|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
يا امين مدرب الاورجواى ده بدافع ليه لمن جاب القون الاول وطلع سواريس مالو من بدرى كده ؟؟؟؟
عموما الارجواى ما بتستحمل الضغط وحارسها شعريه وده من الدورى الايطالى ما من هنا
ياخليل مكسيك مين فى حاجه ضعوها فى اعتباركم انو الفرق الكبيره من الصعب تتغلب من فرق اقل منها فى الادوار المتقدمه وده بيرجع الى الفرق الكبيره لاعبيها متمرسين فى مثل هذه المباريات والتى اكتسبوها من لعبهم فى انديه كبيره لكن فى الادوار التمهديه ممكن يتغلبوا وده برجع الى اسباب منها الاستعداد بيكون غير مكتمل لانو بيكونوا لاعبين قبل بداية كاس العالم بايام مع انديتهم
دايرين غانا تغلب يا خليل اتصرف ياخ
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
يا كوتش الأورغواي ما لعبت كويس الليلة لكن نجحوا في الحلول الفردية وخصوصاً سواريس وفورلان ويبدو إنو الأول تِعب عشان كدة غيروهو
Quote: وحارسها شعريه وده من الدورى الايطالى ما من هنا
|
الحارس في الكرات العالية وخصوصاً العكسيات ما بطمئن الأرجنتين تكسب المكسيك ليست موضع شك وربما برباعية ... مع إنو المكسيكاب ديل هوايتهم الركلات الترجيحية لكن ناس ميليتو وتيفيز ما بخلوها تصل هناك ... يالله يا ميسي سكِّت الخشامة _____________________ أنا كلامي دة كلو زي رجفة عبد المجيد عبد الرازق مع الهلال ... يمكن قسطنتين يصدق
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
ده توقعاتنا قبل بداية دور ال 16 >>>
مباريات دور ال 16 كالآتى ارجواى X كوريا ج ------> 1 امريكا X غانا----------> 2 ألمانيا X إنجلترا------> 3 الأرجنتين X المكسيك ----> 4 هولندا X سلوفاكيا------> 5 البرازيل X شيلى -------> 6 باراجواي X اليابان ----> 7 اسبانياX البرتقال -----> 8
دور ال 8 كالآتى 5 ضد 6 > اتوقع هولندا ضد البرازيل 1 ضد 2 > اتوقع ارجواى ضد غانا 3 ضد 4 > اتوقع انجلترا ضد الارجنتين 7 ضد 8 > اتوقع اليابان ضد اسبانيا
دور الاربعه كالآتى 1- غالب ( 5 ضد 6 ) ضد غالب ( 1 ضد 2 ) > اتوقع البرازيل ضد ارجواى 2- غالب ( 3 ضد 4 ) ضد غالب ( 7 ضد 8 ) > اتوقع الارجنتين ضد اسبانيا
بمعنى لايمكن ان تلتقى البرازيل بالارجنتين الا فى النهائى وكذلك لايمكن ان تلتقى الارجنتين باسبانيا فى النهائى
عموما
انا اتوقع البرازيل و الارجنتين فى النهائى
واتوقع الارجنتين للفوز بالكاس
>>>>>>>>>>>>>>>>>>>>
بمرور اليوم الاول من دور ال 16
بيكون طارق الكوتش 10 من 10
هنالك بوردابى آخر ( مع الرابط طبعا )
ولا نرفع لقسطنطين للاعتماد
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
الأخ الـفاضــل الـباشــمـهـندس عــبـدالـكـريـم الأمـيـن
لـك الـتـحــايا.
رغــمـا عـن آراء الـخــبــراء والـمـحـللــيـن مــن عـدم
الـكـفاءة الــتــهـديـفــيـة للـمـنـتـخــب الــغـانـى،
كـنـت مــقــتـنـعــا تــمـامـا بــفــوز غــانـا عــلـى الـولايات الــمـتــحـدة
بـثــلاث أهـداف مــقـابـل هــدف واحـــد.
وفـعـلا فـى الـمـباراة أثـبـتــت غــانـا مـقـدرة اللاعــب الأفــريــقـى عــلـى الإصــرار
والـلـياقـة والـصــمـود والـثـبـات والــســـرعــة
وفـوق كل شــئ اللــعــب الــجــمـاعـى الـمـتــجـانـس الـمــنــظــم.
عــلـى الـرغــم مـن إتـــبـاع خــطــة مـدرب الـفـريـق مـيـلـوفان راجـيـفـيـك
الـمـثـيـرة للـجـدل 4-2-3-1.
ويـســتحــــق حارس المرمى ريـتـشــارد كـيـنـغـســـتون الإشــادة
لإســتـبـســالـه وإنـقـاذ الـفــريــق مــن أربـعــة أهـداف مـحـــقـقــة.
وعــلـيـه فإن أمــل غــانـا فـى الـتـقـدم إلـى الـتـصــفـيــات الـنـهـائــيـة كــبـيـر.
ولــكـن مـشـكـلـتــهـم حــرمـانــهــم مـن إثـنـيـن مــن أهــم لاعــبـيـهـم
فــى الـمـباراة الـحـاســمـة الـقـادمــة ضــد الأوروقـواى نـتـيـجـة للـبـطـاقـات الـصــفـراء.
فــى مــخـالـفـات لــم يـرتـكـبــوهــا.
فــضــربـة الـجـزاء كـانت إنـزلاق صـحـيـح لـم يـلـمـس فـيه
جــوناثـان مــنـســه ســوى الـكـرة كـما ظــهـر مــن إعـادة اللـقــطـة.
أمـا الـبـطـاقـة الـثـانـيـة فـلـم يـكـن لـهـا أى مـبرر.
إذ أن ألـتــدور تـعــثــر ووقــع بـنـفـســه
دون أن يـمـســه أى جــزء مــن جـسـم الجناح الـغـانـى
أندريه أيو الـذى كان خــلـفـه بــمسـافــة قـدم عــلـى الأقـل.
راجــع أهــداف غــانـا الـقـويـة فـى بـوســتـى عـــن:
مشـروع مــهـرجـان أهــداف فـيـديـو هـــدف رهـيب هــديـة...لـعـبـة الـجـمـيـلـة
أمـا الـمشـكلـة الأخــرى الـتى ســيـواجـهـهـا الـفـريـق الـغـانـى خـلاف إصـابـة
كـابـتـن الــفــريــق الـمـبـدع ســـتـيــفـــن أبـيــاه،
فـهـى إصـرار مـدرب الـفـريـق الـصـربـى مــيــلــوفـان رايــيــفــاتـــش
عــلـى طـرد لاعـب إنـتـرمـيـلان ســولـى مــونـتـارى حــتى مــن مـكان إقـامـة الـفـريـق.
وكان أن ســبـق طـرد ســولـى مـن الـفـريـق الأولـمــبـى عـام 2004.
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
ده الارجنتين بالكامل و التى سوف تفوز بكاس العالم 2010 بجنوب افريقيا :-- دييغو مارادونا Diego Armando Maradona مدرب دييجو بوزو Diego Pozo حارس 1 ماريانو أندوخار Mariano Andujar حارس 23 سيرجيو روميرو Sergio Romero حارس 12 أرييل جارسيه Ariel Garce دفاع 21 كليمنتي جوان رودريغز Clemente Juan RODRIGUEZ دفاع 3 غابريل هاينزه Ivan Gabriel Heinze دفاع 6 مارتن ديميكيليس Martin Demichelis دفاع 2 نيكولاس بورديسو Nicolas Andres Burdisso دفاع 4 نيكولاس أوتاميندي Nicolas Otamendi دفاع 15 والتر صامويل Walter Adrian Samuel دفاع 13 أنخيل دي ماريا Angel Di Maria وسط 7 خافيير ماسكيرانو Javier Mascherano وسط 14 خافيير ماتياس باستوري Javier Matias Pastore وسط 22 جوناس غوتييريز Jonas Manuel Gutierrez وسط 17 خوان سيباستيان فيرون Juan Veron وسط 8 ماريو بولاتي Mario Bolatti وسط 5 ماكسي رودريغيز Maximiliano Ruben Rodriguez وسط 20 كارلوس تيفيز Carlos Alberto Tevez هجوم 11 دييغو البرتو ميليتو Diego Alberto Milito هجوم 19 غونزالو هيغوين Gonzalo Higuain هجوم 9 ليونيل ميسي Lionel Messi هجوم 10 مارتين باليرمو Martin Palermo هجوم 18 سيرجيو أغويرو Sergio Leonel Aguero هجوم 16
لو طلعنا ميسى > اللاعبين اعلاه مستواهم ممتاز و متقارب وممكن اى 11 ان يحققوا كاس العالم اما اذا اضيف ميسى للتشكيله > الرماد كال حماد
خليكم متابعين ياكيكى بتركيز للتاكد من حديثى هذا والذى ذكرته هنا فقط لاننى متابع هؤلاء اللاعبين جيدا وهم يمثلون الدعامات الاساسية لاغلب الانديه الكبيره
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: khaleel)
|
يا كوتش
Quote: بمرور اليوم الاول من دور ال 16
بيكون طارق الكوتش 10 من 10
هنالك بوردابى آخر ( مع الرابط طبعا )
ولا نرفع لقسطنطين للاعتماد |
شايفك ملحتني يا عمك ... ولازلت أرشح باراغواي للفوز على اليابان والبرتغال للفوز على إسبانيا أنا أتكلم عن ترشيحات ، أما الأمنيات فقطعاً أتمنى الكأس برازيلي وأن تفوز غانا على الأوروغواي ولكن !!! __________________
Quote: الكاس للبرازيل وهسه كان قريب في ريودي جانيرو
احفظ مجهودك للهلال في دور الترضية عشان ما تحبط |
دي لو قسطنتين صدق فيها أمانة ما إرتحت يا خليل لي جنى جناك ... بس عاوزينو الليلة يركز لينا مع الإنجليز عشان يوقفوا الماكينات (رغم إنو الإنجليز حالتهم تحنن ومحتاجين للفكي بتاع كيكي)
.
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
بيتر كراوتش أحسن من يلعب ال فرست تايم رغم محدودية مهاراته كراوتش مطلوب في الشوط التاني لإستغلال الكرات الشاردة من الدفاع الألماني وخصوصاً العكسيات الدفاع الإنجليزي .... أخير أسكت ، وجع قلب عديل كدة وأخطاء ساذجة ربما تمنح مزيد من فرص التهديف لألمانيا ___________________ لسة مع الإنجليز حتى الدقيقة 89
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
Quote: المانشافت شكلو قادم بقوة لجهجهة الأرجنتين يا طارق الكوتش لكن ثقتنا في الود ميسي كبيرة |
انهزمت التوقعات و تحقتت الامنيات بفوز المانيا
وكما اشرنا سابقا فمدرب انجلترا الايطالى الجنسيه و اللون اقل بكثير جدا من المستويات الحقيقيه للاعبى انجلترا بالاضافة الى قرار الحكم بنقضه لاحلى اهداف البطولة هدف لامبارد والذى ساهم بشكل كبير فى هذه النتيجه و التى لا تشبه هؤلاء اللاعبين
عموما يظهر الفيفا و كابلو مدرب انجلترا حيدخلان فى ورطه حقيقيه مع الصحافه الانجليزيه
عموما المانيا التى اعشقها منذ رومنيقه و برايتنر مرورا باندرياس بريمه و كينزمان و لوتر ماتيوس تستحق ان تظهر من جديد لتتربع على عرش الكره ... لكن هزيمتها من الارجنتين بالثنائيه مسالة وقت فقط ليس الا
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: khaleel)
|
يا خليل > دونقا مثل كابلو وامكن اسوى بالاضافة الى انو البرازيل بعض خاناتها الاساسيه خاليه ( الطرف اليسار ) دعك من كنبة الاحتياطى الخاويه على عروشها > ده كاس عالم يا خلو > يعنى هظار ماف
نحن طبعا امنيتنا ان تحقق البرازيل ولكن ليس بالتمنيات فقط تتحقق البطولات
اقول ليك حاجه دعك من النهائى كل الصحافه الرياضيه البرازيليه متوقعة خروج البرازيل فى اى مرحلة > مما قاد الى ان يصدر دونقا تعليماته بعدم ادلاء باى تصريحات للصحافه
التوقيع ميسى وبث
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
اني امنت بالله (علي قولة الجلكين عماد عبدالله) الواحد ما ينوم في البلد دي ولاشنو... ننوم ونجي نلقي اولاد جون سياد الساس والراس مضروبين اربعة لا حولااااا.. المانيا دي منها جفلة يا كوتشب واهو صحينا بدرررري الليلة للود ميسي ونشوف القصة دي ماشة لوووين ومع خطورة الالمان ديل القصة دايرة ليها اعادة نظر ويا سامبا حذاري ويا ابو خليل خلي قسطا دي يسخن والقصة شكلها كده عاوزة خججججججججججج
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: وفـعـلا فـى الـمـباراة أثـبـتــت غــانـا مـقـدرة اللاعــب الأفــريــقـى عــلـى الإصــرار
والـلـياقـة والـصــمـود والـثـبـات والــســـرعــة
وفـوق كل شــئ اللــعــب الــجــمـاعـى الـمـتــجـانـس الـمــنــظــم.
عــلـى الـرغــم مـن إتـــبـاع خــطــة مـدرب الـفـريـق مـيـلـوفان راجـيـفـيـك
الـمـثـيـرة للـجـدل 4-2-3-1.
|
نحي الرياضي المطبوع والضليع عبدالرحمن ابراهيم وكل التقدير والشكر علي الحضور الي هذه الساحة المونديالية... وغانا ادت كورة ممتعة ليلة امس واعادت الي الكورة الافريقية هيبتها التي غابت كثيرا في كيب تاون.. فريق شاب وملي بالحماس والطموح ولهم مدرب قدير وصبور قادر علي تطويع مقدرات لاعبيته وقراية الملعب والخصم وفوزهم مستحق.. وكل التقدير والود
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
شول ومعاوية (معاوية ده مرتضي ياجماعة) خلااص من امس الديدبان بتاعنا تعليماتو اربعة وعشرين ساعة صارت (غانا غانا) متحزمين ومتلزمين من اجل (ماما افريكا)..وزول بتاع اراغوي لو جاء بجاي (انا بكسرو كراعععععو) لوووووول
الكوتش شايف الانجليز خزلوك في التكهنات وحاسب ياعم قسطنطين ما يشمت عليك الاعادي...
بالمناسبة شايف حوار موغل في الدهشة وتحليل لكاس العالم في قروب الايميل فيهو حامد ع######## وشبو والفاتح وديدي والاسطوري (ايريا) الذي اراه مركب مكنة (0يانكي) وعامل فيها الود امريكاني (كددددددددددي يا ايريا)
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
هلا سفيان وامين وكورة نار منقد رغم ان القون الخج فيهو واضح الا ان الارجتين لاعبة ماتش كبير والمكسيك ما ساهلة تب وممكن تعمل حاجة في اي لحظة..
ميسي يا سفيان وامين لعااااااااب ياخي وياكافي البلاء الراجل التقول بربطة الكورة دي بخيط في كراعو وماردونا لايزال يمارس شوطنته علي الخط والزول دي انا خايفو بالجد يخش يلعب مع اولاده ديل
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
آرسين فينغر مدرب الارسينال الكبير اكد ان الارجنتين فريق مكتمل فى كل الخطوط ويستطيع ان يتخطى اى فريق بكل سهوله
>>>>>>>>>> شفتوا كيف ياناس سفيان و خليل و كيكى و امين
والمعرف عن هذا المدرب لا يجامل وكلامه دائما من ذهب
يا قسطنطين ارجى الراجين
وانا برغم لترشيحى للبرازيل لبلوغ النهائى كمحطه اخيره > لكن خائف كتير يحدث الذى لا يحمد عقباه
تخريمه سفيان انت شائت وين > المانيا ولا شيلى ولا غانا و لا اسبانيا ولا منو ؟ > عشان الشماتا وكده > كااااع
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
سلامات كيكي والكوتش
Quote: ترشيحاتي كالأتي دور ال8 الأرجواي * أمريكا المانيا * الأرجنتين هولندا * البرازيل بارجواي * أسبانيا |
توقعاتي لحدي أسي 3/4 غانا بس الما أتوقعتهم يفوزو وعجبني فوزهم الأرجنتين ماشه كويس هجوم تمام ودفاع شوارع معبده ونظيفة شارع هاينزا مع تقاطع شارع ديميكيلس بوصل المرمى العجب كان فتحو شارع صامويل :) دايرنهم قدام لسه كمان حلو الكأس لمن السامبا تقلعو من ميسي وماردونا برازيل وييييييييييييييييييي هولندا وييييييييييييييييييي أسبانيا ويييييييييييييييييي
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: مرتضى احمد عبد القادر)
|
Quote: إي فريق غير السامبا وارجنتينكم ديل أنا شات معاهم اشمتو سااااي يا طارق وكيكي |
هلا سفيان والبطولة فعلا فيها نقة كثيرة والمستويات لحدي حسع ما فيها دهشة كثيرة كدة والكورة التجارية خربت ليك المصيبة الاسمها الكورة ..والتحكيم برضو ما كان مزبوط مية مية.. --- والارجتين دي يا سفيان قلنا ليك احنا حدنا معاها مباراة الفاينال وبعد داااك ناس سامبا سسسساكت... فالكاس كاكاوي..
لكن يا سفيان انا حاسي بانك الماني وتبع كوستاوي
-------
Quote: الأرجنتين ماشه كويس هجوم تمام ودفاع شوارع معبده ونظيفة شارع هاينزا مع تقاطع شارع ديميكيلس بوصل المرمى العجب كان فتحو شارع صامويل :) دايرنهم قدام لسه كمان حلو الكأس لمن السامبا تقلعو من ميسي وماردونا برازيل وييييييييييييييييييي هولندا وييييييييييييييييييي أسبانيا ويييييييييييييييييي |
برازيل ويييييييي ونفس التكيتك يا مرتضي ميسي ده لسع عاوزنو شوية الود لعاب وعمك ماردونا برضو ضرورري يكون واقف لينا في اللاين وبعمل في الشواطين بتاعتو دي لحدي الفاينال وبعد دااك سامبا وييييييييي...
المانيا دي يا مرتضي الليلة مارست علينا ارهاب ويا النبي نووووووح منها ياخي
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
كيكي أخوي المانيا ما تلاوز منو دي فرفرة ساي الدفاع الإنجليزي في البطء ما عندو فرق من من دفاع المريخ فنجومية الفاره مولر والأكثره فراره منه كلوسا كانت لبطء الدفاع الإنجليزي وسء الحارس لكن مع سيزار ولوسيو وجوان ومايكون يشموها قدحه دا لو طقطقو راقصي التانغو بس الود نمرة 8 أوزيل عجيب مره واحد
الله يسترنا قدام شيلي ناس امريكا الجنوبية ديل(عدا الأرجنتين حيطتنا المائله للاربعه سنين الماضيه) بجهجو السامبا اكتر من الاوربين
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: khaleel)
|
سلام يا أساطين التحليل وجهابزة النقد زي ما قال كيكي القصة سخّنت وفرز الكيمان واجب كيكي رشّح البرازيل مع الرجفة وطارق الكوتش من زمان راهن على التانجو مع القصير المكير الخطييييير ميسي (رغم إنو تحت تحت يتمناها برازيلية) مرتضى مراهن على السامبا وسفيان أيّ حاجة بخلاف السامبا والتانجو إن شاء الله سلوفاكيا ولا اليابان أنا (سامباوي) للنخاع ولكن هذه الكأس ليست للبرازيل يا خليل وترشيحاتي قلتها من زمان :
Quote: أستاذنا الخبير طارق الكوتش وكيكي المعلم وقسطنتين المخضرم ... وجميع ضيوف كيكي سلام ،،،
Quote: اها فى راى تانى ولا نرفع التوقعات ده لقسطنطين للتوقيع النهائى
شوف يا كوتش وما طالبني حليفة أنا توقعاتي لدور ال 16 مكتوبة ليها 4 أيام ... كوووووولها بالملي عدا الآتي: تأهلت إنجلترا بدل سلوفينيا ... وتأهلت اليابان بدل الدنمارك ... تأهلت غانا بدل صربيا وذهبت الصدارة لألمانيا ... وعليه تم تعديل توقعاتي لدور ال 8 ومن بعده دور ال 4 وهي تتفق مع توقعاتك عدا أن البرتغال تقصي أسبانيا وباراغواي تقصي اليابان وتكون البرتغال في دور الأربعة بدلاً عن إسبانيا وسيكون النهائي بين الأرجنتين و (غالباً أوروغواي) التي سبق أن وصيتكم بمتابعتها منذ بداية البطولة في مداخلة سابقة هنا إذا ما صدق توقع نصف النهائي فالكأس للأوروغواي الأرجنتين تحرز الكأس فقط إذا قابلت البرازيل (وفي كل الأحوال لا عزاء لقسطنتين) نقرِّط على كدة ولا المعلم كيكي عندو كلام ... لأنو خليل سدّ دي بي طينة ودي بي عجينة ومنتظر السيلسياو يرفع الكأس وهو يمشي يحتفل معاهم في الريو
|
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
اليوم العشق السرمدى الاوحد والذى نتمناها ان يهزم كل التوقعات ويفرح شعوب العالم برغم الصعوبه بل والاستحاله > ولكن دائما ننتظر كرة القدم لتنساق تحت اقدام مبدعيها ليقهروا كل المستحيل انها بلاد كرة القدم الاولى فى العالم على مر العصور البلاد التى انجبت الجوهره السوداء ، و كارلوس البيرتو ، و الفتى المعطون بكل فنون كرة القدم زيكو ودكتور الكره العالميه سقراط > انهم سادتى سامبا... برازيليا >>>>>>>>>>>>>>>>>>>>>>>>>>>>>>>>>>
وده التشكيله كامله مع تغير الوان اللاعبين المؤثرين بالون الاحمر كما موضح فى الصوره اعلاه بدوائر زرقاء
كارلوس دونغا Carlos Dunga مدرب أليكسندر دوني Alexander Marangao Doni حارس 22 هيلاريو غوميز Heurelho da Silva Gomes حارس 12 خوليو سيزار سواريز دي أيسبيندولا Julio Cesar Soares de Espindola حارس 1 دا سيلفا لوسيو da Silva Lucio دفاع 3 دانييل ألفيس Daniel Alves دفاع 13 جوان سيلفيرا دوس سانتوس Juan Silveira dos Santos دفاع 4 لويساو Luisao دفاع 14 مايكون سيسيناندو Maicon Douglas Sisenando دفاع 2 تياغو سيلفا Thiago Silva دفاع 15 جيلبرتو سيلفا Aparecido Gilberto Silva وسط 8 إيلانو بلومر Elano Blumer وسط 7 فيليب ميلو Felipe Melo وسط 5 جيلبيرتو Gilberto وسط 16 خوسيه كليبرسون Jose Kleberson وسط 20 جوشوي Josue وسط 17 ميشيل باستوس Michel Bastos وسط 6 راميرز سانتوس Ramires Santos وسط 18 ريكاردو كاكا Ricardo Kaka وسط 10 ايدينالدو غرافيتي Edinaldo Grafite هجوم 23 جوليو بابتيستا Julio Cesar Baptista هجوم 19 لويس فابيانو Luis Fabiano هجوم 9 نيلمار دا سيلفا Nilmar Honorato da Silva هجوم 21 روبينيو Robinho هجوم 11
_______________________________
نتمنى ان تنهزم كل التوقعات و تتربع البرازيل على عرش الكره لكن كان ما حصل الكلام ده >>>>>>>>>>>>>>>> بشمت فى قسطنطين بمزااااج و اهتف > داون داون قسطنطين
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: khaleel)
|
سلام يا شباب المولد ده فاتنا مع مشغوليات الرحيل من سكن لاخر-غايتو حقو يكون في بند في عقد الزواج انو المره تمشي تقعدشهر في بيت ابوهامره كل اربع سنوات علي ان يصادف >لك الشهر مباريات كاس العالم- كدي بالله شوف لينا الاقتراح ده كيف يا كيكي وامكانية تنفيذو اخشي علي البرازيل من شيلي التي يمكن ان تكون الحصان الاسود في هذه البطوله وان تخطتها اليوم فالكاس لا محاله برازيلي رغم ترشيحات اخونا طارق الكوتش. لكن يا طارق حقو تعرف ان للارجنتين عقده مزمنه من البرازيل في المباريات النهائيه ولم يحدث اطلاقا ان التقي في الزمن الحديث الفريقين في نهائيات علي ما اذكر وخرجت الارجنتين فائزه واخر نهائيات التقي فيها الفريقان كان كاس العالم للقارات 2005 وكوبا امريكا 2003 وفي المناسبتين فازت البرازيل رغم ان نهائيات كوبا امريكا 2003 اشتركت فيها البرازيل بالصف التاني بينما كانت الارجنتين مكتمله الصفوف ومع ذلك فازت البرازيل بضربات الجزاء بعد ان احرز ادريانو هدف التعادل للبرازيل في الزمن الضائع. اما نهائيات كاس العالم للقارات والتي دخلها الفريقين بكامل نجومهم فقد لقن البرازيليين فيه الارجنتيين درسا لن ينسوه وهزموهم بالربعه
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: Omar Bob)
|
بوب سلامات يا رجل و فقدناك كتير فى معظم المناسبات الرياضيه
100 ال 100 فى ده >
Quote: سلام يا شباب المولد ده فاتنا مع مشغوليات الرحيل من سكن لاخر-غايتو حقو يكون في بند في عقد الزواج انو المره تمشي تقعدشهر في بيت ابوهامره كل اربع سنوات علي ان يصادف >لك الشهر مباريات كاس العالم- كدي بالله شوف لينا الاقتراح ده كيف يا كيكي وامكانية تنفيذو |
ـــــــــ
Quote: اخشي علي البرازيل من شيلي |
نعم يابوب و التخوف ده برضو انا ذكرته اعلاه خصوصا انو مدرب شيلى مدرب شااااطر و له خبره تدريبيه كبيره عكس دونقا الذى يعتمد فقط على 6 لاعبين فى منتخبه و السلام .........
+
Quote: يا طارق حقو تعرف ان للارجنتين عقده مزمنه من البرازيل في المباريات النهائيه ولم يحدث اطلاقا ان التقي في الزمن الحديث الفريقين في نهائيات علي ما اذكر وخرجت الارجنتين فائزه واخر نهائيات التقي فيها الفريقان كان كاس العالم للقارات 2005 وكوبا امريكا 2003 وفي المناسبتين فازت البرازيل رغم ان نهائيات كوبا امريكا 2003 اشتركت فيها البرازيل بالصف التاني بينما كانت الارجنتين مكتمله الصفوف ومع ذلك فازت البرازيل بضربات الجزاء بعد ان احرز ادريانو هدف التعادل للبرازيل في الزمن الضائع. اما نهائيات كاس العالم للقارات والتي دخلها الفريقين بكامل نجومهم فقد لقن البرازيليين فيه الارجنتيين درسا لن ينسوه وهزموهم بالربعه |
نعم العقده موجوده ولكنها لا تمثل العقبه الرئيسيه للارجنتين > اعتقد انو لو فى عقبه بتكون المانيا و اسبانيا - المانيا بتلعب كوره سريعه و ممرحله و عندهم هداف > كلوزه > من العيار التقيل > بس عيب الالمان فى الدفاع الذى لا يصمد كثيرا اما الهجوم الكاسح و الذى تتميز به الارجنتين .... - الاسبان فريق مكتمل فى كل الخطوط وعندوا خط وسط نجااااضه + للاسبان ( و الالمان لحد ما ) خبره فى التعامل مع المباريات الكبيره والتى اكتسبوها من اللعب المتواصل فى اغلب الدوريات الاوربيه حتى مراحلها الختاميه ( برشلونه و الريال ) والميزه ده كانت عند الطليان و الانجليز ولكنهم ودعوا ولا ينافسوهم الا اللاعبين الارجنتينيين بالكامل + 6 لاعبيين من البرازيل
لولا وقوع الالمان و الاسبان فى خط واحد مع الارجنتين لكنت رشحت احدهما للعب النهائى مع الارجنتين
بوب خليك معانا لا يحلو كاس العالم بدون تنظير
__________
ابو كدوك مشاركاتك تلغرافات > ياريت تكون معانا بشوية تنظير وكده
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: طارق الكوتش)
|
Quote: سلام يا شباب المولد ده فاتنا مع مشغوليات الرحيل من سكن لاخر |
هلا بعمر بوب ... ومبروك الدار الجديد ربنا يجعلو عامر ،،، نحيي عبرك الود كيكي الذي إفترع هذا البوست وكل المتداخلين فيه بروائع الإسهامات وعاوزين تحليلات من بيت الكلاوي وترشيحات من مستقرئ محنّك شايف الجماعة ديل سانّين سكاكينهم للشماتة بعدين عشان كدة ال بركب معانا ما ببنزل إلا في آخر محطة والبوست دة لو الناس شدّت حيلها بمشي للربع الرابع،،، وزي ما قال طارق الكوتش :
Quote: بوب خليك معانا لا يحلو كاس العالم بدون تنظير
|
مودتي
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: Nader Abu Kadouk)
|
هلا يا مونديال ونرحب بالقادمين الجدد ابو كدوك والمطبوع عمر بوب.. ونثني يا بوب اجازة كاس العالم وكاس اروبا وكاس افريقيا والدوري القطري لووووووووول ------
الليلة السامبا يا امين والكوتش نازلة الملاعب ونازل الود كاكا والكورة بالمناسبة فيها كلام كثير فشيلي فريق من الفرق التي زين لها النقاد كحصان اسود فدائما نلاحظ بانهم يبحثون عن حصان اسود ولكن في كل مرة القصة ما تفلق فهاهي شيلي جاهزة للعب هذا الدور
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: khaleel)
|
مساء جميل للحلوين وفي إنتظار البهجة مع ملوك السحر خليكم قريبين من شاشات العرض مع كامل التركيز والإنتباه حتى لا تفوتكم التمريرات السحرية الخفية كاكا ، روبينيو ومن البداية داني ألفيس (إتصلح معانا يا فابيانو) التشكيلة الأساسية من البداية هي :
Quote: خوليو سيزار سواريز دي أيسبيندولا Julio Cesar Soares de Espindola حارس 1 دا سيلفا لوسيو da Silva Lucio دفاع 3 دانييل ألفيس Daniel Alves دفاع 13 جوان سيلفيرا دوس سانتوس Juan Silveira dos Santos دفاع 4 مايكون سيسيناندو Maicon Douglas Sisenando دفاع 2 جيلبرتو سيلفا Aparecido Gilberto Silva وسط 8 ميشيل باستوس Michel Bastos وسط 6 راميرز سانتوس Ramires Santos وسط 18 ريكاردو كاكا Ricardo Kaka وسط 10 لويس فابيانو Luis Fabiano هجوم 9 روبينيو Robinho هجوم 11
|
ويلعب دونغا بي روبينيو وفابيانو في المقدمة المايسترو كاكا وسط ميدان متقدم ورأس المثلث الهجومي عند الهجمة (أقصد الهجمات المتتالية) داني ألفبس على اليمين وراميريز على اليسار ومن خلفهم جيلبرتو سيلفا يمثل رأس مثلث في الوسط الفاع بقيادة لوسيو وجوان مع المدهش مايكون وباستوس على الأطراف وخلفهم الحارس الأمين خوليو سيزار
التشلياب خصم ليس بالسهل ولكن لو أطاعت المجنونة أوامر السامبا فسوف نشهد مهرجان كامل الدسم لحظات وينسكب الإبداع يا متابعي بوست الود كيكي ... وأمريكا اللاتينية ويييييييييييييييي
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
يا خليل كرة القدم لا تحترف بالتاريخ والا لكانوا الانجليز و الارقواى اسيادها دون منافس + شيلى نعم فريق صغير مقارنه بالبرازيل ولكن رغم فقده الى ثلاثه من اعمدته استطاع فتح ثغرات و شوارع و تلاعب كتيرا فى دفاع البرازيل ولو لا جوان الذى لعب مباراة كبيره و تفوق على نفسه وعلى لاتسيو لكانت هنالك عواقب وخيمه > ويا خليل كما ذكر كيكى البرازيل بها دخنه كبيره و ربك يستر
عموما اذا اراد سيد دونقا تخطى هولندا و ضع خط كبير هنا ياخليل عليه بتحويل اما الفيس او مايكون الى الطرف اليسار لمراقبة روبن والا الرماد كال حماد
ولازال بكرر يا كيكى البرازيل ما عندها احتياطى ولاحظ كاكا عندو انزار و ربك يستر اذا تخطت البرازيل هولندا و سيد كاكا اخد ليهو انزار تانى ....
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: ولكن يا ابو خليل الاداء البرازيلي بتاع الليلة ده فيهو دخنة تقيلة |
كلام سليم يا كيكي ، وسط الملعب لم يكن بقامة البرازيل ، الدفاع متألق مع إندفاع زايد للمدافعين نحو الهجوم (الطبع يغلِب التطبع) لم تستفيد منه تشيلي التي أكثرت من التحضير أمام منطقة الجزاء راميرز وجوان لعبوا كورة كبيرة ... المعلمين الكبار إمتازو (بالفاينال تطش) الباص بتاع كاكا ريح ضميري ... مفروض يقسم مع فابيانو بالنص عموماً ننتظر إختبار أكثر صعوبة في مواجهة هولندا كيما يبرهن السليساو على أحقيتهم في مواصلة المشوار
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: أمين يحيى)
|
هلا يا خبراء ويا ابو خليل الدخنة موجودة ولكنها لو تم تداركها فانها لن تمنع البرازيل من شيل الكاس.. وانا رغم الدخنة الا انني اقول ليك الكاس برازيلي..
يا امين تحليك في محلو والوسط البرازيلي الليلة بطي جدا وما قدم حلول ملهمة .. دفاعهم زي الكونكريت وده البخلي الزول يتمسك لسسسسع بالكاس البرازيلي وايضا الفانيل توتش وحلول كاكا ما هينة تماما...
ويا الكوتش فعلا كاكا بعد الكرت بتاع الليلة ده اصبح في كف عفريت والله يستر ياااااااخ
| |
|
|
|
|
|
|
Re: اوووووووووه ديجو مارادونا -اووووووه. افريكاااااااااا....!! (Re: عبدالكريم الامين احمد)
|
Quote: ويا ابو خليل الدخنة موجودة ولكنها لو تم تداركها فانها لن تمنع البرازيل من شيل الكاس.. وانا رغم الدخنة الا انني اقول ليك الكاس برازيلي..
|
خليني القنكم درس يا مهندسين
في برلمان الانقاذ قال ابو القاسم محمد لن نتشرف ببرلمان رئيسه الترابي
فقال الترابي دعوهو فان للرجل مفهوم اخر للشرف
ويبدو ان اصحابي المهندسين لديهم مفهوم اخر للدخنة
شيلي فريق صعد لدور الستاشر
من حقه ان يصنع هجمات ويضيع فرص وهذا لا يعني ان فريق البرازيل به دخنة
والا اذا كانت تسيطر البرازيل علي كل المباراة وكانها
تلاعب التلال بطل الغسيناب
من النهار دا مافيش دخنات
| |
|
|
|
|
|
|
|