إنجمامّة ... والدنيا فانية .. ومابتدي حريف .. الكلمة الطيبة تبقى

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-11-2018, 03:26 AM الصفحة الرئيسية

مدخل أرشيف الربع الاول للعام 2008م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
22-01-2008, 09:30 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    Quote: تفائلوا بالخير تجدوه.....

    العزيزين
    حمامة السلام ( سلمى صبحي )
    وسكر البوستات الطاعم ( ودشيقوق )
    بكما يا حلوين نبدأ الصفحة الثانية كان شرف الصفحة الأولى لريحانة البطانة درة الحسن ودطلحة .. وأنا بكم سعيد وأنتم جمال الروح ورود فواحة تنفح بالشذى حتى أنوف الساريقها. وأنتم السِهام ملتهبة للقوس الذي إرتخت أوتاره حزنا وألم لفراق أرض الحبايب والأهل.

    إنجمامتنا في الصفحة الثانية وعلها تكون بهجة وجمال مع غناء الحماسة في السودان .. الكلمة الطيبة التي تزرع أرقى وأجمل الخصال وتظل كالمقود والرسن تحدو بنا للسمو بجمال خِصال أهلنا الحلوين .. وبرضو تبقى الكلمة الطيبة أصلها ضارب في الأرض غرسا وفرعها يداعب أعنان السماء.

    لكما التحية والمودة توأم البهجة والسرور تنضحا جمالا ( سلمى وشيقوق )

    (عدل بواسطة خالد علي محجوب المنسي on 22-01-2008, 09:37 PM)

                   |Articles |News |مقالات |بيانات

23-01-2008, 05:54 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)



    أنا سوداني أنا...
                   |Articles |News |مقالات |بيانات

23-01-2008, 07:53 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    Quote: حمامة السلام ( سلمى صبحي )


    وبس ؟ مالك نسّاي يا منسي - دى اى حاجة

    يلا يا سلمي ولعي النيران عدييييييييييل كده نحن معاك ورمزك يكون (عجبييييييييييييييييييييي)
                   |Articles |News |مقالات |بيانات

23-01-2008, 08:01 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    منسي

    بت طلحة

    Quote: نبدأ الصفحة الثانية كان شرف الصفحة الأولى لريحانة البطانة درة الحسن ودطلحة .. وأنا بكم سعيد وأنتم جمال الروح ورود فواحة تنفح بالشذى حتى أنوف الساريقها. وأنتم السِهام ملتهبة للقوس الذي إرتخت أوتاره حزنا وألم لفراق أرض الحبايب والأهل


    كما نغدو شاكرين للدور الهام الذى لعبته الاستاذة الجليلة سمية الحسن طلحة لادائها المتميز واسلوبها العقلاني الذي جعل البعض يصنفها من اميز الكتاب في هذا المنبر . فلا غرو فهي من الدهاقنة الذين لا يشق لهم غبار ومن البطانيين الذين سجلوا اسماءهم في سجل الدوبيت . دعونا اخوتى نبقى مع سياستها الخارجية اولا ومن ثم نعرج للحديث عن السياسة الخارجية بلعوتها وسروبها وسدرها وكترها وضريساتها ..

    هييييييييييييييع
                   |Articles |News |مقالات |بيانات

23-01-2008, 09:50 AM

Tayseer Elmobarak

تاريخ التسجيل: 24-09-2007
مجموع المشاركات: 182

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
                   |Articles |News |مقالات |بيانات

23-01-2008, 01:56 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: Tayseer Elmobarak)

    Quote: أنا سوداني أنا...

    حمامة السلامة سلمى صبحي
    بت شندي وبتنا

    شكرا كتير على اللوحة الجميلة

    ولك مودتي وتحياتي

    (عدل بواسطة خالد علي محجوب المنسي on 23-01-2008, 02:02 PM)

                   |Articles |News |مقالات |بيانات

23-01-2008, 02:01 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: وبس ؟ مالك نسّاي يا منسي - دى اى حاجة

    يلا يا سلمي ولعي النيران عدييييييييييل كده نحن معاك ورمزك يكون (عجبييييييييييييييييييييي)


    عقد الدندر وسكر البوستات
    سلمى حمامة سلااام المنبر ترفرف أجنحتها تنثر السلااام أين ما حلت واين ماوجدت
    وهي كذلك بت شندي أرضعتها تلك المدينة الطيبون أهلها الطيبة العفوية

    وهي بنت العلامة الأديب الدكتور حسن عباس صبحي عليه رحمة الله ومغفرته
    وهي علم في رأسه نار
    وهي الكلمة الطيبة
                   |Articles |News |مقالات |بيانات

23-01-2008, 05:41 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: خالد .. بحر الطيبة الصافي .. أها الحماسة دي شي تاني .. مشاركة بسيطة

    تيسيــــر المبارك
    تحياتي سلااااام يا طيبة
    مرورك وحضورك يسر مهجتنا
    مشكورة شديد وشديد على المشاركة وابقي قريبة
    أنا أفتكرتك سافرتي

    ولك التحية والمودة يا أميرة
                   |Articles |News |مقالات |بيانات

23-01-2008, 05:46 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
                   |Articles |News |مقالات |بيانات

23-01-2008, 05:57 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: كما نغدو شاكرين للدور الهام الذى لعبته الاستاذة الجليلة سمية الحسن طلحة لادائها المتميز واسلوبها العقلاني الذي جعل البعض يصنفها من اميز الكتاب في هذا المنبر . فلا غرو فهي من الدهاقنة الذين لا يشق لهم غبار ومن البطانيين الذين سجلوا اسماءهم في سجل الدوبيت


    سمية ريحانة الحسن ودطلحة وبطانتها
    أهل لكل ماقلت ياودشيقوق بل تزيد .. سمية كالبحر الهادر لا يضمها ساحل ولا يمكن في كلمات أن نعطي سمية حقها الذي هضم كثير ..
    تسلم يا شيقوق
    تحياتي لك وللشاعرة المرهفة الملكة سمية
                   |Articles |News |مقالات |بيانات

27-01-2008, 08:53 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    (عدل بواسطة salma subhi on 27-01-2008, 08:54 PM)

                   |Articles |News |مقالات |بيانات

23-01-2008, 07:10 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24866

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    عزيزى فيصل ..... مسكاقنا

    ها هو الرائع الرقيق بلدياتى الما منسى ود المنسى يواصل اشراقاتة

    وابداعاتة فى كل ما يسمو بالنفس البشرية ويرفعها عن البغض والكراهية

    ويحلق بها عاليا فى سماوات الحب والالفة.ولا املك الا ان ارسل لة

    هذة المختارات مشاركة متواضعة فى هذا البوست الفنان من راجل انسان



    طوبى لمن طاب كسبه .. وصلحت سريرته .. وكرمت علا نيته .. وعزل عن الناس شره .. طوبى لمن عمل بعلمه .. وانفق من فضل ماله .. وامسك بالفضل من قوله


    الحب الحقيقي ليس في تشابك الأيدي
    .. ولكن في تشابك القلوب


    الرجال أربعة :
    رجل يدرى .. ويدرى انه يدرى .. فهو عالم فسألوه
    ورجل يدرى .. ولا يدرى انه لا يدرى .. فهو ناس فذكروه
    ورجل لا يدرى .. ويدرى انه لا يدرى .. فهو جاهل فعلموه
    ورجل لا يدرى .. ولا يدرى انه لا يدرى .. فهو أحمق فاجتنبوه
    ( الخليل ابن احمد )




    * قال: الاخوان ثلاثة..... اخ كالغذاء تحتاج اليه في كل وقت.
    اخ كالدواء تحتاج اليه احيانا.
    اخ كالداء لا تحتاج اليه ابدا.


    جميل جدا ان تجعل من عدوك صديقا .واجمل ألا يتسع قلبك للعداوةفتكرهه على تحويلها إلى صداقة .
    - ليس العار في ان نسقط .. ولكن العار ان لانستطيع النهوض




    قال حكيم : الناس في الخير أربعة : فمنهم من يفعله .. ابتداء، ومنهم من يفعله .. إقتداء .
    ومنهم من يتركه .. حرماناً ، ومنهم من يتركه .. استحساناً ..
    فمن يفعله ابتداء ....... كريم!
    ومن يفعله اقتداء ....... حكيم !
    ومن يتركه استحساناً ...... غبي!
    ومن يتركه حرماناً ........ شقي !

    (عدل بواسطة فيصل محمد خليل on 23-01-2008, 07:46 PM)

                   |Articles |News |مقالات |بيانات

04-02-2008, 08:49 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20312

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    خالد

    على سبيل التحية

    Quote: الأم
    مجملها دوماً كلمة طيبة. فهيا نتخذها ديدن لحياتنا نغلط صغار ونغلط ونحن كبار وهي عافية وراضية منا.
    فطم لسانها على كلمة ( عافية منك وراضية عنك سو رضايا )


    و التحية لكل أم سودانية
                   |Articles |News |مقالات |بيانات

04-02-2008, 08:50 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20312

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    خالد

    على سبيل التحية

    Quote: الأم
    مجملها دوماً كلمة طيبة. فهيا نتخذها ديدن لحياتنا نغلط صغار ونغلط ونحن كبار وهي عافية وراضية منا.
    فطم لسانها على كلمة ( عافية منك وراضية عنك سو رضايا )


    و التحية لكل أم سودانية
                   |Articles |News |مقالات |بيانات

04-02-2008, 09:01 AM

وائل فحل

تاريخ التسجيل: 29-11-2007
مجموع المشاركات: 1426

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    شكرا على الموضوع دا .. انا خشيت عليهو متأخر شوية , بس أول ما قريت بداية الموضوع ( انهجمت ) للمفارقة التى لاحظتها ..

    موضوع ( وقور ) زي دا , يجاور تماما اعلانا من اعلانات قووقل , به عبارة ( غير وقورة ) على الاطلاق !!

    لتفهموا قصدي , فقط لاحظوا الصورة التالية , وضحت عليها قصدي بدائرة ( حمراء ! ) .

    !!



    شفتوا كيف ؟
                   |Articles |News |مقالات |بيانات

06-03-2008, 11:38 AM

adil amin
<aadil amin
تاريخ التسجيل: 01-08-2002
مجموع المشاركات: 16529

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)
                   |Articles |News |مقالات |بيانات

23-01-2008, 06:04 PM

ماجدة عوض خوجلى
<aماجدة عوض خوجلى
تاريخ التسجيل: 25-12-2006
مجموع المشاركات: 7279

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    سلامات خالد ...
    جينا نـاخد لينا انجمامة ونستمتع بالغنـا ...
    يارب انـت والعقـاب كلكـم بخيـر ....
    وذى ماقلت انت فغلا الكلمة الطيبه هى البتبقى ...

    تســلم يارب
                   |Articles |News |مقالات |بيانات

23-01-2008, 06:11 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: ماجدة عوض خوجلى)

    سلامات خالد ...
    جينا نـاخد لينا انجمامة ونستمتع بالغنـا ...
    يارب انـت والعقـاب كلكـم بخيـر ....
    وذى ماقلت انت فغلا الكلمة الطيبه هى البتبقى ...

    تســلم يارب

    الأخت الرائعة
    ماجدة عوض خوجلي
    تحية طيبة سلاااام
    أمتعك رب العزة ذو الجلال بالصحة والعافية
    يسعل منك الخير يا أم الخير
    وانتِ الطيبة مقرها ومنتهاها
    خليك قريبة يا نضمن طاعم وما طولي الغيبة
    وتبقى الكلمة الطيبة بيناتنا يا رائعة
                   |Articles |News |مقالات |بيانات

23-01-2008, 07:08 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الألآف دجن ولداً نجيض ماك ني
    البجرجر في أم صقير وحدي

    غني وشكري الليلة يا بنيّا
    تُمساح الضهاري الضارب الليّا
    سِمعنالنا خبراً في الهلالية
    خمسطاشر جواد سكّن سبعـ مية

    من قومة الجهل مابخوفوك بي أُخ
    تور بقراً جواميسن رقادن لُخ
    نقرولو أم هبك البربخانا يبوخ
    قرنك بفتح الهاما ويمرق المخ

    مابحركو الكشكيش
    القلب أن ثبت ما بنفع الحريش
    الجينيات وراك في الحلّه آفة عيش
    ود المك راجل بعزم علي المافيش

    أنا قولي ليكا صحيح
    يا ركاب علي الشلق بنات الريح
    الجدري النزيلا الدم كرف في القيح
    إدريس صاقعة التلب المقابلا السيح
                   |Articles |News |مقالات |بيانات

23-01-2008, 07:52 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: قال حكيم : الناس في الخير أربعة : فمنهم من يفعله .. ابتداء، ومنهم من يفعله .. إقتداء .
    ومنهم من يتركه .. حرماناً ، ومنهم من يتركه .. استحساناً ..
    فمن يفعله ابتداء ....... كريم!
    ومن يفعله اقتداء ....... حكيم !
    ومن يتركه استحساناً ...... غبي!
    ومن يتركه حرماناً ........ شقي !


    الحبيب أبن كبوشية
    كمال عطا
    تحية طيبة وسلااام
    ماذكرت كبوشية وألا طفى لسطح المخيخ صورة الجسور عبدالرحمن النجومي عليه رحمة الله
    مرحب بناس كبوشية وأهلنا في شخصكم العزيز
    وتشكر يا جميل على المداخلة التي وصلتنا من الحبيب فيسل محمد هليل

    وخليك قريب يا رائع
                   |Articles |News |مقالات |بيانات

23-01-2008, 08:19 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد المنسى أحد دوحات المنبر الوريفة تحية طيبة

    والله متابعين هذه الإنجمامة المبتداة بالبسملة والصلاة على أشرف خلق الله والمرة دى أحجز لينا مكاناً وهيط فى دوحتكم وأستأذن لينا معاك أعضاء فريقكم الآخرين اللذين يحملون لواء الكلمة الفواحة وينشرون عطوراتهم الأدبية الراقية ذات اليمين وذات الشمال، من فوق ومن تحت ، أمامكم وخلفكم على مسيرة خمسين بوستاً ، وقول لعقيد الدندر أركز أنا جاييلك بهنا.

    أبوبكر
                   |Articles |News |مقالات |بيانات

23-01-2008, 08:38 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: والله متابعين هذه الإنجمامة المبتداة بالبسملة والصلاة على أشرف خلق الله والمرة دى أحجز لينا مكاناً وهيط فى دوحتكم وأستأذن لينا معاك أعضاء فريقكم الآخرين اللذين يحملون لواء الكلمة الفواحة وينشرون عطوراتهم الأدبية الراقية ذات اليمين وذات الشمال، من فوق ومن تحت ، أمامكم وخلفكم على مسيرة خمسين بوستاً ، وقول لعقيد الدندر أركز أنا جاييلك بهنا.

    الأخ الفاضل / أبوبكر أبوالقاسم
    تحيتنا سلااام
    أخد الإنجماما وعلي كيفك وانت بينا وفينا أهل ولتدم كلمة طيبة بيننا يا جميل
    مكانك بيننا يا أبوبكر إتوهط وخت رحلك وأشرب أروى ونم فوق البعجبك زين

    متعنا وأشدي وغرد وكلنا أذن صاغية لحديثك يا حبيب

    ود شيقوق دا حديثو كُتر لا تنقرن في إن بقيت سمع كلامي والله دا زولاً مسلط وممسوخ

    تحياتي ابوبكر
                   |Articles |News |مقالات |بيانات

23-01-2008, 09:39 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: الألآف دجن ولداً نجيض ماك ني
    البجرجر في أم صقير وحدي

    غني وشكري الليلة يا بنيّا
    تُمساح الضهاري الضارب الليّا
    سِمعنالنا خبراً في الهلالية
    خمسطاشر جواد سكّن سبعـ مية

    والله أعلم قيل هذه القصيدة قيلت في الشيخ إدريس الأرباب المعروف
    كان رجل زاهد في الدنيا كريم معطاء جواد وفارس وشهم


    Quote: الألآف دجن ولداً نجيض ماك ني
    البجرجر في أم صقير وحدي


    مدرج العاطلة اي الذي يأخذ بيدها فكان إدريس يدرج الألآف كما وصفته الشاعرة
    نجيض : درج أهلنا أن يطلقوا على الصبي والقارح وفايت أندادو ( ولد نجيض خلاس )
    والني عكسهاّ.


    Quote: غني وشكري الليلة يا بنيّا
    تُمساح الضهاري الضارب الليّا
    سِمعنالنا خبراً في الهلالية
    خمسطاشر جواد سكّن سبعـ مية


    وتسترسل الشاعرة طالبة من بنات ونوارات الحي أن يغنن له ويشكرنه وهو أهل لذلك.
    الليّا : هي اللجة والعميق من النهر.
                   |Articles |News |مقالات |بيانات

23-01-2008, 09:47 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: من قومة الجهل مابخوفوك بي أُخ
    تور بقراً جواميسن رقادن لُخ
    نقرولو أم هبك البربخانا يبوخ
    قرنك بفتح الهاما ويمرق المخ


    Quote: من قومة الجهل مابخوفوك بي أُخ

    من ما تبا قام ما حصل وحتى في صغره أن أخافوه كما جرت العادة بتخويف الصغار بكلم أُخ لذا لم يعرف الخوف لقلبه طريقا.

    [
    Quote: B]أم هبك

    هي الطبل النحاس وعادة يضرب في الحرب وايضاً قد تكون الدلوكا

    Quote: قرنك بفتح الهاما ويمرق المخ


    الهامة هي ام الرأس واعلاهو وتكون منخفضة من مستوى سطح الرأس وتكون لينة في الطفل عند ولادته
                   |Articles |News |مقالات |بيانات

24-01-2008, 05:03 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ود ابو القاسم

    Quote: وقول لعقيد الدندر أركز أنا جاييلك بهنا.


    هيييييييييييييع راكز بالحيل ابقى ات مارق عشان نسّوّد ختوتك
                   |Articles |News |مقالات |بيانات

24-01-2008, 08:00 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)

    Quote: مابحركو الكشكيش
    القلب أن ثبت ما بنفع الحريش
    الجينيات وراك في الحلّه آفة عيش
    ود المك راجل بعزم علي المافيش


    Quote: مابحركو الكشكيش


    اي الحركة المفاجأة في الظلمة لا تخيفه
    وثابت قلبه حتى وقت الفزع

    [
    B]الجينيات وراك في الحلّه آفة عيش

    هنا تجري الشاعرة مقارنة بين الممدوح ( إدريس ) ورفاقه
    تصفه أنه كريم حتى من عدم في حين انداده فقط جالسين في الحلة يأكلون ما توجود به دوكة آمهاتهم من كسرة.
                   |Articles |News |مقالات |بيانات

24-01-2008, 09:29 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    منو الزيك ، منو الزيك ولد واستالد الأولاد ؟
    منو الزيك ، بجيبم ديمة عشرة اولاد ؟
    منو الزيك ، ببز الدنيا موية وزاد ؟
    منو الزيك ، ضروع وزروع ونيل مداد ؟
    منو الزيك ، بطانة وغابة دون حداد ؟
    منو الزيك ، سهول وادي وجبال اوتاد ؟
    منو الزيك ، أصل موروث من الأجداد ؟
    منو الزيك ، جراتق دم .. قدام وجداد ؟
    قشي الدمعة يابت الرجال ، ما بحكموك أولاد .

    بت الحر .. وأم الحر .. وأخت الحر ..
    وست الضنبه مردوم .. بي وراه يجر ..
    ست الفي الخشش من العصير بنتر ..
    وست الخيل ، وست الفي القلوب بنقر ..
    وأم الحلفوا بيك ، وبي العذاب المر ..
    ما بختولك الشينه ومناحة كر ..

    أولادك ؛ أولادك فضلة الموت وبتلجوبو ..
    ودايما سيرته في لسانم ، وبتسلوبو ..
    وزرعك من زمان المهدي ، طارح دوبو ..
    واحدين بحصدو ، وواحدين بفكو دروبو ..

    تيلادك مسكّر في الخزن محروس ..
    هجليج واندراب ، ومهوقني وأبنوس ..
    من صمغ الهشاب ، سوّى السنط كرتوس ..
    ومن شجرالتبلدي ، المويه كوس في كوس..
    ومن ضل النخيل ، الشمش دايرة تكوس ..
    ومن حرب المطر، فرع الحراز مدروس ..
    ومن شوك السدر، جيش السلم هكسوس ..
    ومن زهرالتبر، البادية باقية عروس ..
    وبي توب البرم ، سوى الطلح ملبوس..
    ومن شدر الأراك ، عطر الدعاش مبثوث ..
    ومن سيف العشر، جيش هكس صار مهروس ..
    والدوم واجي ، بي قيف الأتبراوي خروس..
    فيكي الفيل ، وفيكي العنجة والجاموس ..
    وفيكي التيتل ، الليّات قرونه تروس ..
    وفيكي الأصلة ، والدّابي اب درق وجروس ..
    وفيك أسد العرين ، رب العراك والدوس ..
    وفيك ريل الودي ، البي نالو راتع إجوس ..
    وفيك فهود ، وفيك نمور، وفيك طاؤوس ..
    وفيك صقر الكواهلة ، العينو كالفانوس ..
    وفي نيلك عشاري ، إشيل من الجاقوس.

    من اوبريت سودانية...
    الشريف عزالدين الهندي

    لك الشكر والتقدير أخ خالد على كلمة طيبة في حق الوالد...
                   |Articles |News |مقالات |بيانات

24-01-2008, 09:51 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    Quote: من اوبريت سودانية...
    الشريف عزالدين الهندي

    لك الشكر والتقدير أخ خالد على كلمة طيبة في حق الوالد...

    الأخت حمامة السلااام سلمى
    شكرا على هذه الأبيات للهندي
    أعجني هذا الأوبريت شديد يعكس ثقافة الشاعر الكبيرة
    سؤال
    هل هذه الأبيات للشريف زين العابدين أم عزالدين الهندي ؟

    ولك مني أجمل التحايا بس الليلة مرسلة عبرك لي .... وية صغيرتنا
                   |Articles |News |مقالات |بيانات

25-01-2008, 08:47 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    لحين ميسرة بإذن الله بنرجع لكم و
    وأرقدوا عافية

    وتبقى الكلمة الحلوة ديدن حياتنا
                   |Articles |News |مقالات |بيانات

25-01-2008, 04:46 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: أنا قولي ليكا صحيح
    يا ركاب علي الشلق بنات الريح
    الجدري النزيلا الدم كرف في القيح
    إدريس صاقعة التلب المقابلا السيح



    يا ركاب علي الشلق بنات الريح
    الشلق بنات الريح هي الخيل

    الجدري النزيلا الدم كرف في القيح

    الجدري هو ذاك المرض العُضال الذي يصيب الجلد بقروح تسبب الحكَّ
    كرف الشئ أي شمَّ الشئ بإستنشاقة

    ولكن جاءت هنا في تشبيه ضمني
    أي أن الممدوح في شدة وبأسه كما الجدري عندما يستفحل ويختلط الدم بالصديد وتصير رائحتهم قوية وتشمها من على بعد كما لو كرفتها

    السيح هو الخلاء او البرية
                   |Articles |News |مقالات |بيانات

25-01-2008, 08:09 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    أنا ليهم بجر كلام
    من أغاني الحماسة


                   |Articles |News |مقالات |بيانات

25-01-2008, 08:26 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: هل هذه الأبيات للشريف زين العابدين أم عزالدين

    أخ خالد
    عاطر التحايا...
    النص الشعري من كلمات الشريف زين العابدين وقد صور من خلال كلماته السودان بجميع تعدداته واعراقه ومناطقه، كما انه عدَد انواع الثمار والاشجار والحيوانات والانهر ولم يغفل عن ذكر الشعراء والفنانين والسياسيين.


    تقديري
                   |Articles |News |مقالات |بيانات

25-01-2008, 08:34 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد على محجوب المنسى تحية طيبة

    بإسم الله نبدأ أولى مساهماتنا..............


    أوحى الله إلى نبى من الأنبياء أن قف على المدائن والحصون ، فأبلغهم عنى حرفين ، وقل لهم:
    لا يأكلون إلا حلالاً............
    ولا يتكلمون إلا بالحق....

    -سأل رجل عمران بم مسلم ،فأعطاه وبكى ، فقيل له: وما يُبكيك وقد قضيت حاجته ؟
    قال : بكيت حيث أحوجته إلى مسأتلتى.

    - من محاسن المكاتبة:
    ما كتب به معاوية بن عبدالله بن جعفر إلى بعض أخوانه :
    أما بعد ، فقد عاقنى الشك عن عزيمة الرأى ، وأيسنى آخرك من وفائك ، فلا أنا فى حين الرّجاء مجمع لك إطراحاً ، ولا أنا فى غدٍ بنصرة منك على ثقة ، فسبحان من لو شاء وكشف إيضاح الرأى فيك ، فأقمنا على إئتلاف ، أو إفترقنا على إختلاف.



    - قال رسول الله صلى الله عليه وسلم ، " رحم الله عبداً تكلم فغنم ، أو سكت فسلم ، إن اللسان أملك شيئ للإنسان ، ألا وإن كلام العبد كله عليه ، إلا ذكر الله ، أو أمر بمعروف ، أو نهى عن منكر ، أو إصلاح بين المؤمنين". فقال له معاذ بن جبل : يا رسول الله ، أنؤاخذكم بما نتكلم به ؟ قال:" وهل يُكبّ الناس على مناخرهم فى النار إلا حصائد ألسنتهم ؟ فمن أراد السلامة فليحفظ ما جرى به لسانه ، وليحرص على ما إنطوى جنانه ، وليحسن عمله ، وليقصر أمله ". ثم لم تمضى أيام حتى نزلت هذه الآية ( لا خير فى كثير من نجواهم إلا من أمر بصدقة أو معروف أو إصلاح بين الناس).

    - لما مرِض رسول الله صلى الله عليه وسلم عاده أبوبكر الصديق رضى الله عنه ، فشَفِى رسول الله صلى الله عليه وسلم ، ومرض أبوبكر ، فعاده رسول الله صلى الله عليه وسلم فشفى حين عاده كما مرض حين عاده ، فقال الصديق رضى الله عنه :

    مرض الحبيبُ فعدته {}{}{} فمرضت من حذرى عليه
    شفى الحبيب فعادنى }ْ} {}{} فشفيت من نظرى إليه
                   |Articles |News |مقالات |بيانات

25-01-2008, 08:40 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: النص الشعري من كلمات الشريف زين العابدين وقد صور من خلال كلماته السودان بجميع تعدداته واعراقه ومناطقه، كما انه عدَد انواع الثمار والاشجار والحيوانات والانهر ولم يغفل عن ذكر الشعراء والفنانين والسياسيين.

    شكراً كتييير... حمامة السلااام سلمى
    نعم لقد أبدع فيها الشريف
    حملنا لنطوف معه كل بقاع أرضنا الحبيبة على جناحين من الشعر
    وطيب الكلم
    متعك أختى العزيزة الله بالصحة وانت تجودين علينا في كل طلة بأبداع جميل

    (عدل بواسطة خالد علي محجوب المنسي on 25-01-2008, 08:41 PM)

                   |Articles |News |مقالات |بيانات

25-01-2008, 08:49 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: قال رسول الله صلى الله عليه وسلم ، " رحم الله عبداً تكلم فغنم ، أو سكت فسلم ، إن اللسان أملك شيئ للإنسان ، ألا وإن كلام العبد كله عليه ، إلا ذكر الله ، أو أمر بمعروف ، أو نهى عن منكر ، أو إصلاح بين المؤمنين". فقال له معاذ بن جبل : يا رسول الله ، أنؤاخذكم بما نتكلم به ؟ قال:" وهل يُكبّ الناس على مناخرهم فى النار إلا حصائد ألسنتهم ؟ فمن أراد السلامة فليحفظ ما جرى به لسانه ، وليحرص على ما إنطوى جنانه ، وليحسن عمله ، وليقصر أمله ". ثم لم تمضى أيام حتى نزلت هذه الآية ( لا خير فى كثير من نجواهم إلا من أمر بصدقة أو معروف أو إصلاح بين الناس).

    الحبيب / أبوبكر أبوالقاسم
    يا سلام يا سلام على هذه الدرر
    إذا تكلم فغنم ، أو سكت فسلم


    وهل يكب الناس على مناخرهم في النار إلا حصائد ألسنتهم ؟

    بئس الكلام الذي لا نلقي له بال فيجرح من لا ذنب لهم والألآم تصيبنا بسببه في الآخرة.

    ما بال قوم لا يقولون حسنى ؟
    والكلمة الطيبة ترضي بنو البشر ونجاة لنا يوم لا مال ولا ولد

    وتبقى الكلمة الطيبة بيننا أخي الفاضل

    (عدل بواسطة خالد علي محجوب المنسي on 25-01-2008, 09:03 PM)

                   |Articles |News |مقالات |بيانات

25-01-2008, 09:50 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    كلمات
    أنــــا ليهم بجر كلام


    أنا ليهم بجر كلام
    دخلوها وصِقيرا حام

    سِم اب درق البصقّع
    جدري القيعة البفقّع
    واطي صوتك مانع بِرتّع
    الطيب في شطارتّو ببدع

    سِم أب درق الجدادي
    وتكل الجدري البعادّي
    النسيم ضربو بيأذي
    موسى المر الحِدادي

    أنا ليهم بجر كلام
    أنا فوقم بقول تمام

    برقاً ملى لي الوسادة
    قرنو وشال لي مكادة
    ولداُ لي الوليدات الندادّه
    سيري والدار في سيادة

    علا برقك فوق لي الدرب
    وربط الهول والشرق
    هَيْ اطرولنا الضرب
    وجِنياتنا ما بتنغلب

    أنا ليهم بجر كلام
    أنا فوقم بقول تمام

    والله عامر سوقك مِبدر
    مجرجر توبك مِسبل
    للطيب لي الشر ماببدر
    مُر يا التكل المِجدر

    أنا غنيت جبتا كتبو
    فشلو القالوا قصّو دربو
    ديل رازوهو وشافو ضربو
    وزي السِندالا قلبو

    أنا ليهم بقول كلام
    أنا فوقم بقول تمام

    أنا غنيت جِبْ غُناكم
    يا البينين هوي براكم
    البدوركم براكم
    حلق الطير لي غداكم
    الصف العامر رِجاكم
    إتباشرو لي بلاكم
    أركزّو زينب وراكم

    (عدل بواسطة خالد علي محجوب المنسي on 25-01-2008, 09:52 PM)

                   |Articles |News |مقالات |بيانات

25-01-2008, 10:27 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد على محجوب تحية مباركة قبل النوم نردد..........

    إصلاح ذات البين
    عن سعيد بن أنس ، عن أنس قال : بينما رسول الله صلى الله عليه وسلم جالس إذ رأيناه يضحك حتى بدت ثناياه ، فقال عمر: ما أضحكك يا رسول الله بأبى أنت وأمى ؟
    قال: "" رجلان من أمتى جيئا بين يدى رب العالمين ، فقال أحدهما : يا رب ، خُذْ لى مظلمتى من أخى.
    فقال : أعطِ أخاك مظلمته.
    فقال : يا رب ن لم يبقَ لى من حسناتى شيئ.
    قال :يارب ، فليحمل عنى من أوزارى.

    ففاضت عينا رسول الله صلى الله عليه وسلم بالبكاء ، ثم قال: ( إن ذلك ليوم عظيم ، يحتاج الناس فيه أن يعحمل من أوزارهم .
    قال: فقال الله عزّ وجلّ للطالب : ارفع رأسك فأنظر إلى الجنان ، فرفع رأسه فقال : يارب ، أرى مدائن من فضة ، وقصوراً من ذهب ، مكللة بالؤلؤ . لأى نبى هذا ؟
    قال : هذا لمن أعطانى ثمنه .
    قال : يارب ومن يملك ذلك ؟
    قال : أنت تملكه .
    قال : بماذا يارب ؟
    قال : بعفوك عن أخيك .
    قال : يارب قد عفوت عنه .
    قال الله تعالى : خُذ بيد أخيك وأدخله الجنة .
    ثم قال رسول الله صلى الله عليه وسلم عند ذلك ) : فاتقوا الله وأصلحوا ذات بينكم ، فإن الله يصلح بين المؤمنين يوم القيامة) .



    ويل لمن غلبت آحاده عشراته ... فاليوم عمل بلا حساب وغداً حساب بلا عمل.

    تأمل معى ، إن كان ذلك جزاء الظالم والمظلوم عند الله تعالى ، فكيف يكون جزاء من قام بإصلاح ذات البين بين أخوين عند الله تعالى ؟؟؟؟؟؟؟؟؟
                   |Articles |News |مقالات |بيانات

26-01-2008, 10:46 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: فاليوم عمل بلا حساب وغداً حساب بلا عمل.


    الأخ أبو بكر أبوالقاسم
    لو وضع كل منا هذا أمام نصب أعينه لصلُحت أسرايرنا
    الظلم ظَلمات يوم القيامة
    والدنيا فانية ودار عمل لما لا نعيش ايامنا المعدودة بالحسنى
    نذكر عند فراقنا ويدخر لنا رب العزة أجرا

    ولك التحية والمودة ابا بكر
                   |Articles |News |مقالات |بيانات

26-01-2008, 11:22 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: أنا ليهم بجر كلام
    دخلوها وصِقيرا حام

    يبدأ الشاعر أو الشاعرة والله أعلم قوله حماسا وفي من في فتيان القبيلة

    فوقهم بجر كلام
    اي فيهم بقول شعري وأعدد محاسنهم
    وهم أولئك الفرسان المستحقين شكري ومدحي
    يدخلو ام لبوس أي الحرب وويتركوا ساحتها تعج بالموتي قوتا للصقور

    وأنا أرجح أن قائل القصيدة كانت مرأة لآن كل أو أغلب شعر الحماسة في العهود الماضية. نظموا شعره نساء.
                   |Articles |News |مقالات |بيانات

26-01-2008, 04:54 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: سِم اب درق البصقّع
    جدري القيعة البفقّع
    واطي صوتك مانع بِرتّع
    الطيب في شطارتّو ببدع


    تشبه هنا الشاعرة واحد من ممدوحيها أن بأسه وشدته على العدو مثل سُم الدابي واي دابي أنه من نوع اب درق ويقال أنه ينفث سمه وفي لحظات تموت ضحيته كأنها مصعوقة.
    وانه مثل مرض الجدري إذا نزل بدار أو قيعة حصد كل أهلها فتراهم في كل صوب وحدب مفقعين

    وتصفه أيضاً أنه عندما يتكلم بصوت واطي اي منخفض فأن واطي صوته ترتاع له الخلوق من قوته ووصتوته
    وفوق دا كلو فهو ولد قلبو محدثو وان جربته في كل شئ تجده يدقر عينك

    (عدل بواسطة خالد علي محجوب المنسي on 26-01-2008, 04:57 PM)

                   |Articles |News |مقالات |بيانات

26-01-2008, 06:00 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    فرتيقت أم لبوس
    لويعة الفرسان
    الليل ما بليل عنزة وقرونها سنان
    كوراك ضرب
    مرقن جداد الدار
    وسيفك في قضاريف الرجال صياد
    كوفيتك الفودة أم عصا بولاد
    ودرعك في أم لهيب زي الشمس وقاد
    وسيفك من سقايتو استعجب الحداد
    جابو لنا الكرامة
    وصبحنا فرحانين
    ضربوا دنقرهم
    جوني العيال مارقين
    بسأل عن علي الفارس البيقود تسعين
    يا هو علي الولد البيقود تسعين ...

    عبدالكريم الكابلي.....

    تحياتنا أخ خالد...
                   |Articles |News |مقالات |بيانات

26-01-2008, 10:00 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    Quote: فرتيقت أم لبوس
    لويعة الفرسان

    حمامة السلام سلمى
    سلاااااااااااااام
    أم لبوس هي الحرب وقد يقال لها الجلّه
    لويعة الفرسان : اي هي التي تلوع وتخيف حتى الفرسان والكل حامل كفنه على يده وترفرف بين جنباته ملائكة الموت تتهافت لقبض روح هذا أو ذاك لذا كان الإلتياع منها.
    هذا يذكرني بالتعريف الدقيق لمعنى كلمة شجاع
    ليس الشجاع هو الذي لا يخاف لأنه لا يوجد إنسان ليس الخوف فيه خصلة لكن الشجاع الذي يطرد الخوف في المواقف الصعبة ويثبت

    وأثبت في مستنقع الموت رجله
    وقال لها من تحت أخمصك الحشر
                   |Articles |News |مقالات |بيانات

26-01-2008, 10:06 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الكوراك ضرب
    مرقن جراق أنداد


    التور الجرق هو التور المدرب على المخاطبة ويستفاد منه في حراثة الأرض. وعادة مثل هذا التور يعتني به صاحبه عناية فائقة من أكل وشرب. وعادة يكون ذو حجم كبير يعجب الناظر.
    فشبه الفرسان عندما خرجوا أنهم كانو يضاهون في حجمهم تلك الثيران فرسان يدقروا العين بالعجب
    أنداد اي أعمارهم متقاربة جداً

    (عدل بواسطة خالد علي محجوب المنسي on 26-01-2008, 10:09 PM)

                   |Articles |News |مقالات |بيانات

26-01-2008, 10:17 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: سِم أب درق الجدادي
    وتكل الجدري البعادّي
    النسيم ضربو بيأذي
    موسى المر الحِدادي

    سم اب درق تعرضنا لها في المقطع الفائت
    فالممدوح بأسه كفعل السُم في البدن وسم اب درق الما بمهل صاحبو
    وكذلك كتكل الجدري
    التُكل هو غرفة صغيرة يصنع فيها الطعام المطبخ
    وهذا التكل تسكنه جرثومة الجدري فمن يدخل لا محالة مصاب بالمرض ..أختو

    وضربو بجيب الخبر مؤذي

    كلمة حدادي جرت عادة السودانيين أن قول هذا حادي اي حادق طعمه
    فوصفت موسى أنه مر وحادق والله أعلم
                   |Articles |News |مقالات |بيانات

27-01-2008, 06:27 AM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد على محجوب المنسى تحية طيبة

    نطل هذا الصباح على دوحتكم حاملين موعظة من بردة البوصيرى.
    من قصيدة البردة لشرف الدين البوصيرى:

    إنى اتهمت نصيح الشيب فى عَذَلى
    والشيب أبعدُ فى نُصحٍ عن التهمِ
    فإن أمارتى بالسوء ما اتعظت
    من جهلها بنذير الشيب والهرم
    ولا أعدّت من الفعل الجميل قِرى
    ضيفٍ ألم برأسى غير محتشمِ
    لو كنت أعلمُ أنى ما اُوقِّرَه
    كتمت سِراً بدا لى منه بالكَتمِ
    من لى برد جَماح من غوايتها
    كما يُرَّدُ جِمَاح الخيل باللُّجُمِ
    فلا تَرُمْ بالمعاصى كسر شهوتها
    إن الطعام يُقوِّى شهوة النّهِمِ
    والنفسُ كالطفل إن تُهمله شب على
    حُبِّ الرِّضاع وإن نَفطُمه ينفطمِ

    من عجبٍ نجد أن بعض المتصابين يزعمون بأن الشيب هو رغوة الشباب .
                   |Articles |News |مقالات |بيانات

27-01-2008, 10:35 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: كما يُرَّدُ جِمَاح الخيل باللُّجُمِ
    فلا تَرُمْ بالمعاصى كسر شهوتها
    إن الطعام يُقوِّى شهوة النّهِمِ
    والنفسُ كالطفل إن تُهمله شب على
    حُبِّ الرِّضاع وإن نَفطُمه ينفطمِ

    ابا بكر

    يا سلااام ياسلااام
    لا تحجم عنا هذه الروائع البديعة دمت في حفظ الله
    يا جميل
    ولك منا التحية والمودة
                   |Articles |News |مقالات |بيانات

27-01-2008, 01:02 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخ/ خالد محجوب تحية طيبة

    أسمحلنا على " السك " ودحين دايرنك تحلِّى لينا الحكم التالية من طِيب الشعر البدوى ، وتضع لينا النقاط على الحروف بأسلوبك الجميل


    ، فقطع شك نفس القيم والمفاهيم سائدة عند البدو.

    قالت الحكماء :

    أكرم الخيل أجزعها من السوط .........

    وأكيس الصبيان أشّدهم بغضاً للكتاب...........

    وأكرم الإبل أشدهم حنيناً إلى أوطانها ............

    وأكرم المهارى أشدها ملازمة لأمهاتها .....

    وخير الناس آلفهم للناس ...................


    لك كل الود
                   |Articles |News |مقالات |بيانات

27-01-2008, 07:15 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24866

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    عزيزى ود المنسى بواسطة عزيزنا فيصل محمد خليل

    ....... سلامات

    شكرا على كلماتك الطيبة ومشاعرك الرقيقة المتدفقة

    والتى لااجد ردا لها غير ان ابعث لك مساهمة اخرى

    فى هذا البوست الشيق...فالى هذة المختارات




    يا ريييت ان بقيت بن والبنات اقلني

    جمعن محفلن فيي فنجان امات رموش

    رشفني

    وابقى مسواك قامن دغش لاكني
    --------------------------------------------------------------

    بعدها سلمى بعد الليم سلبني الصحة
    حاير قلبي طاير من مكانوا إتنحا
    تلاتة اشياء علي سبب السهاد والوحة
    جور أزمان وفرق أحباب وصبرا شحا
    ـــــــــــــــــــــــــــــــــــــــــــــــــــــــ



    يا شتلت شباب شندي الشذاك شرقني
    شفاي في شفاك وعشقك في الشعب عشقني
    شيشك شين لهيب شعرك شعاعوا حرقني
    شوشوتيني يا أم شور فيك شن عشقني
    ________________________

    قالوا ها بالحيل بنعرف الغرام شاويهو
    ومن فضلك تسامحو وغايتو لا تقاويهو
    الماسكو الهوى العذري نازل فيهو
    في حكم الشرع لا يكون جناية عليهو
    _______________________

    البارح انا وقصبة مدالق السيل
    في ونسة وضحك لامن قسمنا الليل
    وكتين النعام اتشقلبمبو الخيل
    لابخلت..لاجادت علىّ بالحيل
                   |Articles |News |مقالات |بيانات

27-01-2008, 08:31 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)

    Quote: أسمحلنا على " السك " ودحين دايرنك تحلِّى لينا الحكم التالية من طِيب الشعر البدوى ، وتضع لينا النقاط على الحروف بأسلوبك الجميل

    أخي وحبيبنا
    أبا بكر
    لك التحية والشكر أجزله لك يا ملك على هذه الثقة الكبيرة التي نحن لا أهل لها.
    برجع لك يا جميل
    الأخ العزيز جنى كبوشية كمال عطا ضغط على وتر أحساس عميق ضارب وهبش في اللحم الحي وأهاج مكامن الحزن الدفين فينا.
    وخلاني معلق في شعيرات الأشواق هائما بحزني وفرحي مزيجاً لا أجد له مثيل ولا وصف غير أن أقول أنا الآن تهتَّ في الأشواق وما برجع.
    برجع ليك يا جميل
    وتبقى الكلمة الطيبة بيناتنا
                   |Articles |News |مقالات |بيانات

27-01-2008, 08:36 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الحبيب الجميل كمال ود عطا سلااام
    دا جنس الكلام البجيب كرعينا وجكنا في الطين
    هييييييييع زي مابقول ود شيقوق عقيد الدندر

    Quote: يا ريييت ان بقيت بن والبنات اقلني

    جمعن محفلن فيي فنجان امات رموش

    رشفني

    وابقى مسواك قامن دغش لاكني


    هووووووووو الخلا ولع الرهيفة التنقد

                   |Articles |News |مقالات |بيانات

27-01-2008, 08:43 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: بعدها سلمى بعد الليم سلبني الصحة
    حاير قلبي طاير من مكانوا إتنحا
    تلاتة اشياء علي سبب السهاد والوحة
    جور أزمان وفرق أحباب وصبرا شحا


    هوووووووووو والخلا ولع والرهيفة التنقد
    والله يا كمال دا وصفا دقيق لي حالنا

    جور الزمان
    وفرق الأحباب
    والصبر قلا

    والله يعين
    شن أسوو آه أنا الجنيت وقتّا هوو
    أنبهم بي الراي والدليل النجوع

    الدنيا بتهينك والزمان يوريك وقل المال بفرقك من بنات واديك

    هووووووووووووووووووووووووو الخلا ولع
                   |Articles |News |مقالات |بيانات

27-01-2008, 08:43 PM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    سلام ياأهل الله سلام علي الطيبين خالد وزواره
    نبدأ ليك يا خالد وبرضو كرائم الإبل لها صفات

    Quote: أكرم الخيل أجزعها من السوط

    من قومة الجهل مَانِي الدِّنَي كارتوت
    نجّاع كنت فوق ضهر المحارب السـوط
    بحلف بى يميـن دايما بباسـط يوت
    سايم دمّي عارف عُمري قاصدو الموت

    بشير النور
                   |Articles |News |مقالات |بيانات

27-01-2008, 08:50 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)

    Quote: سلام ياأهل الله سلام علي الطيبين خالد وزواره
    نبدأ ليك يا خالد وبرضو كرائم الإبل لها صفات


    والله والله ثلاث قسماً
    عندما قرأت كلام الجميل ابا بكر

    Quote: أكرم الإبل أشدهم حنيناً إلى أوطانها


    أول ما مررت بهذه المقطع نويت في خاطري عندما أرد أن أحول لك هذا المقطع وأيقن في نفسي أننا سوف نظفر بجميل الكلمك منك
    وكان توارد الخواطر الذي جاء بك دون إحم ولا دستور
    ولك مني ريحانة البطانة كل الاحترام والتحايا
                   |Articles |News |مقالات |بيانات

27-01-2008, 08:56 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ولك يا أخ خالد ....
    لك كل إحترام وتقدير على كل كلمة تفضلت بها في حقنا وحق الوالد رحمه الله......









    وسلامنا لي ولدناأحمدالعسل....لكن برضو بتنا أحلى...


    ........
                   |Articles |News |مقالات |بيانات

27-01-2008, 08:59 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: يا شتلت شباب شندي الشذاك شرقني
    شفاي في شفاك وعشقك في الشعب عشقني
    شيشك شين لهيب شعرك شعاعوا حرقني
    شوشوتيني يا أم شور فيك شن عشقني


    طولنّا خلاس أخبار شندي فوق ما جاتنا
    قايمة شتيلة تقنت بهيجا وفاتنا
    في صدرك مدافع تحتو البرينات راطنّا
    دا شرط كويلنا وفقّع عجلاتنّا


    هوووووو ياكمال الخلا ولع ونحن ولعنا وما بنرجع ألا نشوف خبرها والرهيفة التنقد
                   |Articles |News |مقالات |بيانات

27-01-2008, 09:05 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    حمامة سلامنا سلمى سلاااام
    ما قلنا في حق والدك لا يليق قط بمقامه العالي الشاهق الذي لا يضاهي الثريا بعدا
    والدك عليه رحمة الله حق على الشعب السوداني كله أن يمجده علما من أعلام السودان
    حمل طبشُره معلما لأجيال تحمل اللواء اليوم في بلادنا.
    لا نستحق عليه شكر ما قلنا فهو الواجب والواجب فوق رقابنا يا سلمى.

    والدك لم يمت مادام ترك على البسيطة أمثالك ذرية.

    لحسن عباس صبحي والشيخ عباس صبحي أحد ركائز مدينة شندي الرحمة والمغفرة



    يصل بإذن الله سلاامك لأحمد
    أكيد هندوية العسل أحلا منه تيراب من بذرة حسنة
    ارقدي عافية يا الزينة ولك التحية والمودة

    (عدل بواسطة خالد علي محجوب المنسي on 27-01-2008, 09:07 PM)

                   |Articles |News |مقالات |بيانات

27-01-2008, 09:12 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: وأكيس الصبيان أشّدهم بغضاً للكتاب...........

    نعم هذا كلام صحيح
    الكياسة والفراسة والفطنة لا تحتاج لكتاب يقرأ واسعل ريحانة الحسن وطلحة تطرح لك ماقيل من حكم وشعر من ناس مادخلو مدراس وما بركو لدراسة. ألا في خلوة لدراسة القرآن والحديث.

    وليس نحن ضد التعلم لكن الكيس الفطن ذو الفراسة إذا تعلم بدع

    وقالوا أهلنا في بعض المتعلمين

    القلم ما بزيل بلم
                   |Articles |News |مقالات |بيانات

27-01-2008, 09:16 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: وخير الناس آلفهم للناس ...

    الألفة صفة يقذفها الله في قلب من أحب ويحبب الناس فيه
    إذا أحب الله عبداً حبب الناس فيه
    والحب والمودة تأتي بحسن المعاملة والقول الحسن
    وتبقى الكلمة الطيبة أصلها غائب في الأرض وفرعها في السماء تأتي أُكلها أكاليل حب في الدنيا وثواب يوم لا ينفع مال ولا ولد.
                   |Articles |News |مقالات |بيانات

27-01-2008, 09:22 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: والله عامر سوقك مِبدر
    مجرجر توبك مِسبل
    للطيب لي الشر ماببدر
    مُر يا التكل المِجدر

    تزيد الشاعرة للممدوح وصفا أنه كان إذا دخل السوق يدخل مبدر اي في الصباح الباكر ويدخل السوق في حلةٍ من زينته بتوبه السابل المجرجر
    كان رجل جميل طيب الكلم لا يبادر بالشر لكن سم وجدري ورمد للبجيب طاري ويختا علي وفوق راسو بطربقا
    ومراً .. اصلو لا ضاقو لا بنضاق للبقيف قدامو متحدي متجاسر

    (عدل بواسطة خالد علي محجوب المنسي on 27-01-2008, 09:26 PM)

                   |Articles |News |مقالات |بيانات

28-01-2008, 01:15 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    أخى خالد على محجوب المنسى تحية طيبة

    فى إنتظار طلّة ريحانة البطانة ، أرجو أن نذّكرها بهذا الخبر الظريف فى الحنين للوطن :

    قالت بعض بنات الأعراب : روتنى صاحبة القصر الذى على شاطئ دجلة قبالة سامراء يُقال له عاشق ومعشوق ، وكان قد عشقها بعض الخلفاء فتزوجها ، ونقلها من البادية ، فتغيّر عليها الحال . وكانت تحن إلى ما نشأت عليه ، فبنى لها هذا القصر ، وأمر بالإبل والغنم أن تُحلب بكرة وعشية على باب قصرها فى البرية ، فأنست بعض أنس ، فدخل عليها الخليفة يوماً وهى تبكى وتقول :
    وما ذنب إعرابية قذفت بها {}{}{} صروف النوى من حيث لم تكُ ظنَّتِ
    تمنّتْ أحاليبَ الرعاة وخيمةً {}{}{} بنجــدٍ فلم يُقضى لهــا ما تمنَّتِ
    إذا ذكرت ماء العُذيب وطيبه {}{}{} وبرد حصاه آخــر الليل حــنَّتِ
    لها أنَّة عند العشاء وأنَّـــة{}{}{} سحـيراً ولولا أنَّتاهــا لحــنَّتِ

    فذُكر أنه قال لها : الحقى بأهلك بكل ما معك ، فسُرَّت ولحقت بأهلها.

    " ألكع " أخى خالد وأسعفنا بالشرح.
                   |Articles |News |مقالات |بيانات

28-01-2008, 04:36 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)

    Quote: وما ذنب إعرابية قذفت بها {}{}{} صروف النوى من حيث لم تكُ ظنَّتِ
    تمنّتْ أحاليبَ الرعاة وخيمةً {}{}{} بنجــدٍ فلم يُقضى لهــا ما تمنَّتِ
    إذا ذكرت ماء العُذيب وطيبه {}{}{} وبرد حصاه آخــر الليل حــنَّتِ
    لها أنَّة عند العشاء وأنَّـــة{}{}{} سحـيراً ولولا أنَّتاهــا لحــنَّتِ


    الأخ الحبيب / أبوبكر
    تحية طيبة سلااااااام
    روق وأحلا بتجي ريحانة الحسن ودطلحة تفتفت لك ماقلت فتا
    سمية الأيام دي مشغولة بمنسجها تنسج في طواقي للجنة التنفيذية لرابطة أبناء البطانة
    علا أول من تخلص بترجع لوك الصبر يا زول
    خوفي أن أقحم نفسي ولا أوفي ويقيني أن سمية سوف توفي وتزيد فوق الحق قبضة
    لك التحية ابابكر
    وابقى قريب وما تبعد مننا

    (عدل بواسطة خالد علي محجوب المنسي on 28-01-2008, 04:38 PM)

                   |Articles |News |مقالات |بيانات

28-01-2008, 06:50 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: أنا غنيت جبتا كتبو
    فشلو القالوا قصّو دربو
    ديل رازوهو وشافو ضربو
    وزي السِندالا قلبو

    تسترسل شاعرة القصيدة تعدد في محاسن وصفات الممدوح
    تقول أنا قلت في شعري وما خاب ظني
    فهو لا يدانيه من أنداده أحدا وهم المتقفين لآثره لكن هيهات أن يطولو من ضكرته
    وهم يعرفون مقداره وعن تجربة
    فهو شجاع ثابت قلبه لا يتزحزح وأن زحت الجبال الرواس ( فقلبه من الثابت كما سندالت الحداد التي يحرص دوماً على تثبيتها قبل أن يبدأ في عمله )
                   |Articles |News |مقالات |بيانات

28-01-2008, 08:06 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: أنا غنيت جِبْ غُناكم
    يا البينين هوي براكم
    البدوركم براكم
    حلق الطير لي غداكم
    الصف العامر رِجاكم
    إتباشرو لي بلاكم
    أركزّو زينب وراكم

    انا التي قلت فيكم شكري شعرا وقد كان رغم أنكم ظاهرين بشجاعتكم وهيبتكم وعامرين زينة
    القاصدكم لا محالة خائب رجاءه
    وعندما تدخلون الجلة ام باروداً يفوح تتباشر الطير اي الحدي وقد ضمنت غدائها مما تخلفون من قتلا
    وهو طبعكم تتباشرون في قت البلوة والمحاص تبين المستخبي
    وفالي فيكم الركزّا وأنا وراكم
    ومن هذا البيت أستشفيت أن قائلت هذه الأبيات الجميلة كانت مرأة واسمها زينب والله أعلم
                   |Articles |News |مقالات |بيانات

29-01-2008, 08:18 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    لحين ميسرة بنرجع لكم إن مدَّ الله في الاعمار
    أرقدوا عافية والعافية لكم وسادة وغطاء يا الزينين

    ولكم خالص تحياتي ومودتي
                   |Articles |News |مقالات |بيانات

29-01-2008, 10:47 AM

عبد اللطيف بكري أحمد
<aعبد اللطيف بكري أحمد
تاريخ التسجيل: 13-11-2005
مجموع المشاركات: 7239

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    أخي خالد،، جزاك الله خيراً ،،
    وقولك الفصل أخي ، تذكرته بالأمس حين أسودت صفحات المنبر
    ونحن نودع أحد زملائنا الدكتور خالد رحمه الله وأحسن إليه
    وجعل الجنة مثواه،،

    !! الله المستعان،، أخي ، ولكن ما أبقينا من ذنوب الأرض
    شيئا إلا وكان لنا فيه صولة،، نسأل الله العافية ، ولرب
    كلمة طيبة أصلها ثابت وفرعها في السماء تقين يوم لا
    ينفع مال ولا بنون إلا من أتى الله بقلب سليم،،
    ===
    غفر الله الشيخ العارف بالله عبد الرحيم البرعي ،
    وهافي تلخيص إبداعي لتعاليم السماء


    الله الله الله
    الله الله الله

    طهّر جنانك بالأذكار مافيكا
    وزل بها كل عيب كامن فيكا

    الذكر خير أنيس تستريح به
    وهو الذي بكوؤس الحب يسقيكا

    الذكر نورٌ مُفاضٌ في السريرة من
    فيض الذي برأ الأكوان يأتيكا

    الذكر يجلو قلوباً بالهوى صدئت
    وخير داعٍ إلى الرحمن داعيكا

    الذكر روضة خلدٍ فارتعنّ بها
    واترك مجالس قومٍ عنه تلهيكا

    وشرطه العارف الشيخ الذي
    كملت أخلاقه وبنور الله يحييكا

    فاصحبه ما عشت في الدينا بلا ضجر
    فإنما الفوز في الأخرى مرابيكا

    جالس أولي الخير واستأثر مودتهم
    إن لم تجدهم فذكر الله يغنيكا

    والصالحون إذا جالستهم نفعوا
    بين الورى وجليس السؤء يؤذيكا

    آخي الذي صدقت في الحب نيتهـُ
    لله لا لهوى نفسٍ يؤاخيكا

    وقف على قدم الآداب منكسراً
    مع التواضع لا تنسى مساوئكا

    ردوا الحقوق لأهلها على عجلٍ
    حتى ولو أنها كانت مساويكا

    أعرف حقوق الذي يعلوك منزلةً
    أو كان دونك أو أَضحى مساويكا

    ولا ترد زينة الدنيا وزخرفها
    فإنما هي من إحدي بلاويكا

    لا تغضبنّ ولا تجهل على أحدٍ
    وأرعى المودة في خلّ ٍ يواليكا

    ولا تكن حاسداً شخصاً على نعمٍ
    سلِ الإله الذي أعطاه يعطيكا

    كن ناصحاً وأميناً غير ذي ريَبٍ
    من غشنا ليس منا قول هاديكا

    ولا تصعّر ولا تهجر أبداً
    فوق الثلاثة سالم من يعاديكا

    وعامل الناس بالإحسان محتسباً
    عسى بذلك رب العرش يجزيكا

    أفشي السلام ولـــِن فيما تقول
    وكل حلالاً وصلي في دياجيكا

    مولاي إنك ذو حلمٍ ومغفرةٍ
    وها أنا الجاني عبدٌ من مواليكا

    قد عابني الدهر في ديني وعافيتي
    وليس لي عملٌ أرجوه يرضيكا

    لكن ظني بكم يا ذا العُلا حسنٌ
    فاقبل معاذير عبدٍ من محبيكا

    وخصني بعظيم الفضل ثم ومن
    قد زارني وهو ذو محبة فيكا

    ثم الصلاة مع التسليم ما هطلت
    سحبٌ على من سرى ليلا يناجيكا

    والآل والصحب ما عبد الرحيم تلى
    طهر جنانك بالأذكار مافيكا
                   |Articles |News |مقالات |بيانات

29-01-2008, 04:36 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: عبد اللطيف بكري أحمد)

    Quote: الله الله الله
    الله الله الله

    طهّر جنانك بالأذكار مافيكا
    وزل بها كل عيب كامن فيكا

    الذكر خير أنيس تستريح به
    وهو الذي بكوؤس الحب يسقيكا

    الذكر نورٌ مُفاضٌ في السريرة من
    فيض الذي برأ الأكوان يأتيكا

    الذكر يجلو قلوباً بالهوى صدئت
    وخير داعٍ إلى الرحمن داعيكا

    الذكر روضة خلدٍ فارتعنّ بها
    واترك مجالس قومٍ عنه تلهيكا

    وشرطه العارف الشيخ الذي
    كملت أخلاقه وبنور الله يحييكا

    فاصحبه ما عشت في الدينا بلا ضجر
    فإنما الفوز في الأخرى مرابيكا

    جالس أولي الخير واستأثر مودتهم
    إن لم تجدهم فذكر الله يغنيكا

    والصالحون إذا جالستهم نفعوا
    بين الورى وجليس السؤء يؤذيكا

    آخي الذي صدقت في الحب نيتهـُ
    لله لا لهوى نفسٍ يؤاخيكا

    وقف على قدم الآداب منكسراً
    مع التواضع لا تنسى مساوئكا

    ردوا الحقوق لأهلها على عجلٍ
    حتى ولو أنها كانت مساويكا

    أعرف حقوق الذي يعلوك منزلةً
    أو كان دونك أو أَضحى مساويكا

    ولا ترد زينة الدنيا وزخرفها
    فإنما هي من إحدي بلاويكا

    لا تغضبنّ ولا تجهل على أحدٍ
    وأرعى المودة في خلّ ٍ يواليكا

    ولا تكن حاسداً شخصاً على نعمٍ
    سلِ الإله الذي أعطاه يعطيكا

    كن ناصحاً وأميناً غير ذي ريَبٍ
    من غشنا ليس منا قول هاديكا

    ولا تصعّر ولا تهجر أبداً
    فوق الثلاثة سالم من يعاديكا

    وعامل الناس بالإحسان محتسباً
    عسى بذلك رب العرش يجزيكا

    أفشي السلام ولـــِن فيما تقول
    وكل حلالاً وصلي في دياجيكا

    مولاي إنك ذو حلمٍ ومغفرةٍ
    وها أنا الجاني عبدٌ من مواليكا

    قد عابني الدهر في ديني وعافيتي
    وليس لي عملٌ أرجوه يرضيكا

    لكن ظني بكم يا ذا العُلا حسنٌ
    فاقبل معاذير عبدٍ من محبيكا

    وخصني بعظيم الفضل ثم ومن
    قد زارني وهو ذو محبة فيكا

    ثم الصلاة مع التسليم ما هطلت
    سحبٌ على من سرى ليلا يناجيكا

    والآل والصحب ما عبد الرحيم تلى
    طهر جنانك بالأذكار مافيكا


    الأخ الحبيب / عبداللطيف بكري أحمد
    لك التحيات الطيبات سلااام يا غالي
    نسأل الله أن يرحم الأخ خالد رحمة واسعة ويفسّح له في مرقده لينا وروضة من رياض الجنان العُلى ويغفر له زلاته ويحسن إليه ويزيد من حسناته .. اللهم أجعل له في قبره نور ليوم الساعة وهون عليه عذاب القبر يا الله.
    أعجبني وسر بالي مرورك الجميل تحمل لنا بين طياتك عصماء الشيخ البرعي من نصح وإرشاد.
    لك مني ألآف التحايا معبقة بكل ما هو طيب وطيب.
    وتبقى الكلمة الطيبة هي التي تجمعنا يا غالي.
                   |Articles |News |مقالات |بيانات

29-01-2008, 05:30 PM

mamkouna
<amamkouna
تاريخ التسجيل: 05-12-2004
مجموع المشاركات: 2246

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)



    الصلاة على النبي..

    الأخ الكريم أبو أحمد
    شكراً على بوستاتك كاملة الدسم..
    إستراحة المحاربين كانت موسوعة و مرجع لأغاني الحماسة..مقروءة و مسموعة و مشروحة كمان..
    و ها أنت تكرر نفس الجَمَال في هذا البوست الرائع..

    مشكور يا سيدي على مجهودك الغير عادي...تحياتي و أشواقي لأحمد و أم أحمد.

    -------------

    * هل يُعقل يكون في إنسان عادي بيسمع (( الكنينة )) و ما يدٌي الماوس شبٌال؟!!!


                   |Articles |News |مقالات |بيانات

29-01-2008, 06:20 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: mamkouna)

    Quote: هل يُعقل يكون في إنسان عادي بيسمع (( الكنينة )) و ما يدٌي الماوس شبٌال؟!!!

    ممكنونة وصابره
    تحياتي يا أميرة سلااااام
    الكنينة وما أدراك ما الكنينة
    تعجبني فيها بساطة الكلمة ودقة صهر تلك الكلمات والناتج كلام يداعب الأذن عند سماعه ويرعش البدن وترتجف أوصاره حنين للصوت والبطان
    وضرب الصوت والركزّا بفرز الناس
    عشان زينوبة ما بتحوق

    بإذن الله مواصلين يا عزيزة في ذات الدرب أجمل الأغاني والحماسة

    وحشواتنا الكلمة الطيبة تبقى بين الأحباب يا ممكونة وربنا يحل مكنتك ونسمع منك الجميل يا راقية

    ولك مني ألف تحية وسلااام
                   |Articles |News |مقالات |بيانات

30-01-2008, 05:03 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    نــــــــــــــداء للحبيب الغالي
    حاتم هاشم
    لك التحية سلااااام
    كل منانا أن يكون المانع خير ... وأرقد عافية يا الحبيب

    لكن نحن في غيابك

    بنحاكي القماري في الحنين لي رجوعك
    سهدنا الفراق لي طيب الكلام في وجودك
    الإلفا ديدابك وغارس في الكرم عودك
    الخُلق الكريم كان ينعدم مطلوبك

    خالد

    تحياتي حاتم هاشم
                   |Articles |News |مقالات |بيانات

30-01-2008, 05:49 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    إذا ابتلاك الله بعدو. قاومه بالإحسان وأدفع بالتي هي أحسن. فالعداوة يمكن أن تنقلب حباً

    وجرب وأكيد لا تخسر

    وتبقى الكلمة الطيبة
                   |Articles |News |مقالات |بيانات

30-01-2008, 06:14 PM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    غزل طواقي بطاحين
    وتدوير طواحين
    وسقاية بساتين
    كل دا ومعاهو عكننت نت
    وبرضو مشتاقين

    السلام عليكم خالد وكل الناس الطيبين الكاتبين الكلام الطيب
    دا دايرلو رواقة

    تحياتي
                   |Articles |News |مقالات |بيانات

30-01-2008, 06:19 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    نواصل مع غناء الحماسة
    وفي عشق القديم أنا غارب ساسي .. يواسي مرة ويحزن مرة ويفرح حينا .. فيه الجميل والحسن والطيب .. وفيه ذاك الصوت الجهور الذي ينادي داعي لسمات الخير وكل موروث جميل .. والفات قديمو تاه ..لسنا ضد كل جديد ولكن الجديد لابد أن يراعى فيه كل حسن من قديمنا ولما نرفضه مادام حسن.
                   |Articles |News |مقالات |بيانات

30-01-2008, 07:19 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ما حرسو الجري
    وصدرك موشح بي الدمي
    ما بخاف
    فارس الحديد إن حِمي

    يا فارس الإلوف الأنتا كفيتن
    كبستا الدِروع وشلحتا خوداتن
    فارسنا البخيت التما شكراتن
    صديت الخِيول وقمحتا رِكباتن
    ما بخاف

    من قومة الجهل
    ليهو الخوف ولا قسمو
    ومولود في المحاص
    وفي الدود كِتر عشمو
    تدخل فوق بكانن
    النِحاس خلف شتمو
    وركز البخيت
    الفال والنصر ختمو
    وما بخاف

    من قومة الجهل
    الخوف ولو كارو
    والهول والشرق
    إصنتو أفعالو
    العوق اب صفوف
    فالو البخيت شالو
    ومضروب في الوجن
    ولا جاني بي شمالو
    ومابخاف

    وما حضرو معاك
    أخوانك الصُلات
    قمزو الخط
    علي خيلاً بجن غايرات
    تدخل فوق بكانن
    حرابو منشبكات
    وجاني مرهون
    علي جفونو الدمي سايلات
    ومابخاف

    وما حضرو معاك
    أخوانك الديدان
    وقمزو الخط
    علي خيلاً بجن ريقان
    وكت الشوف إشوف
    صدرك إزيد إلهام
    سوالُن جِهاد
    حمزة وعلي وعثمان
    ومابخاف فارس الحديد إن حمي

    (عدل بواسطة خالد علي محجوب المنسي on 30-01-2008, 07:44 PM)
    (عدل بواسطة خالد علي محجوب المنسي on 30-01-2008, 07:57 PM)

                   |Articles |News |مقالات |بيانات

30-01-2008, 07:49 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الأخت الفاضلة ممكونة وصابرا
    ألحقي وأنكعي وأدي الماوس والكي بورد شبال مكمتر وفوق طريفو ودع

    تحياتي ... عليك الله أدخلي وشوفي جنس الحديث دا
    إقوّم سبيب الرأس صوفا صوفا( كما فعل المغناطيس في برادة الحديد ... كنا نسميها شواطين المغناطيس )


    (عدل بواسطة خالد علي محجوب المنسي on 30-01-2008, 07:51 PM)

                   |Articles |News |مقالات |بيانات

30-01-2008, 08:08 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    الكلمة الطيبة تبقى

    حبينا نسلم
                   |Articles |News |مقالات |بيانات

30-01-2008, 08:16 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: انعام عبد الحفيظ)

    Quote: الكلمة الطيبة تبقى

    حبينا نسلم

    انعام عبدالحفيظ
    تسلمي يا طيبة جروفنا علي ضفاف الأزرق العاتي
    وأبقي قريبة
    تحياتي ومودتي
                   |Articles |News |مقالات |بيانات

30-01-2008, 09:04 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    Quote: ما حرسو الجري
    وصدرك موشح بي الدمي
    ما بخاف
    فارس الحديد إن حِمي

    يا فارس الإلوف الأنتا كفيتن
    كبستا الدِروع وشلحتا خوداتن
    فارسنا البخيت التما شكراتن
    صديت الخِيول وقمحتا رِكباتن
    ما بخاف


    ممدوحنا في هذه القصيدة هو رجل فارس أسمه البخيت
    تقول
    الشجاعة والثبات حارسا وفالوا هيلو من الكُبار قبالو
    كان شجاع ودفرو لي قِدام ودوما موشح بالدمي صدرو هذا يعني أن دفرو لي قِدام .. وما برجع ورى وما بجري أمو موصيا.. وقالت لي الراجل مايشوفو بطن قدمك ( كراعك ).

    وتشبهه أنه مثل الحديد كان حمى


    Quote: يا فارس الإلوف الأنتا كفيتن
    كبستا الدِروع وشلحتا خوداتن
    فارسنا البخيت التما شكراتن
    صديت الخِيول وقمحتا رِكباتن
    ما بخاف


    البخيت كان بقابل الفرسان حت إن بقو ألآف وضربو كبس بياخد الرأس بي خوذتو والكتف
    وبصد الخيل ومافي فرس برجع بي فارسو .. بيفرق بين الركاب وفارسها اي الخيل بصد خالية من فرسانها.

    (عدل بواسطة خالد علي محجوب المنسي on 30-01-2008, 09:12 PM)
    (عدل بواسطة خالد علي محجوب المنسي on 30-01-2008, 09:18 PM)

                   |Articles |News |مقالات |بيانات

31-01-2008, 09:10 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    إذا أردت أن تكتشف وفاء صديقاً. سافر معه ففي السفر يذوب المظهر.
    ولماذا سمى السفر سفرا ؟؟
    لأنه عن الأخلاق الحميدة والطبائع يسفرُ ويفصح

    نرجع نقول الكلمة الطيبة هي الأصل
                   |Articles |News |مقالات |بيانات

31-01-2008, 06:15 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    لا تجـــــــــادل
    ففي الجدل كلا الطرفين خاسر
                   |Articles |News |مقالات |بيانات

31-01-2008, 07:12 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    من قومة الجهل
    ليهو الخوف ولا قسمو
    ومولود في المحاص
    وفي الدود كِتر عشمو
    تدخل فوق بكانن
    النِحاس خلف شتمو
    وركز البخيت
    الفال والنصر ختمو
    وما بخاف


    البخيت من ما تبَّ قام ما بعرف الخوف ولا كان الخوف من خِصاله من يوم ما ولد
    وقد تكون ( مولود في المحاص ) أو ( مدموم في المحاص ) .. وفي الدود كتر عشمو
    المحاص هي ساحة الوغى
    والدود هو اسم من أسماء الأسد
    وهنا كانت المبالغة في التشبيه وانها تقول أن البخيت من جسارته وشجاعته حتى الأسد يتعشم أن يكون مثله

    وهو ذاك الفارس الذي لا يبالي في الحروب ويدخل في المناطق التي لا يتعداها ألا فارس ويثبت ويركز في قتاله والفرحة ونصر هي حليفه دوما في الختام
                   |Articles |News |مقالات |بيانات

31-01-2008, 07:14 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24866

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    عزيزى ود المنسى ..بواسطة عزيزنا فيصل

    سلامـــــــــــــــــــــات بمناسبة المغنطيس ياخى فى مغنطيس اكتر منك

    كلو مانغيب نلقى بوستك الظريف جارينا جر وحقا الرهيفة التنقد

    صدقنى لقد ارجعنى بوستك الى تلك الايام وبالذات الى حفلات الفنانة

    حميرة تلك الليالى المليئة بالزخم حيث تختلط الحماسة بالشجن وتتدفق الاحاسيس

    شلالا رويا وخاصة عندما تغنى




    حجر الزلط شن بقيسو ..
    ليا دوبا ..
    صعيب دربو ..وبعيدة ميسو ..
    ______

    طمح النيل الزلالي
    وجاني أب زيد الهلالي..
    من الخوفة ما بيبالي ..
    ليا دوبا ..



    وبمناسبة حديثك عن شندى دعنى اختم هذة المداخلة باغنية عثمان الشفيع




    مال نسيم الليل بى بــرودك
    نامت الأزهار فوق خـدودك
    غرد العصفور فوق عـودك
    النفوس ما اتعـدت حـدودك
    ما عرفنا عدوك مـن ودودك
    بس انا المقسوم لى صـدودك
    يا حـياتى وأمـلى اللي راح
                   |Articles |News |مقالات |بيانات

31-01-2008, 07:27 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)


    أخي وعزيزي / كمال عطا
    تحية طيبة سلاااااام
    مع المغناطيس وبرادة الحديد ( شفع الشواطين )
    فنانة كبوشية حميرا والجود وعازف وضابط الإيقاع ( دودو ) وقد حباه الرب عز وجل أنامل تخلف وتشتم وتهبك الدلوكا وتخلي الناس فوق قلاية جمرها حي .. ونمشي الكي كدي ونردد نقول برمكي العيال تومي يا علي.
    أهديك رمية حيمرا الشهيرة التي كادت أن تودي بحياتها عندما أنشدتها في حق الحسن ودضبعة شقيق عمدة الجوير غرب شندي ( ود ضبعة )... تقول فيها
    سيد محكر الديوان
    ثابت يا اب قلب
    فكامة النيران
    وين متل الحسن
    الحسن يا الحسن
    جابوني ليك حداث
    يامطر السواري
    الهاب هبوب ورُشاش
    يابحر المحيط
    الدقا في الحصحاص
    تلب يا الصقر
    توّر الرخم مني

    فما كان من واحد أخو بنات ألا أن ضربها بعصا على رأسها كادت أن تؤدي بروحها وقال لها نحن الرخم يا حميرا.

    أخي كمال أبقى قريب ما تطول علينا الغيبة

    ولك مني التحايا والمودة

    (عدل بواسطة خالد علي محجوب المنسي on 31-01-2008, 08:44 PM)

                   |Articles |News |مقالات |بيانات

31-01-2008, 07:17 PM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    ماهو الفافنوس ماهو الغليد البوص
    ود المك عريس خيلا بجن عركوس
    أحيّ علي سيفه البحد الروس
    ما دايرالك الميته أم رمادا شح
    دايراك يوم لقى بدميك تتوشّح
    الميت مسولب والعجاج يكتح
    أحيّ علي سيفه البسوي التح
    إن وردن بجيك في أول الواردات
    مرنا مو نشيط إن قبّلن شاردات
    أسد بيشه المكرمد قمزاته متطابقات
    وبرضع في ضرايع العنّز الفاردات
    كوفيتك الخوده أم عصا بولاد
    ودرعك في أم لهيب زي الشمس وقّاد
    وسيفك من سقايته إستعجب الحدّاد
    وقارحك غير شكال ما بقربه الشدّاد
    يا جرعة عقود السم
    يا مقنع بنات جعل العزاز من جم
    الخيل عركسن ما قال عدادهن كم
    فرتاق حافلن ملاي سروجهن دم

    عبدالكريم الكابلي....
                   |Articles |News |مقالات |بيانات

31-01-2008, 07:40 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)

    ما دايرالك الميته أم رمادا شح
    دايراك يوم لقى بدميك تتوشّح
    الميت مسولب والعجاج يكتح
    أحيّ علي سيفه البسوي التح


    سلمى صبحي
    تحية طيبة سلاااام
    يا سلام هذه من القصائد الجميلة. وهي مرثية وكما يطلق عليها باالعامية السودانية ( مناحا ). نظمتها بنونة بت المك نمر في شقيقها عمارة ودالمك نمر عند وفاته .. وكان فارس خاض الكثير من الحروب وكانت تتمنى له أن يموت في ساحات الوغى. ولو حصل .كان يومها سوف تتحفل بأروع زينتها لميتة أخوها التي تشرف. لكن قدر الله تعالى أن يصاب عمارة بذاك المرض العُضال ( الجدري ) .. وكان قد درج الناس على علاج الجدري بالرماد لكي يطفئ قروحه.ووضع الرماد في القروح يشيط المريض ألما.
    لذا قالت ما كنت أمني نفسي أن أراك تموت يا عمارة هذه الميتة التي يشح رمادها ألما في جسدك
    وكنت أتمنى أن تموت في الجُلة البارودا فاح يوم يكون الموتى مسلوبي الهدم والعجاج رابط من حوافر الخيل وكر وفر الفرسان ( وكان المنى موتاأنتَ متوشح بدمائك وليست مغطى بالرماد في قروح الجدري ).

    لك المودة سلمى

    (عدل بواسطة خالد علي محجوب المنسي on 31-01-2008, 07:48 PM)

                   |Articles |News |مقالات |بيانات

31-01-2008, 08:16 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    وما ذنب إعرابية قذفت بها {}{}{} صروف النوى من حيث لم تكُ ظنَّتِ
    تمنّتْ أحاليبَ الرعاة وخيمةً {}{}{} بنجــدٍ فلم يُقضى لهــا ما تمنَّتِ
    إذا ذكرت ماء العُذيب وطيبه {}{}{} وبرد حصاه آخــر الليل حــنَّتِ
    لها أنَّة عند العشاء وأنَّـــة{}{}{} سحـيراً ولولا أنَّتاهــا لحــنَّتِ


    مال لقمرين قد حجبا عنا ضوءهما.. كنت قد طلبت منّا الحبيب أبوبكر أبوالقاسم أن نغوص في تلك الأبيات مفتفتين لحروفها .. كُنت أنتظر ريحانة الحسن ودطلحة فهي التي أعطاها المولى الكريم ناصية العمق علماً ... علمي بها أنها لاتحب شرح ما تقول وتكتب لكني كنت أرمي أن أستل منها طيب الكلم في الأبل والخيل قسرا.

    حال تلك الإعرابية هو حالي فقد شاءت الأقدار أن أدرس في أوروبا وأستقر بها وصاهرت قوم وفقدت الكثير .. صوت ماعز تئن متدلي سلاها بعد أن وضعت عتود أبرق .. وكتكتت دجاجة تخطو الخطى طربا أمام كتاكيتها تشير لهم موضع الحب ( وكما نقول محنة كُت بلا لبن ) وكوارك شفع المغرب ينجضو في الجمر قنقر..وحسيس درفين سغير دفن شركو وبرك بعيداً تحت شدرا ويغني لي الطيور داعيا لحبه الزرة عيش الريف قُرب الشرك ( القِديل .. القديل يا أبوحوا ) .. صوت بربّخ تخوي خرير مياهه يحلو الغميدة قُربه ... رائحة نوارة المنقا في جناين شندي ويا حليل ربوع شندي .. صوت صياح في ليلة مطرها نخرا ورفست سباليق من عُش طير قديم ورمت الأويضا الوحيدة متل سن لا خوي لها.

    الشوق فاض بها لحياة البادية وسمح لها زوجها أن تلحق بأهلها ... فهل يكون ذلك مصيري
    وبرضو بنهرب من مصيرنا

    لك التحية أخي الحبيب أبوبكر وتعال ولا تجافينا

    (عدل بواسطة خالد علي محجوب المنسي on 31-01-2008, 08:22 PM)

                   |Articles |News |مقالات |بيانات

31-01-2008, 08:31 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    من قومة الجهل
    الخوف ولو كارو
    والهول والشرق
    إصنتو أفعالو
    العوق اب صفوف
    فالو البخيت شالو
    ومضروب في الوجن
    ولا جاني بي شمالو
    ومابخاف

    كارو : اي عادته وايضاً قد تكون الكلمة تعني حرفته التي إعتادها

    إصنتو : اي يسمعو

    العوق : هو الجيش أيام كانت الحروب جيشها ميمنة وميسرة ووسطى

    الوجن : اي الخدود
    تواصل المادحة وصف ممدوحها وكيف حاله في الحروب

    (عدل بواسطة خالد علي محجوب المنسي on 31-01-2008, 08:33 PM)

                   |Articles |News |مقالات |بيانات

01-02-2008, 07:49 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    إذا شعرت أن رأيك مع الحق. فأثبت عليه ولا تتأثر

    وإذا كان ثغرك بالبسمة يفتر تأكد أنه سوف تفتح القلوب لك لتعبر
                   |Articles |News |مقالات |بيانات

01-02-2008, 03:48 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    وما حضرو معاك
    أخوانك الصُلات
    قمزو الخط
    علي خيلاً بجن غايرات
    تدخل فوق بكانن
    حرابو منشبكات
    وجاني مرهون
    علي جفونو الدمي سايلات
    ومابخاف

    تواصل في المدح الشاعرة .. قائلة لو كان في يوم الحرب هذه حاضرين معك أخوانك الشجعان كان وصدوا تلك الخيول التي تأتي غائرة .. وانت يا البخيت راجلاً ماك ساهل تب وما بترجى قدوم الفرسان إليك بل تدخل في أماكن محروسة بحرابها وترجع مدمي الوجه ودموك سائلة كأنها دموع ولا تبالي ...

    هلا هلا الخلا ولع

    (عدل بواسطة خالد علي محجوب المنسي on 01-02-2008, 05:44 PM)

                   |Articles |News |مقالات |بيانات

01-02-2008, 05:47 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    وما حضرو معاك
    أخوانك الديدان
    وقمزو الخط
    علي خيلاً بجن ريقان
    وكت الشوف إشوف
    صدرك إزيد إلهام
    سوالُن جِهاد
    حمزة وعلي وعثمان
    ومابخاف فارس الحديد إن حمي

    ريقان : الروق هو الصف
    قمزوا الخط : اي أغلقوا الطريق

    وكت الشوف إشوف : اي وكت تبقى الباقية
                   |Articles |News |مقالات |بيانات

01-02-2008, 09:04 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    عندما يفارق اللوري المجرى بوحل .. كدي نقول يا كريم ونفارق مجرى الحماسة وعشان ما نوحل بنعود عليهو صادين ...
    الجمال هوى والهوى جمال العاشقين

    نسوح في طيات سايق الفيات


    سايق الفيات

    عود بي وأُخد سندا
    وبي الدرب التحت
    تجاه ربوع هُندا
    ياالسايق الفيات

    بوصيك قَبُل تبدا
    سيرك وداك طريقّك
    سابق الرفدا
    مِنّك بعيد جبدّا
    حي هُندا المراد
    مِيل بي ربوع عبدا
    ياالسايق الفيات

    أطوي الأرض وأضرع
    من أفكارنا سيرك
    ياالفيات أسرع
    ميّل علي المُشرع
    لا ترِيع القطيع
    بتجفل الأدرع
    ياالسايق الفيات

    شوف سايق الفيات
    الليلة كيفن هاش
    والشدر الكُبار
    بقى شوفنا لي طشاش
    قول لي دحين وين ماش
    فارقّتا الطريق
    إتْيامن الرماش
    يالسايق الفيات

    شقّا حشا الطريق
    وإتيمم الحللال
    زفنّو الكِلاب
    مانالن ألا علال
    فاضلات ثواني قُلال
    بينك والغروب
    داك مُشرع الشلال
    ياالسايق الفيات

    يازين الشباب
    ياطيب الأخلاق
    يا أمين الصديق
    والناس علي الإطلاق
    من أيدي الصناعة
    يبعدو المِعلاق
    أنظر لي الطبيعة
    ومجد الخلـلاق
    ياالسايق الفيات

    أنزل يا صديق
    شوف يديك البدرا
    وشوف حُسن البداوة
    الما لِمس بدرا
    ورّاد النهري هن
    أردوني لم أردا
    كاتيلن الصفار
    أم نضرة الخدرا
    يا السايق الفيات

    شوف النهري مار
    بي خِشوع تقول هجسان
    أو مَرْ المنام
    بي مُقلة النعسان
    جلّت قدرتو
    ما أكفر الإنسان
    كم ينسى الجميل
    كم يجحد الإحسان
    ياالسايق الفيات

    مانفرن تقول
    شافن الكلام إلفا
    عطشان قلتا ليهن
    وصحّت البلفا
    مافيش كاس قريب
    قالن بدون كلفا
    تشرب بي كفوفنا
    حتا تتكفّا
    يا السايق الفيات

    (عدل بواسطة خالد علي محجوب المنسي on 01-02-2008, 09:35 PM)
    (عدل بواسطة خالد علي محجوب المنسي on 01-02-2008, 09:55 PM)
    (عدل بواسطة خالد علي محجوب المنسي on 02-02-2008, 09:07 PM)

                   |Articles |News |مقالات |بيانات

01-02-2008, 09:15 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)


    أهدي هذه القصيدة الجميلة
    لأبناء عمي محمد الحسن محجوب..( وعلى رأسهم ) الحبيب عماد وفتاح وودعبود والقردابي وأخي الحبيب محجوب
    أذكر كنا صِغار في جهلنا مشينا مع عمتنا عليها رحمة الله تضمها وتنور قبرها. لقرية مويس ( وهي قرية الفنان علي إبراهيم اللحو ) وكنا نركب بص من بصات الفورد يمشي خطوتين للأمام التالتا ورا ويشخر زي شخري تور الضبيحا وكمان مركبين لي كوز يسكلب زي ست الفجيعة المغبونة لفراق حبيب. وبوريهو يخلف ( سجمي نورا سجمي بتي ) وسائقه شقيق علي إبراهيم ( جعفر إبراهيم ) .... كنا مبسوطين ومبهورين بتلك الرحلة التي جمعت بيناقاصدين ديار حبيبنا صلاح ود عمتنا( قرية مويس ). وعندما أقترب البص من القرية نادت عمتي لسائق البص ( عليك الله يا جعفر أمشي بينا بي الدرب التحت عشان أنا شيلي تقيل .. ختفناها منها كلمة وجرت أصوتنا تردد وتغرد بـ رائعة اللحو ( ياالسايق الفيات .. عود بي وأُخد سند .. وبي الدرب التحت .. تجاه ربوع هُندا... إلى آخرها... ). سأل سائل من ركاب البص دي أولاد منو ؟ عمتي ردت عليه ديل ولاد محجوب. فرد قائلاً والله تمام أولاد القرداب الغناء يجري منكم مجرى الدم وصارت ذكريات.

    (عدل بواسطة خالد علي محجوب المنسي on 01-02-2008, 09:43 PM)

                   |Articles |News |مقالات |بيانات

01-02-2008, 09:23 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
                   |Articles |News |مقالات |بيانات

01-02-2008, 11:45 PM

ماجدة عوض خوجلى
<aماجدة عوض خوجلى
تاريخ التسجيل: 25-12-2006
مجموع المشاركات: 7279

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    انا لمن الضرب يكتر على غايتو بجى هنا استريح ،وذى ماقلت الدنيا فانية والكلمة الطيبة هى البتبقى
    لكن واضح انو ماكل الناس شايفه او بتعرف كده
    تحياتى خالد وتسلم يارب انت وكل المعاك ...
                   |Articles |News |مقالات |بيانات

02-02-2008, 01:16 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: ماجدة عوض خوجلى)


    العزيزة ست المحنة
    ماجدة الشيخ عوض خوجلي
    لك منا كل الكلمات الطيبات سلاااام
    نسعد بوجودك دوماً أنتِ رحيق نستزيد منه في أيامنا الصعبة كلم جميل
    حفظك الله في صون عافيته من كل بلاء

    ولك التحية والمودة
                   |Articles |News |مقالات |بيانات

02-02-2008, 05:15 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    عود بي وأُخد سندا
    وبي الدرب التحت
    تجاه ربوع هُندا
    ياالسايق الفيات

    سندا : اي وقفة وعادة يكون زمنها قصير
    الدرب التحت : هو الشارع بقرب النيل
    وجرت العادة أن يقولوا الناس مندلي لتحت أي ماشي قرب النهر وعادة تكون الأراضي الزراعية وتسكن الناس فوق بعيداً من البحر ( النيل )
    هندا : هي المحبوبة
                   |Articles |News |مقالات |بيانات

02-02-2008, 06:35 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    بوصيك قَبُل تبدا
    سيرك وداك طريقّك
    سابق الرفدا
    مِنّك بعيد جبدّا
    حي هُندا المراد
    مِيل بي ربوع عبدا
    ياالسايق الفيات

    فكانت الوصية للسائق قبل بدء المسير
    دا الطريق البودينا لدار المحبوبة ( هند )
    وأسرع ودوس بنزين سابق الرفدا
    ربوع المحبوبة بعيد وهو المراد وكمان ميل بي ربوع عابدا
                   |Articles |News |مقالات |بيانات

02-02-2008, 07:56 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    انت عارف يا خالد اخوى اغنيتي المفضلة وببكي معاها بالدموع هي الاغنية بتاعة العبادي دى
    بالصدفة فتحت بوستيك ولقيت على ابراهيم يتغني بالسائق الفيات

    لما كنت محامي بالسوكي زمان كنت بمشي محاكم سنجة بالعربة اللاندروفر بتاعتي وكنت على طول بوقف العربية جنب بيت ناس هوندا التي تغنى بها العبادي لاتامل في مشاهد الاغنية .

    ده موضوع طويل يا خالد اخوى وانت بالجد رجل عظيم
                   |Articles |News |مقالات |بيانات

02-02-2008, 08:02 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    أطوي الأرض وأضرع
    من أفكارنا سيرك
    ياالفيات أسرع
    ميّل علي المُشرع
    لا ترِيع القطيع
    بتجفل الأدرع
    ياالسايق الفيات

    يواصل الحبيب المشلهت الذي لو خيّر بين أن يخصم من عمره ويصل حينها لديار هند لرضى.
    يواصل طالب من السايق أن يسرع حتى يطوي الأرض طي ( أضرع أي كبر الخطوة )
    وثم عرج بعد الطلب يلوم السائق قائلا .. أنا كنت أسرع منك بتواصل فكري أتخيا أني وصلت قبلك
    طالب منه أن يميل علي المشرع .. والمشرع هو مكان في ضفاف النهر يكون عادة الناس قد جرت أن تقطع للضفة الأخرى من هذا المكان.
    وهنا يطلب منه أن يهدئ من سرعته حتى لا يفزع قطيع من الغزلان وتجفل ( تجري فزعة )
    الأدرع : اي امات دروع أو ابودروع من الغزلان
                   |Articles |News |مقالات |بيانات

02-02-2008, 08:07 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    خالد ما تخاف في اخوك الله؟

    والله تاني قوم بى اخد سندة بالدرب التحت وده فعلا درب اخوك من سنجة للرماش طلعت ........... الله يطلع ...............

    انا تاني ساكن هنا عديل
                   |Articles |News |مقالات |بيانات

02-02-2008, 08:04 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24866

للتواصل معنا

FaceBook
تويتر Twitter
YouTube


Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)

    عزيزى ود المنسى بواسطة عزيزنا فيصل.....سلامات

    ياخوى طالما دخلت فى الغنا البهيج الاعصاب ...تعال اسرح معاى

    فى النضمى التقيل دة ...واقعد اتوحوووووووووح



    عيون الصيد ناعسات عيوني.....عيون النيل حاكن عيوني
    نسيت قلبي وروحي ونسوني...وفقدت الكانوا يؤانسوني
    ليالي هناى جد عاكسوني.....وأخاصم النوم كيف درسونى
    مع الآلام هاجت شجوني.....وأطباء الكون ما عالجوني
    جفوا بنفورهم هيجوني .....متين في الطيف يصبو ويجونى
    فقدت صحاى لا تنصحوني......خطاب وعتاب كفى بارحونى
    عيون الصيد ديل جرحوني.....سروري يتم لو يلمحوني
    غلبني أسير هيا درجونى.......وعلى الأطلال ليل عرجونى
    هواى شريف لا تحرجونى ....وعلى الأكفان شيش درجونى
    مقر املى فيهم ظنونى.....يزيدوا دلال وتزيد جنوني
    لذيذ تعذيبهم لو ضنونى ...وصالهم آه راحتي ومنوني
                   |Articles |News |مقالات |بيانات


[رد على الموضوع] صفحة 2 „‰ 10:   <<  1 2 3 4 5 6 7 8 9 10  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de