درر ودرّاب... مقتطفــات فضــائية.. فاضية...

Quote: ما عارف لو استمريت استمع ليهو اهاجر اروح وين بعد دة كلو تلاتين سنة مهاجر و الزول دة يهجر الواحد الي لظي ...

يا ساتر!

Quote: كويس ما قلت ليك ( عمى كباسه ) تحرج المذيع كثيرا من هذه ( الدرابة الكبيرة ) وأبتسم !!!

يعني لو ما جات من المذيع.. بتجي من الضيف..
الله يكون في العون!
__
هو اساسا يا عثمان
عمي فلان وخالة فلانة دي يجب تجنبها في التعامل الرسمي..
يعني استاذ.. سيد.. سيدة... او لقب علمي
اعتقد كافية للتخاطب بإحترام في جهاز اعلامي..

لكن تقول شنو!

Quote: وسعدالدين didn't do his homework

Quote: و لا تلقوا بالاً لأدائه في البرامج الحوارية

Quote: نصيحة لمعجبي منير؛ استمتعوا بأغانيه .. و لا تلقوا بالاً لأدائه في البرامج الحوارية.

Quote: بتاع النشرة الجوية في نهاية الحلقة قال: تشرق الشمس عند السادسة وخمس وعشرين دقيقة وتغرب عند السابعة واتنين وعشرين دقيقة, شكرا دقيقة!!!

Quote: ان اللجنة رفضت احد المذيعين الجدد بدعوى ان وجهه برئ وليس لديه شنب

Quote: بس أعتقد إنو درٌاب السهرة كانت عفاف حسن أمين..

بمشاهدة برنامج ليها..
وأحمّل -ايضا- فريق الإعداد لهذا البرنامج المسئولية..

معاك الموضوع كان مهم..
والسيدات المستضافات كان ليهم شئ قيّم يقدمنه..

لكن..
عفاف لم تؤدي دورها بالصورة التي يمكن أن تنظم الحوار
وتقود البرنامج.. الذي كان ماشي بالبركة كده..
عفاف كانت تلقي بالدرّاب .. تقريبا كل مرّة تداخلت فيها مع الحضور

كانت لدي تحفظات تجاه استرسال الضيفة في تفاصيل طلاقها..
وانتقاد الحضور -بشدة- وحكمهم على الزوج الذي لم يكن حاضرا ليدلي بجانبه من القصة..
(كتّر خير حيدر بورتسودان اشار لهذه النقطة)..
إلا إذا كان احد أغراض البرنامج اغتيال شخصية ذلك الزوج

واضح أن قناة النيل الأزرق لا تميّز
بين الإعلامي وهو يؤدي عمله.. كمحاور
وزول ساكت كده لاقيته وتحادثت معه؟؟
___

Quote: ناس في (( التهجد )).. و .. ..ناس في (( التهجج ))

تهجج التابا واليابا يا بت امي

Quote: أدعوا لكم بدوام الصحة والعافية .. وأنتم لا تشاهدون القنوات السودانية ... قومية كانت أو خاصة

Quote: هل .. وهل .. وهل يصلح العطار ما افسده الدهر ... ؟؟ أو كما يقال حتى لا تصاب جميعا بالضغط والسكري والفشل الكلوي !!!!! أدعوا لكم بدوام الصحة والعافية .. وأنتم لا تشاهدون القنوات السودانية ... قومية كانت أو خاصة !!!

Quote: الكلام ومحتواه..

Quote: تقصد مستحيلة؟؟

Quote: ساله سعدالدين: "والصوت الرويان ده من السمك؟"

Quote: الحمدلله الما قال ليهو بيت الورثة حق جدكم بعتوهوا ولا لسة! لكن بسويها صبرك!

Quote: اصبحت التخصصات في مجال التلفزيون متعدده ودقيقة والتي نفتقدها في السودان ودليلي على ذلك التخبط الذي اصبح سمة تميز( شاشتنا عن سائر شاشات خلق الله ) فالوجع ياعزيزي قد طال وامتد وشمل كل اجهزتنا الاعلامي , ولاحياة لمن تنادي سافرد حيزا معتبرا لجانب التدريب والتطوير الذي ينبني عليه عمل هذه الاجهزة

Quote: يا اهل الدار في مشاكل في تلقزيون السودان الما تجاري اصلا ما بتصلح رغم انو لو شلت نفس الناس البعملو الشغلانة دي ووديتهم في قناة تجارية بتغيرو ويتحسنو : اللبس الديكور الاضاءة اللبس : يعني هسع المذيع والمذيعة يلقطو اي حاجة في المعلاق او الحمار او الدولاب وجري علي الاستوديو واللا في زولا يحدد اللبس يكون كيف؟ يعني كيف واحدة تكون لابسة كذا حاجة وفوقها بالطو ومذيع لابس كذلك بدلة وسديري في شهر مايو.. يعني كيف في نفس الجهاز ونفس اليوم والساعة واحدة لابسة توب والتانية بالطو والتالته طرحة او لبسة افريقية ووووكذلك المذيعيين .... الديكور : انا لو عرفت القلل وكراسي الحديد والصناديق الفاضية والورق البلصقو فوق تربيزة والشجر البلاستيك والمصطبة بتاعة الخشب والالوان الحمرا والزرقا دييل قصتم شنو ؟ الاضاءة : يعني لازم الكشاف تووش علي الوش او القفا او الجزمة ؟ دة لييييييه

Quote: الكلام عن امدرمان .. وناسها..

!!

Quote: باللاهي – ناس بشرى النور - يتكلموا ليك عن امدرمان التقول بحري !!

Quote: نظريتك شنو يا خضر الطيب انك تكتب الكلام مايل؟!!

لانو الحال مايل

(عدل بواسطة خضر الطيب on 10-05-2007, 10:31 PM)

Quote: الامريكية وتفترض هذه الدراسة ان يكون مدير المؤسسة الاعلامية متخصصا في الادارة والاعلام , حيث انه اذا كان متخصصا في مجال الادارة فهو اداري لاعلاقة له بالاعلام وان كان اعلاميا فنجده لاعلاقة له بالجوانب الادارية .

Quote: واضح ان مديرنا لا هو متخصص في مجال الإعلام ولا مجال الإدارة..

Quote: الاخ/ خضر الطيب ســـــــــلامات متابع من فترة ما كتبت بموضوعية عن التلفزيون وعلاته المزمنة ولكن الاهم من ذلك الكوادر الغير مؤهلة هى الطامه الكبرى. السنه الفاتت كنت فى اجازة وذهبت مع صديق لزيارة التلفزيون واصبت بى دهشه حقيقة ,فى المونتاج عندهم AVID وبنسبه للصوت PRO-TOOLS والمعروف دى افضل السوفت وير بالنسبه للصوت والصورة. لكن حدث ولا حرج مافى كوادر مؤهلة.

Quote: فليست المشكلة تطور الاجهزة من عدمه رغم اهميتها , ولكن توظيف هذه الاجهزة التوظيف الامثل والاستفادة القصوى من امكانياتهاوهذا قصور في التدريب

Quote: قابلت الاستاذ عبد الله اسماعيل وهو مواطن اماراتي وكان في ذلك الوقت مديرا لتلفزيون ابو ظبي في بداية التسعينات ذكر لي الكثير عن هؤلاء النفر الذين تعلم منهم ابجديات العمل الاعلامي ,

Quote: الفنان عماد احمد الطيب.. يغني بصعوبة..غريبة .. خصوصا الأغنية الأولى..

Quote: بفتكر السهرة دي من (( الدُرٌر )) الفضائية....الإستثناء.

(عدل بواسطة jini on 10-07-2007, 00:03 AM)

Quote: كان يدوها لى سعد الدين!

لا ..
لانه سعدالدين كان مشغول بالعواسة في الجزء التاني من "مع محمد منير"..
___
تعرف من اللحظات الأكثر ايلاما
لما سعدالدين يتفلسف زيادة.. ويدخل في شخصية كدا..
يشوّح بإيديه ذات اليمين وذات اليسار..
يرفع حواجبه
ويعطّش الجيم..
وبعد ده كله... نفس الأسئلة الدرّاب

أووووف!

Quote: بفتكر السهرة دي من (( الدُرٌر )) الفضائية....الإستثناء.

____
سهرة البعيو والبوني؟
حرام عليك يا ممكونة تجيبي سيرة البحر
انا بذلت جهد ما عادي عشان انسى السهرة الكارثة دي..

Quote: كل مرة يديها لحن جديد

____
صباحك فل يا باش..

Quote: يعني الراجل عايز يمنع عنكم الملل..

Quote: أتمنّى: 1. أن يدرس اصحاب الشأن أوجه القصور في الفضائيات الأخرى ويحاولوا أن يتحاشوها 2. أن تبتعد الشروق عن الإعلاميين الكروتهم محروقة خلال قنوات أخرى 3. أن تبتعد الشروق -by all means- عن مبنى التلفزيون القومي وموارده لأن من جاور السعيد يسعد.. والعكس صحيح.. 4. أن تتجنّب الدراما السودانية (ضمن درامات أخرى).. في وضعها الحالي.. 5. ألا تتعاقد مع سعد الدين.. عوض ابراهيم عوض.. أو علي مهدي..

1. للأسف الشديد أصحاب الشأن stakeholders هم المؤتمر الوطني. وطبعاً ديل كلمات زي يدرس ويعي ويتحاشى دي are not in their vocabulary

2. طالما هي قناة موجهة وتم تأسيسها لغرض معين (بوق إنتخابي)، فإن الكروت المحروقة هي التي ستسير الأمور
3. By all means القناة بعيدة عن مبنى التلفزيون لأنها based in DMC وما أدراكي ما الـ DMC حيث الفطور في مطعم زيارة اللبناني والغداء في مطعك لا موداالإيطالي، والضحك والفشخرة والتدخين وسط (ومع)حسناوات الإم بي سي والعربية
4. الدراما والتلفزيون الرسالي زي مسلسل الـ sitcom المسمى دارما آند غريغ. زواج غير متكافئ ولكنه مستمر
5. شكلنا كدة ح نشوف عوض إبراهيم عوض وهو يتضرع في شوارع دبي زي ناس محمد خير و زعيط ومعيط. الله يكضب الشينة

(عدل بواسطة hassan bashir on 10-07-2007, 09:00 AM)

Quote: شكلنا كدة ح نشوف عوض إبراهيم عوض وهو يتضرع في شوارع دبي زي ناس محمد خير و زعيط ومعيط. الله يكضب الشينة

..

معليش .. كان نفسي اطمئنك..
لكن بالكضب؟؟

Quote: معليش .. كان نفسي اطمئنك..

Quote: وفعلا شفت عوض ابراهيم عوض في نص المناسبة ..

Quote: لا اري في الشروق ولا غيرها من القنوات السودانية ما يجعلها تنافس طالما العقلية التي وراءها هي ذاتها

Quote: عزيزي خضر ..وهو كذلك فانا عندما اتيت اليها في الربع الاخير من السبعينات كانت وزارة الاعلام-تلفزيون وراديو وادارة- وبعض الصحف فيهاالكثير من الاعلاميين ممن ارسلهم نميري ليعينو اهلل هذه البلاد الطيبة .. كانت اسماء كحمدي بدالدين وحمدي بولاد واسماعيل طه ما زالت تساهم بخبرتها في المجال الاعلامي في الامارات .. حتي السينما المتجولة اتو بها..ربما كان ذلك علي حساب الرصيد في الداخل وبالتالي تناقصت اعداد المتخصصين في الاعلام في الداخل الي ان نضب المعين لاسباب اقتصادية وسياسية وغيرها ... نجاح التلفزيونات/الاعلام في الامارات الان هو لاهتمام المسئوليين بتطويير العمل الاعلامي وفق معايير اليوم ( هذا ما كان يفعله الاعلام السوداني في ستينات القرن الماضي ووقف عند ذلك !!).. كثرة الفنوات ليس تطويرا الم يواكبه اهتمام بمن يديرها من كوادر ادارية وفنية ...الاختيار العشوائي او السياسي العشوائي للكوادر اصاب كل مناح العمل العام في بلادنا في مقتل فصار العمل العام السوداني منتجا للفشل الذي يتكاثر بتكاثر اعداد هؤلاء والاعلام ليس استثناء رغم تاريخ جيد له في ماضي بعيد...