|
|
 Re: ود المرَة .. (Re: محمد أحمد محمود)
|
محمد أحمد ..
تحية كبيرة للوالدة لأنو الحركة بتاعتا دي تنظيمية بشكل كبير
وأنا حا أحاول أستفيد من فكرتا دي و أطرحا في البرلمان النسوي بتاعنا 
زمان أنا كنت من المؤيدين لقصة إنو الرجال (يتكفوا) أول وبعديهم النسوان
لكن بعد داك إكتشفت إنو بيكون في عدم عدل لأنو الرجال (طبعهم شين) 
أي شي عايزين يزيدوا ليهم منو ولو على حساب الباقين (النسوان و العيال)
وبيغيب عليهم أشياء كتيرة منها إنو أكل المناسبات دا مشاركة أكتر من إنو شبع
يعني اليوم داك لو قام وهو ما شبعان القيامة ما بتقوم مقابل إنو ناس تانيين غيرو
ياكلوا بنفس الكمية والنوعية ..
أنا طبعاً عندي نظرية تانية بخصوص السيرفيس بتاع الرجال والنسوان
ومعممة الحكاية دي في بيتنا وبيت ناس حبوبتي وهي إنو لما تكون في لمة سغيرة
عزومة أو كرامة أو ما شابه, العدة (الحلوة) كلها تطلع للنسوان
وليس للرجال زي ما جرت العادة لأنو الرجال ما بيلاحظوا
أو بيهتموا بيها زي النسوان .. بيهمهم الحاجة الجواها
يبقى نظبّط ليهم الجواها دا ونخلي الحاجات الحلوة للبقدروها
| |
 
|
|
|
|
|
|
|
|
Re: ود المرَة .. (Re: Haitham El Galal)
|
هيثم الجلال
إزيك ..
Quote: ونحن احرص ما نكون على حجب مثل هذه الالفاظ حتى على مسامعكم الكريمه
لكنها واسعة الانتشار لاغراض نفوس الكثير المريضه فموروثاتناالثقافيه
تحمل الطيب وقليل من القبح |
لكن يا هيثم ياأخوي الألفاظ دي حقو يحجبوها من الأساس
وما تكون موجودة, مش فقط تتحجب عن أسماعنا وتكون متداولة في غير كدا
لأنو لو ما سمعناها في بيوت أهلنا بنسمعها برة ..
تسلم على تهذيبك و كلامك المتوازن ..
| |
|
|
|
|
|
|
|
|
|
Re: ود المرَة .. (Re: تيسير عووضة)
|
Quote: أها حتصدقني لو قلت ليك دايماً بسمعا قدمك لأبوبراهيم ..
فاطنة دي (يطرشني) فيها حتى زمان كنتا بسأل حبوبتي
من إنو أبوبراهيم دا منو؟ ما قايلاهو النبي زاتو ..
|
ودي بالزبط الثقافات القلتها،، وإنتو يمكن بقيتو من الجماعة (طوال العمر) القالهم أبوبكـر!،،وقد سمعـت (أهلي) الصوفية ـ يا الجندريةـ وهم ينشـدون:
هيّا وهيّا.. يا(بوفطينة ويا بورقية).. ناديت..
جـدي مباشرة إشـتهر بأبو الدهب (والدهب دي هي أمي شخصيتاً) ودا زاتو برضو لقبها نسبة للون،، مع إنو عندو خمسة أولاد ذكـور ـ قولي ما شاء الله! ـ وحتى أحفادو ال سموهم عليهو حملوا نفس اللقب برضو.. عموماً دا قد يكـون ما من أصل المـوضوع،، وفي إنتظار الأخت الجـندرية،، وكان بقى دايرالها فكـي كارب لفك العوارض والظار،، ولكل شي،، قولوا عوك! مع إنو (الصّب) دا مفـروض يكون بهناك عند تاج السـر! (خشم خشمين)..وإلحقي الجماعة إستولوا على فكـرتك الرهيبة..تحياتي لكم..
| |
|
|
|
|
|
|
|
|
|
Re: ود المرَة .. (Re: Isa)
|
المعذرة يا تيسير
نص الدخلو عليك وعاملين فيها منصفين للنسوان
كضااااااااااااااااااابين وبتاعين شو ومكنات ساااااااااااكت
ده كلام بوردات ساااااااااااكت يا اختي
الكلام ده عن تجربة
احد اعمدة البورد هنا اعتقد انه نبذني بي ود المرة وود امو وحاجات تانية
وحاتك انصار الجندر ديل واحد فيهم قال بغم مافي
احتمال عشان انا زول شبكة او كوز كما يقال ويمكن امنجي
عشان كده قالوا استاهل النبذ
لكن هل يا ترى كونو قال لي ود امو وود المرة نبزني ؟!
وهل انصار الجندر هنا بفتكروا ود امو او ود المرة دي نبذه للابن لا للام
لو بعتقدوا كده بكونوا بالغوا ...
يعني لو الولد ما تمام ونابذوه قالو ليه ود المره
معناتا نابزوا امو وقالوا ليها ما بتعرفي تربي
وزي الكانو قالوا ليه العيب ما منك العيب من امك الربتك
عموما افضل خلق الله تريبت نسوان زي ما قلت للجندري عمر على في بوست كان قال لي فيه يا ود امك
سيدنا محمد صلى الله عليه وسلم توفى والده وربته امه حتى عامه السادس لتتوفى عنه ( لو كلامي صاح ومتذكر صاح )
والعلم الحديث هسع بقول انو تحديدا الـ 6 سنوات الاولى من عمر الطفل هي المحدد لشخصيته
سيدنا عيسى ود مره ساااااااااااااااااكت
يعني افضل اتنين في البشر اولاد امهاتهم
للعلمانين والفرحانين بالغرب
جايكم رئيس امريكي سيكون اول رئيس اصوله ما اوربية تحديدا اصوله افريقية
هذا الرئيس ود مرة عدييييييييييييل
ابوه شتت خلاه عمره سنتين ربتو امو
ربنا يحفظ امهاتنا جميعا
وبختهم اولاد امهاتهم
و ناس القشرات الهنا ديل بطلوا مكناتكم دي
| |
|
|
|
|
|
|
|
|
|
Re: ود المرَة .. (Re: وليد محمد المبارك)
|
وليد محمد المبارك ..
سعيدة بطلتك لأنك أكتر واحد متضرر من الموضوع دا هنا ,,
Quote: احتمال عشان انا زول شبكة او كوز كما يقال ويمكن امنجي
عشان كده قالوا استاهل النبذ |
أنا بتهمني جداً الشتيمة نفسها ليه تطلع من أصلو؟
ما في حاجة إسمها (أستاهل النبذ) !
فترنا من إعادة وتكرار إنو
المبادئ لاتتجزأ وعدم شخصنة المواضيع
في خلاف فكري / سياسي/ كروي / أي شي
الناس تتعامل راس لراس
مش أمك أختك شنو ما بعرف !
Quote: لكن هل يا ترى كونو قال لي ود امو وود المرة نبزني ؟!
وهل انصار الجندر هنا بفتكروا ود امو او ود المرة دي نبذه للابن لا للام
لو بعتقدوا كده بكونوا بالغوا ...
يعني لو الولد ما تمام ونابذوه قالو ليه ود المره
معناتا نابزوا امو وقالوا ليها ما بتعرفي تربي
وزي الكانو قالوا ليه العيب ما منك العيب من امك الربتك
عموما افضل خلق الله تريبت نسوان زي ما قلت للجندري عمر على في بوست كان قال لي فيه يا ود امك
سيدنا محمد صلى الله عليه وسلم توفى والده وربته امه حتى عامه السادس لتتوفى عنه ( لو كلامي صاح ومتذكر صاح )
والعلم الحديث هسع بقول انو تحديدا الـ 6 سنوات الاولى من عمر الطفل هي المحدد لشخصيته
سيدنا عيسى ود مره ساااااااااااااااااكت
|
| |
|
|
|
|
|
|
|
|
|
Re: ود المرَة .. (Re: Isa)
|
| Quote: ودي بالزبط الثقافات القلتها،، وإنتو يمكن بقيتو من الجماعة (طوال العمر) القالهم أبوبكـر! |
يا عيسى طوال عمر شنو أنا أقول ليك ناس أبوي إسمهم أولاد آمنة نصر
ونحن لغاية هسه في البلد بيقولوا لينا أساسق* آمنة نصر
ـــــــــــــ
أساسق = أحفاد بالرطانة
| |
|
|
|
|
|
|
|
|
|
Re: ود المرَة .. (Re: تيسير عووضة)
|
تيسير
كلامك صاح انا قصدى ما ليها اساس ولابد من محاربتها كالافات الضاره والكلمه الطيبه حسنه
وعلى كل هى حيله وسبيل العاجز والنفسو قصير
تحياتى
| |
|
|
|
|
|
|
|
|
|
Re: ود المرَة .. (Re: Haitham El Galal)
|
هيثم الجلال ..
Quote: كلامك صاح انا قصدى ما ليها اساس ولابد من محاربتها كالافات الضاره والكلمه الطيبه حسنه
وعلى كل هى حيله وسبيل العاجز والنفسو قصير |
فهمت قصدك
أشكر مرورك الجميل ..
| |
|
|
|
|
|
|
|
|
|
Re: ود المرَة .. (Re: تيسير عووضة)
|
صباح الخير تيسير
عام سعيد على المرة واولادها
َمغلق أولاد نفورة
Quote: نفورة لم تكن امرأة سوء .. ولم تكن بغية ..إمرأة حملت صباها وملاحتها وسخريتها الباسمة في قفة الخضار ، ولازمت سوق رفاعة . جلست هناك تنتظر أن تذهب الشمس ناحية الغرب ، فينخفض سعر الخضار والفاكهة واللحم ، لتشتريها وتبيعها بليل لنساء الحي الغربي .
جلست هناك .. حتى أحالت الشمس لون بشرتها .. فلم نعد نستطيع التفريق بينها وبين طينة الجرف المتشققة ، العطشى لطلوع النيل ، او نزول الغيمات .. جلست هناك .. فإشتهرت بكدها ، وجملتها الشهيرة ( خراب سيد بيتي ) ، فقد كان زوجها حياً يرزق حينها . نادى الناس أبنائها باسم أمهم فلم يستحو ، جلست هناك بصبر إمراة / أم ، حتى كبر ( قمر ) اصغر أبنائها .. وغادرت هي ..
لم يفرحني شئ في زيارتي العام الماضي لمدينتي التي هجرها ابنائها/ بناتها وسكنتها الضفادع ، قدر رؤيتي ليافطة في سوق رفاعة كتب عليها ( مغلق أولاد نفورة )
يا عطاء الجرف .. يا غيمة البر ، ويا موجة العرفان ..
يا نفورة وأولادها ألف سلام |
| |
|
|
|
|
|
|
|
|
|
Re: ود المرَة .. (Re: تيسير عووضة)
|
تيسير
ازيك جيتك راجعة تاني
رغم اني ما نزلت لسه ( اشرح ولا فهمتيها دي )
المهم يا ستي قلنا نلحق قبل الأرشفة وندلي بدلونا
ولو دلونا دا جا فيه حبة تكرار ـ لاني ما قدرت اقرا المداخلات كلها مشاء الله وعيني باردة ـ فلا باس
لانو التكرار بعلم الشطار
طيب
المنادة باسم الام بتكون في سياقات مختلفة
زي ما بقولو اهل امك لو نادوك باسم ابوك جفوك ، واهل ابوك لو نادوك باسم امك نكروك
فلو اولاد خالي ما قالو لي اماني بت عمتي رقية ، ولا خالي قالي بت رقية اختي ، بقول الناس ديل الناس ديل اتلومت ماهم في شنو طوالي ؟
اها دا سياق لا غبار عليه
التاني بتاع الشتيمة القلتوه دا
طيب بتاع اهلنا الصوفية الإشار ليه اخوانا عماد و عيسى
اها في ديل ما سمعت اهلنا بندهو احد المشايخ بامه غير ود ريا ( الناقصة يتمها ليا )
وما سمعت بغيرو .
الكلام عن انو الراجل بقول ابوك يا فلانة واخوك يا فلانة ، دا خارج من حدود البوست دا لانه ما سمعنا راجل بقول ولدك يا فلانة ، لكن سمعنا نسوان كتار بقولو بتك يا فلان.
طيب موضوع ابوك يا فلان وانا اخو السمحات مش فخر باخته ولا بته ، دا بفتخر بروحه وفروسيته وقدرته على حمايتن ، وحمايتن دي منذ زمن السبي لانه سيلحقه هو العار فالمرة شرفه ـ وهي شخصياً ما عندها شرف ـ هن شرف القبيلة كلها ، عشان كدا يشكروه فارسها بانه مقنع الكاشفات ، القادر على حمايتهن من السبي وبالتالي الاسترقاق وبالتالي كشف الراس لانه كان لا يجوز للحرائر . وعشان كدا بتأذى زيادة لو شتموها ليه او شتموه بيها، مش عشان خاتر عيونها ، عشان هو ما قدر يحميها ، باعتبار انه دا دوره منذ آماد طويل، يعني عشان روحه تاني برضو .
الصبة دي كفاية لحدي هنا
وكان الله هون بجي تاني قبل الارشفة
وكان ما طلق كمان
قولو/ ن الحمد لله
| |
|
|
|
|
|
|
| |
تيسير عووضة
الجندرية
wd al geran
محمد البشرى الخضر
فيس بوك
تويتر
انستقرام
يوتيوب
بنتيريست