|
|
 الشعيريه .......................................................
|
الشعيريه
أمانه مى عزيزه عند ناس يمين يرجوك بالمراره لكن
الشعيريه أكان ختوها يا دوب قدامهم وإنت نقرت
الباب وقتين تصلهم إلا تسمع فاتك الشر واللا
حصانك مى جرايه لكن حمالتك على أكان حصانك
أى واكس ما تلحق - الله قادر وشوف بعد ما
يضربوها طب ويختولن الشاى فوق النار وتقول كدى
كفتيرتو تغلى والله ما تسمع إلا أريتكم أكان
كتحتولكم فوقها شعيريه ها ناس أريتكم بالسنه
التقطعكم قطعه شعيرتية الجن دى والله ترقدكم
فوق راس قلعه مجدد يقول بعد أن طق الحقه المحومره
الماهله وخلف كراعو وأترع والله أكان لقت لها
سعنا الليل روب وداك يا الهباب المو خمجان
والله تانى الزول أكان إنقد السماء دا فوقو
ما يرفع راسو عليكم الله شوفوا نعم الله علينا
هسع الشعيريه الخايسه دى عليكم الله شوفتو حلاتا
ود عكام مخير الله الداهيه متل الصارقيل تتملص
لكن والله مداغاتـك ديل إفترن لكن بطنك تب
ما بتشبع شكيت الخواجات ديل على الله بعرفوا
المحن هسع الشعيريه السايبه دى عرفوها
هسع عاينو للجنون ديل نقزو كيف عبران الخريفه
المكلوفه والله آجماعه ماكن طالبنى حليفه والله
بالحيل الزول بى قفاها بتحايا وروحو دى تجيهو
ومروتو دى تزيد أريتنا زمنا العرسان كان
غرقولنا فيها والله لا البياح تلقانا نتخبل
عيل الله إقطع البليله وإقطع بصلها والله
بلا الهبوب واللوايه والدوماسه ما سوت
لنا شئ وينط جابر باقى متظبرط ومارق
جاى وجاى والله آخوانا الشعيريه ناس البندر
بعرفوله عرفه والله تكرفا متل الساويلها
قدحه وتجيك محومره وثابته فى الليد مى
متل الخايسه التنا دى تتزغم فى اللصابعين
ومن السنون متل البروه وناس البندر
ماهن فناجره والنعم عندهم واجده والشعيريه
عندهم زيادة خير ما برجوها زينا كدى
وبنزبرو فوقا والله واحدين يقولك ما بدور
السكر عليك الله شوف الشقى دا.
|
|
 
|
|
|
|
|
|
|
 Re: الشعيريه ....................................................... (Re: munswor almophtah)
|
أقصر طريق لدواء الضيف
اهلنا وجيراننا واحبابنا ناس الجبال البحرية (كاجا وكتول) مرة في واحد في الثمانينات تزوجو بنتو واثناء العقد سمع
ضجيج النسوان فصاح : خباركَن يا نوسان: قالن:- في حاجات مقصرة ما جات في الشيلة فصاح :- الشعيرية جابوها قالن ايوا
قال: خلاس اقعدوا تاني العوّه فوق كم
وعندما اهدي الزعيم الراحل الشيخ المُر مائة بعير للرئيس الراحل نميري واخذوا رواعيتها لمطعم للغداء فأول ما أذن بطلب الطعام صاح عمنا ود الدقير قائلا:-
دايرين شعيرية بي لحم
| |
|
|
|
|
|
|
|
|
|
Re: الشعيريه ....................................................... (Re: عبيد الطيب)
|
ود المقدم يابا كيف حالك وحال عربك
قلت قالهم العوه فوق شنو وقت الشعيريه جات!!
ياخ فقعتنى بالضحك أضحكك الله.
واحد يا العبيد من الشعيريين الخلص أها جا من الحواشه رابط
يده ودخل على الراكوبه دسا الشاى القش والدكان فى الحله
بقفل من عصيرن بدرى وحاريلو كرتونة شعيريه فى البيت أها
جاهم قالهم ملدوغ قالوا خلاس أغلولكم مويه وأكتحوا فيها
شاى مر أها بعد المويه غلت الشاى سماء واطه ما جمع أها
زولك قالهم وقتين ما لقيتو الشاى أكتحولكم فوقها شعيريه!!
الزول أظنو ملدوغ كوفاره آلمقدم
منصور
| |
|
|
|
|
|
|
|
|
|
Re: الشعيريه ....................................................... (Re: خالد الرزيقي)
|
نفس هذا العقد الفريد إجتمع في الضرا بتاع الحلة لعمل مجلس محاسبة لأخوهم .... أخوهم ده كان مبذر شديد وبرسل لولده في الجامعة 300 جنيه شهرياً .... وولده قبل نهاية الشهر بقول ليهو مصاريفي قصرن ... آها الجماعة ديل غاظتهم الحكاية وقالوا لأخوهم : إنت بطريقتك دي تبوظ الولد سااااكت : أفرض إنو بفطر شعيرية ... وبتغدّا شعيرية ... وبتعشّا شعيرية ... القروش دي تكمل؟؟؟ المستفاد من الجلسة : قمة الترف المفضي بأهله إلى البوظان يتمثل في تناول ثلاثة وجبات كلها شعيرية
| |
|
|
|
|
|
|
|
|
|
Re: الشعيريه ....................................................... (Re: خالد الرزيقي)
|
منصور انت وخالد الرزيقي كتلتوني بي الضحك والله يا منصور مرة من المرات عملت دعوة لبعض الاهل وعندما وُضِع الطعام
وكان اللحم سيدا وبعد ان التهموا الجماعة اللحم وبدأوا في (أم العول) العصيدة لاحظت احد الاصدقاء بدأ في الشعيرية مُباشرة فقلت له مُداعبا التحلية دي بعدين الدنيا شتاء أُكُل العصيدة فقال ضاحكاً:-
خلّني خلّني العصيدة في بيتي بلقاها اخير ليّ المغزقزات والشعيرية...!
| |
|
|
|
|
|
|
|
|
|
Re: الشعيريه ....................................................... (Re: munswor almophtah)
|
حبينا لك الود والريد اللّصم يا منصور قبال ما تكمل شعيرتك احلام اسماعيل والشقليني والقاص عثمان الطيب عندهم شعيرية عجيبة كشنوها في بوست بعنوان علي المك وركبتها احلام وناس السقليني وعثمان جابو البهارات اديهو طلة وتعال
واحد مننا سنة الجفاف جي ام درمان والجماعة سووا ليهو الشعيرية بي اللحم وودوا سوق الملجة حلوا ليهو بي مديدة الحلبة من ناس نورا وكمان أكّلو الباسطة قادر الله بقا (إحَشِّر) براهو
التيس العلي أم زانوق تِعلِّي الروب
أصبح عيل إحشِّر منهن مكروب
اصبح مع الصباح شال ابريقو في ايدو ومخلايتو في كتفو وراقد موقف دار الريح وبعد الجماعة ما رجعو من العمل
لقوهو راكب في اللوري يا زول مالك مسافر قال ليهن خُفت علي روحي من المقزقزات
شعيرية ومديدة حلبة والباسطة الكيف عبس ألبِل والله عيل كان تِعرسو لي ست قهوة حتأن اقعد
| |
|
|
|
|
|
|
|
|
|
Re: الشعيريه ....................................................... (Re: munswor almophtah)
|
الشعيرية من شفت العنوان قلت المنصور ده مالو علينا من الصباح
مدخل ايام الداخليات في المدارس الاستاذ بعد صبح على الطلبة سال اقرب تلميذ : (أها أكلكم كيف؟؟ إن شاء الله كويس؟؟) رد التلميذ: (والله ما بطال.. أول التبادي فطورنا لقمة، وعدس ،وعشانا عدس ولقمة،، وغدانا لقمة بي عدس،، علا المدرسين في شان متفلهمين بسولن الشعيرية).
اها يااخوي يالمنصور انا من الشعيرياب واحبها بيضاء من غير سؤ وما تكون ملككة ولا متكتله ولاسايلة برجوبه ولو بقت مرشوش عليها عسل ولا طحنية ما بدي الجنبي وما بريدها صفراء او ذهبية مهما كان معاهاوبحبها بالحليب ومرشوش عليها جوز هند ولاكم عنبات
اخوي المنصور امشي اشوف لي شعيرية بوظت اعصابنا
| |
|
|
|
|
|
|
|
|
 Re: الشعيريه ....................................................... (Re: عبدالله ود البوش)
|
في منتصف ستينات القرن الماضي ونحن شفع صغار كنا بنلعب كمبلت
والله يا مفتاح الحكاية البحكيها ليك دي بحذافيرها كانها حصلت امس القريبة دي
لاني دائما اردد العبارة التي قيلت حتى حفظها مني صغاري
وهي عبارة هااااااااادي اهوي ( اخوي) شعيريرة شعيرية اجر جاي
.
.
حلاة الشعيرية وهيبتها بطلت ومسخت علينا كمبلت في احرج لحظة
زي ما قلت ليك كنا الفريق الاقوى في لعبة كمبلت وفي لحظة التكمبل
نرص في الطوب طوبة طوبة علي راحتنا لان الكورة طيرناها بعيد
وخلاص قربنا نخت التراب فوق رصة الطوب ونكورك نقول كمممممممبلت
في هذه اللحظات الحرجة جدا ات يا الصديق ود كمال الدين الله ارحمو واغفر ليهو
تكورك للهادي اخوك الا هو لاعب اساسي وحريف تكورك ليهو هكذا
هاااااااااادي اهوي ( اخوي ) شعيرية شعيرية اجر جاي
وهذه الشعيرية التي تغيب عقول كل ناس البيت والجيران خاصة لو كانت محمرة
اها ات يا الهادي سمعتك للشعيرية تقوم ترفس وتشتت الطوب طوبة طوبة وجرى زي المجنون
حتى بدت عورته لانو عض العراقي في سنونو وتحت ميطي
وكسب الشعيرية وخسرنا نحن الكمبلة ........
.
.
هذه الحكاية في الذاكرة لانه كلما نعمل شعيرية في بيتنا حتى يومنا هذه اردد هذه العبارة
هااااااااااااادي اهوي شعيرية شعيرية اجر جاي
| |
|
|
|
|
|
|
|
|
|
Re: الشعيريه ....................................................... (Re: munswor almophtah)
|
السنى (والله مشاقين)
ياخ ذكرتنى الزول الزار الجماعه والصيف حار
ودخل طوالى لقى صينية الغدا لبع لمن أتلوى
والله جيت فوق سيد البتيخ والله شاقلو واحده
فيها جنس حمره قلت أجيب لكم معاى واحده
لكن قلت بتكون جبتوها!! ياخ إنت جبت الشعيريه
وجيت وتقولى (نميرى) عليه الرحمه ياخ دا الخير دا كلو
لكن يا السنى ذوقك ذوق أهل العوض ذاتو قلت دايره
بيضا بيضا ياخ تنفعك إن شاء الله.
الشعيريه عليك الله عن الإسم
وكأنى بدرويش يغنى عليها
من سماك من علاك
فوق جراحنا ليراك
ولك من السلام ما تستحقه بصدق قدر صدقك وأكبر
منصور
| |
|
|
|
|
|
|
|
|
 Re: الشعيريه ....................................................... (Re: جميلة ابراهيم السيد)
|
يا عبدالله ود البوش ياخى وينك ويا الودرت وين حيك
ياخ ضحكتنى بذاك الذى رمى صاجاته وتروسه التقيله ثم نقز
عند سماع الشعيريه ورمى ذلك الطوب ورمى من حساباته كل
شئ حتى ما ظهر من الممنوعات لم يرعى لها حرمه ياخ والله
الشعيريه دى فى الشتاء الناس ببلعوها بلع تقول بالعين
سجار والبوخ من الخشم زى دخان الكمينه أوعك ما ظنيتا
بتغشى اللسان حمالتك على من الليد للحلقوم
وطبعا يا ود المحيريبه إنت داس محن الشعيريه لليوم
الأبيض ياخ تعال من الأخير وجيب الدقق والله أكان
أنا من المحيريبه والله ما أتلاحق فى القول فى الشعيريه.
ولك السلام يا عبدالله
منصور
| |
|
|
|
|
|
|
|
|
|
Re: الشعيريه ....................................................... (Re: munswor almophtah)
|
والله قسما عظما
لو كان عندي مصنع شعيرية
اكان دفعت ليك مبلغا محترما قصاد الاعلان الفخيم عن الشهيرية
ياخي امس هيجت ليك في المرة انتى انا عشان عندي السكري ((_طبعا انا رئيس نادي الحلوين في الدوحة))
ما بتعملي لينا الشعيرية ؟ جبتي لي المربة الدايت والطحنية الدايت ما لقيتي لينا شعيرية دايت
وهي عارفة كرهتي للدايت لانو اكلو زي البتاكل في دلاقين لانكهة ولا ريحة ولا طعم
اها الليلة وعودونا بي شعيرية بيضاء لكن بعد ما انزل السكري
شوفت كيف يا صاحبي ـ الاكل بعد الفحص
ده كلو من الشعيرية الفتحت ليها بوست وطلقت فينا النارية
وانا مازول حارة
جني والاكل الحار برجاها لامن تبرد وبسكب الحليب الطاعم واله الليلة لو سكري امش التوج ما بشرب الحليم خال الدسم
دي شعيرية ــ
غايتو بكرة البوست ده بفطو عديييل
ــــ
على جانب يا حبيب ورفيق الهم في تراثنا بديت في جمع مادة عن تاريخ السودان للأطفال بعمل في سلسلة كتب صغيرة بالعربي والانجليزي لاطفالنا في البلد والمهاجر وبحتاج لي مراجع عن النيل والازياء والنسيج والنار والحديد والنحاس والفخار
والاكل والإكسسوارات العند مدني بيهو ودلنا على المواقع والناس
محبتي ابدية
| |
|
|
|
|
|
|
|
|
|
Re: الشعيريه ....................................................... (Re: محمد سنى دفع الله)
|
جميله سلام من الله عليك والأهل وكل عام وأنتم بألف
خير - والله يا جميله كلام السنى دا خوفنى يقوم التجار
يدسواالشعيريه وتقول كدى الأسعار تقوم بأربعاتها
وتقسى على الناس نان ما فى ناس بسعرو ياخ ديل
ممكن يعيشوا من غير أكسجين لكن الشعيريه والله
باكر الكاروشه تبقى وباء اللهم رقد الشعيريه
وكتر مصانعها وغلد عضمها وطوله اللهم حسن ملمسها
وحدق طعمها وغرق سمنها يا قادر
ياخ لك الشكر والود والسلام
وشعيرون إلى ما شاء الله
وإنت قايله العرقوب الداخل البوست
برا الشعيريه الليلة السنى دى واقفين
صفوف مالهم والله أفتح الباب دا هسع
يكسرو كراسى أستاد البوست دا
والله إلا الخريم داك المغرود اليدخل
منصور
| |
|
|
|
|
|
|
|
|
|
Re: الشعيريه ....................................................... (Re: munswor almophtah)
|
سلامات عزيزى منصور,,
أستاذنا فى الخرطوم القديمة الله يطراه بالخير جا داخل الفصل من الصباح,,
وسؤال مباغت لزميل إسمو خالد,,
يا خالد قول لى قول مأثور!!!
أى قول مأثور؟
خالد أصلا من الناطقين بغيرها وتاميها رطانة,,
وما فهم السؤال زاتو,
قال ليهو يا أستاذ إنت قول مثال وأنا بقول ليك واحد زيو!!!
قال ليهو يا خالد قالت العرب قديما...... وسكتنا كلنا دايرين
نسمع العرب قديما قالت شنو من الصباح كدا وأخونا خالد دا حا
يتخارج كيف من الورطة دى!!!
أستاذنا سكت مسااااافة ثم قال له بكل جدية !!
أهم حاجة فى الشيلة الشعيرية!!!
ومن يوم داك بقت الشعيرية عنوان للفرح
تحياتى..
| |
|
|
|
|
|
|
|
|
|
Re: الشعيريه ....................................................... (Re: munswor almophtah)
|
Quote: جميله كيف حالك وأحوالك وأخبار عيالك وحسنا أن هيجنا عليك المضاجع
بتسويق الشعيريه حتى قمتى بحملة تفتيش جباره للبحث عنها فى أركان المطبخ
وجهزتيها كما ينبغى وقضيتى عليها كذلك بمزاج ياخ الشعير مى حنينه وبت
حلال والعجب السكسكانيه ياخ بتكون عندك والبيت العامر دائما لايخلو
من هذه الأشياء التى يحرك الناس إليها المزاج.
وكل عام وأنتم بألف خير |
سلامات يا منصور
انت شكلك وصفي الوصفتوا ليك للسكسكانية هيج اشجانك ومطقت فيها هههههههههههه والحمد لله الخير كتير وراقد بكرة كان ما عيد كان لحقناك كيس سكسكانية للفطور
كل عام وانت بخير ووربنا يحقق جميع الاماني
| |
|
|
|
|
|
|
|
|
 Re: الشعيريه ....................................................... (Re: munswor almophtah)
|
حبيبنا المنصور
كل سنة وأنت بألف خير ، صحة وعافية تنز وأحلامٌ تتحقق
وألفة تكتمل . لست تدري يا سيدي وأنت تنقل لنا صورة حياتنا في الأرياف ، الوجه الثقافي الذي نسيه الجميع ، يعود في لباسه القشيب ،
أنت ورفاق الملف . ما أينع ثمار تلك المحاورة ، وما أندى هذا النثير ،
وما أروع البساطة التي يعيشها أهلنا في أشباه المدائن والأرياف .
كشفت لنا صورة من طفولتنا الماضية ، وأنس أيامنا اللاحقة
شكراً جزيلاً لك .
| |
|
|
|
|
|
|
|
|
|
Re: الشعيريه ....................................................... (Re: munswor almophtah)
|
الشقلينى كل عام وأنت بألف خير وسائر الأسره
ربنا يرزقكم من الخير والصحه والسعاده بقدر
ما تتمنون.
عزيزى سماحة الريف وبساطته تلك أصابها التعقيد
الذى أتت به قنوات الكون المجانيه والمحمول الضار
فصار صعبا علينا أن نعرف الريف فالنازلات أخذت
بدفع الناس دفعا عن مناطق تواجدهم التقليدى
إلى تواجد فى أطراف المدن وضعهم فى إمتحانات جد
عسيره فلا المهن عادت هى المهن ولا المكان عاد كما
كان ذاك المعافى بل أحاطوا حيث تقذف المدينه
بمخلفاتها وبدأت حياتهم بإكتساب الحساسيات والحميات
وغيرها وما عادت الشعيريه كما كانت أول مره فقد
أصابت الحلوق غصة وأصابت الألسن مراره وأصابت
الرجال الحيره!!
وألف كتر خيرك
منصور
| |
|
|
|
|
|
|
|
|
 Re: الشعيريه ....................................................... (Re: munswor almophtah)
|
حدثنى من أعاد إلى ذهنى صورة الكركتير الذى يقول (أصدرنى وأورك نفسك وأجنح الخليفه)
عندما أسهب فى القص عن عودة أسره من إحتفال تخريج لأحد بناتهم
فوقفت راحلتهم بالقرب من منزلهم وبطيبة أهل السودان طرقوا الباب
فجاءهم من فتح لهم الباب فتوغلوا فيه وعلى وجوههم لمسة فرح ظاهر فسألهم
الأخ الأكبر عن وجهتهم فقالوا تخرجت بنتنا من كلية القرآن الكريم فكان ظنه
إنها تخرجت من الطب فألتفت إلى شقيقه وقال له أشعروهم وما هى إلا لحظات حتى
جاءتهم الشعيريه فى قداحة الطلس وبوخها كما الأعصار يتلوى لعلالى السماء
وما أحيلى الشعيرية مع الجماعه وما أحيلاها والجماعه جياع.
منصور
| |
|
|
|
|
|
|
| |
munswor almophtah
عبيد الطيب
خالد الرزيقي
محمد سنى دفع الله
عبدالله ود البوش
جميلة ابراهيم السيد
أيمن الطيب
عبد الحكم ابراهيم الحاج
عبدالله الشقليني
فيس بوك
تويتر
انستقرام
يوتيوب
بنتيريست