|
|
 Re: اناشيد الكتاب أو الابتدائي زمان من يتذكرها؟؟؟؟؟؟ (Re: الرفاعي عبدالعاطي حجر)
|
الفنان المبدع ..
باللاي أنا فاكر روحي براي القديم في البورد ..
جاري كرسي وقاعد مركن اعاين ..
باللاي العمل نشيد برز الثعلب ده مش كان قارئ مستقبلنا ..
رغم تنبيه وقعنا برضو..
أها الكشكول وعابد الذهب ماعارف فات علي ناس الفن والمسرح كيف ؟
عشان ما نجيك يدنا فاضيه هاك ده :
علمى أنـت رجـائي
أنت عـنوان الـولاء
أنت رمـز للإبــاء
ونشـيـد الأوفـيــاء
لونك الأخضر زرع
لونك الأزرق مـــــاء
لونك الأصفر أرض
تفتديه الأوفـيـــــاء
كم فؤاد هام فـيــك
وشــــهيد يرتديـك
لم يمت من يفتديك
خالدا طــول البقاء
..
بس ما تسألني غيره لأني حكيت قصة حفظي للنشيد ده في بوست سابق بعنوان حكايات
من الزمن الطراوة ..
مودتي.
| |
 
|
|
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
وهاهي قد وصلت كاملة
من الاستاذ احمد بدري
وشكرا للاستاذ شوقي بدري
ونطمع في المزيد
أخى الحبوب شوقى مرة أخرى أستعين بك للوصول الى سودانيز أون لاين حول ما كتبه الموسيقار الموصلى فيما أعتقد عن أناشيد الكتاب والأبتدائى. ومن أناشيد مدارس الأحفاد ذات الفلسفة السودانية الأصيلة من نظم الشيخ بابكر بدرى فى عشرينات القرن الماضى مع تعديلات عصرية بسيطة
- بلدنا بلدنا أمدرمان -- أعظم بلدة فى السودان--جوها الناس من كل مكان "
كهربا نورها بلا دخان - المستشفى للعيان-- الترماى للعجلان - شارع الزلط للعميان - فيها الحرف أشكال والوان - داك الكبرى غنى وفقران-- نحن جنودك يا سودان -- عالية بنودك ياسودان "
ومع تربية الحس الوطنى وحب البلد وذكر خصائصها نشيد آخر لعله أول درس علمى مبسط للطفل عن الجسم ووظائف الأعضاء
" راسى راسى سيد بدنى -- فيه مخى غالى الثمن -- يدى يدى أكتب بيها - يدى يدى آكتب بيها يدى اليمنى أعمل بيها - يدى اليمنى آكل بيها --- يدى
---اليسرى أساعد بيها -- رجلى رجلى أجرى بيها -- عينى عينى أنظر بيها -- أذنىأذنىأسمع بيها.
ومن أناشيد المدرسة السودانية بلندن كلمات تربوية رصينة للشاعر المبدع محجوب شريف ولحن معلم الموسيقى نادر رمزى وأداء أطفال الأساس : " ظلى ظلى خلى خلى -- أجرى يجرى -- أتعب يتعب -- ألعب يلعب مثلى بلى -
لكن قل لى --- هل يسمعنى . من يتبعنى. ملى ملى ؟؟
مع سلامى الكثير يا أبو الشوق للعائلة ودمت فى خير وعافية وأمان . أحمد بدري
| |
|
|
|
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
| Quote: هل من مزيد يا أصدقائي |
ما تشفق يا رائع.
نحن عشان كنّا مدرّسين زمان ما دايرين نستعرض.
بس لمّا يرجعوا المدرسين بنجيكم.
ومع الاعتذار للأستاذة المرحومة رحمها الله:
يجوا عايدين الليلة المدرّسين
اللّي فاتوا وين مـــا معروفـبن
الكانوا زمـــان تيبين وحنيّنين
شفناهم كان للــدرب ســـايبين
من خوفم داك حفظنا كل درس الدين
وناس موصلي ديــــــك لسّـــــاك حافظين.
يالله يا شباب سمّعوا.
ٍStand up
| |
|
|
|
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
الود دا ما تترجموا لي عملي
صلاح عبدالفتاح المشهور بصلاح حسيب عشان خيلانو
وشاعر إحدى أغنياتك المشهورة؛ ألم في وين؟
فوق فوق
التسميع يا شباب؛ العجايز برضو مقبولة منهم الدهن في العتاقي
في القولدالتقيت....
في بيت
وكم أكلت معه الكابيدة وكم سمعت أور وو ألودة
للذي لا يعرف المعنى
أور: تعني للساقية او الثيران ؛ دوري أو لفّي في نشاط وهمة
وو ألودة: فيه تغزّل وتشبيه بــ جنا الأوز أو جنا الوزين
وإلى لقاء آخر
شكراً
| |
|
|
|
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
| Quote: طبعا فهي لغة مشتركة بين الدناقلة والكنوز |
طالما جبت سيرة اهلك ديل نديك دي وإن شاء الله ما تكون نزلت عندك
شجر النخيل
قد طاب لي مقيلي في ظلّك الظليل
بشكلك الجميل يا شجر النخيل
يا جنّة الظّلال يا مسبح الخيال
يازينة الشمال يا شجر النخيل
قامتك الهيفاء ثمارك الحمراء
والخير والرّخاء يا شجر النخيل
يا نعمة الصحراء يا دوحة الرجاء
يا مصدر الثراء يا شجر النخيل
مطيّتي استريحي في جنبها المريح
في ظلّها الفسيح في جنّة النخيل
| |
|
|
|
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
عزيزي الموصلي
كيفك والعيال علهم بخير
وقف الطفل حاير حاملا قارب الورق
قال يانهر خنتني الم تدعني لاتبعك
قاربي ..........قدمضي معك
مضي النهر مسرعا حاملا قارب الورق.
دي ياموصلي من كتاب الكشكول.
راجعليك مع النخله الحمقاء,والثعلب المحتال,عابد الذهب,وجزاء سينمار,والغراب النبيه.والقرد الاعمي والنظاره.
| |
|
|
|
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
استاذنا الموصلي
تحياتي
كت غايب كم يوم عن البورد
رجعت وبديت اراجع البوستات لحد ما لقيت البوست ده
وفد قعدة قريت الأربع صفحات
يا سلااااااااااااااااام ياخي
والله اولادنا مظلومين.. بقوا لا بيعرفوا مطالعة ولا جغرافيا ولا تاريخ
أتاري كنا مثقفين من صغرنا
بس لسة ما وريتنا (الألفا) جاية من وين
وكمان (التختة) و (البشاورة)
عارف انا كت قاعد ازعل شديد لما الاستاذ يشرح لينا (النخلة الحمقاء) لأسباب:
منها العشق الخاص للنخلة ، وتاني لأن النخلة لا بتعرف صيف ولا بتعرف ربيع.. بتكون خضراء وظليلة طوال العام.. خاصة نخل القراير (القٌٌُرنتي)
وبعدين عرفت إنه هي في الأصل (تينة) لكن بقت نخلة (بتصرف)
(بتصرف) دي كانت تغيظني غيظ
والقصيدة دي ما عارفا في الابتدائي ولا في الثانوي العام
أتاك الربيع الطق يختال ضاحكا
من الحسن حتى كاد أن يتكلما
وقد نبه النيروز في غسق الدجا
أوائل ورد كن بالأمس نوما
يفتقها برد الندا
ويبث فيها حديث كان قبل مكتما.....
بتذكر (الغراب النبيه) .. و (زيدان الكسلان) .. الببغاء الأعور؟؟؟
| |
|
|
|
|
|
|
|
|
|
Re: اناشيد الكتاب أو الابتدائي زمان من يتذكرها؟؟؟؟؟؟ (Re: Elmosley)
|
أخونا الموصللى،
سلامات.
أرسل الأخ عادل كودى ، كل هذا الكتاب pdf فورمات ، لكى ألحقه بهذا البوست العامر...من هذه الصفحه الى صفحة السعر!!!
ولأنو الزنقه حاصله ، ولأننى لم أجد إيميلك لسبب أو آخر هذا هو إيميله
[email protected]
أرجو أن ترسل له إيميلك ليرسل لك كل الكتاب...
وعادل كودى مدكن كل هذه الكتب !!!!
وهو يعمل بنصيحة صديقنا الهالك معتصم بيضاب،
والذى من المؤسسين والمؤمنين لنظرية "المزه"،
وهى تقول بأن لاتخرج كل الكنوز والدرر فى نفس الوقت، إنما واحده بعد الأخرى!!!!
والعهده على عادل كودى.
| |
|
|
|
|
|
|
| |
محمد على طه الملك
Elmosley
Faisal Al Zubeir
صلاح شكوكو
عبدالفتاح أبوشيمة
bushra suleiman
Elsanosi Badr
Motawakil Ali
Khalid Kodi
سناء عبد السيد
إسحاق بله الأمين
فيس بوك
تويتر
انستقرام
يوتيوب
بنتيريست