ثورة أهل العوض المسلحة

حفل دعم الجالية السودانية بمنطقة واشنطن الكبري بالفنان عمر احساس
سارة عبد الباقي الخضر ...فى الذكرى الخامسة لاستشهادك ...دمك دين علينا
هزاع عز الدين جعفر....لك التحية و الانحناء فى الذكرى الخامسة لاستشهادك
د.صلاح مدثر السنهوري....فى الذكرى الخامسة لاستشهدك ارقد مرتاح...ولن نترك السفاح
علم الدين هارون عيسى عبد الرحمن....فى الذكرى الخامسة لاستشهادك تارك فى رقابنا
بابكر النور حمد...فى الذكرى الخامسة لاستشهادك.....لن ننساك
وفاء محمد عبد الرحيم عبد الباقي...فى الذكرى الخامسة لاستشهادك.....دمك لن يذهب هدراً
محمد آدم على ابراهيم...فى الذكرى الخامسة لاستشهادك.....ودعطا لن نتركك ولو طال الزمن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 03:07 AM الصفحة الرئيسية

مكتبة محمد قاسم(ودقاسم)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
22-10-2003, 12:16 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


ثورة أهل العوض المسلحة

    قال شيخ من أهل العوض :
    نحن آجنيات سكتنا وشلنا الشيلة ، وقلنا الناس ديل أخوانّا ومافي مانع نقسم معاهن شقانا وعرقنا ، لكين هن ما رضوا ، وقالوا دايرين يقعدوا مع الحكومة ويقسموا معاها ، بس المشكلة هم ناسيين أنو الحكومة ذاتها بتاكل من عرقنا ومن شقانا نحن ، الحكومة لا زرعت لا حشّت ، ولا ربّت ولا رضّعت ، القطن ده من الله خلقنا نحن نزرعو ونحشّو ونسقيهو ونرفع جداولو ونشلخو ونلقطّو ونكبسو في الشوالات ونرحّلو للمحطة فوق جمالنا وحصينّا ، ونرجى الحساب البجيبو لينا ، ونرضى بالقاسمو لينا رب العالمين ، ونقول كان في شيتا شالوه منّنا بيمشي لي أخوانّا كان في الشرق وللا الغرب وللا الجنوب وللا الشمال .
    بس أخوانا طمعو كتير وقالوا داريرين حقهم ، سووا ليهن حق في شيتا لا زرعوه ولا حشّوه ولا لمّوه ، عاد آجماعة الحق ده كيفنو ؟ نحن زرعنا وسقينا وحشينا ، ولما قطنّا نوّر قلنا ليكن تعالوا ، القطن قرّب يفقع ، تعالوا لقطوه معانا ، قتّو : لا ، نحن ما ناس لقيط ، نحن بنبيع الموية في الخرتوم ، ونحرس العمارات والبيوت البيبنو فيها جديد ، ومشيتوا وخليتونا ، ونحن قمنا اتحزمنا واتلزمنا وشمرنا ولقطنا القطن ، شيتا قدرنا عليهو ، وشيتا خليناهو في شدرو ، وصلناهو لمن بقى دولارات ، ولمن جاء وقت القروش جيتو قتّو دايرين حقكن ، عاد آجماعة حقا ليكن وين .
    الحكومة قالت الناس ديل عندهن حق ، والناس ديل شايلين سلاح ، ونحن لازم نديهن حق ، وكان ما أديناهن حقهن بسوو لينا حرب ، دحين آجماعة إتو اتنازلوا من حقكن لي أخوانكن ديل .
    قلنا آجماعة ما في مشكلة نحن اتنازلنا ، وعمرنا كلو نحن متنازلين ، لكن الجماعة ديل لما جاهم البترول والبلد بدت تصّلح فندروا فد مرة وقالوا تب ما معانا شريك . الحكومة قالت : آي ، كلام الجماعة ديل صاح ، بس نحن بنحنّسن عشان يدونا شوية بترول معاهن ، والحكومة حنست الجماعة ورضوا يدّوها شوية بترول ، لا حايق جاي ولا جاي ، أها قنّا ليهن ما دام أبيتو بي بترولكن نحن كمان بنابى بي قطنّا ، وكل زول يموت بي شغلتو ، قالوا لا القطن ده من زمان مقسم ، وما في طريقة يتغير تقسيمو ، ونصيبنا منّو ياهو نصيبنا ،
    قنّا ليهم الكلام ده عيب ، وده كلاما بجيب اللوم ، قالوا والله يجيب اللي يجيبو ، نحن ما عندنا شغلة ، الحكومة قالت : آجماعة هوي ، الناس ديل معاهن سلاح ، ونحن ما بنقدر عليهن ، وامريكا معاهن ، دحين آجماعة ارضوا بالقسمة القالوها دي .
    قلنا للحكومة : خلونا نقعد برانا ونشوف كلامكن ده ، ونقلّبو جاي وجاي ، وبعدين نقول ليكن راينا ، الحكومة قالت : بس ما تطولوا ، عشان أمريكا دي مستعجلة والجماعة ديل زي ما قّنا ليكن شايلين سلاح .
    قعدنا أنا وحاج علي وحاج أمحمد ود الزين وحاج بخيت ود النور ومعانا فاطنة بت دفع الله ، قعدنا في ديوان حاج الطاهر ود اللمين ، والطاهر زاتو حاضر معانا .
    آزول قدر ما نضمنا ما اتفقنا ، وشوية شوية جونا الوليدات ، وشوية آزول جاتنا البنيات ، والحلة كلها آزول إنخمت ، تقول في زولا كورك ليهن ، والله ناس جوة الديوان ، وناس قاعدة في الضل ، وحاج الطاهر ووليداتو ما قصّروا والله كفّوا الناس كلّهن ، شاهي وموية ،
    أها آزول بيني وبينك الوليدات والبنيات راين غلب علينا نحن الكبار ، وقالوا ستين يمين ما نقبل بي جنس الكلام ده ، وقام ود الحسين آزول نضم ، باقي هو ولدا متعلم بلحيل وقاري ، وكمان كايس بلدة ، بعرف الناس كلهن ، لي ناس الحكومة ديل آزول بعرفن واحد واحد ، والله الجنا مو جنا نصاح ، مرق ليهن المدسوسة كلها وما خلا ليهن جنبا يرقدو عليهو ،
    والله آزول أتاريهن كلهن حرامية ، ونحن أتارينا ما جايبن خبر ، قلنا الجنيات المتعلمين ديل مادام عارفين متل ده ، مالن من زمان ما فتوه لينا ،
    آزول الجنا ود الحسين قال لينا تب ما ترضو ، أكان دايرن يقاسمونا في قطنّا ده ، نحن كمان نقاسمن في بترولن ، وأكان مادايرين يقاسمونا في البترول نحن بنمسك قطنّا علينا .
    قنا لي ود الحسين ، تعال آجنا ، إت بتقول كلاما متل ده ، وأكان الحكومة دي جاتنا بي سلاحا نسوي شنو ؟
    قال ود الحسين : اللي يقابلكن بالسلاح قابلوه بي السلاح ،
    قنّا لي الجنا : آجنا سلاحا لينا وين ؟
    قال :
    العكاكيز والفرارير والسككّن .
    قلنا ليهو الناس البيكاتلو ديل عندهن غابات وعندهن جبال ونحن ده كلو ما عندنا
    قال :
    أدخلوا غابات القطن ، والعيش ، ألبدو في أمّات عشارين ، ووسط العدسي

    وهكذا انطلقت الثورة المسلحة تقودها جبهة تحرير السودان الجديدة جنودها وقياداتها هذه المرة من أهل العوض
                   |Articles |News |مقالات |بيانات

22-10-2003, 01:22 PM

Omer54

تاريخ التسجيل: 10-02-2003
مجموع المشاركات: 783

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: ودقاسم)

    و مشينا لي عند سيدي ... لقيناه في صف الجماعه... قال ما عندكم حق و ناس البترول الحق كله معاهم...

    قللناله سيدي عيب ....

    غايتو تاني ما اظن نكون من ناسه.

    ولا مش كده يا ود قا سم
    .
                   |Articles |News |مقالات |بيانات

22-10-2003, 01:27 PM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20207

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: Omer54)

    ود قاسم
    أنتو عندكم قطن و أب عشرين تندسو وسطهم ،، نحن شريط من أشجار النخيل و بي فوق عتمور ،، العميان يجيب خبرنا بي نبلة ،، وين نروح ،، إلا كان نقع بيهم البحر
                   |Articles |News |مقالات |بيانات

22-10-2003, 02:43 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: ابو جهينة)

    أبو جهينة
    لك التحية
    ما عليكم إلا أن تنضموا لثورة أهل العوض ، كما انضم الانقسنا وجبال النوبة وأبيي إلى الحركة الشعبية
    وعند التفاوض نسميكم المناطق الحليفة ونطالب لكم بحقوقكم
                   |Articles |News |مقالات |بيانات

22-10-2003, 01:39 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: Omer54)

    أجنا هووي لولوتك دي نحن ما بندوره ، سيدي ده السر كلو وهو دائما فارش تبروقتو وجار لينا سبحتو ، ومخلي شهدانا ريحتن مسك مسك
                   |Articles |News |مقالات |بيانات

22-10-2003, 02:33 PM

Omer54

تاريخ التسجيل: 10-02-2003
مجموع المشاركات: 783

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: ودقاسم)

    و الدليل علي دا كسلا و هموشكوريب.
                   |Articles |News |مقالات |بيانات

22-10-2003, 03:11 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: Omer54)

    سيد أهل العوض واحد تاني غير سيد ناس كسلا وهمشكوريب
    سبحتو لالوب وحباتها ألف ، وسيدها ما بنوم لا ليل ولا نهار
    وكان دايرلك مدد قول عوووك
                   |Articles |News |مقالات |بيانات

23-10-2003, 04:23 AM

SAMIR IBRAHIM
<aSAMIR IBRAHIM
تاريخ التسجيل: 05-01-2007
مجموع المشاركات: 2628

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: ودقاسم)

    عووووووووووووووووووووك
                   |Articles |News |مقالات |بيانات

23-10-2003, 07:51 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: SAMIR IBRAHIM)

    الأخ سمير
    شكرا لرفع البوست
    وجاااااك المدد
    بس شد حيلك
                   |Articles |News |مقالات |بيانات

23-10-2003, 10:10 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: ودقاسم)

    بدأ الدراسات لخزان سنار سنة 1912 م أيام الحكم الإنجليزي ، ولم يبدأ العمل في تجهيز الخزان إلا بعد انتهاء الحرب العالمية الأولى ، واكتمل البناء عام 1924 م وتم تجهيز الترع الرئيسية والفرعية ، وبدأت زراعة المشروع فعليا في سنة 1925 م ، وكانت تلك المرحلة الأولى في المشروع . أما المرحلة الثانية في اكتمال منشآت امتداد المناقل في عام 1959 م ومن ثم بدأت الزراعةفي السنة التالية .
    والمشروع يقع في السهل المنبسط بين النيلين الأزرق والابيض ويروى بكامله من خزان سنار على طريقة الري الانسيابي ، كما تتمتع منطقة المشروع بمستوى معقول من الأمطار الموسمية في الفترة بين يوليو وأكتوبر .
    يدار المشروع بإدارة موحدة تنطلق من بركات بود مدني ، وينقسم إلى إلى أقسام رئيسية ، ثم ينقسم كل قسم إلى مجموعة مكاتب فرعية يسمى الواحد منها( تفتيش )
    ينقسم كل تفتيش إلى أقسام أصغر يسمى الواحد منها ( ترعة ) والترعة تحتوي على عدد من الأقسام يسمى الواحد منها ( نمرة ) ثم توزع كل نمرة إلى عدد متساو من الحواشات وهي المساحة المخصصة لكل مزارع ،
    يتبع المشروع دورة زراعية رباعية في بعض مناطقه وثلاثية في مناطق أخرى ، ويزرع القطن تاريخيا كمحصول أساسي ( يقول بعض المهتمين أن المشروع أقيم أساسا لزراعة القطن وتوفير الخام للمصانع الإنجليزية) كما تزرع الذرة في مساحة تساوي تقريبا نصف المساحة المزروعة قطنا ، وكذلك يزرع الفول السوداني ، والقمح وبعض الأعلاف كاللوبيا وأبوسبعين والشعير ، وقد تمت تجربة زراعة الأرز بالمشروع ، وهناك أيضا الخضر والفواكه في مساحات أقل .
    المساحة الكلية للمشروع هي 2,1 مليون فدان
    تتخلل المشروع شبكة سكك حديدية خاصة بالمشروع ومنفصلة عن الشبكة القومية ، وهي مخصصة لنقل القطن من مناطق الإنتاج إلى المحالج في مارنجان والحصاحيصا ، أما الطرق البرية عبر المشروع فهي طرق ليست مسفلتة وليست جيدة وتسوء كثيرا في موسم الأمطار .
    سأواصل

    (عدل بواسطة ودقاسم on 23-10-2003, 10:54 AM)

                   |Articles |News |مقالات |بيانات

17-11-2003, 11:59 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ثورة أهل العوض المسلحة (Re: ودقاسم)

    اتحاد مزارعي الجزيرة والمناقل من أقدم التنظيمات النقابية في السودان وقد برزت أسماء مثل
    الأمين محمد الأمين
    يوسف أحمد المصطفى
    برقاوي
    أبوسنينة
    حمد النتيفة
    العمدة الريح
    ويقوم الاتحاد بدور كبير في الحفاظ على حقوق المزارعين ، وينظم صفوفهم ويرفع مطالبهم ويراقب التزام الحكومة تجاه المزارعين وتجاه المشروع .
    وتصدر جريدة الجزيرة وهي جريدة شهرية لتعبر عن الاتحاد وتنقل أخبار المشروع وإدارته وتقدم مواضيع عديدة تختص بتنمية وتطوير المشروع .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de