|
|
 Re: خزان مروي: دوله داخل الدوله، ام السودان دوله داخل دولة خزان مروي؟! (Re: Asskouri)
|
Quote:
لم يكن مستغربا اذن ان يجد مدير هذه الوحده في نفسه الشجاعه لاصدار قرار بمصادرة كل اراضي الولايه الشماليه مجتمعه وتحويل سكانها بجرة قلم الي اجراء في ارضهم وارض اجدادهم.
|
الأخ العزيز عسكوري
تحياتي الطيبات
في الأسبوع الماضي كنت أتناقش مع بعض الآصدقاء الأعزاء حول مسألة السدود (الحامداب، كجبار، مروي)، وبالرغم من إني لست ملم بتفاصيل هذه السدود، إلا إني لاحظت أن المشكلة الآبدية في السودان قائمة
أكتر حاجة أنا عارفها إنو الناس البسيطرو على البلد في السودان ديل سياساتم المبنية على الظلم دي ما قاعدين يغادروها قيد نعل!
معليش يا عسكوري، في معلومات ضروية وهي:
السدود دي جغرافيا بتقع وين؟
جدواها الاقتصادية شنو وعشان منو؟
ما هي حقوق الناس المساكين البغرقوا فيهم وبرحلوا فيهم وبنزحوا فيهم (بالمناسبة أنا ما بفرق بين التنزيح البتم بواسطة الجنجويد في دارفور والبتم في الشمالية بواسطة البيروقراطية والمنطق المعوج بتاع الاستهبال السياسي الماشي في البلد على طول)؟
السدود دي عاملنها عشان الكهربا ولا الزراعة ولا الإتنين معا؟
منو البستفيد من الشغلانة دي؟ ما يجي زول يقول لي «الوطن» لإنو الوطن دة طلع حاجة تانية إنت عارفها
وإشمعنى لما تفكر الدولة تحول آراضي زراعية في بحري مثلا للخطة السكنية (للمصلحة العامة) تقوم تدي تعويضات بأسعار الدرجة الآولى الممتازة - حسب القانون - للملاك، بينما الكلام دة ما بتطبقه على ناس الشمالية المساكين؟
طبعا يا عسكوري الجماعة ديل عايزين يطبقوا فيكم النظرية العملوها فينا في جنوب كردفان في مشاريع الزراعة الآلية، في هبيلا وكرتالا، يمكن نحن هناك الظرف بتاعنا آحسن شوية، بمعني إنو، بعد ما الجماعة يستولوا على الأراضي ويوجهوها خرطوميا، نحن ممكن نقع علي الغابة ونعيد إنتاج مزارعنا التقليدية بتاعة الـ Horticulture بالزحف علي هوامش الغابة
لكن أهلنا المساكين ناس الشمالية ديل يمشوا وين؟ الصحرا؟ دة كلام دة!؟
بعدين نحن ملاحظين إنو قصة مشاريع تنمية دي ما قاعدة تنمي آي حاجة في السودان دة - علي طول ما "السياسات" الهيكلية/البنيوية" البتسود الدولة مستمرة. كيف؟
السودان دة آكبر بلد فيهو مصادر مياه، بس فيهو ناس بتموت من العطش. مش في كردفان، لكن حتي ناس آم بدة ذاتم بلقوا موية الشراب بصعوبة بالغة، يبقي القصة فيها إنة كبيرة - وإنتو عارفنها.
إحنا قلنا ياخي، حتى قبل ما يعملوا السدود البتكلموا عنها دي، وكجزء من مما نسميه ببرنامج التنمية المتوازنة، تمشي الآولوية في توزيع الكهرباء للمنتجين البنتجو الفول والقمح، نديهم الآولوية بتاعة الكهربا بتاعة الروصيرص دي عشان ينتجوا لينا فول بدل ما يتم استهلاكها ساي كدة بواسطة ناس الخرطوم الما بنتجوا آي حاجة ديل (الكلام دة في برنامج الثورة السودانية الكنا بنتكلم عنه زمان داك)، قلنا بدل ما المنتجين يصطكوا مع الشادوف والساقية، آديهم آولوية الكهربا وخلي الرياض تضلم آو تستعمل الجنريترات بتاعتها - لاحظ يا عسكوري آنا زول جاي من جنوب كردفان.
فهمي إنو لامن إنت تقوي بتديني الفرصة إني آقوى في الدلنج البعيدة ديك؟ في ناس طبعا مصرين إنهم ما يتستوعبوا الكلام دة!
المهم يا زول الجماعة ديل ما يقعدوا يصرفوا ليكم المخدرات الكان بصرفوها لينا ديك (القومية، والدين، والوسائل السلمية والـ... إلخ)
وما تخلوا الجماعة ديل يستنكحوكم بالحكايات الزي دي. أصلوا أراضيكم وعرقكم ما تخلوه ليهم، ونحن معاكم
أبكر آدم إسماعيل
|
|
 
|
|
|
|
|
| العنوان |
الكاتب |
Date |
| خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-04-05, 09:07 AM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-04-05, 01:10 PM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-04-05, 05:33 PM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-05-05, 02:40 AM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-05-05, 08:57 AM |
| Re: خزان مروي: دوله داخل الدوله، ام السودان دوله داخل دولة خزان مروي؟! | أبكر آدم إسماعيل | 12-05-05, 11:42 AM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-06-05, 04:10 PM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-11-05, 04:49 PM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-16-05, 06:05 PM |
| Re: خزان مروي: دوله داخل الدوله، ام السودان دوله داخل دولة خزان مروي؟! | حسن بركية | 12-17-05, 05:20 AM |
| Re: خزان مروي: دوله داخل الدوله، ام السودان دوله داخل دولة خزان مروي؟! | mahmed alhassan | 12-17-05, 02:35 PM |
| Re: خزان مروي: دوله داخل الدوله، ام السودان دوله داخل دولة خزان مروي؟! | Asskouri | 12-17-05, 04:51 PM |
|
| |
أبكر آدم إسماعيل
فيس بوك
تويتر
انستقرام
يوتيوب
بنتيريست