البذاءة والاساءة, السافل ملاسي رجل مهذب للغاية. لكن البذاءة والانحطاط و السفالة تفوح وتقطر من كلماته. و ماذا عن انسانية من يستبيحهم هذا السافل? وهل يملك انسانية ما من يستبيح بوعى كامل انسانية الاخرين? اختار كثر الصمت او التجاهل لهذا السافل, اختار اخرون واخريات التصدى له بوسائل تخصهم, والبعض محتار في كيفية التعامل مع حالة كهذه. يا هاشم انا لست المسيح او غاندى, و ليس لى جمهور اخاف منه او عليه, و لا انوى الترشح لاى منصب رسمى او شعبي , و لا الزم نفسي بالمعايير الشائهة والشكلية للاخلاق المرائية و المتزلفة, و لا اقدم نفسي كمهذب راى عام او متسق مع ما تطالب به المخيلة الاخلاقية الجمعية .... و لا غيرهم ... لذا يظل هذا القلم وصاحبه في رايي الخاص: واطى, قواد, اجير , جبان, وصفات اخرى
من يدوس بوعى و تصميم و انتقاء على انسانية اخرين عليه ان يتوقع او ان يتحمل الدوس على انسانيته - ان وجدت - بكل الوسائل .
سلام
سورى حاولت اضع لنك مكتبة السافل ملاسي لكن يبدو في مشكلة
<a href="http://www.sudaneseonline.com/cgi-bin/sdb/2bb.cgi?seq=board&board=77" target="_blank"><a href="http://www.sudaneseonline.com/cgi-bin/sdb/2bb.cgi?seq=board&board=77" target="_blank">http://www.sudaneseonline.com/cgi-bin/sdb/2bb.cgi?seq=board&board=77
(عدل بواسطة esam gabralla on 12-18-2008, 03:39 PM) (عدل بواسطة esam gabralla on 12-18-2008, 03:40 PM) (عدل بواسطة esam gabralla on 12-18-2008, 03:41 PM) (عدل بواسطة esam gabralla on 12-18-2008, 03:44 PM) (عدل بواسطة esam gabralla on 12-18-2008, 03:47 PM) (عدل بواسطة esam gabralla on 12-18-2008, 03:49 PM)
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: وين المنبعج اي سليمان الطالب يعتلو ليهو البوست,,...؟؟؟ اعتقد انه الان يمارس هوايته في مساككة الزميلات في المنبر ونصب الافخاخ والشروك.. |
كيكي أنت يا زول أنا ما مالي عينك؟ زميلات كيف يعني يا كيكي وزولك بهناك لاعب معاي مان تو مان والله انت قاصد أنا (زميلات) والله شايفني (زميلات) وبعدين وكت انت نازل في الزول دا تقيل كدا ما كان تعصرو في الواطة لامن الناس يجو يحصلوك شوف يا زول كان داير أي سليمان بالجد رسل عماد عبدالله يرجعو ليك بكاركاتير من البوست التحت دا عندك اقل من ست ساعات في العرض المقدم مني ليك هنا وإلا حتلقي زولك إتقلب كجور
بيان حول التعامل الهمجي مع بيان المجموعة محمد كل سنة وانت طيب كان جيت بهنا عليك الله تعال لي بهناك
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Shams eldin Alsanosi)
|
هلا يا شمس الدين ويعلم الله يا شمس الشرك الجبتو ده شوفتي ليهو, في قصير الفات ويبدو انو اليات الاحتقان اتطورت شديد وبقت تشرك بصارقيل بوستات قديمة وزولنا ده تاني بكان فيهو عماد عبدالله ما اظن يجي فيهو تاني.. كركتير مضاد ساااكت ما حيلم فيهو مع الضفادع الكملت من البلد دي دار جدل لذيذ قبل شوية مع احد الاصدقاء عن المخلوق الذي طل في الكاركتير الجابو اي سليمان انا كنت مفتكر المصيبة دي (خروف ولا كديس) لكن صحبي افتي بان القصة ضب او قعونجة...عموما اي سليمان لو لمينا فيهو ضروري يعمل لينا ورشة عمل عن كهنة المخلوق الجابو ميت ده (ورل-ضب-ولاقعونجة)
وتسلم يا شمس وانشاء الله نجي نتابعكم بهناك كمراسلين لقناة الكيكية
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: مناطق الاخراج عورة |
يا اخوانا و كت البوست اتلحس ما تدونا فرصة معاكم ؤ كدا هل الكي بورد من ادوات الاخراج ؟ غايتو في الجامعة قالو لينا هو من الـ " إن بوت ديفايسس " * لكن في اسافير الله المرمية دي شفناه يخرج غائط الارواح زي الما حاصل شي . . . زيو و زي اي آس يا وليد ياخ الاذراء هو الاذراء لو كان بي بليد او القلتو او القالوهو غيرك الكلام على الانتينشن يا عمك ** لازمتو شنو في حوار اقفز من مقارعة الرأي بالرأي او الفكرة بالفكرة ، لتقريع حاملها ؟
طيب لو الاجابة بقت نعم . على الكلام دا ببقى الكيبورد من العورات برضو مش ؟ لما واحد يتحول لمجرد لسان لاذراء خلق الله اليتذكر انو كلنا عورات . . . او كما قال المثل ***
------------- * اي هاف نو لاتين ليترس جست راندوك آند جارغون أمود انّنور ** في سوق تمبول تلقى اتنين فارشين نفس البضاعة بسعرين مختلفين لما سألنا قالو : الكلام " الميد " و يقصد دولة المنشأ او مكان الصنع *** مثل واغ واغي غااااااااغ ضد الانشغاغ
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
كيكي .. ما عارف الأستديو على الهواء ولّ لأ لكن عندي تعليق ممكن تسجلو و جيبوا في حلقة بكرة
من الواضح ان الهجمات الكاريكاتورية للعمدة أحدثت تأثير قوي على الأطراف التانية فشاهدنا حركة تهديد ام رهيطة لأمريكا من ملاسي لكن الأثر القوي وضح في دخول الحبشي بثقله في عالم الكاريكاتيرات وهي خطوة خطيرة في تقديري و لها اثر جانبي مدمر على تقييم اداء الحبشي فللمرة الأولى منذ بداية المباراة يأخذ عماد المبادرة و يستدرج الحبشي لميدانه الخاص اللذي يعرفه جيدا و يمتلك ناصيته على عكس الحبشي اللذي بدا بائسا و هو يستخدم القص و اللصق و معالجات تقنية هزيلة في نموذجه الاول تحديدا الحبشي يتميز جدا في التنقيب في الإرشيف و استدعائه في اللحظات المناسبة و التميز في طريقة عرضه في تقديري ان تخليه عن هذه الميزة و انقياده لفخ عماد سيشكل كارثة على أدائه و قد يؤدي لفقدان النتيجة على الرغم من انه لم ينس الإرشيف تماما حتى في نموذج القص و اللصق اللذي قدمه نقطة اخرى ايضا ليست في صالح الحبشي إذ انه استخدم نفس المقتبس - الشأن اللبناني - اكثر من مرة و في غير مكان مما أدى لإستهلاكه وإنصراف المتابعين عنه اقترح على الحبشي إن اراد العودة لجو المباراة ان يعود لما كان عليه من بحث و تنقيب في الإرشيف فهذا ميدانه اللذي لا يبزه فيه أحد شكرا كابتن كيكي
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محمد البشرى الخضر)
|
هلا كابتن محمد تصدق وتامن يا كابتن عندما طل اي سليمان اطلالته الاخير وهو متابطا جوقة القعونج طوالي في الاستديو هنا المحللين الاستراتجيين لبسو لبس خمسة..وادونا افادات يعلم الله تشابه حقتك دي كثير... مفاداها.. لماذا سلاح الكاركتير..؟؟؟ فعلا كلامك صاح ضربات عمدة الثلاثية موجعة واثرها عميق واي سليمان حس باثرها تماما والصدي بتاعها وهو الان بالتاكيد تحت صداها وحمتها (ومسيطرة علي الوعي الباطني بتاعه وبقوي) لذا صوته الداخلي يحدثه بان الحسم في الرسومات الكاركتير.. عمدة فنان ودي شغلتو زي ما قلت انت...وممكن القعونج ده يرسمو ليك لدرجة تقدر تفرز الضكر من الانتاية وصعب يتلحق من اي سليمان صاحب الادوات الفقيرة والضعيفة(وزي القعونج بتاعو ده لو جبنا زول من طرف السوق ممكن يلصق ويقطع..ويجيب احلي قعونج)... طبعا ثنائية القونعج والارشيف بتظهر مبتورة... لاحظت الرسمة مركبة كيف (ساحة القعونج وساحة البوست بتاعي) وبعدين لاحظ لاحجام القعونج والهارموني الشكلي بتاعهم لدرجة انا افتكرت انو القصة قعونج ومعها مخلوق انبعاجية اخري في ملاحظة تاني.. الكاركتير احتاج منو الي كتابة (ياكيكي انت نسيت) خارج اطار الرسمة يعني اداها دفرة من خارج الرسمة.. وطبعا عند المحترف عمدة كلام زي ده مافي وكل شي بظهر ليك من الرسمة...دفرات مساعدة مافي بخت ليك رسمتو ويفرتق...
اي سليمان فعلا الارشيف سلاح بستخدمو كويس وممكن يحقق بيهو اختراق ان اراد.. ولكن مع الارشيف يعتمد علي الهجوم الضاغط والملاحقات ونقل اللعب خارج مدار البوست الي بوست اخري.. ونقاط اخري ادارة القناة تحتفظ بها لاسباب امنية
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
كيكي قبل ما انسى اتمنى في نهاية حلقة بكرة تطرح الإستفتاء التالي على المشاهدين : "ما رايهم في الكاونتر أتاك القام بيه الحبشي في بداية المباراة و تمثل في عبارة البورد يتجه نحو مفاصلة تأريخية هل هذه العبارة صحيحة ... خيارات: 1- نعم , على الطريقة اللتي عناها الحبشي 2- نعم , ولكن بطريقة مختلفة عما عنى الحبشي 3- لا , لن تحدث مفاصلة ويستمر الوضع على ما هو عليه إنتهى الإستبيان"
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محمد البشرى الخضر)
|
كابتن محمد الحبشي في بدايات هذا البوست فك لسانو كثير خلاص..والتقرير الاستراتيجي بتاع تواجده في صفحاته الاولي اظهر تواجده الكثيف وفعل المان تومان وكانت وليمة دسمة بالنسبة له.. ثم تم ملاحظة عودته في زمن الاخترقات واسترخاء البوست علي نار مداخلة او تواجد لدعم واسناد من ملاسي....!!! وده ظهر جليا في حضوره عقب تهديد (ام ضريوة) للرد علي نهال ثم اختفي ليعالج امر (القعونجة الميتة بتاعة عماد)... ثم الان في صحبة جوقة القعونج التاريخي.. .. الاستبيان ضروري حنعملو يا محمد واحتمال نعمل (بور بوينت) لمجموعة الملاحظات دي كلها...
نسيت اقول ليك حاجة في امر ملاسي... تلاحظ ايضا استدلاله بالكاركتير بتاع عماد في كوبي اند بيست خجول وعالج بيهو امر الرهط... فاذن الاسقاط والسيطرة حاصلة في عقل هذا وذاك...
وعافي منك يا عمدة الحولت القصة الي حرب قعونجية كونية
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
ياكيكى الحكايه شنو ؟ أربعه صفحات ومازال الحوار مأزوم ؟ والله حنيت عليك من العتاله وأكل القعونج ,, يأخى نحن داخرنك للشديد القوى ,, ماتكمل لينا طاقتك الذهنيه فى المحن دى ,,
تحياتى ,,
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
ــــ ذُكِرَ أن إمام والد البطل ود حبوبة , وجد شخصاً, يزرع بجرايته أرضه فقد كان ذلك الشخص طماعاً متوهماً أن كثرت طعناته علي جسد الأرض سوف تُعيد إليه إنتاج وفير, فأوقفه إمام , وألجّم علي أنفه وكتم عليه الهواء ,ثم تركه يتنفس فقال الشخص عاوز تقطع نفسي ؟ , فرد إمام لقد قطعت نفس الأرض فلم تنتج لك غير البوار هكذا حال البوست .. لم يكن هنالك نبّرةً للحوار حتي يكون مأزوماً ولم يتعطّس الحوار ثلاث مرات لنقول أنه مزكوماً بنفلونزا الطيور , وأجّود ما يوصف به "خوار الأبقار" ورعاة الأبقار يمارسون سباق "الضراط والفِسا" ومن نتانتهم ووساختهم لا تعرف أظافرهم رحمةً للقمل , ولم يدرك القمل الرحمة تحت الأظافر ,السؤوال هل تشكّلت بسودانيز أون لاين ,رؤية المدراس النقدية للمجتمع أم الشّغلة مزاجية وخلاص ؟! هل ما يدور في س/لاين "عياط" بين التقدميين والمحافظين/المتطرفين في هوية الجوع الجنسي "والكِرِيف برائحة السراويل" وغيّره ؟! وهل أهل الأعراف يفرقون بين شهية النار للحديد ورائحة الخبز الحقيقي في الجنة ؟!. أعتقد أن الكل أو الكثير "دايش" بين النظريات والمدارس الفكرية التي ينتمون إليها بيد أنهم يعيدوا الكرة ملايين المرات "لشمس حسنات الذات" بمناظير فضائية مكبرة , وتكبّرت لديهم "الـ أنا" وكمان البروستاتا زااااتو يا خي , ويشوفون "شمس حسنات الأخر" بثقب إبّرة , يعني الموضوع "فتيش" في ثغرات الثاني وإن شاء الله توديك جزر المالديف وأهم شيء تقعّد ضيف . الناس العندها "فقر دم فكري وتعليمي" بالحداثة وتبِعاتهاوالشطح والطفح وغيّرها ما لأقين ليهم "دِريبات" في عنبر س/لاين وآخر هجِيج في "الربة" و"الترسي" فوق للملايات ونسوا من الذي سحب البساط الأحمر من الشعب ؟! والشارع فاضي ..! . و"العوامين" نزلوا البحر كايسين الدُرر شكل إنتحار ثقافي غشّاهم الحوار ودالموية أصّلو ما بنقبض ود"اللّذين فرّوا وجّكوا" وفِرد غطسة وجونا بي محارة الثقافة , والضحك شقانا , وبعد ما الليل دمسّ , قالوا ود المصرف ظهر هندااااك بيولّعّ وبطفّي فخُيّل لهم إنه نار موسي وأنه قبساً. س/لاين كان من الممكن أن تكون المختبر الحقيقي الذي ندرس فيه حبيبات ونسيج ولزوجية..الخ تربتنا الثقافية , وجيّد جداً إذا مضغناها بضرس العقل وهضمنها "بأندروس" الواقع , عشان نقدر نجوّد عملية الغرس / الزرع الحسن والرعاية المباشرة , والوكِت داك بنكون تميّّّّّزنا ونفرّدنا, بسِّمات نكهتها خاصة مثل ما متوقعة في النتائح , ويحق لنا حينها الكوراك في أضان الكون ونقول تعالوا شوفو ثقافتنا وحوارتنا وديموقراطتنا, والحق نقوله الشعب السوداني قدّم في مجال الديمقراطية أرقام لابأس بهاحيث أسقط من خلال إنتفاضته نظامين شموليين , وبالصراحة كدا الإجيال هي التي تبني الغد وجيلي جيل "اللولوة" . فكون نقول هنالك حوار ومأزوم هذا منتهي الفجاجة ولو بتصدُق الكلمات في التعبير سوف أختار إبتذالاً لحكاية الحبيب الحوار الغائب ويتهم أنه مأزوم ..!, فلا يعقل أن أقول نعم ..! علي سؤوال النفير, جاء ما شيء فيك "تور مأزوم" عفواً أقصد حوار مأزوم ؟! لانو بصراحه لا يعبر ليّّّّ وجود الروث دليلاً علي وجودنفس التور الغائب آآخ يا خيّ أنا بنسي كده مالي ؟!أكيد مأزوم , الحواااار الغائب دربهٌُ راح في الموية من زمناً طويلاً باعو.. لكن عشان يكون هنالك حوار حقيقي : أول شيء: نخت صرة وخيط في نص الفاخورة ,إنو الأعمال الادبية والفنية مخطوبة أو خليها مرتبطة عضوياً بالكون كلو وأن التراث يمثل تاريخ الفلسفة , النقطة دي كان ما وضحت ليكم قولو ليّ "ألو" بجيها راجع ليكم , وبعدين نجي طوال نبشّر ليها بحوار "نقدي" واقف بي كرعينو فوق مسرح الحياة بدور/ يفتش عن "تاجوج الحقيقة", ويقول بعضهم: "الأدب لا يأتي إلا من الأدب" وده مقصود بيهو إنو الأدب ما إنعكاس للواقع بس , وكمان هو ما منتوج إجتماعي فقط و بين ( بس وفقط )أبحث عن تاجوج الحقيقة . الحاجة التانية: اللغة بكل أشكالها وضروبها ومعانيها ومفرداتها مهم للكل وإلا لا يوجد حوار حقيقي في حالة "تتحنّط اللغة". واللغة وهي في نظري "النيل الدفّاق " تؤدي إلي التعمّق الخلّاق عشان تتنعش الثقافة والحوار وهنا في اللغة خصوصية للناقد /المفكر /السياسين /المنتج /المخرج /الأديب /الفنان والباحثين /المحاور /بقية القوم , وهي الوحيدة البتلمنا في الضؤ أسميها"الجويهرة" مش حِلوة؟! عليكم بيها ..! حاجة غير الفوق ديل وهي الروح : تساعدنا علي كشف الأسرار المتخبية وهنا أوضح الأشياء العندها أرواح ضروري نتعامل مع سِحر الروح , وهذا يبعدنا عن الشّخّصنة , والماعندها روح , مالو نشتري ليها روح ودائماً البيشتري ويدفع بيشتري الجميل صاح ولا لاّ؟! الحوار الحقيقي لازم تكون فيه روح , والنصوص المكتوبة فيه أرواح , واللوحة الفنية فيها أرواح والقائمة تطول , كل هذا لمعرفة السر والفائدة (لناوليعقوب والوليد) دي كيف ؟! لنا يعني لينا جميعاً ويعقوب هو أبو سيدنا يوسف فقد ((قَالَ أَبُوهُمْ إِنِّي لَأَجِدُ رِيحَ )) وأستطاع أن يكشف السر وهذه هي فائدة لمن يفُك الطلسموظهر السر , ما قلت ليكم الشغلة فيها سر ..! الوليد هو أن تعم الفائدة المستقبل يعني الجايين ديلاك . الحاجة الأخيرة مكونة من كلو وهي تكوين أسئلة من نحن؟! ونحاور من؟! ومناسبة الحوار؟! وبعدين معاكم شروط وضوابط الحوار الروتينية وقطع شك الكثير جاهلها عديل كده ؟! والمنهج الذي يستخدم في الحوار مهم جداً تحديدهُ من البداية؟! وموضوع الحوار ذاتو شنو؟! ـ مهم جداً أن نبداء في تكوينات (تخصصية) داخل وخارج البورداب وبالمناسبة هذه من حسنات س/لاين الإجتماعية تكوين البورداب , نرجع لي الموضوع بتاع التخصصات مثلاً شخصي تخصصي علم النفس والله متمني ألاقي ناس تخصصي من أجل عمل جمعية نفسانية نتناقش في النظريات التي درسناها , والنقد الجديد الذي وجهّ إليها ...الخ وقِسّّ علي ذلك الأطباء/ والساسة/ والهندسين/والشعراء ....الخ فالطريقة هذه في إعتقادي الشخصي سوف تترتب الأشياء , ونقول أستفدنا من زمننا وأستغلينا وسائل الإتصالات التقنية , وتطورت س/لاين ,وحتماً سوف يحدث تفاعل بغض النظر عن الإشكاليات الحزبية ..
والسؤوال ده لا بد أن نجد ليهو إجابة ..
هل سألنا أنفسنا؟! لماذا هجر كثير من الكتّاب المبدعين الحقيقين س/لاين؟!
ــ في أشياء أخري لكن رفقاً بالقاري أتوقف هنا عماد ..
(عدل بواسطة emad altaib on 12-19-2008, 02:24 AM)
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
سلام يا عصام، سأحاول أن أقصر تعليقي (وقد يطول) على لب تعليقك رغم إغواءات أخر. لقد تابعت البوست منذ أول أيام مداخلتك الأولى و قد استبشرت به خيراً ـ من العنوان و أول مداخلتين ثلاثة أربعة ـ طبعاً كقارئ فقط من بعيد لبعيد (و للقراءة أيضاً أزماتها التي يفاقمها الانحياز المسبق)، و منه ألممت بطرف من ملابسات أخرى أفادت النظر الشامل وليس الأشمل. و لأنني قارئ متابع لما تكتبه و لما يكتب أغلب المتداخلين الأساسيين هنا و عندي خبر عن خلافات و اختلافات و مناقرات و صراعات ومأزومات ومأزوميات أطرافها من ضمن الحاضرين هنا و من سواهم، فلذا لم تأسرني مدافعات هذا البوست و مشاغباته و شتائمه و تهكماته بأي شكل مخصوص بها أو مقصور عليه. إذن، فقد كنت أنعم بالمتابعة حتى بدأت مرحلة مداخلات ملاسي و ردودك عليها، و ما ذاك عندي بشيء بل يجوز أن أتجاوزه بجريرة التكرار و قلة الفائدة المرجوة. و لكن... الذي أوقفني في تلك العقبة هو بالذات قولك (يا واطي). وعليه، أصدقك القول يا عصام، فبالرغم عن علمي بتلك الإحن بينكما و شتائم تبادلتماها هنا و هناك أورثتكما ضغناً و غضباً مبرراً حيناً و غير مبرر في حين غيره، ثم أورته بنار موقدة قد يشفع لكما في التجاوزات الفظية المعهودة بهذا البورد، و لكن، إلى حين فقط، قبل ورود و في غير هذا اللفظ الماحق بالذات. فهنا وعندها جالت بخاطري فكرة مزعجة جداً، ألا وهي؛ لهذه الكلمة سعة (سودانية) فائقة في احتقار البني آدم و حشرنته و الحط من قدره و إلغاء كينونته لو يعلمها متصيّد طغاة فهي مما يؤهل الشاتم بها عن امتلاء لمرتبة عليا في جلاوزة الجستابو و زبانية بيوت الأشباح و أمثالهم و قادتهم. التداعي المنطقي لتلك الخاطرة في خصوصك و بما أنت عليه من أمر السياسة جعلني أتصورك مسئولاً مهماً عن جهاز أمنٍ ما تأمر بتعذيب أحدهم و تبرر لموت آخر و تصور مخالفيك كمجرد ذباب لا ضرر من نشه بالنار أو بالغاز أو بالسم أو بغير ذلك، عن مشروعك الذي تعتقد بصلاحه؛. تلك فكرة مرعبة لم أرضها عنك و أغضبني منها و أنكأني إنك أنت المعرّف سياسياً و فكرياً، وليس كخصيمك، هو الذي بعثها ثم لم تجد لك نصيراً عليك يرى فيها ما رأيت. (واطي) كلمة ليست (بذيئة) كما جرى عرف البذاءة و ليست من قاموس الإساءة التقليدي، بل هي أضل سبيلاً و أدهى، تستمد فعلها الساحق الماحق للإنسانية من إرث و دلالات استخدامها السودانية و ليس من أي قاموس أو معجم، و في تلك الدلالة السودانية فإنها تفيد عن تحقير شمول الكينونة فتحكم عليها بالإعدام المعنوي التام و ربما كمان بالموت الزؤام للموصوف بها. و لو إنك كنت قد قرنتها بالقلم والكتابة أو بالأفكار و بالدعاوى أو بالسجم والرماد أو أي من متعلقات الناس و نواتج حيواتهم الجزئية كما فعلت في تعليقك الأخير ((للدقة هى قلم واطى او كتابة واطية)) لهانت عندي إذن كمثل صويحباتها الأخريات (سافل و منحط و قواد و أجير و جبان و، و، و ما إليه) بما تعودنا من المنبر و لأنهن كلهن يتعلقن بدلالات جزئية قد تثلم بعضاً من الكرامة الإنسانية و لكنها لا تنفيها بالكلية كما تفعل (واطي) هذه. هذا ما كان من أمر (واطي) و ما استوجبته من إشارة و استنكار، و أما سؤالك ((وهل يملك إنسانية ما من يستبيح بوعي كامل إنسانية الآخرين)) فهو بالذات مناط نفوري عن و استنكاري لاستخدامك للكلمة في وصف خصم، أياً كان الخصم و أياً كانت الملابسات فتنتهك بها إنسانيته وتذروها للعدم. و عليه يا جبر الله فلم يكن تعليقي و تنبيهي مبنياً على أية توقعات خاصتي تجاهك و بالطبع فليس لأنني تصورتك مسيحاً و لا كذلك لأنك مطالب بمداهنة أي جمهور أنا منه فتكسبه إلى صفك و بالتأكيد فليس لأنك ملتزم بأية معايير أخلاقية غير التي تراها مناسبة لك، كما و لم يكن تعليقي حتى متعلقاً بقسوة حملتك ضد ملاسي وحملته عليك فتلك تعبران عنها بما يناسبكما من كل بدٍ. و مع إنني أرجو ألا أكون سبباً في تأزمها فلست أفترض من نفسي إنني الميسِّر لإعسار أي من الحوارات المأزومة فبالتالي لم يكن فك عسرة الحوار من دوافعي، ولكن، و فقط، فقد جاء تعليقي بدافع من جزعي الشديد أن تؤدي بنا (الحوارات المأزومة) إلى (أودية حمار) لا أول لها و لا آخر، سحيقة لا قرار لها من القتل البارد للإنسان المخالف دونما وجه حق و لا حيثيات حكم و لو جار. فيما يتعلق بالإنسانية فلا بديل عندي عن صونها للمخالف كما الموافق حتى لو واتتك يا عصام تبريرات توراتية على قياس (العين بالعين و السن بالسن) كما في قولك ((من يدوس بوعي و تصميم و انتقاء على إنسانية آخرين عليه أن يتوقع أو أن يتحمل الدوس على إنسانيته ـ إن وجدت ـ بكل الوسائل)) الذي هو، و على ثوريته الهادرة و ثأريته لا تبقي و لا تذر، لو تمعنا فيه قليلاً لوجدنا تحت الزخرف الأخلاقي ركاماً من الميكيافلية. وتعلم يا عزيزي ما قيل: لا تنهى عن فعل و تأتي بمثله... و بآخره يا عزيزي عصام، ربما أكون ـ على قلة مداخلاتي ـ قد تجاوزت في خصوماتي حد الحفاظ على إنسانية مخاصمي ولا أغفرها لي مهما واتتني التبريرات و ذلك لأن الخطيئة هنا تخصني بأكثر مما تتعلق بخطأ غيري و مع ذلك فذاك هو السبب وتلك هي حيثيات السؤال الذي طرحته على الإخوة الذين تجاوزوا لك في كرم لا يليق عن تلك الغارة الشعواء على الإنسانية و استمروا يتبادلون النيل من محمد إي سليمان كمثال على أزمة الحوارات. و هل من أزمة أكثر من إفناء المحاور؟ وبمناسبة محمدأي سليمان، فهو من قد كنت أظن الخير في علمه و مناكفاته و مناقداته و تحرياته عن التناقضات ثم أصابني الآن (بعد قراءات من روابط ملحقة هنا و من هناك) بعض شك ليس بالقليل إنه إنما استغرقته بآخرةٍ المطاردات و حظ النفس من الإشارات اللوامع. و لكن و مع ذلك، فإنه يبقى في ظني أحد أفضل قرائكم يا معشر كتاب المنبر، و ناقدكم المثابر، يتخير خياركم و ينقد جيادكم و يكشف عن تناقضاتكم و يتحدى سطوة سلطانكم الأدبي و السياسي والفكري و يفرد لكم من بوستاته حماسةً تخصه و تعمنا فنقرأ لكم بفضله ونعمة من الله. كما و إنه و دائماً ما يقرأكم في سياق ما... أي و الله سياق ما، و لو إنه لا يكترث كثيراً لو يكون السياق سياقاً من خارج السياق الراهن في البوست المعين (يبدو لي الشغل الأخير ديا و المماحكات إياها ياهو البغيظ الناس من موضوع م إي س و ربما كمان احتمال إنو يكون قاعد يتونس بينا ساي كما قال عادل البدوي).
شكراً تاني يا عصام و بالخصوص على فكرة البوست و لو جرت به الريح إلى حيث تشتهي هي. ـــ كما، و شكراً يا عبد الكريم على إلصاق البوست دا و إهدائي هذا المثال لحوار غير مأزوم (إلا قليلاً). سودانيز اونلاين يهزم الصوالين المغلقة للتحاور في شان ا...ر والثقافة ....!!! ـــ و يا سارة علي، حاولت أرسل ليك العنوان بالمسنجر و لكن الله غالب. نضبح ليك تاني، بس أسألي عننا و شرفينا.
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: emad altaib)
|
Ustazi wad Altaib Salam,X Please excuse my English. I have to use it anyway!.X you said:X
Quote: لو سمحت لي بحكم متابعتي للبوست ده وعندي فيه مداخلتي , تشرح لي الإقتباس ,ما قدرت أستوعبها, أو بالأحري تشككت في مقصدها بالتمام :quote(يبدو لي الشغل الأخير ديا و المماحكات إياها ياهو البغيظ الناس من موضوع م إي س و ربما كمان احتمال إنو يكون قاعد يتونس بينا ساي كما قال عادل البدوي). |
By what you quoted I do mean what I am quoting here below.X
Quote: دائماً ما يقرأكم في سياق ما... أي و الله سياق ما، و لو إنه لا يكترث كثيراً لو يكون السياق سياقاً من خارج السياق الراهن في البوست المعين |
I hope that will clarify what I intended to say.X
But,X for a better than mine ideas regarding the subject matter or, for a much more refined and convincing logic, we can all confer with Shaikna Adil Wad Albadawi’s comments attached in this post. X
Thanks
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Ashraf el-Halabi)
|
أود أن أشكرك يا هاشم على مداخلتك فقد كان جزءاً مما عدلت عن نشره من مناصحةٍ لعصام يقول: معروفٌ، يا عصام، من حصل على براءة اختراع الحط من قدر الآخر كوسيلة لمختلف الغايات الشريرة. الما معروف هو سر استخدام ناس زيّك للوسيلة دي لكنّ الواحد، ولا أبرئ نفسي، ما دايماً متّسق مع روحو البِقَت دايماً محرّقاهو دي.
أما في شأن محمّد إي سليمان فهو، يا هاشم ويا عماد الطيّب، لا يتونّس بينا "ساكت" وإنّما الأمر لديه عمل وإن كان يخلط هذا العمل باللهو (play) أحياناً وبالعبث أحياناً أخرى. فـ"ونسة جنب الكولر" عند محمد إي سليمان هي، بالفعل، أحد تقنيات تبادل المعرفة التي هي بدورها، لديه، إحدى أهم التقنيات الداعمة لإدارة المعرفة...وقد أضفتُ لذلك، من عندي، مجالس الاستفزاز وفضل النزاعات كمصادر للـ"داتا" التي يجمعها محمد إي سليمان لعمله ولا ضرر ولا ضرار وإنّما، كما أشرت يا هاشم، فوائد يجنيها القراء والكتّاب وإن كانت تزعجهم الملاحقات والمناكفات فتلك ضريبة من الآثار الجانبية لنشاط محمد إي سليمان تتعادل بغنيمة ابرازه لأدب أولئك الكتّاب لأولئك القرّاء...
اللهم هل أبنت، اللهم فأرجو ذلك.
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Adil Al Badawi)
|
سلام يا بوست وصباحات واماسي يا منبر
ويبدو ان البوست تماما قد جاب فالمداخلات الاخيرة عالية الدسامة ومحفزة للمشي عميقا في حقل الالغام الانبعاجية التي صار وتحولت فجاة الي حقل ملي بالقعونج.....
1-هاشم الحسن تحياتي واشواقي الشديدة يا رجل...وقريبا ساكون معكم باذن الله فامسكوا الخشبة المرة دي... وونجي يا الي موضوعنا بجاي...
Quote: هل من أزمة أكثر من إفناء المحاور؟ |
يا هاشم كون اي سليمان او ملاسي قراء ممتازين ومداومين علي متابعة الذين يمارسون معهم ما ياتون به اشياء وظاهرة سميت هنا (تازم للحوار)..لا يعطيهم هذا يا هاشم حق الابتزاز...وكان الامر صائرا الي اتفاقية (المتابعة مقابل التنكيل والاستهزاء والملاحقة) فظني ان العلاقة بين القاري ومن يتنج المعرفة او الادب يجب ان تبقي متكافئه ومبنية علي الاحترام تحفظ لكل طرف حقه دون المساس بالحقوق الاساسية للانسان ان يظل كريما غير متعرض لانتهاك لفظي او تقريعي او اوصاف صادمة مشحونة بحقنة التحقير... لا كبير علي النقد والتمحيص ... ولكن الامر هنا ليس افناء محاور بل محاولة القاء ضوء علي ظاهرة مربوطة باداء المودل اي سليمان وملاسي...تداعيات هذه الظاهرة كثيرين هنا ذكروا هروب المبدعين نعم هروب المبدعين واحدة من تداعيات هذه الظاهرة وخلق اجواء عدائية احتقانية شخصية تعوق الحوار لمن اراد الحوار (ورغم طبعا راي القاطع بان المبدع الذي يهرب من مواجهة الاشياء هنا فليهرب فانه لايفيد ويتوقع اجواء مخيلية في محيط متعدد التيارات متعدد الامزجة والازواق...فعليه البقاء لتثبيت حقه في الكتابة وسط راجمات هذه الظاهرة ومحاربتها ان اراد فهذا دوره).. اي سليمان دون شك له اسهاماته الاخري وقد يفيد فيها مثله مثل اي اذن مرور لهذا المنبر.. ولكن ان ارتبط في وجوده بهذه الظاهرة التي بيننا اعلاه 1--2-3 وشواهد وبوستات ..فهنا هو من يسعي الي افناء المحاور بالملاحقة في التنقيب السلبي المبتور في الاستهداف والملاحقة المحمومة... فالنقاش يا هاشم يا صديقي ذاهب صوب ظاهرة لا علاقة باي سليمان في شخصه بل بنمطه وانتاج الذي يتقاطع فيه مع الاخريين في بوستاتهم وفي بوستاته...
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: قيقراوي)
|
Quote: thanks for the useful and helpful "zarda", I was in need for it |
يا عصام جبر الله بعد ما صغنا شعارنا للمرحلة القادمة على ضوء مقولاتك ما اظن فكرة المراجعات دي حتكون مبلوعة من جانبنا(من يتعمد تجريد الناس من انسانيتهم لا نوفر انسانيته) الفلاسفة و الانبياء في الغالب ماتوا فقراء و منبوذين تملؤهم الحسرة عشان فكرة التسامي الغريبة دي..و هي في ظني فكرة غير بشرية ..لو الواطي بيتقال ليه انت واطي في عينو يمكن يفتح عينو على احتمالات تانية و يكف عن "واطيته" فيكسب الناس بشرا سويا ينضاف للرصيد الايجابي في هذه الحياة/الغابة.
لا للمراجعات...و يا هاشم الحسن و عادل البدوي دعوا رائدنا و شأنه.
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: سيف النصر محي الدين محمد أحمد)
|
Quote: هل سألنا أنفسنا؟! لماذا هجر كثير من الكتّاب المبدعين الحقيقين س/لاين؟! |
سلامات التلب
1) عشان جُبنا 2) عشان مترفعين عن مجتمعاتهم 3) عشان هم قشرة ساكت
بمفهوم الكورة البنعرفو، المبدع السوداني زي لاعب الكورة السوداني
حريف لمن يدوه يضقل بيها براه كضاب عند اللعب تحت ضغط
هم مبدعين شنو الما عاوزين يحتكوا بمجتمعاتهم ديل والغريبة معترفين انو المجتمع فيه خلل كبير في التربية والسلوك وبنادوا بي تغيروا والاغرب اول ما يحتكوا بي المجتمع ده يتأففوا ويلموا عددتهم ويتخارجوا
امال المجتمع ده الحا يغير فيه منو ؟
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: وليد محمد المبارك)
|
ورغم طبعا راي القاطع بان المبدع الذي يهرب من مواجهة الاشياء هنا فليهرب فانه لايفيد ويتوقع اجواء مخيلية في محيط متعدد التيارات متعدد الامزجة والازواق...فعليه البقاء لتثبيت حقه في الكتابة وسط راجمات هذه الظاهرة ومحاربتها ان اراد فهذا دوره).. .......................................
وليد المبارك من الضروري تحيتك تحية خاصة وتثبيت اتفاقي التام معاك فيما اوردته في امر المبدعين وهذا المكان وسلام يامان
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
ـــــ
Quote: أرجو أن يسمح لي المتصفح والقارئ الكريم أن أقدم له دعوة محب قد أقلقه وغض مضجعه وأسهر عينه عزوف الكتاب والأدباء والمثقفين عن الكتابة وأرقه كسلهم الذي أقعدهم عن المشاركة في أقوى مقومات الحضارة والتقدم في بلادهم. وأني لا أريد أن أذكرهم بأمور لهم مدركون بل هي من الأشياء التي تكاد تكون من البداهة والوضوح أن الكاتب يجد حرجاً في التنبيه إليها. ذلك أن تقدم الأمم وصعودها سلم الحضارة ومعيارها إذا أردنا تمثلها ببناء شاهق تعتمد على عمد ثلاثة: الفكر والعلم والأدب. والعلم هنا يشمل العلم التطبيقي في جميع فروعه. وأعجب شيء أن أكثر الناس يظنون ، بل يقيسون التقدم الحضاري للدولة بما لها من موارد طبيعية كالبترول والمعادن الأخرى من ذهب ويورانيوم وماء للزراعة وغيرها. ولكنك تجد المنظمة العالمية ، منظمة الأمم المتحدة للتربية والثقافة والعلوم (اليونسكو) ، بعد الدراسة العلمية الفاحصة تجعل المقياس الحق للتقدم والحضارة لأي دولة ما تنتج تلك الدولة من معرفة وعلم وأدب ، وما تنشر من كتب في تلك المجالات ، وتصدر ، وليس ما تصنع من الصلصة أو الويسكي ، ولعل هذا هو المعيار الحق الذي لا ينكره إلا غافل أو جاهل.
ولا أريد أن أمضي في ذكر مظاهر التقدم الحضاري ، فقد أكثرت عليكم ، فإن مثل هذا الحديث ربما أمل القارئ ، وعاد وعظاً أجلكم عن تكراره والتذكير به. ولكنها لفتة مهموم ودعوة مشفق.
لقد صدرت مجلة كلية الآداب في ستينيات القرن الماضي. وكتب فيها عدد من الأساتذة من جامعة الخرطوم وغيرها ، فأثارت قضايا الثقافة والعلم والأدب في شتى المجالات. ولكن المجلة أعترضتها صعاب أعاقت سيرها وتقدمها بل واستمرارها ولكنها مضت تصارع وتكابد وما زالت. وقد انتظمت في الصدور المتتابع ولأول مرة في تاريخها وذلك بثمان إصدارات سنوية متتالية منذ العام 2000 وهي الأعداد التي تجدها هنا ويمكنك اختيار ما ترغب من مقالات منها وتحميلها بسهولة. إلا أن أكبر العقبات ولا زالت قلة الكتاب المشاركين فيها ، وعزوفهم عن الكتابة. ولعلك تعجب كيف يكون هذا وقد انتشر التعليم في السودان وكثرت الجامعات والمعاهد في كثير من الولايات. ولا أثقل عليكم ، فالأمل ما زال يراودنا أن نجد نفراً من الأساتذة بخاصة الذين ما زالوا في مقتبل العمر أن ينشطوا ويشاركوا في تحقيق النهضة التي سبق الحديث عنها ، فالأمل معقود بهم ، ونحسب أنهم قادرون على هذا. وما أصدق قول الشاعر:
ولم أر في عيوب الناس شيئاً كنقص القادرين على التمام
|
هاهو نموذج الواقع بأروقة الثقافة والمعرفة .. مجلة كلية الأداب .. جديرة بالقرأة ومن الممكن تحميل بعض الدراسات الجيّدة
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
هاشم الحسن wrote
Quote: سلام يا عصام، سأحاول أن أقصر تعليقي (وقد يطول) على لب تعليقك رغم إغواءات أخر. لقد تابعت البوست منذ أول أيام مداخلتك الأولى و قد استبشرت به خيراً ـ من العنوان و أول مداخلتين ثلاثة أربعة ـ طبعاً كقارئ فقط من بعيد لبعيد (و للقراءة أيضاً أزماتها التي يفاقمها الانحياز المسبق)، |
And in those first few posts referred to by Hashim I read:
Quote: نشرت الرسالة في حالة مزاجية ـ سيئةـ معينة، رغم معرفتى بعواقب التصرف/الفعل تحت سيطرة حالة مزاج معين الا اننى افعلها، ربما لانها تساعد على تنفيس المزاج السئ -------------------------------------------------------
انطلقت في النشر من تقدير "طيب" او ساذج او مصاب بعمى لحظى عن "حقيقة احوالنا" ان بعض ما اثير في الرسالة سيفتح نوافذ جيدة للحوار، مصدر التفاؤل بامكانية الحوار انه بالفعل كان هناك حوار دائر بين افراد ـ كنت طرف في بعضه ـ انفتح او توسع بعد مشكلة المبدعين و العامة التى ـ في تقديري ـ كانت نقطة هامة في تاريخ الحوارات المازومة او بالاصح تعبير اكثر وضوح عن هناك مشكلة حقيقية "عندنا" في التعامل مع سؤال الاختلاف |
.
Hashim are you sure that you read this ?
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
عودة لتشطيب بعض النقاط الضروري نديها حقها في هذه المساحة.. ونرجع لمداخلة الاخ عادل بدوي الدسمة..والفيها كان في جزئية تتحدث عن اي سليمان قاعد يعمل كده لييه..؟؟ وهنا نقول خلونا نفترض الاتي 1-عمل لجمع معلومات (رغمي ايماني الضعيف بفكر نظرية المؤامرة) 2-لهو ولغو حوار 3-اسقاطات مربوطة بنزعات النفس البشرية مهما كانت الاسباب الثلاثة او غيرها من الاسباب التي قد لاتطل ملامحها عيانا بيانا.. من الضروري ان تصل رسالة واضحة ومباشرة لمحمد اي سليمان مفاداها ليس كل طير يوكل لحمه ومنحني تداعيات الملاحقات والتحقير سقفه ليس في الانحناء والميك اب لزوم (القوود لوك) امام العابرين امام هذه الساحة .. ففضح الظاهرة والتعامل معها بقسوة وقمع حقيقي في كل تفاصيل الكتابة عنها او ملاحقتها اينما حلت او ادلت وتضييق كراكير وخجانين الاسفير لها ايضا مكانا في الحلول الكثيرة التي يجتهد كثيرين في ايجادها.. لها مكانا..ومقدرة...ولغة..وحماس...ووجها كما الكبك.. لاحقا لو لقيت فرصة عاوز اعمل نقة حول (سنين التعايش مع القمع ووالتنكيل عند الشعب السوداني واسقاط ذلك علي وعي ممارسة اشياء عديدة في الشخصية السودانية سلبا او ايجابيا)
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
هلا يا محمد... شنو يا اخونا القعونج كمل الليلة لا شنو..؟؟ خلاص كملت القعونج قبلت علي بوست محمد حسبو امس انا قلت ليك TRY AGAIN وكويس انك تريت اقين وخشيت ليك في لوك بوستي جيد... ولكن اقول ليك قولة برضو (تراااي اقين) وشوف ليك الية تزحك منك الزول المسخوت ده.. SO YOU HAVE TO TRY AGAIN AND AGAIN او تصلح خطاويك وتبقي زول محترم ومالي هدومو وتبطل قضايا الانبعاج البتعمل فيها دي فساعتها انا لك من المقدرين والشايلين في الراس كمان....
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: emad altaib)
|
Quote: يا حبيب صوت القعونج دا ما داخل في اللعبة قصة الثقافة والفنون والأداب وزمان لمن كنت بقرأ مره علي موضوع عواء القعونج والموسيقي , وبالجد كدا شيق للدراسة للمهتمين خاصةً ونحن نمتلك صورة هائلة من المسطحات المائية السايبة اللي بتتواجد فيها القعونج بكثرة |
هلا ياعمدة وياخي انا اتمتعت الليلة الصباح بثلاثة وجبات دسمة في مداخلتك وهاشم وعادل فشكرا جزيلا... والقعونج بالمناسبة طري اللحم وشايلين حسو ومموعلقنو ساااكت ومفتكرين انو حيواني كرور فهو لاعب اساسي في سلسلة الحياة وقاعد يعمل قعونج ويرك في الموية والبر خطير جدا.. تعرف يحكي بان هنالك رجل ساحر يسمي ابكر قروش (ودي قصة حقيقية) حصلت في المجلد ابكر قروش ده بجي الحفلة وبرقص مع الناس ولمن يفكر يفرتق بجدع في الحفلة قعونجة كبيرررررة خلاص وبفرتق الحفلة والناس تتخارج مادار ليلة امس هنا كانت محاولة انتاج ابكر قروش في ثياب اسفيرية.. ولكن بكل اسف فيلم القعونج ده خشيناها زمااااااااااااان
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
ـــــ سلام ياعصام .. إن ما يحدث في المنزل /البيت بحكم أنه بداية التنشئة لمعظمناهو نقاش وقد يصل مرحلة العراك مع اللخو "الطريد" فكالعادة بحنية الأمومه وإنه لسراً عظيم فنقاشها يقوم علي "الطبطة والتحنيس" وجّد ليّ وباكر تكّبر ليّ , ونحنحة الأبوته لا يجود معاها نقاش ما ندر بل وكل النساء القاعدات كان سمعنها النحنحة الأبوية بيصلحن "تيابن" ومعاها "مضايره" , وباقي القطعية بكملنها بعد ما النحنحة تتخارج , وبالنسبة للأبناء مع النحنحة وكمان "نَهرة"يرجف لها القلب , وتنحني لها الرقبة والعيون تحفر فوق الواطة , والغربية بيقوليك مااالك "إتــ بكمته" ومااا سامعك قبل شوية تناطق ذي الجن ؟! صبت فيك مطره ؟! هذا هو واقعنا في البيت السوداني ولربما يتغير بعض شيء في فترة من الفترات البيكون فيها تم الإستسلام "ولدك كان كبر خاوي"ـ درسنا في التربية أن الشارع هو المكان الثاني له تأثيرات في السلوك والتربية, ولكن شارعنا السوداني "مِن يخربني "ما فيهو نقاش وما يحدث في البيت يحدث في الشارع وأفظع كمان , وفجأة كدا يجيك واحد يمارس دور الأب والخال .. بس عليكم الله لو في نقاش جيّد في الشارع بيكون في "ِتفِلع" وكاسوري ذي الأفلام الهندية وسيماسينما الكانت زمان ـ المدرسة وهذا لحاله موضوع ثاني لكن المختصر فيه, برامج التعليم كلها لم يحدث لها تطوير مواكب للعصر في الرضيات مازلنا نحِل المعادلات بطريقة واحدة فقط وهي "التعويض"و(مافي تعويض للمتضررين) ـ والضرب هو كان في حوار حرب الجنوب بتستمر ليها خمسين سنة وغير الضرب التم في دارفور وبرضو نقول في حوار ومأزوم ؟! و"التِقِريص الفيّ الصُرّة" والجانب النفسي في الجنوح والشرود العقلي وبرضو البيحدث في البيت ممكن يكون في جزء كبير في المدرسة . النادي وجيتك يا النادي وإن شاء الله في قربي ليك ألقي مُراضِي إمكن يكون كل المناطق التي زرتها في السودان من قُري ومدن بفرقانها وأحيائها ـ الملاحظة الأولي "اليافطة" مكتوب عليها النادي الثقافي الإجتماعي والرياضي , الثقافي أول شيء شفتوها كيف ؟! حيث أنه النشاط الوحيد المتفاعل سميها رياضة قدم , وفي قسمة تمرين العصُر وأتذكر جيّداً هنا مقولة صديقاً لنا كان بيشعر إنو مظلوم بالرغم من حِرصه الشّديدعلي دفع الإشتراكات الشهرية فقال ذات مرة للكابتن بتاع الفريق : " يعني الواحد إلا تكون أختو حِلوة وشديدة و"بُقاقة" حااارة زي الشطة حتي تقسمو في التمرين "؟! هذا يدل علي أنه لا يوجد نقاش حتي في الميدان ـ نرجع لي الثقافة بتاعة الأندية المزعومة , والصراحة لوكانت كلمة الثقافي مكتوبة في بيت ست الإنداية كان أجمل وأصدق علي الأقل الواحد بيشم ليهو ريحة عرقي , بدلاً من رائحة الله يعزّكم البول ومُخلّفات أخري بجدار النادي , ومجتمع "السُكُرْجِية" ديل لطيف جداً وبالجد كدا أنا بتكيف ليهم خالص بعد سكرتهم دي بيقولو كلام وبيمارسو سلوكيات من المفترض تكون من صميم الثقافة , بدل التِبِحِلِق في تلفزيون النادي وكل واحد ومزاجو والريموت , وهو ذاتو التلفزيون وجميع محطاته مافيه فائدة للشخص بستثناء الخبر , لا ثقافة ولا حوار, وضرب الضُمنة للتربيزة , ما بيحرك مياه الثقافة المتجمدة أصلاً ورمي بت "الديناري" البايظة بعد الساعة أتنعشر بالليل ذي صورة ودردشة الفنانات في غلاف المجلات العربية "يعني إثارة" بس لا هو نقاش ولا هو حوار. الجامعة : صديقي كبر كثر خيرُ أوفها حقها وقال"الموجود ركن نقاش وليست حوار" وأظن كلنا متفقين معاه . إلي الأن ما وجدت حوار يا عصام ياأخوي ما تجلي تقول ليّ فيّّ حوار ومأزوم ...!
ـ ح ارجع ثاني لموضوع المحاضرات والندوات وأخيراً الإنترنت .
ــ عماد ..
(عدل بواسطة emad altaib on 12-19-2008, 11:44 PM)
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: emad altaib)
|
جدّاً يا سيف. فأنا أقدّر رأيك وأتفهّم موقفك لكنّني أخشى أنّ عبارتك (على الأقل في عيون غير الملمّين بهذا الصراع من القرّاء وربّما من منظورٍ ما لثقافة حقوق انسان) تشيل رائدنا من زنزانة (ورُبّ عبارةٍ أو خصومةٍ، بهذا المنبر، أضحت سجنا) الـvulnerable ترميهو في الحبس الانفرادي المخصّص للـmore vulnerable وجبر الله أعلم.
في زول آجماعة عارف حبوب الصراحة ببيعوها وين في المنبر دا؟
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
سلام يا بوست وصباحات واماسي يا منبر.. ويا اي سليمان اضحكني امر الطرطشة حتي الثمالة... والتركيز ايضا وجد حصته من الضحك الشديد المفاجئ....!!!! انت عارف ده حالك تماما في هذا الامر... وشايف ماشاء الله هجمتك عالي العالي ... 1-بوست حسبو خلفت منو ساحة وحديقة خلفية لتشتيت اللعب ونقل اللعب (والكلام ده انا قلتو فوق في ملامح الانبعاج) 2-هجوم ضاغط ومحاولة اصطياد محاورين جدد لزوم (تعكير الاجواء ) وتشتيت الانظار) حاولت مع هاشم الحسن والان مع عادل البدوي (وكلو ما بحلك بالمناسبة).. 3-الاسلحة الانبعاجية شكلها طارت ليك في راسك وجاطت عليك السبل (تلوح وتفكر في قعونج قوقل-ثم في بوست محمد حسبو) ولا تدري اي الطرق او السبل ستسلك الي مرافي وغابات انبعاجك المحتقن.. 4-مرة تلوح بانك لاتقراء ومرات كوتاتك تاتي من صميم المكتوب وتمارس التناقض الشديد المفاجي وتحول نفسك الي اضحوكة في اعين القاري المتابع(فقاري سودانيز اونلاين المتابع ذكي وفطن والاحداث امامه تمر).. مشكلتك اني هنا (محلل) اولا.. وخصم ثانيا... فعشان كده وقعت وقعت التاباني والياباني.. ونعود في تحليل صغيروني كده
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
هذا البوست بالتحديد امر فيه جلل ويحتاج الي وقفة... باعترافك في رد الي عادل تبين بانك اتيت الي هذا البوست ناطي فيه كونه وليمة تازم واحتقان وجبة دسمة سال لعابك اليها كثيرا وكنت عالي النشاط والهمة في صفحاته الاولي ومحتمسا وملهما... وفعلت 1- الطوبير 2-الاستدعاء بالاسم 3-التلويح بمفاصلة المنبر التاريخية 4-الدعوة الي العتالة (انسيت يا كيكي عتل).. 5-الاستخفاف بالردود وادعاء انك ما قاعد تقرا ولا تقراء امرنا فهو لايهمك.... الاشياء الفووق دي ارتدت عليك وبالا وود كور لو تدري لهو عتالي شديد ولميض (قلت ليك الكلام ده وما بهتك) ابدا.. ونعود
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
1- الطوبير انت يا سيدي الان هو من يقف في طابوري اسميته (طابور تكتيكات الانبعاج المحتقن).... ندس اليك التكتيك في التحاليل والتامين عليها...ثم ننام واثقين بانك ستقوم بالتمرين وان حتمية الظاهرة والياتها اتوماتيكي ستوديك الي تطبيق التكتيك... قلنا ح يمشي الارشيف.... مشيت الارشيف جري قلنا حينقل اللعب الي بوست تاني ... جري نقلت اللعب الي بوست تاني قلنا فقه الكاركتير مسيطر علي الوعي بتاعك فاهديتنا قعونجة قوقلية خضرا اللون والدمن تلوح بها....
| |
|
|
|
|
|
|
|