|
Re: سامي صلاح لا يستطيع دخول المنبر يا بكري(في الاسر برضو) (Re: Shihab Karrar)
|
حمور زيادة يطالب و يؤيد ويندد و يشجب و يدين و يصلح الساعات ..
نصيحتين لسامي ابو نتايج خاطئة ..
رسل ايميل لبكري ..
النصيحة التانية .. استنادا الى الصورة النزلا امجد اعلاه .. اقفل الدرايف F الانت فاتحو ده و اقفل الفيس بوك و اقفل المسينجر و حاول تاني
و ..
شكلك خايف شديد منزل ليك مية برنامج حماية ياخ .. ديل كلهم بيشتغلو سوا ؟
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
معايش ياسامي صلاح تكبر تنسي عشرين يوم غياب عن المنبر كتيره عليك لكين نقول ليك يالهكروك عليا سنة سنتين شويه نتمني من الاخ بكري ان يعيد لنا الاخ سامي الي المنبر الذي اختلف مع الكثيريين في انا نتأج قراته في كثير من الاحيان تكون سليمة وعقلانية معنا من اجل عودة العزيز سامي الي المنبر
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
يا امجد ياخي ركز في الالفاظ و دلالاتها
قالت : معكم
يعني الموضوع ما سامي الزميلة روزمين تنطلق من مبدأ مهم و هو مبدأ الوقوف مع الاعضاء الفاعلين لا مبدأ الشخصية التي يحدث لاجلها الفعل
يعني لو كان البوست عن عمك هناي داك برضو بطيبة قلبها كان حتجي و تقول معكم
شكرا روزمين انك معنا
ـــــــــــــــ جبتي لي الهوا قبل كده لكني فتحت الشبابيك للنهاية و قلت للهوا كان راجل تعال تاني
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: قيقراوي)
|
Quote: سامي يا اخوي رسل لي بكري و اختصر فكك من كسير التلج و المواقف المتضامنة و الادانات و الشجب ( دي خليها لبيان الشجب بتاعك هنا لما ترجع بالسلامة ) عليك أمان الله بكري دا تقول ولا بقرأ ذاتو ؟ !! . . . . و في احسن الروايات بقرأ قراية فنية ( يقرأ سطر و يفط سطر ) لما يعرف هدفك و ردوا ليك قطع ناشف ( دي باسويردك الجديدة ********)* |
سامي ما ترجع احسن ليك . . . اسي نحنا باسويردينا بعد المدافرة دي استفدنا منو شنو ؟ زول بالغلط اتضامن معانا ساي مافي !! ما كان احسن نلعب دور الضحية ؟
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
Quote: شفته يا أمجد الكيماوي دا مفعولو سحري كيف جبنا سيرتو طوالي جانا قيقراوي ( بي ابروشو ) |
ياسر يا حبيب سمعتو ولا جابو ليك ؟
ياخ ما مشتاغين ؤ كدا *
و الله وجود سامي ( فك الله اسره ) خارج التشكيلة يعتبر خسارة كبيرة لكن تقول شنو ؟ الله غالب . . .
----------- * واحدة صاحبتنا قلتا ليها مشتاق ليك قالت لي : اجي ؟!! دايرة تجي وين كمان دي ؟ يعني صيغة الجمع دي ما بتستاهل ايغال في اندهاشة تجريمية برضو و لا كيف ؟
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
فتحي صديقي بالاكتر وحاتك
اسمعو يا جماعة اتانا من مصادر لا يرتقي اليها الشكك) انو الباشمهندز لقا حاجات مشبوهة و مشينة في مسنجر اخونا سامي و بما انو متأكد انو سامي الحاجات دي ما تخصو لأنها ببساطة ما تشبهو فمن الواضح انو عمكم الهكر قد زرع بعض الحاجات العجيبة في مسنجرات الناس فحقو الناس تعمل حسابها و تلحق روحها
و يا بكري ياخ ما بتاعتو و حات خوتك ما بتاعتو
و حتى لو بتاعتو اخ
اعتبرها مراهقة متأخرة ولا اي شي
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
سامي منحبط ومصاب بالاستغراق الباعوضي المنبري ... وعلي حسب رواية صديقتنا دكتورة شذي فقد شوهد سامي صلاح وهو يهوهو في احد شوارع الكلاكلة القبة ... حتى اصيب بوجع العرقوب ومرض الحمي البرونية... وفي تصريحات لدكتورة شذى لمراسل وكالة رويترز الرياضية، قالت ان هذا مرض مشهور يعرف إختصارا ب PLS او متلازمة ضياع الباسوورد password losing syndrome . وهو مرض خطير ومعدي وقد يتحول الي جرب مما يجعل الشخص المصاب يفكر في العرس، وقد لاحظ الجميع ذلك علي سامي صلاح وذلك استنادا علي استيتساته الغريبة في كتاب الوش. ومن هذا المنطلق فإننا ندين ونجشب محاولات ماكين لتشويه صورة اوباما للرأي العام، لكي نوقف هذه المهزلة لابد من وقوفنا صفا واحدا خلف جماعات الدفاع عن البيئة وحقوق الحيوان.
الاخ بكري: قال رسول الله (صلعم) (( في كل كبد رطبة اجر)) وانا اشهد ان سامي صلاح له كبد رطبة، وارطب من كبد ذبابة التسي تسي ذاتها، وكان ما مصدقني اسأل امجد.
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Yassir Bainwi)
|
وانا كمان ياا امجد ماقادرة اخش ماتستغرب دخلت هسة كيف ؟؟؟؟ اولا انا داخلة بلنك مرسلاه لى واحدة من العضوات الزميلات بالمنبر بكدة بقدر اشارك زى هسه كدة لكن مشكلتى كالاتى
بسجل وبخش وبيرحبوا بى عادى اخش المنبر القى صفحة قبال يومين كدة فبالتالى مابقدر اعرف بوستات اليوم تانيا اشارك بالرد فى اى بوست للتجربة ...للاسف مابشوف ردى ....(الناس بيشوفوه) برجع المنبر بلقى البوست الشاركت فيه قاعد فى محلها ......مااترفع عندى..... الاخرين بيشوفوه مرفوع فتحت بوست جديد (مافيش ) نهائى للعلم ... بكرى رسل لى ايميل اخر ومازالت المشكلة قائمة ....له الله سامى ولى ايضا فالوضع معقد جدا شكرا امجد... __________________________ بالله ناس الكمبيوتر الشاطرين يورونى اعمل شنو بالخطوات
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
الصورة الفوق مشبوهة و ملعوب فيها بالفوتو شوب و مزورة في حملة لاغتيال شخصيتي العظيمة و الدليل
انو انا ما بلبس ساعة استهانة مني بعامل الوقت (سينس انو ماركس ما جاب سيرة ضرورة احترامو : اتكلم عن التوقيت و لم يتحدث في ما اتانا من سيرته العطرة عن الوقت) و الزول المصور دا شبيهي ساي كان في تيم الحماية
و ارتد و بعداك دخل في جيش الرجعية و بقا من جنودها المعفنين ساي
المهم
يا جماعة جيبو المولوتوف و كلكم افتحو بوستات جديدة مطالبة بعودة سامي و معاً لاغراق المنبر بالبوستات المطالبة بعودة سامي صلاح يعني انا اتناقش مع منو و اكون عارف انو منتصر في النقاش لا محالة تاني يا قيقراوي
يا بكري
ـالله لنملأنها عليك خيلاً و رجالا
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
Quote: يا جماعة جيبو المولوتوف و كلكم افتحو بوستات جديدة مطالبة بعودة سامي يا بكري
ـالله لنملأنها عليك خيلاً و رجالا |
انها الحرب اذاً ؟ جهزوا الميكرفونات كي نبدأ الحفل . . . الحرب . . . المهرجان . . . القيامة
Quote: و معاً لاغراق المنبر بالبوستات المطالبة بعودة سامي صلاح يعني انا اتناقش مع منو و اكون عارف انو منتصر في النقاش لا محالة تاني يا قيقراوي |
دي بالغت فيها مبالغة رأسية عديل كدا يا عمك و الله الزول دا ما ترجاهو هنا. . . بجي بطردك من اليسار ليمين اليمين . . . و احتمال كبير لليمين البائن بالتلاتة
| |
|
|
|
|
|
|
Re: سامي صلاح لا يستطيع دخول المنبر يا بكري(في الاسر برضو) (Re: Amjed)
|
Quote: وانا عارف الموضوع دا ما بتم الا بعد ستة شهور |
غرييييبة !!!!! عندنا في البلد الا تسعة شهور حسوم . . . شهر في كتف شهر
----------
و الله يا سامي انا فترت من رفع البوست دا يا بكري دا بعد كدا بيعتبر تمييز ضد الناس الما بهيين الطلعة ( دي عشان ما نعمق ازمة الشينين ) طيب ياخ شفّع فيه الحلوين العبروا من هنا ديل
| |
|
|
|
|
|
|
|