|
|
|
 Re: ماذا انجزنا فى 2004 وماهى خططنا للعام القادم..... دعوة للجميع (Re: Ishraga Mustafa)
|
الحبيبة إشراقة
أنا أمنياتي و ليس خططي لعام 2005
في الحقيقة أمنية واااااحدة بس لكن بالنسبة لي تسوى الدنيا و ما فيها
عاوزه أشوف في بداية السنة دي أمي و أبوي و أدفن سنين غربتي و وحدتي في حضنهم و حنيتهم
بعدين هي أمنية(غالية شديد) و ليست خطة
لأني للأسف ماعدت أؤمن بجدوى الخطط
فليس كل ما يخطط له المرء يدركه
أها يلا ورينا إنتي أحب إنجازاتك و أهم خططك الجايه شنو
| |
 
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Nada Amin)
|
ندى البت الندى
ادعو ان تتحقق امنيتك، اكيد فيها قوة روحية تسند فيك احلامك وامانيك وانشاء تلاقيهم السنه الجاية وتتحقق هذه الامنية الغالية
اما الخطط....اساسية جدا فى حياتنا ولنجاحاتنا، المهم تكون فى خطة واضحة ومؤسسة ومن الممكن تطبيقها... اختك لا تؤمن ابدا بالمستحيل
اما ما انجزته فى العام الماضى وما اخططه للعام القادم حاقوله ليك لاحقا
كل المحبة
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Ishraga Mustafa)
|
أستاذة إشراقة
فكرة البوست جميلة وخصوصاً بالنسبة لنا كشعب لايهتم كثيراً بمعالجة الأخطاء والإستفادة منها ولايهتم كثيراً بالتخطيط للمستقبل والنظر إلى الأمام .. أراها قد تصلح كفرصة لنا هنا فى هذا الوطن الصغير لنعتبرها بداية لمعالجة قضايانا البورديّة هنا من خلافات أو أفكار ومقترحات قد تصلح لخلق مناخ عائلى داخل هذا البيت الكبير .
خالص مودّتى
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: لؤى)
|
شكرا يالؤى على مدح الفكرة
فى امثالنا وحياتنا العادية فى السودان تخلو من فكرة الخطط والتخطيط... ليك حق
رغم انى افترض ان هناك تغيير حاصل خاصة بالنسبة لينا نحنا ناس المهاجر، يعنى لو ما وضعت خطتك من اكتوبر العام ده عشان تحققه لنهايات 2005 بتكون الفرصة ضاعت، هل تعتقد ان المهجر غير فينا فى هذا الجانب ايجابيا؟
خطتك بالنسبة للبورد ايجابية جدا... يالله نحتاج تفصيلاتك
لؤى يا اخوى، عليك الله ماتلبسنى كرفته
سعيده بانسانك
ولك مودتى
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Ishraga Mustafa)
|
| Quote: اما الخطط....اساسية جدا فى حياتنا ولنجاحاتنا، المهم تكون فى خطة واضحة ومؤسسة ومن الممكن تطبيقها... اختك لا تؤمن ابدا بالمستحيل |
صدقي يا إشراقة أنا كنت برضو كده ما بعرف حاجه إسمها المستحيل و ما بحب أنفذ و أحقق إلا أصعب الحاجات لدرجة أن البعض كان يلقبني" بإمرأة المهام الصعبة"!
لكن باين ضربات الحياة المتتالية و قسوتها خلتني أتبنى مؤخراً روح إنهزامية
يا ختي يا ما خططنا و خططنا و خططنا.......
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Alia awadelkareem)
|
Quote:
اهم ما كان في هذا العام ان تلمست لي مكان ما بينكم
وفجيت غربتي بدفئ صداقاتكم...
|
انتى قايلة دفء البورد ده جاى من ووين.... مامنك
Quote:
القادم من العام ارجو ان امسك بتلابيب امنية الوطن
واموت في حضن امي انشاء اللة خمسين يوم...
|
انشاء تحى فى حضن امك وتفرهد فيك اغنيات الحياة.... موت شنو عليك الله ياعالية... ربنا يديك طولة العمر لينا ولفطومة { وتموتى ركن}....... بالمناسبة ده كلام وليدات حلتنا زمان لمن يكونوا عاوزين يشاغلوا بت حلوة زيك كده بيقولوا ليها..... وين يا.... نموت ركن، يالله اضحكى
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Ishraga Mustafa)
|
البت الاصيلة
اشراقة
| Quote: انشاء تحى فى حضن امك وتفرهد فيك اغنيات الحياة |
طبعا دي اجمل امنية سمعتها في نهاية هذا العام
| Quote: وليدات حلتنا زمان لمن يكونوا عاوزين يشاغلوا بت حلوة زيك كده بيقولوا ليها..... وين يا.... نموت ركن، يالله اضحكى |
الللللللللللة يا اشراقة
الترمونلجي دا طولت بشكل ما سمعتة
مبالغة لكن
تخريمة وصلني من صديقة كتابك الطلع مع مجموعة من ناشطات الحركة EURE SPRACHE
طبعا انجاز ما ساهل ويا ريت يا اشراقة نصوصك الادبية الاتنشرت تجيبيها لي معاك
معاك ريدي
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Ishraga Mustafa)
|
غيثارة الدانوب الاستاذة /اشراقة
هذا العام يهرول نحو نهايته ويلملم اطرافة تنقبض النفس وتتحسر على مالم
ينجز رحل اصدقاء وعاد اصدقاء نشبت حروب وقامت ثورات قصص حب تبدأ واخرى
تنتهى بدون مفدمات روايات اكتملت واخرى واخرى تتشكل زكريات تضيع ويحل
مكانها العدم
عجبى لاناس يمتلكون طاقة جبارة وهائلة على خصام عراك الاخرين يتصيدون
الهفوات وان لم يجدوها سعوا اليها
تمنباتى لكم ان تتحقق امانيكم العامة والخاصة فكثبرون اهملوا الخاص من
اجل العام
ان تسود قيم التسامح واحترام الاخرين منابر سودانيزانلين وان نسامح ونسامح ان نشجع بعضنا فنحن نحتاج لبعضنا وان لانكون غوغاء متسرعون الى
الشر ان لا نكون سطحيون فى حكمنا لبعضنا
ان تسود المنبر قيم الثقافة العميقة والنقد الموضوعى والحكمة وان نمد
اواصر المودة وجسور الترابط الانسانى
ينتهى العام بالبرد ويبدأ بالبرد مالحكمة فى ذلك?
تمنياتى لكم بعام سعيد
شكرا استاذة اشراقة
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Ishraga Mustafa)
|
يعني باستثناء لؤي والصادق المهدي كان البوست حايكون مافيهو انا
العزيزة جداً إشراقة...انا عندي كلام كتييييييييييييييييييييير داير أقولوا والله...
بس قبل كده...داير أقول لندى أمين...
أشاركك نفس الشعور فى قصة الضربات المتتالية...
وبالتأكيد أقواها هي رحيل والدتي قبل عامين...
عملت فيها "راجل" لفترة...لحد ما حيلي أتهدا...بعد داك شفتا حاجات ما كنت شايفة من زمان...
فقط ان نكون سعداء....البيخلينا سعداء ده نمسك فيهو قوي...
ولا أؤمن بان السعادة فى النجاح.... جي دعايات ساكت...
بجيكم راجع... الايام دي ....
الله كريم...
أنور
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: AnwarKing)
|
Quote:
بس قبل كده...داير أقول لندى أمين...
أشاركك نفس الشعور فى قصة الضربات المتتالية...
وبالتأكيد أقواها هي رحيل والدتي قبل عامين...
عملت فيها "راجل" لفترة...لحد ما حيلي أتهدا...بعد داك شفتا حاجات ما كنت شايفة من زمان...
فقط ان نكون سعداء....البيخلينا سعداء ده نمسك فيهو قوي...
ولا أؤمن بان السعادة فى النجاح.... جي دعايات ساكت |
انور العزيز
للوالده الرحمة والمغفرة ولك التماسك
انا اؤمن تماما بفكرتك .... لاشىء هناك اسمه مسنحيل.... المستحيل هو ان لانحقق ما نؤمن به
وفى انتظار رجعتك لينا بالسلامة
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Agab)
|
غيثارة الدانوب اشراقة
فرحان والله بهذا الوصف الجميل والمختلف
والذى أسمعة للمرة الأولى من سليمان أبراهيم، فله التحية
ســلامات يا إشراقة وعلَّك طيبة وايوب والوليدات بالف خير
والتحيات الزاكيات لكل المتداخلات والمتداخلين
مازلت أقراك يا إشراقة بإهتمام زايد
ومازلت أترقب ظهور أيوب يقدل على الخشبة السايبر
هل تلزمى بجعل جيَّة أيوب من ضمن خططتك للعام القادم؟
كالعادة مديت كُرعى قدر لحافى وقدرتا أحقق 90% مما هو مبرمج
أهمها زيارة الوالدة لأمستردام بعد ثمانية أعوام غياب عن حضنها.
هل تذكرين بوست الحنان ذلك فى مثل هذه الايام من العام الماضى.
شفتى الايام دى جاريا بينا كيف .. باكر باكر نكون بنسكسك فى عرس واصل
هى هى هى دقيقة .. اليوم تحديداً أكمل بينكم عامين وهذا البوست
يحمل الرقم 790 . ال7 و9 رقمين بحبهم ساكت كدى لله.
تعال نحتفل على هامش البوست الشحمان ده  إنتهازى .. مــش ؟
بعد إستقرارنا التلاته مهنياً، نخطط تروس، مجيد وأنا العام القادم
لمواصلة نشاطنا المسرحى السودانى بهولندا بشكل مؤسسى وأمسكوا الخشب.
| |
|
|
|
|
|
|
|
|
|
Re: ماذا انجزنا فى 2004 وماهى خططنا للعام القادم..... دعوة للجميع (Re: Ishraga Mustafa)
|
العزيز أنور
آسفه لم ألحظ مداخلتك إلا الأن
Quote: وبالتأكيد أقواها هي رحيل والدتي قبل عامين...
عملت فيها "راجل" لفترة...لحد ما حيلي أتهدا...بعد داك شفتا حاجات ما كنت شايفة من زمان |
الموت هذا السارق الحريف و الذي له مقدرة لا تضاهي في الإستيلاء على أرواح حبانا و ناسنا!
كم هو مهيب و مخيف...
ربنا يصبرك يا أنور على فراق والدتك و ربنا يرحمها و يغفر لها.
| |
|
|
|
|
|
|
| |
Ishraga Mustafa
lana mahdi
لؤى
suliman ibrahim
AnwarKing
Raja
محمد اشرف
Agab
منعمشوف
فيس بوك
تويتر
انستقرام
يوتيوب
بنتيريست