|
Re: العشـــــــــــــرة الأواخر (Re: تاج السر حسن)
|
الخال ود قاسم دخلت وكنت قايلها عشرة رمضان لكن لقيتك بتكتب عنى انا مش طه ابوى مزارع بشتغل باليومية امى امراة امية وتجيب الموية من الامية... بس انا كنت شاطر شوية... مرات بجى الاول وكتير بجى الثاتى وما بعرف دروس الضهرية... امتحنت الشهادة الابتدائية... وجيت ثانى المركزية... مافى زول زغرد لى عشان امى امية... بس سمعت النسوان يزغرد فى ساحة المدرسة الورانية... قالت تشوف الفرح شنو وتشارك زى نسوان الحلة قالو وليد فاطنة جاء التاسع ياريتو وليد البنية...
اتم ليك الحكوة ساى احسن انا طبعا مافى زول كان بسالنى جيت الكم لا امى لا ابوى لانهم اميييييييييين لما امتحنت الشهادة الابتدائية جيت ثانى المركز ل 85 مدرسة.وما كان دا بحصل من زمن لان اولاد الريف اشطر من اولاد ابقوتة وكانو مسببين لينا عقد...ومعاى زميلى يتيم امه اسمها فاطنة جاء التاسع..طبعا امه متابعة لدراسته وتربيته اها قلبت الدنيا فرح ..لما ولدها نجح...وخرجن نسوان الحلة يزغردن معاها امى تفرح لفرح تلك المراة التى نجح ولدها..وجاءت امى راجعة عشان تواصل فى خدمة البيت ابوى قام سالها..الزغاريد شنو ياولية قالت ليه فاطنة جارتنا ولدها نجح..اها انتى ولدك جاب شنو...هنا تذكرتنى امى وقامت تجرى وتفتش لى فى اللمة ..ولقتنى انت جيت الكم ياشييطان قلت ليها الثانى احسن من ولد فاطمة ..اها امى بقت تصيح فى النسوان ولدى احسن من ولد فاطنة ولدى احسن من ولد فاطنة ولدى احسن من ولد فاطنة ولدى احسن من ولد فاطنة...مافى زول جاب ليها خبر..لانها ما متابعة وماالمرة سرقت الاعلام منها وولدها يتيم ووحيد.....لكن يوم التكريم امى اتجدعت واتبسطت خلاص من الحادثة ديك الشاى حقى زاد والماصريف زادت..وبقت تسالنى جيت الكم ياولد..الى ان فارقتها للعالى والهند والسعودية
شكرا ياخال وانت دائما مذكرنا بماضى ريفنا الحنين
|
|
|
|
|
|
|
|
|