|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: almogira alemam)
|
يا ميدو يا حبيبه يا اخي ما تزعلي اولا القضيه لا تشكيك في شهاداتك ولا يحزنون ومازو جاء هنا بشهادته الناس بتجي لهنا بمقدراتها على التواصل وطرح بضعاه فكريه او سياسيه او ادبيه تبحث عن مشترين.
اها كلامك ده ضحكني.......
Quote: فهمه...
Quote: لم تعطينا يوما احساس انك اكملتي الابتدائي ناهيك عن الماجستير |
أأأأأأحي... دي بقى تعملي شخييييييييييييييط وتقيفي بعيد وتتكلمي عدل معاي لاني يا حبوبة الشهادة المعاي أظنك انتي ما جبتي زييييييها
|
يا حبيبه اهلنا البسطاء زمان قالوا القلم ما بزيل بلم.
نحن هنا ما لجنة معاينات لوظائف نحن قراء واعضاء بكرر لك للمرة الثانيه ما كطتبتينه لا يحمل اي مضمون وفارغ المعنى و المحتوى.
هل هذ يقال لتثبيط الهمم لا.
وانما لم يفت عليك فوات وهنالك مستع لك للابخار لعمق الاشياء اتركي القشور وتعمي
تعلمي ولا تتكبري واي زول بيقول انا كملت العلم هو جهلول كبير.
اوباما بجلالة قدره وهو في زيارة للمعسكرات بشرق تشاد قال ببساطة انا هنا لاسمع واتعلم استخدم كلمة (اتعلم) وهو يقصد البحث عن الحقيقيه من مصادرها ولم يقل لهم انا متعلم وجيت اوضح لكم ممكن تعملوا شنو؟؟؟؟؟
يا ميدو ربنا يوفقك بس ختي الكورة واطة.
وبعدين مافي داعي ادين اكوي لانك مرة قلتي عني منافقه لما ادنت ابراهيم بقال.
ويا اكوي كلامي معاك انت وما عشان مياده دي عشان النساء كل النساء لا الزواج ولا الطلاق ولا غيره له علاقة بانسانيتنا ومقدرتنا على التفاعل مع مجتماعتنا ومقدرتنا على العطاء لشعبونا.
ان قصدت ان تحط من مكانتها كامراة فانت مخطأ فانت تحط من مكانتك انت بعقولنا.
من يرفض التميير العرقي يا اكوي يجب ان يرفض التمييز النوعي(رجل/لمراة) والعمري(اطفال /شيوخ/شباب) والديني(مسلمين/مسيحين)و....الخ
واتمنى ان تكون وعيت كلماتي.
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: Tragie Mustafa)
|
اطروحتي تتعلق بالتدخل الدولي العسكري للاغراض الانسانية... كان تتدخل مجموعة دول احيانا تحت غطاء من الامم المتحدة او ما يسمى بالشرعية الدولية في دولة اخرى تحت زرائع حماية حقوق الانسان ... او ان ما يجري في دولة ما يهدد السلم والامن الدوليين.. او تدخل دولة بتفويض من دولة اخرى عسكريا مثال ما تم في الصومال والعراق وكوسوفو... وعلاقة التدخلات تلك بالسيادة الوطنية وتقاطع السيادة الوطنية مع العولمة...وتغليب الشان الداخلي على ال
آسفة يا ميادة أنا فهمت إن بحثك متعلق بدور منظمات العون الانسانى. رسلى لى الإى ميل بتاعك برسل ليك أوراق. عندى ليك اقتراح ممكن مناقشته مع المشرف على رسالتك وهو أن أى واحد من المحاور دى كافى للبحث
مبدأ عدم التدخل في شؤون الدول الأخرى في المواثيق الدولية
مفهوم التدخل الدولي الانساني ومشروعيته تأثير العولمة على السيادة الوطنية
وكل ما سلطتى الضؤ على مسألة معينه كل ما سهل عليك الإجابة على أسئلة البحث وكل ما اتشريتى فى المواضيع كل ما ضاع الموضوع وضاعت الحلقة الماسكاه.
أمنياتى بالتوفيق
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: Asma Abdel Halim)
|
الاخت اسماء صباحك زينة
Quote: اطروحتي تتعلق بالتدخل الدولي العسكري للاغراض الانسانية... كان تتدخل مجموعة دول احيانا تحت غطاء من الامم المتحدة او ما يسمى بالشرعية الدولية في دولة اخرى تحت زرائع حماية حقوق الانسان ... او ان ما يجري في دولة ما يهدد السلم والامن الدوليين.. او تدخل دولة بتفويض من دولة اخرى عسكريا مثال ما تم في الصومال والعراق وكوسوفو... وعلاقة التدخلات تلك بالسيادة الوطنية وتقاطع السيادة الوطنية مع العولمة...وتغليب الشان الداخلي على ال
آسفة يا ميادة أنا فهمت إن بحثك متعلق بدور منظمات العون الانسانى. رسلى لى الإى ميل بتاعك برسل ليك أوراق. عندى ليك اقتراح ممكن مناقشته مع المشرف على رسالتك وهو أن أى واحد من المحاور دى كافى للبحث
مبدأ عدم التدخل في شؤون الدول الأخرى في المواثيق الدولية
مفهوم التدخل الدولي الانساني ومشروعيته تأثير العولمة على السيادة الوطنية
وكل ما سلطتى الضؤ على مسألة معينه كل ما سهل عليك الإجابة على أسئلة البحث وكل ما اتشريتى فى المواضيع كل ما ضاع الموضوع وضاعت الحلقة الماسكاه.
أمنياتى بالتوفيق |
شاكرة لكي اهتمامك وإليكي بريدي الالكتروني [email protected]
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: mayada kamal)
|
الاخت ميادة بعد التحية والسلام
شكرا للتوضيح بس فى حاجة اساسية فى مسالة التدخل العسكري لاغراض انسانية كل التدخلات التى تمت حتى الان تمت تحت مظلة الامم المتحدة وجميعها فى مناطق كان الصراع فيها من البقاء الانسانى او عدمه خاصة بعد تكاسل الامم المتحدة عن درء شبه التطهير العرقي والابادة الجماعية فى رواندا لذلك شرعت الامم المتحدة والدول الاعضاء بتقنين عملية الحماية العسكرية للجماعات التى يعتقد بانها فى حالة خطرة ومعرضة للفناء 0ازمة الصرب والبوسنة وكوسوفو انموزج كما دارفور ايضا اما فيما يختص بالعراق وافغاستان تدخل واحتلال لعدم وجود الحالة الانسانية انما كان الهدف هو القضاء طالبان ونظام البعث فى الاولى حق اريد به باطل لان الهدف هو مراقب الصين وقطع الطريق امام تمددها فى المنطقة خصوصا بد انهيار الاتحاد السوفيتي سابقا واستقلال ما يقارب 7 دول ايضا وضع ايران وباكستان تحت الرقابة الدائمة اما العراق السيطرة على مصادر النفط واحكام الطوق حول رقبة ايران من كل الاتجاهات لمنع اى تقارب او علاقات حميمة مع انظمة دول الخليج
الجانب المهم فى رسالتك عدم وجود دراسات او مقالات فى هذا الموضوع وان وجدت ستظل سرية للغاية غايتو الله يعينك ويشد من حيلك
ايضا هناك جانب اخر وهو الاخر التعاون الامنى والاستخباراتي مع الدول الكبرى فى اطار محاربة الارهاب والتيارات المتشددة اعتقد ده اخطر من التدخل الانسانى لان التعاون بيصبح فى نهاية المطاف تركيع وتدخل سافر فى الشئون الداخلية بجة محاربة الارهاب قديما كان باسم الشيوعية والالحاد عشان كده يا اختنا اقترح عليك تحويل الدراسة لشئ مفيد لبلدنا ويكون مرجع للباحثين وطلاب العلم وللاجيال القادمة مثلا الحقوق الديمقراطية مفتاح الحل او دور المراة السودانية فى التحول اليمقراطي والاستقرار السياسي او السيادة الوطنية ما بين الشمولية والديمقراطية
عموما مهما كان خيارك نتمنى لك التوفيق والتفوق بس ماتنسى بعد نيل الدكتوراة نشر اجزاء منها فى هذا المنبر عرفان بالمنبر حتى يظل رافدا للمعرفة والعلم ولتسهيل مهمة الباحثين عن المعلومات شكرا مرة اخرى للتوضيح وفتح بوست قيم ومفيد
الصديق
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: mayada kamal)
|
ألزميلة/ميادة
لك التحية
نسأل الله أن يوفقك فى مسعاك..ونيل درجة الدكتوراه..وهذا شىء جميل وعظيم...التقدم فى العلم وطلبه شىء ما ساهل..
ومساعدتى لك هو الدعاء أن يوفقك الله لنيل درحة الدكتوراة....ولكن أؤد ان أضيف لك نصيحة أخوية..وهى:
فكرى دائمآ أن لاتتأثرى بالمهاترات والمناكفات التى قد تجعلك تخرجى من طورك وتنسيك ما أنت عليه من وضع علمى يؤهلك بأن تحسنى التعامل مع جميع البشر بمختلف طبايعهم ..
وأعملى بالمقولة(((((((((من لايمكنك تجنبه عليك تقبيله))))
خالص التحايا..........إسماعيل محمد احمد عباس....
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: ismeil abbas)
|
Quote: ألزميلة/ميادة
لك التحية
نسأل الله أن يوفقك فى مسعاك..ونيل درجة الدكتوراه..وهذا شىء جميل وعظيم...التقدم فى العلم وطلبه شىء ما ساهل..
ومساعدتى لك هو الدعاء أن يوفقك الله لنيل درحة الدكتوراة....ولكن أؤد ان أضيف لك نصيحة أخوية..وهى:
فكرى دائمآ أن لاتتأثرى بالمهاترات والمناكفات التى قد تجعلك تخرجى من طورك وتنسيك ما أنت عليه من وضع علمى يؤهلك بأن تحسنى التعامل مع جميع البشر بمختلف طبايعهم ..
وأعملى بالمقولة(((((((((من لايمكنك تجنبه عليك تقبيله))))
خالص التحايا..........إسماعيل محمد احمد عباس.... |
مساء الخير أخي إسماعيل نصيحتك مقبولة مني بإذن الله وشكرا ليك كتييييييييير وياريت تتوصوا علي دايما بالنصح والارشاد
أختك ميادة
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: بكري الصايغ)
|
الاخ بكري مساء الخير بشكرك على مجهودك معي وتاكد اني برحب بي اي ملاحظة من حضرتك/م
Quote: الأخـت الحـبيبة الحـبوبة، مـيادة كـمال، تـحـياتي ومـودتي،
*** - طالعت بدقة شـديـدة فـهرسـت رسالة الدكتوراة بتاعـتك ووجـدت انـها ( من وجـهة نظـري ) غيـر متـرابطة بعـضـها البعـض.
رجاء ياميادة مراجـعة بعـض رسالات الدكتوراة بـجامعتك او بـجامعة الخرطوم لـمعرفة كيف يكون الفـهرست ...الابواب " الـمباحـث!!!"...وكيف تتـرابط ابوابه ...حـتي تصـلي وعبـر تسلسل الابواب الي النتيـجـة.
لك مودتي. |
حضرتك تقترح شنو؟؟؟ والتعديل من (وجهة نظرك) في اي مبحث او فصل؟؟؟
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: mayada kamal)
|
معليش مكرر عشان نزل فى الترتيب الخطا
اطروحتي تتعلق بالتدخل الدولي العسكري للاغراض الانسانية... كان تتدخل مجموعة دول احيانا تحت غطاء من الامم المتحدة او ما يسمى بالشرعية الدولية في دولة اخرى تحت زرائع حماية حقوق الانسان ... او ان ما يجري في دولة ما يهدد السلم والامن الدوليين.. او تدخل دولة بتفويض من دولة اخرى عسكريا مثال ما تم في الصومال والعراق وكوسوفو... وعلاقة التدخلات تلك بالسيادة الوطنية وتقاطع السيادة الوطنية مع العولمة...وتغليب الشان الداخلي على ال
آسفة يا ميادة أنا فهمت إن بحثك متعلق بدور منظمات العون الانسانى. رسلى لى الإى ميل بتاعك برسل ليك أوراق. عندى ليك اقتراح ممكن مناقشته مع المشرف على رسالتك وهو أن أى واحد من المحاور دى كافى للبحث
مبدأ عدم التدخل في شؤون الدول الأخرى في المواثيق الدولية
مفهوم التدخل الدولي الانساني ومشروعيته تأثير العولمة على السيادة الوطنية
وكل ما سلطتى الضؤ على مسألة معينه كل ما سهل عليك الإجابة على أسئلة البحث وكل ما اتشريتى فى المواضيع كل ما ضاع الموضوع وضاعت الحلقة الماسكاه.
أمنياتى بالتوفيق
| |
|
|
|
|
|
|
Re: إطروحتي للدكتوراة بعنوان : (التدخل الدولي الإنساني وأثره على السيادة الوطنية) أرجو المساااا (Re: Hafiz Bashir)
|
الأخـت الـحـبيبة الـحـبوبة، ميادة، تـحياتي ومودتي، اعتـذر للتاخيـر، لم التفت لكلامك الا اليوم.
...تقترح شنو؟؟؟ والتعديل من (وجهة نظرك) في اي مبحث او فصل؟؟؟ "ميادة كـمال"
*** - بـخـصوص فـهرست الرسالة عليك ياميادة تعـملي حـوالي 12 مسودة من فهارس متعـددة، وكل مسودة فـهرس من ال12 مختلف عن الأخر. وبكل مسودة فـهرس مجـموعة من الافكار والمواضيع بشرط عدم الخروج من عنوان الرسالة.
*** - تقومي بعد داك وتضـعي ال12 مسودات للفهارس قـدامك وتبتدي تنقلي الافكار من فهـرس لفهرس وتشطبي وتعـدلي وتضـيفي وتلغي لـحـد مايبقي عندك في النهاية فهرس اخيـر متماسك ومترابط،
*** - عنـدما قمت انا بكتابة الرسالة اسـتغرقت معاي كتابة الفهـرس نالضبـط 3 شهور و11 يوم!!!، والسـبب يرجـع ياميادة الي انو الواحـد لما يقرر فكرة ويوثقها في الفهـرست لازم يتاكـد انو هـذه الفكرة عنـدها مراجـع وكتب كافية، يعنـي لازم تتاكـدي تـمامآ من ان اي بنـد في الفهـرست يكون عنـده المراجـع الكافية وكـحـد ادني 9 كتب ومراجـع،
*** - لازم تعـرفي ياميادة انو الفـهرسـت هـو الأساس، يعنـي زي لما تكوني عاوزة تبني بيت، لازم يكون الاساس متيـن وعلي ارض صـلبة، وبعـد داك تبتدي في البناء، اساس فهـرسك لو مامبني علي تاكـيد بالمراجع والكتب بلغات متعـددة حـتتعبـي لما تمـشي لقـدام، وتضـطري تغيـري الموضوع وتضـيعي الزمن،
*** - مازلت علي موقفـي من الفهـرست بتاعك انو ضـعيف شـديد وغيـر مترابط بعـضه البعـض، وفي الحـتة دي مابقـدر اساعـدك ياميادة لانو ده يتوقف علي المراجـع الكتب بالخرطوم، واخـشي اساعـدك في فـهرست من عـندي يطلع ماعنـدو اي مراجـع، لذلك اقتـرحـت عليكي موضـوع عـمل 12 مسـودات لفهارس متعـددة وتشوفي من خـلالـها المراجـع.
وحاواصـلك... لك مودتي.
| |
|
|
|
|
|
|
|