إنجمامّة ... والدنيا فانية .. ومابتدي حريف .. الكلمة الطيبة تبقى

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-10-2018, 08:31 PM الصفحة الرئيسية

مدخل أرشيف الربع الاول للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-02-2008, 09:47 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: بديك عبّار معاى مبسوط
    وكان كترت ................ حبوبتك

    بدين يا يابا إتبلي بيها براك
    وحبوباتي الاتنين عليهن رحمة من الله تغاشهن
    خلي نقطك دابنا نحنا يا المسلط وممصمّص فوق بحر أحمر
                   |Articles |News |مقالات |بيانات

12-02-2008, 10:10 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: بدين يا يابا إتبلي بيها براك


    طيب ايش رايك في كاس شربوت من تمر البركاوي بتاع اهلك الرطانة؟
                   |Articles |News |مقالات |بيانات

12-02-2008, 10:17 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: انت عارف يا خالد اخوى اغنيتي المفضلة وببكي معاها بالدموع هي الاغنية بتاعة العبادي دى
    بالصدفة فتحت بوستيك ولقيت على ابراهيم يتغني بالسائق الفيات

    لما كنت محامي بالسوكي زمان كنت بمشي محاكم سنجة بالعربة اللاندروفر بتاعتي وكنت على طول بوقف العربية جنب بيت ناس هوندا التي تغنى بها العبادي لاتامل في مشاهد الاغنية .



    وكت حب العربات كاسرلك ضلع مالك ما بتطلع تيمس عمك المغرز ...ناس هوندا في اليابان ..بطل سلبطة ....
                   |Articles |News |مقالات |بيانات

12-02-2008, 11:05 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: abubakr)

    Quote: وكت حب العربات كاسرلك ضلع مالك ما بتطلع تيمس عمك المغرز ...ناس هوندا في اليابان ..بطل سلبطة ....


    يكسر ضلعك انت يا بربري . ات عارف هوندتنا نحن قبل هوندة ناس اليابان وربما يكون اسم هوندة اليابان مستقى من هوندتنا .

    فاهم حاجة يا اللخو؟
                   |Articles |News |مقالات |بيانات

12-02-2008, 11:53 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: يكسر ضلعك انت يا بربري . ات عارف هوندتنا نحن قبل هوندة ناس اليابان وربما يكون اسم هوندة اليابان مستقى من هوندتنا .

    فاهم حاجة يا اللخو؟


    ودشيقوق
    الشي دا قصاص أتر
    مباريك زي جنى برما
    الشكية لي اب إيدن قوية
                   |Articles |News |مقالات |بيانات

13-02-2008, 05:54 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: الشي دا قصاص أتر


    شغال يشتري في الذمم يا منسي وخليهو اصلا خسران تبقى ليهو ميتة وخراب ديار
                   |Articles |News |مقالات |بيانات

13-02-2008, 08:32 AM

GamarBoBa
<aGamarBoBa
تاريخ التسجيل: 07-03-2002
مجموع المشاركات: 4985

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    الثلاثي الممتاز...
    انتو ناس البورد ديل ليه ما بتكلموا زيكم
    ليه جنهم شكل...
    من الصباح بضحك....
    مرة الرطاني
    مرة العرريب
    مرة طال عمره المنسي


    أبوبكر
    Quote: وكت حب العربات كاسرلك ضلع مالك ما بتطلع تيمس عمك المغرز ...ناس هوندا في اليابان ..بطل سلبطة


    توصيف المنسي للحالة
    Quote: الشي دا قصاص أتر
    مباريك زي جنى برما
    الشكية لي اب إيدن قوية


    ود شيقوق وايمانه القاطع انو ابوبكر بقي
    Quote: شغال يشتري في الذمم يا منسي وخليهو اصلا خسران تبقى ليهو ميتة وخراب ديار


    غايتو تاني انتو كلكم يحلكم الحلا بله من بعض
                   |Articles |News |مقالات |بيانات

13-02-2008, 08:56 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)

    بوباااااااااااااااااااااا

    وإن سفاه الشيخ لا حلم بعده

    وإن الفتى بعد السفاهة يحلم


    صاح

    يحلك انت الحل بلة من شبكتك معانا
                   |Articles |News |مقالات |بيانات

13-02-2008, 09:51 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    الله يجيب العواقب سليمة
    دخل حوشنا الرطاني دا بشغلنا من شغلتنا
    الواطة دي كلها بدور حراتا وعزق حنب الشدر
    الداهي دا يا ودشيقوق ألها لي بي تركين ولا ملوحة خليني النشوف شغلتي
                   |Articles |News |مقالات |بيانات

13-02-2008, 10:26 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي

    Quote: الداهي دا يا ودشيقوق ألها لي بي تركين ولا ملوحة خليني النشوف شغلتي


    السائب دودرو بالطوالة وخليك مندس جواهم معاهم و بالطوالة خليني اجيب ليك خبرو .
                   |Articles |News |مقالات |بيانات

13-02-2008, 05:48 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: الثلاثي الممتاز...
    انتو ناس البورد ديل ليه ما بتكلموا زيكم
    ليه جنهم شكل...
    من الصباح بضحك....
    مرة الرطاني
    مرة العرريب
    مرة طال عمره المنسي

    القمر بوبا
    سلااام يا طيب يا جميل
    تعرف كلما قرأت أسمك تخطر على بالي بت عمي الصغيرة يطراها ربي بالخير .. منذ نعمومة أظافرها كان تحب لاباس التوب وكنت دوماً أقول لها ( القمر بوبا عليك تقيل ).
    أنتَ الطيب يا جميل.. وطيبتك كلها طيبة .. لذا ترى الجمال والطيبة يا طيب المعشر والخُلق
    يسعدنا والله وجودك بننا دوماً
    وما تغيب يا الخلوق الطيب

                   |Articles |News |مقالات |بيانات

13-02-2008, 11:16 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    أغاني السباتا
    كان لها معاني جميلة قبل أن تدنس
    كنَّ يتغنن بها البنات في الأعراس


    حبيبنا عقيد الدندر قطع شك هذه الأغنية
    كان لك معها صولات وجولات في زمانك
    أيام موضة شقة الشعر بعد مسحه بالياردلي
    والبنطلون أبوإبزين
    أرتع يا شيقوق أنا البفش البتغو
    ( ناس أبوبكر الرطاني )




    pluginspage=http://microsoft.com/windows/mediaplayer/en/download/
    id=mediaPlayer name=mediaPlayer bgcolor=#000000 showcontrols=true
    showaudiocontrols=true showtracker=-1 showdisplay=0 showstatusbar=0
    videoborder3d=-1 enabletracker=true
    src=/nsdoc/06ece687-494b-4c47-811e-b39392434543/?id=1158825828424
    url=/nsdoc/06ece687-494b-4c47-811e-b39392434543/?id=1158825828424
    autostart=-1 designtimesp=5311 loop=true>

    (عدل بواسطة خالد علي محجوب المنسي on 13-02-2008, 11:17 PM)

                   |Articles |News |مقالات |بيانات

14-02-2008, 12:20 PM

Tayseer Elmobarak

تاريخ التسجيل: 24-09-2007
مجموع المشاركات: 182

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد .. بحر الطيبة الصافي .. شكراً على السؤال .. حجبنا منكم الشديد القوي .. تسأل عليك العافية .. تحياتي ليك و للأسرة الكريمة ..

    التحية لكل المشاركين في الإنجمامة و زيدونا جمال على جمال ..

    و إذا جينا لغناء السباتة ده كلام طويل و جميل ... مساهمة بسيطة لذات الصوت الجميل سميرة دنيا..



    pluginspage=http://microsoft.com/windows/mediaplayer/en/download/
    id=mediaPlayer name=mediaPlayer bgcolor=#000000 showcontrols=true
    showaudiocontrols=true showtracker=-1 showdisplay=0 showstatusbar=0
    videoborder3d=-1 enabletracker=true
    src=/nsdoc/06ece687-494b-4c47-811e-b39392434543/?id=1158825828424
    url=/nsdoc/06ece687-494b-4c47-811e-b39392434543/?id=1158825828424
    autostart=-1 designtimesp=5311 loop=true>

                   |Articles |News |مقالات |بيانات

14-02-2008, 12:31 PM

GamarBoBa
<aGamarBoBa
تاريخ التسجيل: 07-03-2002
مجموع المشاركات: 4985

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: Tayseer Elmobarak)

    عمنا المنسي

    انت مفلتن (من فالنتاين)...خلي بالك جوكم جميل في الاحتفالات...سلم لي علي الثلوج...واطلع من البطانية
                   |Articles |News |مقالات |بيانات

14-02-2008, 04:47 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)

    Quote: خالد .. بحر الطيبة الصافي .. شكراً على السؤال ..
    حجبنا منكم الشديد القوي .. تسأل عليك العافية ..
    تحياتي ليك و للأسرة الكريمة ..
    التحية لكل المشاركين في الإنجمامة و زيدونا جمال على جمال ..
    و إذا جينا لغناء السباتة ده كلام طويل و جميل ...
    مساهمة بسيطة لذات الصوت الجميل سميرة دنيا..

    العزيزة / تيسير المبارك
    تحية طيبة سلااااااام
    فقدتك والله وتسعدنا مشاركتك دوماً يا آصيلة
    وشكراً تبلغ تحياك للأسرة
    وشكراً كتييير علي المشاركة الراقية يا راقية

    تحياتي ومودتي

    (عدل بواسطة خالد علي محجوب المنسي on 14-02-2008, 09:37 PM)

                   |Articles |News |مقالات |بيانات

14-02-2008, 04:53 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: عمنا المنسي

    انت مفلتن (من فالنتاين)...خلي بالك جوكم جميل في الاحتفالا
    ...سلم لي علي الثلوج...واطلع من البطانية


    سوتني عمك عديل يا القمر بوبا
    ما مشكلة لكن حقيقة كان رجعنا وهبشنا في المدسوس ..
    بلقى أنتَ مولود زمن مافي شهادات ميلاد وتاريخ ميلادك
    أهلك كتبو في شدرا والشدرا وقعت

    والله تعرف بكلمة عمي دي نسيتني حتى أني أطايبك يا السمح الزين
    كيفنك وعلك طيب وأيامك سعاد

    بيني وبين فالنتاين القحوف مالي ومالو عيداً لا عند أهلي ولا في ديني
    شن بدوربو إفلتنو الجن الإفلتنو

    نحن ناس ضحية وفطر سااااااكت

    تحياتي عزيزي القمر بوبا

    (عدل بواسطة خالد علي محجوب المنسي on 14-02-2008, 04:56 PM)

                   |Articles |News |مقالات |بيانات

14-02-2008, 06:50 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الباض الباص قام بينا
    وعلي كبري النيل
    إتجه بينا إتجه بينا
    هديك سنار ظهرت لينا

    حرك سيير بينا
    علي مهلك

    (عدل بواسطة خالد علي محجوب المنسي on 14-02-2008, 06:51 PM)

                   |Articles |News |مقالات |بيانات

14-02-2008, 06:54 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الشايب دا
    الله بينو وبينو
    تطير الأبرا
    وتقد ودعينو
    الشايب دا

    الشايب دا رسلتو
    للحمام
    الشايب دا لقاهو
    بارد ونام

    الشايب دا
    إيدو هباشا
    الشايب دا دقنو
    مقشاشا
    الشايب دا
                   |Articles |News |مقالات |بيانات

14-02-2008, 08:19 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: أنتَ الطيب يا جميل.. وطيبتك كلها طيبة .. لذا ترى الجمال والطيبة يا طيب المعشر والخُلق [/
    QUOTE]

    انت يا ود المنسي اكان شكرت الموت ده الواحد يتمنى يفطس هسع
                       |Articles |News |مقالات |بيانات

14-02-2008, 08:30 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    وزي ما قالوا كبارنا
    سمح القول في خِشيم سيدو
    غناء السابتا حق البنات يتندرنَّ به في أفراحهنَّ
    وعادة ليست لكلماته شاعر
    وهو من الشعر المفكك لكن له أهدافه عندما يتغنن هنَّ به
    ويفقد جماله عنما يتغنى به وليداً خايس
    ذلك لآن اللون والكلمة والنبرة الصوتية فيه أنثوية
    ( بعيداً عن الجندرة )
    نحبه نحن معشر الرجال عندما نسمعه منهنَّ وتصك أذننا
    عند سماعه من غيرهنَّ

    فهو لون من ألوان الفن السوداني وله مدرسته
                   |Articles |News |مقالات |بيانات

14-02-2008, 09:33 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الليلة ما جا
    سمير عجبي قالوا جا

    يا الله لي الجزار
    ومن الفرار
    أعمل حسابك
    العضم طيار

    ياالله لي الدكتور
    من العملية
    أعمل حسابك
    البنج شوية

    الليلة ماجا
    سمير عجبي قالوا جا
                   |Articles |News |مقالات |بيانات

14-02-2008, 09:36 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: انت يا ود المنسي اكان شكرت الموت ده الواحد يتمنى يفطس هسع

    ود شيقوق
    ضو القبائل يغطيك الله من كل شر

    ويوم شكرك يا الحبيب مايجي

    سمعتا الأغنية دي ليك مخصوص
                   |Articles |News |مقالات |بيانات

14-02-2008, 09:34 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: وشكراً كتييير علي الكشاركة الراقية يا راقية


    ضعنا معاك طااااااااااب طالما بقيت بتعرف كلام الجكس اكان انا كان هسع قرطعت ريقي اربعة مرات عشان افك كليمتك دى
                   |Articles |News |مقالات |بيانات

14-02-2008, 09:40 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: هسع قرطعت ريقي اربعة مرات عشان افك كليمتك دى

    ود شيقوق
    دي إسمها طلاسم الكي بورد
    لما تغلبك الكلمة عاين للحروف الجنب الحرف الغلط
    في الكي بورد بتجيب خبرها
    شكراً على التصحيح يا أستاذ الجغرافيا
                   |Articles |News |مقالات |بيانات

14-02-2008, 09:54 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    المهيرا عقد الجلاد
    النار يا عروسنا
    وعريسك غلبو الثبات

    المهيرا عقد القصيص
    أنتِ ملكة وحري انقليز

    الساعة ستا البيت فرشو
    وديل نسابتك بالسيرة جو
    ( ثم حرفت بالبيجو جو )

    يا خِشيمن ماقال وقال
    يا أم حواجبن زي الهلال

    المهيرا مهيرة السرور
    أنتِ قمرا وحوليك حور
                   |Articles |News |مقالات |بيانات

14-02-2008, 10:03 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: لما تغلبك الكلمة عاين للحروف الجنب الحرف الغلط


    انت سارح وين يا السجم ............ اهلك
                   |Articles |News |مقالات |بيانات

14-02-2008, 10:06 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: انت سارح وين يا السجم ............ اهلك

    ما بشرح ليك يا العقيد في الكلمة الوهدبت راسك
    الكشاركة ... المشاركة
    الكاف جنب الميم
    والاصبع تبنا بدل ما يتبن الميم

    الإنجمامة دي اسرية
    خلي النقط دي
                   |Articles |News |مقالات |بيانات

14-02-2008, 10:41 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: خلي النقط دي


    مشكلتك دائما فاهمنى غلط النقط دى كلها ايات قرانية وانا بخاف يقولوا دى دعوة للمشروع الحضاري !!!!!!!!!!!!!!
                   |Articles |News |مقالات |بيانات

15-02-2008, 10:04 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    مشكلتك دائما فاهمنى غلط النقط دى كلها ايات
    قرانية وانا بخاف يقولوا دى
    دعوة للمشروع الحضاري !!!!!!!!!!!!!!


    صدقت الفكي ودشيقوق
    يا البتروب الموية
                   |Articles |News |مقالات |بيانات

15-02-2008, 11:22 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: صدقت الفكي ودشيقوق
    يا البتروب الموية


    خلي النقاط دحين عارف لي الرطاني هبر وين ؟

    ربما يكون مشى الدكان السوداني في دبى عشان يشترى ليهو ويكي وفسيخ وجبنة سودانية و ...........

    انقر شنو؟

    هييييييييييييع

    منسي بتعرف الشقاق؟
                   |Articles |News |مقالات |بيانات

15-02-2008, 05:21 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: خلي النقاط دحين عارف لي الرطاني هبر وين ؟
    ربما يكون مشى الدكان السوداني في دبى عشان يشتري
    ليهو ويكي وفسيخ وجبنة سودانية و ...........
    انقر شنو؟
    هييييييييييييع
    منسي بتعرف الشقاق؟

    ود شيقوق
    النقط نقط
    الرطاني يسف الجردقا يا ربي

    تعرف قالوا في واحد رطاني.. مرتو كل يوم تلفح
    توبها وتمرق .. يسألأها ماشى وين؟؟ تقول نازله
    الزراعة أجيب سبروق عشان الغدا .. والحكاية دي
    يوماً .. قام مرة قال ليها
    بدل أنتِ تعبانة كل يوم تمشي الزاعة .. سوقينا نحن
    أربطينا هناك في الزراعة
                   |Articles |News |مقالات |بيانات

15-02-2008, 06:40 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: الرطاني يسف الجردقا يا ربي


    كضبا كاضب - انت بالك معاى يا وليد؟
                   |Articles |News |مقالات |بيانات

15-02-2008, 06:45 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: كضبا كاضب - انت بالك معاى يا وليد؟

    شكيتك علي الله
    هناك في العمارات ديل الحفرة
    بحفروها لي وين
                   |Articles |News |مقالات |بيانات

15-02-2008, 09:56 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    سوق بي خفّا
    ونزلني جنب اللفّا
    يا حمام يا طاير
    بي شارع المستشفى

    سوق يا سواق
    الليلة سوق يا سواق
                   |Articles |News |مقالات |بيانات

15-02-2008, 10:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    أخدر حش
    مالو ماجا
    وفتيل الرش
    مالو ماجا

    حرف الاس
    مالو ماجا
    من مويس
    ومالو ماجا
                   |Articles |News |مقالات |بيانات

15-02-2008, 10:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    البانسلين يا تمرجي
    نادو الحكيم ياتمرجي

    أنا مابنوم ياتمرجي
    بعد النجوم ياتمرجي
    بعد النجوم ياتمرجي
    وسببي الهموم ياتمرجي

    دكتور صلاح ياتمرجي
    شايل السلاح ياتمرجي
    شايل السلاح ياتمرجي
    تح تاح تراح ياتمرجي

    جُر السِتار ياتمرجي
    سيب الهزار ياتمرجي
    سيب الهزار ياتمرجي
    البنج حار ياتمرجي
                   |Articles |News |مقالات |بيانات

15-02-2008, 10:35 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    أبو لي بي يا اللبن
    أبو لي بي يا اللبن

    أمي قالت لي
    دقدقي وختي
    لمان أبوكي يجي
    قلتا ليها لا
    أبويا مابرجا
    أعقدو ليا برا
    لو بي لبن بقرة

    نادو لي الفقرا
    وحلبو لي البقرة
    لو من قعر شدرا
    يا اللبن أبو لي بي

    أمي قالت لي
    الحنينة قالت لي
    أخدي ود العم
    قلتا ليها لا
    لا لا ما دايرا
    ودالعم
    أريتو بي العمعم
    العيشتو كلها هم

    أمي قالت لي
    الحنينة قالت لي
    أخدي ود الخال
    قلتا ليها لا
    لا لا مادايرا
    ود الخال
    أريتو بي الخلخال
    الديما مشغول بال

    أمي قالت لي
    الحنينة قالت لي
    أخدي ود الجد
    قلتا ليها لا
    لا لا مادايرا
    ود الجد أريتو بي الجدجد
    العيشتو كلها حِد
                   |Articles |News |مقالات |بيانات

16-02-2008, 08:38 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخدر قام ياسلام
    وخلا الدنيا ظلام
    يا سلام

    هدا لي صورة
    ياسلام
    ضابط بي دبورة
    دا الكلام

    باقي ساعة وإجي
    ياسلام
    سافر لي أبوظبي
    دا الكلام
                   |Articles |News |مقالات |بيانات

16-02-2008, 08:50 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    هذه الأغنية الجميلة
    إهداء
    لريحانة البطانة ( سمية الحسن طلحة )
    والعزيز ( حاتم هاشم )
    كان إجو مارقين علينا جاي
    مع خالص تحياتي وتقديري لهما





    pluginspage=http://microsoft.com/windows/mediaplayer/en/download/
    id=mediaPlayer name=mediaPlayer bgcolor=#000000 showcontrols=true
    showaudiocontrols=true showtracker=-1 showdisplay=0 showstatusbar=0
    videoborder3d=-1 enabletracker=true
    src=/nsdoc/06ece687-494b-4c47-811e-b39392434543/?id=1158825828424
    url=/nsdoc/06ece687-494b-4c47-811e-b39392434543/?id=1158825828424
    autostart=-1 designtimesp=5311 loop=true>

    (عدل بواسطة خالد علي محجوب المنسي on 16-02-2008, 08:52 AM)

                   |Articles |News |مقالات |بيانات

16-02-2008, 12:01 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ود المنسي انت بتكتب الكلام الكتييييييييييير ده بتلقى ليهو الزمن وين ؟
                   |Articles |News |مقالات |بيانات

16-02-2008, 08:14 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: ود المنسي انت بتكتب الكلام الكتييييييييييير
    ده بتلقى ليهو الزمن وين ؟

    ودشيقوق
    يا يابا يكتبوك عند حاج أحمد أب بخيسا

    بتعرفو دا فكي في القضارف
    أبو عصام غانا لاعب الهلال سابقاً
                   |Articles |News |مقالات |بيانات

16-02-2008, 08:51 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    هذه القصيدة من كلمات الشاعر
    أحمد الفرجوني

    رمية الأغنية
    وقد كان مسلك المغنين قديماأن يبدأ
    برباعية دوبيت قبل الأغنية

    ملكة وبت ملوك ياعسكرك مِنجمعا
    ورمشك ستا يوم يحجب غزير الدمعا
    كلامك قرطسو وفوقو خِتم أب لمعا
    ووشك يخفي لي الشمعة أم تمانين شمعا

    خافو من اللوم
    كابين فوق عروضم
    وقالوا مابتدوم
    أخوان الحمامة

    غني وشكري يا أم قرقدّن عليف
    يافرع الأراك القام مباري القيف
    ياسمح الخدار الفوقو صبا الهيف
    در أمو العديل فوقو البتم الكيف
    سايم دمو قابل بي جبينو السيف

    يوم جانا الخبر من البسترو الحال
    أولاد العزاز أخوان جداية النال
    صاينين العروض بازلين نفيس المال
    في ساعة المحاص شوف عيني ماقول قال
    خاتين الوسم فوق القصر والطال

    أولاد العزاز الكلمتَن بتفيد
    لي المحتاج صباحّن زي صباح العيد
    حارسين الرزق والقسمة من السيد
    أولاد الهنا ضايقين بواقي الليد
    حاقين الشُكر أخوان جداية الصيد

    ربعن وما أكل لا مدة الخاموس
    وإتحرقص جفل من كشتو الجاموس
    الأسد البسوق من قصتو الناموس
    ودعينو الجمر حِدة أضافرو الموس
    في الديوان دخل ماهو العرور البوص
    في السردار نتر رسل جواب مخسوس

    أخوان الحمامة
                   |Articles |News |مقالات |بيانات

16-02-2008, 08:58 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: يا يابا يكتبوك عند حاج أحمد أب بخيسا


    يكتبوك انت عند فكي قونى الخلاني ما اشوف في الدنيا دى كلها اسمح من ام اولادى
                   |Articles |News |مقالات |بيانات

16-02-2008, 08:57 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24828

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    عزيزى ود المنسى بواسطة واسطة العقد فيصل
    سلامات
    الليلة ياخوى انا مكوفر عديل ...تعال لى بجاى
    اول هام...ناخدعرضة
    تانى هام... ناخد لينا سوط سوطين
    تالت هام ليك انتة...اخد ليك جوعييييييرة
    تحياتى

    http://www.youtube.com/v/czN8spAYQkg&rel=1
                   |Articles |News |مقالات |بيانات

16-02-2008, 09:35 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    Quote: يكتبوك انت عند فكي قونى الخلاني
    ما اشوف في الدنيا دى كلها اسمح من ام اولادى

    يا يابا يكتبوك عند فكي مايرنّو
    اللخلي إضنيك وخشيمك ينقرنو
                   |Articles |News |مقالات |بيانات

16-02-2008, 09:44 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: عزيزى ود المنسى بواسطة واسطة العقد فيصل
    سلامات
    الليلة ياخوى انا مكوفر عديل ...تعال لى بجاى
    اول هام...ناخدعرضة
    تانى هام... ناخد لينا سوط سوطين
    تالت هام ليك انتة...اخد ليك جوعييييييرة
    تحياتى

    ودكبوشية الجميل
    كمال عطا
    سلاااام يا طيب وعلك طيبة
    والله قومتا جلدي زي سيد دم التاجر

    يا كمال مالك علي فوق باقي الليل دا مسوي فيني جنس الشي
    دا

    وحات أبوي أنا بمشي الكي كدي
    برمكي العِيال تومي يا علي

    شدو لي الحصان الغليد ملان
    ولي علي الصيم فارس أم درعان
    راكز ياالخزين يا أب صدرن ملان
    أنا يسلم لي علي يضوّي في الميدان

    شدو لي المهر طلقوهو العصر
    نهمّو لي البنات أم سيف النصر
    ليل الهجعا قام جاب ليا النصر
    أنا يسلم لي علي أجبر الصبر
                   |Articles |News |مقالات |بيانات

16-02-2008, 09:47 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    فيصل

    Quote: اخد ليك جوعييييييرة


    يجازى محنك الجوعيرة دى معانا رطاني مو عارفها
                   |Articles |News |مقالات |بيانات

16-02-2008, 09:51 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    عليك الله ياود شيقوق
    أدخل وشوف جنس الشي دا
    ماياهو البخلي الزول
    جعر ( جوعيرة )
    بعدين دا مو فيصل دا أخوان
    كمال عطا من ناس كبوشية
    برسل أميلات لفيصل للمشاركة
    في المنبر لانه ماعندو عضوية

    تسلم يا شيقوق


                   |Articles |News |مقالات |بيانات

16-02-2008, 09:54 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: يجازى محنك الجوعيرة دى معانا رطاني مو عارفها


    وات يالعرريب الضهبان قايل فيصل دة من عرب بني قريظة زييك ؟ دة رطااان بشان كدة انا ماشي يكفي كل العرريب رطاان واحد وبرضو ما بتقدرو عليهو ....
                   |Articles |News |مقالات |بيانات

16-02-2008, 10:00 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: abubakr)

    Quote: وات يالعرريب الضهبان قايل فيصل دة من عرب بني قريظة زييك ؟
    دة رطااان بشان كدة انا ماشي يكفي كل العرريب رطاان واحد
    وبرضو ما بتقدرو عليهو ....


    أبوبكر الجميل
    لا عليك الله
    مابندور فوتك هو نحن لاقنك وين ؟
                   |Articles |News |مقالات |بيانات

16-02-2008, 10:22 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: وات يالعرريب الضهبان قايل فيصل دة من عرب بني قريظة زييك ؟ دة رطااان بشان كدة انا ماشي يكفي كل العرريب رطاان واحد وبرضو ما بتقدرو عليهو ....



    خلينا ندرجو ليك شوية في الرحراحة دى وبعد شوية ود المنسي يدودرو بالطوالة وبتسمع خبر قريبك سافر الضعين
                   |Articles |News |مقالات |بيانات

16-02-2008, 10:25 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: خلينا ندرجو ليك شوية في الرحراحة دى وبعد شوية
    ود المنسي يدودرو بالطوالة وبتسمع خبر قريبك سافر الضعين

    ودشيقوق
    ها زول ها
    فيصل هليل دا قضيت علي زمان الرطاني
    وديتو الضعين
    ووديتو لي الدانوب جبتو عطشان يلاهي
                   |Articles |News |مقالات |بيانات

16-02-2008, 11:04 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد كيف الحال
    رجعنا ولقينا القطارات عدت محطاتنا
    الكنا دايرين نقول فيها كلام كتير
    وكما قال المحجوب :
    وهل يعود شباب سالف أبدا
    وهل يعود من اللذات ماضيها

    تحية وإحترام
                   |Articles |News |مقالات |بيانات

17-02-2008, 11:54 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)

    Quote: خالد كيف الحال
    رجعنا ولقينا القطارات عدت محطاتنا
    الكنا دايرين نقول فيها كلام كتير
    وكما قال المحجوب :
    وهل يعود شباب سالف أبدا
    وهل يعود من اللذات ماضيها

    تحية وإحترام


    ريحانة البطانة وعز الحسن ودطلحة
    سلااام وتحية طيبة يا ملكة
    حمدالله على سلامة رجوعك
    البوست لا ينهج نهج معين مافات لا يعاد
    وحتى لو كان ذلك لك يا عز البطانة
    تقلب المناهج
    الحكاية إنجمامة نقول فيها طيب
    كل ماهو طيب وتظل الكلمة الطيبة
    حادينا في مسرة الحياة
    غردي يا بلومة دوحات البطانة
    ولك البكان ترحاب
    تحياتي وتقديري لك دوماً
                   |Articles |News |مقالات |بيانات

17-02-2008, 12:22 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    [
    Quote: B]خافو من اللوم
    كابين فوق عروضم
    وقالوا مابتدوم
    أخوان الحمامة

    الجنى القارح ياهو فالوا يبقى دابو عرضو
    بي ضراعو وبي مالو وبي رأيو
    وقد عرفو حقيقتها دنيانا هذه وأنها فانية
    ومابتدوم لذا ختو الشكرة وتصبح سيرتهم الحسنى
    تتناولها الأجيال متعاقبة
    وهم أخوان البنات ( أي أخوان الحمامة )
                   |Articles |News |مقالات |بيانات

17-02-2008, 03:11 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ الجميل خالد تحية طيبة

    متابعين ومستمتعين وشايف " الفليق بِرَا " ... وعجاجة "دواس " الرطانى مع ودشيقوق شايفنها إنداحت وغطت البوست ...

    راجعين ليك بعد تجهيز بعض الكلام المناسب مع البوست

    (عدل بواسطة أبوبكر أبوالقاسم on 17-02-2008, 03:12 PM)

                   |Articles |News |مقالات |بيانات

17-02-2008, 04:32 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: الأخ الجميل خالد تحية طيبة

    متابعين ومستمتعين وشايف " الفليق بِرَا " ...
    وعجاجة "دواس " الرطانى مع ودشيقوق شايفنها إنداحت وغطت البوست ...

    راجعين ليك بعد تجهيز بعض الكلام المناسب مع البوست

    أبوبكر أبوالقاسم
    وينك يا رجل
    طالت بك الغيبة
    والله يا أبوبكر حيروني الاتنين ديل
    زي جنى الكدسا وين ما يتلاقو يتناقرو
    والحب قائم بينهم
                   |Articles |News |مقالات |بيانات

17-02-2008, 07:20 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: غني وشكري يا أم قرقدّن عليف
    ياسمح الخدار الفوقو صبا الهيف
    در أمو العديل فوقو البتم الكيف
    سايم دمو قابل بي جبينو السيف


    Quote: غني وشكري يا أم قرقدّن عليف


    أم قرقدن عليف .. اي يا ذات الشعر والضفائر التي تشبه في تثنيها
    العليف وهو ثمرة شجر السيال التي تحمل بذور البقاء في داخلها وشكل
    العليف لولبي والشعر اللولوبي له جمال خاص يجذب المقل بإنسيابه التموج
    يحاكي أمواج بحر أزرق سيلان ..
    Quote: ياسمح الخدار الفوقو صبا الهيف

    فرع الأراك اي فرع شجر الأراك الوارف التريات ماءً بسبب وجوده قرب
    القيف أي بقرب النهر
    Quote: در أمو العديل فوقو البتم الكيف
    سايم دمو قابل بي جبينو السيف

    والممدوح هو درة غالية عند أمه ويتم كيف الأخرين بفعائله
    وهو ذاك الذي يحمل كفنه وسايم دمه اي يبذله رخيص للفداء عن عرضه
    مدافعاً
                   |Articles |News |مقالات |بيانات

17-02-2008, 08:27 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24828

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الى عزيزنا ودالمنسى بواسطة واسطة العقدفيصل(( اصحى للون يا شيقوق
    سلامات
    الليلة ياخوى نوم واحلم مع هذة الرمية التى ابدع فيها الفنان
    الراحل المقيم عبد اللة الماحى_ نايرات الوجن

    نايرات الوجن

    تومـــــى

    متن يجن؟

    ______

    نام الخلوق

    والليل جن

    مرسالى جا .. وقالى جن

    قاعدين معاى ساعتين..رجن

    سـاقن حبيبى وعرجن

    تومى متين يجن؟

    ــــــــــــــــ

    اصبحت حايربى الدليل

    كايس لماك مالقيت دليل

    كاتلانى عندى عليك دليل

    حأجبيك صاد ودة الدليل

    ــــــــــــــ
                   |Articles |News |مقالات |بيانات

17-02-2008, 09:00 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    Quote: الليلة ياخوى نوم واحلم مع هذة الرمية التى ابدع فيها الفنان
    الراحل المقيم عبد اللة الماحى_ نايرات الوجن

    الحبيب كمال عطا
    تحية طيبة سلاااام
    والله أخي الفاضل مشاركتك تسعدني شديد
    اشم فيك ريحة ترابنا الأخدر بعد رشة
    دُعاش عصيريا
    لا تطيل الغياب علينا يا كمال

    الرمية جميلة وفيها الحنية
    لكن الصوت أمس ولع النار
    فوق جلدي
                   |Articles |News |مقالات |بيانات

17-02-2008, 09:09 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    Quote: الليلة ياخوى نوم واحلم مع هذة الرمية التى ابدع فيها الفنان
    الراحل المقيم عبد اللة الماحى_ نايرات الوجن


    فيصل يا اخوى قريبك ناقش الكلام ولا محتاج لترجمة فورية؟

    قال عامل بوست حب بهناك طيب يا فيصل دحين استفسر منك

    هل ادوات الحب عند الادمي لديها expiry period ؟
                   |Articles |News |مقالات |بيانات

17-02-2008, 09:18 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: الى عزيزنا ودالمنسى بواسطة واسطة العقدفيصل(( اصحى للون يا شيقوق
    سلامات


    ودشيقوق
    أنت كم مرة نكلمك
    دا ما فيصل
    دا أخونا كمال عطا من كبوشية
    ماهندو عضوية
    لذا يشارك عن طريق إرسال رسائل
    في بريد الأخ فيصل وفيصل يقوم بدوره
    بنشرها

    عليك الله فيصل شنو البقدر إقول كلام
    زي دا فيصل دا أتعبني شديد بديت
    معاهو من ألف باء تاء ثاء
    وبعدها الأعداد لما جيت المجر كان فقط
    بقدر يعد لحدي سبعة

    رطاني وطلع من بداية سنة ثمانين في المجر
    مسح الرام كلو ( قدر العندو كان )

    (عدل بواسطة خالد علي محجوب المنسي on 18-02-2008, 11:01 AM)

                   |Articles |News |مقالات |بيانات

18-02-2008, 11:10 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: ربعن وما أكل لا مدة الخاموس
    وإتحرقص جفل من كشتو الجاموس
    الأسد البسوق من قصتو الناموس
    ودعينو الجمر حِدة أضافرو الموس
    في الديوان دخل ماهو العرور البوص
    في السردار نتر رسل جواب مخسوس


    Quote: ربعن وما أكل لا مدة الخاموس

    المقصود هنا الأسد لآن من عادة الأسود أن تبقى في العرين
    عندما تضع اللبوة أشبالها ويبقى الأسد حارساً لهم
    وتخرج اللبوة تلتمس رزقا لصغارها وزوجها .. لذا كان معروف
    أن الأسد عندما يخرج من العرين بعد أربعين يوما يكون في
    أوج شراسته.
    وقد زاد الشاعر الفرجوني على هذا أنه بعد خروجه ما أكل
    لمدة خمسة ايام وهذا قد يزيد شراسته
    ( جمع بين الحرمان لمدة أربعين يوما من الخروج وجعان ليهو
    خمسة أيام )
                   |Articles |News |مقالات |بيانات

18-02-2008, 11:23 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: وإتحرقص جفل من كشتو الجاموس

    بعد خروجه من العرين جائعا
    إتحرقص أي تمطى ينفض الكسل من طول رُقاد
    لمدة أربعين يوما.
    وعندما رأه الجاموس جفل أي جرى بردة
    فعل إنعكست عن شبح خوف ظهر فجأة
    والجفلة دوماً تكون مباغتة
                   |Articles |News |مقالات |بيانات

18-02-2008, 11:53 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: الأسد البسوق من قصتو الناموس

    في هذا البيت تصوير جميل أبدع فيه شاعرنا
    أحمد الفرجوني
    الأسد ( والذي شبه به الممدوح لم يكن أسد عادي
    إنما كان من نوع الأسود التي لها ميزات أكبر
    من الشراسة والقوة )
    كان راقد ممد يديه للأمام وبين حين وآخر يهز
    رأسه يبعد الناموس بقصته من أمام أعينه ..
    القصة هي ماتدلى من شعر فوق الجبهة.
                   |Articles |News |مقالات |بيانات

18-02-2008, 12:47 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: ودعينو الجمر حِدة أضافرو الموس


    عيونه زي الجمر الموقد
    وحدة أظافره كأنها موس حادة

    والعين الحمراء يوصف بها دوماً الشجاع
    يقال فلان عينو حمر ( اي شجاع )
    أمو
    أكحلت عيونه بي شطة

    (عدل بواسطة خالد علي محجوب المنسي on 18-02-2008, 03:55 PM)

                   |Articles |News |مقالات |بيانات

18-02-2008, 01:04 PM

GamarBoBa
<aGamarBoBa
تاريخ التسجيل: 07-03-2002
مجموع المشاركات: 4985

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    المنسي....

    تعرف نص شعرك الاخير يلحقني ويفزعني لو فهمتو
    لكن الشرح بفهمه ...
    لغير الناطقين بها لازم تشرح
                   |Articles |News |مقالات |بيانات

18-02-2008, 03:59 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)

    Quote: المنسي....

    تعرف نص شعرك الاخير يلحقني ويفزعني لو فهمتو
    لكن الشرح بفهمه ...
    لغير الناطقين بها لازم تشرح

    زمان ما كنا بنشرح
    لكن عندما صار من زوار الإنجماما
    أنت وأبوبكر وسماح بقينا نراعي
    حقوق الناطقين بغيرها

    تحياتي القمر بوبا
                   |Articles |News |مقالات |بيانات

18-02-2008, 06:08 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: في الديوان دخل ماهو العرور البوص
    في السردار نتر رسل جواب مخسوس

    الديوان هو مكان اجتماع الرجال يتداولون مشكالهم
    وقد يكون ديوان أدبي يجتمع فيه الشعراء والأدباء

    ماهو العرور .. وهي كلمة تقال للأهبل
    البوص
    أي غليد بخا همو الأكل ملي بطنه

    وقالت بنونة بت نمر في أخيها عمارة

    ماهو الفافنوس وماهو الغليد البوص

    اي لاهو نحيف تميل به الرياح
    ولا هو سمين رتجا
                   |Articles |News |مقالات |بيانات

18-02-2008, 06:21 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    زوارك ظريفين ياخالد وشايفة أبوبكر نفض إيدو منكم
    الله يعينك وخصوصاً بعض الناس مدة صلاحية ذاكرتهم منتهية
    ويختلط الحابل بالنابل
    أستمتعت بقراءة هذه الصفحة
    لكم الود وعاطر التحايا
                   |Articles |News |مقالات |بيانات

18-02-2008, 08:08 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)

    Quote: زوارك ظريفين ياخالد وشايفة أبوبكر نفض إيدو منكم

    الأخت الفاضلة
    ريحانة الحسن ودطلحة
    سعيدة وسعدنا نحن بحضورك بعد غيبة
    وعدتي أنك عندك كلام كثير
    لست هنا مساحة خاصة
    في أي وقت وفي أي صفحة
    ولا تنظري ما موجود فوق
    فهي إنجمامة والإنجماما يحلو فيها التنوع
    من كل بستان زهرة
    في إنتظارك نحن يا سمية
                   |Articles |News |مقالات |بيانات

18-02-2008, 08:53 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24828

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    عزيزى فيصل...مسكاقنا

    ردا على (التجريدة) التى يقودها ود شيوق وبدعم من صاحبك

    وبلدياتى ود المنسى اعلن عن تضامنى الكامل والامحدود معك

    ومع الاستاذ ابوبكر ضد هذة الحملة (الشيومنسية) وكيتا فيهم

    ارجو ان تقوم بانزال هذة القصيدة للشاعرالنوبى عبد العزيز

    زين العابدين فى بوست صاحبك تعبيرا عن التضامن ولانامت

    اعين (الشيومنسيين) ....تحياتى ...عمك كمال

    نوبه يأمى الحنينه ..... بين احضانك خدينا
    تبكى وتصرخ ديارك .... وفوتنا ربوعك حزينه
    لون النيل من سمارك ...ياسمره وفارده شالك
    ياما جرينا فى رمالك....و فى نهار شمسك صحينا
    ياحليل صوت السواقى .... علينا تصرخ تنادى
    مابننساكى يابلادى ....لحد الموت ما ينادينا
    فين ما بنرحل معانا ...ساكنا قلوبنا وخطانا
    كنزى وعربى ورطانه ......على ضفافك ربتينا
                   |Articles |News |مقالات |بيانات

18-02-2008, 08:58 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    Quote: ردا على (التجريدة) التى يقودها ود شيوق وبدعم من صاحبك

    وبلدياتى ود المنسى اعلن عن تضامنى الكامل والامحدود معك

    ومع الاستاذ ابوبكر ضد هذة الحملة (الشيومنسية) وكيتا فيهم

    ارجو ان تقوم بانزال هذة القصيدة للشاعرالنوبى عبد العزيز

    زين العابدين فى بوست صاحبك تعبيرا عن التضامن ولانامت

    اعين (الشيومنسيين) ....تحياتى ...عمك كمال

    افو افو يا كمال
    أمانة ما إتلومتّا
    والله كان سمعن بيك حريم كبوشية
    علا يجزن قرون شعرهن جت

    يا زول أرجع
    مالك يا يابا مكسورة ضلعتك عند الرطانة

    تحياتي ومودتي يا عم كمال
                   |Articles |News |مقالات |بيانات

18-02-2008, 09:13 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد
    فيصل

    Quote: نوبه يأمى الحنينه ..... بين احضانك خدينا
    تبكى وتصرخ ديارك .... وفوتنا ربوعك حزينه
    لون النيل من سمارك ...ياسمره وفارده شالك
    ياما جرينا فى رمالك....و فى نهار شمسك صحينا
    ياحليل صوت السواقى .... علينا تصرخ تنادى
    مابننساكى يابلادى ....لحد الموت ما ينادينا
    فين ما بنرحل معانا ...ساكنا قلوبنا وخطانا
    كنزى وعربى ورطانه ......على ضفافك ربتينا


    اصل هذه القصيدة باللغة النوبية وجماعتك ديل اتصلوا بواحد من اندنا فنااااااااااااان وراح عمل translation للقصيدة دون ان يخل بقافيتها النوبية .

    هيييييييييييييع زولك مواصل استنفار اهلو الرطانة لكن اصبر هسع بعدمهم ليك طفاي النار .
                   |Articles |News |مقالات |بيانات

18-02-2008, 09:32 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24828

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    عزيزى ود المنسى بواسطة واسطة العقد فيصل ...تحياتى

    اهنىء الاستاذ ابو بكر على الانتصار الداوى على ود شيوق

    لانو لحد الليلة ما قادر يركز بدليل انك مرتين لفتة نظرو انو المداخلات دى ما من فيصل

    والظاهر ضربات ابوبكر جابتلو لفة ودوشة وبعد الا تلحقو بمحاية

    وبعدين ياخوى انتة ناسى انو صرتى مدفونة عند الجماعة ديل

    يبقى الاتلوم منو فينا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
                   |Articles |News |مقالات |بيانات

18-02-2008, 09:46 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    Quote: وبعدين ياخوى انتة ناسى انو صرتى مدفونة عند الجماعة ديل

    يبقى الاتلوم منو فينا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    طيب عذرناك يا عم كمال
    لكن برضو ما تقيف مع الرطاني دا

                   |Articles |News |مقالات |بيانات

18-02-2008, 10:08 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: اصل هذه القصيدة باللغة النوبية وجماعتك ديل اتصلوا
    بواحد من اندنا فنااااااااااااان وراح عمل translation
    للقصيدة دون ان يخل بقافيتها النوبية .

    هيييييييييييييع زولك مواصل استنفار
    اهلو الرطانة لكن اصبر هسع بعدمهم ليك طفاي النار .


    فضحتنا يا شيقوق
    دي المرة الثالثة أصححك
    أن المداخلات باسم فيصل
    لكن فيصل ليس المتداخل

    رسائل من أخوانا كمال
    عطا يقوم بنشرها فيصل
    بأسم كمال عطا أقرأ
    فوق بس جاري للرد

    (عدل بواسطة خالد علي محجوب المنسي on 18-02-2008, 10:09 PM)

                   |Articles |News |مقالات |بيانات

19-02-2008, 12:47 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    فوق الشديرات الغزار نتلم
    نقول طيب الحديث وجميل النم
    ننزع كل بغيضة الله ما بنندم
    سماحة الزول بي أخو وفوقو نتعشم


    خالد
                   |Articles |News |مقالات |بيانات

19-02-2008, 01:03 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    فيصل
    منسي

    Quote: فضحتنا يا شيقوق
    دي المرة الثالثة أصححك
    أن المداخلات باسم فيصل
    لكن فيصل ليس المتداخل


    انت طيب ساى يا منسي تصدق ده عمك كمال ؟ ده فيصل ذاتو منتحل شخصية كمال .

    Quote: الشيومنسيين


    حلوة تشبه جيوفيزك مش؟
                   |Articles |News |مقالات |بيانات

19-02-2008, 01:29 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: انت طيب ساى يا منسي تصدق ده عمك كمال ؟
    ده فيصل ذاتو منتحل شخصية كمال .


    ود شيقوق حيلك
    فيصل زولي وبعرفو من سنة 1989
    ونحن يكاد نتحدث يومياً في الماسنجر

    روق أحلى وخلي التحليل بتاع المحامين دا

    كمال أيضاً صديقي تعرفت عليه عن طريق
    فيصل وهو جعلي مقيم في السعودية
    عاش في حلفا القديمة ( ظروف عمل والده )

    عادة يرسل الأميل لفيصل
    وزولك فيصل شديد في عمل كوبي باست

    وقع ليك حديثي

    وحات أبوي أنا بمشي الكي كدي
    برمكي العيال تومي يا علي

    خلي فيصل حتى الناس الما منطقة شندي وضواحيها مابكونو سمعو بها
                   |Articles |News |مقالات |بيانات

19-02-2008, 03:17 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي

    Quote: فيصل زولي وبعرفو من سنة 1989
    ونحن يكاد نتحدث يومياً في الماسنجر

    روق أحلى وخلي التحليل بتاع المحامين دا

    كمال أيضاً صديقي تعرفت عليه عن طريق
    فيصل وهو جعلي مقيم في السعودية
    عاش في حلفا القديمة ( ظروف عمل والده )


    إت آ جني شغال كاتب عرضحالات للناس ؟
                   |Articles |News |مقالات |بيانات

19-02-2008, 04:20 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: إت آ جني شغال كاتب عرضحالات للناس ؟


    والله لو كتبتها ارضحال زي مابقولوا
    أهلنا كان قلعتا منك شهادة القانون
                   |Articles |News |مقالات |بيانات

19-02-2008, 06:46 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24828

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    عزيزنا ود المنسى بواسطة واسطة العقد فيصل(رغم انف ود شيقوق

    سلامات

    انتة عارف حكايت صاحبك ود شيقوق القايلينى انا فيصل ذكرتنى

    بنكتة عن واحد جاتو حالة بقة يخاف من الكدايس ويجرى منها

    اعتقادا منو انو هو فار وخايف الكديسة تاكلو . قاموا اهلوا ودوهو

    لدكتور امراض نفسية والذى قام بعلاجة لفترة زمنية طويلة وعندخروجة

    سألة الدكتور خلاص انتهينا من حكاية الكدايس دى؟ قاليهو فعلا

    يادكتور انا دلوقت اقتنعت انو انا بنى آدم وما فار بس يادكتور عندى

    مشكلة واحدة البقنع الكديسة انو انا بنى آدم وما فار شنو؟؟؟؟؟؟؟؟؟؟؟؟؟؟

    دحين ياخوى البقنع صاحبك انو انا ما فيصل شنو؟؟؟؟؟؟؟؟؟؟؟؟؟؟؟؟؟
                   |Articles |News |مقالات |بيانات

19-02-2008, 07:07 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    Quote: دحين ياخوى البقنع
    صاحبك انو انا ما فيصل شنو؟؟؟؟؟؟؟؟؟؟؟؟؟؟؟؟؟

    يا أخوي كمال
    ود شيقوق دا لحق الصح
    بقى يشبه ويسالم
    فضل فوقو فد طقاق وإشيلو في قفة

    مسكين تعبان مع السنون والعيون
                   |Articles |News |مقالات |بيانات

19-02-2008, 08:30 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    كمال
    فيصل
    منسي

    ع
    Quote: زيزنا ود المنسى بواسطة واسطة العقد فيصل(رغم انف ود شيقوق

    سلامات

    انتة عارف حكايت صاحبك ود شيقوق القايلينى انا فيصل ذكرتنى

    بنكتة عن واحد جاتو حالة بقة يخاف من الكدايس ويجرى منها

    اعتقادا منو انو هو فار وخايف الكديسة تاكلو . قاموا اهلوا ودوهو

    لدكتور امراض نفسية والذى قام بعلاجة لفترة زمنية طويلة وعندخروجة

    سألة الدكتور خلاص انتهينا من حكاية الكدايس دى؟ قاليهو فعلا

    يادكتور انا دلوقت اقتنعت انو انا بنى آدم وما فار بس يادكتور عندى

    مشكلة واحدة البقنع الكديسة انو انا بنى آدم وما فار شنو؟؟؟؟؟؟؟؟؟؟؟؟؟؟

    دحين ياخوى البقنع صاحبك انو انا ما فيصل شنو؟؟؟؟؟؟؟؟؟؟؟؟؟؟؟؟؟


    يا ود العطا فيصل ده نوبي عديل لاصق فيهو مالك مش اولى ليك قريبك وود بلدياتكم المنسي - نحن بقينا نشك في انك انت قرين الرطاني ذاتو وتمارس ادوارو عن طريق الرموت كنترول .

    تخريمة

    قصة الفار كتلتني بضحكة يا ود العطا
                   |Articles |News |مقالات |بيانات

19-02-2008, 09:07 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: نحن بقينا نشك في انك انت قرين الرطاني
    ذاتو وتمارس ادوارو عن طريق الرموت كنترول .



    العم كمال عطا
    عاد بعد دا يحلك الحلّ بلة
    الزوول عكليتا
                   |Articles |News |مقالات |بيانات

20-02-2008, 10:55 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    .
                   |Articles |News |مقالات |بيانات

20-02-2008, 11:56 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي

    الشئي اراجع البوست عشان اشوفك كتبت شنو القاهو .... مواعد !!!!!!!!!!!!!

    هييييييييييع يا لماح

    فين الرطاني يا اخوى؟
                   |Articles |News |مقالات |بيانات

20-02-2008, 12:00 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: وحات أبوي أنا بمشي الكي كدي
    برمكي العِيال تومي يا علي

    شدو لي الحصان الغليد ملان
    ولي علي الصيم فارس أم درعان
    راكز ياالخزين يا أب صدرن ملان
    أنا يسلم لي علي يضوّي في الميدان

    شدو لي المهر طلقوهو العصر
    نهمّو لي البنات أم سيف النصر
    ليل الهجعا قام جاب ليا النصر
    أنا يسلم لي علي أجبر الصبر

    هذه من الأغاني المحلية في منطقة شندي
    تتغنى بها فنانة الدلوكا ( حميرا )
    تبدأ الأغنية دوماً بالتقيل ثم تخفف الإيقاع
    يا سلااام تذكرني هذه الأغنية بأبن العمراب الجميل
    محميد .. كنت مرة في زيارة له مع أبن خالتي عبدالمنعم
    السنوسي .. في يوم جمعة قبل الصلاة .. كان محميد يرقد
    في ضل الضحا في حي منزله الكائن في حي الدمة أم درمان
    ضربنا على الباب حتى كلَّ من الضرب متانينا وهو ولا عليه
    رافعاً صوت المسجل لأعلى درجاته يستمع في كاسيت لحميرا

    وبعدها فطن أن هناك أحد في الباب وقام وفتح لنا .. فبادره
    أبن خالتي .. شنو يا محميد لينا ساعة ونحن على الباب
    فرد قائلاً .. والله كنت مشغل الست وماسمعت أي شئ.
                   |Articles |News |مقالات |بيانات

20-02-2008, 12:02 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: منسي
    الشئي اراجع البوست عشان اشوفك كتبت شنو القاهو
    .... مواعد !!!!!!!!!!!!!
    هييييييييييع يا لماح

    فين الرطاني يا اخوى؟

    الرطاني بقى زووول .... سااااكت
    حايص زي الجريو التايه من أمو
                   |Articles |News |مقالات |بيانات

20-02-2008, 12:18 PM

GamarBoBa
<aGamarBoBa
تاريخ التسجيل: 07-03-2002
مجموع المشاركات: 4985

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: فبادره
    أبن خالتي .. شنو يا محميد لينا ساعة ونحن على الباب
    فرد قائلاً .. والله كنت مشغل الست وماسمعت أي شئ.


    دي قوية يا يا طال عمرك...اتخيلت منظره انا
                   |Articles |News |مقالات |بيانات

20-02-2008, 12:32 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)

    Quote: دي قوية يا يا طال عمرك...اتخيلت منظره انا


    محميد هذا كان مغرم بغناء حميرا

    ويسميها الست حميرا
                   |Articles |News |مقالات |بيانات

20-02-2008, 05:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: شدو لي المهر طلقوهو العصر
    نهمّو لي البنات أم سيف النصر

    يا حليل زمان أيام السيرة العصر

    السيرة مرقت عصر ياعديلا
    وشايلا الشيخ ودبدر
    الليلة زينا

    وعريس بالفرحة داير إنشق
    ومحصن نفسو بي ياسين
    وجايبين ليهو عضم الحوت
    ومالي ضراعو بي الحِجبات
    حِجاب قلاد أحمر
    حِجاب جلاد ودفراج

    شدو لي المهر
    كانت العادة أن يسيّر العريس بي حِصان
    يمرق من بيتو يرد البحر ثم يعود
    وبعدها لبيت العروس

    (عدل بواسطة خالد علي محجوب المنسي on 20-02-2008, 05:06 PM)

                   |Articles |News |مقالات |بيانات

20-02-2008, 06:51 PM

سمية الحسن طلحة

تاريخ التسجيل: 19-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    قلمي ترعت على الصحيفة مكاتبا
    وشــرحت ماكـان الفؤاد بـه أبى
    وأبنتُ لي كيـف الأمور موضـِّحا
    وقذفت بالحقب الطـوال غرائـبـا

    الشيخ عبد العزيز
                   |Articles |News |مقالات |بيانات

20-02-2008, 06:58 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)

    Quote: الرطاني بقى زووول .... سااااكت
    حايص زي الجريو التايه من أمو


    ات عارف يا منسي اخوى بوبا فلت من الرطاني زى فلتت على عثمان من الترابي
                   |Articles |News |مقالات |بيانات

20-02-2008, 08:18 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: قلمي ترعت على الصحيفة مكاتبا
    وشــرحت ماكـان الفؤاد بـه أبى
    وأبنتُ لي كيـف الأمور موضـِّحا
    وقذفت بالحقب الطـوال غرائـبـا

    الشيخ عبد العزيز

    سمية سلاااااام
    حفظ الله قلم الشاعر وقلمك لنا
    نستمتع ونهيم بين جمعك الحروف فتخرج
    مغايرة لجمعنا

    متعك الله بالصحة والعافية
    أنتِ والأسرة

    لك تحياتي
                   |Articles |News |مقالات |بيانات

20-02-2008, 08:21 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: ات عارف يا منسي اخوى بوبا فلت
    من الرطاني زى فلتت على عثمان من الترابي

    الله يجازي محنك يا ودشيقوق

    الحوار الغلب شيخو
    والله أجمل تشبيه قرأته في أيامي الفائتة
    الله أنتَ مسلط آفة
                   |Articles |News |مقالات |بيانات

20-02-2008, 09:11 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي

    Quote: الله أنتَ مسلط آفة


    لكل آفة صرافة يا منسي .

    دحين هسع بوبا ده مش صرف مننا الرطاني الآفة .
                   |Articles |News |مقالات |بيانات

20-02-2008, 09:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: لكل آفة صرافة يا منسي .

    دحين هسع بوبا ده مش صرف مننا الرطاني الآفة .

    والله صدقتَ كل آفة ولها صرفا
    والله بوبا ضحكتو بس تكيفك 24 قيراط
    زول حبوب بالحيل
                   |Articles |News |مقالات |بيانات

21-02-2008, 05:38 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29055

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي
    Quote: والله بوبا ضحكتو بس تكيفك 24 قيراط
    زول حبوب بالحيل


    يا زول هوى بوبا ده زولا عالم ومتخصص Marketing وجاب ليك الزمالة من بريطانيا بطلاق اكان قبل عليك يبيعك بيعة رخصة

    منسي اديني اضانك ات عارف بوبا ده ما متزوج و looking دحين اكان لقيت ليك واحدة اعجمية مجيهة شوفا ليهو بالشروط الاتية :

    ان تكون متوسطة الجمال
    ان تكون متوسطة القامة - الطول حبة is an advantage

    نواصل
                   |Articles |News |مقالات |بيانات


[رد على الموضوع] صفحة 4 „‰ 10:   <<  1 2 3 4 5 6 7 8 9 10  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de