أمس قفلت التلفاز قبل السهرة قااام قصى ولدي الذي لم يبلغ الثالثة بعد بفتحوا بحثا عن كرتون وقااام وقف في ألو مرحبا مما قادني الي الجلوس للمشاهدة واللي وقفوا كلمة ألو دي بيحب الجوال موووت ولكن الزوله بتاعت ألو مرحبا والضيف علي ماأظن فقيري حق المغتربين داك وكلام ونسة والبت غير ما معوجه حاجبه ماعندها شئ وتجي تقول ليك أولاد المغتربين مدلعين والجمل ماشايف عوجة عنقه والزول داك بينقد في نفسوا مرة يقول مربوطين بالسودان ومرة لا والله جنس ونسة ذي دي عمري ماشفتها ولو أولاد المغتربين واقفين عليهم عليهم العوض ومنهم العوض بس قصي بفرق بين الجيد والماجيد بدليل أنو مسك الريموت ورجع للقناة البيحبها وهي قناة الأطفال ويسمع ليها جيد وبيحفظ منها كمان لكن يانجوان لو قعد علي الفضائية حقتنا دي بيفضوا ليهو العندو وياعجبي جنس بشتنه وتحولي الي النيل الأزرق تلقي البتين الذي الشجرتين في حديقة وسهريات التوب وما أدراك مع التوب وثقافة التوب حتي أنتهاء السهرة لم أخذ ولا حتي سلفة ثقافية واحد خليك من جرعة والشروق دي ماعندي في البيت بس مرات بشوفه عند نااس جيرانه لما أزورهم وعوض إبراهيم عوض وكسير التلج حقوا يجمد الدم في العروق وبت سوركتي وجمال كابلي والدكتوراة الفخرية والتسبيق والتنمص والفرد بكره يبقي وسط الرجال قرش ونص وياعجبي وياعجبي بس الله يديكي العافية يانجوان عملتي في خير بالمتنفس ده وبنعود تااااني.
،،،،أبوقصى،،،،
12-17-2007, 10:16 AM
abubakr
abubakr
تاريخ التسجيل: 04-22-2002
مجموع المشاركات: 16044
Quote: - أيوااا أنا أوريك (علم النفس الحيوانى) بيقول فى الحتة دى شنو .. شوف تخلى باب الشارع فاتح وتجيب الخروف تقعدو قدام (التلفزيون) وتفتح ليهو واحدة من (سهراتنا) كان قام شرد معناها (سليم) وكان قعد يعاين معناتو عندو (حمى الوادى المتصدع) طوالى تنساهو!!))
يا محمد يعني حالتي واصخابي المعانا هنا تكون شنو ؟؟ لينا زمن بنشوف القنوات دي وشاعرين بلخبطة ووشوشة في الدماغ وهطربة ..يعني نكون هسع في ال Rift Valley وما عارفيين ..
12-17-2007, 10:09 AM
abubakr
abubakr
تاريخ التسجيل: 04-22-2002
مجموع المشاركات: 16044
انا لو مسعول! عن هارموني بخليها بس غنا ساااي من كل حته في السودان ولا كلام ولا مذيعات ولا مذيعيين بس علي شرط ناس " ايها السيدات والسادة" ومفروشات ايه ما يجو تب ...
12-19-2007, 08:51 PM
نجوان
نجوان
تاريخ التسجيل: 04-01-2006
مجموع المشاركات: 2641
نجوان ..عيدك سعيد .. اها انتظرت وشفت البرنامج وسجلتو .. للاسف مقدم البرنامج لم يتمكن من ادارة الحوار بصورة احسن مما كان .. عموما اصوات جميلة عانت من اعداد متواضع للبرنامج ....
12-19-2007, 09:16 PM
نجوان
نجوان
تاريخ التسجيل: 04-01-2006
مجموع المشاركات: 2641
هسع انا اشاهد كيف يشوه بابكر صديق الطفولة ... لقد كان بابكر صديق ناجحا وموفقا في تشجيع المواهب ولكن منذ فترة تحول اهتمامه الي الجزء التجاري والترويجي .. والليلة اتي بمجموعة من الاطفال البنات دون الخامسة عشر ومعهن واحدة فقط تكبرهن وهي رماز .. هاتين الطفلات يغنيين اغاني الحقيبة ولفنانين راحليين ... اصواتهم لم تنضج بعد ولكن بابكر يصر علي انهن نجوم للغد ...طفلات اكيد ستتغير درجات اصواتهن عندما يكبرن ولكن بابكر ومحمد سلمان يصران علي انا اصواتهن هي التي ينتظرها مستقبل السودان ( اها شعار شروقي تاني )...
Quote: البنية.. لجين.. اللي غنت قبل دقيقتين صوتها جميل واكبر من سنها بكتير..
جدا ولكن نخشي من الاستهلاك المبكر كما يحدث الان مع مي عمر ( واحدة من المجموعة ) ...بعض الصبيا ت صغار جدا حتي للوقوف امام الكامير لتغني اغاني حب وهيام وهجر ....وضع حد ادني لعمر المشتركات مهم ...
12-19-2007, 10:40 PM
abubakr
abubakr
تاريخ التسجيل: 04-22-2002
مجموع المشاركات: 16044
يانجوان ..تاكيدا لما نقول فان اكبرهن سنا وهن ثلاث فقط من المجموعة (رماز- لوجين والاخيرة افراح) اصواتهن فيه نضوج وليس طفوليا .. فلا اعرف لماذا يستعجل بابكر في زج طفلات في مختبره ...ما زال منظر ذلك الطفل حفيد الشاعر ابوصلاح الذي ياكد يقطع حبال صوته ليغني في مقامات لا تلييق بطفل في مخيلتي وكذلك صورة محمد سليمان وهو يبكي لان صوت ذلك الطفل قد اثر فيه كثيرا ... هل كان يبكي علي طفولته التي ضاعت الان وانا اراه في بدلة وشعر مسترسل طويل ويهو يوجه الاوركسترا ثم يبدء يصيح كالمدوغ ...اهدار لامكانات اطفال ربما تنضج يوما وتصيير في شكل يناسب ان تطرح كمواهب فنية وليس الان ....
12-19-2007, 11:46 PM
نجوان
نجوان
تاريخ التسجيل: 04-01-2006
مجموع المشاركات: 2641
Quote: تاريخ الchild prodigies أساسا ملئ بالنهايات غير المتوقعة.. وغير السعيدة في أحيان كثيرة.. (وهذا في وجود عنصر الإبداع والإمكانيات..)
عشرات الاطفال الموهوبيين ضاعو بسبب التلمييع المبكر ..حتي في الغرب واذكر هنا مسلسل امريكي كان معظمه اطفال موهوبيين في مطلع الثمانينات (different strokes) عرفت فيما بعد انو كلهم تعرضو لمصاعب ومنهن بنت موهوبة انتهت في السجن ...
12-20-2007, 10:56 AM
abubakr
abubakr
تاريخ التسجيل: 04-22-2002
مجموع المشاركات: 16044
يانجوان ...معقول الدراب دة كلو في السودانية والشروق ؟؟ دة يوم الدراب العالمي ....؟؟طقيع من نايجؤيا الي مدني الي السعودية .. جنس طقيع زي دة ما في ؟؟ اها دييل البرامج الانتي قتي نتظرا في العيد ؟؟؟؟؟
12-20-2007, 04:57 PM
نجوان
نجوان
تاريخ التسجيل: 04-01-2006
مجموع المشاركات: 2641
Quote: اها دييل البرامج الانتي قتي نتظرا في العيد ؟؟؟؟؟
والله يا باش خجلانة منكم
____
الدراب بكميات الآن على شاشة النيل الأزرق.. "توقيع .." تقديم عفاف حسن أمين وأمجد ضيوف ..الأستاذ الشاعر عزالدين هلالي.. الفنانة التشكيلية وصال ضياء الدين والفنان محمود عبد العزيز..
خلال الحديث عن أغنية "قول النصيحة" للأستاذ هلالي يوصل الدراب لمراحل غريبة... عفاف مخاطبة هلالي:"من وين جات عبارة قول النصيحة؟ في زول كضّب عليك؟؟" أمجد "يعني زي.. قول النصيحة وخلّصنا ياخ!" عفاف "لازم تقوليّنا كتبتها في منو" "يعني انت كل قصايدك كتبتها في زوجتك؟" الأستاذ هلالي يجيب بالنفي عفاف: "انت يا أستاذ راجع البيت من هنا؟؟.. هاهاها".. ____ يغني محمود عبدالعزيز رائعة الفنان محمود علي الحاج "بقيت ما زي زمان".. فلا تسعفه حنجرته الذهبية
ثم يؤدي "قول النصيحة.." فتتم بهدلة الأغنية موسيقيا هذه المرّة.. أداء غير موفق..
أول يوم .. إحدى القنوات السودانية، لا أدري أيهم (فهم كثر). أغنية مصورة للفنان عصام محمد نور (الأغنية بالطبع للكاشف في الأصل لكن who cares). سيناريو الأغنية يظهر عصام وهو يشارك أطفاله اللعب في الشارع وهو يرتدي ملابس casual بينما ينتعل "سفنجة". أثناء الأغنية يحمل طفله الرضيع ويركب السيارة "اليابانية، أو الكورية الصنع"، ثم منظر close up لعصام داخل كابينة السيارة أثناء القيادة ويجلس على حجره وفي مواجهة المقود ابنه الرضيع.
إذا ما استطعت أن أجد العذر للفنان باعتبار أن ذلك هو المستوى السائد في الوسط الفني، فما هو عذر المخرج.
نجوان
الذبح ليس فقط في قناة الشروق .. بل أيضاً في القناة السودانية. هل شاهدتي المعوات "التومات" وهن يذبحن روائع (ثلاثي و) ثنائي العاصمة واحدة تلو الأخرى؟
الخلاصة أعلاه جاءت نتيجة للجلوس لحوالي نصف ساعة فقط أمام الشاشة، ومؤكد أن ما خفي أعظم
12-20-2007, 07:14 PM
نجوان
نجوان
تاريخ التسجيل: 04-01-2006
مجموع المشاركات: 2641
أنا لا أدري ما هو سر الإصرار على تصوير المغني وهو يقود سيارة In the first place.
وبالمناسبة، خلال النصف ساعة التي قضيتها أما التلفاز في اليوم الأول، لم أشاهد غير الدراب
في برنامج يقدمه المطرب وليد زاكي الدين، واحد من المذيعين الشباب يجري لقاء مع الفنان كمال كيلا والذي يقف بجواره فنان أثيوبي وذلك بعد فراغهم من أداء أغنية أثيوبية. المذيع يتجاهل الفنان الأثيوبي المبتسم والمتحفز للرد على أسئلة المذيع. وبعد أن يلاحظ المذيع ذلك، يتوجه لكيلا بالحديث قائلاً: شاهدنا الفنان كمال كيلا وهو يؤدي أغنية مع أحد "الأخوة الأفارقة".
نفس المذيع استضاف شاعر ومغني متوسطاً الكنبة التي تضمهم الثلاثة ومحتلاً ثلاثة أرباع مساحة الكنبة. المغني سئل عن آخر أعماله، فأجاب: "أغنية شيلني من راسك " والتي صادف أنها من تأليف ذلك الشاعر.
12-20-2007, 07:49 PM
نجوان
نجوان
تاريخ التسجيل: 04-01-2006
مجموع المشاركات: 2641
Quote: المذيع يتجاهل الفنان الأثيوبي المبتسم والمتحفز للرد على أسئلة المذيع. وبعد أن يلاحظ المذيع ذلك، يتوجه لكيلا بالحديث قائلاً: شاهدنا الفنان كمال كيلا وهو يؤدي أغنية مع أحد "الأخوة الأفارقة".
دي نفس العقلية الخلّت عصام محمد نور يلبس السفنجة في الفيديو..
Quote: نفس المذيع استضاف شاعر ومغني متوسطاً الكنبة التي تضمهم الثلاثة ومحتلاً ثلاثة أرباع مساحة الكنبة.
وليه الضيق ده كلو؟ أصلهم مسجلين البرنامج في عربية؟
12-20-2007, 07:41 PM
abubakr
abubakr
تاريخ التسجيل: 04-22-2002
مجموع المشاركات: 16044
وبعديييييين ياجماعة ؟؟الواحد يعاين للساعة كل خمس دقائق نفسو الدنيا تليل ويمشي يتهمد ينوم وبلا فضائية وبلا لخمة فاضية ...قال تلفزيون قال ..الراديو مالو بس من غير مذيعيين ومذيعات ....
12-20-2007, 08:02 PM
abubakr
abubakr
تاريخ التسجيل: 04-22-2002
مجموع المشاركات: 16044
Quote: أول يوم .. إحدى القنوات السودانية، لا أدري أيهم (فهم كثر). أغنية مصورة للفنان عصام محمد نور (الأغنية بالطبع للكاشف في الأصل لكن who cares). سيناريو الأغنية يظهر عصام وهو يشارك أطفاله اللعب في الشارع وهو يرتدي ملابس casual بينما ينتعل "سفنجة". أثناء الأغنية يحمل طفله الرضيع ويركب السيارة "اليابانية، أو الكورية الصنع"، ثم منظر close up لعصام داخل كابينة السيارة أثناء القيادة ويجلس على حجره وفي مواجهة المقود ابنه الرضيع.
عيدك سعيد يا ابو علي .. انت برضو شفت الفيلم دة ؟؟ وانا كماااان ؟؟؟معقولة ؟ احنا سوينا شنو .. انا بحب صوت عصام وهسع مما شفت الفيلم ملخبت شوية
____________ الحق ياابوعلي ونجوان .. نسرين ظهرت والليلة "ام فريحانة" شوية عليها .. قالت الجمهور" سوداني تعرفه من الوهلة الاولي ..." .. يعني انا البربري دة يعرفوني كيف ؟ اجيب لي كمشة واجيكم ؟؟؟
(عدل بواسطة abubakr on 12-20-2007, 08:03 PM) (عدل بواسطة abubakr on 12-20-2007, 08:17 PM)
12-20-2007, 08:24 PM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
ياجماعة نسرين بتقول انو في هجمة ثقافات وافدة علي السودان ؟؟ وحسين خوجلي بيقول انو الثقافة السودانوية هي بتاعة امدرمان وكمال ترباس .. يعني انا هسع رطانتي دي وافدة علي الجماعة دييل ؟؟؟ عجيبة ....
12-20-2007, 08:35 PM
نجوان
نجوان
تاريخ التسجيل: 04-01-2006
مجموع المشاركات: 2641
ما محسوبة خالص ... حسين مفوه ويتكلم في مواضيع لا اظن نسريين تعرف عنها الكثير ونسرين لم تستعد ولم تعمل حساب من ستحاور وكيف تحاور وتستنبط موضوعا من حديث الغير ..نسرين ليست مذيعة حوار وربما تقدم برنامجا ولكن لن تدير حوارا مفيدا باسلوبها ومحدودية استعدادها الفكري لكل برنامج ...
12-20-2007, 09:28 PM
نجوان
نجوان
تاريخ التسجيل: 04-01-2006
مجموع المشاركات: 2641
البرم بفتح الباء.هو ما يتساقط من شجر الاكاسيا الطلح وهو اصفر اللون وعندما يجف يصير احمرا وفي اوله اخضر ...وعند اسفل شجر الطلح يتمازج المتساقط من برم بالوانه الاربع فيبدو كقماش القرمصيص الملون .....وقد اورد الفحل هذا في شرحه لبيت شعر ...
12-20-2007, 10:03 PM
نجوان
نجوان
تاريخ التسجيل: 04-01-2006
مجموع المشاركات: 2641
Quote: البرم بفتح الباء.هو ما يتساقط من شجر الاكاسيا الطلح وهو اصفر اللون وعندما يجف يصير احمرا وفي اوله اخضر ... وعند اسفل شجر الطلح يتمازج المتساقط من برم بالوانه الاربع فيبدو كقماش القرمصيص الملون ..... وقد اورد الفحل هذا في شرحه لبيت شعر ...
لوحة بديعة..
أهو انا ونسرين اختي طلعنا بمعلومة ..
12-21-2007, 02:19 PM
abubakr
abubakr
تاريخ التسجيل: 04-22-2002
مجموع المشاركات: 16044
ولا حاجة ...ولكن مفهوم التراث السوداني كما ينظر اليه حسين والفحل ما زال قاصرا علي مشكل مفهوم الوسط السوداني وودت لو امتدت نظرتهما الي كل السودان وكل ادوات الثقافة ...المعضلة السودانية في نظرة احادية لمكونات الثقافة والتراث ولذا تبقي الهوية الموحدة بعيدة المنال ... عموما الموضوع يبدو اكبر مما رتب له المخرج والمعد (ان كان هناك واحد/ة) ومن امكانات المذيعة او استعدادها له ...
12-20-2007, 10:24 PM
نجوان
نجوان
تاريخ التسجيل: 04-01-2006
مجموع المشاركات: 2641
Quote: والشروق تبدو ساعية بخطى حثيثة في نفس طريق الفضائية السودانية.. والنيل الأزرق.. دراب X دراب..
الشروق حتي اليوم وبعد ثلاث اسابيع "حلة عزابة " من السودانية والنيل الازرق وفضائيات تنضم بالعربي وغير العربي وهكذا لامقاديير ولا شيف واها الموجود بس الفرق الماعون والفرن الكهربائي وبكرة تنقطع الكهربا ونرجع للفحم والكانون ونواصل النفخ ...
12-21-2007, 01:49 PM
jini
jini
تاريخ التسجيل: 02-05-2002
مجموع المشاركات: 30716
Quote: يا الواردة ماشه على البحر ساعة الشمس يا دوب بتطلع --------- يالنازلة ماشة على الحرث ساعة الشمس يا دوب بتطلع والشعاع من بين فتيحات الغصون رقرق على قش الدرب مع الندى وقع متل خرز السبح خيطو انقطع
اللوبا في وسط الجرف من فرحه فجاله الدرب ونوارو مال فوق بعض وسوس وقال السمحة جات السمحة جات السمحة جات ولما انشبك نوارو في توبه الجديد مالت بشيش السمحة مالت وفكتو شان لاتحت نوارو لا تقطع صفق
شجر الطلح رمى البرم أصفر تحت أردافا (ها) مفروش قرمصيص
فيكي البحر يالسمحة اتقطع ترع أصبح بعيد أصبح بعيد والترعة وسط الرملة زي كبة عسل جابوها في صينية لي .... عري
12-21-2007, 01:35 PM
sanaa gaffer
sanaa gaffer
تاريخ التسجيل: 11-16-2006
مجموع المشاركات: 1238
"الشروق مرّت من هنا" برنامج يقدمه كوميدي اسمه محمد موسى..
متجولا مع فريق البرنامج للمعايدة على الناس في بيوتهم.. وإجراء مسابقات خفيفة وجوائز.. الفكرة حلوة أعتقد.. وتناسب العيد..
لكن..
من ضمن الأسر التي زارها .. أب يحمل طفلته الرضيعة.. فيسأله محمد موسى إن كانت طفلته الأولى.. يجيب الأب بالإيجاب فيقول محمد موسى له "انشالله تكبر.. وتجيب العريس.. وتملا الكيس" ولا يكتفي بذلك فيقول "اها حتكون عايز دفع تقيل.. ولا كيف؟".. فيجاريه الأب المحتار قائلا "أقساط ممكن"..
_____ الكوميديا عندنا.. ككثير من الأشياء.. تاتي كما تأتي كوميديان (او من يظن نفسه كذلك) .. مايكرفون .. وكاميرا والباقي حسب قسمة ونصيب المشاهد المسكين..
12-21-2007, 10:11 PM
نجوان
نجوان
تاريخ التسجيل: 04-01-2006
مجموع المشاركات: 2641
تقول المذيعة رهام عبدالرحمن للكوميدي الذي شارك في حملة البنك التسوقية مرتديا عراقي.. سروال وصديري "كويس جيتنا الليلة لابس كويس" .. كان اليوم ببدلة كاملة.. وتضيف.. "لبسة متخرطمة.. ومتحضّرة.."..
____ درس اليوم: الحضارة قميص وبنطلون.
12-21-2007, 10:23 PM
jini
jini
تاريخ التسجيل: 02-05-2002
مجموع المشاركات: 30716
Quote: تقول المذيعة رهام عبدالرحمن للكوميدي الذي شارك في حملة البنك التسوقية مرتديا عراقي.. سروال وصديري "كويس جيتنا الليلة لابس كويس" .. كان اليوم ببدلة كاملة.. وتضيف.. "لبسة متخرطمة.. ومتحضّرة.."..
والله يا نجوان انا مرات بتخيل لى ناسنا ديل بفصلوا هدومهم براهم (سيلف سيرفس )! مرات دراب المذيعات بكون درر فى الحتة دى! جنى
12-22-2007, 00:13 AM
jini
jini
تاريخ التسجيل: 02-05-2002
مجموع المشاركات: 30716
Quote: والشروق تبدو ساعية بخطى حثيثة في نفس طريق الفضائية السودانية.. والنيل الأزرق.. دراب X دراب..
يا الفي الجنوب حي الشمال يا الفي الشروق ليك شوقي طال يا الفي الغروب هاك لحني قال الذكريات نهضت بجيله وأنا كنت حاديها ودائماً دليلا حتمشى وين من الارث دا! وستظل فضائيتنا الام حادى الركب ودليله لدى ما تقولوا الروب! مرات بحسد اطفالى خير شر ما بجوا جنب قناة سودانية ولو دايرهم يشتتوا من جنبك افتحها ليهم! جنى
12-22-2007, 05:34 AM
abubakr
abubakr
تاريخ التسجيل: 04-22-2002
مجموع المشاركات: 16044
حلقة جميلة أهدتها لينا الفضائية السودانية.. واحدة من الدرر..
كنت سعيدة ايما سعادة لمشاهدة حلقة هذا المساء عن الفنون الشعبية.. الضيوف الاساتذة عبدالرسول النور.. وعبدالله حسب الرسول مختصان في مجال الفنون الشعبية..
وفرقة الفنون الشعبية للمسيرية وجبال النوبة..
إيقاع صاخب.. أزياء بألوان زاهية.. فيهاالقماش.. الجلود.. الريش الملوّن.. والودع.. رجال ونساء من بلادي.. يسردوا بإحساس وجمال حكاوي إرث ثقافي وانساني.. يقاوم الكثير..ليحتفظ بمساحة .. ولو صغيرة.. تحت شمس المليون ميل..
المكان الذي تم تسجيل الحلقة به.. غاية في الجمال.. لا زجاج.. ولا سيراميك.. بل حجر.. طوب أحمر.. أسقف خشبية.. وابواب مطلية بلون الشفق.. جدران تدّلت منها النباتات..
كان حديث المختصين مليان ودسم .. الا أني ايضا تمنّيت لو استضاف البرنامج من اهل المناطق نفسها لإثراء البرنامج .. وليشركونا اكثر..
ألف شكر!
______ تملكنّي فضول شديد لمعرفة المكان.. وفي تترات نهاية البرنامج كتبوه فندق ومطعم الساحة اللبناني!
يعني انتظرنا اللبنانيين ليهدونا ما كان بين متناول ايدينا!
12-22-2007, 07:34 PM
نجوان
نجوان
تاريخ التسجيل: 04-01-2006
مجموع المشاركات: 2641
نجوان كل سنة وانتي طيبة القناة الجديدة الشروق..وبينما كانت المذيعة (غير السودانية) تقرأ نشرة الأخبار وفي تغطيتها للعيد وفرحة العيد من خلال تقارير مراسلي القناة بمدن السودان المختلفة خاطبت أحد المراسلين قائلة :وكما ذكر( زميلك )من الدمازين..... احترت دا زميلو ولا زميلا وبيني وبين نفسي تساءلت من هو زميلها اذن؟؟؟؟
12-23-2007, 09:08 AM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
Quote: بت أخشى إن استضاف التلفزيون نميري – نعم نميري - أن يسأله المذيع: الفرق شنو بين العيد اسه و العيد زمان!!
وأيضا.. أطرف موقف مرّ بيك خلال الستطاشر سنة..
_____ سألوه أمبارح للضيوف في "ونسة دكاترة" بالنيل الأزرق.. ود. عمر خالد ما خلّى زول يتكلم غيره.. وعندما لا يقاطع أحد بسرعة .. مقدم البرنامج بيسأله "رأيك شنو يا د. عمر؟" وهكذا دواليك...
السؤال الذي يطرح نفسه .. وبإلحاح.. ما حكمة وجود د. عمر خالد ضيف كل يوم بالفضائيات المختلفة.. وان لم يكن ضيفا .. فيكون مقدما لأحد البرامج.. أو الأثنين معا كما حدث في السهرة الكارثة بالأمس..
ومع كل الإحترام.. إلا أن مقاطعات د. عمر المستمرة للضيوف وإستلامه للكلام.. فهو شئ مزعج .. ويزيد الطين بلّة!
12-23-2007, 10:08 AM
نجوان
نجوان
تاريخ التسجيل: 04-01-2006
مجموع المشاركات: 2641
فضائياتنا دي مابتحتاج مصاقرة كتيرة.. برامجهم طويلة .. ولانهم بيلتّوا ويعجنوا كتير.. ممكن تمشي مشوار وتجي تلقاهم في نفس النقطة.. وفي نص ساعة بس.. تطلع بما يعادل دراب شهرين تلاتة في القنوات الأخرى..
____ بعدين مع الخبرة.. يكفي عنوان البرنامج ومقدميه
(انت بالله عندك النيل الأزرق ولابد كده؟)..
12-23-2007, 10:57 AM
khaleel
khaleel
تاريخ التسجيل: 02-16-2002
مجموع المشاركات: 30134
يا ملاسى عدى صاحبى عامل فيها لبيس حقو الاقيك بيهو عشا تشفوا تعمل ليهو اسف داخلى عشا يقعد فى علبه! شفت ليك زول بلبس بنطلون احمر وقميص احمر!! ناس المطافئ ما بلبسو كدة! يقول ليك دا لون عودى ولا كبدى! غايتو فى الشنيف عندك حوبة!! جنى
12-24-2007, 04:04 PM
الزوول
الزوول
تاريخ التسجيل: 05-14-2003
مجموع المشاركات: 2463
............... نجوان ازيك بوستك ده ما داير ينتهي والا شنو ؟ ياخي جننتينا جن تعرفي الزول لما يكون نايم وا لحفلة تفوتو ... يصحى في آخرها يقوم يجيء يتاوق بفتحة الصيوان ويرجع لا عارف يدخل ... عشان الحفلة في آخرها وهو مسطح ما عارف كان حاصل فيها شنو ولا عارف يرجع يمشي يتم نومتو ياها حكايتي مع بوستكم ده اها كلمونا من هسة حفلتكم دي حا تستمر ..نقوم نلبس ونجي والا حتفرتكوا قريب ..نمشي ننوم !!!
............................. وما الناس إلا هالك وأبن هالك *** وذو نسب في الهالكين عريق
12-24-2007, 08:06 PM
نجوان
نجوان
تاريخ التسجيل: 04-01-2006
مجموع المشاركات: 2641
تعرف يا جني .. لو الزول البيصبغ الناس قالت ليهو البتعمل فيهو دا مضحك .. مضحك جداً! و لو الزول البيجعر الناس قالت ليهو البتعمل فيهو دا ما غنى! و لو الزول البيلبس عودي الناس قالت ليهو دا أحمر! كان بالتأكيد نسبتهم قلت .. و للا شنو!!
12-25-2007, 10:42 AM
mamkouna
mamkouna
تاريخ التسجيل: 12-05-2004
مجموع المشاركات: 2246
* سهرة (( بيت النغم )) كانت ممتعة..لولا إنو المذيع كان هستيري و كذلك وجدان النحاس! * لفتت نظري (( أفراح عصام ))...مستقبلها مُشرق بإذن الله. * إتذكرتكم في ختام سهرة (( ونسة دكاترة )) لمن المذيع قال ليهم.. موقف طريف مرٌ بيكم/ن.. و المؤسف إنو كل المواقف لم تكن طريفة على الإطلاق.. مما أفسد عليٌ جو السهرة الكان جميل. * ماعارفة ليه كل ما أشوف عمر محمود خالد..بتذكر الضجة الإعلامية الحصلت لمناقشة تسريحة دونالد ترامب..و هل دا شعرو و لا باروكة..! * كمال ترباس كان نجم العيد بلا منازع..! * كل ما أخش عشان أكتب تعليق...ألقى نجوان كتبتو!
12-25-2007, 10:50 AM
نجوان
نجوان
تاريخ التسجيل: 04-01-2006
مجموع المشاركات: 2641
البربري زعلان وحردان .. اول مرة 4 ايام اجازة ورا بعض .. اول مرة منذ اشتغلت هنا .. اها قت اكيد نجوان عارفة البرامج احسن مني وطبعا ما في زول زارنا فقعدت مرابط من الصبح الي الصبخ وشفت العجب ناس ام فريحانة وناس الما بخلو زولا غيرم ينضم وناس هايصيين في الفاضي وناس ما عارفة "البرم والقرمصيص " وناس الشروق انشاء الله يشرقو وريقم ينشف وبعدين ناس هارموني خاتين شاكوش كلو مرة كااااش وهيثم كامو والا كامبو .. الغريبة لقيت بنيه في ساهور عندها حضور ومقدرة علي الحوار واستنباط اسئلة من الضيوف بس الضيفيين كانو بيتكلمو بطريقة التلغراف ومرة واحد يخت نقطة والتاني شرطة ... زعلان يا ممكونة وانتي تقولي سهرة البتاع دييك عجبتك ؟ كيف يعني واللا بتجاملي لانهم اطباء اطفال ؟؟ وانا هسع شغال من يوم السبت من الصباح الي المساء والكريسماس الحولينا كلهم في اجازة بس معاي صوت المكيفات في الخلا دة ...
12-25-2007, 06:37 PM
jini
jini
تاريخ التسجيل: 02-05-2002
مجموع المشاركات: 30716
Quote: تعرف يا جني .. لو الزول البيصبغ الناس قالت ليهو البتعمل فيهو دا مضحك .. مضحك جداً! و لو الزول البيجعر الناس قالت ليهو البتعمل فيهو دا ما غنى! و لو الزول البيلبس عودي الناس قالت ليهو دا أحمر! كان بالتأكيد نسبتهم قلت .. و للا شنو!!
المشكلة يا ملاسى موش فى الصبغة والمشكلة فىاختيار نوع الصبغة فى درجات كتيرة من الاسود تقع بين الاسود والبنى واقربها الى السودانيين البلاك براون حتى ان المشاهد لا يمكن ان يلاحظها الا بالمقارنة مع عمر الشخص اذا كان متقدما فى السن تقدما واضحا ويمكن ان يغالط بان الشخص غير مصبغ! رسل قروشك وانا بخليك تتاجر فيها لمن تغنى لى جنى الجنى! ناس تلقى الواحد مصبغ تقول لستك جوانى من السواد! انا شخصيا لا استغرب عدم اهتمانا باللبس لانه علامة فارقة وماركة مسجلة لينا حتى فى الخارج! تعال شوف ناسنا لابسين هنا كيف يحيروك ما تعرف الواحد شاكى القميص ولا شاكى البنطلون! تلقاهو لابس شبط واضافرينو طوال ولو لقيتوا لابس جزمة تلقاها معفوصة من جانب لى هسة ما لاقانى سودانى لابس جزمة جديدة! ياربى قاعدين نشتريها مستعملة! واحد تلقى اثر قلم الحبر فى جيبوا ولو طلع الاقامة عشان يصورها يطلع ليك جزلان تاجر بقر شايل فيهو غيارو يا ربى! اذا لم نمارس النقد الذاتى لن نتقدم شبر واحد! اى حاجة مشى حالك والله ناسنا يحيروك فى البلد دى ربما نعذر اهلنا فى السودان لضيق ذات اليدين لكن برة السبب شنو ! المراة السودانية بطبيعتها كامراة محبة للزينة والنظافة ولا غبار عليها لا كين الجنس الخشن ومخشوشن حقنا ريحة مشى حالك كرفتة مشى حالك ويقول ليك قاد ابنى ! وبتبنى فى قصر الحمرا ولا فى قصر الصداقة! يا اخى وكت اشتريت ليك بدلة شنو التقشف فى الكرفتة ! احسن ليكم خلونى فى حالى افتح فيكم نار....! لسة ناسنا هناك الواحد بياكل البطيخة براهو! جنى
12-27-2007, 11:00 PM
نجوان
نجوان
تاريخ التسجيل: 04-01-2006
مجموع المشاركات: 2641
وأخيراً، جيت على نفسي و"غررت" - على حسب نطق الجماعة الذكرهم أبوبكر - متابعة نشرة الأخبار في تلفزيون السودان، متسلحاً بالطبع بحبة الضغط
أول حاجة لاحظتهاأن المذيع متأثر بصورة كبيرة جداً بمذيع الجزيرة الاسمه جميل عازر، في القعدة بالجنبة وطريقة الكلام وصرُة الوش
الخبر الأول كان عبارة عن Reaction story حول التعيينات الوزارية الجديدة. أعقبه حوار لجميل عازر (السوداني) مع أحد الوزراء الجدد من داخل الأستديو. الراجل حتى في الحوار الذي يتوجب فيه أن يواجه الضيف، لم يغير القعدة بالجنبة، والمنظر كان عجيب جداً.
قلنا معليش، على الأقل الـ story كانت informative. أها، يقوموا يجيبو الخبر التاني لمسئول رفيع في الحكومة وهو يستقبل وفد أجنبي رفيع أيضاً. المسئول بتاعنا، وفي خضم اللقاء مع الوفد الزائر، شال نضارته، ومسك طرف البدلة السفاري وهاك يا تنضيف وتلميع، والضيف يعاين ليه وهو متحير لماذا لم يدرسوه هذه الحركة البروتوكولية من قبل. حينها، انهار صمودي، وبدلاً عن محاولة الوصول لحبة الضغط، لجأت للـ"ضغط"، وبسرعة فائقة، على جهاز الريموت كونترول، وأنا أردد في سري "ضغط يكتلك .. وضغط يحييك".
لكن بيني وبينكم، تنضيف النضارة أحسن من اللوليح المتواصل للكرعين، وقيل، .. خلع المركوب.
12-27-2007, 11:23 PM
نجوان
نجوان
تاريخ التسجيل: 04-01-2006
مجموع المشاركات: 2641
أنا و الله ما بحبك تزعل يا حسن.. عشان كدا جبتَ ليك معاي دُرة!
قبل كم يوم و على قناة هارموني شفت تمثيلية بعنوان (( بعيداً عن الأمر ))..تأليف مصطفى أحمد الخليفة و إخراج محمد نعيم سعد و تمثيل مجموعة كبيرة من ناس فرقة الأصدقاء الزمان + وجوه شابة واعدة. تحكي التمثيلية عن أب مشغول عن زوجته و أبناءه..لكن تسنح ليهو فرصة بسفر زوجته لإعادة إكتشاف حبه لزوجته و تعلقه بأطفاله.. القصة جميلة و واقعية.. التمثيل جميل مافيهو إفتعال أو تشنج.. الديكور و الماكياج مناسب جداً..(( أرطال البودرة الزمان إختفت ))!
كانوا نجوم التمثيلية طفل و طفلة كان تمثيلهم في منتهى العفوية و الجمال. التحية و التقدير لكل من شارك في هذا العمل المتميز. ---------
ضغطك ما إنتظم شوية يا أبو علي!
12-28-2007, 06:53 AM
hassan bashir
hassan bashir
تاريخ التسجيل: 02-17-2006
مجموع المشاركات: 1302
تــــــــــــــــوبة يا نجوان. أنا قلت بس أطلع من حالة الإحباط وأنا أشاهد التغطيات المحمومة في كل الفضائيات للجريمة البشعة التي راحت ضحيتها السيدة بي نظير بوتو. أها قلت أمشي على جماعتنا وأنا متأكد أنهم آخر من يعلم وأكيد أخبارهم فيها حاجات غير مناظر القتل والتدمير. عموماً دي تجربة لا أعتقد أنها سوف تتكرر "غريباً"
الأخت ممكونة
Quote: ضغطك ما إنتظم شوية يا أبو علي
أكيد طبعاً، خاصة وانني معجب جداً بـ "النضال الثقافي" لفرقة الأصدقاء ومحاولاتهم الجادة لإرساء قاعدة لفن راقٍ وجميل، رغم انهم يعلمون جيداً أنهم يسبحون عكس التيار. المشكلة التي تواجههم الآن هي الغزو الذي يتعرضون له من فرق الكوميديا التي لم تتمكن حتى الآن من تحديد هويتها، فلا هي فرق تمثيل أو فرق نكات أو فرق استعراض. ديل كمان بدأوا يستضيفوا سهرات ويقدموا برامج
أتمنى من كل قلبي أن لا يصيب الإحباط مصطفى ورفاقه، رغم أن العمر يمضي. وأتمنى أن تمكنني الظروف من مشاهدة التمثيلية التي يبدو أنها جيدة الحبكة وخالية من التهريج ومحاولات استدرار الضحكات من المشاهدين
12-28-2007, 07:24 AM
abubakr
abubakr
تاريخ التسجيل: 04-22-2002
مجموع المشاركات: 16044
Quote: كانوا نجوم التمثيلية طفل و طفلة كان تمثيلهم في منتهى العفوية و الجمال.
الاب قال حيذاكر للبنية و اها " الغارعة ماادراك ما الغارعة " وهو عايز البنية تقرا وراه .. لكن هي عارفة انو " القارعة ما ادراك ما القارعة " .. مسكينة بقت تعاين للزول "الهو ابوها في التمثيلية "...... وبرضو ممكونة تجي وتقول "كان التمثيل جميل " و حاجات وحاجات وترفع سكري وضغط البربري
(عدل بواسطة abubakr on 12-28-2007, 07:25 AM) (عدل بواسطة abubakr on 12-28-2007, 07:26 AM)
12-28-2007, 08:45 PM
نجوان
نجوان
تاريخ التسجيل: 04-01-2006
مجموع المشاركات: 2641
الشف البربري حيعمل ليك احسن قهوة في الدنيا بس فنيشهم اول .. انا خلاااااص ...اها حزنان علي فاروق كدودة ويجي يكتلو بنازير والجماعة قالو برنامج اسبوعي "افراح وافراح " اها العريس يقول كلام وكلام وكلام عن "الحياة " الزوجية من وجه نظر السيد الراجل ومذيعنا المغوار يلتفت الي العروس " اها و"حياة " المطبخ كيف ؟ "....اختصر كل دورها الي حياة المطبخ وفي نفسي الوقت الباكستانيين كانو كتلو بنازيير الاتحدت العالم الجبانات وتحذيرات الموت والقتل قائلة مرة " انها لو انشغلت بذلك -اي الموت- لهزمت نفسها والشعب الباكستاني الذي يرجو فيها عودة الي ديمقراطية " ... مرة كتبت نداء لعودة الكنداكات الي حكم البلاد وما زال موجودا في مدونتي بعنوان "نوستالجيا وعشق لزمان الكنداكات -هل السوداني محب لبلده واهله "http://sidahmed.blogspot.com/2006_04_01_archive.html" .. انا ما عارف ليه بطلت اكتب في مدونتي وشاغل نفسي بقضائياتكن يا ممكونة القالت "التمثيلية كويسة ؟؟ " دة كلام .... انا مخاصمكم ...
انتي ما سمعتي واحد تاني عمل برنامج عن فنان وشاعر غنائي والموضوع فيهو غين كتيير و بعدين بقي كلو "قاء" " الشاعر القنائي .. و اقنية .. وقناء .... "..... انا عايز اعرف ليه زمااانك كانو بيجلدونا في مدارس حلفا لو رطنا ... يعني الحاصل هسع في الفضائيات كويس ؟ ما كانو يعلمو الجماعة دييل رطانة ويخلو التلفزيون بالرطانة واهو لا غيين ولا قيين .... جنس حالة ...غال مذيع غال .....
12-28-2007, 03:37 PM
jini
jini
تاريخ التسجيل: 02-05-2002
مجموع المشاركات: 30716
شوفى عينى البياكلها الدود وما بهتو وزير الدفاع عبدالرحيم ابو عصاية والذى تقع تحت مسئولية وزارته المحميات الطبيعية! لابس مركوب جلد نمر وبهوزز فى رجلينو! وزير دفاع يلبس مركوب نمر فى اى دولة فضيحة توجب استقالتو باعتباره مشجعا للبس مركوب النمر اى مشجعا على قتله واصطياده! جنى
12-28-2007, 06:34 PM
abubakr
abubakr
تاريخ التسجيل: 04-22-2002
مجموع المشاركات: 16044
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة