|
Re: أمداء .. ناس التلفزيون السوداني : مكانك سر ! (Re: Munir)
|
وكمان بمناسبة عجز المواطن السوداني و محدودية ابداعه فانا هنا برضو سانظر بعين النعاس وأتفق معاك تسعين في المائة ـ نخلي العشرة لشذوذ القواعد ـ وحكاية أن السودانيين لمن يكونوا بره السودان بيبدعوا دي اشاعة ساكت ، الحاصل انهم بالخارج بيلقوها مملحة ويقعوا فيها معط ـ ما اصلو السيستم بره مدور، والواحد بالتأكيد غصبآ عنه لازم يكون مسخن ويخش في دوره زيه وزي اي زول عادي في بلد الغربة ـ يعني تلقاه مهندس واللا طبيب واللا عامل أو باحث في أي مجال، وهو يؤدي عمل روتيني عادي ، يمشي ينفخ ليك العالم عندنا في السودان و ينتشر ليك أن فلان داك والله عقد الخواجات عديل كدة !! ـ وهو فلان داك تلقاه (people) ساكت ـ بالله في كم واحد عقدوا الخواجات وكل العرب والعجم سمعنا بيهم؟ ليه ما قادرين يعقدونا نحن و يعملوا لينا لبلدنا حاجة تودينا لي قدام؟؟ ـ عشان تعرف انها حركات ساي ـ بيجو ناس يقولوا ليك الامكانيات والظروف ما مهيأة في السودان !!! ـ طيب السؤال: هل نجيب الخواجات عشان يهيؤوا لينا الجو في السودان عشان نشتغل صاح ؟؟ ـ هل هم زاتهم في زول جاهم من بره وهيأ ليهم الجو ولقوها باردة؟ ـ بعدين ياخي هم ما كانوا عندنا الخواجات ديل وظبطوا لينا الحال و دوروا لينا السيستم ـ قمنا نحنا زي ما قال لي صديق ظريف (يوم كدة بمناسبة ذكري ثورة اللواءالابيض واللا شنو ما عارف) قال لي: عليك الله شوف العورة ديل !! ثورة شنو وعلي عبداللطيف شنو؟؟ ناس عندهم الانقليز بجلالة قدرهم قاعدين يبنوا ليهم ويعمروا ليهم في بلدهم لا تعريفة لا قرش ـ يقوموا الناس العورة ديل يزعلوا ويجوطوا و قايمين عليهم الجاي ناطي ليه بعكاز والجاي متلب ليهم بحربة ... لمن الجماعة زاتهماستغربوا سغربتة شديدة وقالوا الوهم ديل مالهم؟؟ لحدي ما في الآخر شالوا عفشهم وفرتقوا وخلونا للآن ما لاقين رأس خيطنا ـ و بمناسبة الكديسة، صاحبي الظريف دا عنده نظرية مغايرة وهي أن العيب ما في السودانيين ـ العيب في السودان قال!!! ـ السودانيين ما كعبين كعب السودان ـ قال أجدادنا دقسوا وقعدوا في الحتة السجم دي ـ المنطقة العايشين فيها دي حتة غلط ـ اسه عليك الله شوف انا عشان اصل المكتب دا مما انزل من حافلة الحلفاية ـ بالمناسبة لو داير تشوف يوم الزحف تعال موقف الحلفاية ... حيث جريآ وراء الحافلة بفر المرء من أخيه وأمه وأبيه ـ و..و.. نرجع لسيرة المكتب ـ شوف انا عشان اصل المكتب دا كمية العوائق التي اجتازها حتي أصل الباب؟؟ أولآ من الصباح بكون ماشي عكس الشمش، يعني عين مفتحة وعين مغمضة ـ بعد داك شوف كمية الناس الشينين البقابلهم وانا شاقي السلك الشائك والمنطقة العسكرية دي (سلاح الاسلحة) بعد داك اقطع الرمال المتحركة دي كلها حتي عيني تقع علي يافطة وكرنا دا بعد ما الواحد يكون بدأ ينقط زيت ـ تقول بعد دا اشتغل ؟؟ ـ اسه الخبير الاجنبي دا المقعدو مع المدير بره تحت الشجر شنو؟؟ وأجيبه: اصلو الكهرباء قاطعة ـ جينا لقيناها قاطعة ـ والمعامل واقفة ـ وشايف محمد قال العينات باظت !! ـ
أها برضو مرة صاحبي دا قدر يقنع ليك خواجة ألماني ان الكعوبية في السودان ، ما في السودانيين ـ الحصل انه جمعته الصدفة كدة مع مهندس ألماني في مكتب ابوه الذي كان مديرآ لشركة كبيرة ـ الالماني كان يبدو عليه الزهج والملل وهو يتململ في جلسته وكان في انتظار المدير ـ صديقنا لمن شاف الالماني وجهه مفشش وعرقه جاري ابتدره بالكلام: مالك؟ الحاصل شنو؟ زهجان مالك؟؟ ـ ـ دي ما طريقة دي .. البلد دي ناسها ما بيعرفوا وما شغالين أي حاجة .. شئ لا يصدق .. انتو ما حتتقدموا .. حالتكم صعبة .ـ ـ دقيقة دقيقة .. ما تنبذ ساكت .. المشكلة ما نحن .. نحن ما كعبين .. كعبة الحتة النحن فيها دي ـ
ـ كيف الكلام دا ؟؟ حتة شنو الكعبة ؟ ...ـ
ـ دقيقة دقيقة .. انت اسه ليك كم يوم هنا؟ـ
ـ عشرة ايام ـ
ـ هل عملت ليك حاجة فيها فايدة في ايامك دي؟ هل انجزت اي عمل مفيد ؟ ..ـ
ـ لا ..ـ
ـ يعني انت كعب؟؟ .. ـ
ـ ممممم ـ
ـ وتيب ... ـ
|
|
|
|
|
|
|
العنوان |
الكاتب |
Date |
أمداء .. ناس التلفزيون السوداني : مكانك سر ! | محمد عبدالقادر سبيل | 03-02-04, 12:31 PM |
Re: أمداء .. ناس التلفزيون السوداني : مكانك سر ! | Tumadir | 03-02-04, 01:17 PM |
Re: أمداء .. ناس التلفزيون السوداني : مكانك سر ! | ترهاقا | 03-02-04, 01:19 PM |
Re: أمداء .. ناس التلفزيون السوداني : مكانك سر ! | Dr.Abbas Mustafa | 03-02-04, 01:29 PM |
Re: أمداء .. ناس التلفزيون السوداني : مكانك سر ! | محمد عبدالقادر سبيل | 03-03-04, 11:23 AM |
Re: أمداء .. ناس التلفزيون السوداني : مكانك سر ! | Tumadir | 03-03-04, 12:02 PM |
Re: أمداء .. ناس التلفزيون السوداني : مكانك سر ! | محمد عبدالقادر سبيل | 03-03-04, 12:55 PM |
Re: أمداء .. ناس التلفزيون السوداني : مكانك سر ! | Tumadir | 03-03-04, 01:25 PM |
Re: أمداء .. ناس التلفزيون السوداني : مكانك سر ! | ali othman | 03-03-04, 01:21 PM |
Re: أمداء .. ناس التلفزيون السوداني : مكانك سر ! | Dr.Abbas Mustafa | 03-03-04, 02:27 PM |
Re: أمداء .. ناس التلفزيون السوداني : مكانك سر ! | theNile | 03-03-04, 06:16 PM |
Re: أمداء .. ناس التلفزيون السوداني : مكانك سر ! | Munir | 03-03-04, 11:15 PM |
Re: أمداء .. ناس التلفزيون السوداني : مكانك سر ! | Munir | 03-03-04, 11:23 PM |
Re: أمداء .. ناس التلفزيون السوداني : مكانك سر ! | نصار | 03-03-04, 11:36 PM |
Re: أمداء .. ناس التلفزيون السوداني : مكانك سر ! | محمد عبدالقادر سبيل | 03-06-04, 11:05 AM |
Re: أمداء .. ناس التلفزيون السوداني : مكانك سر ! | Munir | 03-06-04, 09:56 PM |
Re: أمداء .. ناس التلفزيون السوداني : مكانك سر ! | Dr.Abbas Mustafa | 03-06-04, 12:10 PM |
Re: أمداء .. ناس التلفزيون السوداني : مكانك سر ! | Munir | 03-06-04, 01:15 PM |
Re: أمداء .. ناس التلفزيون السوداني : مكانك سر ! | محمد عبدالقادر سبيل | 03-07-04, 09:48 AM |
Re: أمداء .. ناس التلفزيون السوداني : مكانك سر ! | Dr.Abbas Mustafa | 03-07-04, 12:44 PM |
Re: أمداء .. ناس التلفزيون السوداني : مكانك سر ! | محمد عبدالقادر سبيل | 03-08-04, 01:28 PM |
Re: أمداء .. ناس التلفزيون السوداني : مكانك سر ! | Munir | 03-21-04, 01:18 AM |
Re: أمداء .. ناس التلفزيون السوداني : مكانك سر ! | Hashim.Elhassan | 03-21-04, 07:26 AM |
Re: أمداء .. ناس التلفزيون السوداني : مكانك سر ! | Munir | 03-23-04, 09:50 PM |
|
|
|