يا طلاب وخريجي جامعة جوبا وثقوا تجاربكم هنا..

Quote: لا ياخ ... طارق الأبوابي ...طاااااارق ... ود طب الزول النحيف ،صاحب أسامة التخين ود شندي ... وهو فعلاً قريب الفاتح الأبوابي ..

Quote: ود/وهيبة وبرضو د/ميرغني من الحصاحيصا (كان زول لعاب مع اخلاق ضيقة في الكورة) وكان في ناس كبار كده كنا بنحترمهم شديد د/محمد جابر ود/محمد الياس(اخصائى كبير بتاع نساء وتوليد واستاذ جامعي) ..وبرضو بذكر زول مهذب جدا.. د/عبدالله عابدين( ومن الصدف يا حاتم انو مع ناس احمد اخوي في كاردف في ويلز واحمد طبعا سالو مننا لكن ما اذكرنا ..كالعادة البرالمة بذكروا السناير وليس العكس .. المهم هو الان psychatrist قال لي انو محير الخواجات اي امتحان دخلو بكون outstanding ..اصلو ناس جوبا نجيضين

(عدل بواسطة عبداللطيف حسن علي on 06-08-2008, 03:29 PM)

Quote: المنتدي الادبي في جوبا مع الشاعر محمد عثمان الزبير

Quote: الاخ / عبداللطيف تحياتى والله بالغتوا عديل فى البرلمة البتودى عديل لداخليات الطلاب ! غايتوا دى انا لو كان حصلت لى اظنى كان رجعت الخرطوم فى اقرب فرصة . وبالمناسبة انا وجهت دعوة لبعض الزملاء العجايز عشان يشاركوا لكنى ما شايفهم ظهروا اظنهم خايفين من حكاية الكبر ( الرسالة موجهة للأخوين جمعة كوكو والجيلى العجب او كما يطلق عليهم ميرغنى المأمون واحمد حسن جمعة) بعض الزملاء فى الدفعة 90 : كوثر بخيت-ام درمان - تربية رجاء قدف - الدلنج - تربية نجوى عزاز - اروما-تربية سلمى ادريس - ام درمان الثورة - اقتصاد جدة كافى -الابيض - اقتصاد منى احمد عباس - الابيض اقتصاد فاطمة الصافى - الابيض- اقتصاد سناء الامين - الابيض - اقتصاد مشاعر سعيد -كسلا - موارد امانى الزبير ام درمان - موارد احلام الزاكى - ام درمان -موارد احسان على مصطفى- ام درمان - موارد الهام ادم - الجزيرة تربية ام زين ادم - سنجة - تربية امانى محمد عثمان - سنار - اقتصاد بثينة ادوين - واو - اقتصاد جوليا - اعالى النيل - موارد زهرة محمد - جوبا - موارد على غلفان- الدلنج- موارد محمد صابرين - السوكى - تربية رمضان محمد معتوق -الجزيرة /بيكة- تربية ازاهر الصادق - الجزيرة /السليم-طب شادية عمر - الجزيرة /السليم/اقتصاد منال ابو حجل مدنى - اقتصاد هنادى كوكو - ام درمان -اقتصاد ابوبكر الصديق على - سنار - اقتصاد والقائمة تطول ( اوع تكون الذاكرة حصل فيها مشكلة - ( نحن فى عز الشباب

Quote: الاخ كبر لك التحية نعم قامت رابطة طلاب كردفان بجامهة جوبا بقافلة صيفية الى مدينة الدلنج اوائل التسعينات ( 1993 على ما اظن ) وكان رئيس الرابطة فى تلك الفترة الزميل رمضان محمد معتوق من كلية التربية وكان الوفد يتكون من الاخوة والزملاء رجاء قدف - تربية كوثر بخيت - تربية امال نورين - اقتصاد كوثر صالح ابوحراز اقتصاد غادة سليم - موارد وفاء - ( رحمها الله ) - موارد الجيلى النور - اقتصاد امين الزبير - اقتصاد الحاج اسماعيل - اقتصاد جابر كدفور - موارد نهلة - اقتصاد امين الزبير - اقتصاد ومن العجايز (الفكى عمر جيلوجيا - وعبدالمنعم اقوز - اقتصاد واخر لا استحضر اسمه حاليا ) وعتبى لمن سقط اسمه سهوا احتوى برنامج القافلة على اقامة معرض للكتاب - كورس تدريبى للطلاب-زيارةو توزيع -مواد عينية لبعض معسكرات النازحين ( انقاركو وزيارة لسجن الدلنج العمومى والمعايدة على المسجونين- ) اقامة سوق خيرى اقامة ليالى ثقافية تحركت القافلة فى رمضان صوب الدلنج وتفاعل معها سكان المدينة بصورة رائعة وادت غرضها تماما وكانت ايام لا زالت عالقة فى اذهاننا ونتذكر دار الاتحاد الذى يقع بالقرب من السوق والذى كان مقرا لعمل الرابطة - وكذلك سوق الدلنج الذى اصبح لدينا زبائن يه حيث كنا نرتاده للتسوق والغريب انه من ما ندخل السوق كانو بيعرفو انه ديل ناس القاقلة وكانوا ما بقصروا معانا واخر احترام وتعامل راقى فالتحية لهم اينما كانوا - وطبعا حضرنا العيد واحنا فى الدلنج وبتذكر صباح العيد ده كان صعب بالنسبة لينا شديد وهى اول مرة نعيد بعيدا عن اهلنا وبتذكر الاخت كوثر بخيت اول واحدة فتحت لينا بيت بكاء من الصباح واحنا فى الداخلية ( غايتوا كتر خير امين الزبير بقى يحكى فى نكات وبقفشاته المعهودة طلع الناس من حتة الدبرسة دى)- اها بعد الصلاة قاموا جونا الزملاء فى مقرنا والله يا( كبر) شفت كاننا فى بيوتنا فطور العيد جاهز شى عصيدة وتقلية ونعيمية وفاجأنا الاولاد بالخبائز المشينا عملناها فى الحلة - يا خى دى والله ايام لها ايقاع فعلا - اما الكلام عن الابيض اللى مشينا ليها ترانزيت دى دايرة ليها صفحة خاصة عشان نقدر نوفى اسرة كوثر ابوحراز حقها فى الكرم- وكردفان الغرة ام خيرا جوة وبرا مجسدة فى اسرة ابوحراز بحى القبة فالتحية للاخت كوثر ابوحراز واسرتها اينما كانوا ونعدكم بالمزيد

Quote: الاخ..عبداللطيف السلام عليكم.. طبعا قدر ما محاولت اذكرك فشلت ..ما عارفك كنت بتباري منو..خصوصا انو ناس 85 ديل باللحيل اصحابي وربما نجيب سيرتهم( بالخير طبعا) في مشاركتي مع حاتم. وخصوصا انو صورتك ما واضحة كويس ..اما بخصوص الذاكرة ال100% ..اظنها defensive mechanism ساااي ضد ايامنا السعيدة دي ..او مجرد نوستالجيا ساااااكت..سمها ما شئت...بخصوص عنوان د/عبدالله عابدين ساتصل باخي المعاهو في انجلترا لتوفيره وحالما يصلI will forward it 4 u ... يللا سلام........ متوكل

Quote: الاخ..عبداللطيف السلام عليكم.. طبعا قدر ما محاولت اذكرك فشلت ..ما عارفك كنت بتباري منو..خصوصا انو ناس 85 ديل باللحيل اصحابي وربما نجيب سيرتهم( بالخير طبعا) في مشاركتي مع حاتم. وخصوصا انو صورتك ما واضحة كويس ..اما بخصوص الذاكرة ال100% ..اظنها defensive mechanism ساااي ضد ايامنا السعيدة دي ..او مجرد نوستالجيا ساااااكت..سمها ما شئت...بخصوص عنوان د/عبدالله عابدين ساتصل باخي المعاهو في انجلترا لتوفيره وحالما يصلI will forward it 4 u

(عدل بواسطة عبداللطيف حسن علي on 06-10-2008, 01:28 PM)

Quote: الصديق عبداللطيف كيف حالك ووين انت أنا موجود بالخرطوم واعمل بالمحاماة زمن عبداللطيف حسن علي /يوشود رايت ان اسي ومعليش للتأخير والزمن بقي مايكفي من ما الجماعة قدمو الساعة وبمناسبة الجماعة الكيزان كان اسمهم في جامعة جوبا جماعة الدعوة الاسلاميةما الاتجاه الاسلامي ودا باعتقاد انو الصحابة في الوقت داك ناس عابدين وذو الكفل ومحمد صديق وناجي بامكانهم نشر الدين الاسلامي في الجنوب كلوولكن طلعو قماشات ساي او قماسات ذي ماقال بوليس جوبا,تاثرت وسالت دمعات للذين غيبهم الموت أبراهيم جوليوونديم وسميه الجوخ وطبعا انا كنت حاضر وفاة الزملاء عبدالله جمعة وابراهيم الباشا فقد لنا وللوطن , المهم نقول سلام ونحكي الرحلة لجوبا , ودا الايميل [email protected]

Quote: Iam Mohamedelmustafa abdelrahman bashir graduate of juba university 1985 CNRES Fisheries Igreet you and all Juba University graduates.Let us get in touch.Iam rigt- now working for Ministry of Animal Resources and Fisheries I GREEEEEEEEEE EEEEEEEEEET YOU ALLLLLLLLLLLLLLLL HELLOW.

Quote: زين العابدين حسن محجوب خريج جامعة جوبا 1985 محاضر قسم الفيزياء كلية التربية – جامعة جوبا فترة بحثية بجامعة نوتنغهام بريطانيا

اليلة انا متفرق ليكم يا ناس جوبا وبمكرة وبعد بكرة

ويلا نطور دة

Quote: الاخوان حاتم وعبداللطيف ومحجوب وجميع الاخوة المتداخلين والقاريئن..اها جينا تاني وما شاء اللله شايف البوست ماشي لفوق وعدد ناس القاريئن ماشى في زيادة ولقدام..بس الرجاء يا عبد اللطيف الزول البشارك عرفو بيهو مثلا زي الزول الكتب مساهمة جميلة جدا عن قافلة كادوقلي ..لانو من اجمل الحاجات في جوبا كان الاسابيع الثقافية دي والقوافل ويا ريت ناس رابطة الخرطوم والاقليم الاوسط يوثقوا لقوافلهم واسابيعهم الكانت بتجمع الناس وكذلك جمعية طب الطيران. ويا عبد اللطيف بتجيب ليك حاجات خترة خلاص..في ما يخص البحر...... نواصل باقي تداعي الذكريات..وارجو الا تكون التفاصيل مملة ..لانو اغلب كلامي انطباعات شخصية جدا..ويا ريت كان دخل اخرون وسخنوا اللعب شوية ..خصوصا انو انحنا ( اقصد دفعتنا ودفعتكم يا حاتم وعبد اللطيف) اتيح لها معاصرة معظم دفعات الجامعة من جوبا مرورا بسوبا -ولناس طب- كلية الصحة وكلية طب الخرطوم وام درمان ..ولناس موارد ..الكدرو وجامعة الخرطوم وغيرها من ال hosts الكانت مستضيفة ناس جوبا ك parasites اصيلين وعينهم قوية.. اها...نرجع لايام جوبا الاولي التي لم تكن كلها سعيدة..مؤكد.. من الاشياء الدبرست بالناس في البداية ..حاجة كده يا ريت زول تاني يكتب لينا عليها وهي استشهاد الضباط الشباب الكانو بيصاحبو الناس في الايامات الاولي وديل طبعا اغلبهم كانوا من اعمار الناس كده واغلبهم كانوا زملاء دراسة سابقين لبعض البرالمة..يعني شباب في مقتبل العمر - كما يقولون- ويكونوا معانا في الداخلية بالعصر.. بكرة ..يجيبو الخبر انو فلان استشهد او قام بيهو لغم في طريق ياي او ما شابه ..وطبعا اكتر واحد اثر فينا كان المرحوم /عارف (اظنو كان ملازم اول)..يعني ده كان معانا في رحلة في المدرعات وتقريبا كان منظمها هو زاتو.. وكان زول طويل ووسيم جدا واظنو كان قريب او بلديات احدي الاخوات من دفعتنا ..بالظبط بعد يومين قالو استشهد في متحرك توريت..وبعده ملازم تاني/هشام ابوكدوك ..فالناس بقت ما بتصاحبهم ذاتو.. تقية من الاحزان. وبرضو كان في زول مميز جدا وكان صاحبنا شديد.. نقيب/شمس الدين الدرديري –من الكاملين- وكان شاعر موهوب ..سمعنا انه اشترك في حركة 28 رمضان الانقلابية وبعد داك اظنو انضم للمعارضة في اسمرا او للحركة الشعبية..برضو كان في صحابو النقيب شوقي من الكلاكلة وده اظنو كان اسير. وبرضو من الاشياء الحزينة التي لا تنسي في الايامات ديك ..هي خبر وفاة والدة عثمان محمد خير(الجعلي) وكان مجرس جدا وجرس الناس معاهو شديد..الي ان سافر الشمال تاني يوم(لها الرحمة انشاء الله). اما قصة الكيزان ..يا من امتحنكم الله بصحبتهم ورؤية افعالهم فدي قصة براها(نسثتثي منهم الكثيرون ..ليس من الحكمة التعميم في اي شي ..فالناس احرار في ما يعتقدون ..ومن انا علي كل حال؟! لاصنف الناس انو ده كوز وده ما عارف شنو...يا جماعة الخير ..كل اناء بما فيه ينضح..او هكذا!)...ما علينا.. طبعا الكيزان لم يكذبوا ظن الناس فيهم ..فقاموا بليل وخموا ليهم كمية من البرالمة وودوهم معسكر خارجي يا ودو..في حي المطار والا ما عارف وين ..يعني تخيل انو يكون معاك زول في نفس الغرفة تقوم الصباح تلقاهو مافيش ولمدة تلاتة ايام وما كلموا اي زول والناس ما عارفنهم مشو وين ..طبعا الحركة اثارت استياء اغلب ناس الدفعة..او كل الدفعة تقريبا. الناس المشوا ..جوا اغلبهم راجعين متغيرين تماما..هم الدنيا راكبهم وصرة الوجوه والجدية السقيمة والنيولوك الايدولوجي وده حلال وداك حرام وتصنيف الناس .. والله بالغتو عديل كده ..ده كلو في تلاتة ايام ..وخير مثال اخوانا الصادق سيد احمد وحافظ المعراج ..ديل جونا مختلفين تماما .كانوا اظرف اتنين وما عندهم تصنيفات للناس ..جوا متغيرين 180 درجة لمن خلو الجامعة وواصلو في جامعة الخرطوم(اين هم الان؟) ..طبعا جا فتاهم رفيق الدرب/ نادر عبد الحليم الطهطاوى لانو كان من الذين خموهم بليل ..لكن طبعا البرنامج ما نفع معاهو يعني عاش ليهو ازمة ضمير كده بتاعة يوم يومين كده(اصلو زمتو واسعة) وبعدها ما قدر وجا فتا لينا ..انو الجماعة اول حاجة قالوها ليهو : ما يمشي غرفة ناس كروم وما يباري اب دقن الشيوعي ده (اللهو انا) ولا ابشر بتاع الفوضي,الطريف انو سارت فيني لفترة وسط الاصدقاء المقربين كلمة ابودقن الشيوعي ده..وكانت عاجبة عامر تاج الدين وعارف الامين وحتي الان هي مفضلتهم..رغم انو لا كنت شيوعي ولا كان عندي دقن كبيرة للدرجة دي ..اها كده كويس ياكروم ؟ لكن برضو الحق يقال يعني مجدي عسكر كان مهذب وفي حالو واظنو تزوج من بنات دفعتنا. علي كل حال كان ما يميزناس جوبا زمان العلاقات المترابطة العابرة للخلافات السياسية لانو الناس كلها كانت في مركب واحد وتقاسمو الهموم العامة والخاصة في تلك الايام الخضراء والمثير للسخرية انو الناس وقتها كانت مفتكرة انو دي ايامها السيئة في الحياة,لتمر الايام ونكتشف انها كانت من احلي الايام بكل مافيها .. وتكتشف ايضا انو اصحابك الان ياهم زاتهم ناس جوبا بالاضافة الي قليل جدا من الناس في اماكن زى العمل والدنيا الواسعة. دفعتنا في طب 87: 1-علي محمد حسن سعدوك(كسلا-السعودية الان) 2-عبدالمنعم محجوب(السعودية غالبا) 3-عامر تاج الدين(اخصائي باطنية) 4-عارف الامين(يحضرفي تركيا) 5- عبدالرحمن محد عد الرحمن(اخصائي علم امراض ومحاضر في الكلية) 6-عثمان عبدالعزيز(غالبا السعودية) 7-الفاتح محمدعلي 8-امين محمد عباس(اخصائي باطنية ومناظير-استاذ في الكلية) 9-اميمة محمد علي(اخصائية اطفال) 10-ابشر عبد الرحمن ابشر (بيحضر في انجاترا) 11-فيصل عبدالله (السعودية) 12-الجنيد النور(السعودية) 13-يوسف اسكينجو ابوعلي(لم يواصل من تانية وسمعنا انه اصبح تاجر كبير جدا وريح نفسو ,كان زول قيافة جدا وانيق وهو من لقاوة في كردفان) 14-محمد خليفة(جانا زول مفتح بعد قرايتو حتي رابعة في زراعة الخرطوم ) 14-اشوت اشوت ماديت(وكان حركة شعبية مولع نار وكان خطاط جدا وبيكتب ويتكلم عربي احسن مننا وكان عندو صحبة خاصة مع ابشر ) 15-باولو اتير(اخصلئي نساء وتوليد الان) 16-ريتشارد 18- جادا لادو 19-ستيفنسون(وده زول راقي جدا ورايق وكان مالي مكانو تمام ..قبل ما يدخل الطب كان ضابط اداري لفترة طويلة ,عشان كده كان حكيم جدا وهادي) 20-وليام كلمنت(جنو ضحك بس) 21-بيتر الير(اظنو اخصائي نساء وتوليد الان). 22- ماريال كور(كان البير بتاعي في اللاب ,في النهاية علمتو طبخ النتائج والتريس لانو في البداية كان بيضيع الزمن عايز يجيب التجارب زي حقت الكتاب! ) واتلمينا على ناس 86: 23-الزين هاشم(اخصائى الموجات الصوتية الان) 24-الطيب طه (السعودية او ايرلندا) 25-زاهر خير الله(اخصائي طب المجتمع) 26-حامد ابراهيم (السعودية) 27-علي ضامر(السعودية غالبا) 28-عصام عوض صالح (السعودية) 29- صلاح ابراهيم حامد (كوستي واب شنب ..طبعا هو وعصام بقو من الفرد وهو الان في السعودية ومليان شفع ما شاء الله) 30-صمويل نايت 31- فكتور لكودكو 32-منير 33-مكواج 34-صمويل بول؟ 35-سوزان داناتو(امريكا واظنها تزوجت باقان اموم بتاع الحركة الشعبية) 36-روزاجاك (وكانت زولة شاطرة جدا , والان اخصائي اطفال واستاذة جامعة) 37- عزة عبد الرحيم (اخصائي الاطفال وحرمنا المصون الان) … يعني دفعة سنتين ما حصلت اربعين نفر!! طبعا ورانا جات زي طاشر دفعة كدة ما مشت جوبا من 88 وانت طالع حتي2006 ..وطبعا الجامعة يا قارئنا الكريم من الاجيال اللاحقة والحديثة ..بتكون في المساحة قدر المجمع الطبي بتاع جامعة الخرطوم (الطب والصيدلة والاسنان) ودي كل الجامعة بالادارة والداخليات ووالقاعات واللابات وميادين الرياضة ونادي الطلاب ما عدا داخليات البنات وسكن الاساتذة والنادي بتاعهم ..يعني قطعة الزلط الغربي بس.طبعا داخلية البنات اسمها برلين وهن اثنين برلين الشرقية وبرلين الغربية-عليك الله شوف الناس دي قديمة كيف ..ياخي برلين ست الاسم ذاتها اتوحدت ليها كم سنة وانحنا قاعدين نتكلم عن برلينين (لا حول ولا قوة الا بالله العلي العظيم) نرجع تاني لايامنا الاولي في الجامعة ..طبعا بدينا الintensive English course لمدة شهر وقبلو قعدنا زي عشرة ايام ساي ...ناكل وننوم ولفينا جوبا علي كراع كلب ,ما خلينا مكان ..السوق الكبير..سوق ملكية ..سوق كنجو كنجو. سوق رجال مافي(عرفو الحكاية دى من بدري كده كيف؟) ..حي السينما..جاكورين..السلاح الطبي ..اطع برة..المدرعات..نمرة3..طريق ياي..و..و. وطبعا كنا بنمشي في مجموعات كبيرة بنات واولاد وفي ناس لابسين طواقي السعف ,نظام سياح وكده. وبعد داك بدات عزومات اسر جوبا لمعارفهم من الطلبة واولها كانت من ال علي منصور(بيت العز والكرم)..بواسطة مصطفي علي منصور عشان اميمة محمد علي(طب) افتكر انو اخوها الكبير صاحب ناس مصطفي وابكرعلي منصور(بضم الكاف)..جا مصطفي بالبوكس وملاهو مرتين.. بنات واولاد وعلي العضة النضيفة ..طبعا مصطفي ده حكاية براهو ..كان زول فلتة ..ظرافة وجيتار وجدعنة ولسان سليط ,وبيتهم كان مفتوح للطلبة لدرجة عندهم غرفة للطلبة كان قاعدين فيها الاصدقاء صلاح مصطفي والعريس وبدر الدين الشيخ(دفعة 84-اقتصاد).وبرضو اذكر عزومات اهل الصادق سيد احمد وال كردمان (الجعليين اهل ابشر)..وبرضو عزومة عصام النقي ومحمد كوراك(اين هم الان؟) و اذا تذكر يا حاتم كان اديتني جواب لمصطفي علي منصور و التاني لصلاح خضر(دهلة) بغرض التعارف والتوصية وكده ..فمشينا انا وابشر وسالنا لمن وصلنا البيت في حي السينما ..ونلقي ليك الشبا ب كاسرين كرونا بهناك ..ناس كروم واسعد وعادل شريف وهشام رامبو..فضحكوا وقالوا لينا انو وصلنا سريع,ونكتشف انو بيت صلاح دهلة مركز خطير جدا ,حيث الوست والناس الحريفين ..اسعد ,انس شندى والشاعر والحيطة مليانة كتابة بالفحم انو فلان اخد اسنا والشاعر قال 11 واخد اسنا وكده... طبعا صلاح خضر(دهلة) ده كان حاجة براهو كده..يعني نادر جدا في الدنيا وفي هذا الزمان تلقي زول زيو ..في اي حاجة..يعني زول رائع بمعني الكلمة ..جدعنة..تهذيب..كرم..اخلاق عالية يعني باختصار كده زول ضكران,وانا ما مصدق حكاية انو شايقي دي(مع الاعتذار لاصحاب الاغنية)..التحية له ثلاث ورباع وتقريبا هو في الشارقة. في تلك الايام كان اخر همنا القراية لانو اساسا الكورس كان عبارة عن شهر ترفيهي وطبعا حيكون الشهر الوحيد في الجامعة المن غير عواقب ..بعدها عينكم ما تشوف الا النور(علي راي اخونا عادل امام)..الجميع يعلم ماذا يحدث في مقبل ايام جامعة جوبا السعيدة ..والكورس طبعا عبارة عن تنمية مهارات الاستماع والكتابة باللغة الانجليزية وطريقة استعمال المكتبة ..يعني كان مفيد جدا وكان عبارة عن ساعتين بالصباح وساعة با لليل وما كان فيهو اي ضغط اوتوتر (هل مازال شغال ام توقف؟) في نفس ايام الكورس بدات الصداقات وتكوين الشلل اللي اغلبيتها مستمرة حتي اليوم..كنا انا وعارف وامين وابشروعامر(طب) نادر واباذر وبروق ومي السني و طاهرة وجهاد-بنات مدني- (موارد) وشادية حيدر ورجاء عبد المنعم وعايشة البدوي ومني السقيدوفتحية محمد احمد(اقتصاد).وطبعا كان في ناس ثابتين(+/-)ناس تانين. اهم زول في الشلة وواسطة العقد كان اباذر محمود اسماعيل (كوستي-موارد) ورغم انو كمل في الاهلية مختبرات بعد سنة تانية الا انو فصيلة دمو(O+ve juba) والماجستير حضرو في جامعة جوبا وهو الان مساعد تدريس في جامعة الامام الهادي في كوستي ..نادر الطهطاوى(جيولوجيا.يعمل في مناطق البترول ),مهيد ابراهيم ويوسف(كانوا متبارين طوالي ويوسف يقول ليهو شيخ المحس ومهيد يقول ليهو هلا بشيخ العروب) وباقي ناس اقتصاد.. الاخ /جمال توفيق والشاعر عبدالرحمن رابح و سفيان الطيب وسفيان الشرير وعبدالله كارتر ,عبد العزيز لله جابو(حريف الكورة من مدني) ونصرالدين(take it easy) الما قعد كتير جاتو منحة ومشي قرا طب في روسيا والان اخصائى نساء وتوليد والاخت/ تودد(مدني). اما رفيق الدرب وصديق مقبل السنوات ..عبد الرزاق مصطفي عبدالرزاق (جدو) فكان في الايامات الاولي ديك بعيد من الناس واغلب الناس ما بعرفوهو..وطبعا هناك روايات كثيرة ومتضاربة حول ذلك (وده طبعا كلام ما بونسو هنا )..حاتصل بيهو عشان اوريهو درب البوست ده والزو عشان يكتب فيهو..وهو الان في السودان بعد غربة دامت قرابة العشر سنوات في المانيا ويعمل الان في وظيفة مرموقة في احدي البنوك الحديثة. ناس تربية طبعا ارجل ناس ,قريب الله شنيبو (كيمياء)والان مقدم في شرطة الجمارك وطبعا هو اكتر زول مواصل ناس جوبا وجايب خبر الناس كلهم وقاعد يتفقد الناس وما قاعد يقصر اصلو..وبرضو بابكر الراجل (ادبي) وده طبعا حسب رواية ابشر انو في حلتهم اذا لبست بنطلون او اكلت رغيف او ما سفيت صعوط فانت ما راجل(دي طبعا من تشانيع ابشر) ..حسن الدندر ..وريحانة ناس التربية ..العميد مصطفي ..وهو من دارفور وكان استاذ وناظر مدرسة قبل ما يجي الجامعة وحكاويهو لاتخلص وهو زول وناس وحكاي..تم تنصيبه عميدا للبرالمة عن جدارة وكان حريف وست وهارت ..حافظا عديل كده.وكان هناك ايضا الاخوات رشيدة والمتن وغيرهم... والزول ما ينسي ناس موارد..بدر الدين عطبرة ومحمد علي (القصير) ومحمد بابكر والاخوان جمعة والجيلي,حسن الفاشر,المرحوم كمال(من جبال النوبة) واهم زول عثمان محمد خير(الجعلي) صاحب الحلم المشهور-جاهو اب كباس في النوم-(nightmare يعني)..راي في المنام قريب الامتحانات انو بروفسر/شارلس بخيت بتاع ال statistics الكان بسقط الناس داك بيخنق فيهو فقام كسر الفانوس وشتت الكتب الجنبو من الفرفرة ..وكمان جعلي! ..طبعا تخرج من جيولوجيا ويعمل الان في الامم المتحدة في وظيفة كبيرة ما شاء الله ..وطبعا عثمان الجعلي ده نموذج عديل كده في المثابرة والاصرار ,بعد ان هجر القراية من الثانوى وبعد تجربة اغتراب طويلة في ليبيا ..جا راجع وامتحن ودخل الجامعة والان يحضر للدكتوارة ..التحية ليهو ولجيع الغبش الاذكياء في بربر وعلي راسهم عبد السلام خير (اقتصاد84) وقريب عثمان الجعلي ده. وبمناسبة ب/شارلس بخيت ..كان عامل للبرالمة نفسيات رغم انو كان متمكن جدا وبيجضم الstatistics ..الا انه كان مخيف ومشهور بانو بيسقط الناس (يعني ما بيجامل والناس براها بتصقط)لكن بصراحة كان يدو ناشفة والنمر بيديها بالقطارة..مرة كده في راس السنة عملو لينا حفلة في الstudents club وطبعا انبسطنا وهيصنا ..فسمع القصة دي ..جا تاني يوم في المحاضرة وقال(yesterday I heard that some people were dancing in the student club in the disco party but at the end of the year they will have another kind of disco) طبعا قطع قلب الشباب لانو بيقصد الdiscontinue اسهل كلمة في جوبا زي شراب الموية كده. وبرضو من طرائف ب/شارلس بخيت انو ادانا اختبار والناس نظمت القعدة عشان التريس ..اي زول جاهو امتحان شكل ,عمل اربعة اختبارات A,B,C& D واي واحد اصعب من التاني ...فاصقط في يد المترسين. وكان هناك ايضا ب/سمسونج بتاع البزيك ماث وبدلته المشهورة واغلب الناس كانوا. ما فاهمين منو حاجة..انا كنت بتكيف ليهو وناقش في مادتو. اما اكبر معضلة فكان د/نتلينو بتاع الكيمياء ..ده اكد اجزم انو ما في اي زول فاهمو بيقول في شنو والا عايز يصل لشنو..غايتو انا شخصيا لمن انتهينا من اولي وامتحنا وجبت بالبصارةD في ال chemistry ما كنت فاهمو وغالبا ما يكون العيب فيني..اما ا/بول اوكلوك بتاع ال zoology ده خليهو ساكت ..المادة بتاعتو كانت مهمة جدا لانو بنعمل ليها drop من السمستر الاول لانو السمستر التاني حيكون فيهو الBotany (علم نبات)..المهم كان بيجي يرش ليك المحاضرة سريع كده وفيها حصلتو يا ما حصلتو وغالبا الاخيرة..ولمن جا الامتحان جاب امتحان ظاهريا ساهل كل الناس طلعت مبسوطة لانو دشت ليك انجليزى تقيل ..اول امتحان بالانجليزى والناس عايزة تبرز عضلاتها .. وكان هناك ابشر وكالعادة ما قاري وما قاعد يحضر من اساسو وما عارف ادونا شنو ..جا الليلة وبكرةالامتحان وطبعا اخر جرسة وشبه مستحيل انو يحصل الحاجات كلها ..بجاي بجاي ..ادونا دي ودي وبعد داك نمت خليتو..طبعا ابشر مخو نضيف جدا بس ماليهو فارغة وكان خطاط ورسام جدا ,فقعد غاية الصباح ما نام حفظ الرسومات تمام التمام ودخلنا الامتحان الجماعة المجتهدين ناس امين وعارف وتمساح وغيرهم رشوا ليك انجليزي تقيل وابشر ما اظن كتب ليهو عشرة سطور(الراس ما فاضي يجيب من وين عاد) بس يشيل ويرسم ساكت ..طبعا طلعت النتيجة واذا بابشر جايب اعلي نمرة في الدفعة.. والناس المجتهدين جايبن cعلي الحركرك كده.. اظن عمك بول اوكلوك ما كان بيحب اللغة الكتيرة..بعد داك طبعا ابشر سلا لسانو علي الناس وانهم بلدين وهو الشاطر. بنواصل ان شاء اللله.. متوكل cm-16-87 ودي مفروض اي زول عاوز يشارك هنا ,يعرف بيهو نفسو زي فكرة الاخ/حاتم هواري ..عشان ما يحصل غلاط في الدفعات وخرخرة من الدينا صورات والمنقرضين من الاجيال المغودمة(الموغلة في القدم).. يعني ثقافة شفافية وعليها حبة عولمة كده ..

Quote: نواصل وبسرد بطىء متباعد ولعبد اللطيف الظريف التحية .. سوف أركز على النصف الاول من الثمانينات وسوف أسعى لضم أخرين للمشاركة . .عمومانجحت المحاولات المتكررة فى خلخلة رابطة الطلاب الشماليين وخرجت منها جماعة الدعوة الاسلامية واجهة الاتجاه الاسلامى وبدعم غير محدود من منظمة الدعوة بجوبا ومن طلابها مولانا على محمد عبد الله وفائز جامع والخير وحسن طمبل وللحق ظلوا يحتفظون بعلائق وطيدة معنا زغم التناحر والصراح المحتدم حتى ظهور السيخ {محمد صديق وجماعاته} مما أسبغ على النشاط الطلابى ميزة على ما يدور بالجامعات الاخرى والبقية من أعضاء الرابطة حاولنا تنظيمهم تحت تنظيم الطلاب المستفلين مثل عبد الحميد ادم واستفدنا كثيرا من زيارة جمعية الوسائل السمعية والبصرية كلية التربية جامعة الخرطوم وطلاب طب الجزيرة وقيادات المستقلين منهم عبد الناصر ومبارك ادريس واخرين بدأت الجبهة الديمقراطية وبمساعدة الكثيرين من الاصدفاء صدور جريدة التقدم وبإنتظام دون إنقطاع ومتابعة حتى من خارج الجامعة خاصة بعد صدور قوانين سبتمبر والمعارضة القوبة لها من داخل الجامعة ثم كانت الاضافة أركان نقاش الاخوان الجمهوريين ومعارضهم مما كرس اسلوب الحوار السياسى عصام خضر ؛ بول دينق؛ ابو بكر صالح وعبد الله عابدين ثم بدأ التواصلمع سياسين من داخل وخارج الجامعة منهم الاستاذ صمويل لوباى ..بيتر صمويل موقا المحاميين الاستاذ / سليمان سعيد والاستاذ صديق من الحزب الشيوعى والاب الروحى للجامعة هيلرى باولو لوفالى وبدأ نجم بعض الكوادر الطلابية فى الظهور لن نمضى دون الوفوف عند أروب دينق وكوزيتو أدوهو أروب دينق إبن أبيى الذى إقتالته ذبانية الانقاذ وفى جوفه أحلام كبيرة وفلب ببياض أسنان الدينكا وحليب أبقارهم كان يقضى معظم وقته معنا نستأنس بأغانى كابلى التى يحفظها أكثر منا ويتلاعب بقطع الشطرنج مع صديقه الودود محمد صلاح يوسف على جمعة ومحمد مندلين . . أه أروب فلقد أفل نجمك وأنت تشق شوارع الخرطوم وتدرس بمدارسها ولم تختار وقتها أقصر الطرق عن كبرياء أخجلتنا نحن . . الملف لم بغلق ولن ننسى كيف كنت تشكل لنا الحماية ونحن ندبر أركان النقاش وكيف كنت تتفدمنا ونحن نتدافع لتقديم واجب إجتماعى أنت المساهم دوما فيه بنصيب الاسد .. كذلك الزميل كوزيتو أدوهو إبن الوزير وفتها بحكومة الاقليم الجنوبى وهو من الشباب الحاضرين وسط المجتمع الطلابى يرافقه دوما زميله لويس فى تنظيم حفلات نادى الديسكو والمباريات كانا نجوم مجتمع يجيدون الرقص بحرفيى ويذينون غرفهم بترتيب عجيب كانت جلسات ما بعد الغداء منتدى لحالها فبها حشد كبير أمام فاعة الطعام جاء العام 1983 بقوانين سبتمبر وتكوين الحركة الشعبية .. سوف أعود لكيف تسلمت أول نسخة من منفستو الحركة الشعبية وكيف قمنا بعرضه والمجال متسع لمساهمات الجميع دكتور / طه كـــــــــــــــــــــــروم

Quote: بس الرجاء يا عبد اللطيف الزول البشارك عرفو بيهو مثلا زي الزول الكتب مساهمة جميلة جدا عن قافلة كادوقلي ..لانو من اجمل الحاجات في جوبا كان الاسابيع الثقافية دي والقوافل ويا ريت ناس رابطة الخرطوم والاقليم الاوسط يوثقوا لقوافلهم واسابيعهم الكانت بتجمع الناس وكذلك جمعية طب الطيران.

Quote: لكيلا يفلت المجرمون.. ضابط الأمن ::طارق الشفيع:: بعد ظهر أحد أيام سبتمبر 1991 حضر إلى مكتبى فى مقر لجنة إمتحانات السودان، وزارة التربية.. الأخ الأستاذ أروب دينق، وهو حديث التخرج من جامعة جوبا، حيث تعطلت دراسته فيها لعدة سنوات بسبب الفصل السياسى الذى عاناه هو وعدد من طلاب جامعة جوبا الوطنيين والديمقراطيين، أذكر منهم إنشراح محمد أحمد، محمد عبدالرحمن حلا، مارتن، عبدالطيف، وهالة الكارب. أحضرت كوبين من الشاى وجلست مع أروب نتبادل الحديث والأخبار.. عرفت أنه تم تعيينه معلما ًفى مدرسة الشيخ لطفى الخاصة بالنازحين الجنوبيين فى منطقة رفاعة بالإقليم الأوسط، وأنه حضر للوزارة للمكتب المختص بمتابعة هذه المدارس، وأنه قضى غرضه وهو بصدد العودة.. سألنى إن كان لدى شيئاً للإضطلاع.. بحثت فى درجى وناولته مقال مصور من مجلة قضايا فكرية، توادعنا على أمل اللقاء عند عودته مرة أخرى. توجه أروب دينق صوب محطة بصات البرارى وكان عليه المرور فى الشارع الفاصل بين داخلية البركس جامعة الخرطوم ومستشفى العيون.. فى ذلك الشارع إعترضته عربة بوكس نزل منها مسلحين فى ملابس مدنية، تم إعتقال أروب دينق بتوجيه مباشر من ضابط الأمن طارق الشفيع الذى كان يعمل فى جوبا فتعرف على وجه أروب وهو يمشى متجهاً صوب محطة بصات البرارى حيث أن أروب كان من القيادات الطلابية المحترمة والمعروفة فى جامعة جوبا، قبل نقل مقرها إلى الخرطوم. تعرض أروب الى تعذيب بدنى رهيب.. مارسه وباشره ضابط الأمن طارق الشفيع معه ثلة من عساكر الأمن. كان المقال المصور الذى أعطيته لأروب هو الخيط الذى توصل به طارق الشفيع الى عدلان أحمد عبدالعزيز، فكان أن تم إعتقالى من مكان عملى، عصر الخميس الموافق 26 سبتمبر 1991 . .

Quote: ترجمة‎ من: amal mohammad sulieman‏ ([email protected]) تاريخ الإرسال: 06/جمادى الثانية/1429 11:06:09 ص إلى: ‏[email protected]‏ ([email protected]) الاخ بهاء الدين كيف حالك اطرف حاجة يا بهاء فى ايام الماستر الاولى بجامعة جوبا لما كان الاستاذ بينده الاسماء ولما يندهوا على اسم بهاء كان بحدث لبس بين اسمك والزميلة بهاء بتاعت ( سونا ) فيما بعد بقوا يقولوا اسمك كامل (بهاء الدين ) - بعدين تنصيبك للألفة اكيد لعامل السن والخبرة وما تنسى انك اشتغلت بالتدريس يعنى بتعرف حركات الطلبة كويس عشان كدة اختاروك - اقول ليك حاجة طبعا الناس البتكسل من عمل الواجب كان مرات بيحاولوا ما يجمعوا وياخروا وقت التسليم - لكن تعرف من ما يشوفوك عملت الواجب بيجيهم حماس ودافع قوى انه يشتغلوا عشان لو جمعت انت كنت حا تجيب ليهم الهوى - يا اخى والله كتر خيرك كتير فى انك دفعت الناس دى دفعه شديدة ولم تبخل عليهم بشى . كنت على اتصال بالاخت امنه الطريفى وهى تعمل بمدرسة البراري الثانوية ، ومرة لاقيت منتصر صدفة جنب الوزارة وبقية الدفعة اخبارهم شنو؟ ذكرت انك اتصلت على الاخت محاسن بتاعة البنك الزراعى وانا يخيل لى يا بهاء انها خريجة جوبا كدى اتاكد من المعلومة دى وادعوها للمشاركة وقول ليها ما تخاف من حكاية الديناصورات دى - بعدين صور شنو البتقول ما شايفها يا خى خلى الطبق مستور (نحن صورتنا خايفين عليها ) كفاية انت وعبداللطيف ومحجوب ونتواصل ملحوظة : ( حفظا للحقوق الادبية - المساهمة التى تتحدث عن تسيير قافلة طلاب كردفان بجامعة جوبا لمدينة الدلنج كانت بمشاركة منى - عشان ما يجى زول يتغول عليها بقينا نخاف من حكاية القلع ( (سمبلة) امال نورين

Quote: و الاستاذ شرحبيل في ابداعه المعهود

Quote: Dear Abdel Latief, Salam wa Shoog Kateer to you and your participants in this long waited for post. Thanks ever so much Ya Abdel Latief for this post. I hope I spelled your name correctly. Just touching on the names’ spelling, my name should be spelled "Inshirah", however, I consciously took the decision to change it into "Enshrah" and that was while I was a student at Juba Uni. As to why I did that is because my beloved friends from Southern Sudan can't pronounce my name the way it should be, therefore, I changed the spelling of name to suit the comfort of my beloved. I don't think you have forgotten me, as of course I remember most of you very well particularly you - Abdel Latief Hassan Ali. Juba and Juba uni, for me, as I am quite sure for most of its students, it wasn't just a place to study academics. The time I spent in Juba was "an eye opener" to many crucial facts and realities of life. Juba University has shaped my identity, character, mind, heart and soul. I stand everywhere in the world to say I am a Sudanese woman who proudly did her undergraduate studies at Juba Uni, though, I don't think many of my audience as well as of my current friends understand or appreciate exactly what I am talking about or as to why I am so specific/ emotional about it. To the extend that, in many occasions, some of my friends would jokingly say, please Enshrah can we "not talk" about Juba today, then I would sadly shut up. For me, before joining Juba Uni "the Southerners" were the "others" i.e. the unknown. When I ask myself - what did I know about the South and people live there before then. The answer is always, well I don’t know Southerners are the Southerners and the South is the South of Sudan and I am quite sure the same goes for the Southerners themselves when they try to define the Northerners of course prior to the experience of Juba Uni. Therefore, "We are" among the luckiest in Sudan to have traveled from all over the country and have lived together in that place called "Juba" . Being a Juba student has taught me that the only way to have a peaceful and developed Sudan is by respecting the cultures and the identities of all of us regardless of our backgrounds. It has also taught me social justice is not about slogans and speeches, but is about accepting each other and treating each other on equal footing. I don’t want to scare off some people from this post and turn into a political platform, though I can’t talk about Juba without stressing the political side of the story. Therefore, I have a sincere message for those who still have Juba in their hearts and minds that "Juba needs us more than ever", thus, we should not turn ourselves into passive historians i.e. only documenting the past events, but should look at ourselves as active agents of change and there is lot waiting for us to achieve. I have a lot to say and I have a lot to share with you - the unavailability of an Arabic keyboard has completely put me off right now- will sort out myself and get back to you. Before I go let me say ‘ Let the memories of our passed colleagues lit our lives" . I dread to mention names, however, in many occasions I sweetly remember the strengthens, the dignity and the clear of vision of that Comrade called Arop Deng. Arop the son of that woman called Awore, I hope she is alive after what had happened and what is happening to Abyai, where that knight came from. Jus to tell you about my personal circumstances, after more than ten years in the UK I moved to work in West Africa. I am married and have a lovely little daughter, her name is Fatima. Fatima is quite confused about her racial identity and I wonder if Dr. Karaum could give me a hand to put her on track as he put her mother. For those of A’bdeen, Alnaji and the rest of that gang, wherever they are right now, I would say "what goes around comes around". Hence, this is not the end of the story. Hugs enshrah

Quote: "Juba needs us more than ever", thus, we should not turn ourselves into passive historians i.e. only documenting the past events, but should look at ourselves as active agents of change and there is lot waiting for us to achieve

Quote: الاخ عبداللطيف و الزملاء بالجامعة سلام تاكم الليلة الكلام عن بداية دخولنا للجامعة ، بعد اعلان قبولنا بجامعة جوبا قمنا باجراءات التسجيل الاولية واللى كانت بمدرسة الاحفاد وصراحة قبل الجامعة انا كنت لا افقه فى ام درمان شيئا وما عارفة الاحفاد دى وين - رغم انى من سكان الخرطوم وتحديدا كوبر - لكن كتر خير اخينا ( عبدالرحمن صالح المحامى الان وهو كان صديق لاخى عبدالفضيل - وبالمناسبة هم زملاء ودفعة د عامر تاج الدين خريج طب جوبا فى ثانوية الخرطوم القديمة ) قام ارشدنى لموقع المدرسة اللى فيها التسجيل - وشفت الواحد تقول ذى الماشين يسجلوه للمدرسة اول مرة - اها يا زول ودتنى زولة جارتنا وهى كانت تسبقنى فى الدراسة ( ثريا) لغايت ما قمت بالتسجيل والواحد كان فرحان ومتشوق شديد للمرحلة الجديدة بكل خفاياها واسرارها - لكن بعض الاخوة على ما اظن بعض السناير قالوا لينا انتو بعد ده امشوا ارقدوا ليكم سنة كاملة حتى تنزلوا ؟؟؟؟؟؟؟ لانه نظامها كدة ( انه اى دفعة بتجمد سنة ) وفعلا صدقنا لانه دفعة 89 كانت فى بداية السنة الاولى و جانا ليك احباط شديد وقررت انى امشى اقدم استقالتى من الجامعة واجلس مرة تانية للشهادة السودانية، لكن طبعا ما لقيت زول ايدنى فى كلامى وقالوا لى انتظرى السنة بتمر سريع - اها بعد داك استسلمت وقررت الصبر على السنة وفى احد الايام تجى الزميلة رجاء قدف ( الله يطراها بالخير ) الى منزلنا بكوبر وتخبرنى بان (intensive course)قد بدأ وبالفعل ذهبت الى امدرمان حيث مقر الدراسة والسكن بداخلية المعلمات با مدرمان ، وبصراحة الفترة بتاعة الكورس دى مغزاها كبير جد وهى بتعتبر النواة والبذرة للأنتماء الحقيقى للجامعة لانه طلاب الكليات الخمس بيدرسوا فى مكان واحد وفى مواد مشتركة بينهم فبالتالى الواحد بلقى نفسوا بيعرف كل ناس دفعتوا( الا لمن ابى ) وطبعا اخوانا السناير الله يطراهم بالخير كل ناس ولاية جايين يشوفوا طلبتهم الجدد منهوا وكل زول داير يستقطب ليهو زول واحنا المساكين ما جايبين خبر للشغلانه دى - من المواقف الطريفة اللى بتذكرها انه فى احد الايام وانا راجعة مساء الجمعة للداخلية با مدرمان وانا راكبة فى الحافلة قام ركب واحد ولما جاء يجلس فى المقعد ومن غير ما يقصد ضربنى بيده على راسي واعتذر لى فى الحال - اها بعد ما نزلت اعتذر ذلك الشخص للمرة الثانية وطبعا لما شافنى شايلة شنطت وعاملة ليك فيها طالبة جامعه قام سالنى وبصورة مباشرة وقال لى انتى بتقرى فى جوبا ؟ قلت ليهوا باندهاش ايوه - فقام مباشرة عرفنى بنفسه وقالى لى انا ( كمال خليفة طالب موارد فى جوبا ) ودى كانت اول مرة الاقى فيها واحد من السناير مصادفة واتعرف عليه ( فالف رحمة تنزل عليه وجميع من فقدناهم بالجامعة حاجة تانية بتذكر استاذ تعبان بتاع التربية ادانا مادة عن التربية فى الكورس وكانت بتتكلم عن بدايات التعليم فى مناطق السودان المختلفة والصعوبات اللى واجهته - فقام ذكر انه فى منطقة معينة بالسودان ابتعثت ليها وزارة التربية احد المعلمين للتدريس فقام اهالى المنطقة بقتله لاعتبارات معينه فى ذلك الوقت - وحقيقة كلام الاستاذ ما عجبنى ( وراس السوط هبشنى - لانى من الولاية اللى حدثت فيها الواقعة ، فقمت تحت - تحت احتجيت وقلت ليهوا الكلام ده ما سمعت بيهوا - ما رد على فى لحظتها وقام بعد المحاضرة وانا بالحوش نادانى ومسكنى فى يدى بحنيًة الاستاذ المربي وسالنى من منطقتى وذكرتها ليهوا - فقام قال لى المنطقة الحصلت فيها الواقعه بالتحديد وبتاريخها وقال لى يا بتى انتى الوقت داك امك ما عرسوها بعد فترة شهرين الكورس اللى قاموا السناير سموها ( بالتصبيرة ) رجعنا الى منازلنا الى حين انتهاء العام لبداية السنة الجديدة - ولكن تأتى بركات السماء وتقرر ادارة جامعة جوبا والحاقا لرصفائنا الطلاب فى بقية الجامعات وعدم تضييع سنة دراسية من عمر الطلاب بدء العام الدراسي لنا فى ذات الفترة وبالفعل بدأنا السنة الاولى جنبا الى جنب مع طلاب الدفعة 89م ليتم دمج الدفعتين 89+90 فى السنة الثانية لتصبح دفعة واحدة وللحديث بقية امال نورين اقتصاد90

Quote: فقام مباشرة عرفنى بنفسه وقالى لى انا ( كمال خليفة طالب موارد فى جوبا ) ودى كانت اول مرة الاقى فيها واحد من السناير مصادفة واتعرف عليه ( فالف رحمة تنزل عليه وجميع من فقدناهم بالجامعة

Quote: الاصدقاء في البوست قبل ما نواصل معاكم تاني ونبراكم بايامنا في جوبا اواخر الثمانينات ..اسمحوا لي بتحية للمتداخلين هنا ..عشان عايزين البوست ده لفوق.. د/بوب ..لم نتشرف برؤيتك او معرفتك في جوبا ,رغم سيرتك المحترمة....ولكن زاد هذا البوست شرفا حضورك. .. كروم ..من غيرك يوثق للجامعة مثل هذا التوثيق الرزين والمتامسك ويا ريت كان جا ايضا الاخوة الاسلاميين(الدعوةو حزب الامة وغيرهم ) ..لتكتمل الصورة استاذ/زين العابدين حسن.. حضور جميل ويا ريت المزيد من جوبا في ذلك الوقت ..وهل صحيح انو قريتو الانتنسف في نيروبي(عظمة شديدة!) الاستاذ بهاء الهادي والاستاذ الطاهر عثمان واستاذ علي النعيم وطبعا ما شاء الله مخضرمين بمكنات حديثة يعني ممكن تلعبوا علي الحبلين. انور الحاج.. علي بحر ..يا خي ما تواصل في حكيك الجميل بكثير من عربي جوبا حاتم هواري...كان عندكم اظرف دفعة وبها كمية من الكوارث الطبيعية(النذير كنجر وخالد مبشر نموذجا)..وباقي الشباب ياسر جلال وطارق فقيري وريم بشير ..ورينا الحاصل عليكم شنو؟..تحية .. امير او عامر جابر وعبد المجيد صالح ,ابوطالب القرشي ..ادخلوا طوالي وبطلوا تعملو اولاد صغار..وللمعلومية اي زول دخل الجامعة قبل 2000او 2001 ..يجي معانا بجاي! .. د/قسم السيد..ما عارف اذا تذكر مشيت معانا حاج عبدالله وجا معاك روميل عشان الايام العلاجية العملناها وكان معانا عاطف جودو وشوم الطويل وعمر عثمان ومحمد الامين وعامر ..مازلت محتفظا ببعض الصور وانت ظاهر فيها ..وياخي دفعتكم دي من اميز الدفع اكاديميا.. امال نورين..ممتاز ..ماشين كويس منال والهام..ياسلام عليكم وعلي ايامكم وما عارف يا منال اذكرتيني والا لا..محبة كبيرة في قلبي.. امال..تحياتنا وما تخافي من حكاية الدناصورات والمخضرمين دي ..ديل عارفين روحهم براهم ..تعرفي بجيبتك سيرة ا/جون موشيك ده مؤكد في كم زول كده تحسسواروؤسهم!.. كبر..انت موكد زول جوباوي ضل طريقه لجامعة اخري ..وعضوية شرف شنو العايزين يدوك ليها ..انت سيد بيت ياخي. التجاني..نحييك ووريتنا حاجات اول مرة نسمع بيها..لا بد ان تكون فخورا بنفسك.. محجوب..تحيات زاكيات ومحمد موسي ده..صديق وجار ورفيق مشوار المدرسة الصباحي واخر اليوم (السني الثانوية-مدني)..وهل تعلم انو هو السبب في دخولي جامعة جوبا-عامل راسو الشين ده-ما عندك ليهو درب؟ وياحاتم ما تكسل اكتب عن قافلة الفاو عند ناس ايمان فتح العليم وعندما غنت سمية الجوخ حيرت قلبي معاك وكيف الناس جنت..وطبعا اتفق معاك انها اجمل صوت نسائي سوداني..ربما مع حنان النيل والبلابل..وكلامها كان زى كلام الامهات والحبوبات الحنين داك..اتذكر ان موتها كن فاجعة (لها الرحمة).. انشراح..اسم كبير طالما سمعنا به(كشخصية قوية ومصادمة)..فالظاهر كان عندهم حق..بنرجاك.. عبد اللطيف ..شكرا تاني ..لولاك لما كان هذا التواصل ..وانا بمشي وبجيكم تاني مع ايامنا في جوبا وبالمناسبة توقع مشاركة مجيهة من جدو ... شكلي استلمت البوست ده والا شنو؟! متوكل

Quote: مرحب بناس جوبا منى كوستى بتاعة تربية اتذكرتها لانها كانت صديقة رجاء قدف وكوثر بخيت - بس سناير موارد انا ما كنت بعرفهم يمكن لانهم كانوا بعيدين ( الرميلة - الكدرو) بعدين بينى وبينك كنا صغار وما بنخش فى الناس سريع دة طبعا استنادا على كلام اخونا جمعة كوكو اللى قال لى والله بقيتوا فصيحين وبتاعين منضمة الواحد فى الجامعة ما كان بقدر يفتح خشمة معاكم . الاخ / متوكل شكرا على التحايا العطرة ورغم انه معظم المتداخلين الواحد ما حظى بملاقاتهم فى الجامعة الا انه الواحد سعيد ببوست اخينا عبداللطيف اللى جمع الناس دى وبدون مبالغة الواحد بشعر انه ناس جوبا ديل اخوانه عديل كدة - واقول ليك حاجة غريبة خلاص مرة ابتعثت فى كورس من الوزارة فى معهد(سلتى) وبتكون فى كم دورة مختلفة فجات سلمت على واحدة وقالت لى انا شفتك فى جامعة جوبا وبالفعل قد كان ، فذهبت الى اخ اخر خريج جوبا واخبرته وكان يدعى امين خريج اقتصاد ويبدو انه من كوستى - ده ما امين الزبير ، وقابلت ايضا الاخت رشيدة بتاعة جيلوجيا واتعرفنا بيها فكانت صدفة جميلة خلاص - بعدين ناس جوبا ما بتغابوا العرفة فى بعض يعنى الوجوه كلها مألوفة للناس . (وللمعلومية اي زول دخل الجامعة قبل 2000او 2001 ..يجي معانا بجاي) ما كنا كويسين يا متوكل - مالك عايز تدخلنا فى (older list) انت شغال فى القومسيون يا متوكل لانه بعد شوية انا خايفة تكون فى طلبيات لشهادات تسنين وكده لانه بينى وبينك الغلات حا يكتر وما عارفين الفيصل حا يكون شنو الدفعات ولا شهادات الميلاد ودمت

Quote: اليلة الوريدة علي يا عبد اللطيف بعدين شايف استاذ الزين ظهر يا جماعة اى زول من كلية تربية يعمل انتباه

Quote: كبر..انت موكد زول جوباوي ضل طريقه لجامعة اخري ..وعضوية شرف شنو العايزين يدوك ليها ..انت سيد بيت ياخي.

Quote: لكن كراساتي يا جماعة..القصة قصة حقوق و كده..لأنو الواحد احتمال يعمل ليهو بيزنس بتاع نشر و كده..و يا عامر ليك عشرة في المية لو رجعت كراساتي بالسلامة..

Quote: يا راجل المرتين امسك في واحدة بس ان لم تستطيعوا ان تعدلوا ولن تستطيعوا فواحدة.. انا غايتو ما حافظ كويس لكن برضو برشدك الي السراط المستقيم حتي اشعار آخر..!

Quote: ماقلته شكرا للاغتية وفى موضوع الموقع الراى شنوا؟؟

Quote: انا محمد حلا .. هكذا حافي إلا من شوقي الكبير للذين عبروا في ومن جامعة جوبا سنترك الباب مفتوحا ثم نقرر فرز الكيمان الي مجموعة فقرات هي اجندة البوست في مرحلة ما بعد اللعب المفتوح اولا .. اي زول يتكلم عن حبيبته (حتى لا يندس عبداللطيف حسن على في عباءة - فنانة مرهفة ففي تاريخه ىخرين لم يغنوا في المسارح او ربما حلم باخرين ) .. أعلم ان طه كروم كان خلف الكواليس _ وحات يوسف ما زالت مفاتيحه ضائعة ارجو ألا يطول الانتظار

Quote: واخير ننقد تجربتنا السياسية اعتمادا على منهج اليوم دون عزلها من شروطها التاريخية وادوات استنطاقها في واقعها الموضوعي دون تشويه

Quote: عندما تتفقون على هذه الاجندة سنبدا بجدو و اخرين حاتم يوسف يصلح حالة للتحليق

ويا محمد نوري اقصد محمد حلا الجند الاول ده مشكلة ذات ثلاثة محورين:

المحور الاول :- الحصول علي اذونات نشر من اصحاب الملكية والحقوق المجاورة الحاليون.

المحور الثاني :- الحصول علي اكواد خاصة بالنشر.

المحور الثالث :- ويمكن تجاوزه في حال تحقق الاول وهو ضرورة انقضاء( المدة القانونية )

لنشر مثل هكذا وثائق ..المدة دي كم في الحالة دي؟!

Quote: Flag this messageSalam Wa Kalam KateerFriday, 13 June, 2008 7:10 PM From: This sender is DomainKeys verified "Enshrah Ahmed" Add sender to Contacts To: [email protected] Ya Abdle Latief and his guests, Thanks ever so much for your kind words. I always say to myself - if I were to rewrite my history, then I would have chosen to hold on to two aspects of my present life; 1) To have chosen my father to be my father 2) To have picked up Juba Uni to be the institution where I do my undergraduate studies. Therefore, I have all the reasons to be proud, happy and completely satisfied, albeit sad, about what my role was at Juba Uni to the extend that “I am fanatic about it”. Let me share with you one of my favourite real life stories in Juba Uni which really made me very proud of myself and my colleagues at that time.. That was when the members of the DF decided to use their spare time to teach at Juba secondary schools. At the time the secondary school in Juba town suffered from acute shortages of teachers. Abdel Latief, I think you were with us. We wrote to various secondary schools around the town to ask if they need our serves/help as volunteer teachers. Subsequently, we received a number of positive responses, straight away, we organised ourselves according to our individual comparative advantages. As any regular university students, we used to attend our lectures, then work in rotation using our leisure time to teach various subjects at various schools. I remember I was teaching geography at some school which, was not far from the university campus, I forgot the name of the school, it was so enriching experience. I remember, once I had to explain to the students some issues pertaining to "map readings", then I jumped on the chance to teach the young fellows about Africa, I went on and on to release all my emotions on how Africans are great people and how the history has misjudged us "as Africans". I would never forget the unanswered questions in the eyes my student as well as their body language.. They were quite puzzled by this “Mandokoro” who came to tell them about "How proud we should be as Africans", what does she know about her own identity?. At that age, just talking about my own self "all emotions were at stake" waiting for a chance or a person to ignite them. Therefore, as I said before "This Juba Uni is an eye Opener" , whoever passed through its experience and felt s/he has not been unshaken, then s/he has lost it and lost it forever. The other favourite story that I want to share with you is when we were "detained without charge" for a month right at the centre of Juba town. As you are following, Dr. Karaum and the others have already started documenting this period, however, what I am attempting to do is to handle the public reactions to our detention. Later on will get back to see if I could fill the gaps that, my colleagues who documenting this period, might have left it raw. By the way, we were I guess 26, however, this story is about my own reading. Therefore, the consequences of any disclosures are mine. Having said that - all are welcome to claim, enjoy, add as well as dispute whatever I have about to write. Anyway, let's get back to July/August 1987- this was the last month I spent in Juba . It wasn’t my first detention in Juba , though, it was the longest. During this period everyday in the morning some Juba kids in their way to schools they would decorate the barbered wires of the police station, where we were detained, with wild flowers. During this period, our clothes would be taken outside the police station, washed, ironed and brought back the same day. During this period, our food, tea and coffee were brought by the people of "Atla’ Barah". The women who were working as cleaners and tea sellers in and around the university had, for some reasons, decided to identify themselves with us. During that period I have seen my own investigators crying literally crying and they would come and ask us to sing our "revolutionary songs" for them. During that period my lecturers brought me sweets, tea, books and secretly told me in my ears that what I was doing was right. During that period my own friends and colleagues who were not detained with us, they would spent days and nights with us in the detention. During that period a colleague of us bought a local mat, sat over it , for a month, at the courtyard of the police station to protest her own way against our detention. The bond I felt with the people of Juba during that time has never left me. During that period I have also seen the other part of the coin, I have seen some students, some lecturers and some people of Juba " mainly from the Jallabh" allowing themselves to give us names, insult us and wish us to disappear from the surface of the earth, as we brought them shame by working together with own brothers and sisters “ the Southerners”.. It was one month, however, the events were so intense and I feel like it is encapsulated years and years of my life. I felt my political experience has matured. I felt I am ready to voice my concerns and make sure others are listening to me and taking notes. I felt I will never be the same. I felt this is a new era of my life. But I also felt it is going to be a long way ahead and it happens to be true. 20 years later and no one has got the guts to tell me what were the charges brought against us!! Has anybody known... Will get back Hugs enshrah