|
دعوة لطرد الكيزان من المنبر العام
|
الي بكري ابوبكر
هؤلاء الناس لا يستحقون شرف الانضمام الي هذا المنبر الديمقراطي..........
*لانهم لا يؤمنون بالديمقراطية..........
*استغلوا هذا المنبر للدفاع عن نظام الجبهة الاسلامية الذي مارس القتل
والتنكيل بالشعب السوداني
*وجودهم في هذا المنبر هو محاولة لتجميل وجه نظام الانقاذ
*ايجاد المبررات والذرائع للجرائم التي ارتكبها النظام ضد الشعب السوداني
*هؤلاء الناس يابكري رفضوا الاعتراف بالآخرين ومارسوا ضدهم اشد انواع
الترهيب الفكري والمعنوي.................. وجودهم هنا عااار علي هذا المنبر
*اذناب النظام اللذين يتقاضون مرتباتهم من جهاز الامن لا ينبغي لهم الكتابة في هذا المنبر....
فليذهبوا الي الجحيم
|
|
|
|
|
|
|
|
Re: دعوة لطرد الكيزان من المنبر العام (Re: بشير أحمد)
|
الاخ العزيز عمر التوم خالص التحايا.... من اهممعوقات الديمقراطية فى مجتمعات العالم الثالث هو اقصاء الآخر وهذا فى حد ذاته من مشاكل تطور الديمقراطية فى مجتمعاتنا.. فلذلك من اجل الوصول لديمقراطية مثلى يجب ان لا نصادر حقوقهم مهما كان جرمهم فحينها نكون مثلهم فالحرية نارآ ونور فلذلك يجب علينا المضي قدمآ فى انتهاج الوسائل التى تساهم فى جعل الخيار الديمقراطي هو القاسم المشترك بين فئات الشعب السودانى... لذلك تجدنى من المعارضين لسياسة الطرد والتوقيف فى هذا المنبر.
سيف
| |
|
|
|
|
|
|
Re: دعوة لطرد الكيزان من المنبر العام (Re: عبدالكريم الامين احمد)
|
أخي العزيز .. عمر التوم متعك الله بالصحة والعافية كل شي في الدنيا خلق وخلق ضده معه لماذا وجود التشاؤم والتفاؤل في آنٍ وأحد لماذ وجود العلم والجهل لماذا وجد العبد والسيد ولما وجد الوعي واللاوعي الحرب والسلام و... و... و... الخ هذه نماذج فقط أخي عمر ولذلك وجودهم في المنبر مهم وبما أنو وجودهم مهم تجدني لا أؤيد طرحك مع إحترامي وتقديري لك
| |
|
|
|
|
|
|
Re: دعوة لطرد الكيزان من المنبر العام (Re: omar altom)
|
المدعو صاحب البوست من انت حتى تطالب بطرد عضو في المنبر يتمتع بنفس ما تتمتع بهمن حقوق بالاضافة الى العقل المنبر لايكون الا بكامل عضويته وليذهب الى الجحيم غير مأسوفا عليه كل من يضيق بالراي الاخر الكيزان قاعدين في قلبك وكان ماعاجبك شوف ليك منبر تاني لانو صاحب المنبر فتح ليهم الباب وعارف انهم كيزان درسوا وعاشوا معه وكان ماعاجبك الحق الجماعة الفاتو
| |
|
|
|
|
|
|
Re: دعوة لطرد الكيزان من المنبر العام (Re: omar altom)
|
زمان قالوا : لا تنهي عن خلق وتأتي بمثله عار عليك إن فعلت ذميم
نحن بنناضل من أجل الديمقراطية وعشان كل زول يكون عنده صوت ، يبقي ما من حقنا مصادرة حرية الآخرين
تحت أي ذريعة حتي لو أستغلوا الديمقراطية لتحقيق أهداف غير ديمقراطية ، ستظل الديمقراطية
ديمقراطية ، الجزائر دخلت دوامة العنف عندما لم تسمح للإسلاميين بأستلام السلطة رغم إنهم فازوا في
الأنتخابات ، تعرف هزيمة أعداء الديمقراطية عن طريق اللعبة الديمقراطية أسهل بكتير من هزيمتهم
بأسلوبهم الناس ديل لمن يلعبوا معاك ديمقراطية معناها بيلعبوا في أرضك وبنفس أسلوبك ، عكس الصعوبة
الحاتلاقيها لمن تلعب في ارض الخصم وبأسلوبة ،،،
يا صديقي الحرية لنا ولسوانا مهما كان ثمنها .
| |
|
|
|
|
|
|
Re: دعوة لطرد الكيزان من المنبر العام (Re: omar altom)
|
فضح العقل الديني هو الاهم علي الشرفاء الحضور في بوستات تفضح الهوس الديني فهيا نساء ورجال لكي نوقف هذا العبث الذي عطل الحياة واذل الانسان
وجود اهل الهوس الديني فيه خدمة للقاري لكي يعرف سوء المنهاج وبؤس الخطاب
شكرا لك عمر التوم خليك مفتح عينيك لنقد بؤس ما يطرحونه هنا نساء ورجال
اكشف المستتر منهم/ن
| |
|
|
|
|
|
|
Re: دعوة لطرد الكيزان من المنبر العام (Re: Sabri Elshareef)
|
العزيز ... عمر عثمان التوم ... تسلم,
تورت نفسك شديد ياخ, ما الكيزان ديل وشبهاءهم هم اليمين المرتقب فى دولة السودان الديمقراطية المرتجاه, وهذه فرضية تستحق أن تسكن فى أي مشروع ديمقراطي منتظر لسودان المستقبل.
يظل التحدي هو { أن تكون ديمقراطيا } فى غمرة ظرف إستبدادي ... لتحقن فى شرايين التجربة العملية بعدا إجتماعيا ونفسيا وفكريا, يتأهل من خلاله البديل الأفضل ... وتجربة مانديلا في قارعة الطريق ... وهي الأعظم فى تاريخنا المعاصر.
والكيزان ... كما تعلم لا يلبسون شارات تنظيمية, بقدرما يتوخون ثقافة دينية هي من صلب المجتمع, وهنا حيث أحبذ غلبة الحكم الموضوعي على الإنفعالي, وحيث أرى أن الأهم من { إقصاء } الكيزان هو تفعيل مقدرات البديل الديمقراطي, حتى يطال ساحة القرار السياسي السوداني ... وحينها سوف تنخفض رايات الديماجوجية السياسي/دينية ... ومهما علت.
من الصعوبة بمكان قبول فكرة مؤداها ... إقصاء الأخر, فالأخر هو التتمة الموضوعية لمشروع ديمقراطي , وحيث أراك تقيم. بس شيل الصبر ودعنا نعتبرها مناسبة جادة لوحدة القوى الديمقراطية السودانية.
... مع مودتي
| |
|
|
|
|
|
|
Re: دعوة لطرد الكيزان من المنبر العام (Re: omar altom)
|
Quote: لانهم لا يؤمنون بالديمقراطية.......... |
عزيزي
ده كلام سليم بس طردهم من المنبر لن يحل القضيه ديل الكيزان من كبيرهم الى صغيرهم عفن وروث و......
النبت الشيطاني يجب اجتثاثه من اي مكان دخا فيهو حتى لو كان وجوده فيهو نسبتو 1 %
يعني من العقول من الهويه من التربيه من ارض الواقع
وبعد طردهم واجتثاثهم تعرف الشعب السوداني مفروض يعمل فيهم شنو ؟؟؟؟؟
.........................
اتخيل معاي كدا
وتحياتي
ونتواصل
| |
|
|
|
|
|
|
Re: دعوة لطرد الكيزان من المنبر العام (Re: mahdy alamin)
|
هاهاهاهاهاهاها
مرحي بالدمغراطية التي تُبتدر باقضاء الاخر
هي دعوه للصالح العام في البورد
دمغراطية بتاعت فنيلتك الما بتقبل الاخر ده على علاته
خلاص اطردوهم من المنبر ده واكتو فيه السودان الجديد اون لاين واعملوا ليكم جواز سفر وجنسية باسمه وخطه اسكانية وزعوا بيها البوردات
وكده تكون مشكلة السودان اتحلت
موش قلنا المشكلة ما في الكيزان فقط المشكلة في طريقة تفكير الفرد السوداني
اتخيل معاي زي ده لو لقى فرقة في الحكم كان حا يفرق عن الكيزان شنو
هو في بورد بتاع نقاش ما قادر يتحملهم كان كده ليهم الكيزان حق فيما يفعلونه بالاخرين واقصائهم قياسا على الدعوه لطردهم من هذا البورد
| |
|
|
|
|
|
|
Re: دعوة لطرد الكيزان من المنبر العام (Re: mahdy alamin)
|
Quote: تاريخ التسجيل: 15-07-2007 |
منو ديل الكيزان العايز تطردهم ديل؟ يا القمتا من نومك ولقيت كومك..
هذا المنبر بدا وقام بوجود ناس من كل الاتجاهات قضوا فيه اوقات وسكبوا فيه كلام عشان يجي زول بعد 5 سنة يستوي على العرش ويطلب طرد الكيزان عشان شنو؟ عشان لا يأمنوا بالديمقراطية .. طيب المنطق دا انت اول زول المفروض تطرد لانك لا تؤمن بالديمقراطية وتدعوا الى اقصاء الاخر.. بعدين المنبر دا فيه اربعة كيزان تفتكر الاربعة ديل لو طردوهم الحكومة حتتقلب؟ ولا السفهاء الفي المنبر الكذابين حيمشو؟
اي زول يجي هنا يكتب ويندرش لما يكتب كلام فاضي ولا كضب.. الكيزان والله زهللو الناس بالجد.. اي زول ما عاجبو بالله يمشى هو يفتش منبر مافيهو كيزان...
| |
|
|
|
|
|
|
Re: دعوة لطرد الكيزان من المنبر العام (Re: د.نجاة محمود)
|
Quote: هم :- - هم يمارسون الاقصاء
- هم يدعون امتلاك الحقيقة الكاملة
- هم يكممون الافواه
- هم اعداء الحوار الديمقراطي
نحن:-
- نحن لانمارس الاقصاء
- نحن لاندعى امتلاك الحقيقة الكاملة
- نحن لانكمم الافواه
- نحن دعاة الحوار الديمقراطي |
بما معناه انت عايز ليك منبر فيه ديموقراطيين بس بعد طرد الكيزان - لكن الديموفراطيين ديل متفقين يتحاوروا في شنو والمتمبرين ليها شنو؟
لا لسياسة الاقصاء ان شاء الله ....يجوا يكتبوا معانا...صهاينة...
والما بتقدر عليه حجة اقعوا عكاكيز بس....
| |
|
|
|
|
|
|
Re: دعوة لطرد الكيزان من المنبر العام (Re: omar altom)
|
المنع هكذا امر سهل ..الاقصاء بهذه الطريقة مؤذ للجميع و لا ياتي بدميقراطية او شوري او كلمة الجمع الغالب .. في قصتي الحقيقة اعلاه بينت انني تسلطت علي الاطفال قسرا فلم يقصوني بعدم لعب الكرة معي انما استعملو عقلهم -وفق عمرهم ورؤلهم- وهزموني في ذات الملعب والساحة واخذو مني الكورة والصفارة التي سلمتها لهم طوعا...العالم الذي سبقنا في هذا الشان لا يقصي انما ينافس ويستعمل ما لديه من عقل ووسائل حضرية ودهاء ان لزم الامر ليفشل الاخر ومشروعه وليس اقصاءه ..الاقصاء لا يعني الهزيمة ....
| |
|
|
|
|
|
|
Re: دعوة لطرد الكيزان من المنبر العام (Re: omar altom)
|
أنا أحبكم .... ياااااخ
كان ما عملتو كده
تكونوا ما سودانييين
هو الخمج اللى نحن فيهو من شوية
دايما كل ما نقول مرقنا لى بره
يجى واحد يجرنا لى الطين
مبرووووك علينا طيننا
والى مزيد من العك فى مسيرة التطور الديمقراطى والفكرى
واحد .. ساااااى
| |
|
|
|
|
|
|
Re: دعوة لطرد الكيزان من المنبر العام (Re: omar altom)
|
حيث انها ليست المرة الاولي التي ياتي احدنا مطالبا باقصاء الاخر من خلال بكري فارجو ان نجعل من هذه المداخلة مدخلا لحوار موضوعي نحاول من خلاله ان نستنبط وسائل تساعدنا علي المنافسة الحرة لا الاقصاء القسري .. فالاقصاء القسري هو الذي يحدث في بلادنا الان النتيجة السالبة نعرفها كلنا وبالتالي فلنعمل لاقصاء ياتي من تنافس واسع ...ربما لا تكون ادواتنا او ارصدتنا مثلا للمنافسة مع نظام اخذ بنواصي الحكم عقديين من الزمان واستولي علي مصادر الثروة والقوة المادية بذات القوة او الاثر لكن بداية صحيحة واعية لا تزيد البلاد كوارثا وهي المبتلية بها امر مهم ....
| |
|
|
|
|
|
|
|