|
|
 Re: مسدار يا أهل المسادير ((2005)) (Re: نادية عثمان)
|
اتلموا الكلاب عايزين يعضوا غزالة
المسكينة واقفة وماخطر على بالها
زى غابة الوحوش الدنيا يبقى ده حالها
وزئير الاسود مابعنى انو رجالة !!!!
كلابا بالخراب سعرانه مكشوف حالا
ما تشوف الفطايس فى الزباله حلالا
صيدة فى الفريق كل الخلوق ترتالا
بس واحد شقى المسخوت بكوس لدلالا
منصور
| |
 
|
|
|
|
|
|
|
 Re: مسدار يا أهل المسادير ((2005)) (Re: munswor almophtah)
|
يا ناس ود عقيد فاقدين حروفو الزاهية
خرمانين عديل لطلتو المتهادية
الهم الدفر خلاك هجرت القافية
ساألين الكريم يكسيك بعدو العافية
نشأت
يا ود الامام الراقي سيد القافية
ما تفقد عزيز تغشاك ديما العافية
الهم المقيم اسبابو ليك مي خافية
البلد العزيز كيف راتعة فيهو المافيا
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
قاعد ود عقيد ساكن الرياض الباهيه
حاوار فى النقاش سالط أمين مو داهيه
كتاب للقوافى الديمه جاذبه وشافيه
مليانات معانى وحاشا طب مى واهيه
منصور
ود مفتاح فضايلك بي فعايلك زاهية
يا نسل الكرام أهل النهى المتناهية
منك نحن نتلافى الحروف الباهية
نغرف نحن بس من شِيَمك المي واهية
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
عبد الله العقيد ماتمشى تبرح بيتك
زى نجم النجوم فى سمانا زايع صيتك
خليك يالحنون زى مازمان وصيتك
لاتفارق صحاب وزولا يقول حبيتك !!
نادية
يا بيت الشِعِر والزوق متين خليتك؟
ليه تشكيني لي القاضي وتقول جافيتك؟
حكمني الزاهي باهي دوام، أمير دوبيتك
أمرك يا جميل نافذ، منو بفوت بيتك!
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
Quote: نهنئ نفوسنا يا الأخوان انحنا في عيد
ما دام الظريف نشأتنا أخد القيد
منصور انبسط ,, وفي رياضو هانئ عقيد
ونادية هناك تزغرد,, ويحي باقي سعيد |
مبروك ياالامام جيت للصحافة وسام
معروف زول علم خفاقة بيك اعلام
صحبك ود بشير راجلا بشوش بسّام
وعقدا جد فريد زى نظمو فى الاحلام!!!
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
عبد الله العقيد ياراقى كتّر خيرك
انشاء الله الفرح دائما يبارى مسيرك
منصور الكريم ساعة المحن بيجيرك
معروف ود رجال منصورى يبقى نصيرك !!
نادية
كتر خيرك انتي وخير حروف اشعارِك
يا زينة البنات دايما منوّرة دارِك
كل ما اقول كلام في طلتِك ونضارِك
القى اشعاري فيكِ أقلّ من مقدارِك
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: Abdulla Ageed)
|
حباب منصور اخوي اب كلمة ما انعابت
وقولتك يا الاصم عين الحقايق صابت
يا الضواي براك وكت الناس شموسم غابت
بكون عن رجاك وحتماًالولده ديك ما خابت
مرحب بيك مخوجل بالنجاح ماك ساقط
صوابا منشن صنقور الهدف ماك خابط
وزان الكلام ساعة الغضب كم ظابط
ما بتحرج مخالفك وكم للبحبك قابط
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يا ود الإمام الليلة صرت عريس
وما قادرين وفاك يا نصعة الإبريز
شكرك يا الإمام دفاق بلا تحنيس
زايد في الكمال من كل غالي نفيس
يا راوى الحديث من جانا جانا عريس
وجانا أمير قيافه أنيق كمان لبيس
عزام للضيوف لعان جيوش إبليس
وصادق ديمه قولو حاشاهو من تدليس
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
الناس البنت فوق الجماجم ساسا
ما بتهجد في يوم دايماً يزن وسواسا
كل ما يجيهم ليل روحم تخاف من ناسا
والفرقه البقت بيناتنا ما بتتحاسا
حالفين باليمين باكر حيرجع لينا
ان طال الزمن وان قصرت مسافتو علينا
غير وطناً معافى حاشا ما بيرضينا
والراجنو عن الله باكر بسهلو لينا
| |
|
|
|
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
منصور اخوى خليك من داك الخبر الشوم
وماناقصين بلاوى والغربة كايلة هموم
دا مابحقق امل ونخاف فقرنا يدوم
يلاك للطراد نلحق بلادا غزالا يحوم
غزالا فوق حدب وديانا والنابت شقلنا رهوم
أرح يا الفنجرى نشوف العجب جالياهو روعه رشوم
بكارنا المن زمان مشدوده لى بلد القنيص بتروم
ونحن فترنا من حجو أم ضبيبينه الملانا هموم
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
انا ان شديت بكيرتى مرافق المنصور اللزوم
وهميت بى دار زولا بعيد و لى غرامه كتوم
ماخايف دروبا طايلة وهوايل عليها ردوم
وما بفتر من قنيص وطراد ورا الضامر الملموم
قعاد الفاقه ما بندورو كان دايما بجيب اللوم
وفوق صنقورهن الشارفات بكار الخير طردنا النوم
دايما ناس قنيص نسدرلو فى الباحات سواقة يوم
وهمنا كان نشوف قدلاتن الرايقات غزال الروم
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
واجعنى الحصل خاب الأمل ياناس
كت بعزم أهل يجو يحضروا الاعراس
ديمقراطية جد فى بلدى خاتا الساس
طول عمرو الصفيح مابيبقى ابدا ماس ..
أملا صار بصل قبال نقول أنناس
وطارت فرحة التغيير ومات إحساس
أهل اللحسه فى التشكيله بالمقياس
وخلو فصيل من الأحزاب غشاه اليأس
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
قعاد الفاقه مو قسمة اديته التليف وعوير
ونحن اهل خترة وهوايل وللبادية شوقنا كتير
عالين بكار نهزى وخبيب عانين الراقدو وثير
داب نلفاها ظبية وقادلة متل العروس فى حرير
شن القعده والبريب شرابو حفير
وحارسو المولى بالألطاف بقالو خفير
سوقاك كان نتاوق وفى تلاهو نسير
والكاتبو الكريم يا يحى لازم إصير
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
Quote: الريله أم صدوغ فوق الكباد مشايه
سلبت قلبى شارف فوق صنق حاحايا
يحى أخو البنات أقرالى لوكان آيه
وأفزع للفقير جيب ليا منو محايه |
الريلة الجميلة السمحة بت التاية
سعدها بيك عشوق يازول غرامو حكاية
صح زولتك أكيد شاوياكا فوق شوّاية
منصور الغرام عيا مابدورلو محاية !!!
| |
|
|
|
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
الريلة الجميلة السمحة بت التاية
سعدها بيك عشوق يازول غرامو حكاية
صح زولتك أكيد شاوياكا فوق شوّاية
منصور الغرام عيا مابدورلو محاية !!!
شاويانى فوق شوايه شيش هرايه
شوقى أكان أشوفا واشيلا فى جوايه
ظبيه من الجنان محجوره منى برايه
زى قصب التقانت غطو منو شرايه
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: عبد الله عقيد)
|
دار منصور اخوي الليلة جابت راجل
جاها الموصلي الماهو الهويِّن ساهل
مع الموسيقى شاعر وللمشاعر واصل
بس لا تنسحب وتقول كفاكم (فاصِل)
ود عقيد
يا ودعقيد بندور نقوم بالواجب
وجانا المستحيل الليله أمرو عجايب
يوسف أبو الطرب موهوب وعندو غرايب
وفى الدوباى حريف كتاب حروفو نجايب
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
شاويانى فوق شوايه شيش هرايه
شوقى أكان أشوفا واشيلا فى جوايه
ظبيه من الجنان محجوره منى برايه
زى قصب التقانت غطو منو شرايه
منصور
نار شوقي المولعة في الفؤاد مشاية
طلقت نوم عيوني وديما هاردة حشايا
شوق لي الشوفة والشمّة وسماع شاشايا
شتان بين نعيم شوفتو ومهاوي شقايا
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: عبد الله عقيد)
|
مفتاح الشعر.... حرم ولد منصور
وشو من الادب..... طالع مولع نور
في بوستو. الكلام شايقنا زي بلور
مابننساهو تب مهما الليالي تدور
جاغم للنغم من ناس كرومه وكاشف
ومن بتهوفن المصموم مقاطعك راشف
نثار للدرر رطب الكلام مو ناشف
بارا طب كريم فنانا يوسف غاشف
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يا منصور أخوي الشافعة شاوية حشايا
شوقا علينا شافي وللقليب كوايـــا
شيشك شان تطيب أيامنا بالضوايــا
والشال الفؤاد شلهتني زادلي أزايــا
راوى الحديث الشافعه من قلايه
أمها ذاتا حرقت القلوب شوايه
ديل ناس جحيم الحب بجيب لوايه
بندور شمله من نارم نسوى وقايه
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
بيني وبين الفرجوني:
قاعدين في رجاكم بي لهف يا قومنا
خلو البنّا يطربنا ويداوي همومنا
يا فرجوني جُر النمّة واسعد يومنا
واتقبّل سلام كل اليعوم فوق عومنا
ود عقيد
قول لى ودعقيد ما تنشغل بى لومنا
نحنا برانا طول النوح قرش حلقومنا
تفاح غيرنا ما بنريدو بنريد دومنا
كان فى الجنة نحنا تملى sick لى home نا
احمد عبدالله البنا الفرجونى
شعرت جلدي قامت وغالطني عيوني
وكت شيخ العرب بلغن مسامعو شجوني
نضمي الخاتي عِرفة يرد علي الفرجوني؟
يا ناس (المسادير) تاني ما ترجوني
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: عبد الله عقيد)
|
شعرت جلدي قامت وغالطني عيوني
وكت شيخ العرب بلغن مسامعو شجوني
نضمي الخاتي عِرفة يرد علي الفرجوني؟
يا ناس (المسادير) تاني ما ترجوني
ود عقيد
هوى يا ودعقيد مازلت بالرصاص
وما يخلعك كلام البنا غاير الساس
نحن موكرين فى الباديه بى إخلاص
ومن تيراب كلابو كلبنا جمبو براس
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
Quote: شاويانى فوق شوايه شيش هرايه
شوقى أكان أشوفا واشيلا فى جوايه
ظبيه من الجنان محجوره منى برايه
زى قصب التقانت غطو منو شرايه |
كر يايابا كر ياالمقلى فوق قلاية
شوقك ياالعزيز للتاية شاقى شقايا
الشفقة العليك هردت حواشى حشايا
شكيتها على الآله شان قادت الشواية !!
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
هوى يا ودعقيد مازلت بالرصاص
وما يخلعك كلام البنا غاير الساس
نحن موكرين فى الباديه بى إخلاص
ومن تيراب كلابو كلبنا جمبو براس
منصور
سيد الحوش حريف نمّة وعُقُب قصّاص
منيحتو لبونة ضرعها سرّف البلاص
بس ديمة التِّفِرفِر عندو ليهو قِصاص
قدُر ما قلت نم كاتبني بالرصاص
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: عبد الله عقيد)
|
سيد الحوش حريف نمّة وعُقُب قصّاص
منيحتو لبونة ضرعها سرّف البلاص
بس ديمة التِّفِرفِر عندو ليهو قِصاص
قدُر ما قلت نم كاتبني بالرصاص
ود عقيد
ثابت يا العقيد الليله قلنا خلاص
وضربك للهدف جبخانتو من رصاص
شيخ شيوخ العرب وقتين رمالك باص
وأنت حريف سحرت الحارس البصباص
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
مرحب بالموسيقى معانا تاخد دور
ومن درر الأدب نضمك تقول طمبور
زيدنا من الكلام البيهو نحنا حبور
وصوتك في الموسيقى نعرفو ديمة جهور
///////////////////////////
بت العمة يا يوسف تفرج الغمة
جاهر نورا وكتين النجوم تتلمة
في الشعر المقفى تقول دريد الصمة
ومن جوهر كلاما زادت علينا الحمى
////////////////////////////
دار منصور منورة ديمة فيها جديد
فيها السارحة فيها الصاهلة فيها الصيد
يا يوسف تعال أدينا منك إيد
قارح في الشعر داك ود رياضنا عقيد
///////////////////////////
يا ود عقيد الدار ملانة "فواصل"
جاها الموصلي فارس الموسيقى الباسل
ركيب للصهب وجوادو جاكي وصاهل
وما هين يمين كلامو حالي وعاسل
| |
|
|
|
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
Quote: بت العمة يا يوسف تفرج الغمة
جاهر نورا وكتين النجوم تتلمة
في الشعر المقفى تقول دريد الصمة
ومن جوهر كلاما زادت علينا الحمى |
تبرى انشاء الله مّن الحمى يافارسنا
بالكلمة الحنينة دوام دوام حارسنا
من سمح الحروف مالى العقول تارسنا
خبير علم النفوس من جوة جد دارسنا !!
| |
|
|
|
|
|
|
|
|
|
Re: مسدار يا أهل المسادير ((2005)) (Re: نادية عثمان)
|
كر يايابا كر ياالمقلى فوق قلاية
شوقك ياالعزيز للتاية شاقى شقايا
الشفقة العليك هردت حواشى حشايا
شكيتها على الآله شان قادت الشواية !!
حاشاك الحريق خليهو ليا برايا
والتايه المفرنبه سالبه منى قوايا
الشفقه العلى من شوقى ليها التايه
شاقيانى ومشققه شق قليبى شقايا
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
دار منصور منورة ديمة فيها جديد
فيها السارحة فيها الصاهلة فيها الصيد
يا يوسف تعال أدينا منك إيد
قارح في الشعر داك ود رياضنا عقيد
منوره بالرواة زى ناس بخارى فريد
وزى ما قلت فيها الفيها فيها حديد
وفيها اليوسفى الدوباى كنار غريد
وفيها اليحيا والناديا وفيها عقيد
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
Quote: حاشاك الحريق خليهو ليا برايا
والتايه المفرنبه سالبه منى قوايا
الشفقه العلى من شوقى ليها التايه
شاقيانى ومشققه شق قليبى شقايا
منصور |
التاية العشقتها قالوا نايرة مرايا
زى وهج الشموس وضئ الشموع ضواّية
فى قلبك بنيت للتاية الف ثرايا
بس زولتك غرورة عنيدة مو بكّاية !!
| |
|
|
|
|
|
|
|
|
|
Re: مسدار يا أهل المسادير ((2005)) (Re: Yahia Abd El Kareem)
|
نحنا اخوان صفا والقاصدنا ليه نفيد
فينا الزلال والطيب وتمامنا نم وقصيد
يا موصل تعال اروينا اشجى الوتر تغريد
وخلى الساحة ضاوية تفرح بى هلال العيد
شيح العرب مطربنا صدحك بالنشيد
صدح البلابل فى الكبور أغصانا بتميد
جاك الكنار وضح النهار طريب وغريد
يالبكارك فى الهجوع ضباحا....صنديد
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
دار منصور منورة ديمة فيها جديد
فيها السارحة فيها الصاهلة فيها الصيد
يا يوسف تعال أدينا منك إيد
قارح في الشعر داك ود رياضنا عقيد
بخاري
صنعتك يا البخاري أصيلة مي تقليد
ونمّك خاتي قول في المعنى والتجويد
عاود سو جديد في امات مساير وجيد
خلنا نطرا ساعات الغرام ونعيد
ود عقيد
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
عبد الله الهمام بكتب اليك مســداري
يا فارس القصيد دائما اليك مسـاري
هاك مني السلام يا ود عقيدنا عشاري
وما فارق علي أكان أجيك كــــداري
////////////////
منصور الهميم راوي الأحاديث عاشـــــق
ومابنفع علاج طبيبو عالي شواهـــــــق
الزادت وجيبو شويدنة طيبا فائح وعابق
ومن بين الحسان جواد محاسنا ســــابق
| |
|
|
|
|
|
|
|
|
|
Re: مسدار يا أهل المسادير ((2005)) (Re: بخاري بشير)
|
منصور الهميم راوي الأحاديث عاشـــــق
ومابنفع علاج طبيبو عالي شواهـــــــق
الزادت وجيبو شويدنة طيبا فائح وعابق
ومن بين الحسان جواد محاسنا ســــابق
عشقك فيه صادق ماك كذوب ومنافق
وطبك عند غزاله لهيجا طاعم حادق
فارع داك قواما مع الفواصل شاهق
مقياس للجمال يا بخارى دايما صادق
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
يومين بالتمام مجلسنا ناقص ناسو
والمسدار بلاكم ما بتدق اجراسو
ياكم انتو أهلو واصلكم حراسو
وبوراكم خلاص انا قلبي فقد احساسو
نشات ودإمام مجلسناإنت أساسو
وديمه منورو وديمه بتكون حراسو
ناس ودبشير وعقيدنا من ناس ساسو
ويحى وناديا شاربين لى بكر كاسو
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: munswor almophtah)
|
الليله الكلام.....عاجبني ياسماري
منظومة ولد.....ضكران واسموبخاري
في وصف الموسيقي الريدا ولع ناري
اعشق فيهو نضما....ضاوي نور داري
كلاما زى غناك يوسفنا حادق وحالى
وبخاري الحديث مبسوطلو فايق بالى
يا أولاد الحقيقه الفى البعاد سمارى
إنتو ملايكه مره وإنتو ضمه قمارى
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
مستمتع جليسك دوام بالنمة والجراري
وماشين بي غناك ندخل بيوت وحواري
عايش بيناتنا فنك وليهو ديمه نباري
والدهب الأصيل تلقاو براهو يراري
ضربك مو فشنك جبخان مولع ناري
نيشك فى الصدور صيدك متيم هاري
راكب فوق قعودك وللغزال بتباري
ماك تليفه ساكى وديمه ساك كدارى
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
ياك أسد البطانة وسبع البرية الضاري
وياك ضو القبيلة المن بعيد بتراري
تكرم لضيوفك يوماتي ضابحو عشاري
ويا اب قلباً أصم حاشاك تقبل جاري
أقبل جاري وين والناس تجول فى داري
مانى بخيل بدسدس ومانى الغشيم مضارى
نشأت قوم تعال بى حالى إنت الدارى
وعارف خيرى كلو عارفنى بايع وشارى
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: عبد الله عقيد)
|
أهل الساحة، بالشهر الفضيل تتهنو
تصومو وتفطرو وتلقو الفوايد مِنو
شاحد ربي يديكم كما تتمنو
يا غافر الذنوب فضلك كتير شاكرنو
ود عقيد
غافر الذنوب ياودعقيد حامدنو
والشهر الكريم فى جاهو طب صايمنو
بى إخلاص دوام ليكم جميع داعينو
يا درر الصلاح إنتو الفلاح داخرنو
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
بي جاه مولاي الكريم وبعفوه وحنو
مغفورات ذنوباً حملاً تقيل شايلنو
في الشهر الفضيل نحنا الكريم حامدنو
ويوماتي الرجاء في الرحمة ما قاطعنو
نشات ود إمام رمضان دوام قايمنو
يا ترب الصلاح من كان فقير بارنو
رمضان كريم يا البالصيام تامنو
يا القاريين كتابو اللرسول نازلنو
منصور
| |
|
|
|
|
|
|
|
|
|
Re: مسدار يا أهل المسادير ((2005)) (Re: nashaat elemam)
|
تسبيحاً للاله نحنا يوت جارنو
وعفواً من كريم نحنا ديل حارنو
قيام الليل وتسليم الصباح بارنو
لي محو الذنوب ركوعنا ما مضارنو
جارين السبح كاربين البطون طالبنو
لى أهل الكفاف دافقين رزق باهلنو
شهر المكرمات بالبر دوام عابرنو
بى نفل القيام إنتو القليب جالينو
منصور
| |
|
|
|
|
|
|
| |
munswor almophtah
Abdulla Ageed
nashaat elemam
بخاري بشير
Yahia Abd El Kareem
Elmosley
عبد الله عقيد
فيس بوك
تويتر
انستقرام
يوتيوب
بنتيريست