|
Re: . . . بيت ستـنور (Re: yasiko)
|
يس الراجل الظريف إنت بتسمع في الطنبور ده في مليزيا ولا في امريكا لك الشكر علي الاغنية الجميلة و الله الواحد عايش بي نفس الشايقية يديكم العافية
| |
|
|
|
|
|
|
Re: . . . بيت ستـنور (Re: حسن الطيب يس)
|
حسن الطيب ( اللعاب )
وسلام يا عشاق بيت ستنور
وقد وصلت من هناك قبل اكثر من نصف ساعة
هلكنى الحنين اليها ولكم
فى الصباح الباكر صادفتنى شمسها واشرقت ولم اغيب
صادفت كرة للبلياردو لا تخيب وحينها ادركنى المغيب وكنت لها
كانت ام امى ستنور
ويالى من مشتاق اصابه الوله وبعض من جنون جنون ....
وياليت من ذاكرتها
____________________________________________________
وشكرا لعماد ومدامه غادة ونيكولاس وصفاء وعبده والمساعد عصام
وما اجمل ان تقطع صحراء مرتين فى يوم واحد
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
لؤى ( الفنان)
غدا اكون هناك عابرا الصحراء
.... الرحلة تستغرق 6 ساعات خلالها ترى .... الرمال خطها قلم اسود كبير اسمه شريان الشمال
ولكن شريان مقطعا فى اكثر من ثلاثون كيلو مترا
وحتى الملتقى
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
وليد ستنور كيف حالك أكيد طيب وشبعان بيحال الجلود الفي الضل انا لقيت الباب متاكا و دجلت تووش سلام ياأهل بيت ستنور انا جاللكم من تنقسي الجزيري سمعت عندكم فزع حسن الطيب
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
الاخ عصام عبد الحفيظ ... هل دخول البوست مقتصر على الشايقية ولا ممكن ندخل ونشارك ؟؟ هل يمنحني حبي لهم بطاقة دخول ؟؟
اعترف باني قبل فترة ليست ببعيدة كانت معلوماتي عنهم ضعيفة ومغلوطة .. ( وانهم ناس قطيمين وكلامهم ناشف ) ... ( جنهم غنا بالطنبور ) ( وبيحبوا التمر والقراصة ) ... ثم ربطتني الايام بصداقة عميقة مع ( بت من قلب الشوايقة ) ... جمعنا العمل في السودان .. فكانت في اوقات الفراغ تحدثني عن الشمالية بحنين وحنان ... كانت قوية برقة ..حادة بلطافة ... ناشفة بليونة ...
ثم جمعتنا الغربة وغرفة واحدة واحاديث كثيرة ... كانت تحكي لي عن ( الناس هناك ) عن ( طيبتهم وكرمهم ونظافتهم ) .. عن البيوت بحيشان كبيرة .. بيقشوها البنات من الصباح ويمشوا فيهاالشوال عشان تبقى متساوية ... شرحت لي ( حش التمر) و نبات ( الطرفي ) البيقوم في الجروف وبيقلعوا مخصوص ليوم عاشوراء .. ورتني الفرق بين البلح ( القنديلة والتمودة والبركاوي ) وضحكت علي وهي بتشرح معنى كلمة (الصيص ) ... عملت لي قراصة بلح .. وملاح اخدر وقراصة ... بقيت اسمع عبد الرحيم ارقي وود البركل .. واطرب للغنا الشايقي ... كلمتني عن المحنة المتدسية ورا القطامة ... والطيبة المستترة خلف الكلام الناشف ... صحبتي خلتني احب الشوايقة ... ووعدتها اننا لو مشينا السودان اجازة امشي معاها الشمالية ... تنقاسي السوق ونوري وكريمة .. ونزور البركل ونعد النجوم بالليل في سما مخملية .. ونركب الحمار من حتة للتانية ..
شدتني الصور الجميلة وخلتني ادخل بدون دعوة .. فعذرا للاقتحام ... وتحياتي ومودتي ...
| |
|
|
|
|
|
|
Re: . . . بيت ستـنور (Re: sanaa gaffer)
|
سناء جعفر
بنطون تنقاسى
وبنطون تنقاسى بعد الكوبرى
________________________________________________________
والرحلة القادمة الى هناك ستكونين اول من يحجز مقعدا
| |
|
|
|
|
|
|
Re: . . . بيت ستـنور (Re: sanaa gaffer)
|
ملكة سبا
ووصلنا سوق الزومة متاخرين وكنا وجدنا فيه شمام وبطيخ من الاراك ما اجمله
ـــــــــــــــــــــــــــــــــــــــــ للزومة ايام للسوق وهى الاربعاء والجمعة
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
عصام يا زول حنين كتلنا غربة افيض علينا ببيت ستنور وما يمكن ان اقدمه اكراما لستنور وشوقا لها جدتي لوالدي ستنور امراءة بوزن الحنية رحمها الله كم اشتقتها في بوستك هذا
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
فيصل محمد خليل
تركوا البيت وذهبوا بعيدا
فيهم ملامحنا وذاتنا تركوا هذه الحقائب الحديدية العتيقة واوانى الشاى وحلة اللبن
رحلوا ومعهم حنين
انها الهجرة والزمن فالرحيل دائما ياتى متابطا اسبابه
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
سودانية2000
[m/]
وبريدك وشانك بغنى وتغنى معاى الشوادى
ويمين جواى انت خالد خلود البركل زيادى
ــــــــــــــــــــــــــــ شكرا لوجودك ومعزومة شاى من هناك
| |
|
|
|
|
|
|
Re: . . . بيت ستـنور (Re: الملك)
|
... ...
من على مركب خشبى إمتدت إليه يد " التكنلوجيا "
من الغرب إلى الشرق
او من القرير الى الزومة
... ...
وانا كنت طفلاً صغيراً اداعب المياه
بيدى واتابع الغروب
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
عــصام ما تذكرنا انا وعماد الا في مطعم الفلوجا البحر والشجر والأطفال والوجوه الجميلة ما بتتذكرنا معاها البيوت البيضا ء الجميلة والرمله النضييييييفه دايرا ليها شاي مقنن وونسه كاربة من الغرب لي قراصة العشا شنورايك ؟؟
| |
|
|
|
|
|
|
Re: . . . بيت ستـنور (Re: محمد سنى دفع الله)
|
تتابعت الأعوام ، عام يتلو عام ، ينتفخ صدر النيل ، كما يمتلئ صدر الرجل باللغيظ ويسيل الماءعلى الضفتيين ، فيغطي الأرض المزروعه حتى يصل إلى حافة الصحراء عند أسفل البيوت ، تنق الضفادع باليل ، وتهب من الشمال ريح رطبة مفعمة بالندى تحمل رائحة هى مزيح من أريج زهرالطلح ورائحة الحطب المبتل ورائحة الأرض الخصبه الظمأى حين ترتوي بالماء ورائحة الأسماك الميتة التي يلقيها الموج على الرمل ، وفى الليالي المقمره حين يستدير وجه القمر يتحول الماء إلى مرآة ضخمه مضيئه تتحرك فوق صفحتها ظلال النخل وأغصان الشجر والماء يحمل الأصوات إلى أبعاد كبيره ، فإذا أقيم حفل عرس على بعد ميلين تسمع زغاريده ودق طبوله وعزف طنابيره ومزاميره كأنه إلى يمين دارك. ويتنفس النيل الصعداء ، وتستيقظ ذات يوم فإذا صدر النيل قد هبط وإذا الماء قد أنحسر عن الجانبين يستقر فى مجرى واحد كبير يمتد شرقا وغربا ، تطلع من الشمس فى الصباح وتغطس عند المغيب. وتنظر فإذا أرض ممتده ريانه ملساء ترك عليها الماء دروبا رشيقه مصقوله فى هروبه إلى مجراه الطبيعى رائحة الأرض تملأ انفك فتذكرك برائحة النخل حين يتهيأ اللقاح . الأرض ساكنه مبتله ،ولكنك تحس أن بطنها ينطوي على سر عظيم ، كأنها إمرأة عارمة الشهوه تستعد لملاقاة بعلها . الأرض ساكنه ولكن أحشاءها تضج بماء دافق هو ماء الحياه والخصب . الأرض مبتلته متوثبة ، تتهيأ للعطاء ويطعن شئ حادا أحشاء الأرض . لحظه نشوه وألم وعطاء . وفى المكان الذى طعن فى أحشاء الأرض تتدفق البذور ، وكما يضم رحم الأنثى الجنين في حنان ودفء حب . كذلك ينطوي باطن الأرض علي حب القمح والذره واللوبيا ، تتشقق الأرض عن نبات وثمر.
اقرأ للطيب صالح واسرح مع صور عصام هنا تكمن الروعة
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
.
عصام أخوي
إنت متذكر القاليك إنت مجنون منو
في بوست ( عذاب المصور )
أنا غايتو ما متذكرو لكني بتفق معاهو .
يا زول انت مالك علينا؟؟؟؟؟؟؟؟؟؟
و بعدين قصة إنك شايقي ومن الزومة
دي قصة جديدة لنج علينا ( حاجة عجيبة )
و كمان بتستشهد بي ود الزومة المعروف
( عـادل عثمـان ) ؟؟؟
غايتو أنا مرجعيتي في الشايقية إتنين
(1) عمي و صديقي / محمد موسي أحمد
وهو خال ( عادل عثمان دا ) و والد أصدقائي .
(2) محمد عثمان عباس كرفس ( والدي ) أطال الله في عمره
و لا يوم الليلة هو تعبان معاي شان يوريني أهلي .
حاجة عجيبة !!!
ياخي عليك الله أمش لا قدام
لا عند حبوبتك ( و لا حبوبتي أنا ما عارف ؟؟؟؟ )
في الكرو ( شمال الزومة ) بلد الحجر و الجير
وسلم لي علي ( بت الخبير حبوبتي ) و أخوها علي الخبير
و زور قبر أحمد ود رغيم ( الجا ناطي البحر من تنقاسي )
و عدي الغرب بالبنطون ( بنطون تنقاسي )
لا عند( تنقاسي السوق ) و أسأل هناك
عن ( رغيم الحسن كرفس ) و عقابو
و حتلقي الحيحكيك حكاوي
و عن كل الرغيماب في تنقاسي السوق
و كل آل كرفس .
بس عليك الله يا عصام لو وصلتا الحتات ديك
أنا بيروي شوقي منها صورك العجيبة .
بس إنت صور و بل شوقنا
ودي م.كرفس
| |
|
|
|
|
|
|
Re: . . . بيت ستـنور (Re: معاوية كرفس)
|
كرفس
الصور هى تواصلى الذى لاينتهى وقد اكون مثلك فى معرفة الاسماء والاماكن
لكنى اسجل بالكاميرا والذاكرة
واحاول حفظ الاغانى واحب قديمها وتاريخها
والذى دائما ملىء بالحكاوى
وخلينا نبحث سوا فهى منطقة متلفحة بتراث نوبى يبدا باسماء الاماكن
وما خفى اعظم
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
عصام ازيك حقيقي ما شفت اجمل من كده قريب ده جمال غريب ورغم تعودي علي كتير جدا من المناظر لكني برضو مدهوش بتفق معاك لحد بعيد في سماع الاغنية الشايقية وخاصة القديمة متمني جدا القاك وخلفية صوت محمد كرم الله أو ود جبارة أو ميرغني النجار أو ود اليمني أو نختار الموت ونمشي علي صديق احمد عموما حبي للطمبور خرافي بس الخرافة صورك (الزومه قصتها قصة) غايتو؟؟؟؟؟؟؟؟؟؟؟؟؟؟
| |
|
|
|
|
|
|
Re: . . . بيت ستـنور (Re: عصام عبد الحفيظ)
|
واخيرا اكتمل الطريق الى بيت ستنور
كله ظلط من ام درمان وحتى البنطون تنقاسى ومروى
وعقبال الكبرى فى شهر عشرة
كان عبد الله محمد الحسن ابدع واجاد فى تقديم واخراج الاحتفال
يحى ادروب وادروب
واحتفلت منظمة زادنا العالمية باكتمال الطريق فى ابو ضلوع وكرموا العاملين
وتيراب الكوميديا
وقرا حميد قصيدة تنبض بعذاب الطريق
وفى الختام غنى امير الطنبور محمد جبارة
| |
|
|
|
|
|
|
|