|
|
|
 Re: افطار بــورداب الريــاض الســــنوي .. الخميس 10 رمضان (Re: humida)
|
الأخ حميدة ..
رمضان كريم ...
شكرا على تنظيم الافطار الجماعي وخلق مسامات التواصل بين
البورداب ...
سؤال فني:
الجمعة يوم عائلي بحت وأجد صعوبة في مفارقة حبيبتي (أمي)،
ممكن نحضر بعد وقت الإفطار؟ هل هناك دور يمكننا القيام به فيما يخص التحضيرات؟
أي دور تنظيمي ما طبيخ ..
وجب التوضيح 
| |
 
|
|
|
|
|
|
|
 Re: افطار بــورداب الريــاض الســــنوي .. الخميس 10 رمضان (Re: humida)
|
تنويه هام ...
إفطار الرياض يوم الخميس وليس الجمعة ،،، وهذا ما اتفق عليه من البداية ، لكن حميدة كتب البوست وهو في حالة نصف نائم نصف صاحي ...
آمل أن ينتبه الجميع لذلك ،
نتمنى لكم إفطارا سعيدا ، ونأمل أن تتعاونوا مع الشباب لإكمال البرنامج وسداد المشاركات لدى معتصم ، حميدة ، محمد الشيخ ، تمبس ، وهكذا ...
والدعوة موجهة لبورداب الشرقية كلهم ،،
ودعوة خصوصي لمريم ونادر ...
وطبعا أم سهى وزهير أصلا بورداب الرياض ...
| |
|
|
|
|
|
|
|
|
 Re: افطار بــورداب الريــاض الســــنوي .. الخميس 10 رمضان (Re: حمزاوي)
|
ده كلو كوووم ..
.
.
والاكووم منو .. عرفنــا انو وزارة المالية المرة دي على راسها .. محاسبين قانونيين ومستشاريين قانونيين .. يعني النوعية البتحسبه ليك نقطه نقطه..
طيب في الحالة دي ياجماعة اتغلصت مساحات الحركة بحرية في اموال المغتربين
يعني يا معتصم تاني تبطل شغل الحبوبات بتاع تدكين قروش رمضان القبليهو وتختها في طاقية حفلة راس السنة..
اقول قولي هذا واشير إلى اتساع مساحة العضوية هذه السنة مع ازدياد في حجم الالتزامات الخاصة بالدعوات الموجهه للشخصيات التي دائما تدعونا لفعالياتها المختلفة ونلاقي منها دائما كل ما يليق من احترام وتعامل جميل .. ودائما حميدة زايعين اسمو في المكرفون ودائما الخال يقوم يتكلم كان قالو ليهو اتكلم او ما تتكلم هو بيتكلم وفي النهاية والله بنصفق ليهو لمن يدينا توجعنا ما في النهاية المسالة تقييم كمان والبوست بيحررو اسيادو
علشان كدا ياجماعة المساحة ضيقة من هنا لحدي الخميس والعمل ده والله اكبر من السنين الفاتت ..
شدوا حيلكم معانا شديد من حسع ومن الليلة انا وود الشيخ وشتات مجندين نفسنا وتلفوناتنا تحت الخدمة ومعاكم من هنا لحدى ( الصحافة ظلط ) بس قولو مرو علينا والله ما كتر إلا التلفونات في البلد دي ..
| |
|
|
|
|
|
|
|
|
 Re: افطار بــورداب الريــاض الســــنوي .. الخميس 10 رمضان (Re: tmbis)
|
يا تامبا المرة دي حا نلبسكم طاقية الإخفاء إنت نسيت وزارة المالية مشت وين ؟..
وبعدين القروش دي كان جاتني حا أعمل بيها مآرب أخرى أوعه تدقسوا ..
ياخي الزول دا كان كتبوا إسمه بالأحمر ..
هسي يجونا ليك ناس حقوق الخط الأحمر يجهجونا ليك ..
ونبقى في حق " الجهجيه " ونحن ناس على سفر وصيام شهر ..
طبعا حميضة صاحبك أمس كان ما براهو ما عارفه بترجف ماله ؟..
هسي نسى يكتب زول مهم في الشلة دي ..
عمر مهدي ..
| |
|
|
|
|
|
|
|
|
|
Re: افطار بــورداب الريــاض الســــنوي .. الخميس 10 رمضان (Re: عبد الله عقيد)
|
نظرا لمتطلبات المرحلة القادمة في تفعيل العمل الاجتماعي ودفعه لاقصى درجاته واستنادا للصلاحيات المخولة لي قررت الآتي نصه ..
* تعيين السيد / يوسف حمد النيل عضوا بالامانة العامة اعتبارا من مساء هذا اليوم .
* السيد الامين العام لاتخاذ ما يلزم وتنفيذه فورا..
صدر تحت توفيعي في الخامس من رمضان من عام 1426 هـ .. والله الموفق
الريس / ود الباوقة
| |
|
|
|
|
|
|
|
|
|
Re: افطار بــورداب الريــاض الســــنوي .. الخميس 10 رمضان (Re: ادم الهلباوى)
|
بسم الله الرحمن الرحيم
معليش قالوا ربنا يجعل سره فى اضعق خلقه
هناك بعض الاخوة الذين لهم علاقة طيبة مع إدارة فندق القصر الابيض
والذين لايمانعون اذا تم التنسيق معهم فى ذلك من قيام هذا الافطار هناك حيث هنالك مكان مخصص لذلك بعشرة ريال فقط لكل واحد يمكن ان ننسق معهم ويكون الافطار عندهم مجرد وجهة نظر للجنة التنفيذية وحيث ان العلاقة طيبة معهم لامانع لدى أن اشاورهم فى الامر وده طبعا بعد الاتفاق فيما بينكم وعندما تكون الاشارة خضراء من اللجنة المنفذة
والله اعلم .
| |
|
|
|
|
|
|
|
|
|
Re: افطار بــورداب الريــاض الســــنوي .. الخميس 10 رمضان (Re: humida)
|
تتقدم اللجنة المنظمة بالشكر إلى أسر بورداب الرياض على تكبدهم مشقة إعداد وجبة الإفطار السنوي للبورداب خلال السنوات الماضية ، وتعلن لهم أنها ستنتهج نهجا مختلفا هذا العام ، حيث اتفقت مع أحد المطاعم السودانية على تجهيز وجبة الإفطار كاملة، لتمنح الجميع الفرصة للمشاركة في البرنامج أنسا وإبداعا وتواصلا .. فالتحية لأخواتنا اللاتي ظللن يقدمن هذا الواجب ، على أفضل وجه ، وننتظر مشاركاتهن في برنامج هذا العام بشكل مختلف ... ومرحبا بالجميع ...
| |
|
|
|
|
|
|
|
|
|
Re: افطار بــورداب الريــاض الســــنوي .. الخميس 10 رمضان (Re: albagir altahir)
|
العزيز الباقر الطاهر
رمضان كريم وتصوم وتفطر على خير
والف مرحب بيك
هناك العديد من العضوية داخل الرياض لكن لسبب أوآخر فارضين حصار أو لديهم فهم محدد من عدم اتصالهم أو معرفتنا بهم لكن كل من يتصل بنا ويعرف عن نفسه ويرغب في الانضمام معنا في كل ملماتنا مرحب به ونحن نتشرف به
الف مرحب بك مجددا .. والكروكي ح ينزلو حميدة والوصف واضح جدا ونتمنى فعلا ان نلتقيك اضافة للمجموعة أخ عزيز
.
.
هاتفني العزيز انور البعيو .. وهو من العضوية القديمة ومحارب قديم
هناك ظروف مبعداه عن النت مؤقتاً..
لكن يؤكد على التزامه .. ويف انتظار ان نلتقيه
.
.
اتمنى تأكيد الحضور من خلال البوست للاخوة الاعزاء الاعضاء بالرياض
ومرحب بضيوفنا من المتصفحة والمتابعين للبورد من داخل الرياض
لنجعل منه يوم رمضاني اسري جامع للكل .. يعيدنا إلى ايام السودان الرمضانية ولو لساعات
| |
|
|
|
|
|
|
|
|
|
Re: افطار بــورداب الريــاض الســــنوي .. الخميس 10 رمضان (Re: DKEEN)
|
| Quote: لنجعل منه يوم رمضاني اسري جامع للكل .. يعيدنا إلى ايام السودان الرمضانية ولو لساعات |
العزيز تمبس ...
ما اسعدنا عندما نلتقي جميعنا (شيبا) وشبابا نساءا واطفالا سيكون يوما مشهودا باذن الله ... نسال الله سبحانه وتعالى ان يعيده علينا اعوام واعوام وان يتقبل منا الصيام والقيام انه نعم المولى ونعم النصير...
| |
|
|
|
|
|
|
|
|
|
Re: افطار بــورداب الريــاض الســــنوي .. الخميس 10 رمضان (Re: DKEEN)
|
كتب ود قاسم:
Quote:
وأساسي كمان !
أنا ما جايي ،،
سلموا لي على بورداب الشرقية ... |
بارك الله في رجل عرف قدر نفسه والله دا اجمل خبر يا خالهم
بالله تكون ما قصرت لو اخدت معاك ود حنين
وانحنا متبرعين ليكم بحمزاوي يطعمكم ويحلي ليكم قعدتكم
يا ابو رزقة
وهل يضل في الرياض وبها ابا جهينة
الزول حاسدكم في عمدتكم دا والله
يا دكين
لو جبت لينا مرتضي تكون ما قصرت
| |
|
|
|
|
|
|
|
|
|
Re: افطار بــورداب الريــاض الســــنوي .. الخميس 10 رمضان (Re: humida)
|
ياخي هي الخطوط السعودية بتوفر حجوزات لأي زول كمان قال تلاتة قال
دكين انا حاجز يوم الخميس اقلاع الساعة اتنين يعني بصلكم الساعة تلاتة ( شفتا الكلام النجيض كيف؟؟؟ )
ممكن تمرني بالوايد بتاعك وبالمناسبة انا متوقع انو في واحد يكون مربط لي هناك
وذي ما قالوا يا قريبي نحنا أساليل ملوك النوبة وعارفك ما بتقصر مع أخوك وحتقيف
معاهو قلباً وقالباً
أها كلموا النجار دا يشوف ليهو حتة يلم فيها منشارو دا
| |
|
|
|
|
|
|
| |
humida
معتصم دفع الله
tmbis
ahmed haneen
ودقاسم
ابو جهينة
اساسي
Mahmed Madni
إسماعيل وراق
ghariba
عبد الله عقيد
ادم الهلباوى
mahmed alhassan
albagir altahir
saifkeli
الصادق خليفة
Sobajo
( وش مكشر جدا جدا )
A.Razek Althalib
Kostawi
Habib_bldo
Badri
عمران حسن صالح
فيس بوك
تويتر
انستقرام
يوتيوب
بنتيريست