|
|
|
 Re: الى خريجي معهد الموسيقى والمسرح ( عم حسن توتو والعم يوسف ) مع التحايا توجد صور (Re: معتصم ود الجمام)
|
سلامات سلامات
السني البضحكنا...
انا طبعا متابع نشاطاتك باهتمام شديد... التقيت صلاح في المعهد (الكلية بلغة اولاد اليومين ديل) وبدينا نحكي ونضحك زي الاتفارقنا امبارح.
زمان ضحكنا معاك يا سني جنس ضحك في الدنيا دي. الشكر ليك يا ربي. كل السودان ما نحن بس.. ربنا يلمنا وتفرحنا وتدخل الضحكة الاولى دييييك في قلوبنا وقلوب الغلابة..
عملت لي شنو في البتاعات بالمناسبة دي؟ هههههههه
د, الفاتح انت وين اليومين دي؟ احتمال كبير اجي السودان في اليومين ديل.
اوووووه عاصم الطيب بالانجليزي
عامل كده زي د. عاصم ههههههههههههه الله يضراه بالخير.. وين الزول ده بالمناسبة دي؟
عساك طيب يااخوي؟ ماهر الحنون كان دايرك ضروري. اتصل بي عشان ارسل ليه تلفونك.. اكتشفت انه تلفونك غطص في ركن ما في المكتب المهم ضربت هنا وهناك ولقيته واديته ليه.. اتصل بيك؟ لو ما اتصل ارسل ايميل
[email protected]
لو اتصل برضو رسل لي هههه
سلامي للوليدات وامهم.
اها نجي للموضوع. انا عايز لي اسم زول في السودن عشان اسلمه هناك...قلنا كم؟ انا بدفع بالسوداني
معتصم ود الجمام ليك الشكر تاني على المبادرة الطيبة دي
| |
 
|
|
|
|
|
|
|
|
Re: الى خريجي معهد الموسيقى والمسرح ( عم حسن توتو والعم يوسف ) مع التحايا توجد صور (Re: Abu Mariam)
|
اول مرة القي لي زول الأيميل بتاعو
صلصه ديق
بعني انت في اوربا دي بقيت بتاع خدار مش خضار
انت دحين مش في بلجيكا
البلاد دي قالو كلها شكولاته
ماسك لي عود في صورتك العسل
انت سيد الضحك وسيد القمصان البيضا
يا ابوي ابيض ضميرك طول عمرك
ولمن ترجع السودان تعمل ليك لوري ابيض ضميرك
وتركب ليهو كوز عشان القيزان ووووووكع
بعدين كوز بتاع الفروطاعشان اقفل العادم تمام خاصة الكيزان بتاعين العلب الصينية
البتجي من الصين رخيص وكبيرة يعني بالمعنى كده عقلك مااروح بعيد في ـ كلمة ـ كوز
والله وعلي البتاعة بتاعتي المصون طلقنا الساسة بالستة
من النقر بقى مدرب وسانتو سافر الأمارات بطلت السياسة
لانو كنت معروف انو انا جناح النقر
شوفت الهضربة دي كيف بس ده كلو شوق ولانو قبل شوية ضرب لي قاسم نصر من السويد فتحت النت
لقيتك في وشي
الفرحة الضربتني تقول بلعت لي حبوب هلوسة
ةالله شوق ابومريم
شوق وحنين
| |
|
|
|
|
|
|
|
|
|
Re: الى خريجي معهد الموسيقى والمسرح ( عم حسن توتو والعم يوسف ) مع التحايا توجد صور (Re: محمد سنى دفع الله)
|
اذن الوجع دخل العطم الحي
هاهو حسن توتو يذهب الى الشارع ومن بعده ستدور
الدائره ....
احب الاسئله الجاده جدا ....
عزيزي الصادق شيخ الدين يا جميل
سالتني ....
ده جوابي
عماد الدين محي الدين حسب الله ... استاذ معيد في كلية اولاد اليومين دي
ده تلفونوا 00249912230788 كمان بتاع جيتار
او منعم حسن الحاج
اختار اي واحد منهم وحول الفيها النصيب ليهم وهم بدبروها مع الاعمام هناك
انا في انتظار اسئله عمليه او كلنا في انتظار هذه الاسئله
معتصم سيد احمد
| |
|
|
|
|
|
|
|
|
|
Re: الى خريجي معهد الموسيقى والمسرح ( عم حسن توتو والعم يوسف ) مع التحايا توجد صور (Re: معتصم ود الجمام)
|
لا حوله ولا قوة الا بالله.... قاسم نصر عديييل كده.. وين الزول ده؟؟؟ بالله لمني بيه.
ٌقصة الصلصة دي عندها علاقة بالغربة والاكل الما شهي. فقررت ابقى بتاع مواشي بس ناس عمر بانقا ما ادونا فرقة.... فعملت عنواني الالكتروني صلصة مع الامل في النجاح في سوق الصلصة وهي موسيقى برضو... واول مااتخرجت لاقاني ابن خالتي عنده معاصر بتاعت زيت.. قال لي اشتغل معانا اهو في مجالك برصو.. بدل جاز ..زيت موسيك.. تقول لي لوري... وكوز.. كمان؟
انا في بلجيكا من سنة 93 وقبلها كنت في اسبانيا... المهم الشوكالاته رااقده بس انتو تجوا متين؟؟
امس او قبلها جابوا في التلفزيون من الامس حاجة من المحطة ومعاكم عمر بانقا.. عمر انت بقيت من الامس ... واخد بال سعادتك؟ انت من الامس.. طيب ناس محمود سراج ووردي يكونوا من ويين؟
عمر بانقا انت جيت من وين خليتني اهضرب زي السني.. ارسل لي ميل ضروووووووري. في الصلصة دي زيتها..
يا معتصم ازيك ياخي... تقصد عماد ببو.؟ طيب محي الدين دي جبتها من وين؟ هههههه
اوكي ح اتصل اليوم. واوع تكون زعلت من قصة اولاد اليومين ديل.. اهو عندنا دفعة بقى من الامس..عاجبك كده؟
انا واجيكم بالقرارات العملية والونسة ... اها انا بديت بيهم الاتنين.
انا منتظر..
لي قدام
صادق
| |
|
|
|
|
|
|
|
|
|
Re: الى خريجي معهد الموسيقى والمسرح ( عم حسن توتو والعم يوسف ) مع التحايا توجد صور (Re: Abdelmoniem ALHAJ)
|
شباب
في تلفون مع الصديق عماد ببو تحدثنا عن حال العم حسن توتو
وخروجه من تلك الغرفه المبنيه من الزنك في ارض تخص جامعة السودان
ارض المعهد الزمان وبعد احالته للمعاش طلب منه الخروج من تلك العشه
ليواجه هو واسرته مصير التشرد ... تنادى عدد قليل من خريجي الداخل وجمعوا
مبلغ صغير مع المساهمه المقدمه من صديقنا الفنان عاصم الطيب ودعوا بعض الخريجين
عبر رسائل الموبايل لتحديد يوم لعمل نفير لبناء غرفه في ارض له في اطراف الحاج يوسف
ياشباب ما زالت مساهمتنا قليله جدا نرجو التحرك في موضوع ...
العم حسن توتو الان بلا بيت يلا نشد الهمه ليسكن هو واطفاله
ولكم الحب
| |
|
|
|
|
|
|
|
|
|
Re: الى خريجي معهد الموسيقى والمسرح ( عم حسن توتو والعم يوسف ) مع التحايا توجد صور (Re: معتصم ود الجمام)
|
من اجل الهمة
والتتضامن
من اجل عام جديد للمسرح
من اجل الأخوة والصداقة الحقة
في كل معهد او كلية فنية
في كل مسرح
العلاقات لها سجر
كلنا نعرف كيف علاقة العم خالد
في بوفيه المسرح وكل من مثل على خشبة المسرح الكبير
وعبد الواحد وستارة المسرح
وبابور عليه الرحمة والطبول في كل عرض يحتاج فيه مخرج
لموسيقى مغايرة
للعم عثمان وكومنيست والعم توتو
والمهل ويوسف
عمال الديكور
عمال الفنيات
عمال الخشبة
كيف هي العلاقة؟؟
يحضرون كل ما نحتاج اليه من ادوات
يصنعونها على مهل وفي بعض المرات بسرعة وعلى عجل
يجهزون الخشبة ويشاهدون العروض يشاركونا الفرحة ويقاسموننا الأجزان
يفرحوا بعروضنا الممتدة ونجاحتنا ويتابعون مصيرنا لقد تربينا على ايديهم كانوا اباء
بكل ما تجمل الكلمة من معنى لعدد كبير من الطلاب
كلنا كنا في سفينة واحدة
ذادنا ....
.... المحبة ... المحبة ...
27 مارس يومنا....محبة
| |
|
|
|
|
|
|
| |
عمر بانقا
Azhari Nurelhuda
Abu Mariam
محمد سنى دفع الله
معتصم ود الجمام
سلمى الشيخ سلامة
فيس بوك
تويتر
انستقرام
يوتيوب
بنتيريست