يمكنكما آن تتعاركا وتتقاتلا ماشئتما بيدا آننا نحلم بسودان المليون ميل

Quote: أضغاث أحلام ساي حرم.. ياخ نحنا سودان واحد (مليون ميل مربع) من سنة 1820م (إسْتعمار محمد علي باشا) ولغاية 2005م (نيفاشا)، أها دي 185 سنة، مِنهِن 50 سنة (قبل ناس اليَوم نرفعُ راية إسْتغلالِنا -بالغين وحياة أبوك- بِسنة -1955م- يعني في ظِل الإسْتعمار الإنْكِليزي) في الـ50 سنة دي أكان الدُواس بيناتنا لاحِق السما (أول إبادة جماعِية في توريت، قام الجنوبيين بذبح الشماليين المُقيمين بجنوب السودان)، في الـ50 سنة دي اللرِض إنْسقت بِدِماء 2 مليون بنو آدم وإتْشرد متِلُمْ ووقف فوقا حال الشِمال والجنوب.. تحلم.. تااااني.. معقول كِده! أحلم ياخ بِالتعايِش بَين الدَولتين.. أحلم بِمنطِق ياخ.. بِالمُمْكِن.. بِالمُسْتطاع.. ياخ الله في سماهو سوا "الطلاق" بعد ما كانو <... هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ...>