|
|
 Re: سليمان عبد الجليل ..الشاعر المنسي.. (Re: عمر الفاروق)
|
سلام يا عمر ..
و يا سلام عليك و إنت تفتح درب للناس تتعرف بيهو على سليمان عبدالجليل ..
أنا كشيخنا حمزاوي ..
عرفت سليمان عبدالجليل و جاورته طوال طفولتي في الديم ( بيوت الحجر ) ..
كان يكبرنا عمرا و مقاما ..
و كنا نعاين لسليمان كأنه إله في أيامنا ديك .. و نحن ما نزال صبيان عاجباهم روحهم و حبيبين .
نسمع : حليل ناس ليلى ساعة الليل يجن ( على رغم أن حمد الريح كان يجُك بالغنا .. و ما يزال ) .
فنجن بالعشق و نرى سليمان ود حلتنا بيقول للحبيبات الدايرين نقولو و مغتغتينو ..
( و كل يغني على ليلاه ) ..
ظريفا ألوفا طيبا و أنيقا في مظهره و كلماته , حوله جيران كنا نسعى لهم زلفى تقربنا من سليمان و كلماته التي تشعلنا صبابة و عشق .
أذكر احتدام الجدل و المعارك الفنية في الزمن داك بين فنانين كلٌ يدعي أن الأغنية تلك له و ان سليمان إختصه بها ..
و كل ده كان بيزيد من عافية الغنا و الفن الأصيل , و يثري الحياة الفنية و الثقافية , و المنافسة الشريفة و الكانت ساعية لتجويد كل شي و إعطاؤه حقو تمام هي الخلت الفترة ديك تبقى الفترة الذهبية في تاريخ الغنا السوداني في أواخر و منتصف السبعينات و اوائل التمانينات .
شكرا يا عمر ليك ..
و لسليمان عبدالجليل .. الإنسان المرهف الجميل .
مودتي .
|
|
 
|
|
|
|
|
| العنوان |
الكاتب |
Date |
| سليمان عبد الجليل ..الشاعر المنسي.. | عمر الفاروق | 05-08-07, 10:28 AM |
| Re: سليمان عبد الجليل ..الشاعر المنسي.. | إسماعيل وراق | 05-08-07, 10:41 AM |
| Re: سليمان عبد الجليل ..الشاعر المنسي.. | جعفر عبد المطلب | 05-08-07, 11:13 AM |
| Re: سليمان عبد الجليل ..الشاعر المنسي.. | حمزاوي | 05-08-07, 11:33 AM |
| Re: سليمان عبد الجليل ..الشاعر المنسي.. | welyab | 05-08-07, 04:24 PM |
| Re: سليمان عبد الجليل ..الشاعر المنسي.. | عمر الفاروق | 05-08-07, 04:27 PM |
| Re: سليمان عبد الجليل ..الشاعر المنسي.. | عمر الفاروق | 05-08-07, 04:33 PM |
| Re: سليمان عبد الجليل ..الشاعر المنسي.. | Emad Abdulla | 05-08-07, 05:22 PM |
| Re: سليمان عبد الجليل ..الشاعر المنسي.. | abubakr | 05-08-07, 05:21 PM |
| Re: سليمان عبد الجليل ..الشاعر المنسي.. | ولياب | 05-08-07, 06:06 PM |
| Re: سليمان عبد الجليل ..الشاعر المنسي.. | abubakr | 05-08-07, 06:29 PM |
| Re: سليمان عبد الجليل ..الشاعر المنسي.. | عمر الفاروق | 05-09-07, 08:35 AM |
| Re: سليمان عبد الجليل ..الشاعر المنسي.. | عمر الفاروق | 05-09-07, 09:16 AM |
|
| |
Emad Abdulla
فيس بوك
تويتر
انستقرام
يوتيوب
بنتيريست