|
|
 Re: حكاية عمران .. Omran Story!!!!! (Re: عمر الفاروق)
|
حاول عم قاسم إدارة دفة الحوار إلى موضوع آخر حتى لا يصاب (عمران) بالإغماء مرة أخرى فقام بمخاطبته مبتسماً:
- تعرف يا عمران إنت جيت فى جو جميل جداً.. الدنيا خريف والمطره... ولكن قبل أن يكمل حديثه قاطعه (عمران) قائلاً:
- طبعاً أكيد تكون ((البرك) و(الطين) و(الذباب والناموس) و(المستنقعات) الزمانك ديك انتهت و(الحكومة) أكيد تكون (ظبطت) ليكم الشوارع.... يعنى ح تودى (الزفت) بتاع (البترول) ده وين؟؟؟
هنا أسقط فى يد (عم قاسم) الذى لم يكن يعلم بأن تغيير دفة الحديث لم يكن فى مصلحته فقال فى نفسه (عمران ده ما عارف حاجة ساكت... نحنا حياتنا كلها زفت.. الشئ الوحيد الما فيهو (زفت) شوارعنا!!
يقول ليا (بترول) ونحنا كان شفنا (البترول) لامن نشوف (الزفت) بتاعو؟؟؟ المطرة (الشكشاكه) بتاعت امبارح دى شوف (العاصمة) بقت كيف... لم يقطع على (عم قاسم) سرحته تلك إلا صوت (عمران) وهو يخاطبه:
- قلت ليا يا عمى الشوارع بقت كيف؟
- عال العال يا عمران... كلها (اتزفتت).. والمطرة لو نزلت
الزول (يفتش) للمويه يا عمران ما يلقاها!!!
- نعمة والله من الله... الحمد لله رب العالمين... يا سلام يا جماعة ده الكلام والله (الثورة) وعدت فصدقت!!!
هنا طلب (الفريق الطبى) الألمانى من (حسان) أن يقوم بإخراج أسرة (عمران) من الحجرة حتى يستريح قليلاً من هذه الأسئلة الطويلة التى قام بطرحها... وبينما كان (حسان) يقوم بتنفيذ إخلاء الغرفة طرق باب الغرفة طارق تبين أنه (الأسطى عوض) خال (عمران) والذى جاء (يتحمدل) السلامة لعمران وبعد أن قام بمعانقة عمران وشقيقه (حسان) بادرهما على الفور:
- والله أنا مفروض أكون عندكم من بدرى لكن واقف للمواصلات ليا تلاتة ساعات
- (عمران فى دهشة) ليه.. فى شنو يا خالى عوض؟؟
- عشان الحافلات ما عاوزة تشتغل!!
- وما عاوزة تشتغل ليه؟؟
- عشان الحكومة أمبارح زادت (البنزين) و(الجازولين)
- (فى دهشة واستغراب وذهول ) زادت شنو؟؟؟
- (البنزين) و(الجازولين).... وكمان (السكر) يا عمران
هنا (إنحبس) الكلام فى (حلق) عمران من هول ما سمع وكضم كضمة واحدة... هرع نحوه الفريق الطبى المرافق... أخلوا الغرفة
من الجميع... قاموا بتدليك (القلب) ووضع جهاز (التنفس) وجميع الإسعافات الممكنة... وبعد دقائق خرج أحد أفراد الفريق الطبى (الألمانى) من الغرفة... مخاطباً الجميع بلغة عربية مكسرة والأسى يبدو عليه:
- البركة فيكم يا جماعة... مشروع (هدارى) مات... مستر (أومران) مات!!!!!!
|
|
 
|
|
|
|
|
| العنوان |
الكاتب |
Date |
| حكاية عمران .. Omran Story!!!!! | عمر الفاروق | 10-04-06, 02:24 PM |
| Re: حكاية عمران .. Omran Story!!!!! | عمر الفاروق | 10-04-06, 02:27 PM |
| Re: حكاية عمران .. Omran Story!!!!! | عمر الفاروق | 10-04-06, 02:29 PM |
| Re: حكاية عمران .. Omran Story!!!!! | عمر الفاروق | 10-04-06, 02:31 PM |
| Re: حكاية عمران .. Omran Story!!!!! | عمر الفاروق | 10-04-06, 02:34 PM |
| Re: حكاية عمران .. Omran Story!!!!! | saadeldin abdelrahman | 10-04-06, 02:49 PM |
| Re: حكاية عمران .. Omran Story!!!!! | حيدر حسن ميرغني | 10-04-06, 02:50 PM |
| Re: حكاية عمران .. Omran Story!!!!! | ABDELMAGID ABDELMAGID | 10-04-06, 02:56 PM |
| Re: حكاية عمران .. Omran Story!!!!! | حسام كرار | 10-04-06, 03:13 PM |
| Re: حكاية عمران .. Omran Story!!!!! | Tragie Mustafa | 10-04-06, 03:35 PM |
| Re: حكاية عمران .. Omran Story!!!!! | عمران حسن صالح | 10-04-06, 07:02 PM |
| Re: حكاية عمران .. Omran Story!!!!! | جلال محمد نور | 10-05-06, 05:27 AM |
| Re: حكاية عمران .. Omran Story!!!!! | انعام عبد الحفيظ | 10-07-06, 07:03 AM |
| Re: حكاية عمران .. Omran Story!!!!! | محمد سنى دفع الله | 10-07-06, 08:34 AM |
| Re: حكاية عمران .. Omran Story!!!!! | أحمد طه | 10-08-06, 05:03 AM |
| Re: حكاية عمران .. Omran Story!!!!! | Tragie Mustafa | 10-08-06, 05:08 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست