مبروك مولودتك وصال ياعافيه حسن ومولودك الاول"(عافيه) وشول"
اسعدني العزيز الصادق حسن بخبر وصول المولوده التي أسماها جدها (وصال) والحمد لله هي والام بخير الف حمدا لله على السلامه وبمناسبة هذا الخبر السار جدا سنطلق عملين من آعمالها التسعة في هذا البوست الذي جاء بتضافر مجموعة كبيره من المبدعين تراوحت آماكنهم بين السودان واميركا والامارات ومصر ساعد في ذلك عصر التكنلوجيا الذي نعيشه لقد كان مشروعي مع الابنة العزيزه الفنانه الجاده الصامده عافيه حسن مشروع مبني على الثقة المشتركه وايمان كل منا بقدرات الاخر بل وبقدارت كل الذين التفوا حول هذا العمل ومنهم صديقي الموسيقار المبدع عثمان النو وكورال كلية الموسيقي والمسرح ووتريات كونسرفتوار القاهره ود على عثمان استاذ التآليف هناك وستنزل بعد عافيه وشول اغنية (كجبار) باللغة المحسيه من شعر زميل البورد الاستاذ جهينه واشاركها فيها الغناء ايضا شكرا لدكتور صلاح شرف الدين (شرنوبي) والمهندس سيف واستديوهات القاهره التي سنذكرها لاحقا نوعدكم بصور وفيديوهات ثم تنزل الاغنيات تباعا ويطول الكلام من شعر محمد حسن السيد الحان الهادي حامد التوزيع الموسيقي وقيادة الاوركسترا يوسف الموصلي التوزيع التنفيذي اسامه علي غناء عافيه حسن ونادر عثمان جمال الدين ده ياهوده ولا ماياهو ده ما البلد العشقناهو ده مش نفس الطعم في النيل بدون تقسيم شربناهو شنو الممكن يخلينا نفكر لو فصلناهو ده بيتنا وعندو باب واحد نخش كيف لو قفلناهو ----- طلعت النخله من تبيت وحبيت ريحة التمره ايدي مع الايدين شابت علي الصحن الملان كسره ووقتين الحرب قامت عيوني بكن من الحسره عشان جوبا عندي زي الباوقا نفس العيله والاسره -- بحن لي حس مطر سقاي حكايتومع الارض ايه بقرتي بغني ليها تروق وتضحك لينا بابايه مع الكرجاكه بتونس تكب المويه حكايه وصوت نقاره فجآه يبين مع هبة رياح جايه -- تكيت عكازي في كتفي وشلت النمه والدوبيت شربت البن مع ادروب وبي رقصة سيوف غنيت لبست من الغرب طاقيه في الرمله الدقاقه مشيت زرعت المنقه والسمسم حصدت قلوب وسكه وبيت --- زمن في كونجي كونجي السوق خطي الماشين وترحابه صور لي الذكرى في حي نيم مونكي كتور ،جلابه جرايد مكتبة موسي شوارع خضره جذابه حكاوي من الجنوب ودروب جوبا المفتوحه ابوابا --------- وطن بالفيهو حق للكل ولا بنسال دي صورج مين هدا العراقي بلبسو جون وطاقية سعف لحسين صحيح متعدد الالوان ولهجات الكلام والدين بس الناس من زمان اخوان وما بحتاجو سودانين --- ربينا على ارض واحده وبيناتنا الحنين مشتول وكل الدنيا بتنادينا بالاسم الجميل يازول جنوبي شمالي شمالي جنوبي والبفصلنا لامنطق ولا مقبول تعيش كلمتنا في غنوتنا غنيناها عافيه وشول (عدل بواسطة Elmosley on 03-10-2012, 03:53 AM) (عدل بواسطة Elmosley on 03-10-2012, 02:06 PM) (عدل بواسطة Elmosley on 03-10-2012, 02:47 PM) (عدل بواسطة Elmosley on 03-11-2012, 03:35 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]