|
|
|
 Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
المدهش والارقي هنا في دولة قطر هو وانت جالس القرفصاء في مكانك تاتيك الطيارات بمن تحلم وتمني نفسك برويتهم...
بلية
ماردونا
باكنباور
سيرينا ولميز
فينوس وليمز
رومايو
وعيال ديبور...
وايوبا
ورباح مادجر..
وفوق كل هذا الحكم الاسطوري ابو صلعة الذي كان يمارس دهشة التحكيم في الدوري الايطالي
صرة في خيط وبخبطة احتفال تلقي العالمين ديل كلهم قدامك حتي تصاب بالخلعة
| |
 
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
رباح مادجير..
لعل الاقدار هي من قذفت بي بالسكن علي مرمي حجر من استاد السد في نسخته القديمة وقبل تحديثه لكي يصبح لوحة.. وفي الشهور الاولي من المجي الي هذا البلد المضياف تظل بعد العادات كالتفرج في تمارين الفرق باقية وتجد لها مساحة وزمن..
ففي احدي تمارين فريق السد (الذي صار هو فريقي لفترة) قبل التحول الي الريان كان هناك وجها مالوفا
يدير المران برشاقة وحرفنة ومهنية عالية.. ايوووه اذن انه مادجر الجزائري صاحب الهدف (البقدم) واحلي الاهداف في احدي البطولات.. وحتي تفنيشه من السد لم افوت مران لهذا اللاعب الخطير السابق الخطير الذي صار لاحقا محللا لا يشق له غبار..
واهل المغرب العربي لهم لغة عربية مميزة تكاد ان تري الكورة تتسرب في حروف حديثهم فهم خير من تحدث عنها
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: humida)
|
Quote: كيكي لو جيتك هناك بتقطع لي التذكرة ..
لكن المشكلة في نفس اليوم دا .. كورة مصر و الجزائر .. و تونس و نيجيريا .. بتاعت التصفيات .. و دي اهم من المباراة الودية .. |
هلا يا حميدة..
وياخ تعال وال100 ريال ما كثيرة عليك...
مية دي يا معلم للشعب.. وفيهاتذكرة 200 ريال و تذكرة تاني كم مية ريال كده....
وانا كنت ناوي اجازف ام 200 دي ولكن لو جيت انت ممكن نعمل ابو القاسم
وبلاش طنقعة مني
فعلا المواعيد فيها كورة مهمة بالذات كورة المصريين
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: nazar hussien)
|
Quote: لكن برضو بكونوا ناقصين شلة دار الرياضة ام درمان...
استادات سمحة...ولاعبين سمحين...لكن برضو ناقصين البيقول (احي ...بيضا)
آآآي سففو النجيلة العجوز القاطع دا...
ويا ماسورة اعمل خسابك...دا الديجتال...(الديجتال دا هيثم مصطفي) |
هلا يا نزار
وبيني وبينك كلامك صاح في الحتة دي..
واستادات تخليك تفكر تقوم باليل وتجازفها كلها توديها بالليل داك وتلصقها للجمهور الفضل البهناك داك
ولكن برضو الناس ديل موهينين تب
عندهم فرقة موسيقية يجيبوها في المباريات الكبار كبار وبربها ربة شديد خلاااص..
ومستوي الحضور اتطور شديد في ماتشات الدوري القطري مقارنة بسنين عديدة
ياخ زمان الاستاد تكونو انتو سودانين بجاي وتشوف هنووووووك تلقي سوداني تاني
التقول خاشين كورة في استاد القضارف
اسمعني البحرين تكلة ما تجي ياخي تمتع نفسك بالسامبا دي
دنيا للزمان
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
| Quote: وانا كنت ناوي اجازف ام 200 دي ولكن لو جيت انت ممكن نعمل ابو القاسم |
يا معلم انا جادي ..
الحكاية قريبة .. بطلع من الرياض الساعة 10 صباحا .. علي 180 - 200 السرعة .. يا وصلتك المغربية كدا .. يا عملت لي بوست نعي في المنبر ..
كان عملت لي بوست نعي تكون ما قصرت ..
كان وصلتك .. ما ياكا اتلومت عديل لو دخلتنا ابو مية بعد المشوار دا .. 
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: humida)
|
Quote: يا معلم انا جادي ..
الحكاية قريبة .. بطلع من الرياض الساعة 10 صباحا .. علي 180 - 200 السرعة .. يا وصلتك المغربية كدا .. يا عملت لي بوست نعي في المنبر ..
كان عملت لي بوست نعي تكون ما قصرت ..
كان وصلتك .. ما ياكا اتلومت عديل لو دخلتنا ابو مية بعد المشوار دا .. |
والله يا حميدة جهجهت باكات 200 ريالي
وياخي بعد الشر عليك وانت تعال بس سوق 80 و100
حتصل وتلقاني في الاستاد منتظرك لنخش ما بين الشوطين (كاولاد ملاح)..!!!!
.................
حرم تعلمها وتجي يا حميدة تذكرتك لووج في ابو 500 زاااتو
وهييييع
بس بالله تجي براك بلا تمبس بلا ود الصايم بلا معتصم الشفيف
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
اها فالنترك النجوم العالمين جانبا وناتي لنجوم سوداننا الذين كانو يعطروا الميادين ونسمع عنهم في التلفاز والراديو في السودان..
ففي الدوحة فهي مليئة بهم وتجدهم في ملفات كثيرة وبعضهم صاروا اصدقاء منافي وشواطي بعيدة..!!!
وياخي الناس ديل وناسين ونسة عجيبة خلااص.. 0(راجع الطيب الدويم) ولك ان تراجع زيكو في حضوره البعيد الي الدوحة.. وسكسك ورياض والمسخوت كدوس وحضرة وشنان ووليم ومنقستو منقا.. ونبيل الطيب والراحل المقيم والي الدين محمد
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: أبو ساندرا)
|
Quote:
هذا ذكرنا به قبل يوم من تارخه
لو نسينا يعني
لكن هسع خلينا مع
سيرينا وليامز
و الأخريات
هذه الدوحة كريمة ومدهشة |
والله يا بركات الناس ديل الله يعطيهم العافية ياخي..
مخمجين بينا الاسواق ساااااكت... حسع عليك الرسول شوف جنس سيرينا وليمز دي
يا النبي نوووح..
حنذكرك والبوست ده باذن الله حيكون في العلالي يومي حنجي نديهو لكزة حتي نعانق السامبا
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
نعود الي النجوم السودانين...
ففي احدي المباريات ولعلها كاس الامير في قطر كان الاستاد عجاجه يولول فمباريات كاس الامير ياتي اليها الجماهير من كل فج عميق كون الامر به سحب علي جوائز (سيارات من النوع التقيل) والشاهد بان السودانين دوما اصحاب حظوة وحظ...
في تلك المباراة كان وسط الجماهير علي المدرجات اللاعب والحارس الاسطوري حامد بريمة وكان مدرب للحراس الصغار في نادي الوكرة.. بريمة يجلس بين هندي بجاي وباكستاني بهناك وخواجة وسوري بهنا ولا احد منهم يعرف او يدري بانه الاسطورة السودانية حامد بريمة ملك الشباك وطرزانها..
بالجد ياتيك احساس ويتملك شعور بان تخطف اقرب مايكرفون او تصيح باعلي صووووتك
ده بريمة ياخي
اوووه بريمة
اوووو ه بريمة
علي طريقة تلك الجنوب افريقية العاملات في احدي الفنادق مع الاسطورة مانديلا في زيارته لذلك الفندق
فقد صاحت الجنوب افريقية بهسترية عندما رات مانديلا
اوووه مانديلا
اووووووووووه مانديلا
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: khaleel)
|
| Quote: سمعت لي شاميات بسالو |
ديل كمان مالهم يا خلي عاوزين يجو يكابسونا في الكورة دي
لاتعرف تتفرج في الهشتك بشتك بتاعهم لاتعرف تتفرج في السامبا واولاد جون
وفعلا باتستوتيا... وكانجينا ود الحور داك برضو دقاها هنا
والشهير الانغولي تادروس فابروس اكوا لاعب المفضل ياخي
واحسن زول في العالم بلعب باكورد
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: محمد إبراهيم علي)
|
كيكي ياجميل
سلامات
وياريت تدينا الشرف
انا علي الطلاق تذكرة
حميدة وتمبس علي ....
في الدرجة اليختارهو
والعشاء كمان.....
وكان في فرصة عشرة ويست
طبعا ود الصايم مامعاهم
لانو في السودان لغاية الضحية .
حميدة وتمبس ......
عليكم الله تجو .....
نحنا في ديك الساعة
لامن تكونو معانا .
في انتظار الرد
انا ابوك يادياب
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: haroon diyab)
|
| Quote: وكان في فرصة عشرة ويست |
هلا يا سكورتا
ومادام القصة فيها وست.. فانا باسم اللجنة العليا موافق علي حضور تمبس
عشان ياخد اسنفيك هو وزميلو حميدة ويطلبو الله يركبو شارع الاحساء...
ياخدو اسنا وانت زااتك يا سكورتا حنديك واحد اسنا علي القبول انت ومن تختاره من بورداب الدوحة الكيشة وياريت يكون ضحية
وطبعا انا زميلي كالعادة هو الصاروخ ابو خليل
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: محمد إبراهيم علي)
|
معقول نسيتو غارديولا الثقيل ده بتاع الاهلى
الكرهنا برشلونه زاتو
والله انا الزول ده ما بريدو ن زمن بيلعب فى برشلونه بس عملو ليهو سوق ساكت والله تيم برشلونه ده لو انا بقيت مدربو اشيل كاس العالم
بس تقول ليهم يا بيول كرب الدفاع يا شافى ظبط النص ويا ميسى اعمل الداير تعملو ...
واهم حاجه يا ايتو جيب قووون بدرى تريح اعصابنا ..واتوكلو خشو .
لو واحد اتعوق بالله الجاهز يسخن ويخش ..ده تيم ما داير مدرب ....المهم كريم وادى غشيم ..
واعتقد ريكارد هو من صنع تيم برشلونه الحالى .
يا عمك انا معزوم مع حميده ولا لالالا لانو انا المرافق الشخصى بتاعو
ولا انا بعزم ليك تمبس اخلى يجننك .
كدى يا كيكى نسيت اهم حدث مهرجان السينما الحا يبدا بكره ده وانا شغال مساء ما فى تذاكر كرباويه كده
حا يكون ده اهم من مهرجان كان واللى حا يكون زاتو
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عمر سعد)
|
Quote:
معقول نسيتو غارديولا الثقيل ده بتاع الاهلى |
والله ياعمر كلامك صاح انا الزول الضلو ميت ده كلو كلو ما حبيتو
مهرجان السينما ده كلامو تاني كمان
وكدي شوف لينا سمعة ونجدي ممكن يباصرو ليك تذاكر
انا غايتو يوم السبت جوووه الفورسيزون ممتع نفسي بدهشة السيما
طبعا اخوك ريال مدريدي معتق وكبير ياخي
وبرشلونة
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: محمد إبراهيم علي)
|
| Quote: حميدة لو جادي انا ابحث عن رفيق يا تمشي معاي يا امشي معاك ما فرقت بس اوعك تجي خاشي في شخصية البندر ابسبح ديك لانو كدة بدل كيكي يودينا الكورة يودينا الدروة |
هلا يا هندسة وحبابك انت وحميدة
ولو حميدة جاني باللوك ابو سبح العجيب ده
موضوعكم فعلا حيكون بايظ وفي حتة بعيييييدة هنا في قطر اسمها الكرعانة
حنوديكم ليها ونتفاهم معاكم هناك..
ومرحب يا محمد
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: Mohamed Yassin Khalifa)
|
Quote: والله مافي أحلى من السامبا ورقصتهم في الملاعب الخضـراء... ومافي أحلى من مشجعيهم (حلوين بالجد)
وهاكم التسخينة دي من مباراتهم مع فنزويلا في ملعب جلييت (بتاع أمواس الحلاقة) خارج مدينة بوسطن: |
هلا وتحياتي يا محمد
وفعلا ما احلي السامبا كرقص واداء ميداني في فريقهم الساحر الذي انجب للملاعب اروع اللاعبين واحرفهم
بلية
زيكو
رونالدو
رونالدينهو
وباولو ايزادور ثم سقراط وكاكا
وسلسلة طويلة من المبدعين الذين جعلو من التفرج في كورة القدم متعة لا توصف ولاتقدر بثمن..
والانجليز دي ديل غايتو البشجعهم في المباراة الجاية دي
سيظل حاله كمن يذهب الي الفيلم الهندي ويقعد يشجع في الخاين...!!
وبورداب الدوحة ديل ما بضمنهم ليك حسسسسع يجي واحد منهم من اقصي المدينة ويقول ليك
انجلند وايه كده ماعارف..
وتحياتي وكل الود يا صديقي الجميل
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: الطيب شيقوق)
|
| Quote: نحن بنجيكم الدوحة لما تجيكم سيرينا ويليامز المصنفة ثامنة وحاملة اللقب المباراة النهائية من دورة ميامي الأميركية لكرة المضرب |
هلا يا شيقوق وحبابك الف..
يا زول انت ما جايب خبر ولاشنو..؟؟
الحق السوق يا زول...
فسيرينا وليمز اليومين دي قاااااعدة تتجدع وتتضرع في الدوحة
وتجدع فينا نحن جموع الجماهير مرة ذات اليمين ومرات عديدة ذات اليسار
ولكن الله في
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: محمد سنى دفع الله)
|
| Quote: ففي احدي تمارين فريق السد (الذي صار هو فريقي لفترة) قبل التحول الي الريان |
اضبط كيكي يشجع اللون الأحمر
عشان تعرفوا كلامنا ياهندسة انو الهلالاب اصلا مريخاب زعلانين
نحن مريخاب الدوحة بنشجع العربى والريان عشان اللون وعشان بيسكو لعاب زى العجب وميدو
اها انتوا المفروض تشجعوا الخور والخريطيات عشان اللون وبرضو عشان كورتهم زى الهلال عك وخرمجة .
غايتو انشاء اللة المباراة يلعبوها بدري عشان نلحق حرب مصر والجزائر.
مع تحياتى يازول يارائع
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: معاوية محمد الحسن)
|
Quote: اضبط كيكي يشجع اللون الأحمر
عشان تعرفوا كلامنا ياهندسة انو الهلالاب اصلا مريخاب زعلانين
نحن مريخاب الدوحة بنشجع العربى والريان عشان اللون وعشان بيسكو لعاب زى العجب وميدو
اها انتوا المفروض تشجعوا الخور والخريطيات عشان اللون وبرضو عشان كورتهم زى الهلال عك وخرمجة .
غايتو انشاء اللة المباراة يلعبوها بدري عشان نلحق حرب مصر والجزائر. |
هلا وحبابك يا معاوية..
ونحن ياخي هلالاب حتي الثمالة ومافي (مني مني)
السد ياخي وبعد سنتين من التشجيع ومساككة مبارياته لقيتو فريق (خررطي) ساكت
واما الريان فهو تيم العامة ولاني لفترة طويلة كنت رياني اصيل فلم اقاوم نفسي في الانحياز الي ناصر كميل
وزملائه في ذلك الزمان ومن ديييك وعييييك...
وعشان الفنايل الحمراء دي الواحد بقي يخش مباريات الريان وهو لابس نظارة خضرة
علي وزن الصعيدي اللبس مرتو نظارة خضراء فشافت العدس ملوخية
وتحياتي يا معاوية وتقديري
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
من المشاهد العجيبة وغريبة في امر النجوم الذين يلعبون في الدوري القطري...
في احدي المرات وفي مبني الستي سنتر الرهيب ..شفت اللاعب الانغولي الخطير (اكوا) واكوا لاعب الهب الملاعب القطرية واداء مباريات مميزة
وكان خطير ومرعب تخافه كل الفرق...
اها اكوا ده لاقيتو لابس بنطلون جينز مشرط ومقطع وبنطلون حالتو بالبلاء
وقلت ياربي (اكوا) ده جنا ولاشنو..؟؟
وطبعا اكوا له تسريحات شعر عجيبة مرة بوب مارلي ومرات ممشط مشاط امونة بت نفرين ما زيو
وبداء تماما كشخص رافع جنينة في هيئته ..!!
ولم يطول الاحتيار والدهشة عندما ابلغني مرافقي بان هذه هي تقليعة
والبنطلون بتاع الجينز المشرط ده زاااتو في روحو (موضة وصيحة يرتديها النجوم)..
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
ود اللمين الحلو
Quote: يا زول انت ما جايب خبر ولاشنو..؟؟
الحق السوق يا زول...
فسيرينا وليمز اليومين دي قاااااعدة تتجدع وتتضرع في الدوحة
وتجدع فينا نحن جموع الجماهير مرة ذات اليمين ومرات عديدة ذات اليسار
ولكن الله في |
خصمتكم بالله تشوفوا لي وظيفة في الدوحة ولو بربع راتب عمان
كتلتونا بشحتفة الروح سااااااااى يا ملاعين
ما خاتي عليك يا حسن طه - لابد سااااااااااى في الدوحة اتاري خريفك مهضلم هناك
تتريضوا العصريات ساااااى لتخفيف الوزن ودموع العجب من مجاعة سنار دافقة
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: الطيب شيقوق)
|
Quote: خصمتكم بالله تشوفوا لي وظيفة في الدوحة ولو بربع راتب عمان
كتلتونا بشحتفة الروح سااااااااى يا ملاعين
ما خاتي عليك يا حسن طه - لابد سااااااااااى في الدوحة اتاري خريفك مهضلم هناك
تتريضوا العصريات ساااااى لتخفيف الوزن ودموع العجب من مجاعة سنار دافقة |
هلا يا شيقوق وحبابك
وابشر يازول والكع صوب الدوحة وانا لك من الناطرين..
وخمجان السوق والنجوم والنجمات البطاقشن فووق راسنا المدوقس ده
ما بتحلو لينا الا بتوسيع قاعدة المشاركة وتوزيع الثروة والسلطة والجديع لكل الاحباب والاهل..
وغايتو لو الفريق البرازيلي بتاع كورة الطايرة ده قالو جاي بلدنا دي
حررررم يا شيقوق لو بالانتربول نجيبك انت وخالي صديق الموج تجو تحضرو ليكم ماتش ماتشين كده
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: محمد سنى دفع الله)
|
Quote: اهم حاجة انو في عدد كبير من المشجعين والمشجعات
جايين عشان يشاهدوا الميباراة
وبالله من دلوقت
ما تجو تعملوا اصحابنا
لانو نحن بنجلس في مصطبة البرازيل
احسن حاجة ان زوجتي بتشجع الأرجنتين
وحالفةتشجع بريطانيا
قولت ليها في ستين امشي شجعي الأنجليز
وحلفت من هسي ما بمشي اشجع معاها
هي في مصطبة وانا في مصطبة |
اذن يا السني سنلاقح الثقافات وسندخل بعض التغيرات علي بعض الشعارات السودانية ونضخ فيها بعضا من السامبا والفلامنجو
وسنردد بدلا عن مقولة اميرة الشيخ الشهيرة بالليلة ووووووب
سنردد طيلة المباراة
السامبا ووووووووب
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
Quote: لكن كيكي
دمو خفيف خالص
لالاالتاني دمو اخف
نمشي نجيب الأعلام ونلون وشنا
ونرجع تاني ليكم |
لكن يا السني
الواحد لايعرف حسع يضحك
ولا يعرف يقوم يجلس القرفصاء ويتنظر علبة الالوان عشان نرش وش الكبك ده
اصفر وازرق وسامبا..
ولايعرف يقوم يدور ويمشي يعسكر من حسسسسع دي في كريبة استاد خليفة الدولي
ويرجا دهشة السامبا ...
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
Quote: هلا يا ابو عمار..
وغايتو فريق الطائرة ده لو قالو جاااي اخبارو الا تلقاها من بوستات بكري المثبتة في الصفحة الاولي دي..
لانو ما بضمن ليك دوحابي بكون متحاوم في المنبر ده
يا اخوي تيم زي ده استقبالو بكوون فووق في الاجواء القطرية
|
يازول صدقنى بنستقبل الطيارة دي مع اول دخول ليها منظقة الخليج
وكمان بنحرسها بى طيارتين من من على الجنب ومن الخلف
والله الدوحة الايامات دي عجييييييييييبة يا كيكى ،،
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: ودالعباسية)
|
Quote: يازول صدقنى بنستقبل الطيارة دي مع اول دخول ليها منظقة الخليج
وكمان بنحرسها بى طيارتين من من على الجنب ومن الخلف
والله الدوحة الايامات دي عجييييييييييبة يا كيكى ،، |
هلا يا عباسية
واخوك من فريق الطائرة البطاقش في البوست ده ما كحل مداخلتك دي الا حسع..
والفريق دي لو بقي جااي يا عباسية اليوم داك مكرسحنا يشيل العميان بتاعنا
وكورة طائرة سييييييدا جايقا
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: الطيب شيقوق)
|
Quote: عليك ما تلخبطوا الكيمان - انا والمسنوح الموج ابرتنا ما بتشيل خيتين
|
الله يديك العافية يا شيقوق ياخي بالجد ضحكتني
وانت بس تعال الكندشة رااااقدة يا زول..
ويا حليل اللبخ وشدر الطلح
وفي البلد دي الشدر بتشوفو في الشهر مرة مثل المرتب....
..............
ياخي خليك زي استاذنا فضيلي وسوق الاولاد واعبر فيافي وصحاري نجد دي
ودوس فرملة عندنا في دوار رمادة وشرفنا بطلة دندرية نيل ازرقية ما بنساها ليك ابدا
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: abdalla osman)
|
Quote: وانت بس تعال الكندشة رااااقدة يا زول..
ويا حليل اللبخ وشدر الطلح
وفي البلد دي الشدر بتشوفو في الشهر مرة مثل المرتب.... |
كيف مياهكم المعدنية؟
..............
Quote: ياخي خليك زي استاذنا فضيلي وسوق الاولاد واعبر فيافي وصحاري نجد دي
ودوس فرملة عندنا في دوار رمادة وشرفنا بطلة دندرية نيل ازرقية ما بنساها ليك ابدا |
كمان ما تقول ما معاى اولاد . ادرع حقيبة وتشنقه للطاقية في الهامة واعمل زى اولاد البندر ادرع ليك اللابتوب في الكتف كمان آخد معاهو تكية بندرية . وقبل البنية ما تنعدل لشرح اجراءات السلامة اخوك يفرش ليك اللابتوب قدامو ويخت ليك اصبعو الصغير في الناضر زى اولاد البندر ويتأمل ويتأمل زى العايز تو ديظاينج ويبسايت .
وسبحان الذي سخر لنا هذا وما كنا له مقرنين وبوووووووووووووووووووو للدوحة
لقيتني كيف
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: ودالعباسية)
|
هلا يا عباسية ومشرف البوست
كما الشرفت الجك العجيب ايضا..
وبالله شفت الارسال الرهيب ده..
يد مرفوعة افقيا بزاوية عجيبة خلاص عمك( فيثاغورت) زااتو يقعد يتحير في جيب وجيب تمام تلك الزاوية..
ويد تاني رايت مجدوعة في الهواء الطلق وهي تعانق المضرب لا تعرف تقول بحنان ولا بجنان
ولابرقة ولا بشنو زاااتو
ياخي كنت تعمل للموبايل زووووووم عشان نقدر ننضم في الصورة دي كويس
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: abdalla osman)
|
Quote: ناس الجزيرة ديل يا كيكي كان دايرين نديهم رضانا يشوفو
لينا صرفة لي كاس العالم , اصلو ART مرقت من نفسنا..
ايامكم والله.. |
هلا يا عبدالله وحبابك ياخي في مدارات السامبا واولاد جون..
وناس الجزيرة فعلا ياريت يشوفو لينا طريقة نتخلص من الاي ار تي واحتكارها المغيت لامر البطولات الكبري..
وغايتو الشي البعرفو وبسمعو انو ناس الجزيرة ديل سخيين وما بفوتو فرصة تبببب
وياريت المرة دي كاس العالم يكون جزيري اللوني والرائحة
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
اووووه ديل اولاد جون ياخي
وسياد الشي زاااتا وسياد الانجلش (وس وس وس)
والنظام واحسن ناس في العالم بيعرفو يعلمو (ترتيب)...
الباكستاني يقول ليك انجلش نفرات وااااااجد معلوم ترتيب..
لكن الكورة دي علي اخر الزمان غلبهم الترتيب فيها وكورتهم بقت تفك وترجع
واشواقنا للاسطوري
بول جاكسوين ذلك اللاعب المشاغب الي احبباه سويا مع الجمهور الانجليز الصعلوق
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: محمد سنى دفع الله)
|
هلا يا السني..
وكدي اديني فرصة في السيوبر استار العجيب ديفيد بيكهام ده..
الزول ده كورتو مدهشة وانيقة ونموذج جيد للكورة الانجليزية تلك الكورة التي تتمدد دائما في المساحات الطويلة وتطويع الباص الطويل في المساحة المظلمة من الملعب..
ديفيد انيق في كل اشيائه ..
في الباص البيطلع من رجلو صاح
في التثبيت للكورة في منطقة الوسط وانيق في صناعة الهجمة
انه اللاعب الانيق الممتع في الفرجة له عندما يكون مزاجه عالي ورايق فهو قادر علي تحويل مسارات كل المباراة..
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عبدالكريم الامين احمد)
|
Quote: عدد البوستات: 19750
تاريخ التسجيل: 06-10-2005
محل الاقامة: qatar- doha
: Not shown
عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=167
اكلات مفضلة: ملاح ..بكول ..وسمن..وشطة دنقابة
الاسم الحقيقى: كيكي
التلفون:
الجامعة/المعهد: كلية الهندسة جامعة الخرطوم
الحالة الاجتماعية: Married
العنوان الدائم:
الفنان المفضل: البمبي
اللون السياسى: مواطن سوداني
النوع: Male
الهوايات المفضلة:
الوظيفة: مهندس مساحة
تاريخ الميلاد:
درست المرحلة الابتدائية فى ......و سنة....: جوبا الملكية
درست المرحلة الثانوية فى ......و سنة....: النيل الابيض-الدويم
درست المرحلة المتوسطة فى ......و سنة....: المجلد المتوسطة
شاعرك المفضل:
عدد الاطفال:
معلومات اضافية:
مكان العمل: قطر للبترول-مدينة ام سعيد
مكان الميلاد فى السودان: المجلد
صورتى: |
هييييييييييييع كع
اتاريك كيك كمل بلادو فريك يا كيكييييييييي
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: عمار يس النور)
|
Quote: البرازيل دي بتعذب الإنجليز عذاب شديد.
عليك الله شوف رونادينهو ده عمل فيهم شنو هنا
الناس بيتذكروا فقط الهدف الثاني. و لكن الهدف الاول برضو كان متعة من رونادينهو لا نو صنع اللعبة من مسافة بعيدة جدا.
|
هلا يا عمار
والبرازيل ياخي فعلا متعة ودهشة..
ومنتظرهم برضو هنا عشان يجننو لينا الناس ديل كمان وكمان..
القون الاول فعلا عجيب المصيبة رونادينهو ده ساق الكورة في العمق الانجليزي علي طريقة ماردونا الشهيرة ديك لحدي جوه خط 18 ثم باص وتهديفة بلمسة وتركيز من العجيب ريفالدو وقووون هناااك كورة زي دي حامد بريمة ما يطلعها
ياخي لو قريب في الامارات بجاي بالله تعال اتفرج معانا (لايف)
ولكن لو لسع في بلاد الكانقرا ففات عليك متعة علي الهواء الطلق لن تتكرر
وتحياتي واشواقي يا عمار
| |
|
|
|
|
|
|
|
|
|
Re: مباراة العمر بالدوحة... البرازيل ضد انجلترا..!!! (Re: محمد سنى دفع الله)
|
هلا يا مسرح..
وبوبي العبقري واحد من اعظم اللاعبين الانجليز الذين مروا علي الملاعب..
والبعجبني في الانجليز ديل انهم بحتفو بتاريخهم وبدوا كل زول منهم حقو كاش في الخلود..
وانجلترا دون شك هي بلاد المشجعين المجانين والمهووسين هوس عجيب بالكورة..
تضرب البيرة دي وتجي تكورك في الاستاد لمن الله يغفر ليك
| |
|
|
|
|
|
|
| |
عبدالكريم الامين احمد
nazar hussien
humida
أبو ساندرا
khaleel
محمد إبراهيم علي
haroon diyab
عمر سعد
Magdi Ahmed Elsheikh
Mohamed Yassin Khalifa
حبيب نورة
الطيب شيقوق
محمد سنى دفع الله
معاوية محمد الحسن
omer osman
ودالعباسية
abdalla osman
nadus2000
عمار يس النور
فيس بوك
تويتر
انستقرام
يوتيوب
بنتيريست