|
|
 احـــوال الدوحــة
|
احرار في دوحة
*في زيارتي للدوحة حرياتٌ تاجلت نيفُ ُ وسبعة اعوام..
ربما لو لم التقي بهؤلاء لكان حجم مديونيتي من رد الجميل اقل كثيرا مما انا عليه الان..
غمرني اؤلئك الاحرار بمكرماتٍ بالغة..
قيدني ذلك الكرم بما قد ُيباح وبما لايباح..
كان احتفاءاً كبيراً (كراتين.. كراتين ..) اكثر مما استحق..
احتفاء مِن مَـن هم اهلٌ له إلى من لا يستحق..
وودت لو لم يكن كذلك..فانا من الذين لا يستطيعون رد دين الجميل ..
وقد يحملني هذا الأمر فيما بعد فوق طاقتي ..وغالباً اخرج من كل شي في هذا (الفيما بعد) بحرجٍ عظيم..
فانا لم اقصد كل هذه الهليمانة, وكم وددت لواتيتهم هكذا كل زول قدام باب بيتم ..
دون هذه العزائم والتشريفات..
وددتُ لو ذهبت وغداً وعدت كما انا وغداً معتاداً على تفسي..
ولكن ماذا تقول مع نادوس..
قصد خيراً ما قصدته, والجمني حسن ظنه بي فملكني ..
ظن فيني خيراً عـدِمته فاوصى بي فرسان الدوحة وصية الغائب ..
فقدحت حوافرُ سياراتهم وفادًة ورفادةً, خيلاً ورجلاً وكرماً..محمد السني ومحمد عبد الرحمن ومعتصم (رقم صفر) وعصام الودود..
تبادلوا فيما بعد خبر مقدمي - انا البائس مقطع الاسباب- فكانت ركاب الفرسان واخبارهم تتوالى, كمال الزين واميرة الشيخ وابوساندرا وكمال سالم وعبدالرحمن نجدي والمدهش الانيق بدرالدين الامير والاقرباء الشفيع الجزولي وعمر بوب وتيتاوي والشاب هادي الطباع حسام الصحافة تلتين واب جقادو.
استودعني نادوس لهؤلاء خيرا فكانوا الخير نفسه..
وانا انتقل في السلام الودود وحسن هذا الظن ورحابته شلت هم بقية اليومين ديل ..انا لو قعدتا مع الناس ديل اكترمن يومين حابقى زول بني ادم ذو اخلاق, وقد لا اعرف نفسي بعدها فاتوه عنها, وابقى زول كويس خلاص..
وازداد همي فقلتُ لتفسي كيف ساكتب عن هؤلاء..
فيما بعد علمت انهم نسيج متواصل من الكرم والرحابة ملتزمٌ بعضه ببعض, وعلمتُ حينها ان هذه اللغة لن تستوفي احدٌ منهم حقه..
واني لابد متمٌ هذا الامرُ إشارات يدوية وإيماءات وصبرٌ ومدلولات أخرى لم تؤتها اللغات تعابير صوتية او حرفية..
يانادوس .. أي مركبٍ صعب اركبتني اياه؟!!
ولكن ما حدث حدث وما انا بخالعٍ ثوب الظن القشيب الذي سربلني اياه هذا النادوس
..فوالله لو لم افلت بجلدي من تلك الاريحية مساء الجمعة لما عرفتُ نفسي بعدها..
يا سادتي... كنتُ في الدوحة..
ذهبتُ إليها وغداً, وعدتُ كسير العين، كثيرُ الدين، مليان محبة، وليس في نفسي من دناوتي وشناة طبعي شي..
حتى ان الامر تشابه على أكانت تلك حجةً ام زيارة؟
ولولا معرفتي بعبد الرحمن بركات وتمرده القديم وانو الملايكة ماعندهم بنات جميلات لحسبت اهل الدوحة صحابة..
أنا يخوانا لاقيت فرسان..
وعجبتُ لامرهم .. الناس ديل مفترض بدل الفارهات الراكبنها ديل يركبوا حصين..
في سوق( واقف ) كفتنا شية ما حصلت..
محمد عبدالرحمن ذلك الودود ..
كان صبورا معي ..ودودا وغاية في اللطف ومرافقاً دائماً..
تبادلنا ذكريات ايام جميلة بجامعة الخرطوم ..
التقينا بالوجيه بدر الامير في مطعم مجهبظ في تلك الدوحة..
اكرموني بصراحة في ذلك الغداء وماعارف منو الدفع الحساب ..
وبصراحة اخرى -اضافية- ما هماني اعرف منو الدفع ..
واكرمتنا ليلى (ابنوسة) بفيض كرمها البالغ بمنزلها عند مغارب الدوحة..
شاي مغرب, وانا البعزمني شاي مغرب ده اشتراني عديل..
كريمة وزوجة كريم ..وبسمتها دائمة..
والسلام عليك يا نادوس ومعتصم وعلى والدكم الكريم سلاماً اخر وأمنيات بالشفاء العاجل ..وما قدامو إلا العافية بإذن الشافي القيوم...
بعدها كانت دعوةالانيق بدر الدين الامير..
وكان اميرا في دعوته ..
فالتقينا باحباب اخرين في مقامات بدرالدين الروحية مسائذ..
العزيز عامرتيتاوي وصاحب السعادة والمتعة الشفيع الجزولي والعزيز عمر بوب والشاب البسوم حسام الصحافة 30..
وابناء بدرالدين الحلوين..
ضربنا ما تيسر من مشاوي ..حدثني فيغد تلك الليلة المدهش محمد السني حديث الواثق فقال:
انتا امس يادكين كترتا الكلام بالمناسبة..اتكلمت عن اقباط في ذمة الله وعن غواصات وعن وتاريخ شؤن القنصليات في اواخر ايام التعايشي.. وضحك في خبث ضليع ضحكة اهتزت لها خشبة مسرحه..فما علمت ماذا يقصد..
يوم الجمعة جاتني اميرة الشيخ مع وكت الفطور وعزمتني فطور لا يزال طعم شهده في فمي ..
اتونست مع العزيزة أميرة الشيخ في متعة بالغة واشواق قديمات وتحدثنا عن ماذا يعني منظر عجلة و ُتمنة لبن في بلكونة ليس فيها سلم, في فندق راقي ..
تحدثنا بمتعة ولحقنا في الونسة محمد وبعدها..
تقبلنا دعوة المحارب الاحمر ..ابو ساندرا
وانا يخوانا ما كنتا قايل الزول ده مروق بصراحة..
يصلي وبعرف الله..
وعندو كتب عن فقه الحديث والتفاسير..
حيرني لانو وانا جايهو شايل هم الغدا الانا خليتو وراي في الفندق..
طلع راجل ضليع وصاحب اسرة مدهشة يتبادل فيها ابوساندرا الاسرار مع بناته الجميلات عبر السلالم في صوت مرتفع ومودة باينة..
وفي اخر الحديث يقولون لبعضهم خلي الكلام ده سر بيناتنا..
وقدر ما حاولتا اربط بين تاريخ كفاح الطبقة العاملة ومضرب الجولف الخاتيهو في الصالون بتاعو داك ما قدرتا..
في النهاية عرفتا انو الزول ده ضيع وقتو في مباراة شؤون شغيلة العمل الذهني..
وانو ابو ساندرا ده عبارة عن برجوازي بلعب هوكي وجولف ويقرا البخاري ويصلي صلاة العيد والاستخارات وعندو بنات سمحات بالحيل..
وشطار بالحيل ويُعتمدعليهن..والمدهش انو سايقين (راب فور) وكامريهات..
اكرمتنا ام ساندرا وأولمت للحضور ..
وجاءنا كمال سالم وعمربوب في اناقتهم المعتادة..ويبدو ان عصام كان بايعنا في حتة تانية جانا بعدها مع الاخ عمر الطاهر وشرفنا..
والتقيت بالأخ العزيز والده هارون دياب وابنه دياب وسعدت بلقياه ايما سعد ..
وشرفنا سعادة الاديب المحارب محمد فضل المكي وابنه الباش طارق المكي ..وتاكدت بان كل ضباط قوات الجيش السوداني ادباء يمتلكون نواصي الحرف والكلم..
ولا اجد في وصف اسرة العزيز ابوساندرا ابلغ مما قاله محمد فضل حين قال: Quote: قنداقه..(الأُم العظيمه(
كانت (الملكة) تُدير خليتها كما يجب ، خلية تعمرها نحلات جميلات ونشيطات , أما الملكة
فهى الفاضلة رشيدة ، وهى ملكة بحق ،فجذورها تمتد عبر (ترهاقا) إلى عمق التاريخ . وأما
النحلات الجميلات فهن بناتها، فالدار ستستقبل كوكبة من (البورداب) عقب صلاة الجمعة :
كان حضور ذلك الغداء الجامع من ذات السلاله الملكية لصاحبة الدار،يحملون ملامح (ناتاكمانى)
أعظم ملوك مروى . تمتد جذورهم إلى ذلك السهل الفسيح ، حيث تعلو الإهرامات قمم الروابى ،إهرامات
ملوك مروى ، وأسفلها ترقدإهرامات النبلاء ،تقف فى شموخ شاهداً على ذلك العصر العظيم .
كانت مائدة أم ساندرا عامرة كدأبها بما لذ وطاب،وكان يتوسطها ذلك الطبق العنصرى (القراصة).
نتمنى أن لا يصل ذلك الطبق (العنصرى) إلى حلبة (الصراع)،فربما مُنع تداوله فى أول إتفاقية قادمة! |
اراحني وصفه فقد ازال عني مغبة التقصير ووصفهم فوفاهم بعض افضالهم وكرمهم..
محمدعبدالرحيم كنت خير الرفيق مهذبا وودوداً وبالك طويل..
اسعد الله ايامك واداك بت حلال..
بت الحلال هذه على أي حال ليست تلك التي قصدها اخونا المصلحجي داك..
محمد السني..والله لسع بضحك مع (غاغ)..
دي والله ما بحكيها إلامن طار وارتفع..
هنئيا لك بهذا الطيران الطبيعي..
الشفيع الجزوليافتقدتك في بقية اليوم التالي وودتُ لو التقينا كما الوعد..
دورة حياة اللغة الممتعة معك لاتنتهي ..كم اود لو التقينا في القريب العاجل..
كم كنتُ سعيدا لسعادتك في تلك الليلة التي جلجلت فيها بضحكاتك الصافيات عالياً عالياً كما التنوين..
كمال سالم
انا منتظر منك تلفون عن نتائج المشروع المشروع المشترك ياحبيب..
U]عصام حمدلله على السلامة وسعدتُ بلقياك الودودة ..وامسح تلفونات حبيبتي من موبايلك ,انا نسيت امسحو..
احبائي بالدوحة..
انا ايضا بحبكم زي عصام واحد..
حباً غمرني فشيلني دين تقيل منهمر..
من هسي بقول ليكم انا لا قِـبل لي برده ولو وهبني الله حياةٌ اخرى..
انا يا احباب ظننتُ اني لن اندهش بعد هذا العمر في احوال الناس..
فاعزروني يا احباب قد اندهشت عجزتُ عن الكلام ..
*المقدمة من اشغال العمالقة للفنان المبدع حسن موسى..وهو أشغالٌُ لو تعلمون حريفة..
مختصرُ ُ لسيرة الثقافة السودانية للذين فاتهم كل شي مثلي ..
|
|
 
|
|
|
|
|
|
|
|
Re: احـــوال الدوحــة (Re: عبدالكريم الامين احمد)
|
العزيز عبدالكريم ..
غايتو انتا وصلاح عبد الله اتلومتو معاي..
ياخي الداير يجيك ده بجيك ..
ياخي قالو عامر تيتاوي ده مافي زول قاعد يشوفو ومع ذلك ظهر واستمتعنا بصحبته..
يعني عشان اشوفكم اسمي نفسي دكين خوجلي ولاكيف؟؟
| |
|
|
|
|
|
|
|
|
|
Re: احـــوال الدوحــة (Re: DKEEN)
|
يعنى انتة بى بدلتك اللماعة دى انا عشان ما عضيت معاك
ذكرت ناس العضة كلهم وانا جاييك من اخر البلد من بن عمران لحد المطار
وخليتنى زى بندول الساعة اتهوزز معاك تفتح لى ولا تقول مقطوع الطارى عمر
جا المطار مودع ومستقبلا ومودعا .............
بس طول ما ذكرت الباقين تب ما زعلان منك فيكفى محمد عبد الرحمن ..
فهو ممثلنا لاستقبال العظماء ....لانة رجل عظيم ....اتينا بة لك بالخطا
فالمفروض كان يخلونى انا استقبلك ولكن عرفو فقالو لى خليك فى وداع العظماء
لانى عظيم وداعات ..........
لك تحية بقدر المدة القصيرة التى رايناك فيها فتركت بصمة ملامحك فينا ما لن ننساة
لك التحية ولكل اهل الرياض التحية ...........
| |
|
|
|
|
|
|
|
|
|
Re: احـــوال الدوحــة (Re: عمر سعد)
|
عمر سعد..
انطباعات اللقاء البندولي الودود لاتزال قريبة..فانت اخر من التقيتهم..
حقيقة لقد احسستُ ودا فات الحد..
دمتا رايق يا عمر واعفى لينا النسيان..
بعدين ياخي انتا وعمر بوب وهارون دياب مضيعين نفسكم في صورة البروفايل دي..
الصور دي مكبراكم يا شباب..
| |
|
|
|
|
|
|
|
|
|
Re: احـــوال الدوحــة (Re: الملك)
|
حمدلا على السلامة يادكين
فعلا كما قال نادوس الدوحة نورت
وسعدنا بصحبة جميلة لسويعات
جسدت الروعة بحضورك الوافى
والحبيب عصام على والاعزاء
بدر الدين الامير فى مملكته التى
تزينها صور ( الراحل المقيم )
كبيرنا وتاج راسنا محمد السنى
الشفيع وما ادراك ما الشفيع انسان
تتمنى لوعرفته من زمان
الزعيم كمال سالم
قريبى عمر بوب
ومحمد عبد الرحمن
رئيس بعثة الشرف
دافنشي الدوحة ومهندس العدسة
حسام
0 الصحافة 30 )
المتالق دوما ومفجر الضحكات
المبدع ابجقادو
كانت ليلة مامنظور مثيلا وكان
دكين نجم اللقاء
وبرضو مشتاقين
| |
|
|
|
|
|
|
|
|
|
Re: احـــوال الدوحــة (Re: عامر تيتاوى)
|
Quote: العزيز عبدالكريم ..
غايتو انتا وصلاح عبد الله اتلومتو معاي..
ياخي الداير يجيك ده بجيك ..
ياخي قالو عامر تيتاوي ده مافي زول قاعد يشوفو ومع ذلك ظهر واستمتعنا بصحبته..
يعني عشان اشوفكم اسمي نفسي دكين خوجلي ولاكيف؟؟ |
حمدلله علي السلامه..
شوفت ناس الدوحه حلوين كيف؟؟
وبعدين كان عبد الكريم كان صلاح انا ماشوفتهم..بس تلفونات كده
وعامر تيتاوي الله يديه العافيه قابلته مرتين..بختي موش؟؟
| |
|
|
|
|
|
|
|
|
|
Re: احـــوال الدوحــة (Re: Muna Khugali)
|
منى عشا الباياتات..
اهل الدوحة فيض من الكرم والمحبة.
الناس الما لاقيناهم معذورين فالوقت كان شحيحا والزمان بخيل..
بس ليه ادوكي سيديهات وانا ما ادوني..
نحنا فينا كشم؟؟
| |
|
|
|
|
|
|
|
|
|
Re: احـــوال الدوحــة (Re: عامر تيتاوى)
|
العزيز عامر تيتاوي
هؤلاء النجوم الذين ذكرتهم ..فرسان بحق واخوان كرم..
شكرت سعيك الجميل ..وحضورك الانيق ..
وخسارة كان الوقت اضيق من رحابتكم ..
ادام الله ودكم وتواصلكم..
| |
|
|
|
|
|
|
|
|
|
Re: احـــوال الدوحــة (Re: الملك)
|
ياملك..
لو لم اكن محظوظا لما حظيت بهؤلاء ..
تخيل الناس ديل جابو لي منى خوجلي 16 توب و16 حذاء ..
انا جابو لي بطيخة وتمنو لي رحلة سعيدة..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
Quote: ياملك..
لو لم اكن محظوظا لما حظيت بهؤلاء ..
تخيل الناس ديل جابو لي منى خوجلي 16 توب و16 حذاء ..
انا جابو لي بطيخة وتمنو لي رحلة سعيدة.. |
13 حذاء بس..حالا عملتهم 16؟؟
وليه ما ذكرت ال 14 بيرفيوم؟؟
اسه انا التياب عملت ليهم فاترينه حلوه...
اما بالنسبه للسيديهات فاسكت ساكت..اسه مش لي قريب للشهر من رجوعي؟
كل يوم اتفرج في الفيهم صور واسمع الفيهم اغاني ولسه ما انتهيت من عرضهم كلهمّ!
انت صحي ما ادوك سي ديهات؟؟
خلاص البركه في الامنيه الوصلتك سالم
| |
|
|
|
|
|
|
|
|
 Re: احـــوال الدوحــة (Re: Alsa7afa_30)
|
يا حظك ..
و بختهم .
- دي مقدمة البتاع -
و يا عز .. أنا قعدت في الدوحة تلات سنوات هم عمر كامل ..
ليس مثل أهل الدوحة أهل ..
كلما تخطر ببالي الدوحة يطوف علي حزن ..
و أفرح إني في هذا الزمن الكركعوبة عرفت و قابلت و عاشرت و صادقت ناس الدوحة .
فياخي الشفتو هناك غيضٌ من فيض ..
هنيئاً ..
( يا ناس الدوحة ..
تحصنوا و حوطوا أنفسكم . و من حظي بشعرة من رأس هذا المارق فليحرقها بخوراً درءاً للكلمات المسحورة هذا الممسوس الجميل ..
الزول عينو حارة , و تراكم " تتوهقون " ) .
......
تنهدات :
إذا الشفيع طلع قريبك ..
فهدا طرفي من قرابة الشفيع .
| |
|
|
|
|
|
|
|
|
|
Re: احـــوال الدوحــة (Re: Emad Abdulla)
|
Quote: يا سادتي... كنتُ في الدوحة..
ذهبتُ إليها وغداً, وعدتُ كسير العين، كثيرُ الدين، مليان محبة، وليس في نفسي من دناوتي وشناة طبعي شي..
حتى ان الامر تشابه على أكانت تلك حجةً ام زيارة؟ |
عداكـ العيب عبد العزيز .....
| |
|
|
|
|
|
|
|
|
|
Re: احـــوال الدوحــة (Re: عمران حسن صالح)
|
ابو حمودي ..
اسعدالله ايامك وايام حمودي وام حمودي..
اسمعني ..انتا لقيت البيت ولا تمشي الوحة احسن ليك؟؟
سويت لي شنوفي موضوع الفاو
شد حيلك ونضج الشغلة..انا نجضتا ..
| |
|
|
|
|
|
|
|
|
|
Re: احـــوال الدوحــة (Re: Emad Abdulla)
|
يا عمدة..
سلامي ومحبتي..
وددت لو التقيتك مع اولئك الفرسان..
لكن تخيل لو كنتا قاعد كان زغتا مني زي ما زغتا مني في الخرطوم..
اخوك اب شنب ده ابى يجي يلاقينا تقول كهربة الدوحة دي شغالة بي الموية وهو ماسك (التتك)..
انتو يا ولادعبدالله عندكم فيني راي ولا شنو؟؟
الشفيع ده متحف لغوي نوبي ..
سرني ان التقيه ذلك المساء مع اؤلئك الحبان..
دمتا ودام الشفيع رايق..
| |
|
|
|
|
|
|
|
|
|
Re: احـــوال الدوحــة (Re: Alsa7afa_30)
|
حسام ..
شكرا لهذا التوثيق ..
اعجبني انك تتحدث النوبية بشي من العنت..
لي قدام الامورحتتصلح... فقط واصل مجتهدا والله لا يضيع اجرالنوبيين..
وسنلتقي باذن الله..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
سلامات يا دكين وحمد لله علي السلامه
تعرف يا دكين انا منذ ان التقيتك وحتي الان افكر هل ان هذا الفضاء الذي يجمعنا يعكس لنا صوره مختلفه تماما عن شخصياتنا الحقيقيه
فما كنت اضعه لشخصك من صوره من خلال كتابتك وجدناه اقرب الي العكس منه الي الصوره الحقيقيه
كنت اظنك منتفخ الاوداج مكردم الجضوم (حميده في النيوفيرشن) ولكني وجدتك شاب استايل عصري ودعنا نتركها لهذا الحد حتي
لا تذهب بالناس الظنون .
كنت اعتقد ان البذاءه وقله الادب تتقاطر من لسانك عادي ذي الزبادي فوجدتك مهذبا تحمل ذكاءا اجتماعيا تحسد عليه
غايتو يا دكين واحد من اتنين يا اما انت غشيتنا وناس حمد فتح الرحمن لللملو لينا اي دنقلاوي من طرف و رسلو لينا الدوحه وقالو لينا ده دكين
يا اما قرينك هو البيكتب في سودانيز اون لاين ومش انت
لك الموده يا حبيب وفي انتظار ان تنتمي لهذا المكان (for good)
| |
|
|
|
|
|
|
|
|
|
Re: احـــوال الدوحــة (Re: Omar Bob)
|
يا دكين ..سلامات ..
بالجد أنا زعلان ..تجي الدوحة
وما نقابلك ..
رغم أنو المهرجان فاتنا ..بس إن شاء الله
تكون إستمعت والدوحة عجبتك ..
وشكرا
بشير
| |
|
|
|
|
|
|
|
|
|
Re: احـــوال الدوحــة (Re: بشير جبريل علي)
|
Quote: بشير العزيز
بالجد أنا زعلان ..تجي الدوحة
وما نقابلك .. |
ولايهمك يا حبيب..
راجع اخونا ابوساندرا...
قال لي انتو (حيمتص) كل لوم.
ولو ربنا كاتب عمر بنتلاقى..
| |
|
|
|
|
|
|
|
|
|
Re: احـــوال الدوحــة (Re: بشير جبريل علي)
|
بشير جبريل
انتو الواحد فيكم يزوغ ويحجي يقول ليك (تجونا وماتكوركو لينا)
حركات صلاح عبدالله دي ما تخلوها..
انا داير منك قروش ياخي؟؟سلفتك قبل كده؟؟
مالك ما بتجينا ياخي؟؟
| |
|
|
|
|
|
|
|
|
|
Re: احـــوال الدوحــة (Re: Omar Bob)
|
الدوحه نورت يا دكين
ونعتذر لعدم التمكن من ملاقاتك نسبة لحضور ضيوف علينا تقاطروا من بلاد الفرنجه ومن الامارات القريبه ، لكن الجايات اكثر من الرايحات وبالطبع من ذكرتهم كفوا ووفوا وهم اهلى فى الدوحه يكرمون الضيف ويفكون العانى وهذا غيض من فيض من كرمهم .
| |
|
|
|
|
|
|
|
|
|
Re: احـــوال الدوحــة (Re: wadalzain)
|
ودالزين
حدثني الشباب عن مشغولياتك
وثمة حديث طيب دار عنك..بصراحة ما متذكرو شنو..
بس للضمان كده عازرك في عدم جيتك..
الدنيا مشاغل وانا ذاتي هسي تعبتا من الرد على الذين جاملوني..والذين لم.
| |
|
|
|
|
|
|
|
|
|
Re: احـــوال الدوحــة (Re: Omar Bob)
|
العزيز بوب
ياخي تخيل انا قايلك قد بلغ بك الكبر عتيا..
وتاريك انيق وايامك زاهرات ..
الانبطاع الجاني عنك ايام شريط الموصلي انو انتا زول قدر الموصلي اقلا شي...
عجبني جدا مركوبك الاصلة والشال الموشى في يوم ابوساندرا..ووشنب الافندية بتوعين زمان المستعمرة..
وافر المعزة ابعثها لكمن الرياض على امل اللقاء بكمرة اخرى ايها العزيز..
| Quote: كنت اظنك منتفخ الاوداج مكردم الجضوم (حميده في النيوفيرشن) |
الحمد لله الذي اخرجني من سوء ظنك..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
وتأكد لي بانك كنت معنا
عندما تسأل من التصق بك
طوال وجودك معنا.....
يابابا عمو دكين حيرجع تاني.....؟
يشهد الله كم سعدت بلقياك
ويشهد الله كم تمنيت لك طول الاقامة
ويشهد الله انك عزيز لدينا
| |
|
|
|
|
|
|
|
|
|
Re: احـــوال الدوحــة (Re: haroon diyab)
|
العزي هارون دياب
اسعدني ان التقيت بك وبالسباح (ابدول)..
واسعدني الراحة التي طغت على الونسة معاكزز
امانة سلم لي شديدعلى التمساح دياب ..
قول ليهواهلك ملوك النيل وكانوا كما التماسيح في اثارة جلبة النهر ..
فكن كاهلك تسلم البلاد..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
تكتب فيني مديح
تكتب فيني نويح
واللا وحيح
تكتب فيني مدائح
تكتب فيني نوائح
واللا فضائح
ده كلو مابيحلك مني
ف أركب معنا يا بني
ورسل المعلوم للأنصاري الحبيب/ الزميل محمد عبدالرحمن
| |
|
|
|
|
|
|
|
|
|
Re: احـــوال الدوحــة (Re: أبو ساندرا)
|
ياخي المديح ده كان لي ستك ام ساندرا..
ولي الجميلة ساندرا والحسناء ست الراب فور..
والامورة صاحبة الاسرار..
انتا يعني الواحد إلا يختها ليك عديل كده ؟؟
Quote: ده كلو مابيحلك مني
ف أركب معنا يا بني |
بركة العرفتا روحك راكب..
لامن تنزل بلاهي قول لي عووووك..
مع انو قالو ركوب العجلة ما بتنسي..
آمل انو المعلوم لقيتو مع محمد..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
دكين
جيت ومشيت على قول كيكي وما شفناك .....
قاتل الله (ذات الديسك) ما سترتنا مع الأوغاد وقبلهم مع الملوك (بت خوجلي).
واحدة من أهم أسباب اهتمامي بشوفتك .... عايز أقلع منك (كاااك) البتقولا دي قلع ضرس العقل.
غايتو ... نقول في جايات
| |
|
|
|
|
|
|
|
|
|
Re: احـــوال الدوحــة (Re: عادل التجانى)
|
عادل التجاني
ياخي خجلتنا بي كلامك السمح ..
الموضوع ما بستحق كل هذا الاعتذار..والمعايش جبارة ..
| Quote: وعن هارون دياب صدقني الراجل دا كان بجرجرك عشان يكرمك (بالملوحه) |
كريم وابن نيل
| Quote: ومن جانب آخر صدقني الدفع القروش في الغداء دا (ود الأمير) الأنيق دائماً ... الراجل مدير عام مش لعب |
انتا خليك من مدير عام..شفتا المديرة اللبنانية المعاهو ..انا والله قايلا بت لعاب..
ودالامير ده بن حظ حظيظ..
| Quote: أؤكد لك أنه وجده بالصدفة في مكان ما |
اؤكدلك انه يفعل به شيئاً ما..
| |
|
|
|
|
|
|
|
|
|
Re: احـــوال الدوحــة (Re: محمد أبوالعزائم أبوالريش)
|
محمد ابوالعزايم
| Quote: قاتل الله (ذات الديسك) ما سترتنا مع الأوغاد وقبلهم مع الملوك (بت خوجلي). |
اي ارميها في الديسك..
والله لوعارفك في الدوحة كان طلبتك بالاسم..عشان اوريك بيوت بري بيت بيت..
الذي دخلته والذي وقفت ببابه ..
| |
|
|
|
|
|
|
|
|
|
Re: احـــوال الدوحــة (Re: بهاء بكري)
|
العزيز دكين...
السلام والمحبة...
قاتل الله النظام الرأسمالي، والذي لا زال، رغم ماركس ولينن والقذافي كمان، يسرق (فوائض وقتنا)، ببلاش، ويتخم هو، ويرتاح، ونكد ونسهر، ونحرم من سويعات قصار للأحبة والأخوة، بل حتى كتابة الشعر، أو تأمل الطرق..
كيفنك، حدثني عنك السني (المخضرم)، واخوي محمد عبدالرحمن، وصاح نحلق بكم في صالون ابنوسة/نادوس، ولكن أقام العباد فيما أراد...
المحبة، والشوق الزائد..
....
| |
|
|
|
|
|
|
|
|
|
Re: احـــوال الدوحــة (Re: عبدالغني كرم الله بشير)
|
البهيج عبدالغني
كان في زول قال لي وصة عشان اجيب ليهو كتاب منك..
انا الفكرة اصلا زعلتني من اصلها فقتا ما الاقيك ذاتو.
يعني عايزين يعملوني مرسال كتاب ..وفي رواية شوق..
يعني تقدر تقاضي صاحب فكرة المرسال ..
| |
|
|
|
|
|
|
|
|
|
Re: احـــوال الدوحــة (Re: بهاء بكري)
|
| Quote: ديل لميتم كيف يادكين |
ده دكين واجرك على الله يابهاء
الناس ديل كلهم قلوبهم مليانة محبة ربنا يديمها عليهم وعليك ياصديق
-----
اها يا دكين متين نقرأ عن {احوال فيينا} ولا انشاء الله بلد ناس عصام جبرالله جيرانا الهيته بالهيته
| |
|
|
|
|
|
|
|
|
|
Re: احـــوال الدوحــة (Re: DKEEN)
|
| Quote: ديل لميتم كيف يادكين |
والله ثلاثتنا لم نتلم في مكان واحد
في ذات اللحظة ، قط
عيار واحد بيدوش
لمن عيارين
في مكان واحد؟!
كل واحد على حدا
| |
|
|
|
|
|
|
|
|
|
Re: احـــوال الدوحــة (Re: بهاء بكري)
|
Quote: عيار واحد بيدوش
لمن عيارين
في مكان واحد؟!
كل واحد على حدا] |
تاني قام جاب سيرة البحر
اقول الكلام الكنت عايز اقولو في بيتكم ولا الاجاوي بتتداخل في الموضوعد
| |
|
|
|
|
|
|
|
|
|
Re: احـــوال الدوحــة (Re: Omar Bob)
|
قريبي / عمر بوب
صباح الخير ياهندسة
Quote: تاني قام جاب سيرة البحر
اقول الكلام الكنت عايز اقولو في بيتكم
ولا الاجاوي بتتداخل في الموضوعد |
هو عنده حاجة غير سيرة البحر.....؟
السترة والفضيحة متباريات ...ابوي
| |
|
|
|
|
|
|
|
|
|
Re: احـــوال الدوحــة (Re: بهاء بكري)
|
سأل بهاء بكري :
Quote: ديل لميتم كيف يادكين
|
قاصدآ الأعزاء بدرالدين الأمير و معتصم عبدالحليم { رقم صفر }
وشخصي الضعيف ، جدآ قدام الفواكه والسكريات
وردت عليه عالية الحس والشعور إشراقة مصطفى
Quote: ده دكين واجرك على الله يابهاء
الناس ديل كلهم قلوبهم مليانة محبة ربنا يديمها عليهم وعليك ياصديق
|
صدقت دكتورة إشراقة فيما يتعلق ب:
معتصم عبدالحليم { رقم صفر }
فالزول ده رغم إنفعاله الزائد
بيملك قلب ووجدان طفل
بيزعل ، لكن مابيحقد
ومازول وشين ولا زول شين
وبالمناسبة عرفت معتصم بي وبأسرتي
قديمة وقبل مايجي الدوحة سنوات
لذلك فإن الدهشة تلك ليست في مكانها
حيث لناس بهاء ظواهر الأشياء
والظاهر على السطح إننا { معتصم وأنا } قلما نتلقي
ولكن كذلك ، قلما أن التقي بكثير من الأعزاء
لطابع الدوحة
بعدين لمن تكون عايز تعرف ليك زول
بتعرفو وقت الأزمة
فعند محنة عيني كان معتصم واشقائه نادوس ودكتور أسامة
حيث ينبغي يكون الناس الكرماء
الناس هذه بتشمل النوعين
بدرالدين الأمير :
نعم هو متآمر من الدرجة الأولى
حينما يشملك في احدى مؤامراته
لايفعلها لأنه يكرهك أو يرغب في إيذائك
يفعلها لأغراض المتعة
والبدر حفي بكل ما يمتعه
وإن لم يجد المتعة
يصنعها
ولو كانت مؤامرة
ونعم هو لئيم إذا تعثرت به
ولكنه ما بيتشربك فيك
إلا لاغراض المتعة
وذلك إستثناء دائم
وهو حصيف ، لايبادر بعداء
ويمكنه إمتصاص عدائياتك
لكن إلى حين
لغاية مايجهز ليك الرد المناسب
في حتة مابتتوقعها أصلو
بيعرف كيف يفتح العلاقات ويرعاها
وبيعرف كيف يحتوي بعض الناس
وكمان بيعرف متين يشوت
ولا يخلو شوته من ضفاري
وبعض جهل
يجالس المثقفين
ويدلي بدلوه
ويكمل الناقصة
اناقة وبايب
نختلف دائمآ لكن يظل بيننا تواصل
عند اللزوم
أما ثالثهم
العبد لله
الضعيف جدآ بإزاء الفواكه وسكر النبات
فأمره عجب
لو لقيتو فيهو أدنى فرصة
شوتو سااااكت
| |
|
|
|
|
|
|
|
|
|
Re: احـــوال الدوحــة (Re: DKEEN)
|
دكين يا شين
والل لقيتا لكن ، أخر إنطلاقة ، وإحتفاءات من ناس الدوحة الكرماء
والله انت زول جميل وكويس تستحق كل إحتفاء وكرم بس مضيع نفسك براك
وإنابة عن رابطة معجبي دكين نشكر لناس الدوحة هذا الكرم السوداني الأصيل وترويض هذا الفرس الجامح
| |
|
|
|
|
|
|
|
|
|
Re: احـــوال الدوحــة (Re: DKEEN)
|
والله يا دكين انا حاسداك بالواضح المفتشي..
انا الدوحة دي ابوي وامي كانوا فيها، وكنت فاكره حبي ليها مرتبط بوجودهم هناك.. لكن اكتشفته انه في شي في قرمزية الخليج في الكورنيش الدائري، بخليني احن ليها.. رغم انه الجو واحد، والخليج الفي الدمام، هو هو.. لكن ماااااا هو..
*I bet you didn't eat octopus there
بنت الحسين
| |
|
|
|
|
|
|
|
|
|
Re: احـــوال الدوحــة (Re: DKEEN)
|
كتب الباشمهندس عمر بوب:
Quote: تاني قام جاب سيرة البحر
اقول الكلام الكنت عايز اقولو في بيتكم ولا الاجاويد بتتداخل في الموضوع |
وانت خليت حاجة يا هندسة
الخبر لقيتو حايم وفايح في الخور
أها عدلت ليك خرمجتك الل في اللنك بدلآ عن الرطانة دي
الفوف حيث التعديل
والتحت البهدلة
Quote: تاني قام جاب سيرة البحر
اقول الكلام الكنت عايز اقولو في بيتكم ولا الاجاوي بتتداخل في الموضوعد |
دال الأجاويد طارت وتلصقت مع عين الموضوع
تاني النسمع واحد يقول عميان
ومطالعة النهار
وبتاع
| |
|
|
|
|
|
|
|
|
|
Re: احـــوال الدوحــة (Re: أبو ساندرا)
|
Quote:
وانت خليت حاجة يا هندسة
الخبر لقيتو حايم وفايح في الخور |
يا كبير
ناس الخور ديل زارعيين ليهم اعين (بشريه و تكنواوجيه) في بيتكم
امش شوف الوصل ليهم الخبر منو و بالمره شوف لو في حاجات تانيه قعد تسرب
| |
|
|
|
|
|
|
|
|
|
Re: احـــوال الدوحــة (Re: ايهاب)
|
ايهاب
ياخي والله قلبتا هوبة..
تخيل لانو الموضوع كان منجات فكرتولحدي تنفذت كنتا في غلغلة كبيرة اصلا ما جا في بالي انياصلا الاقي بورداب..
وجا الموضوع غصب عن فكرتي..
ياخي لكن بالجد بالغتا...
لا حولااااااااااااااااا..
والله لامن شفتاصورتك امس في البوست ده انا قتا الوغد ده كان مدسي وين..
على الاقل كان ترد لينا عيزومتنا..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
عمر دا و الله ياهو دكين زاتو
نحنا ادينا ليكم خلاص و الله
جد شيلوه الزول دا
مرجعنوا مالكم
و لو دي ما ظبطت على الله انتا و ابو ساندرا خارجوه باي طريقة
صراحة الزول دا مما وصل ما بطل شكر فيكم
لمن شفتكم الليلة في المنام
تحياتي لي برلومي محمد عبد الرحمن
| |
|
|
|
|
|
|
|
|
|
Re: احـــوال الدوحــة (Re: حمد فتح الرحمن)
|
دكين ايها الوغد الظريف (دي علي وزن ارسين لوبين وكدا)
كان بي رغبة خانقة للقائك.. فقلت اتغدى بيها قبل ما تتعشى بي
وفوت علي نفسي متعة التقاء احد مشاهير الاسافير...
بس ما مشكلة، ويرإفر ذيرس لايف ذيرس هوب تو بي كونتينيود
| |
|
|
|
|
|
|
|
|
 Re: احـــوال الدوحــة (Re: DKEEN)
|
| Quote: غايتو البقرا ليك, يقول ما اتلاقينا.. |
كنت عاوزة اضاري علي كبكبتك لما شفتني، لكن وكت اعترفت ما عندك مشكلة يااااخ
| |
|
|
|
|
|
|
|
|
|
Re: احـــوال الدوحــة (Re: عثمان دغيس)
|
كتب الفنان الراقي إحساسو عثمان دغيس :
Quote: يا أبو ساندرا إلا يحلك مني الحل بلة ...!!
أنا يا أبو ساندرا يوم الخميس مش إتصلت عليك
وقلت ليك جاييك في البيت ومعاي العيال عشان نسلك على ستك رشيدة ...!
وقلت لي رشيدة والبنات طلعوا ..!؟
ليييييييييييه ما قلت لي إنو دكين معاكم ...! |
الشاهد ان الست رشيدة بتطرطش الخميس
وتهدره في سوق واقف والبلاجيو واللاندمارك
والستي سنتر برفقة بناتها ، ولاتعود إلا بعد ما تطمئن
ان العدو قد نام
والعدو عادة بيكون في الخندريز
اما بشأن هذه :
Quote: ولو كان دكين معاكم يوم الجمعة ..كمان برضو ما بيحلك ,,.
ليه ما قلت لي دكين ح يكون معانا الجمعة ؟؟؟
|
الشاهد { برضو } ان يوم الجمعة كان بلا تحضير يذكر
او تحديدا لم تكن هناك دعوات
كل الحصل إنه إلتقى رهط من الدوحاب للترحيب بمقدم
عصام علي ودكين ، وإختارو سوق واقف للإستقبال
وهناك وجهت الدعوة للحاضرين لإستمرار ناقش كان قد بدأ
ليكملوه عندنا على مائدة غداء ، وتصادف أن مر بنا بعض العزابة
Quote: ده بيع عديل كدة ..!
|
لا ياخ ، مافي أي بيع
الأمر زي ماحكيت عنه
ولو لاحظت ان معظم أحبائي كانو غائبين عن تلك الجمعة
ومنهم صلاح عبدالله والشفيع الجزولي وغيرهما
| |
|
|
|
|
|
|
|
|
 Re: احـــوال الدوحــة (Re: DKEEN)
|
U| Quote: ]عصام حمدلله على السلامة وسعدتُ بلقياك الودودة ..وامسح تلفونات حبيبتي من موبايلك ,انا نسيت امسحو.. |
سوف نتصل بالحبيبة لنعرف كيف يكون حب الجميلين للاوغاد
ليالى جميلة بالدوحة مرت كالنسمة
انا فى انتظارك لزيارة دبي
| |
|
|
|
|
|
|
|
|
|
Re: احـــوال الدوحــة (Re: DKEEN)
|
اول امر : شهيتنى في الدوحة و ناسا ....
تانى امر : انا برسل ليك تذكرة تجى هنا و ما دام راسمالك مشويات ـوالشئ التانى الذي لم تذكره بعد ان تحولت لبشر طبيعي من جديد رغم ان كل قيمتك كانت في انك وغد "مصلح" - شرطى الوحيد تكتب فينى 1% من الكتبتو في الناس ديل، و لا اعنى الاطراء والشكر الذي يستحقونه لانك لن تجد عندى ما تطريه او تشكره، اعنى تكتب عن "الاحوال" لان محمد شكرى مات و ماركيز ليس سودانى....
والله في كم زول و زولة هنا في الموقع ـ انت نمرة 2 في القائمة ـ مضيعين روحهم و مضيعيننا معاهم ....
الشوف و الحكى ديل الله ما قسمهم للجميع ...
احكوا يا بشر .... خلو "احوالنا" تنصلح شوية .... و ساعدونا نواجه الدنيا البايخة دى
الله لا كسبكم و لا غزا فيكم بركة
| |
|
|
|
|
|
|
|
|
|
Re: احـــوال الدوحــة (Re: esam gabralla)
|
شخصيا معفى من الدخول الى هنا بتوقيع (دكينى )
لاننى فاشل جدا فى مثل هذه المواقف ..ولكن وجدت
ان دخولى هنا ضرورة ..(عزيز) الذى صحبته مثقف
وقارىء (جيد) وحافظ للكثير و(لبق)..ويتخير عباراته
جيدا ..وكتاباته التى قراتها هنا كانت تشير لذلك
وماتوصلت اليه ان بأستطاعته ان يقدم ويعطى اكثر
من مافعل ..
لم يخيب ظنى فى خريجى القانون ..حيث اننى ومنذ
زمن ليس بالقصير اثق تماما فى مقدرات خريج القانون
الخرطوم ..فخريج تلك الكلية غير الاكاديميات هو مشروع
مثقف ..اعاد (دكين) تأكيد ذلك الاعتقاد وترسيخه ..
فهو كما قلت مثقف (كامل) ...على المستوى الشخصى
زول (لطيف) و(حبوب).. كدت ان اقول انه (دقيق) ولكن
تذكرت (المزيل) و(العطر) الذين نسيهما فى سيارتى ..
ياحمد فتح الرحمن ..اخبارك واحوالك ...كان صديقك (هدية
اهل الحجاز لاهل قطر) ..دمت رائق ...
| |
|
|
|
|
|
|
|
|
|
Re: احـــوال الدوحــة (Re: محمد عبدالرحمن)
|
محمد عبدالرحمن
يامن لاتشبه احداً..
ياخي غمرتني بودك..
انتا واقع من ياتو زمن؟؟
ــــــــــــــــ
عندي محفظة برضو ما لاقيتا يا محمد..
اخوككان درتو خاف الله فيهوزز
| |
|
|
|
|
|
|
|
|
|
Re: احـــوال الدوحــة (Re: esam gabralla)
|
عصام..
زرها وابتهج..
وحاتك الدوحة كما الدوحة ..
وناسا ليسو كما الطيور..
باستثناء ابوساندرا فهو صقرٌ في دوحته..
| Quote: الله لا كسبكم و لا غزا فيكم بركة |
انتا وسحر واهل الجبال التي يتكوم عليها الثلج بياعين كلام..
انتا خلي التذكرة علي ورسل لي الفيزا وشوف كان ما جيت غزيت فيك البركة ..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
يا اهل الدوحة ..
وودت لو التقيت بالدكتور النور حمد..
سعيتُ جادا في الاتصال به ..وقام محمد بالبحث عن ارقامه ..بس يبدو انو كان في زيارة لي فرنسا..
وتشكراتي للعزيز مامون ..
اتصل بي - في ودٍ بليغ - معتذرا بمشغولياته عن اللقاء..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
Quote: وتشكراتي للعزيز مامون ..
اتصل بي - في ودٍ بليغ - معتذرا بمشغولياته عن اللقاء.. |
غايتو الحمد لله ربنا أكرمنا بى سماع صوتك يادكين ,,
وفى آخر لحظات المطاف !!!
وماعارف أندب حظى أم آمالى ,, أم أن دهرى قصدنى ,, مالو ومالى !
وماكنا عارفين يادكين ,, والله ماكنا عارفين ,,
حاجه حاره شديد,, ومتعبه شديد لما يفوتك قطار زول شايلو الهوى وشايلو النسيم
فى الليل يوشوش فى الخمايل ,, وراجع البلد !
وبعد السنين المره ,, يادوب كان العيون سهرن هجد !
متعنا الله بى شوفتك ,, قريب يادكين ,, أمسحا لينا فى وشنا .
| |
|
|
|
|
|
|
|
|
|
Re: احـــوال الدوحــة (Re: مامون أحمد إبراهيم)
|
دكين ...سلام ياشين..
وصلت وصيتى لعزاز شامى ولا لسة??
Quote: كدت ان اقول انه (دقيق) ولكن
تذكرت (المزيل) و(العطر) الذين نسيهما فى سيارتى |
دى بقولو عليها ماعندو قلب يامحمد عبدالرحمن..
| |
|
|
|
|
|
|
|
|
|
Re: احـــوال الدوحــة (Re: Amira Elsheikh)
|
البت العزيزة اميرة
ياخي شاكر جدا حضورك الزاهي والفطور الممتع وقصةالعجلة الفي بلكونة بلا سلم..
| Quote: وصلت وصيتى لعزاز شامى ولا لسة?? |
ياخي والله بصراحة خفتا..
الناحية الاولى قتا لو قتا ليها اميرة سلمت عليك تقوم تفهمني غلط وتقول لي انتا مشيت تباري البنات هناك ولا مشيت لي شغل..
والناحية التانية قتا تقوم تفهمك غلط وتقول البت دي قصدها شنو بي السلام ده وعلاقتا شنو بي آمنةمختار..
يعني بصراحة وصيتك كانت ورطة..
| Quote: دى بقولو عليها ماعندو قلب يامحمد عبدالرحمن.. |
شكلها اتجابت بي نية ما نضيفة عشان كده اتنست..
| |
|
|
|
|
|
|
|
|
|
Re: احـــوال الدوحــة (Re: DKEEN)
|
دكين الما بحب امدرمان واولاد امدرمان :
| Quote: وودت لو التقيت بالدكتور النور حمد.. |
امانة انت الداير تلاقيهو ده بتلاقيهو والما داير تلاقيهو ده تفتح ليهو بوست لي حنتو وما تقعد ليهو ..
| |
|
|
|
|
|
|
|
|
|
Re: احـــوال الدوحــة (Re: عمر الفاروق)
|
ابوعمير
اهااا.. بدينا نألف..طبعا انتا في التاليف الاول عديل..
انا متين قتا ليك انا عندي ميكنزمات رفض لي اولاد امدرمان..
ياخي انا قتا ليك انتو بتحملو امدرمان كمدينة اكتر مما تحتمل من غبار..
فما تحمل كلامي داك اكتر مما يحتمل من كلام..
بعدين ياخي النور حمد ما من امدرمان..انتا تلقاك هسي قاصد النور بتاع الدكان ..
تعرف ياعمر الذشي انو انا لقيت محمد عبدالرحمن ده خاتي عنك فكرة منقة بس..
انا بعد داك عرفتا انو فكرة الانسان الكامل زي فكرة الخشاش والوحل الخفي لا وجود لهم..
| |
|
|
|
|
|
|
|
|
|
Re: احـــوال الدوحــة (Re: معتصم دفع الله)
|
عندى رغبة لاخراج البوست من (الترك) الماشى فيهو دا
لوجه ثانيه ..
• حديثى مع دكين كان اكثره حول الجامعة وبذكرياتها
دخلنا فى حالة (نستلوجيا) لايامها ( والحقوق فى استخدام
نستلوجيا محفوظه لمها زكريا وقد اوردتها فى بوست خليل
الشهير) ..ويشاركنى دكين (الهيام ) بجامعة الخرطوم وناسها
وشوارعها ومعالمها واحداثها ..وان كان يفوقنى بذلك حيث
ارتباطه بالجماعة لم ينقطع وقد زارها فى آخر اجازة له
قبل شهور ..
• اذا اردت ان تسأل دكين عن احد من الاصدقاء عليك
ان تحدد دفعته فى الاول حتى يتذكره ..ويتم معرفة الدفعة
عند دكين بتذكيره بأحدى حسانها ..غير ذلك ستضيع
جهدك معه ..عليك ان تقول (ياخ الزول دا دفعة ناس
دينا الكانت بتمشى مع ناس مها ) مثلا ..ويشترط
ان تكون دينا او مها جميلة وحسناء ...
• قابلنا احد خريجى جامعة الخرطوم فى المطار
وكان شاعرا معروفا ايام الجامعة ..قبل ان نسلم عليه ..
سألتو بتعرف الزول داك ؟ ..ركز شوية معاهو ..وعشان
اقرب ليهو ..(ياخ الزول دا كان بقول شعر وبلبس طاقية
خضراء ولما يكون بقول فى الشعر بدخل يده بين فتحات
زرايره ) ..تذكره على الفور ..ومضينا اليه ..وقبل السلام
خاطبه قائلا :
(ياخ انت زمان كنت بتقول (وذكر ابيات شعر معروفة)
الابيات دى كنت بتقول شاعرها الفيتورى وانا من زمان
منتظر اسالك من الكلام دا ..الابيات دى مابتشبه الفيتورى)
لاحظو الكلام دا قبل السلام ..اعترف الراجل انه اكتشف
لاحقا ان هذه الابيات ليست للفيتورى ..وبعد الاجابة
دخلنا فى السلام والتعارف والحديث ...
• تجولنا فى حديثنا بين ناس (بزنس ) و(قانون) ولم نترك
احدا ..ناس جوده بشرى ووائل عابدين وسعد سعيد وامير وابو
السيد وحموده وعمار وعمر عثمان ومروان العبادى وناس
طارق تمبول وشرزم وعبدالرازق و(بنات كتااااركدا)...
تخريمة :
يادكين ياخ صاحبنا المصلحجى لو لقيت زى خيارو
الطرحو دا بكون (امنقا شىء ) ..مالك حارمنى ياخ ..
| |
|
|
|
|
|
|
|
|
|
Re: احـــوال الدوحــة (Re: محمد عبدالرحمن)
|
Quote: يادكين ياخ صاحبنا المصلحجى لو لقيت زى خيارو
الطرحو دا بكون (امنقا شىء ) ..مالك حارمنى ياخ |
خلاص انتا قول ليهو الفيزا مقابل الزواج..
يرسل ليك فيزا ولانتا تعرس..
بس تمشي هناك تلبسا سروال حديد..
صحبك داك زي ابو الدفان..
| |
|
|
|
|
|
|
|
|
|
Re: احـــوال الدوحــة (Re: معتصم دفع الله)
|
دكين ، يا إبن عمي
أنا والله مليان لوم من هنا للصبح.
كالعادة، ليس لنا في الطيب نصيب..
بالله تجي وتفوت بي صمة خشمك كده؟؟
فعلاً ، أحوال الدوحة (الداخلية) غريبة يا صديقي ، كثير ممن ذكرتهم هنا لم التقيهم منذ زمن ، بسبب ظروفيـ/هم ، ربما، إلا أن لهم في القلب ما لهم ..
والأغرب أنني أعتمد على سودانيز أون لاين في معرفة أحوال كثير من أهل الدوحة ، مش حاجة عجيبة ، وحينما لا أنتظم هنا ، تفوت علي بعضاً من أحوالهم ، وأنت بعضها ..
ياخي أنا أميرة الشيخ دي ، لي يومك ده ما قابلتها (شفت اللوم ده قدر شنو؟)
وغِشانا قبلاً فرح منى خوجلى فأضعناه ، وأي فرح أضعنا؟
عموماً البركة في عضوية الدوحة النشيطة، فهم كفوا ووفوا..
وبنتلاقى ..
| |
|
|
|
|
|
|
|
|
|
Re: احـــوال الدوحــة (Re: Salah Abdulla)
|
ياصلاح ياخي ما تقعد تجقلب لينا هنا ..
الفيكم انتا واخوك اتعرفت بصراحة
يعني انامتوقع القاك في سلم الطيارة..
كنتا عايزاسالك من مهندس دنقلاوي كده في كهربة قطر..
انتا لا لاقيت اميرة ولا لاقيت منى..
انتا ياخوي لاقي شنو في حتتك القاعد فيها دي؟؟
| |
|
|
|
|
|
|
|
|
|
Re: احـــوال الدوحــة (Re: DKEEN)
|
Quote: عليك ان تقول (ياخ الزول دا دفعة ناس
دينا الكانت بتمشى مع ناس مها ) مثلا |
والله لكن المثلاً عندك
انتو يا جماعة مش قالوا ليكم في المنبر ده في ناس قلبا اسود ؟
ياخ اسامي الله دي ما كتيييييييييييرة نعمات كلتوم شاهيناز علوية تقوى رجاء سلوى النعمنو ..
ود اربجي ظهرتها عااااااااااااااااملة ..
| |
|
|
|
|
|
|
|
|
|
Re: احـــوال الدوحــة (Re: عمر الفاروق)
|
لكن Quote: المثلاً عندك
انتو يا جماعة مش قالوا ليكم في المنبر ده في ناس قلبا اسود ؟
ياخ اسامي الله دي ما كتيييييييييييرة نعمات كلتوم شاهيناز علوية تقوى رجاء سلوى النعمنو ..
ود اربجي ظهرتها عااااااااااااااااملة ..
|
عمر ..
شنو يازول انت عايز تبهتنى ..
انا جبت اسامى (من طرف) ماتأول
كلامى الله يرضى عليك ..
غير كدا ..انت تعال هنا دكتور النور
طلع من امدرمان ..؟..الشيء البعرفو
من عندنا ..مع العلم انو انا ماعندى
مشكلة مع ناس ام درمان ..بس كمان
من باب رد الحقوق لاهلها ...
| |
|
|
|
|
|
|
|
|
|
Re: احـــوال الدوحــة (Re: DKEEN)
|
:Quote: كدت ان اقول انه (دقيق) ولكن
تذكرت (المزيل) و(العطر) الذين نسيهما فى سيارتى
دى بقولو عليها ماعندو قلب يامحمد عبدالرحمن.. |
جنس شيل حال
يا اميرة المشجعة البولندية دى انا نسيتها فى الدوحة
الجابها فى بروفايلك شنو ؟
| |
|
|
|
|
|
|
|
|
|
Re: احـــوال الدوحــة (Re: DKEEN)
|
Quote: تخيل الناس ديل جابو لي منى خوجلي 16 توب و16 حذاء ..
انا جابو لي بطيخة وتمنو لي رحلة سعيدة.. |
اى زول بعاملوا على حسب
"سماحتوا"
| |
|
|
|
|
|
|
|
|
|
Re: احـــوال الدوحــة (Re: Yassir Tayfour)
|
العزيز دكين
زرتنا كنسمه خريفية،غشت ديارنا ، أنعشتها ومضت . زياره خاطفه إلا أن عطرها
ما زال فواحاً .
ماإن أعطيتنا ظهرك حتى قام (خبيث) الجماعه،بالعمل فيك ضرباً تحت الحزام،
( عارفك عرفتو). أماالمُخبِر( الوغد) فبدأ يحلل زيارتك الخاطفه للدوحة لكشف
( التكتيك) الذى إتبعته فى تنفيذها(أكيد ناقشو). وقدصنّف (هناى) الزيارة
مستفيداً من حجة منى خوجلى ، بأنها عُمره وقّافى.
دكين
حفاظاً على سلامتى أرجوا أن تسرع بالعوده، فالجماعة قد نشروا عيونهم وآذانهم
وكل وسائل البحث والتحرى الممكنة، كلٌ منهم يريد التوصل إلى أىّ (الثلاثة)
تنطبق عليه صفاته . بعدها أنا إلا أشوف لى بلد تانيه.
دكين
حجه، عُمره ،إعتكاف أحسن.
لك الود كلّه
ود المكى
| |
|
|
|
|
|
|
|
|
 Re: احـــوال الدوحــة (Re: DKEEN)
|
و للدوحة أحوال تحكى!
لا يلطف لفح هجيرها ورطوبتها
الا وسيم مشاعرهم و احتفائهم بالآخر
تعلن رمالها البيضاء عليك حالة حب
يفضح صفاء سريرة اهلها..و إن بدوا
يناورون بعضهم هنا على ظهر المنبر
أو هناك فهذا من (حلاة الروح)
الدوحاب حلوي الملتقى و يزعجهم- حد الارق -
إن لم يقوموا بواجب الضيافة لزائر
و مار بتخومهم.
يا ود عشا البايتات
دمت و دام صفاهم
محبتي التي لا تنضب
| |
|
|
|
|
|
|
|
|
|
Re: احـــوال الدوحــة (Re: DKEEN)
|
Quote: معتصم عبدالحليم { رقم صفر }
فالزول ده رغم إنفعاله الزائد
بيملك قلب ووجدان طفل
بيزعل ، لكن مابيحقد
ومازول وشين ولا زول شين
وبالمناسبة عرفت معتصم بي وبأسرتي
قديمة وقبل مايجي الدوحة سنوات
لذلك فإن الدهشة تلك ليست في مكانها
حيث لناس بهاء ظواهر الأشياء
والظاهر على السطح إننا { معتصم وأنا } قلما نتلقي
ولكن كذلك ، قلما أن التقي بكثير من الأعزاء
لطابع الدوحة
بعدين لمن تكون عايز تعرف ليك زول
بتعرفو وقت الأزمة
فعند محنة عيني كان معتصم واشقائه نادوس ودكتور أسامة
حيث ينبغي يكون الناس الكرماء
الناس هذه بتشمل النوعين
بدرالدين الأمير :
نعم هو متآمر من الدرجة الأولى
حينما يشملك في احدى مؤامراته
لايفعلها لأنه يكرهك أو يرغب في إيذائك
يفعلها لأغراض المتعة
والبدر حفي بكل ما يمتعه
وإن لم يجد المتعة
يصنعها
ولو كانت مؤامرة
ونعم هو لئيم إذا تعثرت به
ولكنه ما بيتشربك فيك
إلا لاغراض المتعة
وذلك إستثناء دائم
وهو حصيف ، لايبادر بعداء
ويمكنه إمتصاص عدائياتك
لكن إلى حين
لغاية مايجهز ليك الرد المناسب
في حتة مابتتوقعها أصلو
بيعرف كيف يفتح العلاقات ويرعاها
وبيعرف كيف يحتوي بعض الناس
وكمان بيعرف متين يشوت
ولا يخلو شوته من ضفاري
وبعض جهل
يجالس المثقفين
ويدلي بدلوه
ويكمل الناقصة
اناقة وبايب
نختلف دائمآ لكن يظل بيننا تواصل
عند اللزوم
|
كبيت الفاصوليا ياكبير
| |
|
|
|
|
|
|
|
|
|
Re: احـــوال الدوحــة (Re: DKEEN)
|
Quote: ياملك..
لو لم اكن محظوظا لما حظيت بهؤلاء ..
تخيل الناس ديل جابو لي منى خوجلي 16 توب و16 حذاء ..
انا جابو لي بطيخة وتمنو لي رحلة سعيدة.. |
ياوغد 16 شبط مقطعات فى راسك
قالو مشوا مذر كير مالقو مقاساتك يعملو ليك شنو؟
انت زى منى خوجلى
خوجل راسك,,
بطيخه كتيره عليك زاتو،انتو الدوحة دى مافيها حنظل؟؟
| |
|
|
|
|
|
|
|
|
|
Re: احـــوال الدوحــة (Re: DKEEN)
|
العزيز دكين ..
يا صاحبي فى الفواكه و صديقي فى
سمعنا بك بعد سفرك ..
مشغولٌ أخوك بنفسه ..
و غتاتة البعض ..
سأرد لهم الصاع بزيارتك فى دارك ..
نخاليك فى اضانك
قلنا نشوف الشافها ..
| |
|
|
|
|
|
|
| |
عبدالكريم الامين احمد
عمر سعد
كمال سالم
الملك
عامر تيتاوى
Muna Khugali
Alsa7afa_30
Emad Abdulla
عمران حسن صالح
Omar Bob
بشير جبريل علي
wadalzain
haroon diyab
أبو ساندرا
محمد أبوالعزائم أبوالريش
عادل التجانى
بهاء بكري
عبدالغني كرم الله بشير
Ishraga Mustafa
Sidig Rahama Elnour
مريم بنت الحسين
ايهاب
حمد فتح الرحمن
Rasha Hatim
عصام علي أحمد
محمد عبدالرحمن
مامون أحمد إبراهيم
عمر الفاروق
معتصم دفع الله
محمد سنى دفع الله
Yassir Tayfour
محمد فضل الله المكى
saadeldin abdelrahman
صديق الموج
nadus2000
معتصم الطاهر
فيس بوك
تويتر
انستقرام
يوتيوب
بنتيريست