ازبيلا وسنهوري في داعي تولعو فينا جمر الحي..والاحياء المجاورة....!!!

مرحبا Guest
اخر زيارك لك: 03-29-2024, 11:35 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عبدالكريم الامين احمد(عبدالكريم الامين احمد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-07-2009, 09:25 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ازبيلا وسنهوري في داعي تولعو فينا جمر الحي..والاحياء المجاورة....!!!

    الجدل العجاجو قايم في كتابات ازبيلا عن فيافي وربوع الصعيد والمقص العجيب الذي ارسله الاخ سنهوري
    مما شكل في راي حراك ايجابي حول الكتابة...والامكنة والكاتب والنظرة الي المراءة و جغرافيا السرد وسرد الجغرافيا
    ويمكن ان تطل نقة عن الهامش وعن التمكن من زوايا واركان وكراكير الوطن ومعانقة كل اشيائها وممارسة الدهشة عبر الوجادين الممكن تكتب زي الصديقة ازبيلا... وربة وضوء مسلط علي بقعة عالية الجمال بتخلي الزول يحلم ببص ملي بالناس البتكتب والناس البتعكس دواخلها حرف وموسيقي وفن يحلقوا في رحلة طويلة في كل فيافي و وديان السودان... حيث الطعامة الاندهاش والناس الطيبة ونبيلة وموهوبة...
    ,,,,,,,,,,,,
    اذن انها هارون محطة للسكة حديد عندما القطار يعبر بصافرته تلك التخوم الموازية للنيل الازرق في عبور عكس التيار النهر العاتي..
    لا ادري لماذا البدايات هي هارون ؟؟؟..ولما ليس جلقني اوخليل او ود النيل بكان القمري قيل..او ابوحجار حيث كمبو كثر الدخلو كلو ودر...
    ولكن فلتكن هارون هي بداياتنا نصعد منها شمالا وجنوباثم نعبر الازرق شرقا ثم نضرب عباب التخوم غربا في اعالي مناطق مشاريع زراعة الامطار وليالي الجنقو في رحلات ام بحتي وقد نحتسي مرايس من العيش و بعض الكولميت ونضرب الزقني في تخوم حدود بلاد الاحباش... فكل شي وارد في حمي جمر الحي الذي ولع عبر كتابات ازبيلا ومقص سنهوري
    ....!!!
                  

04-07-2009, 09:28 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 24695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    الضرس تاورك تاني

    إلا يلكزوك ياخي
                  

04-07-2009, 09:30 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    ليلا تستقبله القهاوي المشيدة من (بوص الصعيد) بعربة افندية ضاربة صوب الدمازين والروصيرص واشرطة اجهزة الكاسيت المغلفة بالقماش يتصارع فيها خميس ما بين (حليمة) واغاني اتية لابراهيم عوض وعثمان حسين....وفتية صغار
    جعلتهم الارزاق جرسونات في عز ساعات الليل وعسكري يجوب الاسواق حاملا في كتفه (كلاش)... فالاخبار تقول ان
    قرنق وعقار علي حواف الكرمك...!!!
    مطر الصعيد البرقو قبلي لا يستاذن الحضور بل يهطل دون مشورة...ليختفي كل المشهد سريعا خلف كراكير القطاطي والرواكيب....اذن اين المبيت يادودي....!!!
    دودي ابن مزارع مطري ثري عركته (قلي) والصهباء والقربين ويلامس في ترحاله من اجل اسبير التركتروالزراعات والسمك الناشف (الكجيك والضرابة السارا ) حتي الدالي والمزموم وخبير جغرافيا وبيوتات عذبات ولا يتواني ايضا في التردد علي الاندايات ومعاقرة كل الانواع البلدية...وبعض ما يسربه كبار الافندية من الخراطيم من ويسكي وفودكا (واحييي انا من فودكا الافندية داك
    )......
                  

04-07-2009, 09:35 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote: الضرس تاورك تاني

    إلا يلكزوك ياخي

    هلا يا حيدر
    ودي ياخي لزكة السرور ودفرة الهنا
    والنقة المدورة اليومين الفاتن ديل هبشت وتر وجرح كبير وتصدق رغم العجاج القايم الا ان اخوك كان فرحان شديد
    من التيمين (ان صح التعبير) فالصعيد ومناطق النيل الازرق مناطق جميلة ياخي ومدهشة تستحق ان تسلط عليها الاضواء بما فيها
    من طبيعة وناس ومدن لها وهجها وممارسة حياة بصورة تكاد تلامس الاسطورة والاحلام..

                  

04-07-2009, 09:36 AM

محمد الجزولي
<aمحمد الجزولي
تاريخ التسجيل: 08-16-2007
مجموع المشاركات: 2983

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    الفكرة .. دخلنا نشيلنا جمرة للشيشة ..


    لكن شكلنا مصنقرين .. وادي صينقيرة .. اها ..






    ـــــ
    شوق مسبوق السلام يافردة ..
                  

04-07-2009, 09:42 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: محمد الجزولي)

    Quote: لكن شكلنا مصنقرين .. وادي صينقيرة .. اها ..

    هلا يا محمد وحبابك...
    واذن فلنجلس جميعا في حضرة ضفاف الازرق وستكون معي واخرون في جوقة الجنقو الضاربين الفيافي ليلا علي ظهر (ترلا)
    يقوده تركتر (ماسي) ذو احصنة كثيرة...ولكن عفوا ستكون هنالك جركانة في حجم جركانة العصير مليئة بالبقو البكري
    نصارع الجنقو في (البق واديني ابق منها)
    ياخ الصعيد بكانا سمح ياخي..!!!
                  

04-07-2009, 09:41 AM

Hawari Nimir
<aHawari Nimir
تاريخ التسجيل: 02-03-2007
مجموع المشاركات: 621

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    اذن انها هارون محطة للسكة حديد عندما القطار يعبر بصافرته تلك التخوم الموازية للنيل الازرق في عبور عكس التيار النهر العاتي..
    لا ادري لماذا البدايات هي هارون ؟؟؟..ولما ليس جلقني اوخليل او ود النيل بكان القمري قيل..او ابوحجار حيث كمبو كثر الدخلو كلو ودر...
    ولكن فلتكن هارون هي بداياتنا نصعد منها شمالا وجنوباثم نعبر الازرق شرقا ثم نضرب عباب التخوم غربا في اعالي مناطق مشاريع زراعة الامطار وليالي الجنقو في رحلات ام بحتي وقد نحتسي مرايس من العيش و بعض الكولميت ونضرب الزقني في تخوم حدود بلاد الاحباش...



    يا ..كريــــــــــــــــــــم
    ازيك و علك بالف خير..طالما انت بديت من هارون المحطه....!!
    تراني في رجاك..في سنجه عبدالله...بلدنا الجميله و عروس النيل الازرق..
    ....
    لك كل الود..
    هواري
                  

04-07-2009, 09:54 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)

    Quote: يا ..كريــــــــــــــــــــم
    ازيك و علك بالف خير..طالما انت بديت من هارون المحطه....!!
    تراني في رجاك..في سنجه عبدالله...بلدنا الجميله و عروس النيل الازرق..

    يااااااا هواري
    ويا سنجة انا قلبي ولع نار..
    مدينة شاهقة يا هواري وتستحق ان تضرب اليها طيور السرد..فهي جنة ومنطقة ملئية بدراما الحياة ونشطة في كل اركانها
    ويحتويها النيل الازرق بتحنان وبوادي غربا وشرقا حيث ود اللعيز والجزائر وجنوبا حتي كركوج وشمالا تنازع السوكي في حلة يوسف واقرانها..
    اجمل مغني نشف الاذن التواقة الي الموسيقي وهي بعيدة في كراكير لا يصلها الا مذياع (شششششين) وحجار بطاريته متمردة
    هو عمنا الجميل الطيب مومن حياه الغمام..
    وسنصل الي سنجة وسنحط قليلا في كل احيائها وناسها الرائعين...
    وقد نلامس روعة المدينة في لاتيني (حي فورتنيها الشهير)
                  

04-07-2009, 09:44 AM

أبوبكر أبوالقاسم
<aأبوبكر أبوالقاسم
تاريخ التسجيل: 11-27-2007
مجموع المشاركات: 2805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote: ولكن فلتكن هارون هي بداياتنا نصعد منها شمالا وجنوباثم نعبر الازرق شرقا ثم نضرب عباب التخوم غربا في اعالي مناطق مشاريع زراعة الامطار وليالي الجنقو في رحلات ام بحتي وقد نحتسي مرايس من العيش و بعض الكولميت ونضرب الزقني في تخوم حدود بلاد الاحباش...


    ولا تنســــى " الجنّون " وطَـــق الصمغ .... و أبحاث " توزى" و " بوزى" ...

    والمدينة الضائعــــة التى بيعت بثمن بخــــس " أبونعامـــة" .


    ومهوجنــى غابات " تولــى " و " عبدالخلاّق ".


    كانت لنا أيام .... فى قلبى ذكــراها


    يا ليتنا عُدناها ... أو عادت الأيام


    أليس ذلك بعضــاً مما قالـــه القامــة الشامخـــة " عثمان حسين " ؟
                  

04-07-2009, 09:46 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: أبوبكر أبوالقاسم)

    لا ادري هل نغوص جنوبا ونضرب صوب جلقني حيث النيل الازرق يعانق وهج الافريكانو في اوج جمال وحمار قبائلها
    حيث ثاني وصالح (ودرب العشق في جلقني) اغنية لحبشي يبيع الماء عبر (كارو) شهير في ربوع منطقة ليس ببعيدة عن تلك الجفرافيا تسمي بنزقة... فالناس في غرب النيل الازرق وشرقه يقتسمون كل الاشياء
    الامطار والرعد والبرق ووفناني المندلين واغاني البنات...رغم التنوع الاثني والثقافي و المسافات العصية علي (البنقلو)
    الا ان رائحة الشعيرية والعصيدة في كل فيافي الصعيد الاوسط هي نفس الرائحة ونفس الوهج ...وملاح بودرة اللحمة المشهور بالشرموط به ذات الحبيبات اللحمية الدردمات...وكان الوصفة يعممها النيل الازرق في عبوره الهائج والهادي بين تلك الفيافي
    .........
                  

04-07-2009, 10:05 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote:
    ولا تنســــى " الجنّون " وطَـــق الصمغ .... و أبحاث " توزى" و " بوزى" ...

    والمدينة الضائعــــة التى بيعت بثمن بخــــس " أبونعامـــة" .


    ومهوجنــى غابات " تولــى " و " عبدالخلاّق ".


    كانت لنا أيام .... فى قلبى ذكــراها


    يا ليتنا عُدناها ... أو عادت الأيام


    أليس ذلك بعضــاً مما قالـــه القامــة الشامخـــة " عثمان حسين " ؟

    هلا ومرحب يا ابوبكر ومشتاقين
    توزي...والصهباء وابحاث الصمغ ومحطة ابحاث ابو نعامة او كما ينطقها اهل تلك الفيافي (البحوث),,,
    وابو نعامة المدينة المتماسك اهلها وخير من يجيد التعامل مع الارض والمطر..سوقها في عز صباحه لوحة ودراما وخليط ما بين اهلها الاتنين من المشاريع في كل فترات الحصاد او الزراعة متعبين بفعل الزراعة والكديب والاشراف علي محاربة العنتت او فرحين بحصاد وفير
    للسمسم وقدم الحمام وود احمد... ثم تعانق السوق في لحظاته تلك عربات افندية الجامعة او البحوث او مشروع الكناف عندما كان في اوج عظمته...
    مدينة زاخرة باشياء مهولة ومركز قد يكون عالمي ان وجد الاهتمام لدراسات الامطار والتربة والنبات و طبيعة الانسان السوداني الكريم
    وتحية خاصة ونحن في سيرتها لاصدقائي بخيت علي طه وابراهيم كويعة وحسن الناجي... ..
    ولكل فقرائها في كمبو الدينكا وكمبو النوبة
                  

04-07-2009, 10:08 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    في ذلك الزمان كانت نقاط العبور التي شيدتها سلطة العسكر هي الامكنة التي تستقبل السابلة الدايسين علي الابنص في شارع
    سنار الدمازين..ذلك الطريق المتاكل بفعل رداءة تصميم المقاولين العرب في اسفلتهم الذي كبوهو في غفلة من معايير الهندسة لتاتي امطار الصعيد الكافرة لتمارس النحت والهدام وكانها تتامر مع الهدام الشهير الذي يفعله النيل الازرق بالقري القريبة من ضفافه..فالنيل يهدم ويكجم اليابسة والامطار تهدم وتكجم ذلك الزلط التي خطف الاضواء ورغم علاته من قطار الصعيد الشهير الذي كان اجمل محطاته هي_جبل عبل- ذلك الجبل العنيد الذي اشتهر بمغنطيس يجذب الطائرات الاتية من البندر
    هل يقبع جبل عبل متمردا علي المركز الذي اهمل القري والفيافي المحيطة به وباع اعظم مشاريعه الي اصحاب القروش والراسمالية ليمتصو عرق وجهد ودماء اهل تنقرو ومشريعات وقنوفة وود النيل وبعض من ابو حجار والمدينة الاكثر روعة
                  

04-07-2009, 10:11 AM

Hawari Nimir
<aHawari Nimir
تاريخ التسجيل: 02-03-2007
مجموع المشاركات: 621

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote: ويا سنجة انا قلبي ولع نار..
    مدينة شاهقة يا هواري وتستحق ان تضرب اليها طيور السرد..فهي جنة ومنطقة ملئية بدراما الحياة ونشطة في كل اركانها
    ويحتويها النيل الازرق بتحنان وبوادي غربا وشرقا حيث ود اللعيز والجزائر وجنوبا حتي كركوج وشمالا تنازع السوكي في حلة يوسف واقرانها..

    هي كذلك يا كريم..
    النيل يلتف بخاصرتها مثل حرف (s) الانجلبزي..و غاباتها..تظللها..في حنو غريب..فهي ولدت لتكون للنيل صنوا و حبيبه


    Quote: اجمل مغني نشف الاذن التواقة الي الموسيقي وهي بعيدة في كراكير لا يصلها الا مذياع (شششششين) وحجار بطاريته متمردة
    هو عمنا الجميل الطيب مومن حياه الغمام..


    اسره ال مومن..كفر و وتر..

    Quote: وسنصل الي سنجة وسنحط قليلا في كل احيائها وناسها الرائعين...
    وقد نلامس روعة المدينة في لاتيني (حي فورتنيها الشهير)[/
    B]

    في انتظارك هنـــــــــــــــــــاك..كي نفني معا
    14 جنه..وهي مسكنه
    وكا قلت حب لاتيني..في جنوب الفونج
    و الجننونا بالخضار ...الخضار..
    سنجه وين يا ناس...
    السكنوك..جنوب الفونج
    ..فقط لا تنسي..وتعال و معك..المغني الاشهر...الطاهر سراجيه
                  

04-07-2009, 10:15 AM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)

    مجانين الجمال..كل الحب..
                  

04-07-2009, 10:59 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Muna Khugali)

    Quote: مجانين الجمال..كل الحب..

    هلا يا مني وحبابك
    والنيل الازرق يامني بجنن في حضوره الطاغي في كل المساحات ديك بامكنة وشخوص رائعين بالحيل
                  

04-07-2009, 10:53 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)

    Quote: في انتظارك هنـــــــــــــــــــاك..كي نفني معا
    14 جنه..وهي مسكنه
    وكا قلت حب لاتيني..في جنوب الفونج
    و الجننونا بالخضار ...الخضار..
    سنجه وين يا ناس...
    السكنوك..جنوب الفونج
    ..فقط لا تنسي..وتعال و معك..المغني الاشهر...الطاهر سراجيه

    يا سلام يا هواري ياخ
    وود الصيعد دوما فنان في كل اشيائه... وكل الاشياء تاخذ طعم الموسيقي
    في الخضار البجي من الجروف وفي جوافة ام بنين...وبائع شوالات الفحم علي الطريق الذي في استطاعة كرمه ان يهديك الشوال ويذهب وهو مطمئن البال.. ثم اروع الاشياء هي فناني القري والمدن وصانعي النحوت واللوحات. وفي عمله الفقرا الكادحين والمزارعي خبرا خجانين الارض والمطر...
    النيل الازرق ياخي لوحة عالية الدهشة في ضفتيه ومنطقة جديرة ان ترسل اليها العدسات لكي تخرج درر الطبيعة
    درر الفن
    ودرر الحياة..
    ومعا سنحط بالرحال في سنجة عبدالله

    (عدل بواسطة عبدالكريم الامين احمد on 04-07-2009, 10:56 AM)

                  

04-07-2009, 11:22 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    النيل الازرق ومنذ هطوله المتمرد من هضبة الاحباش جبل علي صناعة عوالم من الحياة علي ضفتيه شرقا ثم غربا
    عوالم سطح النهر وسادتها الصيادون في رحل صيدهم المدهشة زادهم هو اغاني كورال الصيد والصبر المنضبط والخير الوفير ومعرفة دروب وسكك النيل الازرق والازرق فقط...( بنقلو) ذلك المركب الخرافي يجوب طرقات النهروما بين هذا وذلك خزان الروصيرص ثم كبريها مع الدمازين ثم كبري سنجة ثم خزان سنار العتيق وما بين هذا وذاك توجد عابرات نيلية تسمي البنطون ولكن عفوا انها مسارح متحركة وقواعد صواريخ نيلية زرقاء تربط ضفتي النيل الازرق ببعضها البعض.. فداخل البنطون مسرح ومشرع البنطون مسرح وباعة مرحيين يحيون كل العابرين المسافرين باسمائهم وينظرون للغرباء بدهشة وحنية وكرم نيلي ازرقي
    ........
                  

04-07-2009, 11:27 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    ثم تاتي عوالم الجروف تحضن المسافة ما بين القرية والنيل الازرق ومابين المدينة والنيل الازرق... موج النيل الازرق في انحساره بعد غضبة فيضان حنون يمارس الغضب برفق وتمرد علي كميات المياه التي تقذفها الينا الهضاب الحبشية.. ينحسر سريعا ذلك الفيضان ليشيد مسرحا لعالم وعوالم وارضية الجروف... لتري الزراعة الوديعة وطلعات المساء التي تعانق البحر في انحساره والنساء والكديب والكندكة والطورية... بطيخ وثمرات تصنع الامن الغذائي (الفريش) وتعانق الجناين التي تهب ثمرات انباتها متين فالعروق فيها شاربة بشبع ودلع فطر من ا موالح التربة التي يهديها اليها النيل الازرق
                  

04-07-2009, 11:33 AM

filan
<afilan
تاريخ التسجيل: 02-17-2002
مجموع المشاركات: 517

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    سلام أهل الصعيد .


    Quote: منطقة جديرة ان ترسل اليها العدسات لكي تخرج درر الطبيعة


    بمناسبة الحديث عن العدسات , ففي خاطري ( نجاتيف صورة ) لسجن الروصيرص , ما زالت ترواح مكانها , بين الأسود والضبابية !!
    أذكر ان بجانبه مبنى حكومي , أظنه يتعلق بالمياه والله أعلم , وأمام السجن , في قلب النهر , جزيرة صغيرة , مزروعة موز ....
    ما ( ثبت ) الصورة في خاطري لسنوات , قبل أن ( تبهت ) ألوانها , هي تلك الشجيرات التي بجانب السجن , فكل شجرة تتسع لحمولة باصين كاملين ( نيسان )
    أشجار ضخمة , تمنح الأرض نفحة من النعيم , وتمنحها الأرض ( كرين كارد ) فورية من النيل ....

    يا ناس الصعيد دي كلها مقدمة لشحدة : بالله العندو صورة للمنطقة دي يلحقنا بيها , خلونا نلون الذاكرة .

    و واصلوا الحكي ...

    مع التحية .
                  

04-07-2009, 12:00 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: filan)

    Quote: ما ( ثبت ) الصورة في خاطري لسنوات , قبل أن ( تبهت ) ألوانها , هي تلك الشجيرات التي بجانب السجن , فكل شجرة تتسع لحمولة باصين كاملين ( نيسان )
    أشجار ضخمة , تمنح الأرض نفحة من النعيم , وتمنحها الأرض ( كرين كارد ) فورية من النيل ....

    يا سسلام ياخي يا فلان..
    اتيت بوهج مدينة مدهشة ياخي وطبوغرافيتها تفعل بالنفس الافاعيل فسطحها الممتموج ما بين هضاب متوزعة في كل نقطة والاخري وقطاطيها التي هي لوحة في كل زاوية من زوايا المدينة تعانق اشجارها الضخمة ثم تعانق اهلها الفنانين وبعض مكاتب الميري في ضفاف النيل الذي يبدو هو ايضا فرحا بمعانقته لتلك البقعة الساحرة...
    نعم وبحضورك الان هطلت ايضا تلك اللوحة وبل هطلت ايضا كل الروصيرص بما فيها من زكريات وصديقي الرا حل عليه الرحمة المهندس
    بابكر الطيب مساعد عشاق تلك الفيافي الاول الذي ذهب الي السماء وهو في ريعان شبابه...
    نتمني ان يحط بيننا من يمارس التوليع بجمرة صورة تحي مدينة الروصيرص وجمرة لحن من الحان ابن الصعيد الفنان سبت ومغني تلك الفيافي
    ورساميها الكثر وقد علمت بان طلاب كلية الفنون يذهب بهم الي تلك المناطق حتي تستفزهم الطبيعة لنري لوحات تساوي ملايين الدهشة..
    مرحب يا فلان وحبابك في مدارات نيلنا الازرق الوهاج..
                  

04-07-2009, 01:02 PM

محمد احمد سنهورى
<aمحمد احمد سنهورى
تاريخ التسجيل: 07-31-2006
مجموع المشاركات: 367

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    يا سلام عليك يا سلام
                  

04-07-2009, 05:00 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: محمد احمد سنهورى)

    Quote: يا سلام عليك يا سلام

    هلا يا سنهوري
    وحبابك في سيرة نيلنا الازرق الوهاج ومناطقتنا تلك تحتاج الي حزمة ضوء عالي السطوع حتي نلقي الضوء عليها ونعرف الاخريين باهلها وجغرافيتها ونبض كل اشيائها...
    ورغم الجدال والاستقطاب وتداعيات مادار بينك والاخت ازبيلا الا انني اري انها سياحة نقاش ايجابية تفيد في اشياء عديدة مربوطة بالمنطقة والكتابة والمتلقي ..
    وها نحن نساهم معكم وانتم من اولع جمر الحي حيث حملتنا الاشواق الي كل ربوع النيل الازرق الجميل
    وكل الود
                  

04-07-2009, 12:08 PM

haroon diyab
<aharoon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: filan)

    كيكينا يارائع
    سلامات
    والله اتذكرت عوضية رتينة
    قلته اشرب لي كباية شاي




                  

04-07-2009, 12:37 PM

filan
<afilan
تاريخ التسجيل: 02-17-2002
مجموع المشاركات: 517

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: haroon diyab)



    عبد الكريم ( حاف كدا )

    زرت الصعيد في التسعينات , عندنا اقاربنا هناك ( ناس أبو الريش ) عليه الرحمة , كانت يملك ما يمكن أن يسمى تجاوزاً مقهى , خلف بنك فيصل الإسلامي , في الفسحة الكبيرة ديك , حيث بائعات السمن والعسل والالوان من الأمبرورة , قد لا تشتري منهم لقلة ذات اليد , ولكنك تنال فرحاً مجانياً من تلك الالوان , التي تخالط بشرتهم ,وصبغ شعورهم وبياض أسنانهم , تختلط الالوان بإبتسامات تخرج قبل الآهــة , قد لا تجد بكيانك ما يتسع لكل هذا السناء فتجرجر عصاك ووتكفكف نفسك , وتتخارج بحجة أن ( السماء دي دايرة تجيب ليها مطرة ) .. !! الامبرورة تجارتهم للروح أولاً ثم للأجساد بما يـشفي ويغني من جوع .. ولا يرجون منها غنىً ...
    لا تدفع لهم إلا ثواني , وتنال بهجة تزورك كلما رأيت نهر أو ضجّ بالسماء رعد , بهجة لا تفارك برغم ( ذهللة ) المـُدن , والأضواء ....

                  

04-07-2009, 01:09 PM

أبوبكر أبوالقاسم
<aأبوبكر أبوالقاسم
تاريخ التسجيل: 11-27-2007
مجموع المشاركات: 2805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: filan)

    كيكـــى يا رائـــع

    أوعـــك تمشى بوست ( بدرالدين ) وتجينا محنبك عشان الوصـــف دا.

    غايتـــو اسمــح لينا نتداخـــل بخواطرنا الغير مرتبـــة التى أهاجهـــا بثك الشجـــى لشجـــونهــا.

    Quote: ثم تاتي عوالم الجروف تحضن المسافة ما بين القرية والنيل الازرق ومابين المدينة والنيل الازرق... موج النيل الازرق في انحساره بعد غضبة فيضان حنون يمارس الغضب برفق وتمرد علي كميات المياه التي تقذفها الينا الهضاب الحبشية.. ينحسر سريعا ذلك الفيضان ليشيد مسرحا لعالم وعوالم وارضية الجروف... لتري الزراعة الوديعة وطلعات المساء التي تعانق البحر في انحساره والنساء والكديب والكندكة والطورية... بطيخ وثمرات تصنع الامن الغذائي (الفريش) وتعانق الجناين التي تهب ثمرات انباتها متين فالعروق فيها شاربة بشبع ودلع فطر من ا موالح التربة التي يهديها اليها النيل الازرق


    لن أنســـى ما حييت موقعين ينطبق عليهما وصفك أعلاه ... وكلاهما فى المنطقة بين سنجــة ( ودالجزولــى) و أم شوكـــة.

    الموقــع الأول هـــو الدبكرة والرايات.... حيث يتمدد النيل عند الفيضان ليغمــر " الميعـــة" بأشجارها المقطـــوعــة " الضقلوم"

    وهــى تشرئب بأعناقهــا طلباً للهواء كأنها تُحاكـــى أحــد غطاسيها... والخضــرة والأشجـــار منقسمــة بين ضفتـــى الميعــة فى منظر

    يخلب الألباب ويكفــى أن ذلــك الأثر لا زال باقيــاً حتى بعد مرور (23) عامــاً.


    الموقــع الآسِــر الثانـــى هــو إمتداد " خــور عنيكليبة" خــلف أم شوكـــة جهـــة أبو البنات - إن لم تخنِ الذاكــرة- حيث يقطـــع

    الشارع الواصــل إلــى أم شوكـــة مخلفــاً غابات الأشجـــار على ضفافـــه المؤقتـــة قبيل ذوبان شمعته وإنحساره مع نهاية الفيضان.

    أم شوكـــة بموقعها الفريد داخـــل مجــرى النيل.
                  

04-07-2009, 04:57 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: أبوبكر أبوالقاسم)

    خلاص,
    قمت على جنك؟!!


    طييييييييييييييييييب!!

    فى حضرة شذى نكتب عن الناس المنسية....

    Quote: {2}


    رغم صغر سن بت النسيم زمانئيذ, الاّ ان صورة الزيتونة ولمعة لونها فى دجى الاحلام, ظل ساطعا فى ذاكرتها, وظلت فيها اسنانها البيضاء ومسيرتها المضفورة بشعر {السلة}. ضحكتها كانت طبل فرح داوى فى ليالى الصبيات. يلتفن حولها فى الليالى المقمرة ويحكن عن آدمو وعن حلم الزيتونة أحمدو.
    احمدو كانت عاجباه روحه وقدلة قامتو
    وشعره كان فترتية فقراء شهية, مفلفل زى رز اغنياء المدينة اللذى لايراه شفع ذلك الحى الاّ حين ولادة او عيد كبير
    جلابيتو السكروته كانت حكاية البنات, عشقهن بنات الحلة ولم يعشق سوى الزيتونة, الاّ ان اهل الحى يتهامسون حول علاقته بالحوش المعزول الاجرب, استأجرته حواية بعيدا عن بيتها حيث ترعى اطفالها نهارا وتصحو فيها الحياة لاجلهم وتنتحر فيها حين تعلو دخاخين غبنها وهزيمتها فى المغارب
    صوت جارنا يعلو لاعنا لها..
    لعنة الله عليك, بتمشى ووين من الله ونارو

    وتقول كدى حواية تقبل عليهو, صوتها يجلجل:

    انت مالك ومالى ربنا بسعلنى براى يوم الموقف العظيم لكن كان الله قدرك النشوفك تزازى فى الصف, ماياها طرادتك دى, شن طعمها,
    يعلم الله عثمان ود شيخ عوض الافندى بيجى بالبطيخ والشمام والباسطة الماخمج وكان لى احمدو مافى زيو
    كان الله هداهو وقصم رقبة البنية ديك يانى التبت على يدينه, اجى يايمة اريتن ضرعات الرجال لحدهم.

    يستغفر ويتحوقل ويصمت خوفا من النبيشة وشيل الحال ويبرطم لاعنا لها فى سره.

    احلام زلوط, احمدو بريد الزيتونة ومابدلها لا بالغالى ولا بالنفيس, اشترى شيلتو وجابه من الحجاز, فيها يعلم الله شوف عينى توب ابو قجيجة واعواد
    الصندل وشبشب شول وفرير دمور المسخ الارياح. ترازيها سعيدة, احدى المغرمات باحمدو.

    تقجى حفيانة يالحسودة, ترقى حواية. انتى شن عرفك بتوب ابو قجيجة ودكتور شول شفتيهو ووين يالسجمانة ورمادنة
    فرير دمور اللى يريحو بيهو جنازتك قولى آمين. هى حواية حين تقوم فيها عفاريت الشر, تهز وترز الحلة.
    اها انا مافاضية ليك, بقضى شغلى وبجيك, بتفن وبطلع ليك المدفن, يدفنونك يايمة بين الليلة وبكرة.

    كل ذلك والزيتونة تسمع
    والبنات حولها يحاولن يغنن ,
    لما الريد يفوت حدو
    يبقى مصيرنا فى يدو
    يحن قلبى يبين ودو
    ,,,,


    الزيتونة تغنى, فاحمدو ليها ليها
    عيونه لا تلمع الاّ حين يراها, ترخى عيونها, فرسه اتعبها انتظار الركض على سنة الله ورسوله.

    صوتها الحنون يشقّ الليل ويدخل فى جوف احمدو ويصحى ضميرو, كل مرة يجزم انها المرة الاخيرة, الله يلعن ابليس
    حواية تلعلع وسط حوشها, عاد كل شىء سوينو فى ابليس, حسع فى زول ضربك فى يدك مابراك جيت تفتشنا
    اها موية السكر بتجيب الحمام
    والفيران بتحب الجبنه
    ماتورينى خلقتك دى, بعرف ادواى روحى وحاة الشيخ المكاشفى اربطك عند قسوم بتاع الكجور الاّ تجينى جارى شقى ومجنون, اها النشوف اخرتها.
    كجرتو الملعونة....
    كتلت الكتيل ومشت فى جنازتو
    عاد قوة عين هى... تبرطم سعيدة..

    وكان ان تاب احمدو بعد ان حجّ وغسل ذنوبة فى الحجاز ورجع نقى زى حليب الام البكرة.
    الزيتونة تهجس احزانها التى كتمتها طيلة سنوات غرامها لاحمدو, وغنت يومها للبنات الملتفات حولها تحت شجرة اللالوب

    {بترجع لى ويرجع لى معاك بصرى
    وعاين فى العيون سهرى
    وليلى الشايلو من عمرى وكت ريدك صبح قدرى
    ونغمة حبيبة فى خاطرى والملم للفرح وقتى
    واقول بختى....}

    تحت شجرة اللالوب كجرت واية الزيتونة واحمدو
    وهنا كانت اصل الحكاية...
    ومن هنا بدأت حكايات وحكايات..

    حكايات ناس منسية خلف ضوضاء المدينة وزيفها...


    http://sudanyat.org/vb/showthread.php?t=10351
                  

04-07-2009, 05:38 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Ishraga Mustafa)

    Quote: تحت شجرة اللالوب كجرت واية الزيتونة واحمدو
    وهنا كانت اصل الحكاية...
    ومن هنا بدأت حكايات وحكايات..

    حكايات ناس منسية خلف ضوضاء المدينة وزيفها...

    يا سلام يا اشراقة
    يا زولة الناس المنسية والدايرة ضوء وكاميرا وفلاش...ودايرة الميري يديها طلة
    وحبابك وحباب احمد والزيتونة وسيرة الاحلام وونبض الحياة السمح...
    والغجرية ازبيلا وسنهوري ديل هبشوني بنقتهم في مقتل فكركرت كرعيني وجيت..
    نجول ونحلق ونرد بعض الدين لمناطق وعوالم علمتنا معاني الجمال واهدتنا اروع الاشياء
                  

04-07-2009, 05:28 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: أبوبكر أبوالقاسم)

    Quote:
    لن أنســـى ما حييت موقعين ينطبق عليهما وصفك أعلاه ... وكلاهما فى المنطقة بين سنجــة ( ودالجزولــى) و أم شوكـــة.

    الموقــع الأول هـــو الدبكرة والرايات.... حيث يتمدد النيل عند الفيضان ليغمــر " الميعـــة" بأشجارها المقطـــوعــة " الضقلوم"

    وهــى تشرئب بأعناقهــا طلباً للهواء كأنها تُحاكـــى أحــد غطاسيها... والخضــرة والأشجـــار منقسمــة بين ضفتـــى الميعــة فى منظر

    يخلب الألباب ويكفــى أن ذلــك الأثر لا زال باقيــاً حتى بعد مرور (23) عامــاً.


    هلا ا ابوبكر
    وبدر الدين قريبي زااتو عاوزين نجرجو بجاي
    ونطلع الروعة الكامنة بقوي فيهو ونشبكو يا بدر يا وريف...ولو اجنن حنوري ليهو اوكمابو
    انا اصلا عارف بدر هارش من صحبي ده
    والنيل الازرق يا ابوبكر ومنذ دخوله الاراضي السودانية قادما من الحبشة يرسم لوحته بنظام وادب وفن
    ويشكل شرقا وغربا عوالم احسبها الان اربعة
    1-عوالم سطح النهر
    2-عوالم الجروف
    3-المدينة او قرية الضفاف
    4-ثم عوالم الضهاري
    تمدد شرقا وغربا بالكربون (بست اند كوبي) وفي كل مقطع تضيف الطبيعة دهشة في اللوحة والشخوص وتطبيق نمط الحياة...
    وفي مسيره شمالا ايضا يرسم لوحات يغذيها بموجه الهادر الجميل الذي لن يوقفه اسمنت الفرنجة في ابواب خزان الروصيرص ولا خزان سنار...
    فما شاهدته في حواف مدينة ام شوكة الرائع اهلها يمكننا مشاهدته كثير ووفير في عبر رحلة هذا النهر الجميل ومنذ البدايات
    وكن بالجوار سيحلو الحديث والسفر عبر النيل الوهاج
                  

04-07-2009, 05:19 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: filan)

    Quote: زرت الصعيد في التسعينات , عندنا اقاربنا هناك ( ناس أبو الريش ) عليه الرحمة , كانت يملك ما يمكن أن يسمى تجاوزاً مقهى , خلف بنك فيصل الإسلامي , في الفسحة الكبيرة ديك , حيث بائعات السمن والعسل والالوان من الأمبرورة , قد لا تشتري منهم لقلة ذات اليد , ولكنك تنال فرحاً مجانياً من تلك الالوان , التي تخالط بشرتهم ,وصبغ شعورهم وبياض أسنانهم , تختلط الالوان بإبتسامات تخرج قبل الآهــة , قد لا تجد بكيانك ما يتسع لكل هذا السناء فتجرجر عصاك ووتكفكف نفسك , وتتخارج بحجة أن ( السماء دي دايرة تجيب ليها مطرة ) .. !! الامبرورة تجارتهم للروح أولاً ثم للأجساد بما يـشفي ويغني من جوع .. ولا يرجون منها غنىً ...
    لا تدفع لهم إلا ثواني , وتنال بهجة تزورك كلما رأيت نهر أو ضجّ بالسماء رعد , بهجة لا تفارك برغم ( ذهللة ) المـُدن , والأضواء ....

    يا سلام يا فلان ياخي
    اذن قد زرت النبع وهبطت بوجدان الجميل في ساحات مسارح الحياة التي تشيد دون سابق انذار..
    فالقهوي في كل مدن الصعيد هي مسرح ومكان شديد الدراما...ويتزاوجها في درامتها المدهشة تلك الاسواق ومرتاديها الحنان...
    امبرور...(يا لجمال هولا القوم) ولو قدر لنا بالتجوال والنشوق معهم في رحلاتهم النشطة الغامضة ما بين الريف البعيد والفيافي للرعي لعدنا مندهشين حقا من نمط حياة هلا القوم...
    يزرون المدن في اسواقها علي عجالة مشبعين بالمرح والغموض الذي سرعان ما يتحول الي الفة سريعة عقب محادثة
    وبيعة علي الماشي لحجاباتهم التي تساعد ايضا في بيعهم الوفير من البان وروابة ابقارهم الاسطورية المسكونة بالسحر....
    الصعيد ومدنه يا فلان مليانة ياخي بكل مشاهد الحياة الحية
    الرعي وتبعاته
    الزراعة0حصادها- زراعتها مشاكلها ...
    ثم القوم الطيب
    وبعض البهاليل
    وحبابك شديد يا فلان وتحياتي الحارة لكل اسرة (ابو الريش) واهلنا الكرام
                  

04-07-2009, 05:04 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: haroon diyab)

    Quote: والله اتذكرت عوضية رتينة
    قلته اشرب لي كباية شاي


    يا سلام ياهارون يا سكورتا...
    وياخي ما تضرب لي كباية الشاي دي بلون الماء واجدع لخالك فيها بلحة بلحتين
    وخلينا نخش الفورمة ههههه
    شكرا علي الصورة (انتو بتلقو الصور دي وين يا زول هووووي)
                  

04-07-2009, 05:27 PM

شول اشوانق دينق
<aشول اشوانق دينق
تاريخ التسجيل: 02-13-2006
مجموع المشاركات: 5332

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    عبد الكريم يا صاحب لعلك بخير
    تعرف يا كيكى الحتات ديك مشيتها فى 2000 القريبة دى
    ام شوكة قضيت فيها 11 يوم (كان فى الضحية) وخلال الـــ 11 يوم قضيت يوم واحد فى ود هاشم (مايرنو) حتة جميل بشكل ما عادى ياخ وبعدها مشيت سنجة وقضيت فقط ساعات ومنها رجعت الخرطوم
    حاجة ما بتخلص بالجد

    يا الله على ام شوكة





    ما مشيت اكتر من سنجة بس ناوى قريب اتلب هناك نشوف الحاصل شنو

    إلى ما بعد سنجة
                  

04-07-2009, 05:45 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: شول اشوانق دينق)

    Quote: ما مشيت اكتر من سنجة بس ناوى قريب اتلب هناك نشوف الحاصل شنو

    إلى ما بعد سنجة

    يا سلام يا شول ياخي
    بالله مشيت الحتات دي كلها وانا مافي ...تعرف 2000 دي كان اخوك طلع قبل بسنة بس 1999
    والا كنت ستجدني في ودهاشم فهي قريتنا الوديعة (مشيت عند ناس منو فيها)....
    ضروري يا شول تضرب جنوبا وتعبر اللانش الصعيدي لتعانق ام بنين وتري الصابونابي من بعد وقبابها الورعة
    ثم تعبر صوب ابو حجار وتقيف في سوقها لتعطر ذاتك بمسرحه ثم تضرب عباب الطريق صوب جبل عبل وتعطي قبله ابو نعامة شبال سلام...وبلغ كنافها شوقي الكبير لتعبر الي ود النيل وهارون وخليل وجلقني وتقابلك الدمازين مدينة من وهج فريد...وهنالك ما تقيف الا تمشي باو وكرمك وقيسان وبدوس والروصيرص....
    واديها طلة صوب قلي والقربين...وحتما ستاتي يا صديقي مشحون بواحدة من هبات الله في ارض ذلك السودان...
    ونتمني يا شول ان تطيب الايام والبلاد ونجي نمشي سوي سوي فحتما ستكون رحلة العمر
                  

04-07-2009, 05:29 PM

كمبورة
<aكمبورة
تاريخ التسجيل: 01-14-2008
مجموع المشاركات: 2840

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    كيكي المبدع عوافي يا رجل


    قمة الابداع والروحة والحكي الصحي صحي عن بلادنا وناس بلادنا


    متابعنك بالعيال علشان يعرفوا الحرمناه منهم بلادنا الحبيبة والعجيبة ( بسبب الغربة )


    والله يجازي الكان السبب



    دي حصص مجانية لينا ولاولادنا


    شكرا كيكي

    والاولاد سألوني اسئلة ما عارف ليها اجابات ان ذاتي داير حصص عصر


    واصل وليك التحايا
                  

04-07-2009, 05:52 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: كمبورة)

    Quote: والاولاد سألوني اسئلة ما عارف ليها اجابات ان ذاتي داير حصص عصر

    هلا يا كمبورة...
    والسودان سمح بالحيل يا محمد وفيه حتات مدهشة بالجد
    وضروري يا صديقي تسوق الاولاد اجازة وتجونا هناااك عند ضفاف نيلكم الازرق الجميل
    عشان يسشوفو الناس والطبيعة والفن والموسيقي وصناعة الموهبة ...وعشان ياكلو سمكك
    ويضربو قدو قدو ويرقصو بالحان الوازا ...ويغنو مع عمهم سبت عثمان..
    وكل الود يا كمبورة
                  

04-07-2009, 06:06 PM

مدثر محمد ادم

تاريخ التسجيل: 12-17-2005
مجموع المشاركات: 3016

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    الرائع عبد الكريم سلامات

    اجمل بوست في الجدل الوهمي الكان حاصل

    وتسلم يارائع

    تيف تيف
                  

04-07-2009, 06:14 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: مدثر محمد ادم)

    Quote: اجمل بوست في الجدل الوهمي الكان حاصل

    هلا بتيف تيف ومشتاقين ياخي
    وياهو قلنا نجيب بوستنا ونتونس مع الاخوان في العجاج الذي اعتقد بانه ليس له داعي بل يعمق الاشياء السلبية لو تم تناوله باستقطاب
    وكل الشكر يا مدثر علي حضورك
                  

04-07-2009, 06:23 PM

Masoud

تاريخ التسجيل: 08-11-2005
مجموع المشاركات: 1623

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Nice writing.
    Beautiful nostalgic acid
    Salam ya Kiki Alamreeki
                  

04-07-2009, 06:32 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Masoud)

    Quote: Nice writing.
    Beautiful nostalgic acid
    Salam ya Kiki Alamreeki

    سلام يا مسعود
    وشكرا علي حضورك يا مسعود
    وتحياتي لكل اهل امريكا
    وها نحن نسافر عبر الازرق يا مسعود فانه بالجد رائع في كل جغرافيته
    وكل الود
                  

04-07-2009, 06:35 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    دة الحالة كراعك مشقوقة والهندية طلعت مؤتمر وطني
    يعني كان كنت نصيح كان رقدتنا خل
    ههههههههههههههههههههه
                  

04-07-2009, 06:49 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: طارق جبريل)

    Quote: دة الحالة كراعك مشقوقة والهندية طلعت مؤتمر وطني
    يعني كان كنت نصيح كان رقدتنا خل

    زيد عليها يا طارق
    البشير جاء الدوحة وصحبي الرمة ابوكمابو لم يحرك ساكنا هههههه
    بالاضافة الي حاجات تانية تحت تحت كده حامياني الله لا وراك ليها قريبات دي...
    النيل الازرق ده يا طارق انا بريدووو عديل كده
    والعذاب والاركلوجيا والمصايب القاديكم بيها دي كلها جات من هناك هههه
                  

04-07-2009, 06:40 PM

tarig almakki
<atarig almakki
تاريخ التسجيل: 07-30-2007
مجموع المشاركات: 1105

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Masoud)



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">


    Quote: واذن فلنجلس جميعا في حضرة ضفاف الازرق وستكون معي واخرون في جوقة الجنقو الضاربين الفيافي ليلا علي ظهر (ترلا)
    يقوده تركتر (ماسي) ذو احصنة كثيرة...

    ومعانا عاصم والكمجة الما بلفوها
    الكمنجة البتلف القلب زي درويش في حولية
    الله يا عاصم


    عارف يا كيكي
    الجدل القائم هو جدل بين قراية العين وقراية القلب والعقل
    جدل في نظري عفوي جداً ولا يستحق تحميله أكثر مما عليه

    سلامات
                  

04-07-2009, 06:55 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: tarig almakki)

    Quote: ومعانا عاصم والكمجة الما بلفوها
    الكمنجة البتلف القلب زي درويش في حولية
    الله يا عاصم

    الله ويا سلام يا طااااااااارق ياخي
    وكده انت وضبتني وضيبة ليها ضل وعملت اخوك كجيك بعاصم العجيب واللحن الحنين
    الفيهو شغل ما حصل ...وبشبه ابداع اهل الصعيد
    وعاصم فنان بقامة كبير وموسيقار جهبذ ومجدد وراقد في جبل من الالحان كافية لامتاع كل العالم كل العالم اجل
    وحياه وحياك الغمام يا ابو الطرق يا مدهش...
    والجدل والعكة القامت دي فعلا يا طارق فيها كلام كثير
    والاسقطات والاستقطابات كانت ستروح زبدة الحكي والمنطقة التي القت ايزا عليها الضوء
    وها نحن هنا نحاول ان نمشي في الجانب الملي من كوب الحكاية

    وما عدمناك يا طارق
    واكمابو
    اكمابو
    هههه

    (عدل بواسطة عبدالكريم الامين احمد on 04-07-2009, 07:44 PM)

                  

04-07-2009, 10:25 PM

ibrahim kojan
<aibrahim kojan
تاريخ التسجيل: 03-29-2007
مجموع المشاركات: 1457

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    *******************
                  

04-07-2009, 10:37 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: ibrahim kojan)

    هلا ياكوجان
    وشرفت ياخي
    وده الصعيد يا كوجان دهشة ومتعة وحياة بسيطة بها شخوص ..
    ولو لقيت باص ح اجي اسوقك انت وعماد عبدالله والمشترك والغجرية زاااتها تجي تمشي معانا تاني هههه
    تحياتي
                  

04-07-2009, 11:30 PM

سامى عتبانى
<aسامى عتبانى
تاريخ التسجيل: 04-02-2008
مجموع المشاركات: 2142

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    ومن قيسان سلام
                  

04-08-2009, 09:47 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: سامى عتبانى)

    والان سنضرب عاليا شرقا وغربا في عوالم الضفاف من مدن وقري وبراري خضراء تفصل مابين هذا وذلك ولوحات ترسمها اشجار السافنا الشبعانة ورويانة من موالح النيل الازرق التي يسربها للتربة..... مقطع الازرق منذ دخوله ملتويا عنيدا الي ارض السودان... هي ذات الوصفات ونفس المقاطع النهر___عوالم الجروف ومدن وقري الضفاف ثم اعالي الفيافي والوديان في الضهاري.. قري ومدن النيل الازرق ....وسنذكر في الحكي مدن شاهقة وقري وديعة جميعها تصنعها سمات
    وخصائص تكاد ان تجدها في كل مدينة واخري.... مدن كبري علي شاكلة تجمعات..واسواق عتيقة تعج بالباعة المشهورين وتجار المدن الذين في غالبيتهم اورثتهم الزراعة المطرية مالا وفير وينشطون اكثر في زمانات ما بعد الحصاد حيث تري الاسواق قد عجت بالبكاسي (الهايلوكس) الجديدة كرت كرتونة بالاضافة الي ضخ تركترات وزراعات جديدة كبشارة لمواسم جديدة وحرث اعظم للارض البكر..
    الدمازين الروصيرص..سنجة..سنار مدن شيدت بقامات ضاربة في الجذور وتعكس في كل ثقافتها واثنياتها معاني التعايش وسيرة تواجد هذا النبع الزاحف في ارض السودان... فاصبحت من لها نكتها ومغنيها وثقافتها وكورتها المميزة وابنيتها العتيقة
    تعانقها السوكي اتية باطرافها الماهولة من القري واشباه المدن
    ....!!!!!
                  

04-08-2009, 09:50 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: سامى عتبانى)

    Quote: ومن قيسان سلام

    هلا بناس الدمازين وقيسان
    وحباب ناس الفيافي المدهشة وشرفت يا عتباني
                  

04-08-2009, 02:00 AM

ibrahim kojan
<aibrahim kojan
تاريخ التسجيل: 03-29-2007
مجموع المشاركات: 1457

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    *******************
                  

04-08-2009, 09:19 AM

Badreldin Ahmed Musa
<aBadreldin Ahmed Musa
تاريخ التسجيل: 07-03-2008
مجموع المشاركات: 1467

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: ibrahim kojan)

    ابوبكر ابوالقاسم

    سلام و مرحب بيك

    Quote: كيكـــى يا رائـــع

    أوعـــك تمشى بوست ( بدرالدين ) وتجينا محنبك عشان الوصـــف دا.


    ياخ الفيك اتعرفت!

    اتاريك انت البورت على البوست! و انا خاتي عكازي وراجي السوق يجيب الناس!

    يا زول عبدالكريم دا زاتو انا عندي معاه كلام، يوم داك ضماني لناس الحكومة و عايز يحرق

    اوراقي "النضالية". عندي عليه امر قبض-بتاع اشانة سمعة- بس اليعتب بلدنا دي!
                  

04-08-2009, 09:43 AM

Badreldin Ahmed Musa
<aBadreldin Ahmed Musa
تاريخ التسجيل: 07-03-2008
مجموع المشاركات: 1467

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Badreldin Ahmed Musa)

    Quote: وبدر الدين قريبي زااتو عاوزين نجرجو بجاي
    ونطلع الروعة الكامنة بقوي فيهو ونشبكو يا بدر يا وريف...ولو اجنن حنوري ليهو اوكمابو
    انا اصلا عارف بدر هارش من صحبي ده


    عبدالكريم

    سلامات

    اول حاجة: تاني الما بيجيني في بوستاتي ما بجيه في بوستاتو!(وش جادي جدا)

    نمرة اتنين: ياخ مالك ما بتدخل واسطة بيني و الصاوي؟ عبيناها بهناك وراجين واسطة خير و الله الا عصام جبرالله، غايتو خوتكم خوة بيش!

    تلاتة:
    انت عارف يا عبدالكريم، بعد ما اتخرجنا(1989) و عرفنا انه مافي لينا مجال في وظيفة مع ناس الانقاذ، اخوك اشتغل تجارة مواشي و فواكه.
    كنت بجيب المنقة من قيسان للسوق المركزي في الخرطوم. سافرت في الصعيد علي ضهر اللواري و بت في اللكوندة المصورةا في بوست ايزابيلا كانت حينها تحت التشييد و نمت في عناقريبها و على جيوش المرقود و اكلت سمك و فول في باو و التحفت السماء في قيسان و شفت الناس هناك و عشت معاهم وبينهم مسلمين و مسيحيين. شفتهم وهم بحضروا لرحلات القنيص واشتريت منهم جلد الاصلة و الدهب. في اختلاف في الثقافة عن متوسط الشعب السوداني لكنهم نظاف وطيبين.
    انا شايف ان سنهوري اسدى ايزابيلا فرصة لا تعوض لادخال الحساسية و الذكاء الاجتماعي في كتابتها.
                  

04-08-2009, 10:19 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Badreldin Ahmed Musa)

    Quote: سافرت في الصعيد علي ضهر اللواري و بت في اللكوندة المصورةا في بوست ايزابيلا كانت حينها تحت التشييد و نمت في عناقريبها و على جيوش المرقود و اكلت سمك و فول في باو و التحفت السماء في قيسان و شفت الناس هناك و عشت معاهم وبينهم مسلمين و مسيحيين. شفتهم وهم بحضروا لرحلات القنيص واشتريت منهم جلد الاصلة و الدهب. في اختلاف في الثقافة عن متوسط الشعب السوداني لكنهم نظاف وطيبين.
    انا شايف ان سنهوري اسدى ايزابيلا فرصة لا تعوض لادخال الحساسية و الذكاء الاجتماعي في كتابتها

    هلا يابدر
    وياخ الصعيد جميل وكل من مر عليه بندهش وانت محظوظ كثير بجية الانقاذ وتقفيل اللعب الحصل في الوظائف خلا الناي تضرب الفيافي والوديان السمحة دي(عندي صحبي خريج زراعة اسمو النجمي الطيب سكر ممكن يتكون بتعرفو برضو الانقاذ رازتو في اكل عيشو مشي استاذ في دارفور وجانا اكبر شاعر وبشعر جزل وجميل وبقي يغني كمان ههه)
    الناس هناك طيبة وازبيلا انا اعتقد بانها ورغم الجدال الذي اثير حول تناولها لتلك الخواطر والكتابة الا انها ضخت نقاش سمح وايجابي في كثير من الزوايا...
    وانت ياخي زولة جابت ليك صورة لكوندتك بعد ما اتبنت مالكم قايمين علي الجندر والدهشةواثرت بالبوست بتاعك داك علي كميات يارائع ويا شفيف ويا وريفة..والواحد بقي قبل ما يتكبها يشوف الساعة الحاصل فيها شنو ويقول في سرو(انشاء الله ناس امريكا يكونو نايمين عشان بدر الدين ما يجي ناطي لينا في راسنا بالعكاز المضبب بتاعو هههه)..
    بالنسبة يا بدر لحكاية الشكوي الراجيني في المحاكم الامريكيية انا الدفاع بتاعي جاهز موية ونور
    وح اقول امام المحاكم الامريكية انو يا جماعة ان المقياس بتاعي في التمترس خلف الحكومة هو (اوكمابو)
    فمن كان ضد اوكمابو فهو حكومي ونطالب بمسح تاريخيه النضالي فورا
                  

04-08-2009, 09:53 AM

أبوبكر أبوالقاسم
<aأبوبكر أبوالقاسم
تاريخ التسجيل: 11-27-2007
مجموع المشاركات: 2805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Badreldin Ahmed Musa)

    Quote:
    ياخ الفيك اتعرفت!


    والفيك إنت كمان إتعرفت ويكفيكم الإضاءة الوضاءة والإقتباس الذى قام به ( هاشم الحســـن ) من تحليلاتكم فى بوســـت سنهـــورى.

    زى ما قال كيكـــى فى صـــدر هــذا البوســــت:

    Quote: الجدل العجاجو قايم في كتابات ازبيلا عن فيافي وربوع الصعيد والمقص العجيب الذي ارسله الاخ سنهوري
    مما شكل في راي حراك ايجابي حول الكتابة...والامكنة والكاتب والنظرة الي المراءة و جغرافيا السرد وسرد الجغرافيا
    ويمكن ان تطل نقة عن الهامش وعن التمكن من زوايا واركان وكراكير الوطن


    بالمناســــبة أنا نصـــفى الآخــــر من الصعــــيد ، وأولادى - ثلاثتهم- صُرّتهـــم مدفونـــة فى الصــعـــيد - سنار-. قضيت به أجمل

    سنين حياتى ويكفى أنه أهدانى نصفـــى الآخـــر.


    زى ما يقولون:

    فى حضـــرة جلال الصــعيد يطيب الجلـــوس .
                  

04-08-2009, 10:00 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Badreldin Ahmed Musa)

    Quote:
    يا زول عبدالكريم دا زاتو انا عندي معاه كلام، يوم داك ضماني لناس الحكومة و عايز يحرق

    اوراقي "النضالية". عندي عليه امر قبض-بتاع اشانة سمعة- بس اليعتب بلدنا دي!

    هههههههه
    هلا يابدر
    ويا قريبي انت بقت منك جفلة شايل عكازك وطائح كع كرع...وده كلام طبعا بعجبني لاني برضو بتاع اكشن
    لكن الخوفني انو راس السوط لحقني وانا زاااتي بقيت اعمل ساتر
    وبعدين يا زول هوووي في تعميم انو الشيوعيين ديل لو اتكاسروا مع بعض ما تخش بينهم
    بعد شوية يخلو خشمك ملح ملح...يشبكو بعض تعال نعمل مراجعات وشنو شنو كده ماعارف
    وانجلس لمن شاكل فلان داك حصل نمط اييه كده ماعارف وبعدين حصلت المصالحة التاريخية كما ورد في راس المال ههههه
    ...
    تتكاسر مع شيوعي انا بررررره
    ولكن مع اي زول من طرف فعكازي حاضر وتحت الخدمة والكبع حيكون من طرف
    كفاية الشفتو من صحبك عصام جبرالله..
    قال شنو قال مراجعات...
    تلقوها عند الغافل دي هههه
                  

04-08-2009, 09:53 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: ibrahim kojan)

    Quote: ******************

    هلا يا دكترة
    وفي انتظار الباص وفي انتظارك لرحلة صوب الدهشة
                  

04-08-2009, 10:03 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    فلنذهب قليلا صوب مدينة في تواجدها الحميم بين احضان النيل الازرق الذي يداعبها بتحنان في فيضاناته المتمردة هي سنجة اذن...الشهيرة بسنجة عبدالله....
    مدينة ان اتيت اليها كل الاتجاهات تعطيك عنوان واحد هو الجمال وال انسجام والانضباط المهرمن في اللغة والتلاقح الاثني
    مصنع القوار ذلك المنتج الغريب هو اول من يلامس نظرك وانت ضاربا القدوم من الشمال..وياتيك سريعا مشاتل سنجة الشهيرة فتربة تلك المنطقة تبدع في الاثمار لكل موالح وفواكه الارض واشجار المدينة التي ترقد عليها المباني تحدث بانها سنجة عبدالله ثم نقطة للعسكر كانت هي سمات تلك الفترة الي جعلت من ود الصعيد عسكري منضبط ونضيف ومرح
                  

04-08-2009, 10:05 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    مباني قديمة للميري تكاد تلامس في تاريخها سنوات الخواجة....ثم سوقها الشعبي الذي شيد حديثا ولكن سرعان ما ضخت فيه سنجة جمال باعتها وروح مدينتها ليصبح سوق بنكهة خاصة (ايوووو الجوووووووافة) اذن انها جوافة ام بنين حيث الجناين علي الضفاف ومعهد بحوث الابقار..... ذات اللبن التاريخي......
    سنجة مدينة عريقة وتتموج في الدخول اليها بنماط السكن الذي يعبر عن كل بقاع الصعيد ففي حواف ذلك (الزلط) الي يخترقها في الاطراف تاتيتك بيوت الحيشان والقطاطي المبنية بمهارة والحوش في بقاع الصعيد عالي النضافة وتتسلقه نباتات الليف وبعض النباتات الجميلة خريفا,,,وصيفا اكثر نضافة تعانق البوص فيه عروق تلك النباتات المتسلقة التي جف ريقها واشتاقت الي الامطار... فحبة حبة تفتح المدينة اسرار اشيائها وتعكس وجها المتمدن وتطل بيوت الطوب الاحمر المنضبط اهلها في الطلاء طيلة الاوقات...ثم تطل الدهشة في منطقة سوقها الواقع في احضان النيل الازرق.... باعة واصوات اغاني صعيدية وفناني سنجة وفناني ا لخرطوم... ثم سوقا وبيعا مكتز ونشط وتجارة رائجة
                  

04-08-2009, 04:20 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote:
    بالمناســــبة أنا نصـــفى الآخــــر من الصعــــيد ، وأولادى - ثلاثتهم- صُرّتهـــم مدفونـــة فى الصــعـــيد - سنار-. قضيت به أجمل

    سنين حياتى ويكفى أنه أهدانى نصفـــى الآخـــر.


    زى ما يقولون:

    فى حضـــرة جلال الصــعيد يطيب الجلـــوس

    هلا يا ابو النسب
    ووانا يا ابو بكر كنت متيقن تماما بانك تمتلك صلات عميقة ومعرفة اعمق بتلك الفيافي
    وتحياتي لكل الاسرة
    وفي حضرو جلال الصعيد فعلا يطيب ويحلو الجلوس
                  

04-08-2009, 04:23 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    ودهاشم لازال صداها يعبق جدران الذاكرة ويناجي البعاد والوحدة في حضرة الهجرة
    والترحال الساكن جوه المسام ولازالت تلكم الجلسات المسائيه في حضرة خيرة شباب القرية
    تاتي لتضيف الي وتر الغربة لحنا يجعلك تستدعي تلكم الساحة الجرداء ذلت القوائم الاثنين
    حافيات دون عارضة لتاتي لنا بميدان القرية الشهير الواقع في المسافة مابين (الهوندو) او قل حلة عتيق
    وودهاشم التي تعطيه غطاء غربي اقرب نقاطه هو منزلنا او قل انه منزل الاخوان الامين احمد واحمد الحاج
    لتشهد كراسي ذلكم المنزل حركة دوؤبة للترحال في مساءت القرية الي الخارج لتقام جلسات انس وتفاكر
    وتخطيط جادي لنشاطات الجميع وليالي الاسابيع الثقافية العديدة التي انطلقت من هذه الساحة وكان الجميع
    حضورا وحماسا عاليا وهذا صديقي محمد يوسف (اقايوبا) العامل النبيل يجد نفسه عضوا في اللجنة التنفذية
    التي يمكن ان تضمه مع طلاب جامعة الخرطوم والجامعات الاخري ليعملون سويا وقد ينضم الي هذا الركب
    (صالح ميتة) ذلكم البنائي الشهير وقد يجد الفاتح عبده له مكتبا ليمارس ابداعه المسرحي الذي ظهر جليا في
    احدي الفعاليات التي كنا نقيمها صيفا ليجود لنا بمسرحية من تراث مالي القديم ليمثل الجميع مسرحية
    (همن زنتا كرجي) ذلك الرجل الذكي الشجاع لتضخ فيها مصطلحات نادرة من لغة (الصونغي) وموغلة في القدم وقد ساعدالذين لايجيدون هذه اللغة في الاخراج وقد اثبتت (هما زنتا كرجي) في عرضها الوحيد ذلك امتداد الثقاافة الافريقية وتجذرهافي ظل السودنة التامة التي تمت عبر سنين تعايش وحراك معرفي مع الذين سبقوا اهلنا في الوصول الي هذه الارض
    ...
                  

04-09-2009, 07:55 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    العمل العام في تلكم الفترة علي ساحة القرية شهد نشاطا وحماسا منقطع النظير وساهم ابناء القرية بالخارج وبجميع مناطق السودان في دعم الفعاليات التي شهدتها القرية في اطار نشاطات رابطة ابناء ودهاشم ملي بالجامعات والمعاهد العليا
    وكان النتوير شاقا واديرت اجتماعات عديدة اتسمت بالجدية والخشونة وبديمقراطية عالية اكاد اجزم بانها لن تكرر علي ارض
    سودانية وكان كل ذلك يتم بشفافية عالية ورغبة في النجاح وخدمة اهل القرية ويقيني ان هذه الفترة ورغم سخونتها وصعوبة ايامها فتحت الطريق لريادة هذه القرية وعلو كعبها في المجال الاكاديمي المتميز لنشهد ارسال العديدين والعديدات الي
    الجامعات والمعاهد العلياوبكميات ماهولة تكاد تساوي محصلة عدة قري في السودان عموما ويتم كل ذلك في شكل موجات بشرية مليئة دوما بحب القرية وانتمائهم الحقيقي لها ولعملها العام لتاتي اجيال طورت العمل في رابطة ابناء ودهاشم وحافظت علي اثر اقامة الاسابيع الصيفية والسمنارات والكورسات الصيفية الاهتمام الجادي بكل جزئيات مشاكل القرية...............ولنا عودة باذن الله
    ......
                  

04-09-2009, 09:15 AM

Hawari Nimir
<aHawari Nimir
تاريخ التسجيل: 02-03-2007
مجموع المشاركات: 621

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote: فلنذهب قليلا صوب مدينة في تواجدها الحميم بين احضان النيل الازرق الذي يداعبها بتحنان في فيضاناته المتمردة هي سنجة اذن...الشهيرة بسنجة عبدالله....
    مدينة ان اتيت اليها كل الاتجاهات تعطيك عنوان واحد هو الجمال وال انسجام والانضباط المهرمن في اللغة والتلاقح الاثني
    مصنع القوار ذلك المنتج الغريب هو اول من يلامس نظرك وانت ضاربا القدوم من الشمال..وياتيك سريعا مشاتل سنجة الشهيرة فتربة تلك المنطقة تبدع في الاثمار لكل موالح وفواكه الارض واشجار المدينة التي ترقد عليها المباني تحدث بانها سنجة عبدالله ثم نقطة للعسكر كانت هي سمات تلك الفترة الي جعلت من ود الصعيد عسكري منضبط ونضيف ومرح



    سلام...يا كريـــــــــــــم
    حبابك مرحب..بيك في سنجه عروس النيل الازرق..
    و سنجه يا اخي.لكا تعلم..وجد بها اقدم اثر للانسان.. وهو انسان سنجه الموجود في المتحف الانجليزي,ة ابشرك بان بعض البعثات قد تاتي
    للتنقيب من جديد..في تلك المنطقه..
    كان السوق القديم في سنجه..مبني علي تخطيط العلم الانجليزي..وقد هدم السوق الكبير باكمله..وبني من جديد..
    سنجه دره الفونج..قبل ان تدخلها وانت قادم من ناحيه سنار الي سنجه..تقابلك قريه المسعوديه...وايضا الترعه الضحمه..ثم قديما تري
    (المعاصر) البلديه لعصر زيت السمسم النقي..ثم تواجه مقار شركه المقاولون العرب(عثمان احمد عثمان) و التي شيدت الطريق من سنار الي سنجه..ومن ثم صارت معسكرا.لشركه الطرق و الكباري..و التي اكلمت الطريق الي الدمازين..
    سنجه عريقه كالتاريخ تماما..وبها المدرسه الاوليه او المذدوجه الغربيه بنين و التي اسست عام1906 علي ما اعتقد..وهذه المدرسه لها مباني قديمه
    واثريه...بنيت علي اول ايام دخول الانجليز..
    مع جمال طبيعه سنجه.وغاباتها.فهي ايضا منظمه من الداخل و التخطيط الواسع بشوارعها و بيوتها ..جعلها تتناغم مع جمال الطبيعه
    وجوها البديع..
    وسوف اتيك يا اخي بالتفصيل ععن سنجه و دورها في الحركه الوطنيه..
    اما النيل و الفيضان...فهو عالم اخر..
    لك الود
    عفوا للاطاله
    هواري
                  

04-09-2009, 09:27 AM

Hawari Nimir
<aHawari Nimir
تاريخ التسجيل: 02-03-2007
مجموع المشاركات: 621

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)







    شوف المنقه..(ابوسمكه)..
    و المنقه البلديه..جايياك
    الصور من موقع مدينه سنجه
    www.singacity.net[/B]
                  

04-09-2009, 09:33 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)

    Quote: وسوف اتيك يا اخي بالتفصيل ععن سنجه و دورها في الحركه الوطنيه..
    اما النيل و الفيضان...فهو عالم اخر..

    هلا ياهواري
    وحبابك وحباب ناس سنجة الحنان
    وساكون في انتظارك من اجل مدينة سنجة المدينة الوديعة وحدثنا عنها عميقا
    شخوصها-سوقها- نجوم ميدانيها ولياليها وكل وهج تلك المدينة الرائعة
    وحتي نساهم جميعا في القاء الضوء علي بعض مناطقنا هنا منطقة منطقة وبقعة بقعة
    وكل الود والتقدير
                  

04-09-2009, 09:44 AM

Hawari Nimir
<aHawari Nimir
تاريخ التسجيل: 02-03-2007
مجموع المشاركات: 621

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)
                  

04-09-2009, 01:51 PM

nadus2000
<anadus2000
تاريخ التسجيل: 02-05-2002
مجموع المشاركات: 4756

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)

    center>



    كدي شوف الصورة دي وقول لي تهميش شنو اللي جاي تتكلم عنه يا كيكي.
                  

04-10-2009, 10:04 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: nadus2000)

    Quote: كدي شوف الصورة دي وقول لي تهميش شنو اللي جاي تتكلم عنه يا كيكي

    هههههه
    هلا يا نادوس
    وياخي لو ما التهميش الصورة دي كانت اصورت دغري...مش مايلة كده ههههه
    وتسلم يا عبدالجليل
                  

04-10-2009, 10:01 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)

    Quote:
    شوف المنقه..(ابوسمكه)..
    و المنقه البلديه..جايياك

    في انتظارك يا هواري يا سنجاوي يا عتيق
    وفي انتظار المنقة البلدي وجوافة ام بنين
    ومناظر النيل الازرق المدهشة
                  

04-10-2009, 10:19 AM

Sana Khalid
<aSana Khalid
تاريخ التسجيل: 02-01-2005
مجموع المشاركات: 2740

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    يا سلااااام يا كيكي

    بوست ريحتو دعاش.. دعاش

    و طعمو

    طين بحر!
                  

04-10-2009, 10:38 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Sana Khalid)

    Quote: يا سلااااام يا كيكي

    بوست ريحتو دعاش.. دعاش

    و طعمو

    طين بحر!

    سلام وتحية يا سناء
    وهذا هو بعضا من وهج النيل الازرق يا سناء نحاول جاهدين ان نستنطقه بين الحروف
    ولكن كيف لنا ذلك وهي عوالم عالية الجمال ورقرقة المياه فيها لها لحن موسيقي كده
    رهيبة ومدهشة
    الف شكر
    وكوني بالف خير
                  

04-11-2009, 08:48 AM

أبوبكر أبوالقاسم
<aأبوبكر أبوالقاسم
تاريخ التسجيل: 11-27-2007
مجموع المشاركات: 2805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    كـــــــيكـــــــــى ســـــــــلامات

    عشان نحفِّزك تواصــــــــــل الحكـــــــــى:







    النيل الأزرق متوسطـــــاً مايرنو والشـــــــيخ طلحــــــة والبنطـــــــون.
                  

04-11-2009, 09:17 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: أبوبكر أبوالقاسم)

    Quote: النيل الأزرق متوسطـــــاً مايرنو والشـــــــيخ طلحــــــة والبنطـــــــون.

    سنواصل يا ابو بكر وسنضرب في مدارات ليس ببعيدة عن هذه اللقطة الرائعة في مشرع مايرنو طلحة
    ذلك المكان الرائع الملان بالنشاط والحركة

    النيل الازرق .وفي اختراقه العنيف لارض السودان في بدايات حدود الارض السودانية مع اثيوبيا
    المجاورة احدث علي ضفتيه عوالم ضاجة بمدن وقري وبلدان مدهشة ونسجيهاالاثني والاجتماعي متموج
    بخلق وعباد كثر ..اتو من بلاد بعيدة ليصنعون الحياة والجمال في كرنفال النيل الازرق المدهش
    الملي بالخير والبركات...
    وهنا وفي حضرة الاشواق التي تعبث بنا وتحملنا علي ظهر طائر صعب المراس.نجد اننا قد حط بنا
    الرحال علي ارض وسماء ووجدان قرية وديعة هادئة. جغرافيا لك ان تقول انها علي الضفة الغربية
    من النيل الازرق علي بعد 14 كيلو جنوب مدينة سنار في طول الشريط الاسفلتي الواصل ما بين مدينة
    سنار والدمازين...
    انها ودهاشم(ملي)...وايضا لك ان تقول انها ودهاشم غرب قرية علي احضان النيل الازرق بمسافة
    لا تتعدي الكيلومتر في بعدها عن وهج وامواج النيل الازرق ..لتتحد مع قري مجاورة تحمل نفس الاسم
    ودهاشم(عرب)..او ودهاشم شرق..وهناك ايضا ودهاشم (مروة).وعلي كيلومترات ليس بالكثيرة تجد مدينة شهيرة تعج بالافريقية الصارخة وبها قوما عظام واصحاب باس شديد هي مدينة (مايرنو)...
    سفرنا الطويل سيغوص عميقا في جغرافية تلكم المنطقة وتاريخها ووجدان اهلها وشخوص من مداراتها..
    وسنذهب الي اعلامها الاجتماعية وظرفائهاالكثر....
    ولكي تتحدث عن ودهشام لابد من الاتيان علي سيرة قري اخري مدهشة واهلها شامخين ايضا
    تربطهم باهل ودهاشم اواصر الدم.والتاريخ .مثل قرية الحجيرات وام لبن واوبو جيلي وقرية روينا
    فهي قري مع ودهاشم رحم وصلة عميقة ..وايضا سنذهب الي قرية الشيخ طلحة مرقد الشيخ
    ودهاشم الذي رحل نعشه اليها.بعد حلما راه احد المريدين من اهل تلكم البلاد لينقل
    من منطقة ودهاشم الي قرية الشيخ طلحة..ليصبح مزار وغطاء روحي في حضرة التور الضالع
    (ودهاشم)
                  

04-11-2009, 10:52 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    كتب احمد الامين احمد
    Quote: سبب نقل رفات الشيخ ودهاشم الى طلحه الذى اورده صاحب البوست يدخل فى باب التفسيرالصوفى للتاريخ اما السبب المادى فهو طغيان الماء وتكالبه على مرقده نتيجه لازدحام المياه خلف خزان مكوار وقد حدثنى والدى اطال الله عمره انه كان ضمن الذين عكفوا على نقل الجثمان فادهشهم طراوته وعدم تعفنه او تاكله رغم تقادم العهد عليه لانه ببساطه حافظا لكتاب الله...
    اهل ودهاشم والقرى المسلمه ذوات الاصول الافريقيه حولها كمايرنو وطلحه والحجيرات وابو جيلى وروينا وا م لبن لم يكن مقصدهم السودان بل مكه المكرمه ثم المجاوره بالمدينه المنوره حسب اعتقادهم فى المذهب المالكى لذا بدات رحلاتهم الطويله من مالى فى قوافل ضخمه سار بعضها اكثر من 12 سنه كما اورداستاذ التاريخ الافريقى قديما بجامعه الخرطوم عمرالنقر فى رسالته بالانجليزيهpiligrimage tradition in west africa حتى وصلوا مكه لكن تعذر عليهم عبور المالح بمواشيهم الضخمه لذا عاد بعضهم للسودان وفضل البعض المجاور بمكه والمدينه لذا يجد زائر مكه المكرمه ان الاحياء الفقيره التى تحيط بالحرم حتى الان سكانهامن مالى ولبعضهم نسب ورحم مع اهل ودهاشم وتلك القرى حول سنار بل ان اكبر شاعر سعودى فى القرن العشرين طاهر زمخشرى الذى يحمل احد شوارع تونس اسمه ينتمى اهله لقريه ودهاشم ملى بل وصل نصيبا من ميراثه اليهم عقب ووفاته.
    ذكر عمر النقر فى رسالته ان مايرنو تاسست 1903 وطلحه 1901 وان اول صلاه جمعه اقيمت بمايرنو كانت العام 1962 لان اهل مايرنو لم يكونوا ينون الاقامه بها عليه انتفى شرط وجوب صلاه الجمعه"حسبالمذهب المالكى" عنهم حتى اقاموا فصلوا الجمعه.
    اقام اهل ودهاشم اول حضورهم وسط السودان بحى ابى روف بام درمان لكن كبيرهم عبدالحمن "دمه" والد صديقى حميده لنزعته البدويه راغ جنوبا فاعجبه "الكلأ والعشب والماء النمير" على قول الشاعر المرار الفقعسى فامر اهله النزوح من امدرمان الى ودهاشم جنوب سنار...قد اعود اذا طال الاجل
                  

04-11-2009, 12:07 PM

أبوبكر أبوالقاسم
<aأبوبكر أبوالقاسم
تاريخ التسجيل: 11-27-2007
مجموع المشاركات: 2805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote:
    انها ودهاشم(ملي)...وايضا لك ان تقول انها ودهاشم غرب قرية علي احضان النيل الازرق بمسافة
    لا تتعدي الكيلومتر في بعدها عن وهج وامواج النيل الازرق ..لتتحد مع قري مجاورة تحمل نفس الاسم
    ودهاشم(عرب)..او ودهاشم شرق..وهناك ايضا ودهاشم (مروة).وعلي كيلومترات ليس بالكثيرة تجد مدينة شهيرة تعج بالافريقية الصارخة وبها قوما عظام واصحاب باس شديد هي مدينة (مايرنو)...



    بعض لقطـــــــات متفرقـــــــة لودهاشــــــم من سيارة عابرة.






















    قضـــيت بسنار أجمـــــــل عيد اضحية ... مشاوى + كرتونة جوافــة المرفّع + كرتونة مانجو سنجــــة.
                  

04-11-2009, 07:42 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: أبوبكر أبوالقاسم)

    هلا يا يا ابوبكر
    ولازلت تمارس التامر وتوليع جمر الحي والاحياء المجاورة ولا زلنا منطلقين صوب ودهاشم
    وفيافيها المدهشة
    ود هاشم في موقعها ذلك اضحت البؤرة ذات الضياء المتموج باشعاع ابنائها الكثر الذين يجوبون
    العالم وعلي مدارت عديدة..ولكن في كل الاوقات اشواقهم تذهب صوب(الكوريا)..اي صوب ودهاشم
    التي اخرجتهم من رحم يهوي الترحال والتجوال عبر المدن والفضاءت البعيدة واورثهم تماسك وحب كبير
    فيما بينهم..ويبدو ان سنين ورحلة القدوم الطويلة التي كانت مليئة بالمشقة من بلاد (ماسنا)
    وضواحي تمبكتو القديمة اعطتهم حبا عظيما للسفر والتجوال....
    فهذه القرية ذات الابنية الطوبية المتراصة في حيشان ضخمة من الطوب الاحمر قد تجد بين ثناياها
    قصص واسفار جابت هذا العالم ركنا ركن...وارجل تجولت في الوطن السودان قرية قرية ..وفريق
    فريق..ذلك كان شان الاباء الذين ذهبوا في مدارات بعيدة للبحث عن الرزق ولقمة العيش الشريف
    فكانو اصوات عالية في مدن جنوب السودان..كجوبا ...وواو..وملكال والرنك..وجلهاق...وضواحي
    صعيد النيل الازرق...وليصل صوتهم الان صوب تشاد والكاميرون
                  

04-11-2009, 07:42 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: أبوبكر أبوالقاسم)

    عودة اليوم الي مدارات ودهاشم ونحي الجيل الاول من الاباء
    الذين حطوا بنا علي جمال هذه البقعة التي يبدو انها اختيرت ببراعة
    وفراسة عالية ..فالقرية تواجدها في الجزء الغربي من النيل الازرق
    الذي صار فيما بعد اكثر حظوة في التنمية والخدمات من رديفه في
    شرق النيل الازرق .وتواجد لاحقا مشروع ودهاشم الزراعي وطريق الاسفلت
    المودي الي الدمازين عبر سنار وسنجة كل ذلك اتاح لقريتنا مرونة عالية في
    التطور فادخلت الكهرباء منذ عقدين من الزمان بجهود ابناء القرية المتعلمين
    ونذكر هنا علي سبيل المثال وليس الحصر الاستاذ احمد ابراهيم مكاوي
    والاستاذ السيوطي ابراهيم والاستاذ احمد عمر التجاني هولا هم الجيل الاول من مغتربي القرية في السعودية .وايضا هنالك مدير الاراضي العم سعيد عتيق والاستاذ احمد عتيق وكانت في تلكم الايام يعمل الجميع بروح تكاتف عالية الهمت الجيل اللاحق روحا عالية وتماسك كبير من اجل مواصلة الاعمال التطوعية التي ذهبت بعيد في حل اشكالات القرية الملحة وصارت وتيرة ومنوال لكل الاجيال حتي الان وقاموا بتنفيذ العشرات من التظاهرات الثقافية والرياضية الهمت القرية الكثير من المبدعين وضخت
    اجيالا من الشباب والشبات الي الجامعات والمعاهد وهنا نقف لنحي الجيل الاول من الخريجين الاوائل الذين شكلوا قدوة عالية المقام وشعلة اضاءت للكثيرين من ابناء القرية الطريق الي عوالم العلم والتعلم......ونحي الخبير الزراعي الضليع احمد الحاج ابراهيم الذي عمل كمدير اداري لشركة سكر كنانة مديرا لمشروع الكناف والان مديرا زراعيا لمصنع سكر النيل الابيض..الدكتور محمد بابكر عتيق اول من زين عنق قريتنا بشهادة الدكتورةو في علوم الاقتصاد وكان مدير لقسم النقد الاجنبي ببنك السودان الباشمهندس عالم سعيد كان اولئك من اوائل الذين ذهبوا الي قاعات العلم في جامعة الخرطوم والتحق بهم لاحقا الدكتور محمود محمد الحاج االاخصائي الرهيب في طب الاطفال بمستشفيات المملكة العربية السعودية.ضمن هذا الجيل كان هناك الاخ عثمان محمد ادريس ..هذا هوالجيل الاول قليلي العدد ولكن كثيري وغزيزي الاثر وضربوا عميقا في دواخل الاجيال اللاحقة والتي سنري امرها لنصاب بالدهشة في تنامي بنية الوعي التعليمي بين ابناء ودهاشم....

    (عدل بواسطة عبدالكريم الامين احمد on 04-11-2009, 07:45 PM)

                  

04-11-2009, 08:22 PM

Badreldin Ahmed Musa
<aBadreldin Ahmed Musa
تاريخ التسجيل: 07-03-2008
مجموع المشاركات: 1467

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote: الباشمهندس عالم سعيد


    عبدالكريم

    سلامات

    اولا التحية لكل ابناء ودهاشم الذين اوردت اسماءهم اعلاه

    و التحية للمهندس عبدالله سعيد عبدالله اخي بالام، الذي تعلمت على يديه حب القراية

    و الاطلاع. كان في كلية الهندسة عندما كنت انا في الابتدائي، يوم الخميس حينما ياتي
    من الداخلية
    كان يوما عصيبا بالنسبة لي و يوم انتظره ايضا.
    عصيب لانه اليوم الذي يقتص فيه الجيران لابناءهم مني و يشتكوني لعالم واخد جلدة
    نضيفة علي شقاوتي.
    وكان يوما انتظره! فالبد بالقرب من غرفته منتظرا ان يتخارج لأولم نفسي على
    مائدة المجلات و الكتب. كنت اقرأ: الجمهورية، الاخبار، المصور، صباح الخير، اخر ساعة
    الاهرام، العربي، الدوحة, اكتوبر، وغبرها من الجرايد و المجلات العربية و المختار.
    و عرفت من الروايات التي ياتي بها الكسندر دوما و قرأت مياه الربيع و قرأت طه حسين
    و العقاد و نجيب محفوظ و قرات روايات احمد شوقي و ايام العرب وتاريخ الجزيرة العربية
    و قرأت شارلز ديكنز و شيكسبير من كتبه التي كنزها لنا.
    من اطرف المواقف التي ترتبط بكتبه عندي، اني قرأت احد الكتب في مكتبته و كان عن جيفارا
    في ذلك الكتاب كان مقال ممتاز عن:"من هو الشاب الشيوعي؟" قراته و بدأت ابحث عن الفكر الشيوعي
    و حين انضممت للحزب اعرت الكتاب للزميلة و عضوة المنبر انعام سعد و اعارته بدورها لياسر عرمان
    (لا اعرفه شخصيا) و حين سألتها ان ترد الكتاب، عرفنا انه تمرد و انضم للحركة الشعبية!
    اموت لاعرف ان كان لذلك المقال اثر في اختياره!

    احي اخي ابن امي !

    ---------------------------
    عالم نفسه حزب امة!
    عالم هو كما اسمه عالم!
                  

04-11-2009, 09:25 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Badreldin Ahmed Musa)

    Quote: وكان يوما انتظره! فالبد بالقرب من غرفته منتظرا ان يتخارج لأولم نفسي على
    مائدة المجلات و الكتب. كنت اقرأ: الجمهورية، الاخبار، المصور، صباح الخير، اخر ساعة
    الاهرام، العربي، الدوحة, اكتوبر، وغبرها من الجرايد و المجلات العربية و المختار.
    و عرفت من الروايات التي ياتي بها الكسندر دوما و قرأت مياه الربيع و قرأت طه حسين
    و العقاد و نجيب محفوظ و قرات روايات احمد شوقي و ايام العرب وتاريخ الجزيرة العربية
    و قرأت شارلز ديكنز و شيكسبير من كتبه التي كنزها لنا.

    يا سسلام وتحية يا بدر الدين لاخونا الاكبر المهندس الكبير عالم سعيد
    ويبدو يا بدر انها كانت مهمة جيل....
    فعندما كنت تستمع بكتب ومجلات المهندس عالم كنا نحن في جهة اخري من جنوب الوطن وفي جوبا تحديدا نعد الايام
    للاجازات السنوية لاجازة طلاب الجامعة وهذا كان يعني حضور عمنا احمد الحاج الخبير الزراعي الذي هو صديق شخصي
    وتاريخي لعالم كنا في انتظاره لكي يعود محملا بكتب الاطفال التي يختارها بعناية فائقة وكتابات الف ليلة
    استفاد منه الاخوان واحمد وصلاح ولاحقا ركبت انا في المخزون الذي جلس لسنين طويلة في مكتبة شكلت فينا اشياء لا تنسي بفضل هذا الرجل العظيم...
    وقد تذكر ايضا عندما ذكرت لك ذكري قبول عالم في الجامعة التي لن انساها وقد تكون اول مرة اسمع بان في حاجة اسمها جامعة الخرطوم واعرف ولو علي طشاش صداها وفرحها الذي يولد في قلوب الاهل...

    ولعالم واحمد الحاج وكل ذلك الرعيل الذي صنع الاجيال لهم منا كل الحب والتقدير والامتنان
    وربنا يقدرنا عل جزاهم
                  

04-12-2009, 06:45 AM

أبوبكر أبوالقاسم
<aأبوبكر أبوالقاسم
تاريخ التسجيل: 11-27-2007
مجموع المشاركات: 2805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    Quote: وايضا هنالك مدير الاراضي العم سعيد عتيق


    معرف لدى الجمـــيع بــ " سعيد واطـــة" أو " سعيد أراضـــى" حتى غلبت على إسمه.

    عرفته أيام حريق أكشاك سنار... الذى كان بادرة خير لتحويلها لمبانى ثابتة - تعويضية- لكل البســطاء تطل الآن على بحيرة الخـــزّان.


    راجـــع المسنجر.
                  

04-12-2009, 10:29 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: أبوبكر أبوالقاسم)

    Quote: معرف لدى الجمـــيع بــ " سعيد واطـــة" أو " سعيد أراضـــى" حتى غلبت على إسمه.

    عرفته أيام حريق أكشاك سنار... الذى كان بادرة خير لتحويلها لمبانى ثابتة - تعويضية- لكل البســطاء تطل الآن على بحيرة الخـــزّان.


    سعدنا استاذ ابوبكر بالحديث التلفوني وتشكر جزيلا علي الاتصال..
    وسعيد بابكر هو فعلا العم سعيد اراضي الشهير بكل منطقة سنار فقد عمل في اراضيها لردحا من الزمان
    وسنار كانت ياخي عامرة في حي بنيانها بالموظفين المرتبطين عميقا بكل قضايا اهلها
                  

05-08-2009, 11:34 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Hawari Nimir)

    فووق
                  

05-09-2009, 00:18 AM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: عبدالكريم الامين احمد)

    فازوغلي.. شالي الفيل... يابوس..ودعه..باو
    الكرمك..قيسان ..الرصيرص.. الدمازين

    على تلكم الدروب تركت بعض من قلبي.. ايام اكتشافي للوجه الاخر من بلادي


    تركتهم ومازالت حبوبة نقيسة تقوم بصناعة الفندك والهون في خمسة ايام متتالية ليأتي احد المرابين من المدينة ويشتري منها الفندك فقط ب2 جنية ويبيعها في الخرطوم ب15 جنية
    قالت لي 2 جنية ما بتكفي حق معيشه ال5 ايام القضينا في نحت قعر الشجرة

    ولاني لا استطيع ان اشنري كل الفنادك .. هربت بعيدا
    تاركه قطعة من القلب مع حبوبه نفيسة وكثير من الحزن معي
                  

05-09-2009, 00:49 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ازبيلا وسنهوري في داعي تولعو فينا جمر الحي..والاحياء المجاورة....!!! (Re: Manal Mohamed Ali)

    Quote: ولاني لا استطيع ان اشنري كل الفنادك .. هربت بعيدا
    تاركه قطعة من القلب مع حبوبه نفيسة وكثير من الحزن معي

    يا سلام يا منال عليك ويا سلام علي حكاية فنادك حبوبة نفيسة
    وهي قصة ملهمة وحزينة ومليئة بسيرة اشياء عديدة وتعكس الكثير من واقع تلكم الامكنة
    وامتصاص المركز عبر وسائط عديدة لجهدهم وفنهم وابداعهم..

    واتمني ان نعود وتعود كل الطيور التي غادرت ذلك الضفاف
    تعود وهي قادرة علي شرا فنادك حبوبة نفيسة وكل فنادك المكان بسعر يجلب الخبز
    والحلوة والموسيقي للاطفال
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de