إنجمامّة ... والدنيا فانية .. ومابتدي حريف .. الكلمة الطيبة تبقى

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 09:05 AM الصفحة الرئيسية

مدخل أرشيف الربع الاول للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-02-2008, 09:20 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)


    فقدت صحاى لا تنصحوني......خطاب وعتاب كفى بارحونى
    بنقول السمح وانت السمح والزين
    الحبيب / كمال
    كمال من التقيل سوو وأدينا
    وغرد يا الحنين فوق ربوع وادينا
    من كبوشيا نم بالعديل أشجينا
    وغرق روح بعيد ماهو دا المأذينا



    غلبني أسير هيا درجونى.......وعلى الأطلال ليل عرجونى

    الزول السمح فات الكُبار والقدرو
    كان شافوهو ناس عِبدالله كانوا بعذرو
    السبب الحماني العيد هِناكا أحضرو
    درديق الشبيتي البنتو فوق صدرو

    مقر املى فيهم ظنونى.....يزيدوا دلال وتزيد جنوني
    لذيذ تعذيبهم لو ضنونى ...وصالهم آه راحتي ومنوني

    بنقول
    كان دايرني أتوب واتيقن
    أمنعوا الطالبات
    من البيوت ما يمرقن

    وبنقول الخلا ولع والمطر جابا القبلي متخالف علي القيزان
    والرهيفا التنقد يا كمال أخوي

    (عدل بواسطة خالد علي محجوب المنسي on 02-02-2008, 09:23 PM)

                   |Articles |News |مقالات |بيانات

02-02-2008, 09:41 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    خالد

    ............. اهلك جننتني
                   |Articles |News |مقالات |بيانات

02-02-2008, 09:57 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    انت عارف يا خالد اخوى اغنيتي المفضلة وببكي معاها بالدموع هي الاغنية بتاعة العبادي دى
    بالصدفة فتحت بوستيك ولقيت على ابراهيم يتغني بالسائق الفيات

    حبيبنا عقيد الدندر
    لك التحية سلااام
    بدءً أفرحتني جيتك بي جاي ... بعد ان قررت أن أجيب سيرة شوال البصل .. لكن نرجع نقول ( الخيران كُتار )
    ثانياً هذه الأغنية من الأغاني التي لها تأثير كبير في نفسي وكنا زمان لما تكون هذه الأغنيةفي الراديو ويرسلوك للدكان تقرب تقول لناس البيت ( طيب أقفلو الرادي لما أمشي واجي عشان الأغنية ما تفوتك ).

    أبدع فيها العبادي شعرا وأجاد اللحو أداء مقاطع يُخال للمستمع لها أنه يركب معهم في الفيات وبين تلك الربوع يختال هونا بالفيات.

    أطوي الأرض وأضرع
    ومن أفكارنا سيرك
    يا الفيات أسرع

    ياسلاااام شوف بالله يا الطيب جمال التعبير هذا يحملك بين طياته ويلولحك يلولحك وإجدعك بعيد ينصل كِريعاتك وانتَ جايّ للأرض تُج

    تحياتي ودشيقوق
                   |Articles |News |مقالات |بيانات

03-02-2008, 11:22 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: كان دايرني أتوب واتيقن
    أمنعوا الطالبات
    من البيوت ما يمرقن


                   |Articles |News |مقالات |بيانات

03-02-2008, 12:04 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: mamkouna)


    نسوح في طيات سايق الفيات


    سايق الفيات

    عود بي وأُخد سندا
    وبي الدرب التحت
    تجاه ربوع هُندا
    ياالسايق الفيات

    بوصيك قَبُل تبدا
    سيرك وداك طريقّك
    سابق الرفدا
    مِنّك بعيد جبدّا
    حي هُندا المراد
    مِيل بي ربوع عبدا
    ياالسايق الفيات

    أطوي الأرض وأضرع
    من أفكارنا سيرك
    ياالفيات أسرع
    ميّل علي المُشرع
    لا ترِيع القطيع
    بتجفل الأدرع
    ياالسايق الفيات

    شوف سايق الفيات
    الليلة كيفن هاش
    والشدر الكُبار
    بقى شوفنا لي طشاش
    قول لي دحين وين ماش
    فارقّتا الطريق
    إتْيامن الرماش
    يالسايق الفيات

    شقّا حشا الطريق
    وإتيمم الحللال
    زفنّو الكِلاب
    مانالن ألا علال
    فاضلات ثواني قُلال
    بينك والغروب
    داك مُشرع الشلال
    ياالسايق الفيات

    يازين الشباب
    ياطيب الأخلاق
    يا أمين الصديق
    والناس علي الإطلاق
    من أيدي الصناعة
    يبعدو المِعلاق
    أنظر لي الطبيعة
    ومجد الخلـلاق
    ياالسايق الفيات

    أنزل يا صديق
    شوف يديك البدرا
    وشوف حُسن البداوة
    الما لِمس بدرا
    ورّاد النهري هن
    أردوني لم أردا
    كاتيلن الصفار
    أم نضرة الخدرا
    يا السايق الفيات

    شوف النهري مار
    بي خِشوع تقول هجسان
    أو مَرْ المنام
    بي مُقلة النعسان
    جلّت قدرتو
    ما أكفر الإنسان
    كم ينسى الجميل
    كم يجحد الإحسان
    ياالسايق الفيات

    مانفرن تقول
    شافن الكلام إلفا
    عطشان قلتا ليهن
    وصحّت البلفا
    مافيش كاس قريب
    قالن بدون كلفا
    تشرب بي كفوفنا
    حتا تتكفّا
    يا السايق الفيات
                   |Articles |News |مقالات |بيانات

03-02-2008, 01:04 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    سايق الفيات..و فارس الحديد إن حمى..
    الأخ الكريم أبو أحمد..

    سُعدت للغاااااية بإهداءك الكريم...
    تسلم و تُشكر..و أنا من خشم البوست دا ماني فايتة..!

    --------

    لكَ و لكل زوار البوست التريان و مندي...


    شدولو و رِكب فوق مهرك الجمٌاح
    ضرغام الرجال الفارس الجحجٌاح
    السم النقوع الفي البدن نتٌاح
    تمساح الدميرة الما بيكتلو سلاح
    إعصار المفازة اللعيون كتٌاح
    المال ما بيهمو إن كتر وإن راح
    ***
    أبواتك جبير بيسدوا للعوجات
    ومطمورتك تكيل للخالة والعمات
    وفي الجود والكرم إيديك دوام بارزات
    ويا أب قلباً حديد في الحوبة ما بتنفات
    ***
    بطناً جابتك والله ما بتندم
    ويا أسد الكداد الفي خلاك رزم
    ويا رعد الخريف الفوق سماك دمدم
    بابك ما إنقفل نارك تجيب اللم..
    وما بتحلف تقول غير استريح حرم
    ***
    صدرك للصعاب دايماً بعرف العوم
    وفي وسط الفريق في الفارغة ما بتحوم
    لا تتلام ولا بتعرف تجيب اللوم
    تفخر بيك بنات البادية والخرطوم
    ***


                   |Articles |News |مقالات |بيانات

03-02-2008, 01:11 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: mamkouna)


    * ملحوظة:

    قصيدة (( شدولو و ركب فوق مهرك الجمٌاح )) للشاعر عمر الحسين محمد خير..
    و هو من أبناء نوري..و قد كتبها مجاراةً لجدته التي رثت زوجها قائلة..

    بابك ما انقفل ونارك تجيب اللم

    وما بتحلف تقول غير استريح حرم


    فأكمل عمر الحسين قصيدة الرثاء...و قد تغنى بها المرحوم سيد خليفة.


                   |Articles |News |مقالات |بيانات

03-02-2008, 10:37 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: mamkouna)

    شدولو و رِكب فوق مهرك الجمٌاح
    ضرغام الرجال الفارس الجحجٌاح
    السم النقوع الفي البدن نتٌاح
    تمساح الدميرة الما بيكتلو سلاح
    إعصار المفازة اللعيون كتٌاح
    المال ما بيهمو إن كتر وإن راح

    الأخت الفاضلة ممكونة وصابرا
    والله يصبرك
    دا يوم المنى لما ما تفوتي ونفرش ليكِ ( الورود ) البكان ترحاب .
    جرت عادة أهلنا قديماً أن يشبهو الفارس بكل ما هو قوي وجسور ومؤذي .. رغم الأذية من طِباع العقرب لكن السؤال .. من يؤذي ؟؟ يؤذي من ينازله ويجاهره البغضاء .. وفي نفس الوقت هو حامي حمى القبيلة وفارسها والبعدل العوج . ومطمورته تكيل للخالة والعمات والجار البعيد.

    عندما شدو له لم يسرج له أي فرس .. أسرج له فرس أصيل حر .. والخيل الأصيلة من طبعها الجِماح
    قيل أن أخطر أنواع الثعابين سما في بلادنا هو ( أب درق ) والعقارب ( أم نوي ويرا ). ومن طبع السم أنه ينتح في البدن.
    الدميرة هي الأيام التي يفيض فيها النيل ويصعب العوم علي عتاوة بنوه وفي تلك الأيام ما بيضرب اللُجا غير التمساح العشاري معشعش في سنانو الطير.
    عصار المفازة وهو معروف انه عصار قوي
    يا سلااام يا ممكونة الكلام السمح والله جد بعجب ويدقر العين
    لك منا أصدق مودتنا
                   |Articles |News |مقالات |بيانات

03-02-2008, 10:41 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
                   |Articles |News |مقالات |بيانات

03-02-2008, 11:09 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    بطناً جابتك والله ما بتندم
    ويا أسد الكداد الفي خلاك رزم
    ويا رعد الخريف الفوق سماك دمدم
    بابك ما إنقفل نارك تجيب اللم..
    وما بتحلف تقول غير استريح حرم

    حقيقة بطن تجيب مثله لا ندم ولدا قارح وشابي فوق أندادو
    جسور ومقدام وكريم

    بابك ما أنقفل نارك تجيب اللم
    في المقابل نشوف حال من طبعهم الشُح والبخل ( الفسالة )

    قوم إذا أستنبح الضيفان كلبهم
    قالوا لأمهم بولي النارِ

    وتأبا أن تجود به شُحاً
    ولا تبول ألا بمقدارِ


    وما بتحلف تقول غير أستريح حرم
    دوماُ تابي حفيان مباشر مقابل للضيوف وما بنتظر لما يستريح

    يا سلااام يا ممكونة هيجتي أفكارنا لجمال ناساً فرقت صروف الدهر بيننا وبينهم

    تسلمي يا ممكونة والله يصبرك
                   |Articles |News |مقالات |بيانات

03-02-2008, 11:15 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: في شان خاطر الراجل الجميل الحبيب
    عقيد الدندر
    الطيب وشيقوق نعيد هذا الجمال


    يا اخي مالك على دى بتجننى عديييييييييييل يا شيقيقي

    عليك الرسول نزلها لى في بوست يحلك الحل بلة سريييييييييع واى بوست اكون فيهو نزلها لصاحبك طوالي
                   |Articles |News |مقالات |بيانات

03-02-2008, 11:58 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    الاخت ممكونة

    كيفك




    Quote: قصيدة (( شدولو و ركب فوق مهرك الجمٌاح )) للشاعر عمر الحسين محمد خير..
    و هو من أبناء نوري..و قد كتبها مجاراةً لجدته التي رثت زوجها قائلة..

    بابك ما انقفل ونارك تجيب اللم

    وما بتحلف تقول غير استريح حرم


    اعتقادي القوى جدا هو ان هذه الاغنية قيلت في رجل البر والاحسان حاج العماس في قرية المفازة ريفي الحواتة .
    ويؤكد ذلك المقطع الذي يقول ( عصار المفازة ..... المال ما بهم هوى كان كتل وكان راح)


    معزتي
                   |Articles |News |مقالات |بيانات

03-02-2008, 12:09 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    كان دايرني أتوب واتيقن
    أمنعوا الطالبات
    من البيوت ما يمرقن


    بولعن فوقنا النار
    طبعاً يا ممكونة كلامنا دا فوق طالبات زمان
    من الأبتدائية ساويات
    زمنا دا بقى الواحدة في الجامعة ولسع أمها بتسرح ليها شعرها
    الناس ديل الوقع فوقهن شنو نفس العمر سنين لكن حجمهم قلا
    دا شنو دا يا كافي البلا وحايد المحن

    تحياتي ممكنونة والله يصبرك
                   |Articles |News |مقالات |بيانات

03-02-2008, 12:30 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    شوف سايق الفيات
    الليلة كيفن هاش
    والشدر الكُبار
    بقى شوفنا لي طشاش
    قول لي دحين وين ماش
    فارقّتا الطريق
    إتْيامن الرماش
    يالسايق الفيات

    ونحن في طريقنا لديار هوندا ( هندا ) حتى سايق الفيات كان فرح هاش وباش .. ومن فرحته أسكت يدوس في للبنزين صاجا .ويسرع الخطا لامن بقينا الشدر الكبار مرات نراه ومرات نشوفو رِهاب وطشاش .. ومن فرحته أضاع الطريق فأشرنا له أن يجعل الرماش على يمينه وذاك هو الطريق الذي يوصل لديار وربوع هندا

    (عدل بواسطة خالد علي محجوب المنسي on 03-02-2008, 12:31 PM)

                   |Articles |News |مقالات |بيانات

03-02-2008, 12:37 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: زمنا دا بقى الواحدة في الجامعة ولسع أمها بتسرح ليها شعرها


    كده وبس يا خالد؟ والمساء البت والأم والحبوبه في الكوافير.
    أتاري ممكونه معطونه بي هنا؟
    حقيقة البوست إنجمامه،
                   |Articles |News |مقالات |بيانات

03-02-2008, 12:51 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: محمد المرتضى حامد)

    كده وبس يا خالد؟ والمساء البت والأم والحبوبه في الكوافير.
    أتاري ممكونه معطونه بي هنا؟
    حقيقة البوست إنجمامه،

    الحبيب المرهف
    ودالمرتضى
    تحية سلاااام ويسلم الدرب الجابك يا جميل
    والله اضحكتني عبارتك قلتا لي كيف مشوا الكوفير
    والله ممكونة ما ما معطونة تمشي وتجي وزيارتها لينا زي زيارة الريس لي شندي كل خمس سنوات برهة

    تسلم يا ودالمرتضى وخليك قريب لا تغيب علينا بنريد حلو حديثك وبيهو ننجم
                   |Articles |News |مقالات |بيانات

03-02-2008, 06:12 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    شقّا حشا الطريق
    وإتيمم الحللال
    زفنّو الكِلاب
    مانالن ألا علال
    فاضلات ثواني قُلال
    بينك والغروب
    داك مُشرع الشلال
    ياالسايق الفيات

    شقاالطريق سايق الفيات لديار هُندا متجه ( متيمم ) ناحية القرى والحلـلا .. فكان النظر الذي نشهده كنا دوماً في القرى والمدن الصغيرة أنه عندما تأتي سيارة تجري خلفها كل كلاب الحلّة وشن لقت من جريها غير علال غُبار الفيات وكان الوقت قد قارب لمغيب الشمس وهم يادوبهم في مشرع الشلال وباقي الكثير لكي يصلوا لديار هُندا.
                   |Articles |News |مقالات |بيانات

03-02-2008, 06:31 PM

wd al geran
<awd al geran
تاريخ التسجيل: 08-09-2003
مجموع المشاركات: 670

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    بوستاتك مليانة جد بي ريحة البلد يا خالد ..

    يديك العافية يا راجل يا اصيل
                   |Articles |News |مقالات |بيانات

03-02-2008, 06:41 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: wd al geran)


    ود الجيران
    إن شاءالله كان نطقي صحيح للاسم
    تحيات طيبات سلاااام
    أولا
    أياك ودالجيران
    المأمون علي بنات فريقو
    وأياك الدابي الدعت
    أن رصد لي الزول يعيقو

    وثانياً شكرا على المرور والإنجماما معنا قليل من شد وجذب
    فلابد من راحة
    كل ما تسخن تعال
    حبابك عشرة من دون كشرا وألف سلاااااام

    (عدل بواسطة خالد علي محجوب المنسي on 04-02-2008, 10:06 AM)

                   |Articles |News |مقالات |بيانات

03-02-2008, 07:00 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    إنجمامة مع الشعر...

    أضحى التنائي بديلاً مــن تدانيـــــنا && ونـــاب عن طيب لقيانــا تجافينــا
    ألا ، وقد حان صبحُ البيــنِ صبّحنــــا && حيــنٌ ، فقــام بنـــا للحين ناعينا
    من مبلــــغ الملبسينا بانتزاحهمـــو && حُــزناً مـــع الدهــر لا يبلى ويُبلينا
    أن الزمان الـــذي ما زال يضحكنــــا && أُنســـاً بقربهمو قــــد عــاد يُبكينا
    غيظ العدا من تساقينا الهوى فدعوا&& بـأن نــغـــصّ فقــال الدهــرُ آمينــا
    فـــانحـــلّ مــا كان معقوداً بأنفسنا && وانبـــتّ مـــا كــان موصولاً بأيدينا
    وقـــد نكــــون ومــا يخشى تفرُّقنا && فاليـــوم نحـنُ ومـا يُرجى تلاقينا
    يا ليت شعري ، ولم نعتب أعاديكم && هــل نال حظاً من العتبى أعادينا
    لــم نعتقـد بعدكم إلا الوفــاء لكــم && رأيــــاً ، ولـــم نتقلــد غيره ديـنــا
    ما حقُّنا أن تُقرّوا عيـن ذي حــسـدٍ && بـنـا ، ولا أن تسرُّوا كاشحاً فينا

    كـنـا نرى اليأس تُسلينــا عـوارضـه && وقـــد يـئسنــا فمــا لليأس يُغرينا
    بـنـتـم وبـنـّا ، فـمـا ابتلّت جوانحنا && شـوقــاً إلـيكـم ولا جـفّـت مـآقينا
    نـكـاد حيـن تـنـاجـيكـم ضـمـائـرنـا && يـقضي علينـا الأسى لولا تأسِّينا
    حـالـت لـفقـدكمـو أيـامـنـا فغـدت && سـوداً ،وكـانـت بكـم بيـضاً ليالينــا
    إذ جانب العيش طَلــقٌ من تآلفنا && ومـورد اللهـو صــافٍ مـن تصـافيـنــا
    وإذ هصــرنا فنـون الوصـل دانيـةً && قـطافهــا، فجنـينا منـه مــا شينــا
    ليسق عهدكمو،عهد السرور فما && كــنــتــم لأرواحـنــا إلا ريــاحينــا
    لا تحسبــوا نــأيكــم عنــا يغيـرنا && إن طــالمــا غيّــر النأي المحبيــنا
    والله مــا طلبــت أهــواؤنــا بـدلاً && منكــم ، ولا انصرفت عنكم أمانينا
    ولا استفدنا خليلاً عنكِ يشغلنا && ولا اتخذنــا بديــلاً منـكِ يُـسليـنـا


    يا ساريَ البرق غادِ القصر واسقِ به&&من كان صِرف الهوى والود يسقينا
    واسـأل هنــالك هل عنى تذكرُّنا && إلــفــاً تــذكـرُّه أمسـى يُـعنـيِّنـــا
    ويــا نسيـــم الصبـــا بلــغ تحيتنا && من لو على البعد حيّا كان يحيينا
    فهل أرى الدهر يقضينا مساعفةً && منــه ، وإن لــم يكـن غِبّا تقاضينا
    ربـيــبُ مُـلكٍ كــأن الله أنـشــأه && مِسكــاً ، وقدّر إنشاء الورى طينا
    أو صاغــه ورقــاً محضــــاً وتوجه && مــن ناصــع التبر إبداعاً وتحسينا
    إذا تـــأوّد آدتــــه رفــــاهـــيـــــةً && تُــومُ العقــود ، وأدمته البُرى لينا
    كانت له الشمس ظِئراً في أكِلتّهِ && بــل مـــا تجـــلّى لـهـا إلا أحايينا
    كأنـما أُثبتت في صحــنِ وجنـتــه && زُهـــرُ الكواكـــب تعويـــذاً وتزيينا
    ما ضر إن لم نكن أكفاءه شرفـــاً && وفـــي المودة كــافٍ مــن تكافينا


    يـــا روضــــة طالما أجنت لواحظُنا && ورداً جـــلاه الصـبـا غـضّاً ونسرينا
    ويــــا حيـــــاة تمليـّنــا بــزهـرتهــا && مــنـى ضـــروباً ولــــذاتٍ أفـــانينا
    ويــا نعيمـــاً خطــرنا من غضارتــه && في وشي نُعمى سحبنا ذيله حينا
    لسنا نســميـك إجـلالاً وتــكرمــةً && وقـــدرُك المعتلــى عــن ذاك يغنينا
    إذا انفردت وما شوركت في صفة && فحسبــنــا الوصف إيضاحـاً وتبيـينا
    يــا جنــة الخلـد أُبدلـنـا بسدرتـها && والكوثر العذب زقــومــاً وغِــسلينــا
    كــأنــنـا لــم نـبت والوصـلُ ثالثـنـا && والسعد قد غضَّ من أجفان واشينا
    إن كان قدعزَّ في الدنيااللقاء بكم && في موقف الحشر نلقاكم ويكفيـنــا
    سرّانِ في خاطر الظلماء يكتــمنـا && حتى يكـــادَ لسانُ الصـبح يفشينــا
    لاغرو في أن ذكرنا الحزن حين نهت && عنـه النُهـى وتركـنا الصبر ناسينا
    إنا قرأنا الأسى يـوم النـوى سُــوراً && مـكــتوبــةً وأخذنــا الصبـــر تَلقيـنـا

    أمـــا هـــواك فــلـم نعـدل بمنهلـه && شِربــا ، وإن كــان يرويــنا فيظمينا
    لــم نـجـف أفـق جمالٍ أنت كوكبُه && ساليــن عنــه ولــم نهجره قالينا
    ولا اخــتيــاراً تجــنبـناه عن كـثــبٍ && لــكن عدتـنا علــى كــرهٍ عوادينا
    نأسى عليك إذا حُثـَّت مشعشـة && فيـنـا الشمــولُ وغنـّانــا مغنيـنــا
    لا أكؤس الراح تبدي من شمائلنا && سيما ارتيـاحٍ ، ولا الأوتــار تلهيـنا
    دومي على العهد(ما دمنا)محافظة && فـالحــرُّ من دان إنصافـاً كما دينا
    فمـــا استعضنا خليلاً منك يحبسنا && ولا استـفدنا حبيـبـاً عنك يثنينـا
    ولــو صبــا نحونـا من عُلـوِ مطلعــه && بدر الدجى لم يكن حاشاكِ يُصبينا
    أولــي وفـــاءً وإن لــم تبذلي صلة && فــالذكــرُ يقنعنـا ، والطيـف يكفيـنا
    وفي الجواب متاع إن شفعتِ بــه && بـيض الأيادي ، التي ما زلتِ تولينا
    علـيـــك منّا سلام الله مـــا بقيت && صـــبــابـــة بــك نُخفيهـا ، فتخفينا


    ابن زيدون

    تحياتنا أخ خالد....
                   |Articles |News |مقالات |بيانات

03-02-2008, 07:23 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)


    حمامة السلااام الساجعة
    سلمى صبحي
    شكراً كتيييييييير على رائعة أبن زيدون
    وينك طال الغيبة بك عنا
    الجامعة واديتي الناس إجازة وحضرنا حفل اليوم الختامي في السنة
    ما تغيبي قدر ما تكوني تعبانة تعالي إنجمي شوية

    تحياتي لهند

                   |Articles |News |مقالات |بيانات

04-02-2008, 07:18 AM

Tayseer Elmobarak

تاريخ التسجيل: 24-09-2007
مجموع المشاركات: 182

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد .. بحر الطيبة الصافي .. شوف كيفن لميت الناس حولك و كلهم طلعوا جميل الدرر .. ليهم كلهم التحية ...
    ما عارفة ليه خطر لي أهديك الأغنية دي فيها شجن غريب .. عذراً اذا كانت بره الخط ..


    pluginspage=http://microsoft.com/windows/mediaplayer/en/download/
    id=mediaPlayer name=mediaPlayer bgcolor=#000000 showcontrols=true
    showaudiocontrols=true showtracker=-1 showdisplay=0 showstatusbar=0
    videoborder3d=-1 enabletracker=true
    src=/nsdoc/06ece687-494b-4c47-811e-b39392434543/?id=1158825828424
    url=/nsdoc/06ece687-494b-4c47-811e-b39392434543/?id=1158825828424
    autostart=-1 designtimesp=5311 loop=true>

    (عدل بواسطة Tayseer Elmobarak on 04-02-2008, 11:09 AM)

                   |Articles |News |مقالات |بيانات

04-02-2008, 07:27 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: Tayseer Elmobarak)

    المنسي

    Quote: شقاالطريق سايق الفيات لديار هُندا متجه ( متيمم ) ناحية القرى والحلـلا .. فكان النظر الذي نشهده كنا دوماً في القرى والمدن الصغيرة أنه عندما تأتي سيارة تجري خلفها كل كلاب الحلّة وشن لقت من جريها غير علال غُبار الفيات وكان الوقت قد قارب لمغيب الشمس وهم يادوبهم في مشرع الشلال وباقي الكثير لكي يصلوا لديار هُندا.


    يا سلام يا خلودى اتاري المجرية خرتت مننا ضو قبيلة

    والله يا خالد اخوى المشهد الفوق ده هسع كلو ماثل امامي طبعا دى منطقتنا زى ما ذكرت ليك وكنت دوما بوقف عربيتي تحت ضل اللالوبة ( بتحب اللالوب خالداخوى ؟؟؟) وبتامل في القطية المتواضعة والمزينة ببيضة النعام في رويسها وهي قطية هوندا ذاااااااااتها .
                   |Articles |News |مقالات |بيانات

04-02-2008, 09:44 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    خالد .. بحر الطيبة الصافي .. شوف كيفن لميت الناس حولك و كلهم طلعوا جميل الدرر .. ليهم كلهم التحية ...
    ما عارفة ليه خطر لي أهديك الأغنية دي فيها شجن غريب .. عذراً اذا كانت بره الخط ..

    ست الذوق الطيبة
    تيسير المبارك
    لك أطيب تحياتنا يا طيبة سلااام
    يحلو لنا أن تعمر اللمّة أكبر من كدا ويتلمو كل الحلوين من كل صوب ومن كل حدب ونجرها نمّا ( سمحة الدنيا وطيبة وهيّا نعمرها بالطيبة والجمال.

    بالمناسبة أغنيتك ماقدرت أفتحها.. أفتح يطلع لي الصفحة العامة من سودانيزولاين

    لك التحية زبطي الأغنية وتعالي مشتاقين نسمعها معك

    (عدل بواسطة خالد علي محجوب المنسي on 04-02-2008, 09:58 AM)

                   |Articles |News |مقالات |بيانات

04-02-2008, 09:52 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    يا سلام يا خلودى اتاري المجرية خرتت مننا ضو قبيلة

    والله يا خالد اخوى المشهد الفوق ده هسع كلو ماثل امامي طبعا دى منطقتنا زى ما ذكرت ليك وكنت دوما بوقف عربيتي تحت ضل اللالوبة ( بتحب اللالوب خالداخوى ؟؟؟) وبتامل في القطية المتواضعة والمزينة ببيضة النعام في رويسها وهي قطية هوندا ذاااااااااتها .
    ـــــــــــــــــــــــــــ

    عقيدنا وعقيد الدندر
    شيقوق
    كانت لي جكا في تلك البقاع وأنا صغير سنجة.. السوكي .. وكركوج .. والدندر وما زال عالق جمال طبيعتها بمخيلتي ما نزعها تراب وكتاحة شندي أبدا.
    اللالوب كان سبب المشاكل بينا عندما ننزله من شدرته ويبقى الغلاط دي نزلتها ودي نزلتها أنا وتقع الشكلا والحجاز ليهو عُكاز.

    طال الزمن أقصر لو الله أمدَّ في أعمارنا سوف أكرر الزيارة لتلك المناطق ومعي المجرية والعيال

    تحياتي شيقوق الجميل
                   |Articles |News |مقالات |بيانات

04-02-2008, 09:51 AM

sama7
<asama7
تاريخ التسجيل: 05-02-2002
مجموع المشاركات: 1342

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد والله اتاريك ما ساهل تب

    بركة الصلحتها معاك قبل ما أجى هنا


    سلمى صبحى يا جميلة تسلمى وزنتى لى راسى الليلة


    مودتى

    سماح
                   |Articles |News |مقالات |بيانات

04-02-2008, 10:04 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)

    خالد والله اتاريك ما ساهل تب
    ــــــــــــــــــــــ

    سماح قمر سبعتين ما السما السابع
    تحيتنا بقدومك يغطيها حنين كل أهلنا الطيبين سلااام تبقى لك هدم ونعلين
    والله .. والله يعلم ساهلاً زي شراب الموية بعد عطش
    أفرحتني زيارتك ونتسأل إن شاءالله ضُمّه الإنجمامّا جمتك من شقى الزمان ومناقرة شيقا والرطاني

    لك تحياتنا والمودة

    (عدل بواسطة خالد علي محجوب المنسي on 04-02-2008, 10:07 AM)

                   |Articles |News |مقالات |بيانات

04-02-2008, 10:52 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    والله يا ود المنسي

    بقيت للحمام زى شجرة يني البغشاها كلو يغني
    هسع السبب الجاب سلمى بت صبحي ترمي ليها ابيات وتمش ده شنو؟

    يمكن عندك عرق بنده ولا شنو؟
                   |Articles |News |مقالات |بيانات

09-02-2008, 10:25 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)

    Quote: طال الزمن أقصر لو الله أمدَّ في أعمارنا سوف أكرر الزيارة لتلك المناطق ومعي المجرية والعيال


    معاك منو؟

    خالد مالك عايز تكشف حالنا نحن ناس مناطق مهمشة ما عندنا موية في سهاريج نرش بيها حمامتك دى نحن بنرد الموية مسافة 10 كيلو بالدواب ويادوب صفيحتين نشربها ولا نكبها ليك في راس مرتك المجرية المحرورة .

    جيبها ايام الخريف خلينا نغطسها ليك في مطمورة ملانة موية بي ضبضوبها .
                   |Articles |News |مقالات |بيانات

04-02-2008, 11:04 AM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد المنسى تحية طيبة

    تعرف أنا تمالكت نفسى وأبيت أعلق على سائق الفيات منتظر تعليق " ودشيقوق " رغم المساجلة وإنفرادكما بالرطانى "أبوبكر " ، بالواضح كنت قانصلو وإتضح لى إنو معرفته لا تتعدى الضفة الشرقية للنيل الأزرق بدليل تعليقه
    والله يا خالد اخوى المشهد الفوق ده هسع كلو ماثل امامي طبعا دى منطقتنا زى ما ذكرت ليك وكنت دوما بوقف عربيتي تحت ضل اللالوبة ( بتحب اللالوب خالداخوى ؟؟؟) وبتامل في القطية المتواضعة والمزينة ببيضة النعام في رويسها وهي قطية هوندا ذاااااااااتها

    يالطيب يا أخوى هذا الشارع ما فيهو غير اشجار المانجو الضخمة والشاعر قال:

    شوف سايق الفيات
    الليلة كيفن هاش
    والشدر الكُبار
    بقى شوفنا لي طشاش
    قول لي دحين وين ماش
    فارقّتا الطريق
    إتْيامن الرماش
    يالسايق الفيات

    أنا بعتقد أنو هذه الأغنية تتحدث عن الطريق التحتانى لو وصفناه من سنجة إلى سنار ( عكس رحلة الشاعر ) ، فهو يمر بقرية فورتين (14) ثم الشلال ، الرماش ، زينوبة مروراً بخور عنيكليبة حتى أم شوكة فطيبة اللحويين حتى خط السكة الحديد.
    هذه المناطق ساحرة وبها مقومات سياحية لم أرى مثلها ، فهذا الشارع يمر بالمناطق المتاخمة للجنائن وكله أشجار ، وتأسرنى منطقة الشلال حيث ترى فيها إمتداد النيل و"إنشراره" بعد فترة التخزين حيث يغطى منطقة منخفضة متاخمة لها ويغطى جذوع الأشجار فى منظر آسر ، ويتكرر ذات المشهد بعد قرية " زينوبة" بالمرور بخور عنيكليبة " بالمركب" حتى أم شوكة اللسان الساحر الذى يمتد فى النيل الأزرق وموطن السمك الطازج ..
    شوف النهري مار
    بي خِشوع تقول هجسان
    أو مَرْ المنام
    بي مُقلة النعسان
    جلّت قدرتو
    ما أكفر الإنسان
    كم ينسى الجميل
    كم يجحد الإحسان
    ياالسايق الفيات


    كل الود والتحايا
                   |Articles |News |مقالات |بيانات

04-02-2008, 11:30 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    اخي ابو بكر

    Quote: أنا بعتقد أنو هذه الأغنية تتحدث عن الطريق التحتانى لو وصفناه من سنجة إلى سنار ( عكس رحلة الشاعر ) ، فهو يمر بقرية فورتين (14) ثم الشلال ، الرماش ، زينوبة مروراً بخور عنيكليبة حتى أم شوكة فطيبة اللحويين حتى خط السكة الحديد.


    طبعا انتم كنتم محامي الحكومة تتنقلوا من ديوان حكومة لديوان حكومة والخلاء ما بتشقوهو الا اكان عندكم معاينة لموقع حادث جنائي او خلافه . اما نحن فدوما مترحلين بين القرى والبوادي .

    عشان كده اجد نفسي - وبكل ادب واحترام مختلف معك في مسار عربة الفيات التي كانت تقل وقتئذ الشاعر العبادي وعمك نابري وفي رواية كان معهم الشاعر ود الرضى الذى كان يعمل في خزان سنار .

    الخارطة التي ذكرتها لا يمكن ان تكون مسار هولاء - انا شخصيا كنت كل اسبوع بمر بهذا الشارع قادما من السوكى عابرا النيل الازرق ببنطون السوكي مرورا بالرماش ثم 15 ومنها لسنجة وهذه كلها موازية للنيل الازرق .

    في هذا الطريق لا يمكن ان تتلتقيك الشلال ( نعم الشلال قريبة من الرماش ولكنها في خط غير ) ولا يمكن ان تتلتقيك زينوبة لان هذه ضهرة ولا حتى عنيكليبة وام شوكة وغيرها مالم تكون الرحلة دائرية .

    اخلص من ذلك ان المسار هو سنجة ثم فورتين والرماش ومنها لمشرع السوكى .

    مودتى
                   |Articles |News |مقالات |بيانات

04-02-2008, 12:30 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد المنسى وصولاً "لود شيقوق"
    الرحلة تتحدث عن الدرب " التحت " لربوع سنجة وهذا بائن ومذكور بكل صراحة........

    عود بي وأُخد سندا
    وبي الدرب التحت
    تجاه ربوع هُندا
    ياالسايق الفيات

    ثانياً يالطيب أخوى هى ( فورتين ) (14) من وين زدتها واحد فهى تأخذ إسمها من اللواء (14) المقيم بسنجة..... وأظنك ما بتعرف (14) .... ولا ياربى بتعرفها عشان كدا زدتها واحد.........

    هذا الطريق التحتانى يمر ( بعد 14) بود الجزولى ثم الرماش ... والدليل من الأغنية حيث ذُكرت الرماش ثم الشلال :


    شوف سايق الفيات
    الليلة كيفن هاش
    والشدر الكُبار
    بقى شوفنا لي طشاش
    قول لي دحين وين ماش
    فارقّتا الطريق
    إتْيامن الرماش
    يالسايق الفيات

    شقّا حشا الطريق
    وإتيمم الحللال
    زفنّو الكِلاب
    مانالن ألا علال
    فاضلات ثواني قُلال
    بينك والغروب
    داك مُشرع الشلال
    ياالسايق الفيات

    أزيدك من الشعر بيت ، قريتى " الشلال" و"الرماش" رغم موقعهم الجغرافى شمال سنجة إلا أنهما لا يتبعان إدارياً لها ( من خلال مجلس أم شوكة ) لأنهما يتبعان لريفى أبوحجار ( رفاعة الهوى).

    أعترف يا عقيد الدندر بالقنصة.... وخليك مع أبوالبنات.......


    أدعوك لجولة بهذا الطريق وسأكون دليلك السياحى .......فنحن والصعيد لا إنفصام لنا.....
                   |Articles |News |مقالات |بيانات

04-02-2008, 03:09 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    ود ابو القاسم / وصولا لود المنسي

    Quote: وأظنك ما بتعرف (14) .... ولا ياربى بتعرفها عشان كدا زدتها واحد.........


    بيني وبينك ما بتستاهل الزيادة يا بكري ؟ يا ريت اكان معاى النعمان خضر عمر اكان هسع سواها عاصمة سنجة ذاتها .

    Quote: هذا الطريق التحتانى يمر ( بعد 14) بود الجزولى ثم الرماش ... والدليل من الأغنية حيث ذُكرت الرماش ثم الشلال :


    نعم يا بكري وبالفعل ده هو المسار الحقيقي لنابري والعبادي .

    Quote: شوف سايق الفيات
    الليلة كيفن هاش
    والشدر الكُبار
    بقى شوفنا لي طشاش
    قول لي دحين وين ماش
    فارقّتا الطريق
    إتْيامن الرماش
    يالسايق الفيات


    روعة والله

    Quote: أزيدك من الشعر بيت ، قريتى " الشلال" و"الرماش" رغم موقعهم الجغرافى شمال سنجة إلا أنهما لا يتبعان إدارياً لها ( من خلال مجلس أم شوكة ) لأنهما يتبعان لريفى أبوحجار ( رفاعة الهوى).



    ابو بكر صاح 100% و ده هو المحيرني لحدى اليوم طبعا ناسنا ديل كلهم تابعين لحزب الامة واذكر من وجهائهم عمك اسماعيل جلجال عضو اتحاد مزارعي مشاريع النيل الازرق الزراعية ولعلك تدرك القضية الشهيرة التي مثل شخصكم فيها الاتهام وكان المتهمون فيها موسى ازهري وحسن معلا وغيرهم .

    Quote: أعترف يا عقيد الدندر بالقنصة.... وخليك مع أبوالبنات.......


    احسنت


    Quote: أدعوك لجولة بهذا الطريق وسأكون دليلك السياحى .......فنحن والصعيد لا إنفصام لنا..... [/

    QUOTE]

    نعم يا بكري وقول لي دحين وين ماش
    فارقّتا الطريق
    إتْيامن الرماش
    يالسايق الفيات

    معزتي
                       |Articles |News |مقالات |بيانات

04-02-2008, 05:36 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    والله يا ود المنسي
    بقيت للحمام زى شجرة يني البغشاها كلو يغني
    هسع السبب الجاب سلمى بت صبحي ترمي ليها ابيات وتمش ده شنو؟
    يمكن عندك عرق بنده ولا شنو؟
    ــــــــــــــــــــــــــــ

    الحبيب عقيد الدندر
    ودشيقوق
    شكيتك علي الله أنتَ بتعرف الخواجة يني ؟؟؟
    تعجبني فيك التلاعب بالألفاظ لتغير الأمثال والعِبارات المعهودة ودون خروج صريح من النص ..ما أبدعك .. وأنا فاهمك !!!
    سلمى صبحي والبقية من ألاخوات والأخوان تجمعنا الكلمة الطيبة نستجم بها من عراك المنبر الذي يفتل الرأس فتل .. وأنت حادي الركب يا جميل يا طيب المعشر.
    العرق عندي والعرق قوي ( كلمة طيبة أصلها في الأرض وفرعها يداعب عنان السماء )
    تأنسنا بحديثك حلو المذاق فينزل علينا برداً وسلامة وتسلم ياود شيقوق أدامك الله لنا أخ ونعم الأخ

    تحياتي ومودتي
                   |Articles |News |مقالات |بيانات

04-02-2008, 05:57 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    تعرف أنا تمالكت نفسى وأبيت أعلق على سائق الفيات منتظر تعليق " ودشيقوق " رغم المساجلة وإنفرادكما بالرطانى "أبوبكر " ، بالواضح كنت قانصلو وإتضح لى إنو معرفته لا تتعدى الضفة الشرقية للنيل الأزرق بدليل تعليقه
    ـــــــــــــــــــــــــــ

    أخي وعزيزي
    أبوبكر أبوالقاسم
    تحيتنا طيبة سلااااام
    طال الغياب بك يا ظريف .. علَّ المانع مشغوليات عمل لا غير ..
    هناك الكثير من النقاط في مداخلتك تحتاج لتعقيب لكن أبا وعصلج معي الأقتباس .. لذا عذرا سوف أرد على بعض النقاط والتي مازال يخزنها الدِماغ ( الكُبر حصل يا أبوبكر )

    أنا لا معرفة لي دقيقة بتلك المنطقة رغم أني رأيت تلك المناطق لكن في صغري بحكم عمل الوالد في اللواء 14 سنجة لفترة وكذلك جدي كان يعيش في سنجة.
    أتفق معك أنا اللواء هو اللواء 14 في سنجة

    المتتبع للقصيدة شعرا ممكن أن يعرف ذلك جليا ..
    أولا الدرب التحت قد يكون شرق أو غرب النيل الأزرق بحكم أن جرت العادة والمنطق أن يقال للأراضي قرب النهر تحت ( بحكم أكثر أنخفاضاً من غيرها ) لذا كل ما قرب النهر هو ( تحت ).
    المشكلة الكبيرة أن الشاعر الجميل العبادي تركنا مشلهتين ولم يذكر من أين بدأت رحلته مع الفيات وكنا أجزمنا أنه كان يسير شرق النيل أو غرب النيل.
    من خلال مداخلتكم أنت وحبيبي ودشيقوق أتضح لي أن قرية الشلال تقع في جهة من النيل قدتكون شرقاً أو غربا وكذلك قرية الرماش
    احب أن أعرف موقع الرماش من النيل ؟
    كذلك موقع الشلال من النيل ؟
    وكذلك ذكر العبادي المشرع ما هو ذلك المشرع ؟
    هل هو في الرماش ولا في الشلال ومشرع أخر ؟

    لك تحياتي أخي ابوبكر
                   |Articles |News |مقالات |بيانات

04-02-2008, 06:09 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    طبعا انتم كنتم محامي الحكومة تتنقلوا من ديوان حكومة لديوان حكومة والخلاء ما بتشقوهو الا اكان عندكم معاينة لموقع حادث جنائي او خلافه . اما نحن فدوما مترحلين بين القرى والبوادي .
    ـــــــــــــــــــــــــــــــــ

    عقيد الدندر
    ودشيقوق
    أنت تنفي أن تكون الشلال في نفس الطريق ..
    قد يكون ذلك... وحسب المسار في القصيدة هناك حلقة مفقودة
    السؤال هل هناك مشرع مراكب أو بنطون من الطريق الذي كان يسير فيه الفيات. لوفرضنا أنه كان مساره شرق النيل أو العكس والشلال غرب النيل أو العكس .. هل هناك مشرع يعدي من الشرق للغرب وينزلك على طول في الشلال .. لان العبادي ذكر في مساره أنه دلَّ سايق الفيات عليه ..

    شقّأ حشا الطريق
    وإتيمم الحلـلال
    زفنو الكِلاب
    ما نالّن ألا علال
    فاضلات ثواني قُلال
    بينا والغروب
    داك مشرع الشلال
    يا السايق الفيات

    تحياتي شيقوق
                   |Articles |News |مقالات |بيانات

04-02-2008, 08:43 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: السؤال هل هناك مشرع مراكب أو بنطون من الطريق الذي كان يسير فيه الفيات. لوفرضنا أنه كان مساره شرق النيل أو العكس والشلال غرب النيل أو العكس .. هل هناك مشرع يعدي من الشرق للغرب وينزلك على طول في الشلال .. لان العبادي ذكر في مساره أنه دلَّ سايق الفيات عليه ..


    شوف يا منسى صاح الاخ ابو بكر كان وكيل النيابة الاعلى الذى تخضع له كل تلك المناطق اما انا فمحامي اصول واجول في البلد بدون مساحة اختصاص محددة . الشلال نعم المشرع بالتاكيد بيكون باسمها لانها اقرب من الرماش للمشرع . اما ما ذكره اخي بكري عن زينوبة وعنيكليبة وام شوكة دهي بس العندي فيها راى .

    انت يا ود ال ..... عايز تفتني مع ود اعمي

    دحين كوسوفو فيها طلح؟
                   |Articles |News |مقالات |بيانات

04-02-2008, 09:00 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    شوف يا منسى صاح الاخ ابو بكر كان وكيل النيابة الاعلى الذى تخضع له كل تلك المناطق اما انا فمحامي اصول واجول في البلد بدون مساحة اختصاص محددة . الشلال نعم المشرع بالتاكيد بيكون باسمها لانها اقرب من الرماش للمشرع . اما ما ذكره اخي بكري عن زينوبة وعنيكليبة وام شوكة دهي بس العندي فيها راى .
    انت يا ود ال ..... عايز تفتني مع ود اعمي
    ـــــــــــــــــــــــ

    عقيد الدندر
    لا والله والله لا جاب الفتن
    فقط أشتبه علي الطير وحبيت أن أعرف مسار الرحلة
    حسب مساره في القصيدة يقول

    أولاً : دله علي الطريق إلى أين ينوي وأي الطرق يحب أن يسلك وهو الدرب التحت. المراد هو ديار المحبوبة هُندا ولم يذكر أسم ديارها لكنه ذكر ربوعها وهي كل تلك المناطق.
    عود بي وأخد سندا
    وبي الدرب التحت
    أتجاه ربوع هُندا


    وبعدها ميل بي ربوع عابدا أو عبدا ( ماهي ربوع عابدا )

    ثم طلب منه أن يميل على المشرع ( ماهو ذاك المشرع )

    ثم طلب منه أن أن يتيامن الرماش

    ثم عند الغروب قال له داك مشرع الشلال

    ثم كان ختام المسار وهو يقترب من ديار هُندا أن كان سيره قرب النهر
    وذاك نستشفه من وصفه للنهر وكذلك ما جرى من حديث بينه وبين من كنَّ واردات للنهر حينها

    أخويا شيقوق وأبوبكر والله من حبي لهذه القصيدة أحب أن أعرف تلك المناطق والشاف ما زي السمع

    تحياتي شيقوق

    (عدل بواسطة خالد علي محجوب المنسي on 04-02-2008, 09:03 PM)

                   |Articles |News |مقالات |بيانات

04-02-2008, 09:18 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: عقيد الدندر
    لا والله والله لا جاب الفتن
    فقط أشتبه علي الطير وحبيت أن أعرف مسار الرحلة
    حسب مساره في القصيدة يقول

    أولاً : دله علي الطريق إلى أين ينوي وأي الطرق يحب أن يسلك وهو الدرب التحت. المراد هو ديار المحبوبة هُندا ولم يذكر أسم ديارها لكنه ذكر ربوعها وهي كل تلك المناطق.
    عود بي وأخد سندا
    وبي الدرب التحت
    أتجاه ربوع هُندا


    وبعدها ميل بي ربوع عابدا أو عبدا ( ماهي ربوع عابدا )

    ثم طلب منه أن يميل على المشرع ( ماهو ذاك المشرع )

    ثم طلب منه أن أن يتيامن الرماش

    ثم عند الغروب قال له داك مشرع الشلال

    ثم كان ختام المسار وهو يقترب من ديار هُندا أن كان سيره قرب النهر
    وذاك نستشفه من وصفه للنهر وكذلك ما جرى من حديث بينه وبين من كنَّ واردات للنهر حينها

    أخويا شيقوق وأبوبكر والله من حبي لهذه القصيدة أحب أن أعرف تلك المناطق والشاف ما زي السمع

    تحياتي شيقوق


    منسي اسمع كلامي انا ده الكنت بوقف سيارتي كل يوم تحت ضل شدرة هوندا الزول ده ما يقول ليك جاى ولا جاى .

    النهر هو النيل الازرق والرماش والشلال الاتنين على ضفافه والمسافة بين القريتين لا تتجاوز 2 كيلو او تلاتة .

    الرحلة من سنجة مبارية النيل الازرق مارة ب 14 كما تفضل الاخ المستشار ابو بكر و14 دى بكل صراحة عرقيها يرمي على الشمامة بس ( ربنا يحميكم ويحمينا !!!!!!) ثم ود الجزولي ودى فيها بنات زى الريل ثم الرماش التي تقرب من النهر او النيل الازرق ودى اى الرماش محل البنات مع هوندة مدن الهين للعبادي وضيوفه مليان موية ليشربوا .

    ومن الرماش تتاكا على النيل ازرق تجاه بنطون السوكى لكنك بتشاهد الشلال من بعيد لكن ما بتمر بيها وقد تمر بيها في مواسم الخريف .

    هيييييييييييع امانة ما اخوك عاش اجمل ايامه في الفرقات دى .
                   |Articles |News |مقالات |بيانات

04-02-2008, 09:45 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)


    عقيد الدندر سلام
    لعله حالف الصواب في وصفك الأخير هذا
    أنا طبعاً متابع كلمات القصيدة فقط ولا علم لي بتلك المناقط على نحو دقتك وانت شاقيها في كل أسبوع مرة.
    والدليل .. عندما ذكر مشرع الشلال قال :

    باقيات ثواني قُلال
    بينك والغروب
    داك مشرع الشلال

    وضح من حديثك أن قريه هونده هي الرماش

    بعدين البنيات سقنّو بي كفوفهم

    نحن لينا الله وعيشة حمدالله
    شكرأ كتير ودشيقوق سوح وأدينا من المخبأ بين الضليعات الرهاف
    ودمت حبيب يا الحبيب
                   |Articles |News |مقالات |بيانات

04-02-2008, 10:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    شوف النهري مار
    بي خِشوع تقول هجسان
    أو مَرْ المنام
    بي مُقلة النعسان
    جلّت قدرتو
    ما أكفر الإنسان
    كم ينسى الجميل
    كم يجحد الإحسان
    ياالسايق الفيات
    ـــــــــــــــــــ

    لوحة جمال أبدع فيها العبادي وصفا
    عادة الأزرق العاتي دوماً مُهتاجة أمواجه وهجسانه عادة يكون في فصل الشتاء.
    هجس يا لها من كلمة تجمل موسيقاها معناها .. اي حالة إسترخاء وقد تكون غفوة وقد تكون جمّا من تعب وكلل زي هجسة ودشيقوق تحت شديرة طلح ظليلة غافياً من عناء الجري والشقاوة أيام جهلة ( بالسوداني ) حاشاهو الجهل أب راساً راسي ..

    أو مَرْ المنام
    بي مُقلة النعسان
    يا روعة التشبيه .. وكيف يمر المنام بالمقلة .. لكن قد نلحظها عندما يغالب النوم الإنسان نلاحظ تلك الأرتخاء التدريجي لجفون العين تغمد والحركة تكون في بطء شديد حالها كحال مياه أزرق ذاك اليوم الجميل الذي أرخه العبادي لنا.
                   |Articles |News |مقالات |بيانات

05-02-2008, 05:55 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي

    ود ابو القاسم

    ود ابو القاسم
    المنسي

    صباحكم خير

    Quote: مانفرن تقول
    شافن الكلام إلفا
    عطشان قلتا ليهن
    وصحّت البلفا
    مافيش كاس قريب
    قالن بدون كلفا
    تشرب بي كفوفنا
    حتا تتكفّا



    تخيلوا عبارة البلفة والتي تعني ( الخدعة ) - شاعرنا العبادي سحر بجمال هذه الفلوة وصار يصنع في الحيل للتقرب منها ولعل شاعرنا كان يدرك الكرم الفياض لانسان تلك المنطقة وبادر اليهن بالقول انا عطشان ولم يكن عطشان حقيقة بل كانت بلفة او خدعة كما قال وذكر لهن عدم وجود اناء ليشرب به الماء فما كان منهن الا القول له بدون كلفة تشرب بكفوفنا حت تتكفا .
                   |Articles |News |مقالات |بيانات

05-02-2008, 06:59 AM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ محجوب على المنسى تحية وإحتراما

    كالعادة إنشغلنا عنكم بالأمس بسسب "المجنونة" والمنافسات الأفريقية ....

    المسار المعنى يقع على الضفة الغربية للنيل ، فسنجة تقع على الضفة الغربية للنيل وكلمة "مشرع" تعنى مكان رِسو البنطون أو المركب وهى تُستعمل فى منطقة الصعيد والأوسط....

    كما سبق وأسلفت بأن منظر الرماش هو أجمل منظر عند تمدد بحيرة الخزان ( سنار ) فتتراجع المياه خلف البحيرة وتتمدد على منخفض ( خور) محاذى للنيل ولهذا قال عنه الشاعر ( هجس ) لأنها بعيدة عن المجرى الرئيسى وما فيها "تيار" أو "عِرِق " بالبلدى.

    عِرفت أنا ناكفت بزيادة (14) لـ ( 15) ليهى لأنو أخونا إعترف بسبب الزيادة الناتجة عن التعرق بسبب حر الكمائن....

    أخى ود المنسى ، إن كتب الله العمر أرجو أن نقوم بتوقيت الإجازات سوياً وصدقنى ستستغرب عن طبيعة ساحرة بكرة لم يتم إكتشافها ومنطقة " الرماش" تستحق أن يُقام بها "منتجع سياحى سيكون مشغولا طوال العام لأن كل تلك المناطق مليئة بالجنائن وأشجار الموز ومزارع قصب السكر على ضفاف النيل .... ربنا يسعدنا بإتمام تلك الزيارة.......
                   |Articles |News |مقالات |بيانات

05-02-2008, 09:28 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    أستفحل مرض سودانيزولاين فينا
    ها أنا قبل الذهاب للعمل أفتح
    برجع لكم حين ميسرة بإذن الله
                   |Articles |News |مقالات |بيانات

05-02-2008, 10:39 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ابو بكر
    Quote: المنسي

    وكلمة "مشرع" تعنى مكان رِسو البنطون أو المركب وهى تُستعمل فى منطقة الصعيد والأوسط....


    والمشرع تعنى المحل الماهلة على شاطي (قيف) النهر والتى يتدلى بها الناس بمواشيهم لشراب الموية . وايضا محل نزول البنات السمحات وهن يحملن الصفائح للوردة من ماء النهر .

    ورد اذا ورد البحيرة شاربا ورد الفرات زئيره والنيلا

    زمان يا بكري محلات وردة البنات بتكون مكان لتلاقى الاحباء وتجد الشباب دائما يتخفوا بالسدر والطلح القائم على القيف عشان الواحد يملآ بطاطيرو في محبوبتو وهى واردة .

    طبعا بعد بناتنا اتعلمن القراية والكتابة بقت الشغلانية فيها رسائل . يعنى تشوف ديييييييييييك عشيقتك شايلة الموية وتجدع في يديها ( اخوك تجدع السواعد ده كاسر فيهو ضلعة) وتلكع سريع وتبراها قريب قريب وتلصق ليها رسالة الحب وتحدد ليها قعر شدرة عشان تجهز الرد وبرااااااااااااحة تختو ليك وتغطيهو بطوبة او درابة وانت تكون حريّف بكرة تجى ماري باري الشجرة وتعمل فيها عايز تصلح السرج بتاع الدابة تنزل وتنتكي تتناول الرسالة وتدسها في جيبك وتمشى بيها بعيييييييييد تقراها عشرة مرات .

    لقيتوني كيف يا بكري؟

    هيييييييييييييع

    اكرمنا باغنية حب يا ود المنسي
    اخوك بحب قصة حب طويلة بيني وبينك والايام
                   |Articles |News |مقالات |بيانات

05-02-2008, 02:01 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ود المنسى سلام
    خليك فى شُغلك وخلينا نخلف ونشتم أنا وأخوى " ود شيقوق"

    لكن دحين يا أخوى ما نسيت إن مناسبة العيد التى يتم التصريح فيها بدخول كل المناطق المحظورة فى الحلة لكل البيوت أهل وجيران وحِبان والسلام على " ستات الخدور " ؟!
                   |Articles |News |مقالات |بيانات

05-02-2008, 04:14 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    ود ابو القاسم

    Quote: لكن دحين يا أخوى ما نسيت إن مناسبة العيد التى يتم التصريح فيها بدخول كل المناطق المحظورة فى الحلة لكل البيوت أهل وجيران وحِبان والسلام على " ستات الخدور " ؟!


    الله يسخطك ضحكتنى وذكرتنى

    انا زمان كنت راس هوس شديد اكان يوم العيد زى ما قلت تعطل الاشارات الحمراء ونمشى للعيدية اها شفت اخوك عندو شلة بحدد فيها ال road map الرود ماب دى اصلا ما بتمر بزولة شينة انتقائية عديل كده - يلا نبدا الحركة والجماعة تابعني وقت نجى ببيت واحدة شينة بقول ليها دوروا سايرييييييييييين نمشى المحطة الجاية فيها فلانة ام خدود وانا البحدد متى نغادر وزمن البقاء بتحدد من القيمة الجمالية للمزيورة يعنى اكان سمحة في تكية في السرير واكان نص نص شاى ونوري عرض اكتافنا
    اها انتو كيف ؟
                   |Articles |News |مقالات |بيانات

05-02-2008, 05:38 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    يعنى تشوف ديييييييييييك عشيقتك شايلة الموية وتجدع في يديها
    ( اخوك تجدع السواعد ده كاسر فيهو ضلعة)
    ـــــــــــــــــــــــــــــــــــ

    عقيدنا وعقيد الدندر سلاااااام
    سلااااام يا الطيب الهمام
    سلااااام يا راقي الهندام
    سلااااام ياالزوق كمال وتمام
    يدب فينا حديثك دبيب حلو مذاق الإحساس به ( كما فعل الأنامل ساعة إنجمامة على ساعد المحبوبة تارك حبال الفكر سراحة بعيييييد في شندي وضواحيها ).. نعم والله حديثك أنت والحبيب أبوبكر صحّى ذكريات صابها الخُمول في مؤخرة المخيخ
    ذكرني حديثك عن البنية شايلة الماء وتجدع في يديها ..

    بوبح جِيدو وأسبل واقل
    تلا اليمنى ومشى متاقّل
    يا المحبوب

    تحياتي شيقوق

    (عدل بواسطة خالد علي محجوب المنسي on 05-02-2008, 05:51 PM)

                   |Articles |News |مقالات |بيانات

05-02-2008, 05:48 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    لكن دحين يا أخوى ما نسيت إن مناسبة العيد التى يتم
    التصريح فيها بدخول كل المناطق المحظورة فى الحلة لكل
    البيوت أهل وجيران وحِبان والسلام على " ستات الخدور " ؟!
    ـــــــــــــــــــــــــ

    أخي الفاضل
    أبوبكر أبوالقاسم
    قبل أن أبدأ حديثي
    أقول ماشاءالله وربنا يزيد ويبارك ولا حولة ولا قوة إلا بالله وربنا يحفظكم من كل شيطان وهامة ومن كل عين لامة.
    سؤالي أنتم سوداني مسقط قبل دخول المطار بدوكم حقنة ( عسل ) والله كلكم طاعمين وحلوين وعينا باردة عليكم يا أهل الجمال والأنس والقول حسنى.
    أضحكني حديثك والحال من بعضو يظهر هو ديدن كل الشباب في كل مناطق السودان في هذا اليوم الجميل بس ما كنا بخبث شيقوق المسلط


    كان هناك مجنون في شندي وهو شاعر دوبيت .. في يوم من الأيام كان هناك وفاة وصادف أنه كان ماراً بذاك الحي ( حي الحجازة في شندي فوق ) المهم يجد النساء ذاهبات لبيت العزاء يتبهن ويدوبي ويعود بي العائدات من بيت العزاء وهكذا ظل اليوم كله يوصل فوج لبيت العزاء ويعود بي فوج .. كنا جالسين أنا وبعض صحبي فقال له واحد من الجالسين : يا عباس ما تعبتَ
    فرد عليه عباس : ( إن شاءالله كل يوم تموت عجوز في الحجازة عشان نشوف الشباب المدسي دا )

    تحياتي ابوبكر

    (عدل بواسطة خالد علي محجوب المنسي on 05-02-2008, 05:53 PM)

                   |Articles |News |مقالات |بيانات

05-02-2008, 09:55 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    مانفرن تقول
    شافن الكلام إلفا
    عطشان قلتا ليهن
    وصحّت البلفا
    مافيش كاس قريب
    قالن بدون كلفا
    تشرب بي كفوفنا
    حتا تتكفّا
    يا السايق الفيات
    ــــــــــــــــــــــــــ
    اللوحة الأخيرة في قصيدة العبادي وما أروعها من لوحة فيها للقلوب ميزان
    كان المرور بالفيات وكنًّ واردات النهر ( وقد أبدع الجميل شيقوق وصفا لهذا الموضوع وأن المورد المائي مهما كان ملتقى الأحباب خلسة.. لي الخايفين هواهم ينفضح ) وكت شافن العربية وناغمناهن سلاااما.. ما نفرن وشافن حديثنا كأنه مألوف لديهنَّ .. حيلة الشاعر وكما قال شيقوق أنه ذكر لهنَّ أنه عطش وبدور يروى لكن لا يوجد لديكنَّ كأسا ( إستطاع أن يمرر خِدعته عليهنًّ )
    فكان الرد الذي أشفى ما به حنين يعصر قلبه لهنَّ ( لومافي كأس نشربك بي كفوفنا حتى تروى )
                   |Articles |News |مقالات |بيانات

05-02-2008, 10:18 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)


    أنزل يا صديق
    شوف يديك البدرا
    وشوف حُسن البداوة
    الما لِمس بدرا
    ورّاد النهري هن
    أردوني لم أردا
    كاتيلن الصفار
    أم نضرة الخدرا
    يا السايق الفيات
    ـــــــــــــــــــــ
    حينها وصل الفيات قرب النهر ودخل الرماش ( زي ماقال شيقوق نظرة لصيدها تحوّص العين وحتى لو كان النظر ستة على ستة ) طلب الشاعر من رفيقه أن ينزل ويرى الجمال على طبيعته جمال بنات البادية التي لم تبهت نورته البدرة ومستحضرات التجميل الزائفة. جمالاً لو نظرته تنده المعين العالي أن يصح لسانك في قولة سلااام يا هوي وتتسمر تقيف تُج.
    هنَّ ظباء البادية واردات النهر .. أردني صريع ولم أرد ماءً أطفي ظمئي ماءً وهوى .. كاسي جمالهن اللون البهي الصافي صفار يحاكي التبر لونا وخدار نضر يحلو لنا أن نمية لون زينب وهو لون خلقت ربنا لم يخالط ( صحي يا أمبي ضُمّه )
                   |Articles |News |مقالات |بيانات

05-02-2008, 10:28 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    اكرمنا باغنية حب يا ود المنسي
    اخوك بحب قصة حب طويلة بيني وبينك والايام
    ــــــــــــــــــــــــ

    عقيد الدندر
    شيقوق أصبر ليا روق عقد الفكر مشغول
    شدهني ظبا الرماش والقلب صبح مشلول
    بجيك بالبجبر الحيل والتمام مصقول
    بمشي للرماش حت إن في عنقريب محمول

    خالد
                   |Articles |News |مقالات |بيانات

06-02-2008, 09:32 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    .
                   |Articles |News |مقالات |بيانات

06-02-2008, 07:20 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    نحوص شوية في دواخل شاعر من فحول الكلم الجميل سيد عبد العزيز
    ورائعته الجميلة

    مسّو نوركم وشوفوا
    من جبينا صباح
    والصباح إن لاح
    لافايدة في المِصباح

    هل أتاكَ حديث
    الكوكب النضاح
    قمرة تمطر خُمرة
    حارسا الفضاح

    لو تحيجنا محاسن
    شمس لي إيضاح
    ما تحيجنا محاسن
    محيها والوضاح

    نور جمالا دهشنا
    معشر الفصُاح
    بين ناطق صامت
    وبين صامت صاح

    غانية غانية محاسن
    فيها شوف يا صاح
    الجمال الفيهو
    كلِّ معنى وصاح

    القوام اللادن
    والأريج الفاح
    من جيسمّو الناعم
    أسمر التفاح

    خلـلا عقلي وخلـلا
    في حشايا كِفاح
    جيش هواها إحتلَّ
    قلعة الافصاح

    ياليالي أحبابي
    ماشفيتي جِراح
    بل شفيتي فؤادي
    بمدية الجراح

    صرتّا أتلو حديثك
    في الوجود بصراح
    كُنتَ ليهو كتاباً
    سُميتَ بالشراح

    نظرتَ فيكِ مناظر
    يعلم الفتاح
    لو قفلنا قلوبنا
    كانت لها مِفتاح

    أدري أو ما أدري
    صرتَّ كالمداح
    لو رِضاكِ هلكني
    أنا للهلاك أرتاح

    ما جنيت في هواكِ
    ضاع عليَّ جِناح
    إشتكيت للقمري
    لو يعيرني جناح

    إكفيك لساني الغنّا
    فِيكِ كم وكم ناح
    لو رثيت بو حياتي
    ما أحتجتَ لمناح
                   |Articles |News |مقالات |بيانات

06-02-2008, 09:02 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    قيل والله أعلم .. أن الشاعر كان مسافر من أم در لمدني لحضور العيد مع أهله في مدني .. وكان سفره ليلاً في لوري .. طيل الليل كان يسمع صوت جميل لبنت تحادث والدتها .. صار ينظر بزوغ ضوء الفجر ليرى وجه ذات الصوت الرخيم وفعلاً ومع بزوغ الشعاع الأول للفجر وهم ما زالوا موصلين عراكهم مع آنين اللوري يشق عباب أرض الجزيرة لمدني .. رأى قمر أربعطاشر في جسد إنسان .. فكان مولد القصيدة
    الجميلة هذه .

    وبالمناسبة كلمة
    مسو .... ليست عربية
    وقد قيل أنها كلمة فارسية ومعناها أطفو ( الله أعلم ).
                   |Articles |News |مقالات |بيانات

07-02-2008, 06:34 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي

    Quote: بوبح جِيدو وأسبل واقل
    تلا اليمنى ومشى متاقّل


    انا قايل دى فعائل سموحي البتجيب بيها ضقلك اتلولح وتاااااااااااااااااااح تنبرش ليها في الواطة تاخد علومك كلها وتفكك مطوطح ساااااااى وتغنى قام اتعزز اليمون عشان بالغنا في ريدو.
                   |Articles |News |مقالات |بيانات

07-02-2008, 09:56 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    انا قايل دى فعائل سموحي البتجيب بيها
    ضقلك اتلولح وتاااااااااااااااااااح
    تنبرش ليها في الواطة تاخد علومك كلها
    وتفكك مطوطح ساااااااى وتغنى قام اتعزز
    اليمون عشان بالغنا في ريدو.
    ـــــــــــــــــــــــــ

    إحردن وهلا هلا
    ماني العبوب والتليف بنبرش
    وماني السهيت كلامي كلو طرش
    بتعرفني يا ودشيقوق الحمش
    ما بجيب الكلام طقش طقش

    تحياتي عقيد الدندر
                   |Articles |News |مقالات |بيانات

07-02-2008, 10:27 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: إحردن وهلا هلا
    ماني العبوب والتليف بنبرش
    وماني السهيت كلامي كلو طرش
    بتعرفني يا ودشيقوق الحمش
    ما بجيب الكلام طقش طقش



    هيييييييييييييييييييييع
                   |Articles |News |مقالات |بيانات

07-02-2008, 11:31 AM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    قيف لِسَعْ

    وأقيف وأسمعْ ،

    ونحن صديرى منضوم ويلْ

    ونحن القَرمصيص ..بلحيلْ ،

    ونحن التوبْ

    ونحن الووبْ

    وناس حبوبْ

    وناس حَرّمْ

    ونحن إذا رأينا كبيرْ

    نقيف طولنا ..ونقولْ لُه ..حَبَابْ

    ونديه البُكَان ..ترحابْ

    ونحن. اليَانَا ديل .. يا زولْ

    وتسعلنى .. وتقول لِى منو

    وتقولِى شنو ،
                   |Articles |News |مقالات |بيانات

07-02-2008, 12:58 PM

أبي بكر سيد احمد
<aأبي بكر سيد احمد
تاريخ التسجيل: 27-11-2007
مجموع المشاركات: 339

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الحبيّب ود المنسي

    لا يوجد ماهو اوقع في النفس ... ولا احب الى القلب من الكلم الطيب

    ولذا يجمع العامه على محبة اصحابه ... ومن يجافون أطايب الكلم ... تكون العزلة حصادهم والنفور

    محتومهم

    ياليت قومنا في هذا المنبر .... يعلمون...

    ويا ليتك تضفي عليهم .. بعض الوسامه.. فيستلهمون اللغة الرفيعه ...وينأون بأنفسهم عن زبد الحديث

    نسأل الله السلامه...

    دمت يا صديقي

                   |Articles |News |مقالات |بيانات

07-02-2008, 04:34 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبي بكر سيد احمد)

    منسي

    ابو بكر السنجك

    Quote: ويا ليتك تضفي عليهم .. بعض الوسامه.. فيستلهمون اللغة الرفيعه ...وينأون بأنفسهم عن زبد الحديث


    حاسب يا منسي زولك ده شغال بالوكالة عن سماح الغائبة لاستقطابك
                   |Articles |News |مقالات |بيانات

08-02-2008, 07:43 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: وتسعلنى .. وتقول لِى منو

    وتقولِى شنو ،

    الأخ محمد فرح
    تحية طيبة سلاااام
    ليكَ البكان ترحاب
    ومرحب حبابك ألف يا ابو الرجال
    إنجم ولا تغيب عنا يا جميل
                   |Articles |News |مقالات |بيانات

08-02-2008, 07:48 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    فنانا الجميل
    أبي بكر سيد أحمد
    السلامة رافقتك أين ماحملت عصاة سفرك وأين ما حط رحلك يا جميل
    وليتها ( الكلمة الطيبة ) تكون لغة التخاطب بيننا .. فالدنيا تحلى
    ونحن نسعد ربي أدم السعادة بيننا
    شكراً كتير أبيبكر على الكلمات الطيبة

    ولك التحية والمودة
                   |Articles |News |مقالات |بيانات

08-02-2008, 07:50 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: حاسب يا منسي زولك ده شغال بالوكالة
    عن سماح الغائبة لاستقطابك

    عقيد الدندر
    سلاااام يا الهمام
    ماتخاف علي .. لكن أبي بكر حبيبنا الجميل
    ما بهون عليهو يعمل فينا كدا
                   |Articles |News |مقالات |بيانات

09-02-2008, 12:20 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    يا مريسيل تعال بوصيك
    في الرمال الصيد بلاقيك

    لحين ميسرة بجي بوريكم لما لقاني الصيد قال لي شنو

    أرقدوا عافية يا السمحين وزنين
                   |Articles |News |مقالات |بيانات

09-02-2008, 12:41 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: ماتخاف علي .. لكن أبي بكر حبيبنا الجميل
    ما بهون عليهو يعمل فينا كدا


    اخاف عليك شنو بعد خشمك اتملا طين ورقدت رماد
                   |Articles |News |مقالات |بيانات

09-02-2008, 01:03 PM

GamarBoBa
<aGamarBoBa
تاريخ التسجيل: 07-03-2002
مجموع المشاركات: 4985

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    حضور ومتابعة واستمتاع للآخر.
    يديك العافية ود المنسي واصل
    والكلمة الطيبة بتبقي ايوا
                   |Articles |News |مقالات |بيانات

09-02-2008, 01:25 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد على محجوب المنسى تحية طيبة

    ما دايرين نشغلك من "تأتير" الجنى الرايح وإنشاء الله جمعتوا بأهلو.....

    يا أخوى نحن ما بنعرف كثير فى تكنلوجيا إلصاق الأغانى ، وبالأمس راجعت مكتبة الأغانى ( الكاسيت ) ووجدت تسجيل " معتِّت ومعتق " للفنان عبدالكريم الكابلى وبدأ برمية ترمى من كثرة ما تحمله من معانى الشهامة والنبل والكرم كالآتى:

    جيتك بإمتثال صاحبى المكمل كيفى

    إبراهيم تمام عقلى ودرقتى وسيفى

    مطمورة غلاى ومؤنة خريفى وصيفى

    سترة حالى فى جارى ومساىّ وضيفى

    ثم بعد ذلك عرّج على الجنزير فى النجوم:

    إنت يا فرنيب جازم ما بتجيب لى عيب...........


    العيشتو مو عوايل وجدك بضبح الشايل............

    عارفك ما بتقصر فى الشرح والتوثيق والإبانة
                   |Articles |News |مقالات |بيانات

09-02-2008, 08:23 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: اخاف عليك شنو بعد خشمك اتملا طين ورقدت رماد

    يا ودشيقوق العقيد
    كيفنك
    الخيران كُتار وما أظنهم وتابا
    وبي كُتال دار جعل ما بفرحوا التسابا
    ماهم ناس كُتال الناس معانا نسابا
    والبيناتنا لابد حسبولا حسابا
                   |Articles |News |مقالات |بيانات

09-02-2008, 08:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: حضور ومتابعة واستمتاع للآخر.
    يديك العافية ود المنسي واصل
    والكلمة الطيبة بتبقي ايوا

    القمر بوبا وعليك تقيل
    تحية طيبة سلاااام
    تابع وإنجم وسمحة الإنجمامة تحت شديرة ضليلة اللت لبخ
    مفروشة بي رمل دقاق ومرشوشة
    العافية تغطيك يا أبوضراع
    نعم وتبقى الكلمة هي التي تجمعنا أخوة وأخوات

    ولك مني التحية والمودة
                   |Articles |News |مقالات |بيانات

09-02-2008, 08:38 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: جيتك بإمتثال صاحبى المكمل كيفى

    إبراهيم تمام عقلى ودرقتى وسيفى

    مطمورة غلاى ومؤنة خريفى وصيفى

    سترة حالى فى جارى ومساىّ وضيفى

    ثم بعد ذلك عرّج على الجنزير فى النجوم:

    إنت يا فرنيب جازم ما بتجيب لى عيب...........


    العيشتو مو عوايل وجدك بضبح الشايل............

    عارفك ما بتقصر فى الشرح والتوثيق والإبانة

    الحبيب الزين / أبوبكر أبوالقاسم

    أغنية الجنزير في النجومي
    قيلت في الفارس عبدالرحمن النجومي بعد عودته من حملة مصر أسير
    هي من الأغاني الجميلة وقد قالتها فيهو أخته بت النجومي عندما جئ به من مصر أسير ومقيد بالجنازير

    تقول فيها

    الجنزير في النجومي
    عقد الهيكل المنضوم
    وما بخاف
    في المحاصا دموم

    وغني لو يا أم رشوم
    دابي الروم شرابو سموم
    وما بخاف

    الليل لي النهار ما بدوم
    وظاهر اسمك كالنجوم
    وما بخاف

    وغنيت وجبتا كلام
    هو عاصي ومابسوقو زمام
    وما بخاف

    وغنيت وجب قولو
    وكضبو القالوا بدنولو
    وما بخاف

    التلب العرق تولو
    ما ترا الخزين قصر طولو
    وما بخاف

    ياعصفر النايرات
    ويا عاشميقتك السمحات
    ومابخاف

    ود ندو خايف وفات
    دخل التورا ساحق النات
    ومابخاف

    ود عز وفي عوايل
    وجدك في المحل شايل
    أضرب كفك الطايل
    ماترا الجنزير سمح وخايل

    وأنتَ يا عمسيب
    قادر وماتجيب لي عيب
    إسمك في الرجال فرنيب
    وأنتَ لي الضرس عرديب


    (عدل بواسطة خالد علي محجوب المنسي on 09-02-2008, 08:56 PM)

                   |Articles |News |مقالات |بيانات

09-02-2008, 08:32 PM

العوض المسلمي
<aالعوض المسلمي
تاريخ التسجيل: 27-11-2007
مجموع المشاركات: 14076

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد
    اهنيك علي الروعه
    وحب الناس ده ما ساهي ولا مطلوق
    تهانينا

    Quote: سايق الفيات

    عود بي وأُخد سندا
    وبي الدرب التحت
    تجاه ربوع هُندا
    ياالسايق الفيات

    بوصيك قَبُل تبدا
    سيرك وداك طريقّك
    سابق الرفدا
    مِنّك بعيد جبدّا
    حي هُندا المراد
    مِيل بي ربوع عبدا
    ياالسايق الفيات

    أطوي الأرض وأضرع
    من أفكارنا سيرك
    ياالفيات أسرع
    ميّل علي المُشرع
    لا ترِيع القطيع
    بتجفل الأدرع
    ياالسايق الفيات

    شوف سايق الفيات
    الليلة كيفن هاش
    والشدر الكُبار
    بقى شوفنا لي طشاش
    قول لي دحين وين ماش
    فارقّتا الطريق
    إتْيامن الرماش
    يالسايق الفيات

    شقّا حشا الطريق
    وإتيمم الحللال
    زفنّو الكِلاب
    مانالن ألا علال
    فاضلات ثواني قُلال
    بينك والغروب
    داك مُشرع الشلال
    ياالسايق الفيات

    يازين الشباب
    ياطيب الأخلاق
    يا أمين الصديق
    والناس علي الإطلاق
    من أيدي الصناعة
    يبعدو المِعلاق
    أنظر لي الطبيعة
    ومجد الخلـلاق
    ياالسايق الفيات

    أنزل يا صديق
    شوف يديك البدرا
    وشوف حُسن البداوة
    الما لِمس بدرا
    ورّاد النهري هن
    أردوني لم أردا
    كاتيلن الصفار
    أم نضرة الخدرا
    يا السايق الفيات

    شوف النهري مار
    بي خِشوع تقول هجسان
    أو مَرْ المنام
    بي مُقلة النعسان
    جلّت قدرتو
    ما أكفر الإنسان
    كم ينسى الجميل
    كم يجحد الإحسان
    ياالسايق الفيات

    مانفرن تقول
    شافن الكلام إلفا
    عطشان قلتا ليهن
    وصحّت البلفا
    مافيش كاس قريب
    قالن بدون كلفا
    تشرب بي كفوفنا
    حتا تتكفّا
    يا السايق الفيات


    يا سلاااااااام
                   |Articles |News |مقالات |بيانات

09-02-2008, 08:42 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: العوض المسلمي)

    Quote: خالد
    اهنيك علي الروعه
    وحب الناس ده ما ساهي ولا مطلوق
    تهانينا

    المسلمي تسلم
    يا سليم الزوق
    تحياتنا طيبة سلاااام
    لك منا التشكرات مشارك وأخ كريم تحب الجمال والطيبة
    وهي الدنيا شن فيها .. لما لا نعمرها بالطيب ونزرع كلامنا فيها طيبة وتربو عند المولى العزيز ويضاعفها لنا حسنات

    خليك قريب ولا تغيب عنا يا مسلمي
                   |Articles |News |مقالات |بيانات

09-02-2008, 08:46 PM

العوض المسلمي
<aالعوض المسلمي
تاريخ التسجيل: 27-11-2007
مجموع المشاركات: 14076

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد اخوي
    زول يلقي كلام حلو زي ده
    وناس تقطر من لسانها شهد وعسل
    افوت امشي وين
    خلاص ناس السياسه نطلقهم بالتلاته
    ولا نخليهم زواج متعه احسن ناس السياسه ديل
    من جنتكم وجنبكم دي كان لزوني ماني زاحي
    والزارعنا غير الله يجي يقلعنا
    وتسلم يا امير
                   |Articles |News |مقالات |بيانات

09-02-2008, 09:01 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: العوض المسلمي)



    أبو بكر ود أبوالقاسم
    عليك الله شوف جنس النضمي دا
    كف هسي ينكبو أخوان أمشلخ جوه الدارة
    ناس كبوشية وعلى رأسهم أخونا وحبيبنا كمال عطا

    شوف العوم البسون فوقوا دا
    أم توب مقلم تحاكي الوز في عوما

    تحياتي أبوبكر

    (عدل بواسطة خالد علي محجوب المنسي on 09-02-2008, 09:02 PM)

                   |Articles |News |مقالات |بيانات

09-02-2008, 09:08 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: خالد اخوي
    زول يلقي كلام حلو زي ده
    وناس تقطر من لسانها شهد وعسل
    افوت امشي وين

    المسلمي تسلم يا يابا
    ابقى وإتكاملنا تب
    لانقول لك دع السياسة إن كنتَ تهواها
    لكن نقول لك كلما كتر عليك الصقعي تعال وإنجم
    كباية مويتنا مغموصة فيها مسكا طيبة وتشرب وتسمع ماهو طيب منا
    أرقد عافية يا أبوالرجال

    تحياتي
                   |Articles |News |مقالات |بيانات

09-02-2008, 09:47 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ود المنسي كيفك

    يا ضو القبيلة الحق اغانيك الاخيرة في بوست يحلك الحل بلة قفلت البوست وغلبنا نرد على الناس
    طلع الاغاني عشان البوست يطلق بسويها انت يا الحويسد
                   |Articles |News |مقالات |بيانات

09-02-2008, 10:12 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: ود المنسي كيفك
    يا ضو القبيلة الحق اغانيك الاخيرة في بوست يحلك الحل
    بلة قفلت البوست وغلبنا نرد على الناس
    طلع الاغاني عشان البوست يطلق بسويها انت يا الحويسد


    دي ما يحلها ألا بكري
    أنا كان قادر أطلعها كان طلعتها
    مافي تحتها ( رد ) ( عدل ) عشان أمسحها
    ماعندي طريقة إلا أمسك كمبيوتري دا وأكسرو فوق رأسي في شان ترتاح مني يا شيقوق
    أخل لي بكري في البوست بتاعو دا وقول لي الشقي ودالمنسي جاط لي البوست بتاعي وحلني أحلك الحلا بلة

    ماعندي ليك حل وألا تعال وجيب طوريتك
                   |Articles |News |مقالات |بيانات

09-02-2008, 10:25 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)



    pluginspage=http://microsoft.com/windows/mediaplayer/en/download/
    id=mediaPlayer name=mediaPlayer bgcolor=#000000 showcontrols=true
    showaudiocontrols=true showtracker=-1 showdisplay=0 showstatusbar=0
    videoborder3d=-1 enabletracker=true
    src=/nsdoc/06ece687-494b-4c47-811e-b39392434543/?id=1158825828424
    url=/nsdoc/06ece687-494b-4c47-811e-b39392434543/?id=1158825828424
    autostart=-1 designtimesp=5311 loop=true>


    كان شافو ناس ابوبكر كانوا .......

                   |Articles |News |مقالات |بيانات

09-02-2008, 10:41 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    لكل الحلوين
    * حمامة السلام سلمى صبحي غيابك عنا أدخل الشك في نفوسنا عل غلطنا في حقك يا عزيزة وأصلو اللوم بجي بي الغفلات تعالي أنثري زرات حديثك الطيب بيننا

    * حاتم هاشم
    طال الغياب ولعل المانع خير .. إن شاء تكون في الكمبيوتر .. طل يا جميل بك فرحتنا تزيد

    * ممكونة وصابرا والله يصبرك .. أكيد مشاغل العيال أبعدتك عنا لكن مهما كان طلتك تفرحنا يا عود الفرح في ليالنا عودي عودي ونحن في انتظار

    * ريحانة البطانة وعز الحسن ودطلحة ( سمية ) أعرف وأعي مشكلتك هل ما زالت قائمة ندعو لك الله أن يحل المشكلة ونشوفك قريب وندعوه لك بالصحة والعافية تغطيكم أنت والبطان وأبوهم

    * تيسير المبارك
    يسر الله كل خطوة تخطيها سلاما بس عودي وطلي

    * طل الربيع في البكور ماجدة عوض خوجلي .. لا نحب أن ندعو عليك أن يكثر عليك المعمكا في البوستات حتى تعودي تنجمي بيننا نريد عودتك دون معمكا .. عودي يا عزيزة
                   |Articles |News |مقالات |بيانات

09-02-2008, 10:59 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: ماعندي طريقة إلا أمسك كمبيوتري دا وأكسرو فوق رأسي في شان ترتاح مني يا شيقوق


    حرم الكتل الرقبة اخير منك انت سويتها طاااااااااااااااااااااب الله يجازي محنك

    تخريمة

    انت عارف يا اخوى القمر بوبا دى انتاية مو ضكر شايفك راكبها يا اخوى يا اخوى
                   |Articles |News |مقالات |بيانات

10-02-2008, 00:24 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: حرم الكتل الرقبة اخير منك انت سويتها
    طاااااااااااااااااااااب الله يجازي محنك

    تخريمة
    انت عارف يا اخوى القمر بوبا دى
    انتاية مو ضكر شايفك راكبها يا اخوى يا اخوى


    تاني يا ودشيقوق كان أجيك في بوست تجيني الجات للجعلين في كتلت نمر
    خلاااااس بعد النبيح السويتو فوقي دا تاني ختيت في بكانك طوبا غبشا

    ردا علي تخريمتك البي الدرب التحت قرب قطية هُونده وفوق راسها بيضة نعام
    عليك الله القمر بوبا بنت ما ولد
    الله شكيت رقبتي علي الله
    مالي بقت سواقتي شترا .. ( عسمتا بوستك ألف أحمر ) وأنادي في البنية الزينة دي يا اخي يا اخي
    مشكلتي ماقاعد أرجع للبروفايل بس بشبه وبسلااام.
    تعرف الايام دي .. من يوم الجمعة بكري رجا البوست وهزا هزة شديدة .. جاتني في بروفايلي صورة شافع أمو ابو سودانين .. وصورة ولدي زاغت أها من يومها وأنا يزرزروا فيني زي كاتل الروح .. ( أظنك متزوج سودانية وداسيها مننا خلوني بقيت براي أكورك إحلني الحلا بلة ).
    تسلم يا شيقوق كدي النرجع نطايب خاتر البنية القمر بوبا

    (عدل بواسطة خالد علي محجوب المنسي on 10-02-2008, 00:29 AM)

                   |Articles |News |مقالات |بيانات

10-02-2008, 00:33 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: حضور ومتابعة واستمتاع للآخر.
    يديك العافية ود المنسي واصل
    والكلمة الطيبة بتبقي ايوا


    ود شيقوق عاد أصدقك انتَ ولا أصدق البروفايل
    في البروفايل ( Male )

    والله حيرتني
    القمر بوبا أفتي لنا في الأمر
    ولكما التحية القمر بوبا وشيقوق

    (عدل بواسطة خالد علي محجوب المنسي on 10-02-2008, 00:35 AM)

                   |Articles |News |مقالات |بيانات

10-02-2008, 01:22 AM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)



    مشكووور يا أبو أحمد على سؤالك و إهتمامك...
    لكن يا سيدي نوم قفا..
    تقدر تقول إني سااااااكنة هنا...!

    و كمان عشان ما تقول ممكونة دي بخيلة و جاتنا يدها فاضية..
    جبت ليك معاي و لكل عُشاق الإنجمامة..
    مقطع من مرثية رقية أخت عبد القادر ود حبوبة ...

    الواعي ما بوصو
    من أمس الضحى
    توري أب زنود ساقو
    يا مقنع ولياتو


    أداء....زميلنا ( المفقود ) عاصم البنا..


                   |Articles |News |مقالات |بيانات

10-02-2008, 06:28 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: mamkouna)

    دعني اخي الحبيب وقبل المداخلة ان احيي طيبة الذكر الاخت الكريمة الاستاذة Mamkuna على هذه المكرمة مستهدفة بها قلوب اهل القرى والبوادي لانو الكلام ده لا يحرك وجدان ناس البندر والرطانة .


    Quote: ود شيقوق عاد أصدقك انتَ ولا أصدق البروفايل
    في البروفايل ( Male )


    يا حليلك انت هسع قايل المكتوب في البروفايلات ده حقيقي ؟

    اجازي محنك كتفت بوستي وخليتو معسّم وبقيت تتجدع براك في الصقيعة دى

    الرطاني اتحير يا ود المنسي صار يكتب في نوتة ويروح كايس محل ينزل شتايمو لحدى يتلهدم ليك بالغلط في واحد من البوستات دى ويصادف ليك زولا لسانو سليط يخلي ليك اقل من السمسمة.
                   |Articles |News |مقالات |بيانات

10-02-2008, 01:27 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: و كمان عشان ما تقول ممكونة دي بخيلة و جاتنا يدها فاضية..
    جبت ليك معاي و لكل عُشاق الإنجمامة..
    مقطع من مرثية رقية أخت عبد القادر ود حبوبة ...


    دا أنا البقول فيك
    أنت الكرم والجود وقف عند بابك
    ياممكونة وصابرا سعداً لي أصحابك
    تحلي الممكون موكر والوقع متشابك
    تسلمي ياالراقية والحسن ديدابك

    خالد

    بك الإنجمامة تحلى قعدتها يا آصيلة وراقية .. أخت ودحبوبة قالت فيه الكثير الجميل ...
    تور بقراً جواميسن عليك الرك
    يا عقد الحديد لي الحلبي مابتنفك
    تورك ياأم رشوم في الحلق عشرق
    فكيت القسى وجنن مشارع الحق

    نعم كان كما قالت ودحبوبة عبدالقادر في صبره وبنية جسمه مثل تور الجواميس
    وكان من القوة مثل عقدة جنزير محكمة حتى الحلبي ال\ي لا يقف أنامه الحديد يقف حائر أمامها ولا يستطيع فكها
    وبعد الوصف الجميل تندب حظها في أخيها في عز شبابه ختفه الموت وكان مرارة قُصة فراقه عشاريق في حلقها وكيف لا تحزن عليه وهو من أقلق عين الفرنج.

    تخريمة بي الدرب التحت
    عصام البنا صديق وأعرفه من زمن بعيد
                   |Articles |News |مقالات |بيانات

10-02-2008, 01:33 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: يا حليلك انت هسع قايل المكتوب في البروفايلات ده حقيقي ؟
    اجازي محنك كتفت بوستي وخليتو معسّم وبقيت تتجدع براك في الصقيعة دى
    الرطاني اتحير يا ود المنسي صار يكتب في نوتة ويروح كايس محل ينزل
    شتايمو لحدى يتلهدم ليك بالغلط في واحد من البوستات دى ويصادف ليك
    زولا لسانو سليط يخلي ليك اقل من السمسمة.


    والله نحن البكتب بنرد لي حسب ماهو كاتب نحن المساكين أدينا اسمنا لجدنا الخامس وأسم أماتنا وناس الجيران كمان ...
    والله الرطاني كرهني أسحب ألغي ألغي أسحب .. قلت لي أنا كان لاقي ( عدل ) بدور مشورة منك ... غايتو الرطاني دا الله لا جعلو علينا ولي بكرهنا البلد

    (عدل بواسطة خالد علي محجوب المنسي on 10-02-2008, 06:43 PM)

                   |Articles |News |مقالات |بيانات

10-02-2008, 06:55 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    بتقدل بي صراحي
    وساهر فوق مراحي
    والكايس الشر
    بلقاني دايما صاحي

    دا مو حديثي دا حديثا زولا تاني أمكن أكون عقيد الدندر ودشيقوق
                   |Articles |News |مقالات |بيانات

10-02-2008, 09:29 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    من جديد جيت تاني تكسر
    صمتي بالنظرة الخجولة


    يا أمل عمري القبيل
    يا سنين عامرات فصولا


    وماقدرتا أنساك من زمان
    بس ضاعت أيام الطفولة

    (عدل بواسطة خالد علي محجوب المنسي on 10-02-2008, 09:31 PM)

                   |Articles |News |مقالات |بيانات

11-02-2008, 08:18 AM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد على محجوب المنسى تحية طيبة

    من باب الغربة وذكر الوطن قال بعضهم:

    أرض الرجل أوضح نسبه ، وأهله أخصّ حسبه.

    وقيل لأعرابى : كيف تصنع بالبادية إذا اشتد القيظ وانتقل كل شيئ ظله ؟

    قال : وهل العيش إلا ذلك ؟ يمشى أحدنا ميلاً فيرفضُ عرقاً ، ثم ينصب عصاه ، ويُلقى عليه كساه ، ويجلس فى فيّه ، ويكتال الريح ، فكأنه فى

    إيوان كسرى.
                   |Articles |News |مقالات |بيانات

11-02-2008, 09:21 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: وقيل لأعرابى : كيف تصنع بالبادية إذا
    اشتد القيظ وانتقل كل شيئ ظله ؟

    قال : وهل العيش إلا ذلك ؟ يمشى
    أحدنا ميلاً فيرفضُ عرقاً ، ثم ينصب عصاه ،
    ويُلقى عليه كساه ، ويجلس فى فيّه ،
    ويكتال الريح ، فكأنه فى

    إيوان كسرى.

    ابوبكر سلااااااااام يا ودابوالقاسم
    اي والله فيها طعم الحياة الطبيعي بعيدا عن المصائب التي جلبتها التكنولوجيا القابض في ضنبها الرطاني ومتسدرها ..
    ليت الرطاني ( ابوبكر سيدأحمد ) وطابوره الخامس ( سماح ) يعون
                   |Articles |News |مقالات |بيانات

11-02-2008, 10:09 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: بتقدل بي صراحي
    وساهر فوق مراحي
    والكايس الشر
    بلقاني دايما صاحي

    دا مو حديثي دا حديثا زولا تاني أمكن أكون عقيد الدندر ودشيقوق


    ده ما انا انت خلاص عقلك لحستو سماح وفاااااااااااااااااااااااااااااااااااااااااتت يا حليك بقيت تتلفت سااااااااااى _ انا زمان مش قتلك ( بضم القاف وتسكين التاء وفتح اللام هيييع) خوة الرجال تجارة وال ........ خسارة .
                   |Articles |News |مقالات |بيانات

11-02-2008, 11:27 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    الأخ الفاضل خالد محجوب...
    عساك والأسرة بألف خير...
    قرأت عن عجائب الرقم سبعة وأحببت أن اضيفها هنا....

    عجائب الدنيا "سبعة"
    رؤيا ملك مصر "سبعة"
    يؤمر الفتى بالصلاة عند سن السابعة
    الطواف حول الكعبة "سبعة"
    السعي بين الصفا والمروة "سبعة"
    عدد آيات الفاتحة "سبعة"
    أبواب النار "سبعة"
    عدد الجمرات "سبعة"
    عدد البحار "سبعة"
    المعادن الرئيسية في الأرض "سبعة"
    العلم توصل الى "سبعة" أنواع أساسية من النجوم.
    وتوصل أيضا الى "سبعة" مستويات مدارية للألكترون...... تلك ال"سبعة" مستويات حول النواة .
    وتوصل العلم ل "سبعة" ألوان للضوء المرئي والى "سبعة" اشعاعات للضوء الغير مرئي .............!!
    وكذلك "سبعة" أطوال لموجات تلك الاشعاعات.
    توصل العلم أيضا الى أن الانسان يتكون من "سبعة" (فهو يتكون من ذرة ، جزيئه ، جين ، كروموسوم ، خلية ، نسيج ، عضو)
    مضاعفة الحسنة في "سبعة" سنابل.
    مواضع السجود في القرآن "سبعة"
    تكبيرة العيدين "سبعة" تكبيرات .
    في الحج نطوف "سبعة" مرات حول الكعبه..ونسعى "سبعة" أشواط..ونرمي الجمار "سبعة" مرات
    وفي كل مرة نرمي "سبعة" جمرات
    ألوان الطيف الرئيسية "سبعة"
    وعدد أيام الأسبوع "سبعة"
    ودورة القمر حول الأرض أربع "سبعات" ( 28 يوما )
    عدد قارات العالم "سبعة"
    الوان قوس قزح "سبعة"؟
    ذكر في القرآن السماوات "سبعة"
    السنابل "سبعة"
    البقرات "سبعة"
    "سبعة" يظلهم الله بظله يوم لاظل إلا ظله : 1- الإمام العادل. 2- شاب نشأ في عبادة الله. 3- رجل قلبه معلق بالمساجد. 4- رجلان تحابا في الله .. اجتمعا عليه وافترقا عليه. 5- رجل دعته إمرأة ذات منصب وجمال قال إني أخاف الله. 6- رجل تصدق بصدقه فأخفاها .. حتى لاتعلم يمينه ما أنفقت شماله. 7 - رجل ذكر الله خاليا ففاضت عيناه بالدموع .
    وأخيرا وليس آخرا
    فإن شهادة التوحيد .. عدد كلماتها "سبعة"
    لا _ إله _ إلا_ الله _ محمد _ رسول _ الله


    تقديري....
                   |Articles |News |مقالات |بيانات

11-02-2008, 06:55 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    Quote: ده ما انا انت خلاص عقلك لحستو سماح وفاااااااااااااااااااااااااااااااااااااااااتت يا حليك بقيت تتلفت سااااااااااى _ انا زمان مش قتلك ( بضم القاف وتسكين التاء وفتح اللام هيييع) خوة الرجال تجارة وال ........ خسارة .


    ود شيقوق

    سلااااااام

    رأسي راسي ورزين ومابتلعّب علي بي هين
    من تبيت قرح فوق العديل والسمح متيامن
    وما بسوي العوج وبي الشينة ما بتباين
    ياشيقوق عُرفنا ( المرأة تاج الرؤوس باين )

    (عدل بواسطة خالد علي محجوب المنسي on 12-02-2008, 00:09 AM)

                   |Articles |News |مقالات |بيانات

11-02-2008, 06:58 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: الأخ الفاضل خالد محجوب...
    عساك والأسرة بألف خير...
    قرأت عن عجائب الرقم سبعة
    وأحببت أن اضيفها هنا....


    حمامة سلامنا
    سلمى صيحي
    تحية طيبة سلااااام
    طال غيابك طال يا سلمى
    شكراً كتير علي السبعات فعلاً لهذا الرقم معجزات

    تحياتي ومودتي
                   |Articles |News |مقالات |بيانات

11-02-2008, 07:13 PM

مازن الجمّال
<aمازن الجمّال
تاريخ التسجيل: 08-02-2008
مجموع المشاركات: 797

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الاخ العزيز خالد

    وكل الناس المشاركة في البوست الجميل ده

    متابع البوست ده لي كم يوم وما كنت عارف اشارككم بي شنو

    عندي ابيات كان كتبتها قبل كده في لحظة ما كنت عارف انا مالي زاتو

    اسمحو لي اشارك بيها

    كتبتها في غنماية

    وياريت لو قدرت اسرق ضحك ولا ضحكتين منكم :



    ضلافينك جميلة وكت

    تعفصي طين قليبي حنان

    وتقدلي زي سخل منداح

    بسابق في ضنيبو الكان

    بهش ضبان ثقيل متلم

    ويرقص لما تمشي كمان

    عيونك سر جمالا قضا

    ملايس خافي حوصاً بان

    حلات اضنينك النازلات

    وواصلة حليقك الضهبان

    وصوتك ميييع بهرني كمان

    بيسحر كل تيوس الضان .
                   |Articles |News |مقالات |بيانات

12-02-2008, 00:17 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: مازن الجمّال)

    Quote: وياريت لو قدرت اسرق ضحك ولا ضحكتين منكم :



    ضلافينك جميلة وكت

    تعفصي طين قليبي حنان

    وتقدلي زي سخل منداح

    بسابق في ضنيبو الكان

    بهش ضبان ثقيل متلم

    ويرقص لما تمشي كمان

    عيونك سر جمالا قضا

    ملايس خافي حوصاً بان

    حلات اضنينك النازلات

    وواصلة حليقك الضهبان

    وصوتك ميييع بهرني كمان

    بيسحر كل تيوس الضان .

    الأخ الجميل / مازن الجمّال
    تحية طيبة سلااام يغشاك
    في يوم بعد رشة دوعاش عصرية مصنقر فوق هبابي وخالف كراع علي كراع تتبسم وتعاين فوق غنمايتك
    سعيدة والله الغنماية التي وجدت منك هذا الكلام
    حضورك معنا فقط يجلب لنا السعادة وتعلو البسمة شفاهنا
    لا تجعل بينا سداً فالكلمة الطيبة هي التي تبسطنا وتفرحنا
    مشاركتك أفرحتنا وسعدنا بمرورك الجميل
    تسلم ولا تغيب
                   |Articles |News |مقالات |بيانات

12-02-2008, 06:20 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منسي

    Quote: ياشيقوق عُرفنا ( المرأة تاج الرؤوس باين )


    ات قايلك نضمك ده بجيب لك مريسة ام زين؟
                   |Articles |News |مقالات |بيانات

12-02-2008, 09:34 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: ات قايلك نضمك ده بجيب لك مريسة ام زين؟

    مريسة أم زين بخيتا وسعيدة عليك
    أسكت اروى عشية وسوي الدية
    بنجي حجازين
                   |Articles |News |مقالات |بيانات

12-02-2008, 09:42 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: مريسة أم زين بخيتا وسعيدة عليك


    بديك عبّار معاى مبسوط

    وكان كترت ................ حبوبتك
                   |Articles |News |مقالات |بيانات


[رد على الموضوع] صفحة 3 „‰ 10:   <<  1 2 3 4 5 6 7 8 9 10  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de