|
جيت عشان تقلب كياني .. وتمشي زي الما في حاجة ؟!!
|
جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !!
القاهرة في ليلة نصف صيفية في الساعات الأولى من صباح الثالث والعشرين من شهر مايو !!
|
|
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !! |
ما حرام لو جيت عشانك
او مشيت ,, وقصدتا حاجة
وانتي عارفة الروح وعندك
وفيها منك ,,, كل حاجة
بس عزاي يوم فتا منك
ادي ضو العين سراجا
******
عشمى كان بس كيف اجيكي
وفيني منك خطوة اولى
ويا ما شلتك فيني بسمة
وغنوة حلوة سرقني طولة
ولو قست ايامنا مرة
وفينا شاب عمر الطفولة
عزاي اشيل بسمة عيونك
وما افوتك بالسهولة
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عبدالله وداعه الامين)
|
Quote: ما حرام لو جيت عشانك
او مشيت ,, وقصدتا حاجة
وانتي عارفة الروح وعندك
وفيها منك ,,, كل حاجة
بس عزاي يوم فتا منك
ادي ضو العين سراجا
******
عشمى كان بس كيف اجيكي
وفيني منك خطوة اولى
ويا ما شلتك فيني بسمة
وغنوة حلوة سرقني طولة
ولو قست ايامنا مرة
وفينا شاب عمر الطفولة
عزاي اشيل بسمة عيونك
وما افوتك بالسهولة |
انت فُتَ وماسألت
وزي كأنو لقيت مرادك
قلبي سليت فيهو سيفك
وذنبو ايه غير انو رادك ؟!!
جيت أقدم ليك سعادة
وابقي ليك في الغربّة زادك
الا انت اغتلت حبي
وجاي تعلن عن حدادك !!
*** ***
عملتَ كل الفي استطاعتي
عشان أنال بس يوم رضاك !!
كنت زي درويش وراهب
سكنو في محراب هواك
الا انت خذلت روحي
ومشيت وعارف ده الهلاك !!!!!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام !!
القاهرة في ليلة نصف صيفية في الساعات الأولى من صباح الثالث والعشرين من شهر مايو !! |
يقلب كيانك
ده عندو منو غيرك
ما انتي دنياه وحياته
ما انتي ملكته ومناه
ده انشغلب كيانه
واصبح يهذي في كلامه
ده راجع وقلبه ما شاله
كيف ما يسمع حديثك
واصبحتي حياته
وصرتي امله ومناه
حبه ليك وشوقه ماله نهايه
اصبحتي البدايه
ولسعادتك باذل كل حاجه
واصبحتي البدايه
وبلا نهايه
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: baha eassa)
|
الأعزاء جدا
أبو هريرة زين العابدين
عثمان رقيم
الرقيقة نهى محسن أبو راس
نور الهدى عوض
عباس
العوض المسلمي صاحب النظم الجميل
الرقيقة حد الدهشة .. الأنيقة القافية هند محمد أسعدني مرورك من هنا أيتها الشاعرة الجميلة
العزيز بهاء عيسى
لكم جميعاً كل الود والتقدير والشُكر العميق على كلماتكم الطيبة والمشجّعة على الاستمرار والمحفّزة للالهام .. وتسلموا يارب ..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: انت فُتَ وماسألت
وزي كأنو لقيت مرادك
قلبي سليت فيهو سيفك
وذنبو ايه غير انو رادك ؟!!
جيت أقدم ليك سعادة
وابقي ليك في الغربّة زادك
الا انت اغتلت حبي
وجاي تعلن عن حدادك !!
*** ***
عملتَ كل الفي استطاعتي
عشان أنال بس يوم رضاك !!
كنت زي درويش وراهب
سكنو في محراب هواك
الا انت خذلت روحي
ومشيت وعارف ده الهلاك !!!!! |
فتّا منك وجايي ليكي
وما نويت ابدا بعادك
وسبتا ليك الريد وقلبي
وما نسيت ابدا ودادك
دا البحب عينيك وقلبك
مستحيل يقصد عنادك
والبيعرف سر جمالك
ما بخون قلبو الـ رادك
****
هاكي قلبي وباقي ريدي
وجيبي لي اخر رضاكي
وادي لي ضحكة عيونك
كلمة تسرق ضي سماكي
بس رضاك يا غالية عندي
اغلى من قلبي الهواكي
شيلي باقي الريد وروحي
وجيبي لي خاطر هواكي
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: لؤى)
|
أهلين لؤي
وترجع بالسلامة يارب
Quote: وليد أبدَىَ إعجابه الشّديد بهذه الكلمات وقال إنّه قام بتلحينها الآن بالجّيتار أكتب لكِ الآن ووليد معي على الخط هاتفيّاً وأقرأ له ما أكتب هنا الآن أنا الآن في مدينة الرّياض العاصمة السّعوديّة وسأحاول الحصول على تسجيل التّلحين الذي قام به وليد حين عودتي لأرضي إن عُدت سالماً |
قُل عني للفنان المبدع وليد
نادية سعيدة جداً لأن كلماتها قد لامست وجدانك الشفيف المرهف وحرّكت ساكن الألحان فخرج ( ملاك) الهامك ليكسو جنون القافية انغاماً شجية .. فكم هى محظوظة قصيدتي بلحنك أيها الرائع جداً وليد .. وكم أنا شغوفة بسماعها بألحانك ..!!
لؤي العزيز
سيكون انتظاري على أحرّ من الجمر لكي أسمع عبرك هذا اللحن الوليد
فعُد لقواعدك سالماً وقُم باللازم فضلاً لا أمراً ولك أجر مناولة الابداع أيها المبدّع المرهف جداً..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: Alsa7afa_30)
|
الصحافة تلاتين تود
ان هال مندي ياانقي تود ؟
عاين
الأغنية ماراضية تفتح معاي لكن مابكون من عندك لأنو النت بخستك براهو مني مرات
لكن
ياريت تكون الأغنية دي بتاعة المبدع وردي ( اصلو حبي . حبي أقوى وأكبر من ارادتي) بتكون مناااااااااسبة مع البوست موش؟!!
ولو دي ماهى مافي مانع ضع أغنية وردي برضو جنبها والبحر مابيابا الزيادة ( وجه طماع) !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
والله يا نادية عثمان غايتو ..
عندك مشرط حريف فاق كل الحدود ..
ما عارف كيف بيقدر يفصل ما بين شعيرات الشرايين ونهايات الأعصاب ..
بالله إنت تخصصت في ياتو جامعة ؟؟؟
وأنت يا صحافة قلت أحسن تتم الناقصة؟؟
شكراً يا شباب ..
شكراً على وجع الروح الذي هيجتموه بعد ما هجس ..
تحياتي،،،
جاد
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: محمد البشرى الخضر)
|
Quote: فتّا منك وجايي ليكي
وما نويت ابدا بعادك
وسبتا ليك الريد وقلبي
وما نسيت ابدا ودادك
دا البحب عينيك وقلبك
مستحيل يقصد عنادك
والبيعرف سر جمالك
ما بخون قلبو الـ رادك
****
هاكي قلبي وباقي ريدي
وجيبي لي اخر رضاكي
وادي لي ضحكة عيونك
كلمة تسرق ضي سماكي
بس رضاك يا غالية عندي
اغلى من قلبي الهواكي
شيلي باقي الريد وروحي
وجيبي لي خاطر هواكي |
ماجنيت أنا يوم عليكَ
وأنت دائما كنت جاني !
كنت بتعذّب وحيدة
وفي هواك أبّكي وأعاني
وانت لا عارف غرامي
ولا بتنهل من حناني !!
*** ***
قلت ليك بصبُر معاك
بس انت ماتسيب الغرام !!
مهما تقسو علي فؤادي
كنت بتحمّل دوام !!
الا صبري نفذ وحاتك
وطار خلاص قلبي الحمام !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: ماجنيت أنا يوم عليكَ
وأنت دائما كنت جاني !
كنت بتعذّب وحيدة
وفي هواك أبّكي وأعاني
وانت لا عارف غرامي
ولا بتنهل من حناني !!
*** ***
قلت ليك بصبُر معاك
بس انت ماتسيب الغرام !!
مهما تقسو علي فؤادي
كنت بتحمّل دوام !!
الا صبري نفذ وحاتك
وطار خلاص قلبي الحمام !! |
ما جنيت يا نور حنيني
وقلبي ما كان اصلو جاني
وياما شلتك في عيوني
وارتضيت اسقيك حناني
لو بكت عينيكي بٌٌعدي
وبرضو شلتي الشوق عشاني
ياني اكتر زول بريدك
وياما بسعد بيك زماني
***
عبي رمش الدنيا منك
وجيبي لي باقي الملام
خلي صبرك زاد عيوني
وابقي لي ذاتي السلام
وان غلب سكة هواكي
مشيها,, هداكي الزحام
نومي في نبضي وعروقي
وخلي لي باقي الكلام
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: الطاهر ساتي)
|
"كلام مية مية" ما أروعك يا موطن الأحباب ... وما أقرب كلماتك إلى القلب ... كلماتك تحكي الألم والوجع الإنساني وجع اللقاء والفراق ... كلمات بها موسيقى داخلية وصراخ الم مُربك ... تلك هي أوجاع الإنسان بين فرحة لقاء مُرة وألم وداع أمر ..
وبالجد بالجد يا محمد عادل أسمع الكلام و (إتلهي)
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: Kostawi)
|
كستااااااااااااوي العزيز
Quote: يعني يا نادية بعد الردحي بتاعي ده كلو و كمان ما ظاهر ليك.
المهم ده أجمل عمل قريتو في السنة دي عمل سمح شديد
عوافي |
ظهرت هديتك الحلوة ياكستاوي يافنان .. وان شاء الله ماأعدمك ياااارب
لكن إنت بتجيب الصور دي من وين في كمبيوتري مافي ولا متذكرة اتصورتها متين تصدق ؟!!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عصام الجيلي)
|
العزيز عصام الجيلي
Quote: كلام مية مية" ما أروعك يا موطن الأحباب ... وما أقرب كلماتك إلى القلب ... كلماتك تحكي الألم والوجع الإنساني وجع اللقاء والفراق ... كلمات بها موسيقى داخلية وصراخ الم مُربك ... تلك هي أوجاع الإنسان بين فرحة لقاء مُرة وألم وداع أمر .. |
شكراً جميلاً لكلماتك الطيبات
و
تبقي الكلمة فرحاً وحزناً تنفّسُ عن مابدواخلنا من شحنات عاطفية .. والحمد لله على هكذا نعمة !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: Balla Musa)
|
Quote: ما جنيت يا نور حنيني
وقلبي ما كان اصلو جاني
وياما شلتك في عيوني
وارتضيت اسقيك حناني
لو بكت عينيكي بٌٌعدي
وبرضو شلتي الشوق عشاني
ياني اكتر زول بريدك
وياما بسعد بيك زماني
***
عبي رمش الدنيا منك
وجيبي لي باقي الملام
خلي صبرك زاد عيوني
وابقي لي ذاتي السلام
وان غلب سكة هواكي
مشيها,, هداكي الزحام
نومي في نبضي وعروقي
وخلي لي باقي الكلام |
كم وعود وكوم من هيام !!
وامنيات دون المرام
جد تعبت من الكلام !!
*** ****
قلبي ملّ الانتظار
وحبي ماشي في إنحسار
ليه رضيت لي بالودار ؟!!
*** ***
كنتَ برسم ليك سعادة
وراحة في حُضن الوسادة
الإ روحك زاد عنادها !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
Quote: كم وعود وكوم من هيام !!
وامنيات دون المرام
جد تعبت من الكلام !!
*** ****
قلبي ملّ الانتظار
وحبي ماشي في إنحسار
ليه رضيت لي بالودار ؟!!
*** ***
كنتَ برسم ليك سعادة
وراحة في حُضن الوسادة
الإ روحك زاد عنادها !! |
التعب مقدور عليهو
وخوفي انو يطول عنادك
والكلام لو كان بيجدي
وفي السفر قاصد بعادك
كنت ما سافرتا منك
وما سليت قلبي الي رادك
بس قدر مكتوب علينا
وما مرادي ولا مرادك
****
لسه بحلم بيك اميرة
ولسه بديك السعادة
وروحي راحت فيك وتاهت
وانتي عارفة الروح مرادة
لو فضل في العمر لحظة
وما سقيت روحك زيادة
ابقى خاين ليك وناكر واستحق روحك عنادة
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
الرائعة بكلماتها الصادقة .. نادية.. قلنا مافي غيرك يعيد للمنبر البهاء وقلنا مافي غيرك يوزن الكلمات غناء وتساءلنا (بعد غيابك) ... متي يعود لنا الضياء ::: جد حرام .. تغيبي عن العيون بعيد وجد حرام.. تقفلي علي المعاني بطبل وحديد ويا نادية الليلة ترجعي ترسمي الاحساس قصيد وتبني لاشواق السنين ألف بيت ::: ::: كدة يادوب بدأ للمنبر عمر جديد واتجدد شبابو وقلبو اصبح شديد
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادر الفضلى)
|
النبيل نادر الفضلي
نادية كلماتك ذكرتنى بقصيدة الشاعر الكبيرفاروق جويده فى رائعته "فى عينيك عيوانى"
في عينيك عنواني
قالت: سوف تنساني وتنسى أنني يوما وهبتك نبض وجداني وتعشق موجة أخرى وتهجر دفء شطآني وتجلس مثلما كنا لتسمع بعض ألحاني ولا تعنيك أحزاني ويسقط كالمنى اسمي وسوف يتوه عنواني ترى.. ستقول يا عمري بأنك كنت تهواني؟! * * * فقلت: هواك إيماني ومغفرتي.. وعصياني أتيتك والمنى عندي بقايا بين أحضاني ربيع مات طائره على أنقاض بستان رياح الحزن تعصرني وتسخر بين وجداني أحبك واحة هدأت عليها كل أحزاني أحبك نسمة تروي لصمت الناس.. ألحاني أحبك نشوة تسري وتشعل نار بركاني أحبك أنت يا أملا كضوء الصبح يلقاني أمات الحب عشاقا وحبك أنت أحياني ولو خيرت في وطن لقلت هواك أوطاني ولو أنساك يا عمري حنايا القلب.. تنساني إذا ما ضعت في درب ففي عينيك.. عنواني
لاحولاااااااااا !!
الشاعر فاروق جويدة مرة وااااحدة ؟!!
شكراً لللثناء العاطر والتشبيه الذي رفع معنوياتي الي عنان السماء .. فأين أنا من ذلك الشاعر العملاق جويدة ؟!!
جزيل شكري على المجاملة اللطيفة جداً أخي نادر العزيز ..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: عبود عبد الرحيم)
|
صديقي الغالي عبود عبد الرحيم
عارف؟ أنت بالذات نجحت أساليبك الجميلة في أن تخرجني من بحر أحزاني منذ زمن بعيد
لأنك وبنقاء سريرتك البيضاء ترسم دوماً في طريقي شتلات الفرح بكل لون ودندنة وطعم !!
فكم أنا ممتنٌة لك ياصديقي وشقيقي الغالي
Quote: ويا نادية الليلة ترجعي ترسمي الاحساس قصيد وتبني لاشواق السنين ألف بيت ::: |
وطلعت ( تقرض) الشعر كـ ( قرض) الفول بزيت الفهد يازول
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
لا ما حـرام لا ما حـرام رد السلام ما حـرام .. تحليق حمـام وسط الغمــام لا ما حـرام ندى الكلام و منيه ووئام لا ما حـرام
عزيزتي حرفك جليل ووقعك هيبه وملء السمــاء امنيــات بمستقبل باهر..
حبــاب الجميــع .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
RE (Re: نادية عثمان)
|
استاذة نادية
Quote: جد حرام
جيت عشان تقلب كياني
وتمشي زي المافي حاجة ؟!!
جيتني من أول تبادي
وقلتَ ملّكة ولابسة تاجا
وهسي ماشي وفيكَ روحي
ولا.. بتسمع احتجاجا ؟!!
*** ****
جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
و
جد حرام |
جد حرام لو انت فاكر انت ترمى و نشتريك مرة قرب مرة اهجر واحنا دايمن نرتجيك
جد حرام حبى ليك يبقى لعبة بين ايديك وانت عارف ما بطيب الا يوم اللقيا بيك
غايتو محاولة اضافة لقصيدتك احترامى
| |
|
|
|
|
|
|
Re: RE (Re: Waeil Elsayid Awad)
|
Quote: جد حرام لو انت فاكر انت ترمى و نشتريك مرة قرب مرة اهجر واحنا دايمن نرتجيك
جد حرام حبى ليك يبقى لعبة بين ايديك وانت عارف ما بطيب الا يوم اللقيا بيك |
مارميتك والله عالم
اشتريتك بالغوالي
قلبي ليكَ َ دفعتو مهرك
وكنت دايراك لي حلالي !!
جبتَ ليك النجمة دبَلة
وحزمة من قمراَ بلالئ
بيتنا زاتو رسمتو رسماً
ويوم زفافنا الفي خيالي !
*** ***
إشتريتك بي حياتي
ودمّي كبيتو في وريدك
الف مرّة حلفت قسماَ
قلتَ ليك يازول بريدك
الإ قالوا القسمة غالبة
وبرضو بفرح لي جديدك !!
| |
|
|
|
|
|
|
Re: RE (Re: نادية عثمان)
|
Quote: إشتريتك بي حياتي
ودمّي كبيتو في وريدك
الف مرّة حلفت قسماَ
قلتَ ليك يازول بريدك
الإ قالوا القسمة غالبة
وبرضو بفرح لي جديدك !! |
قولتى يا زولا بريدك التطير القسمة زاتا ما تقولى دة الجنون الجنون الفرقة زاتا بس بتسمحى يا حبيبة قولى كلامك فى التلفون احلى كلاما كيف ما يكون نبض الكلمة اجمل لون و لون الحب اخضر فاتح و كلمة حب جات امبارح لسة بتنبض فى التلفون
شوفى الرجفة زولك سايح طالع نازل زى الرايح مرة يهاتى زى مجنون و مرة سكون الا انو وحاتك انتى لسة بيحضن فى التلفون
شن قولتيلو ست الناس اصلو حبيبك ولع نار يمكن حمى لا يا يمة يمكن طار لف الكون شايل ريدك جوة ضلوعو و مدى اضانو للتلفون
يمكن يقدر يسمع صوتك و تبقى الكلمة مرسال شوق تفك الطوق و ترجع طاير فوق الريح تصبح فوق و تمسى النجمة تحتك دون وبرضو معلق فى التلفون
كيف اللحظة تبقى سنين لما الكلمة تبقى معين تغسل المك و يا عذابك تنعش روحك يا مسكين هدى حصون وبكى عيون بس ما تقفلى التلفون
| |
|
|
|
|
|
|
Re: RE (Re: Waeil Elsayid Awad)
|
والله قصيدة جميلة
بس لكن انتو ياناس القاهرة مالكم اليومين
عواطفكم هايجة والا دي كلها مؤازرة لمحمد عادل
غايتو لو البيعنيها ياها البعرفه انا ذاتى
بدق ليه صالون عزاء
وإن شاءالله مايحصل فراق لقلوب بعد ما يوالفو
| |
|
|
|
|
|
|
Re: RE (Re: Waeil Elsayid Awad)
|
يا وائل السيد
عليك الله الخلقك خليك في علم الحديث وجدل أنصار السنة والشيعة والأخوان المسلمين وخلافه,,, الله يديك العافية وسكن الصافية... قول أمين,,
| |
|
|
|
|
|
|
Re: RE (Re: إسماعيل حميم)
|
الصديق العزيز إسماعيل حميم
شكراً جميلاً على المرور الأنيق
والكلمات الملوّنة بالبهاء والألق ..!
Quote: الأعزاء
نادية ست الدار وداعه المبدع ساكن الدار
تحية تقدير وإحترام
ومتعة حتى الثمالة
لكم الله |
عبد الله وداعة زول جميل وشاعر أُحب أن أتبارى معه فهو صاحب قافية محرّضة للإلهام جدا !!
| |
|
|
|
|
|
|
Re: RE (Re: نادية عثمان)
|
Quote: عبد الله وداعة زول جميل وشاعر أُحب أن أتبارى معه فهو صاحب قافية محرّضة للإلهام جدا !! |
الاخت العزيزة جدا نادية
,,,,,,
بعد تحيتي لكي ,,,
اين مني وانا اتوارى خجلا وحرف جمالك قد اخرس لغة حرفي شكرا لكي ولحرفك الذي (جغمس)وقار سكينتي وسجنني هنا
مودتي ومحبتي لك ودمتي كما عهدي بكي شمعة حب ونقاء.
| |
|
|
|
|
|
|
Re: RE (Re: عبدالله وداعه الامين)
|
عبد الله وداعة أيها الرجل الجميل الروح والقافية
ممكن تبطل تواضع ؟!!
ياخ انا جد سعيدة إني بعرف ارجعك المنبر ده كيف واشرك ليك بقصيدة !!( وجه باسم)
| |
|
|
|
|
|
|
Re: RE (Re: إسماعيل حميم)
|
Quote: نادية ست الدار وداعه المبدع ساكن الدار
تحية تقدير وإحترام
ومتعة حتى الثمالة
لكم الله |
الاخ والشاعر الجميل اسماعيل حميم
انحناءة واحترام لك ايها الاخ الجميل
احرفي خجلى و وجهك تبدى قمرا بين الاسطر
دمت كما انت نقيا ومترعا بكل جمال
مودتي ومحبتي لك ايها النبيل
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
المبدعه ناديه سلام
من خلال هذه الكلمات الرقيقه ومن دواخلها وروعتها وصدق معانيها ومن الذين تداخلوا معها ينتاب الجميع شعور واحد وهو ان هذه القصيده بهذه الكلمات تعبر عما بداخله شخصيا وان الكثيرين قد راؤا ان هذه القصيده تعنيهم شخصيا وان دل ذلك علي شئ فهو بالتاكيد يدل علي صدق الكلمات وانها تعبر عن الجميع بما يحملوه من مشاعر طيبه وجميله انها كلمات تجعل الكل سابح وحالم وهائم تسلمي ناديه وكم زاد الاخ وداعه الابداع القا لك تحيه اخي عبد الله وداعه واستاذه ناديه
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: محي الدين جبريل)
|
محي الدين جبريل ياصديقي وزميلي المذيع اللامع الف مرحب بيك
ومع إني ماعارفة الكلمات دي شاعرها منو !!
Quote: جيت تقول الريدة خوه
بعدما خلخلت روحى
وفينى ماخليت مروه
خوه وين بتبكى سيدا
خوه بتسهر ليالى
إلا دى الخوة الجديدة |
ماأظن في الدنيا قوة
تمسح الحب من قليبي
ويبقى كلّ البينا خوّة !!
من زمن ليلى وحبيبها
ومن سنين آدم وحوٌة
ريدنا جوّة الجوّة جوّة
ومابكون يازولي خوّة
ولو تسيبني دي مامروّة !!!!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: محمد عبد الماجد الصايم)
|
Quote: روحي ما بتقسى وتفوتك
وهي دايما روحه فيكي
والعذاب والنار في بعدك
وكل حواسي بتشتهيكي
ياما شلتك في عيوني
وكل دواخلي تهاتي بيكي
جيبي شوق العمر كلو
وخلي لي خاطر عينيكي
*****
ما مشيت شان انتي تبكي
ودمعتك ينهدّ ليله
وحزن ايه بتشيل عيونك
ونحن احزانك نشيلة
لو قست يوم الليالي
وصعبو ليك ايام قليلة
بكره صحراء الحب تزهر
وتبقى ايامك جميلة |
إنت قايل الكلمة كافية
عشان أعيش أنا عمري بيها ؟!!
روحي في بُعدك بتحرق
وإنت ماعارف العليها !!
كُل مرّة تقول حبيبتك
وإني وحدي المشتهيها
الإ وأقف في مكانك
وخطوة ماقادر تجيها !!
*** ****
جد تعبتَ من الكلام
أنا تاني مابصبُر عليك
صاح بحبك وعارفة روحي
وقلبي بالحيل مشتهيك
الإ عاد عذّبني صبري
وعايزة بس المح عينيك !!
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: نادية عثمان)
|
ألأخت/نادية عثمان
Quote: القاهرة في ليلة نصف صيفية في الساعات الأولى من صباح الثالث والعشرين من شهر مايو !! |
تسلمى ..بالله ادينا من الطازج ده على طول ...من الفنقر(ألأصبع بألأنجليزى) إلى المنبر...
Quote: جيت عشان تقلب كياني
وتمشي زي المافي حاجة ؟!!
|
جيت عشان أهديكى وردة
وأترجم الكلمات معانى ..Quote: جيتني من أول تبادي
وقلتَ ملّكة ولابسة تاجا
|
إنت فعلآ إنت ملكة...
وفى عيون الناس أمانى..
Quote: وهسي ماشي وفيكَ روحي
ولا.. بتسمع احتجاجا ؟!!
|
هسى ماشى ..وببدأ بى شعرك اغانى
Quote: جد حرام لو انت قايل
انو تمشي دي بالسهولة !!
ربي بسأل يوم فؤادك
ليه تعاتبها شان طفولة ؟!!
جات بتصرخ من فراقك
وجيت تكسّر في فصولها !!
|
حتى لو فارقت دربك إنت فى داخل كيانى ولو بعدت العمر كلو بهدى ليك أغلى التهانى.
إسماعيل محمد احمد عباس..
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: ismeil abbas)
|
نادية الندى مش عمنا اساعين ود حد الزين قال غصبا عنى وغصبا عنك انت حبيتنى وهويتك
دحين ياحبيبة ما تزعلى وهو لقاك قمر وقال انا مابطولك ادينى من نورك وميض شان انور وابقى طولك يا قمر لما تزعل يا قمر ابقى باسم حتى فى زعلك معايا شان البلد كل البلد تفرح تقول القمرة جايه جاية تحضر لى مثولك اصلو مافيها البطولك شفتى كيف ؟
| |
|
|
|
|
|
|
Re: جيت عشان تقلب كياني .. وتمشي زي الما في حاجة ؟!! (Re: سلمى الشيخ سلامة)
|
سلمى بت الشيخ سلامة ياحبيبة البي من جوانياتو
Quote: نادية الندى مش عمنا اساعين ود حد الزين قال غصبا عنى وغصبا عنك انت حبيتنى وهويتك
دحين ياحبيبة ما تزعلى وهو لقاك قمر وقال انا مابطولك ادينى من نورك وميض شان انور وابقى طولك يا قمر لما تزعل يا قمر ابقى باسم حتى فى زعلك معايا شان البلد كل البلد تفرح تقول القمرة جايه جاية تحضر لى مثولك اصلو مافيها البطولك شفتى كيف ؟ |
عارفة ؟!!
كلامك ياسلوم بعمل للزول راحة أعصاب كده ماعادية مهما كان زعلان من الدنيا دي ؟!!
تسلمي ياغالية وأصلو الدنيا دي عجيبة ياخ وشغالة معاي بالعكس مرات
يعني داخلة معاي في عناد طوووووووالي .. لكن الله كريم ياغالية وبكرة أحلي باذن الله ..
| |
|
|
|
|
|
|
|