|
|
 دايرين هــــلال مريخ .. والحشاش يملا شبكته .. !!
|
جميع مشاكل السودان عبارة عن اختلاف بين شخصين ..
واللقطة الاخيرة .. صراع بين شداد وصلاح ادريس ..
والباقى كلو كومبارس ..
النيل الحصاحيصا .. كومبارس ..
المريخ و جمال الوالي والبيان بتاعهم .. كومبارس ..
الوزير .. كومبارس ..
الاتحاد العام ولجنته الفنية .. اكبر كومبارس ..
والمسرحية هي الدوري الممتاز الذي لم يناله المريخ .. ويريد شداد اهداءه له ( نكاية ) في صلاح ادريس ..
..
..
مباراة ( هــلال مريخ ) التي كانت مقررة يوم الخميس القادم .. والتي لا نعرف مصيرها حتي الآن ..
هي آخر المطاف لهذه المسرحية الهزلية ..
..
..
دايرين هــلال مريخ .. وبعدها كل ككو يطلع شدرتو .. !!
|
|
 
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: humida)
|
| Quote: دايرين هــلال مريخ .. وبعدها كل ككو يطلع شدرتو .. !! |
حميدة انت مجنون هلال مريخ شنو البتتلعب كمان العواسة دي كلها عشان الجماعة يكبو الزوغة من الدوري ومن بطولة الترضية .... ماشفت الارباب قال بنلعب الكورة وبعدين بننسحب الجماعة ديل حمام ميت والارباب كان عايز يمرن اخوان سيدا وبعدين يشتت
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: بهاء بكري)
|
بعد قرار المحمكة ( السلطة القضائية ) .. نتمنى ان يطلع صلاح ادريس وشداد الخلا .. ويحلو مشاكلهم هناك ..
يفقد الهلال كثيرا اذا لم يؤدي هذه المباراة .. وسيفقد السند الجماهيري الذي آزره في موقفه في مباراة النيل الحصاحصيا ..
وقد كان حديث صلاح ادريس يتحدث عن ( اذا لم تتم اعادة برمجة مباراة النيل لن نلعب الدورة الثانية ) ..
ومباراة المريخ مباراة مؤجلة من الدورة الاولى ..
فليعب الهلال هذه المباراة .. ويطق المريخ خمسين صفر ونشوف بعدها شداد حيعمل شنو ..
رغم المخاوف الامنية الكبيرة من اقامة هذه المباراة في هذا الجو المشحون بالغضب .. خصوصا ان التحكيم ما علي قدر كدا ..
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: humida)
|
يا الهلالاب بتهضربوا مالكم
متين كمال شداد صار يحب المريخ
الثلاثة النقاط اعطوها لنيل الحصاحيصا
مباراة يوم الخميس المريخ يفوز ولا الهلال يفوز عادي
ولا اول مرة المريخ ولا اول مرة الهلال يفوز
وياريت يا الهلالاب اخطاء صلاح ادريس تحلوها داخل النادي
يعني اللعب في المنافسة تستمر والادارة تتابع القضايا
لان شداد دا مقرم وبيفوز بفرمالة على صلاح ادريس
يعني بيلعبها بالقانون
ومالو ايدو خالص
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: حمزاوي)
|
| Quote: فليعب الهلال هذه المباراة .. ويطق المريخ خمسين صفر ونشوف بعدها شداد حيعمل شنو .. |
يا حمى
إشتريت دفتر من مكتبة جرير من خواصو أن ورقه لا يبلى بالتقادم 
وجاي شايل معاهو قلم BIG ألماني (أصلي) وده من طبعاً بيفضى بعد 216 يوم كده
عارف ليه :
مساء الخميس القادم بعد العاشرة مساءً وطوال يومي الجمعة والسبت أقعد أحرس الحوش ده وأسجل الغياب ..
...
هذا (لو) أُقيمت المباراة (الحدث) .. وهذا ما أتمناه ....
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: حمزاوي)
|
يا حمزاوي ..
شداد قاصد الهلال دي ما فيها اتنين تلاتة ..
وعندما يتضرر الهلال اكيد الكسبان المريخ ودي برضو ما دايرة ليها تفكير كتير وحبة بندول وكباية شاي ..
الامر في منتهى البساطة .. ولو المريخاب ما استفادوا من الحاجة دي بعد السنوات العجاف ولعبهم في دور المظاليم الافريقي اكيد بيكونوا في قمة الغباء ..
الآن يا سيدي الفاضل تجاوز الهلال مسألة الدوري الممتاز لانها اصبحت محسومة بالنسبة ليهو .. لكن ما دايرين شداد ينتزع مننا فرصة اللعب في دوري الابطال الافريقي ..
والهلال ماشي فيها السنة دي كويس .. يعني امكن لو الاتحاد الافريقي اتصلح معانا ولو شداد خلي الحركات البعمل فيها دي وسكا حقوق السودان اننا نلعب في دوري الابطال بفريقين ..
أما عن الوزير فأعتماد صلاح ادريس عليهو دا بدل ان الرجلين ما بعرفوا من هو شداد .. ولا يخرجوا من كونهم ( اتلما المتعوس علي خايب الرجا ) ..
اديك السيناريو المحتمل اذا لم يلعب الهلال هذه المباراة ..
* ألغاء الدوري الممتاز واعتبار المريخ هو البطل علي اساس ان الدوري من دورة واحدة ..
* تصعيد المشكلة من قبل ادارة الهلال بمساندة الوزير وحل الاتحاد العام وعمل لجنة تسيير برئاسة ( قاقرين ) ..
* وصول المشكلة الي الكاف والفيفا وايقاف جميع مناشط الاتحاد السوداني الخارجية ( المنتخبات - الهلال - المريخ ) ..
* حرمان ( المنتخبات - الهلال - المريخ ) من اللعب في البطولات الخارجية لمدة ثلاثة سودانية كافية للقضاء علي النهضة الكروية الحالية وابتعاد المحترفين.
* تراجع المنتخبات والفرق السودانية في تصنيف الفيفا .. يعني ما نحلم انه نلعب بفريقين في دوري ابطال افريقيا ..
* الخسائر المادية للشركات الراعية للدوري الممتاز ( سوداني - ART .. الخ ) ..
* سحب دعم مجموعة MTN الراعية للبطولات الافريقية ..
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: humida)
|
| Quote: ماشفت الارباب قال بنلعب الكورة وبعدين بننسحب الجماعة ديل حمام ميت والارباب كان عايز يمرن اخوان سيدا وبعدين يشتت |
الربراب دايريشوف نتيجة المباراة وبعدين يحدد
بس
الفوز للاحمر الوهاج ومذيدا من الولولة
مالك ومال الكورة
سماية ود الباوقة متين ؟
يا
كومبارس
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: وليد محمد المبارك)
|
الوزير داير يعمل فيها وزير .. اساسا ما عارف ان وزارة الثقافة والشباب والرياضة دي وزارة ترضية ..
واول ما الحكومة بتتزنق بتلغيها .. وبتطلع لينا بأسم جديد ..
وصاحبنا صلاح ادريس ماخد المسألة عنترية .. اصلو يا مان الجعلية ديل زمان في زول كضب عليهم قال ليهم انتو أرجل ناس ..
رغم انه التاريخ لا يحفظ لهم غير الشارع الجا جاري بيهو عمك يرحمه الله ويغفر ليهو ويدشدش الطوبة التحت دماغه ..
..
..
هسع يجيني واحد جعلي ينطط لينا في البوست دا ..
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: humida)
|
Quote: شداد قاصد الهلال دي ما فيها اتنين تلاتة ..
وعندما يتضرر الهلال اكيد الكسبان المريخ ودي برضو ما دايرة ليها تفكير كتير وحبة بندول وكباية شاي .. |
الحبيب حميده،
طيب، المطلوب من المريخ يعمل شنو في الحالة دي؟
كدي فكر فيها كده بي رواقة!
بالجد الدوري الممتاز يشيلو منو دي ما مشكلة الهلال العويصه هسه. المشكلة إنو الهلال كلو لايص في المولد العاملو صلاح إدريس دا و ما في "كفء" واحد في الهلال قادر يقول "بغم".
على الهلال أن يسلك الطرق القانونية و كفاية عنتريات، قد يكون للهلال حجة قانونية في موضوع التجنس، لكن لكل شئ قنواته المعروفة و لأعلى المستويات، و على الهلال أن يسلك القنوات القانونية للمطالبة بما قد يدعي أنه حق. لكن أسلوب الصدام غير المؤسس مع الإتحاد سيضر بالهلال في نهاية المطاف. قرار المحكمة الإدارية دا قرصة أضان بس، الجايي لسة قدام لو إدارة الهلال إستمرت في تخبطها دا.
أما حكاية كمال شداد دا البقى مريخابي هسه دي، و الله بي بندول و ثيرمس شاي ما بتتفهم!!..
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: humida)
|
فجر مجلس ادارة نادي الهلال مفاجأة من العيار الثقيل معلنا تحفيز نجوم الفريق بحافز يصل الي 10 ألاف دولار لكل لاعب في حالة تحقيق
الفوز علي المريخ في مباراة اليوم وتجئ هذه الخطوة تحفيزا وتشجيعا من مجلس ادارة الهلال للاعبين وحرصهم الشديد على اغتنام نقاط المباراة لمواصلة الانتصارات وتحقيق التوالي السادس في منافسة الدوري الممتاز لكرة القدم·
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: humida)
|
قال الاستاذ عماد الطيب الامين العام لنادي الهلال اننا في مجلس الادارة ظللنا نتابع مايدور خلف الكواليس حول تداعيات مباراة القمة وادارة
حكام بعينهم لها ويجب ان نؤكد باننا علي ثقة بالحكام الذين سيتم اختيارهم ولانعتقد بان القائمين بامر تنظيم هذه المباراة يعلمون جيدا حساسية مباراة هلال مريخ ويعلمون جيدا حساسية المباراة تحديدا لانها تقام في ظل ظروف عالية الحساسية ولانملك الا ان نتمني ان توفق لجنة التحكيم المركزية في اختيار القوي الامين في ادارة هذه المباراة والتي نتمنى ان تكون في مكانة وسمعة ناديي الهلال والمريخ علي المستويين الافريقي والعربي.
| |
|
|
|
|
|
|
|
|
|
Re: دايرين هــــلال مريخ .. والحشاش يملا شبكته .. !! (Re: humida)
|
يا حميده ....
المريخ في الموضوع ده كللللله لا ناقة له ولا جمل
زولكم الراسو ضارب ده برااااه جاط الدنيا
وانضم ليه وزير النفايات ده
يعني اتلما المتعوس علي خايب الرجا
فضحونا وشرطو عينا
يعني نحن ناقصين بلاوي 
وانحنا الكاس حقنا ...دي ما بختلفوا فيها اتنين .. بس انتو دايرين تمسخو لينا الكاس
لكن برضو الليله مرشوشين ومفرتقين انشاء الله
والنشوف نهاية حفيد اجري رجل في افريقيا ... العملو ليه كبري ده
ونشوف الساعة 8
ــــــــــــــــــــــــــــــــــ
تخريمه: اها عملته شنو في الموضوع
| |
|
|
|
|
|
|
| |
humida
بهاء بكري
عمران حسن صالح
ارصد محمد جلال
وليد محمد المبارك
Samau'al Abusin
Faisal Elrasheed
ثابت محمد
Farahat Sayed
الحاج حمد الحاج
فيس بوك
تويتر
انستقرام
يوتيوب
بنتيريست