|
|
|
 Re: عادة سرية (جداً) ..!! (Re: كمال علي الزين)
|
الاخ كمال
سلامات
مررت كثيرا بهذا البوست ولكن لاادرى ماالذى يبعدنى الا ان فتحته
فكان السرد الرائع الى حد الدهشة وظللت مساهرة الى الساعة 2 صباحا
يا حليل الشغل
واصل انا مستنياك
| |
 
|
|
|
|
|
|
|
|
Re: عادة سرية (جداً) ..!! (Re: tayseer alnworani)
|
Quote: الاخ كمال
سلامات
مررت كثيرا بهذا البوست ولكن لاادرى ماالذى يبعدنى الا ان فتحته
فكان السرد الرائع الى حد الدهشة وظللت مساهرة الى الساعة 2 صباحا
يا حليل الشغل
واصل انا مستنياك |
صباحك خير ياتيسير
سعيد بمرورك وآسف على تسهيدك أو تسهيرك لأن الأولى للعشاق ,..
حسب إحتكار المثقفاتية والشعراء , ..
ما حا تستني كتير , ..
كوني بخير ..
| |
|
|
|
|
|
|
|
|
 Re: عادة سرية (جداً) ..!! (Re: كمال علي الزين)
|
Quote: ..
سعيد بمرورك وآسف على تسهيدك أو تسهيرك لأن الأولى للعشاق ,..
حسب إحتكار المثقفاتية والشعراء , .. |
بالعكس ما اجمل السهر مع هذا السرد الجميل .
البورد بقى يخوف غليكم الله ما تخلونا ننكوى بناره كتيير
| |
|
|
|
|
|
|
|
|
|
Re: عادة سرية (جداً) ..!! (Re: tayseer alnworani)
|
Quote: بالعكس ما اجمل السهر مع هذا السرد الجميل .
البورد بقى يخوف غليكم الله ما تخلونا ننكوى بناره كتيير |
تاني غايتو أن حالف ما أدخل في بوست (عنف) لا مدافع لا مهاجم , الحكاية مسخت وجاطت ,..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(أبوالليل) كان غائباً يوم وفاتها , يوم وفاة صديقته (نفوس) , ..
كان قد خرج من السجن , وتاب وأسلم خلافة الكيف لنائبه (أب تسعة) , ..
وجدوه عند قبرها باكياً , إرتمي عليه , وأصر على المبيت عنده , ..
وفعلها , وجدوه صباحاً يخرج من بين القبور ولا يزال وجهه متورماً من آثار السهر والبكاء , ..
(البعيو) كان يدرس اللغة الإنجليزية مساءً ويجمع كل ماتيسر من معلومات عن (بلاد العم سام) , ..
قال وكان يبدو جاداً في قوله :
أنا بحب أمريكا وعاوز أهاجر ليها لأنها بلد بتحترم (البعيوات) , (البعيو) هناك كان فشل ببقى
(مصارع ) وكان فشل شديد , بمثل في الأفلام ديك , أفلام اللي بالي بالك ديك ,.. أيوة ماكلكم
بتحبوها , وبتشوفها , وبعدين تنكروا , ..
حتى (شيخ نكير) أي والله (شيخ نكير ) عندو منها كمية , مرة سرقتها منو , بعتها في سوق
(القنص) , والله جابت مبلغ محترم , سكرتا منو وجبتا منو عشا لي (نفوس) الله يرحمها , ..
(أبوالليل) أطلق على إحدى بناته إسم (نفوس) , ..
(البعيو) يزعم أن لموت (نفوس) علاقة ما , بزيارتها لأمها , وقد سأل (د. عبدة) تفسيراً علمياً ,
وأعطاءه تفسيراً , أقنعه جداً , وكره (أم نفوس) , لأنها حسب زعمه هي من تسبب بموتها , ..!!
(عدل بواسطة كمال علي الزين on 06-09-2008, 00:32 AM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(نفوس) بعد عودتها من زيارة أمها , تغيرت كثيراً , صارت أقل مرحاً من زي قبل , ..
كما أنها صارت أقل شراسة , نقص وزنها كثيراً , قبلت بأشياء كثيرة لم تكن تقبل بها من قبل , ..
حتى أنها قبلت (مبلغاً ) من المال من أحد المحسنين , لم يصدق ذلك أحد , ..
(نفوس ) كانت شديدة الإعتداد بنفسها , رغم فقرها إلا أن نفسها كانت (عزيزة) , وأنفها عالي ,..
كانت كثيراً ماتحكي عن أنها يوماً ما ستعود إلى أهلها كانت تفخر بأن لها أهلاً :
شوف يا(البعيو) إنتا أظنك قايلني مقطوعة من شجرة , أبداً يا خوي أنا أمي حية وأهلي كتار بس
مالاقياهم , ويوم ما ألقاهم , حياتي دي كلها حا تتغير , وحاتشوف عينك , ..
يرد (البعيو) :
أيوة عارفك من (ناس النفيدي) ورايحة منهم , والله مافي شي مطلع عينك غير وهمك ده ..
تغضب (نفوس) :
والله ياسجم أنا بس ماعندي جواز سفر , لكن كان عندي كنتا أقل حاجة مشيت الحبشة لي أهل أبوي ,
يضحك (البعيو) :
يعني أبوك جا بي جواز , يازولة السودان ده زي (النكس) تطلعي منو وتخشيهو عادي بأي
إتجاه , ..!!
(عدل بواسطة كمال علي الزين on 06-09-2008, 00:53 AM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(نفوس) لم تمكث كثيراً , عند أهلها , ..
عادت بسرعة أدهشت أصدقاءها , باغتها (البعيو) قائلاً :
إنتي يا(نفوس) ماكنتي بتحلمي باليوم ده عمرك كلو , وقادانا قد ,( أهلي) , (أهلي ) , ..
ردن عليه (نفوس) بصوت خافت :
أنا تعبانة من السفر أسي (حسن) , خليني عليك الله , ..
قاطعهم إبنها (عبدالله الدفار) :
أنا جعان يا(نفوس) , ..
صاح فيه (البعيو) :
(نفوس) دي أختك ياود إنتا , قول ليها (يمة) , ..
وأردف ساخراً :
ولا أقول ليك حقو تقول ليها (ماما) ولا (مامي) زي (شيريهان) في المسلسل , ماخلاص (ماميك) دي
لقت الأسرة الحاكمة الضاعت منها ..
ثم ضرب على يد (فرح آتو) وأستغرقا في ضحك متواصل ...
(نفوس) أشاحت بوجهها عنهم , ..
وشردت تفكر بشئ يجهلونه ..!!
| |
|
|
|
|
|
|
|
|
|
Re: عادة سرية (جداً) ..!! (Re: معتصم محمد صالح)
|
Quote: يا كيمو الليلة الصباح قابلت البعيو ..
|
ياخي تحياتي وأشواق ومحبة ..
Quote: وليك علي اجيب ليك صورة طازجة له ..
|
والله كده (جكس ) البورد ده كلو حا يتكسر ..
قول ليهو كمال قال ليك :
صورة بي ردا الجنز داك , ونضارات شمسية بالليل , ..
سأروي حكايته معي حين صيرني (فتوة) وما أنا بذلك ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
كنت يومها ماراً بجوار موقع جلوسهم المعتاد , ..
تعودت أن أداعب (حسن البعيو) بكلمات من قبيل (يامعلم) , (يا طويل.. البال) , ...
و..
يومها وجدت ثلاثة من الشباب يحتدون معه بالحديث , وعلا صوتهم , ..
تكالبوا عليه وضربوه , رموا به أرضاً وراحوا يركلونه , ..
(حسن البعيو) كان حبوباً مسالماً , لم يؤذ أحداً طوال حياته , ..
لم أستطع الوقوف متفرجاً , ولم أفكر كثيراً , وكررت عليهم مهاجماً , ..
كنت في حالة أشبه بالغياب عن الوعي , ..
ضربت أحدهم على فكه فوقع أرضاً , ركلت الآخر , ثم الثالث , ..
(مشت معاي كده ) ..
كانت ضرباتي هذه مؤلمة على مايبدو , فقد نهضوا على عجل وفروا دون أن ينطقوا حرفاً , ..
بعد أنتهت المعركة , نظرت إلى أحجامهم وأنا أحمد الله على أنهم لم يفكروا في مهاجمتي أو الرد على
لكماتي , ..
(حسن البعيو) قام من الأرض ضاحكاً , وحملني بيديه محاولاً رفعي إلى أعلى , هكذا كانت طريقته في
الإحتفاء , ..
بعدها صار يحكي ويتحاكي عن (قوتي وبأسي) , ..
وما أنا إلا محب غضب لصديقه وحالفه الحظ , ..
بعدها صار أغلب من سمع رواية (حسن البعيو) التي يخلص في روايتها ولا يقصر في إضافة (بعض
الآكشن) , ..
صاروا يعملون لي ألف حساب , ..
حتى جاء يوم أن قدم إبن إحدى قريباته وهو (سامي ميلاد)* , الذي دعم (قصة فتونتي المزعومة ) ..!
___________________________________________
(سامي ميلاد) هو(سامي سليمان ميلاد) إبن الشهيد (سليمان ميلاد) شقيق الزميل (رأفت ميلاد)
شفتو الدنيا دي ضيقة كيف ..
(عدل بواسطة كمال علي الزين on 06-09-2008, 04:23 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
السرية جدا هي عادتك في الكتابة ..أثملتني حروفك ..وجدتني أتمشى مع نفوس والبعيو ..في أزقتنا الحاضرة في الخيال ..وأوجعتني تلك النظرة العابرة التي نرمقهم بيها ..سلمت عاداتك.
مع ودي
| |
|
|
|
|
|
|
|
|
|
Re: عادة سرية (جداً) ..!! (Re: داليا حافظ)
|
Quote: السرية جدا هي عادتك في الكتابة ..أثملتني حروفك ..وجدتني أتمشى مع نفوس والبعيو ..في أزقتنا الحاضرة في الخيال ..وأوجعتني تلك النظرة العابرة التي نرمقهم بيها ..سلمت عاداتك.
مع ودي
|
شكراً داليا على لطف كلماتك , ومجاملتك الرقيقة ..
عاطر ودي ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
ليلة عصيبة جداً , عشتها بسبة أنني (بطل ) مفترض , أو (فتوة) عاتي , ذو بأس شديد , ..
جاء ليلتها مجموعة من الشباب على متن (حافلة) وأحتلوا (بيت) أبو الليل بغيابه , ..
يبدو أنهم جاؤوا ومعهم كافة أنواع (الكيف) , كما أنهم إستطحبوا معهم (عتوت) صغير زبحوه وقاموا
بطهيه (قعدة وشربا ودخان وعشوة) , ..
هذا كله بغياب (أبوالليل) , أحدهم إدعى أنه صديقه , ,انه لا يعلم أن (أبوالليل ) بالسجن , ..
وقد تورط حيث أنه قام بدعوة أصدقاءه ولا مناص من أن يبر بوعده , ..
لم يكن (رمضان) و(آتو) و(أبوالشي) بالجوار , وكذلك كان (أب تسعة) غائباً , ..
إحتج عليهم (البعيو) وأحتد معهم وطالبهم بالمغادرة , فأبرحوه ضرباً وسخروا منه , ..
ولم يكن أمامه إلا أن يستنجد بأحد ما , يستطيع ردعهم , ..
وكان أن جاءني (بحسبان أنه يعتقد أنني) أستطيع تفريق جمعهم , والبطش بهم , ..
فقد كنت بطله المفترض , و(فتوته ) العتي , ..
بالتأكيد حاولت التملص , ..
لكنه حاصرني , ..
وبخس من أمرهم أمام قدراتي العظيمة في القتال , ..
(ياكيمو ديل لو وقفت قدامهم ساي ودورت فيهم هوكاتك ديك, كلهم بفتحو ما بقيفوا إلى في السجانة) ..
توكلت على الله ومضيت معه ..!!
وكانت ليلة طويلة قاسية , ..
لا أعادها الله ..!!
(عدل بواسطة كمال علي الزين on 06-09-2008, 09:35 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
ليلتها مضى أمامنا (البعيو) إلى بيت (أبو الليل) , ..
كان يمشي مسرعاً , أمامي في حماس وثقة , ..
كان يحدث نفسه وهو يمشي :
الليلة يا(...) جبتا ليكم (كيمو) وجيت ..
وأنا من خلفه أرد عليه هامساً :
(كيمو) تطير عيشتو يا (البعيو) , الليلة أمانة ما (كيمو ) بتاعك حا يتوضب . ..!!
يلتفت لي متسائلاً , دون أن يبطئ سرعته :
قلتا حاجة يا(كيمو) , ..؟
رددت عليه :
لا قلتا ليك بيت (أبو الليل) ده لسا , ..
يرد مستغرباً :
إنتا ماعارف بيتو وين , ..؟
إنتا الليلة مالك يا (كيمو) , ولا تلقاك يدك أكلتك .. وضحك واثقاً وأردف :
خلاص قربنا أسي بتتفشا فيهم ..
ليلتها , صحبنا (فتى ) جسور , إسمه (سامي ميلاد) , ..
كان صغيراً على مثل هذا المعارك , (نظام أنا متعود وكده ) , ..
لكنه كان شجاعاً و(قلبو حار) ..
عرفته عن قرب بعدها , ولم يدهشني أنه إبن الشهيد (سليمان ميلاد) . ..
هذا الشبل من ذاك (الأسد) ..
فجأة وجدتنا ويا لحسرتي أمام (بيت أبوالليل) , وأصوات الجماعة تأتينا من الداخل , ..
يتسامرون ويضحكون , ويتناولون (العتوت) و(العرقي) , ..
ضرب (البعيو) على الباب برجله فأنفتح وصاح فيهم :
قوموا يا (.... ) الليلة (كيمو) جاكم ..!!
(عدل بواسطة كمال علي الزين on 06-09-2008, 09:58 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
| Quote: ده نصو تأليف معقولة أنا حا أدقا الدقة الحا أحكيها دي |
يا كيمو يا رائع .. كما قالت اميرة فان ذاكرتك من فولاذ وان ما تسرده واقع عشناه بكل تفاصيله وشخوصه التي لا زالت تمشي بيننا ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
مابين إقتحامنا لبيت (أبوالليل) و معركة (ذات العتوت) ...
خمس دقائق أو أقل , (دقونا فيها دق العيش) , إلا أننا لم نخاطر بسمعتنا السابقة , ..
ولم نفر , ..
كروا علينا جميعهم , إستقبلهم (سامي ميلاد) بضربات سريعة لم تكد أن تتهاوى أمام بأسهم وكثرة
عددهم , لكنه والحق يقال (إتطقطق بشرف ) , ..
وكذا كان حالي , كان البيت بلا كهرباء , .. ولما أشتد الوغى وحمي الوطيس , ..
وكدنا أن (نلحق حبوبتي) , فاجأني أحدهم وسط ذلك الظلام :
كمال .. ؟
لم أستطع إجابته بالطبع فقد كنت مشغولاً جداً , ..جداً ..
توقفوا عن ضربي , وتوقفت عن إستقبال لكماتهم , بعد سماعهم لأحدهم يناديني بإسمي ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
دخل علينا (حسن البعيو) فجأة , ..
ووجدنا (سامي ميلاد) وأنا , نتوسط خصومنا السابقين بمعركة (ذات العتوت) , ..
وبدأنا في إلتهام لحم العتوت وإحتساء (السفن أب ) , ..
وعلت أصواتنا ضحكاً وصخباً , ..
نظر إلينا وأبتسم ومضى في طريقه إلى الخارج , ..
كان البعيو قد أختفى عند بدء المعركة , ..
ولم يظهر مرة أخرى إلا الآن , ..
ووجدنا قد توسطنا القوم , وشاركناهم وليمتهم وسمرهم ..!!
(عدل بواسطة كمال علي الزين on 06-11-2008, 08:53 AM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
لم يعد (البعيو) بعدها مرة أخرى , ..
حسبته قد رأي بطله المزعوم يتهاوى أمامه , و(يوضب توضيب عدوكم) , ..
لكن ويا للمفاجأة , قابلت بعدها بيومين , (فرح آتو) وقابلني بإبتسامة عريضة وباغتني قائلاً :
والله يا(كيمو) لكن طلعت شفت , (البعيو) حكي لي ..
حسبته يسخر مني , ولكنه ضاعف حيرتي حين إستدرك :
ياخ إنتا و(سامي ميلاد) ده ملاعين , بالله طقطقتوا الجماعة وأكلتو عتوتهم ,..
(عفيت منكم) ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
يبدو أن (حسن البعيو) ولحسن حظ (العبدلله) , لم يشهد لسبب ما , نجهل كنهه (معركة ذات العتوت) , ..
وعاد ووجدنا على تلك الحالة , ..
لا شك أنه ظن أننا كنا الأعلى كعباً وأنتصرنا عليهم وأكلنا (مزتهم) وشربنا , (مشروباتهم) , ..
ولم يطق صبراً من فرط غبطته , ..
فمضى وروج لبطولة جديدة , ..
وزاع خبر نصرنا , ..
وأحتفظت بموقعي كبطله (المفضل) , ..!!
(عدل بواسطة كمال علي الزين on 06-18-2008, 07:16 AM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
عودة (نفوس) من لدن أهلها , ..
كانت تحفها بعض من غرابة , ..
وجه هذه الغرابة يتجلى بصمتها الذي صار سمة على غير عادتها , ..
ونحولها , وشرودها الدائم , ..
ثم وفاتها المفاجئة ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(حسن البعيو) يتأثر دائماً بصديقه (د. عبدة) , ويحفظ أقواله وينقلها عنه , ..
(د. عبدة) مستودع الحكمة بعالم (حسن البعيو) , ..
(البعيو) صار يتحدث عن التحليل العلمي للأحداث , ..
أخذ معه (عبدالله الدفار) ويمم وجه شطر بيت (د. عبدة) , أملاً في تفسير ما , ..
لما طرأ على (نفوس) من تغيير , ثم وفاتها المفاجأة , ..
سأل (د. عبدة) إبنها (الدفار) عن رحلتها للتعرف على أهلها , ..
وروى (الدفار) كل ماجرى , وبتفصيل ممل ...
وبعدها , جاءهم (د. عبدة) بالخبر اليقين ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
روى (عبدالله الدفار) , أن (نفوس) كانت تكاد تطير فرحاً , حين سمعت بأمر أهلها , ..
عثورها على أهلها كان حلم حياتها الذي عاشت من أجل تحقيقه , ..
(أمها) وأهل أمها , ..
والمكان الذي تنتمي إليه , ..
ودفء العائلة , ..
أحلام (نفوس) صغيرة متواضعة , أغلبها تدور حول المحبة والحميمية, ..
وصلت إلى أهلها فجراً , سألت عن بيت أمها , قادها إليه شيخ كان قد غادر المسجد لتوه ,
عائداً من صلاة الفجر , ..
وصلت بيت أمها , طرقت الباب , وهي تحتضن إبنها (الدفار) , ..
وتسارعت دقات قلبها ..!!
(عدل بواسطة كمال علي الزين on 06-12-2008, 10:10 AM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
الحبيب كمال تحياتي
نفوس
ابو اليل
ابو تسعة
حسن العيو
رمضان الحلبي
د.عبده
عبدالله الدفار
فرح أتو
مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد
واصل نحن في الانتظا
| |
|
|
|
|
|
|
|
|
|
Re: عادة سرية (جداً) ..!! (Re: اسامة دفع الله ابوالحسن)
|
Quote: الحبيب كمال تحياتي
نفوس
ابو اليل
ابو تسعة
حسن العيو
رمضان الحلبي
د.عبده
عبدالله الدفار
فرح أتو
مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد
واصل نحن في الانتظا |
| |
|
|
|
|
|
|
|
|
|
Re: عادة سرية (جداً) ..!! (Re: اسامة دفع الله ابوالحسن)
|
Quote: الحبيب كمال تحياتي
نفوس
ابو اليل
ابو تسعة
حسن العيو
رمضان الحلبي
د.عبده
عبدالله الدفار
فرح أتو
مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد
واصل نحن في الانتظا |
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
Quote: مايطلقون عليهم بشخوص قاع المدينة هم ذاتهم موجودون في احياءها الراقية في العمارات ونمرة اثنين والمنشية وقاردن سيتي ولكن الفرق بين ديل وديل في ان ناس( نفوس) حياتهم كتاب مفتوح للجميع بس بتتغير الادوار في المسرحية اما المسرح فهو واحد
|
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(عبدالله الدفار) إبن (نفوس) , ..
كان صبي ضخم الجثة , أبيض اللون , مجعد الشعر , ..
كان هجيناً حقيقياً بين (نفوس) و(رمضان الحلبي) , ..
كان الفتى يعيش حياة جيدة ومرفهة , بحسبان أن له عدة آباء , ..
يشرفون عليه مناصفة , ويتبارون في تدليله , ..
وربما هذا ما أكسبه هذه الشخصية اللا مبالية , ..
أو ربما تلك هي (جينات) رمضان الحلبي , ..
طالما عانت (نفوس) من أجل تحقيق حلمها ,بتنشأته نشأة صحية , ..
بعيداً عن آباءه الملاعين ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
أطلق عليه رصفاءه من أبناء جيله لقب (الدفار) , ..
لضخامة حجمه ولأنه يمشي زاحفاً على الأرض , ويتهادي كسيارة النقل التي تسمى بنفس الإسم , ..
أدخلوه عدة مدارس , لكنه سرعان ما يفصل لسوء السلوك , ..
الغريب أنه رغم ضخامته وإنفلاته لم يكن عنيفاً يوماً , ..
كان يجئ بما يزهل الشياطين , ..
ضربوه كثيراً بغرض تأديبه , (جميع آباءه ) وكذلك (نفوس) , ..
لم يكن يتأثر كثيراً بعقابهم , ..
(نفوس) كانت تأمل به كثيراً , ..
لكنه طالما خيب آمالها ..!!
| |
|
|
|
|
|
|
|
|
|
Re: عادة سرية (جداً) ..!! (Re: محمد المعتز)
|
Quote: تحياتي
سرد حقيقي (تلك الشخصيات الروائية)اشعر باني اعرفهم والتقيتهم في مكان ما موجود في الذاكرة اليومية..
قاصي اترك...
دم بخير.. |
مرحباً بك دائماً يا(محمد)
أتمنى أن أقول عنهم جيداً ..
عاطر الحب ...
| |
|
|
|
|
|
|
|
|
|
Re: عادة سرية (جداً) ..!! (Re: داليا حافظ)
|
Quote: كثيرا ما ننظر لهم وكأننا من عالم مختلف ..ولكن القاسم المشترك يبقى..في خيبات الأمل ..واصل
متابعين . |
صدقت يا(داليا)
عوالمنا واحدة وإن إختلفت طرائق (خيبات الأمل) ..
عاطر تحاياي ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
رافقها (عبدالله الدفار) برحلة زيارة أهلها الأولى , ..
والأخيرة , ..
عادت وهي تفتقد الكثير من (مكونات) المرأة التي عاشت بين الناس ,
وعرفت (بنفوس) , ..
وعاد وهو كما هو , ..
(عبدالله الدفار) , ذلك الأكول , الذي لا يبالي بشئ , ..
والذي كل ما أخرجوه من مصيبة فعلها , ..
عاد ليخلق أخرى ويحشر بها نفسه حشراً , ..
سأله (البعيو) :
أمك دي مالا يا (دفار) ..
أجابه وقد تبين ملمحاً لحزن ما , ليس من شيم (الدفار) :
(نفوس) دي عويرة , كانت فاكرة إنو لما تلقى أمها , حا تتغير حياتا , ..
وحا يكون اللقاء زي ما بحصل في الأفلام الهندية ديك , ..
تحضنا كده والمطرة صابة والموسيقى الهادية ديك شغالة ..!!
قاطعه (البعيو) :
والله يا سجمان الكلام البتقول فيهو ده , حيرني , أتاريك بتفهم ..
تحليل عجيب , كأنو البتكلم ده (دكتور عبدة) ..
رد (الدفار) :
مشكلتكم بتجرى ورا إنكم تعملوا فاهمين , ماقادرين تفهموا إنو عدم الفهم رحمة , ..
أها (نفوس) مشت ولاقت أمها وفهمت , ..
والفهم ده هو الكتل (نفوس) ..
أنا بتفرج فيكم , وماعاوز زول يعرف إنو أنا ممكن أفهم , عشان أعيش مرتاح ..!!
أكمل جملته ومضى تاركاً (البعيو) في دهشة حقيقية ..!!
| |
|
|
|
|
|
|
|
|
|
Re: عادة سرية (جداً) ..!! (Re: saadeldin abdelrahman)
|
Quote: جدو كيمو
ما شاء الله عليك ياخ
سرد جميل
دمت طيب |
أبوالسعود
ماتفكها فيني كده وتمشي ..
غيرك يقول الكلام ده بمشيهو . ..
إنتا قدامي بدفعتين في نفس الحوش ..
أي نعم الكبر خشا , لكن حافظ كويس
وينك والله ليك وحشة ..
تلفونك وصلني وحا أديك تلفون ..
عاطر تحياتي ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
| Quote: تاني غايتو أن حالف ما أدخل في بوست (عنف) لا مدافع لا مهاجم , الحكاية مسخت |
ياخى لو مافى زول داخلك هنا ,,,
انا كنتا حاكون متكيف جداً
..
..
عليكم الله ما تخشوا الا يكتب النهاية ,,,!!وخليكم زى القراء ديل
ـــــــــ
كمال
"وما تخش بوستات العنف ما دام بتكتب بالطريقة دى"
كل ودى
| |
|
|
|
|
|
|
|
|
|
Re: عادة سرية (جداً) ..!! (Re: الملك)
|
Quote: ياخى لو مافى زول داخلك هنا ,,,
انا كنتا حاكون متكيف جداً
..
..
عليكم الله ما تخشوا الا يكتب النهاية ,,,!!وخليكم زى القراء ديل
ـــــــــ
كمال
"وما تخش بوستات العنف ما دام بتكتب بالطريقة دى"
كل ودى |
سلامات يا الملك
شكراً ياسيدي على حسن ظنك ..
سنواصل عسى أن لا نواجه عنفاً هنا ..
لأنه تارة يلاحقنا حتى وإن كنا نتحدث , عن (إبن زيدون وولادته) ..
عاطر الحب ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(يموت الإنسان ,حين تموت أحلامه)
هكذا لخص (د. عبدة) حكاية النهاية , نهاية (نفوس) , ..
تلك (المحبة) , (المحبوبة) , التي كانت تملأ الدنيا برزاز ضحكاتها , ..
وخفة ظلها , رغم ثقل حجمها , ..
(نفوس) كانت حلماً عابراً بحياة أصدقاءها , ..
وكانت حياتها حلم أيضاً , حلم لقاء أهلها , ..
ودفء (أمها) , ..
كانت عيناها تقول :
أنا (نفوس) الضائعة , حتى أجد (أمي) ..
رغم أنها ماتت عن نيف وأربعون , ..
إلا أنها كانت تحلم بطفولة جديدة , بين يدي أم لم ترها..!!
(عدل بواسطة كمال علي الزين on 06-18-2008, 06:26 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
أشفقت على (حسن البعيو) , أيضاً ,..
حين علمت أنه دار حول حلمه أمريكا (كنحلة) حائرة , ..
ثم عاد إلى خليته , ..
حلم (البعيو) الذي عاش من أجله هو هجرته إلى (أمريكا) , ..
وحلم (نفوس) الذي عاشت من أجله , هو هجرتها إلى أحضان أمها , ..
كلاهما حقق حلمه , ..
وأرتمي بين أحضان (أمه) , ..
أميهما , (أم ريكا) و(أم نفوس) , ..
يبدو أن أحضانهما كانتا متشابهتان , ..
تشابه (حسن) و(نفوس) , ..!!
(عدل بواسطة كمال علي الزين on 06-18-2008, 06:27 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(نفوس) حين رحلت , ..
أخذت معها الكثير من جمال الناس والأمكنة , ..
بكى عليها كل من عرفها , ..
كل من غسلت ببيته , كل من خدمته بليلة عرسه بأجر ودون أجر , ..
(نفوس) رغم فقرها كانت صاحبة واجب , ..
كل أفراح وأتراح أحباءها من أهل الحي , ..
كانت تخدم فيها حافية , وترفض أن تتقاضى أجراً ,..
تغضب وتصرخ :
العروس دي مابتي , إنتوا أظنكم قايليني جيتكم خدامة , .
أنا ماناقصة شغل إنتو أهلي , ..
وتخرج غاضبة ..!!
(عدل بواسطة كمال علي الزين on 06-18-2008, 10:46 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
بعض الناس يحملون معهم الكثير حين يرحلون , ..
(نفوس) كانت أحد أولئك الناس , ..
لكنها أيضاً , ظلت حاضرة بكل أركان المكان , ..
وبكل خفقة قلب أحبها وأحبته , ..
(عبدالله الدفار) , ..
حصد الكثير من غرسها , ..
بإلتفاف الناس حوله , ومحاولة البر به محبة في (نفوس) , ..
ووفاء لذكراها , ..
قال (البعيو) في لحظة سكر :
(نفوس) بتجيني في الحلم بالليل , وبشوفا في زحمة الناس في السوق العربي , ..
ومرة شفتها في التلفزيون , ..
يرد عليه (رمضان الحلبي) :
يازول والله صادق , مرة قمتا من النوم مخلوع , كنتا اليوم داك داقي ليك (الدفار) جنس دقة , ..
حسيت بيها بتخنق فيني , ونفسي بتقطع , ما حلاني منها إلا الصحيان من النوم , بعدها (الجزمة) ده ,
بقيت أعمل ليهو ألف حساب , ..
سمعهم (الدفار) الذي كان يتلصص عليهم :
(نفوس) بتجيني بالليل طوالي , مرة غطتني في البرد , ..
ومرة كنت جعان أدتني (طعمية) , طعمية عديل كده أكلتها ولقيت باقيها الصباح , ..
صاح بوجهه (البعيو) :
ياخي خيبة الله عليك حتى في سيرة المرة الطيبة دي ساكي بطنك ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(نفوس) لدى وصولها بيت أمها , ..
وطرقها على باب بيتها للمرة الأولى , ..
كانت تتوقع لقاءً درامياً , ..
كما تشاهده بأفلام السينما وتبكي مع أبطالها , ..
فتح الباب وبدا من خلفه عجوز (أشيب) قصير , ..
بجلباب رث أبيض متسخ , ..
ما كاد يفتح الباب , حتى سبقته إلى طارقيه , ..
رائحة خمر معتق نفاذة ..!!
| |
|
|
|
|
|
|
|
|
 Re: عادة سرية (جداً) ..!! (Re: كمال علي الزين)
|
يا سلام يا سلام يا سلام يا سلام يا سلاااااااااااااااااااااااااااااااااااااااام
والله كم انت عظيم ووالله شعرت بانك صديقي وباعرفك منذ المتوسطه وكده لكن يبدو الفارق في العمر كبير .... والله منذ زمن لم اقرأ بمتعه مثل ما قرأت في هذا البوست كتر خيرك وان شاء الله بنتلاقي وواصل ربنا يطول عمرك.
| |
|
|
|
|
|
|
|
|
|
Re: عادة سرية (جداً) ..!! (Re: طارق ميرغني)
|
Quote: يا سلام يا سلام يا سلام يا سلام يا سلاااااااااااااااااااااااااااااااااااااااام
والله كم انت عظيم ووالله شعرت بانك صديقي وباعرفك منذ المتوسطه وكده لكن يبدو الفارق في العمر كبير .... والله منذ زمن لم اقرأ بمتعه مثل ما قرأت في هذا البوست كتر خيرك وان شاء الله بنتلاقي وواصل ربنا يطول عمرك. |
أستاذنا/ طارق
ده من لطفك يازول ياطيب , نتشرف بلقاءك ومعرفتك ثروة ..
عاطر الحب ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
أسمياها (نفوس) , ..
(رمضان الحلبي) و(طيبة الزاندوية) , ..
كانت طفلتهما الأولى , ..
كما أنها كانت أختاً لإبن (نفوس) الوحيد (عبدالله الدفار) , ..
لم أعرف لمعنى أن التيمن بإسم أحدهم , حين تطلقه على أطفال جدد , ..
قيمة سامية , كما عرفتها حين تطلعت إلى (نفوس) الصغيرة , ..
وهي تمشي على الدروب التي خطت عليها (نفوس) الكبيرة , خطواتها تلك ..
خطواتها التي دبت في بالأرض , كضحكات أفلتت من بين حنجرة صحابها الحزين , ..
أو مياه بللت رمق أرض عطشى ,..
أو ..
أو كأشياء كثيرة جملت قبح زمان ومكان , وطيبت نفساً ضائقة , ..
(رمضان) و(طيبة) جعلا إسم (نفوس) يتردد بآذان من أحبوها كل صباح , ..
أظنهما سيحرصان على أن تشق طريقاً أرادته (نفوس) الكبيرة , لنفسها وعجزت , ..
أو أعجزوها , ..!!
(عدل بواسطة كمال علي الزين on 06-21-2008, 10:15 AM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
Quote: (نفوس) بتجيني بالليل طوالي , مرة غطتني في البرد , ..
ومرة كنت جعان أدتني (طعمية) , طعمية عديل كده أكلتها ولقيت باقيها الصباح , .. |
كتابة جميلة و جذابة يا كمال ياخوي... فيها شيئ من مباشرة أحيانا... لكن أليست الحياة هكذا مباشرة أحيانا؟ المهم متابعين معاك..
| |
|
|
|
|
|
|
|
|
|
Re: عادة سرية (جداً) ..!! (Re: Elawad)
|
| Quote: كتابة جميلة و جذابة يا كمال ياخوي... فيها شيئ من مباشرة أحيانا... لكن أليست الحياة هكذا مباشرة أحيانا؟ المهم متابعين معاك.. |
تسلم يا(العوض) , ..
مباشرة دائماً , حتى تأخذ طريقها إلى القلوب , دون أن تضل الطريق ..
محبتي ..
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
(عبدالله الدفار) , ..
وحكاياته , بدأت تتصدر الأحداث , ..
و(نفوس) الصغيرة تكبر , ..
وتتغير الأمكنة , بتغير أهلها , ..
غيبة (نفوس) , ..
ثم غيبة (البعيو) , ..
ثم وفاة (أبوالليل) المفاجئة , ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
أتردد كثيرا كلما أردت الحديث عن (ليلة) رحيل (أبوالليل) , ..
أبو الليل , لم يكن رجل عادي , قد رحل , ..
وكذلك (نفوس) , ..
لم تكن (إمرأة) عاشت ثم مضت راحلة , نحو الموت , ..
هؤلاء كانوا , قلب مكان , ..
وأنفاس محبين , ..
وحارة أصدقاء , ..
كانوا عالم آخر , ..
جميل , يتسرب بين مسام عالمنا القبيح ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
حملوا نعشه , ..
كانوا أربعة رجال , وكان النعش يميل كثيراً , ..
وليس قليلاً , على إحدي جوانبه الأربعة , ..
كانه يتداعي للسقوط , ..
تراه وهو يكاد يفلت من بين أيديهم , ..
تمعن النظر , ..
لتكتشف أن هذا الميل , والإنحدار , ..
لأن أحد الأربعة الذين يحملون نعشه , ..
هو (حسن البعيو) , ..
كانت أدمعه تتساقط من حول نعش (أبوالليل) , ..
كان يحمله , ويبكيه , ..
ويبكي (نفوس) , ..
ويبكي حاله , ..
فقد أخذ منه الموت , أحباءه دونما إعتذار , ..
أصر على حمل نعشه , كما أصر من قبل على حمل نعشها , ..
لم تطب نفسه , حتى وجد له مكاناً , قربها , ..
قرب (نفوس) , ..
دفنوه , وتخيلهما على سرر متقابلين , ..
ترحب به ويرحب بها , ..
وقد أسعدهما اللقاء ..!!
(عدل بواسطة كمال علي الزين on 06-24-2008, 01:05 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
جلس على حجر ضخم أمام بيت (أبوالليل) , ..
أطرق رأسه , ووضعه على كفيه , ..
وأطلق لنفسه العنان , ..
بكى (حسن البعيو) صديقه (أبوالليل) , ..
راسلني يومها , ولم أعرفه كاتباً , ..
بعث لي خطاب قال فيه :
(كيمو) ناسني كلهم ماتوا , ودفنتهم بي يدي , ..
وأنا ماعندي غيرهم , ..
لو متا عارفك إنتا بس اللي حا تتتعب نفسك عشان تدفني , ..
الناس كلها حاسبانا زيادة عدد ساي في الدنيا دي , ..
لو متا حا تهتم بي زي ما أنا أهتميت بي (نفوس) و(أبوالليل) , ..؟
عارفك عاوز تسافر من البلد دي , لكن , هل صاحبك (حسن البعيو) الفقير الخلاقة ده , ..
بستحق ترجع من سفرك عشانو , وتبكيهو وتدفنوا , ..
ولا إنتا زيك زي غيرك ..!!
إنتهى خطاب (حسن البعيو) , ..
وها أنا على سفر , ..
وهو لازال على قيد الحياة , ..
ولم أعد أدري , هل أنا مثلهم , ..
أم أنني سأعود لدفنه , والبكاء عليه , ..؟
أطال الله عمره , ..
لكنه إمتحان لا أود أن أرسب به , ..
(الله يقطعك يا البعيو) ..
لن تموت , ..
على الأقل قبل موتي أنا , ..
حتى لا أجبن عن (مواجهة هذا التحدى) ..!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
تقلب (عبدالله الدفار) بمرقده طويلاً , قبل أن يعتدل ويقول موجهاً حديثه (للبعيو) :
إنتا يا(حسن البعيو) عارف إنو (نفوس) دي لو ماكانت مشت لي أمها ماكانت ماتت ..!!
تنهد (البعيو) ثم قال :
تعرف يا(سجم الرماد) أنا بقيت أخاف , لأنك بقيت تفهم , ..
أجابه الدفار دون أن يعر جملته اهتماماً:
وحتى (أبوالليل) زاتو لو ماتاب وبقى زول جوامع ماكان مات ..!!
أجابه (البعيو) بدهشة حقيقية :
لا بس دي مافهمتا , ولو كان عندك ليها تفسير حقيقي , حا أخاف أكتر لأنك بقيت تفهم ,
أكتر من (حسن البعيو) , اللي هو شخصنا الضعيف , ..!
تجاهله مرة أخرى مما أستفز (البعيو) وبدا على وجهه الضيق ,
ثم قال (الدفار) في ثوب الحكمة الجديد:
(ابوالليل) لو ماكان , بقى زول جوامع وتاب كان ربنا اجل اخدوا ,
لانو ربك عارفو زول طيب وما حاياخدوا وهو عاصي عشان يدخل النار, فكان حا ينتظروا لحدي ما يتوب
وبعدين ياخدوا ,
وقع ليك يا (البعيو)...؟
(عدل بواسطة كمال علي الزين on 06-24-2008, 08:26 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
إنفتح باب بيت (أم نفوس) على مصراعيه أمامها , هي وأبنها (عبدالله الدفار) , ..
كان العجوز الأشيب الذي فتح لهما الباب , يحدق بهما ببلاهة , فقد كان مخمور , تعب , نعس , ..
جاءه صوت (أم نفوس) من الداخل :
منو الجانا مع الدغش ده يا(صلاح) ..؟
قبل أن يجيبها هو , صاحت (نفوس) في لهفة والعبرة تكاد تخنقها :
دي أنا (يمة) , أنا بتك (نفيسة) ..!
دهش (صلاح) وصمتت (أم نفوس) , ..
أما (عبدالله الدفار) فقد أزاح الرجل من أمامه , ..
ودلف إلى باحة البيت , فقد كان جوعان تعب ..!!
(عدل بواسطة كمال علي الزين on 06-24-2008, 08:47 PM)
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
بدأت روحها تغادر جسدها شيئاً فشيئاً , ..
الطريق إلى الموت , كان هو الطريق إلى (الرنك) , ..
وكان ذلك الأشيب هو (نائب عزرائيل) كما تخيله (يوسف إدريس) , ..
أراحني (يوسف إدريس) من عناء الشرح , حين سبق إلى تصور ذلك (النائب) , ..
غادرت (نفوس) بيت (أمها) فجر اليوم التالي , وبيدها (عبدالله الدفار) , ..
يجرجر أرجله في تثاقل وبيده الأخرى (حبة مانجو) , يلتهما بتلذذ , ..
وقد غطت عصارتها على ثوبه المتسخ , ..
وسالت على جانبي فمه , ..
وهو يمتص منها (نتفة) ويصيح بأمه:
موديانا وين يا(نفوس) ياخ ..!
تجيبه بصوت تعب خافت حزين :
ماشين أهلنا ..!!!
| |
|
|
|
|
|
|
|
|
|
Re: عادة سرية (جداً) ..!! (Re: كمال علي الزين)
|
(*)
كان (عبدالله الدفار) حينها , أصغر سناً , من أن تثير جملتها تلك , ..
إستغرابه , ودهشته , ..
(ماشين أهلنا) , ..
نطقتها (نفوس) , دون وعي , وبتلقائية فرضت نفسها على ظرفها , ..
هي تغادر أهلها , الذين أنفقت عمرها بحثاً عنهم , ..
متوجهة إلى (أهلها) , ..
بكي (البعيو) , حين حدثه (الدفار) عن ليلة مغادرة (نفوس) لبيت أهلها , ..
فاضت دموعه , محبة وحزناً , عليها , ..
قال للدفار:
صدقت والله , نحنا أهلها , أنا و(أبوالليل) و(أب تسعة) و(الحلبي) و(آتو) و(أبوالشي) , ..
حتى (د. عبده) , و(شيخ نكير) , .. نحنا أهلها ..!!
الله يرحمك يا(نفوس) , ويرحمك يا(أبوالليل) , ..
قالها وتمعن بأمرها , ..
غادرتهم بحثاً عن أهلها , ..
وعادت بعد أن أكتشفت أنهم هم أهلها الحقيقيون ..!
| |
|
|
|
|
|
|
| |
كمال علي الزين
معتصم محمد صالح
داليا حافظ
عواطف ادريس اسماعيل
اسامة دفع الله ابوالحسن
هاشم أحمد خلف الله
محمد المعتز
saadeldin abdelrahman
الملك
Elawad
فيس بوك
تويتر
انستقرام
يوتيوب
بنتيريست